មន្ត្រីស្ថានទូតចិនបាននិយាយថា កិច្ចប្រជុំដែលបានគ្រោងទុកមួយរវាងរដ្ឋមន្ត្រីការបរទេសចិន និងវៀតណាម នោះ ត្រូវបានលុបចោលនៅខាងក្រៅការប្រជុំគ្នាក្នុងតំបន់ ចំពេលមានភាពតានតឹង កាន់តែខ្លាំងឡើងរវាង ប្រទេសទាំងពីរលើបញ្ហាសមុទ្រចិនខាងត្បូង។
វៀតណាមបានប្រើប្រាស់ភាសាដែលបានបង្ហាញពីការព្រួយបារម្ភអំពីការកសាងកោះ និងបានរិះគន់ទៅលើ ការធ្វើយោធូបនីយកម្មនៅសមុទ្រចិនខាងត្បូង នៅក្នុងសេចក្តីថ្លែងការណ៍ មួយកាលពីថ្ងៃ អាទិត្យពីរដ្ឋមន្ត្រី ការបរទេសអាស៊ាន។
មន្រ្តីស្ថានទូតចិនមិនបានផ្តល់ហេតុផលណាមួយ ចំពោះការលុបចោលកិច្ចប្រជុំដែលបានគ្រោងធ្វើនៅថ្ងៃចន្ទ នៅទីក្រុងម៉ានីល រវាងលោក Wang Yi របស់ចិន និងលោក Pham Binh Minh របស់វៀតណាមនោះទេ។
មន្រ្តីក្រសួងការបរទេសចិនម្នាក់បាននិយាយថា ពួកគេបានជួបគ្នារួចហើយ។ ក្រសួងការបរទេសវៀតណា មមិនបានឆ្លើយតបភ្លាមៗចំពោះការស្នើសុំធ្វើអត្ថាធិប្បាយទេ។
បណ្តាញផ្សព្វផ្សាយព័ត៌មានរដ្ឋនៅក្នុងប្រទេសវៀតណាមបាននិយាយថា ក្រុមរដ្ឋមន្ត្រីបានរៀបចំកិច្ច ប្រជុំដាច់ដោយឡែកមួយ ហើយបានផ្លាស់ប្តូរទស្សនៈគ្នា។ វាបានបង្ហាញរូបភាពនៃការចាប់ដៃរបស់ពួកគេ។
ទោះបីជាភាសាក្នុងសេចក្តីថ្លែងការណ៍របស់អាស៊ានបានឆ្លុះបញ្ចាំងថា កាលពីប៉ុន្មានឆ្នាំមុនប្រទេសមួយ ចំនួនដែល បន្តទំនាក់ទំនងពាណិជ្ជកម្មកាន់តែស៊ីជម្រៅជាមួយទីក្រុងប៉េកាំង ដូចជាប្រទេសកម្ពុជា និងហ្វីលីពីន បានទាមទារឱ្យទម្លាក់ចោល។
ចិនមានការប្រុងប្រយ័ត្នណាស់ចំពោះការបង្ហាញណាមួយដោយអាស៊ាន ចំពោះការដែលចិនចាក់ដីនៅ លើតំបន់ថ្មប៉ប្រះទឹកចំនួន ៧ កន្លែង និងការសាងសង់យោធារបស់ខ្លួននៅក្នុង សមុទ្រចិនខាងត្បូងដែល ខ្លួនទាមទារស្ទើរតែទាំងមូល បើទោះបីជាមានការទាមទារពីប្រទេសចំនួន ៥ ផ្សេងទៀតក៏ដោយ។
ភាពតានតឹងបានកើនឡើង ចាប់តាំងពីខែមិថុនា នៅពេលដែលវៀតណាមខឹងសម្បារចិនដោយការខួងប្រេង និងឧស្ម័ននៅក្នុងប្លុកសមុទ្រនៅប៉ាស៊ីហ្វិក ដែលទីក្រុងប៉េកាំងមានជម្លោះ។ ការរុករកនេះត្រូវបានផ្អាក បន្ទាប់ពីមានការតវ៉ាការទូតពីចិន។
បន្ទាប់ពីកិច្ចប្រជុំអាស៊ាន រដ្ឋមន្ត្រីការបរទេសចិនបានអំពាវនាវដល់ប្រទេសមួយចំនួន ដែលបានសម្តែងការ ព្រួយបារម្ភជុំវិញការចាក់ដីបំពេញកោះ។
លោក Wang បាននិយាយថា ចិនមិនបានអនុវត្តការចាក់ដីក្នុងរយៈពេលពីរឆ្នាំនេះទេ។ គាត់បានបន្ថែមថា «នៅខណៈពេលនេះ ប្រសិនបើអ្នកសួរថាតើអ្នកណាជាអ្នកចាក់ដីបំពេញនោះប្រាកដណាស់គឺះ កាមទារ្លែង ចាក់ដីនៅលើតំបន់ះការបង្ហាញណាមួយដោយស់ខ្លួន ក៏ដូចជាអំណាចឈរ ជើងយូររបស់ខ្លួនមានតុល្យភាព។
របស់ខ្លួននៅក្នុងតំពមិនមែនចិនទេ ប្រហែលវាគឺជាប្រទេសណាមួយដែលលើកបញ្ហានេះឡើងជាអ្នកកំពុងតែធ្វើរឿងនោះ»។
រូបភាពពីផ្កាយរណបបានបង្ហាញថា វៀតណាមបានអនុវត្តការងារចាក់បំពេញដីនៅតំបន់ពីរក្នុងសមុទ្រដែលមានជម្លោះក្នុងប៉ុន្មានឆ្នាំថ្មីៗនេះ។
កាលពីថ្ងៃអង្គារ កាសែត China Daily ដែលគ្រប់គ្រងដោយរដ្ឋបានដកស្រង់ប្រភពមិនបញ្ចេញឈ្មោះដោយនិយាយថា វៀតណាមបានព្យាយាមធ្វើឱ្យមានការជួកចិត្តចាប់អារម្មណ៍យ៉ាង ខ្លាំងអំពីបញ្ហាចាក់ដីបំពេញនោះនៅក្នុងសេចក្តីថ្លែងការណ៍រូម ដោយចង្អុលបង្ហាញថា វៀតណាម បានពន្លឿនការចាក់ដីបំពេញកោះរបស់ខ្លួននៅក្នុងសមុទ្រចិនខាងត្បូង។
កាសែតនោះបានដកស្រង់ប្រភពមួយដោយនិយាយថា «មិនមានការសង្ស័យទៀតទេ អ្វីដែលវៀតណាមបានធ្វើនោះ គឺជាល្បិចរបស់ចោរទេ»។
ប្រទេសអូស្ត្រាលី ជប៉ុន និងអាមេរិកកាលពីថ្ងៃចន្ទ បានជំរុញអាស៊ីអាគ្នេយ៍ និងចិនឱ្យធានាថា ក្រមប្រតិបត្តិរបស់សមុទ្រចិនខាងត្បូងដែលពួកគេបានប្តេជ្ញាដើម្បីរៀបចំឡើងនេះ អាចនឹងមានចំណងផ្លូវច្បាប់ ហើយបាននិយាយថា ពួកគេបានជំទាស់យ៉ាងខ្លាំង ចំពោះទង្វើ «បង្ខិតបង្ខំឱ្យ មានសកម្មភាពឯកតោភាគី»។
ចិនបានជំទាស់យ៉ាងខ្លាំងចំពោះអ្វីដែលខ្លួនហៅថា ការជ្រៀតជ្រែកពីប្រទេសក្រៅតំបន់នៅក្នុងបញ្ហាសមុទ្រចិនខាងត្បូង។
កិច្ចប្រជុំរដ្ឋមន្ត្រីការបរទេសជប៉ុន លោក Taro Kono នៅខាងក្រៅនៃវេទិកាសន្តិសុខក្នុងតំបន់នៅទីក្រុងម៉ានីល កាលពីថ្ងៃចន្ទ លោក Wang បានជំរុញឱ្យជប៉ុន គោរពកិច្ចខិតខំប្រឹងប្រែងរបស់ចិន និងបណ្តាប្រទេសអាស៊ាន ហើយដើរតួស្ថាបនាយ៉ាងសំខាន់សម្រាប់សន្តិភាព និងស្ថិរភាពក្នុងតំបន់។
ក្រសួងបានដកស្រង់សម្ដីរបស់លោក Wang ដោយនិយាយថា «កុំធ្វើឱ្យមានបញ្ហានៅពីក្រោយខ្នងនៃបណ្តាប្រទេសផ្សេងទៀត និងបង្កជម្លោះ»៕
No comments:
Post a Comment