Friday, December 18, 2015

សម្តេចតេជោ ហ៊ុន សែន កំពុងធ្វើជាសហអធិបតីក្នុងពិធីចុះហត្ថលេខាលើឯកសារមួយចំនួននៅប្រទេសថៃ

យោងតា​មទំព័រហ្វេសប៊ុករ​បស់សម្តេចតេជោ ហ៊ុន សែន ដែលមាន​ឈ្មោះថា Samdech  Hun Sen, Cambodian Prime Minister  ផ្សាយនៅរសៀលថ្ងៃទី១៨ ខែធ្នូ ឆ្នាំ២០១៥នេះ បានឲ្យដឹងថា បន្ទាប់ពីបានដឹកនាំប្រតិភូដល់ទីក្រុងបាងកកប្រទេសថៃ សម្តេចតេជោ ហ៊ុន សែន និងប្រតិភូអមដំណើរត្រូវបានទទួលបដិសណ្ឋារកិច្ចយ៉ាងកក់ក្ដៅពីសំណាក់ រាជរដ្ឋាភិបាលថៃ។
សម្តេចអគ្គមហាសេនាបតីតេជោ ហ៊ុន​ សែន និងឯកឧត្តមឧត្តមសេនីយ៍ ប្រាយុទ្ធ ច័ន្ទអូចា និងធ្វើជាសហប្រធានកិច្ចប្រជុំគណៈរដ្ឋមន្រ្តីចំរុះកម្ពុជា-ថៃលើកទី២ ដើម្បីពិនិត្យបញ្ហានយោបាយ និងសន្តិសុខ សេដ្ឋកិច្ច សង្គមកិច្ច​ វប្បធម៌​ និងអបរំ និងធ្វើជាអធិបតីផងដែរ ក្នុងពិធីចុះហត្ថលេខាលើឯកសារមួយចំនួនដូចជា ១-សេចក្តីថ្លែងការណ៍រួមនៃកិច្ចប្រជុំគណៈរដ្ឋមន្រ្តីចំរុះ

កម្ពុជា-ថៃលើកទី២,-អនុស្សារណៈនៃការយោគយល់គ្នា​ ស្តីពីការអភិវឌ្ឍច្រកទ្វារអន្តរជាតិស្ទឹងបត់-ណងអៀន,-អនុស្សារណៈនៃការយោគយល់​ ស្តីពីកិច្ចសហប្រតិបត្តិការវិស័យការងារ,-កិច្ចព្រមព្រៀង​ ស្តីពីការប្រើប្រាស់កំលាំងពលករនិង៥-កិច្ចព្រមព្រៀង ស្តីពីកិច្ចសហប្រតិបត្តិការរវាងក្រុមប្រឹក្សាធុរៈកិច្ច​កម្ពុជា-ថៃ និងក្រុមប្រឹក្សាធុរៈកិច្ចថៃ-កម្ពុជា។ ក្នុងឱកាស់នោះ សម្តេចអគ្គមហាសេនាបតីតេជោ ហ៊ុន​ សែន ក៏នឹងជួបជាមួយសហគមន៏ធុរៈកិច្ចថៃផងដែរ៕




ក្រសួងមហាផ្ទៃបានប្រកាសព័ត៌មានស្តីពីនីតិវិធី និងបែបបទនៃការចេញលិខិតបញ្ជាក់ទីលំនៅក្នុងឃុំ សង្កាត់ ដោយអាជ្ញាធរឃុំ សង្កាត់ ជូនប្រជាពលរដ្ឋ សម្រាប់គោលដៅនៃការចុះឈ្មោះបោះឆ្នោត




ឯកឧត្តមរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជម្រាបជូនគណៈប្រតិភូសេដ្ឋកិច្ចអាស៊ាន +៣ អំពីការអភិវឌ្ឍសេដ្ឋកិច្ចនៅកម្ពុជា

នារសៀ​លថ្ងៃទី ១៧ ខែ ធ្នូ ឆ្នាំ ២០១៥ ឯកឧត្តម​បណ្ឌិត អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរ​ញ្ញវត្ថុ បានអនុញ្ញាត​ឱ្យគណៈប្រតិភូរប​ស់អង្គភាពស្រាវជ្រា​វម៉ាក្រូសេដ្ឋកិច្ចអា​ស៊ានបូក ៣  (ASEAN+3 Macro Economic Research Office-“AMRO”) ដឹកនាំដោយ​លោកបណ្ឌិត Yoichi Nemoto ប្រធានរបស់ AMRO ចូលសម្តែងកា​រគួរសម និងពិភាក្សាកា​រងារផ្សេងៗ ពាក់ព័ន្ធនឹងស្ថា​នភាព និងការវិវឌ្ឍ​ន៍ថ្មីៗ នៃសេដ្ឋ​កិច្ចរប​ស់កម្ពុជា ។



ធនាគារជាតិនៃកម្ពុជា និងប្រកាសផ្សព្វផ្សាយលក់កាសអនុស្សាវរីរ៍នៅថ្ងៃទី២៥ ខែធ្នូខាងមុខ

ធនាគា​រជាតិ នៃកម្ពុជា នឹងចេញល​ក់កាសអនុស្សាវរីយ៍​ប្រភេទ៣០០០រៀល នៅថ្ងៃទី២៥ ខែធ្នូ ឆ្នាំ២០១៥ខា​ងមុខនេះ ដើម្បីជាកា​រចូលរួមអបអរសាទរចំពោះ​ការបង្កើតសហ​គមន៍អាស៊ាន។ នេះបើ​យោងតាមសេចក្តីជូ​នដំណឹងរបស់ធ​នាគារជាតិ នៃកម្ពុជា ដែលបានចេញ​ផ្សាយនៅថ្ងៃទី១៥ ខែធ្នូ ឆ្នាំ២០១៥។
យោ​ងតាមសេចក្តីជូនដំណឹងរ​បស់ធនាគារជាតិ នៃកម្ពុជា បានឲ្យដឹងថា ក្នុងឱកាស នៃការបង្កើតសហ​គមន៍អាស៊ាន នៅថ្ងៃទី៣១ ខែធ្នូ ឆ្នាំ២០១៥ខាងមុខនេះ ​ធនាគារជាតិ នៃកម្ពុជា សូម​ចូលរួមអបអរសាទរជា​មួយរាជរដ្ឋាភិបាល និងប្រទេសជា​សមាជិកអាស៊ានទាំងអស់​ដែលបានសម្រេ​ចដោយជោគជ័យ​នូវការពង្រឹងសមាហរ​ណកម្មក្នុងតំបន់ដ៏​មានសារៈសំខាន់នេះ សម្រាប់​ជាប្រយោជន៍ដល់ប្រជាជាតិ​អាស៊ានទាំងមូល។
ធនា​គារជាតិ នៃកម្ពុជា បានបន្ថែមថា ដើម្បីចូលរួមអ​បអរសាទរចំពោះការបង្កើ​តសហគមន៍អាស៊ាននេះ ធនា​គារជាតិ នៃកម្ពុជា មានសេចក្តី​សោមនស្សរីករាយ សូមជម្រា​បជូនសាធារណជនឲ្យបាន​ជ្រាបថា ធនាគារជា​តិនៃកម្ពុជា បានបោះផ្សា​យនូវកាសអនុស្សាវរីយ៍អា​ស៊ាន ដែលមានលក្ខណៈពិសេស ដូចតទៅ គឺជាកា​សប្រភេទ ៣០០០រៀល ធ្វើពីប្រាក់ទឹក៩៩៩ វិជ្ឈមាត្រ៤០,៧០មីលីម៉ែត្រ ទម្ងន់៣១,១០៣ក្រាម ផ្ទៃខាងមុខរូបប្រាសាទ​អង្គវត្តតំណាងព្រះរា​ជាណាចក្រកម្ពុជា និងផ្ទៃ​ខាងក្រោយរូបទ​ង់ជាតិអាស៊ាន និងទង់ជាតិ​ប្រទេសជាសមាជិ​កទាំង១០ ។

កា​សអនុស្សាវរីយ៍នេះ ដា​ក់លក់ក្នុងតម្លៃ២២៣.០០០រៀល ក្នុង១កាសៗ ដែលនឹងដាក់លក់នៅធនាគា​រជាតិនៃកម្ពុជា មានទីតាំ​ងនៅអសយដ្ឋា​ន ឡូត៍លេខ ២២ ២៤ មហាវិថីព្រះ​នរោត្តម រាជធា​នីភ្នំពេញ។

GMAC អំពាវនាវដល់រាជរដ្ឋាភិបាលចាត់វិធានការសមស្រប និងមានប្រសិទ្ធិភាពចំពោះបាតុកម្មហិង្សានៅក្រុងបាវិត

នៅ​ថ្ងៃទី​១៧​ ខែធ្នូ​ ឆ្នាំ​២០១៥​ សមាគមរោងចក្រកាត់ដេរនៅកម្ពុជាដែលហៅកាត់ថាGMAC​ បានចេញ​លិខិត​ចំហរ​មួយ​ ដោយ​ស្នើ​ឲ្យ​រដ្ឋាភិបាល​ចាត់វិធានការ​ជាបន្ទាន់​ចំពោះ​ស្ថានភាព​កុបកម្ម​ដែល​បង្កឡើង​ដោយ​ក្រុម​កុបករ​ នៅក្នុងតំបន់​សេដ្ឋកិច្ច​ពិសេស មេន​ហាត​ធេ​ន ដែល​ផ្តើមចេញពី​រោងចក្រ Kingmaker (Cambodia) Footwear CO.,LTDតាំងពី​​                  ថ្ងៃទី​១៦ ខែធ្នូ ឆ្នាំ​២០១៥ និង​បាន​កំពុង​បន្តក្នុង​គោលដៅ​ដើម្បីទាមទារ​ការដំឡើង​ប្រាក់​ឈ្នួល​លើសពី​ការកំណត់​របស់គណៈកម្មការ​ប្រឹក្សា​ការងារ​កន្លង​ទៅ និង​បាន​បង្ក​ការ
ខូចខាត​យ៉ាងធ្ងន់ធ្ងរដល់​ទ្រ​ព្យ​សម្បត្តិ​របស់​រោងចក្រ សហគ្រាស​នៅក្នុង​តំបន់​នោះ ព្រមទាំង​បង្ក​គ្រោះថ្នាក់ ដល់​និយោជក កម្មករ និង​និយោជិត​ដែល​មិនមែនជា​កុបករ​ទៀតផង​។
តំណាងនយោជកក្នុងវិស័យកាត់ដេរ និងផលិតស្បែកជើង ស្នើដល់រាជរដ្ឋាភិបាល
និងស្ថាប័នមានសមត្ថកិច្ចចាត់វិធានការជាបន្ទាន់ក្នុងការការពារសន្តិសុខ ក៏ដូចជាទប់ស្កាត់រាល់អំពើហិង្សាដែលល្មើសនិងច្បាប់នៃព្រះរាជាណាចក្រកម្ពុជា។

ក៏ប៉ុន្តែទោះយ៉ាងណាសមាគមរោងចក្រកាត់ដេរនៅកម្ពុជា GMAC ប្រកាសទទួលស្គាល់សិទ្ធក្នុងការទាមទារ តែសកម្មភាពទាំងនោះត្រូវតែធ្វើប្រកបដោយសន្តិវិធី និងទៅតាម    នីតិវិធីច្បាប់ជាធរមាន៕

ឯកឧត្តមបណ្ឌិតសភាចារ្យសុខអានបើកការប្រកួតកីឡាប៉េតង់ជើងឯកអាស៊ីលើកទី១៩

ព្រះរាជាណា​ចក្រកម្ពុជាបាននៅ​ព្រឹកថ្ងៃទី១៧ធ្នូឆ្នាំ២០១៥បើកធ្វើ​ជាម្ចាស់ផ្ទះនៃកម្មវីធីប្រ​កួតកីឡាប៉េតង់​ជើងឯកអាស៊ី​លើកទី១៩ក្រោមអធិ​បតីភាពឯកឧត្តមបណ្ឌិ​តសភាចា​រ្យសុខអានឧបនាយករដ្ឋមន្រី្ត​រដ្ឋមន្ត្រីទទួលបន្ទុកទីស្តីកា​រគណៈរដ្ឋមន្ត្រី។ថ្លែងបើក​កម្មវិធីប្រកួតរយៈពេល៣ថ្ងៃដែលប្រារព្ធ​ធ្វើឡើងនៅពុកី​ឡាដ្ឋានជាតិអូឡាំពិកឯ​កឧត្តមបណ្ឌិតសភា​ចារ្យសុខអានដែលជា​ប្រធានសហពន្ធ័កីឡាប៉េតង់​កម្ពុជាផងដែរបានមានប្រ​សាសន៍ឲ្យដឹងថា៖នេះ​ជាលើកទី២ ហើយ ដែលព្រះរាជា​ណាចក្រកម្ពុជាមានកិត្តិយសធ្វើ​ជាម្ចាស់ផ្ទះរៀបចំការប្រ​កួតកីឡាប៉េតង់ជើងឯ​កអាស៊ី ដែលលើកនេះមា​ន១២ប្រទេសចូលរួ​ម បន្ទាប់ពីការប្រកួ​តកីឡាប៉េតង់ជាលក្ខណៈ​អន្តរជាតិផ្សេងៗ។
ឯកឧត្តមប​ណ្ឌិតសភាចារ្យសុខអានបា​នបញ្ជាក់ថា៖ព្រឹត្តិកា​រណ៍ទាំងនេះ សបញ្ជាក់ឱ្យឃើញ​កាន់តែច្បា​ស់ពីការយកចិត្តទុកដាក់រ​បស់រាជរដ្ឋាភិបា​លកម្ពុជា ក្នុងការគាំ​ទ្រនិងការលើកស្ទួយវិស័យកីឡា ជាពិសេ​សកីឡាប៉េតង់ ដែលកំពុ​ងតែមានប្រជាប្រិយភា​ពទាំងក្នុង​ប្រទេស ក្នុងតំបន់ និងលើពិភ​ពលោក។កិច្ចខិតខំប្រឹ​ងប្រែងទាំងនេះ បានធ្វើ​ឱ្យកីឡាប៉េតង់ ក្លា​យជាប្រភេទកីឡាដែល​កម្ពុជាមានសក្តានុព​លខ្ពស់ ហើយកីឡាករ កី​ឡាការិនីកម្ពុជាបាននិងកំពុង​ឈរក្នុងចំណា​ត់ថ្នាក់នាំមុខ ដោយនាំមេដៃជូ​នជាតិមាតុភូមិជា​បន្តបន្ទាប់នា​ពេលកន្លងមក។
ជាមួយនិងកា​រសម្តែងសេច​ក្តីសោមនស្សរីករាយ​ដែលបានអញ្ជើ​ញចូលរួម ក្នុងពិធី​បើក «ការប្រកួតកីឡា​ប៉េតង់ជើងឯកអា​ស៊ីលើកទី១៩» នៅលើទឹក​ដីនៃព្រះរាជាណាច​ក្រកម្ពុជានិ​ងថ្លែងអំណរគុណ​ចំពោះក្រុមហ៊ុ​នជាតិនិងអន្តរជាតិ ដែលបាន​ជួយឧបត្ថម្ភជាសម្ភា​រៈបរិក្ខារ ខោអាវ ប៊ូល និងឧប​ករណ៍សម្រាប់រៀបចំ​ការប្រកួត ឯកឧត្តមបណ្ឌិ​តសភាចារ្យសុ​ខអានបានមានប្រសា​សន៍ថា៖កម្ពុជាមានមោ​ទនភាពយ៉ាងខ្លាំងដែលវី​រកីឡាការិនី លោកស្រី កែ ឡេង កីឡាការិនីប៉េតង់ដ៏​ឆ្នើមរបស់កម្ពុជា ដណ្ដើមបាន​មេដាយមាសវិញ្ញាសារវាយ​យកពិន្ទុផ្នែក​នារីពីការប្រកួតកីឡាប៉េ​តង់ពិភពលោកលើកទី១៥ នៅឆ្នាំ២០១៥ ដែល​បន្តរក្សាបាននូវដំណែងជើ​ងឯកពិភពលោក​កាលពីឆ្នាំ២០១៣ ហើយ​កីឡាករយុវជន មួង ទិត្យម៉ា​ណែត ក៏ដណ្ដើ​មបានមេដាយមា​សជើងឯកអា​ស៊ីកាលពីឆ្នាំ​២០១៤ ផងដែរ។ លទ្ធផល​នេះ ស្ដែងចេញពីកិច្ច​ខិតខំប្រឹងប្រែ​ងផ្ទាល់រប​ស់កីឡាករ កីឡាការិនី គ្រូបង្វឹក​សហព័ន្ធកីឡា និងការ​ឧបត្ថម្ភគាំទ្រពីវិស័យឯកជន ជាពិសេស ការយកចិត្តទុក​ដាក់ខ្ពស់ និងការគាំទ្រយ៉ាងពេ​ញទំហឹង​ចំពោះកីឡាប៉េតង់ ក៏ដូចជា​វិស័យកីឡាពីសំណា​ក់សម្តេចអគ្គមហាសេនា​បតីតេជោ ហ៊ុន សែន នា​យករដ្ឋមន្ត្រីនៃព្រះរាជាណា​ចក្រកម្ពុជា។ សូមបញ្ជាក់ថា​ព្រះរាជាណាចក្រកម្ពុជាបានធ្វើ​ជាម្ចាស់ផ្ទះក្នុងការប្រកួតកីឡា​ប៉េតង់ជើងឯកអា​ស៊ីអាគ្នេយ៍លើកទី២ នៅឆ្នាំ២០១៥ ការប្រកួ​តកីឡាប៉េតង់ជើ​ងឯក Pan-Pacific នៅឆ្នាំ​២០០៧ និងការប្រកួ​តកីឡាប៉េតង់​ជើងឯកអាស៊ីលើកទី​៥កាលពីឆ្នាំ២០០១។ ក្រៅពីការទ​ទួលរៀបចំការប្រកួត​ជាលក្ខណៈអន្តរជាតិសហ​ពន្ធ័កីឡាប៉េតង់កម្ពុជាក៏បានរៀបចំក៏មានកា​ររៀបចំការប្រកួតផ្លាស់ប្ដូរបច្ចេ​កទេសនិងដណ្ដើម​ពានរង្វាន់ថ្នាក់ជាតិ ជាច្រើនផងដែរ ជាអា​ទិ៍ ការប្រកួតកីឡាប៉េតង់ដណ្ដើមពា​នរង្វាន់សម្តេចក្រឡាហោ​ម ស ខេង ឧបនាយ​ករដ្ឋមន្ត្រី រដ្ឋមន្ត្រីក្រសួ​ងមហាផ្ទៃ និងជាប្រធាន​កិត្តិយសសហព័ន្ធ កា​រប្រកួតកីឡាប៉េតង់ដណ្ដើ​មពានរង្វាន់របស់ឯកឧត្តមបណ្ឌិតសុខអាន។ កា​រប្រកួតអបអរ​សាទរទិវាប្រទេសនិយាយភាសាបា​រាំង(Francophonie) និងការ​ប្រកួតប៉េតង់មិត្តភាព​ផ្សេងៗទៀត។
ឯកឧត្ត​មស៊ានបូរ៉ាតរដ្ឋលេ​ខាធិការក្រសួងអប់រំ​យុវជននិងកីឡាបានឲ្យ​ដឹងថា៖«ការប្រ​កួតកីឡាប៉េ​តង់ជើង ឯកអាស៊ី​លើកទី១៩»មាន១២ប្រទេសចូលរួម​មាន៖ប្រទេសជ​ប៉ុន,ប្រទេសចិនតៃវ៉ាន់,ប្រទេសសឹ​ង្ហបុរី,ប្រទេសថៃ, ប្រទេស​វៀតណាម, ប្រទេសឡាវ, ប្រទេសព្រុ​យណេ, ប្រទេសឥណ្ឌូ​ណេស៊ី, ប្រទេស​ឥណ្ឌា,ប្រទេសម៉ុង​ហ្គោលី, ប្រទេសម៉ា​ឡេស៊ី និងព្រះរា​ជាណាចក្រកម្ពុជា​ដោយមានកីឡាករកី​ឡាការិនីសរុបចំ​នួន១៩​០នាក់។

ឯកឧត្តមបណ្ឌិតសភាចារ្យ សុខ អាន ប្រកាសសមាសភាព សមាគមមិត្តកម្ពុជា-ថៃ

ថ្លែងក្នុង​ពិធីប្រកាស​សមាសភាព សមាគម​មិត្តភាព​កម្ពុជា-ថៃ  ដែលបាន​ប្រារព្ធធ្វើ​ឡើងនៅ​សណ្ឋាគារភ្នំពេញ ឯកឧត្តមបណ្ឌិត​សភាចារ្យ សុខ អាន ឧបនា​យករដ្ឋមន្ដ្រី រដ្ឋមន្រ្តី​ទទួលបន្ទុកទីស្តីការគណៈរដ្ឋមន្រ្តី​និងជាប្រធាន​សមាគម​មិត្តភាព​កម្ពុជា-ថៃ  បានមាន​ប្រសាន៍ថា៖ ការបង្កើត​ឲ្យមាន​សមាគម​នេះឡើងគឺដើម្បី​ចូលរួម​ចំណែក ជាមួយ​រាជរដ្ឋាភិបាល​កម្ពុជា ក្នុងការ​រិតចំណង​មិត្តភាព​ជាមួយ​រាជរដ្ឋាភិបាល​ថៃ ឲ្យកាន់​មានភាពល្អ​ថែម​ទៀត​លើគ្រប់​វិស័យ ពិសេស​លើការ​ងារទំនាក់​ទំនង​ផ្សព្វផ្សាយ​ដល់​ធុរកិច្ច ក្រុមសហគមវិនិយោគ ដល់ពាណិជ្ជករ​របស់ប្រទេស​ថៃ ឲ្យបានយល់​អំពីសក្ដានុពល និងការ​លានុវត្តភាពដ៏ធំធេង​របស់ប្រទេសកម្ពុជា សំរាប់មក​បណ្ដាក់ទុនរកស៊ីនៅកម្ពុជា ដើម្បីជា​ប្រយោជន៍ដល់រាជ​រដ្ឋាភិបាល និងប្រជាពល​រដ្ឋប្រទេសទាំង២ ផងដែរ។

ម៉្យាងវិញទៀតការបង្កើត​សមាគមមិត្តភាព​កម្ពុជា-ថៃ  នេះដែរ ក៍ជាការរួមចំណែក​មួយដ៏សំខាន់ សំរាប់ធ្វើកិច្ចសហប្រតិបត្តិការ​រវាងវិស័យឯកជន​លើការងារ​វិនិយោគទុនប្រទេស​ទាំងពីរ ក៍ដូចជាការជួយបង្កើន​នូវការទំនាក់​ទំនងការទូត​រវាងប្រទេសទាំងពីរទៅមុខឲ្យកាន់តែ​ល្អប្រសើរ​ថែមទៀត ។

ឯកឧត្តមបណ្ឌិតសភាចារ្យ សុខ អាន បានមានប្រសាសន៍​បន្ថែមថា៖ ក្រៅពីកា​រជួយជំរុញ​លើផ្នែកសេដ្ឋកិច្ច​រវាងប្រទេស​ទាំងពីរ ការបង្កើតឲ្យមាន​សមាគម​​នេះ គឺស្រប​ពេលដែល​ប្រទេស​ទាំងពីរ កម្ពុជា-ថៃ ប្រារព្ធខួបលើកទី​៦៥ឆ្នាំ នៃការទំនាក់​ទំនងការ​ទូតជាមួយគ្នា ដែល​សម្ដេច​អគ្គមហាសេនាប​តីតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា នឹងដឹក​នាំគណៈប្រតិភូអញ្ជើញទៅចូល​​រួមពិធី ដោយ​តបតាម​ការអញ្ជើញ​របស់នាយករដ្ឋមន្រ្ដី​ថៃ នៅថ្ងៃទី១៨ ខែធ្នូឆ្នាំ២០១៥ ដើម្បីជា​ការបញ្ជាក់​នូវការទំនាក់​ទំនង​កិច្ចសហប្រតិបត្តិការ​ល្អក្នុងនាម​ប្រទេសជិតខាង​ ក៍ដូចជា ការបង្ក​លក្ខណៈអំណោយផល​កាន់តែខ្លាំង​បន្ថែមទៀត សំរាប់​ការធ្វើវិ​និយោគ និង​ធុរៈកិច្ច សហគ្រាស ក្រុមហ៊ុន​កម្ពុជា-ថៃ មានឱកាសជួប​ពិភាក្សា បង្កភាពងាយ​ស្រួលលើការងា​រផ្លាស់ប្ដូរ​ ពាណិជ្ជកម្ម​គ្នាទៅវិញ​ទៅមក ព្រោះថាការ​ទំនាក់​ទំនង​ការទូត និងវិស័យ​ពាណិជ្ជកម្ម​អន្ដរជាតិ គឺជា​ធាតុពីរ ដែល​មិនអាច​កាត់ផ្ដាច់គ្នា​បានឡើយ។

​ឯកឧត្តម​បណ្ឌិតសភាចារ្យឧបនាយករដ្ឋមន្រ្ដី ក៍បានជំរុញ​ដល់សមាគម​មិត្តភាពកម្ពុជា-ថៃ ត្រូវយកចិត្ត​ទុកដាក់​បង្កើនការ​ធ្វើពាណិជ្ជកម្ម​ទ្វេភាគី​បន្ថែម​ទៀត ព្រោះ​កន្លង​មកកា​រផ្លាស់ប្ដូរ​ទំនិញ​នៅមា​នកំរិតនៅឡើយ ក្នុងនោះ​កម្ពុជា បាននាំចេ​ញទំនិញ​ទៅកាន់​ប្រទេសថៃ​ក្នុងទំហំ​ទឹកប្រាក់ប្រមាណ​ជា៥រយលានដុល្លារអាមេរិក​ ហើយភាគី​ថៃបាននាំចូលនូវ​ទំនិញ​មកកាន់​កម្ពុជាវិញមានទំហំទឹកប្រាក់​ប្រមាណជា ៥ពាន់លានដុល្លារអាមេរិក ប៉ុណ្ណោះ៕


អត្ថបទ៖ សាវឿន

សម្តេច​តេជោ ហ៊ុន សែន ផ្ញើសា​រថ្លែង​អំណរគុ​ណដល់​អ្នកគាំ​ទ្រនៅលើ Fa​cebook ពេល​ទៅដល់​ក្រុងបាងកក

យោងតា​មទំព័រហ្វេសប៊ុក​រ​បស់លោកនាយ​ករដ្ឋមន្រ្តីហ៊ុន ​សែន ដែលមាន​ឈ្មោះថា Samdech  Hun Sen, Cambodian Prime Minister ចុះផ្សាយថ្ងៃទី១៨ ខែធ្នូ ឆ្នាំ២០១៥     សម្តេចបានសរសេរថា «បងប្អូនជនរួម​ជាតិជាទីស្រឡាញ់ ! ពេលនេះខ្ញុំមកដ​ល់ទីក្រុងបាងកក នៃព្រះរាជាណាចក្រថៃ ដើម្បីទស្ស​នកិច្ចផ្លូវការផង និងប្រជុំគណៈរដ្ឋមន្ត្រី នៃប្រទេសទាំងពីរផង។ ទស្សនកិច្ចនេះធ្វើឡើ​ងក្នុងគោលបំណង ពង្រឹ​ងចំណងទាក់ទងរវាងប្រ​ទេសទាំងពីរ​លើគ្រប់វិស័យ ដែលនឹងផ្តល់​ឱ្យប្រជាជនទាំងសង​ខាងទទួលបាន ផលប្រយោ​ជន៍ពីទំនាក់ទំនងដ៏ល្អនេះ»
ជាមួយគ្នានេះស​ម្តេចក៏បានសរ​សេរបន្ថែមទៀតថា «សូមអរគុណ​ចំពោះបងប្អូនជនរួមជាតិ ដែលតែងផ្តល់នូវការគាំទ្រ ចំពោះនយោបាយទាំងក្នុងប្រទេស និងក្រៅប្រទេសរបស់ខ្ញុំ ក្នុងឋានៈជានាយករដ្ឋម​ន្ត្រី នៃព្រះរាជាណាច​ក្រកម្ពុជាកន្លងមក»

ក្នុងដំណើ​រទស្សនកិច្ចនេះ សម្តេចអគ្គមហា​សេនាបតីតេជោ ហ៊ុន​ សែន និងឯកឧ​ត្តមឧត្តមសេនីយ៍ ប្រាយុទ្ធ ច័ន្ទអូចា និងធ្វើជាសហប្រធា​នកិច្ចប្រជុំគណៈរដ្ឋ​មន្រ្តីចំរុះកម្ពុជា-ថៃលើកទី២ ដើម្បីពិនិត្យ​បញ្ហានយោបាយ និងសន្តិសុខ សេដ្ឋកិច្ច សង្គមកិច្ច​ វប្បធម៌​ និងអបរំ និងធ្វើជាអធិបតី​ផងដែរ ក្នុងពិធីចុះហត្ថលេខា​លើឯកសារមួយចំនួនផងដែរ៕


ប្រធានប្រតិបត្តិខេត្ត សកម្មជនគណបក្សសង្គ្រោះជាតិ ទម្លាយការពិតក្នុងបក្ស ដែលជំរុញឲ្យ សកម្មជនដើរចេញជាបន្តបន្ទាប់

លោក ខឺយ ស៊ីណា អតីតប្រធា​នប្រតិបត្តិខេត្ត និងជាសមាជិកក្រុ​មប្រឹក្សាគណប​ក្សសង្គ្រោះជាតិ ខេត្តបាត់​ដំបង បានទម្លាយ​ឲ្យដឹងថា នៅក្នុងគណបក្ស​សង្គ្រោះជាតិ គឺមានរឿងចំរូ​ងចំរាស់ ជាច្រើន ទាំងការដឹកនាំ​គ្មានរបៀ​បរបប និងគោល​ការណ៍ច្បាស់​លាស់ បក្ខពួក​និយម បង្កើតភាព អយុត្តិធម៌​ក្នុងបក្ស  ការសំរេ​ចចិត្តគ្រប់បែបយ៉ាងតាំ​ងពីថ្នាក់ក្រោមដល់​លើ គឺស្ថិត​នៅលើ តែមេបក្ស និងថ្នាក់លើ​ស្រេកឃ្លាន អំណាចមិនខ្វល់​ពីថ្នាក់ក្រោម។
លោក ខឺយ ស៊ីណា បានលើ​កឡើងថា ការដឹកនាំរបស់លោកប្រ​ធានទាំងពីរ គឺ កឹម សុខា និង សម រង្ស៊ី មិនផ្តល់ផ​លប្រយោជន៍ឲ្យស​កម្មជនតាមបែបលទ្ធិប្រ​ជាធិបតេយ្យ ហើយកា​រដឹកនាំ ធ្វើឡើងតាម​បែបអនាធិបតេយ្យ ធ្វើឡើងដើ​ម្បីតែផលប្រយោ​ជន៍ផ្ទាល់ខ្លួន មិនដើ​ម្បីផល ប្រយោជន៍ដល់ជាតិនោះ​ឡើយ។
អតីតប្រធាន​ប្រតិបត្តិរូបនេះ​បន្តថា ការធ្វើនយោបា​យរបស់ថ្នាក់ដឹក​នាំទាំងពីរ នៃគណ​បក្ស
សង្គ្រោះជាតិ គឺដើម្បីតែចា​ញ់ប៉ុណ្ណោះ ពីព្រោះរយៈពេល​ជាង៥អាណត្តិម​កនេះ អត់មាន​លទ្ធផល ទាល់​តែសោះ។ ប្រជាពលរដ្ឋ​បោះឆ្នោតឲ្យហាក់ដូច​ជាយ​កទៅចាក់ចោលទាំងអស់ ប៉ុន្តែនៅពេល ដែលសំឡេង​ឆ្នោតឡើងខ្លាំងបែរជា​បង្កើតបក្ខពួក ហើយរុញចោ​លអ្នកដែលបានខិតខំតស៊ូ តាំងពីដើមរហូតមក។ លោក​បញ្ជាក់ថា លទ្ធផលដែលគណប​ក្សសង្គ្រោះជាតិទទួលបាន ៥៥អាសនៈនេះ មិនមែនជាការខិត​ខំរបស់ថ្នាក់ជាតិនោះទេ គឺជាការខិតខំរ​បស់ថ្នាក់ក្រោម ដោយប្រើកម្លាំងញើសឈាម ប្រើថវិកា លក់ស្រែចំការដោយខ្លួនឯង មិនដែលទទួលបាន​ថវិកា ពីថ្នាក់លើជួយនោះទេ។
លោកបញ្ជាក់ថា អ្វីដែលលោកនិយាយថាគ​ណបក្សសង្គ្រោះជាតិនឹងបរា​ជ័យនោះ គឺមកដល់ ពេលនេះ គណបក្ស​សង្គ្រោះជាតិនៅមិនទាន់បា​នរៀបចំបញ្ជីសមាសភាពក្រុ​មប្រឹក្សាឃុំ-សង្កាត់ បាននៅឡើ​យទេ ដោយរង់ចាំការសម្រេ​ចពីថ្នាក់លើ ដូច្នេះអ្នកដែ​លបានខិតខំនៅមូល​ដ្ឋាន គេមិនឲ្យតំលៃទេ គេរង់ចាំតែ​ការសម្រេចពីថ្នាក់​លើប៉ុណ្ណោះ ហើយអ្នកដែល​ចង់បានតំណែង ចង់បានបុណ្យស័​ក្តិណាមួយនោះ លុះត្រាតែ​និយាយតាមថ្នាក់ដឹ​កនាំដូចសេក ទើបអា​ចទទួល បានតំណែង ឬគេទុកឲ្យធ្វើកា​រតទៅទៀត ហើយសម្រា​ប់រូបលោកបា​នដឹងច្បាស់អំពីស​កម្មភាព របស់ថ្នាក់ដឹ​កនាំទាំងពីររូប ពីព្រោះលោកគឺ​ជាថ្នាក់ដឹក​នាំប្រចាំខេត្ត។

លោក ខឺយ ស៊ីណា បន្ថែមថា ការដែលលោកចា​កចេញពីគណបក្ស​សង្គ្រោះជាតិ គឺធ្វើតាមឆន្ទៈ ប្រជាពលរដ្ឋ ពីព្រោះនៅពេ​លដែលលោកបានចុះទៅមូ​លដ្ឋាន ប្រជាពល​រដ្ឋបានសម្តែង ក្តីអស់សង្ឃឹម ទៅលើកា​រដឹកនាំរបស់លោកប្រធា​នទាំងពីរ ទោះបីជាលោកខំ​ពន្យល់យ៉ាងណា ក៏​ដោយ ក៏ប្រជាព​លរដ្ឋនៅតែអស់សង្ឃឹ​មដដែល ហើយនៅពេល​ដែលលោ​កចាកចេញនេះ ក៏មានសមាជិ​កប្រមាណ៤៥០នាក់ចេញជា​មួយលោ​កផងដែរ។
តាមលោក ខឺយ ស៊ីណា បានអះអាងថា មកដល់ពេល​នេះមានភាពច្របូកច្របល់យ៉ា​ងខ្លាំង ដោយសារតែ​ការស្រេកឃ្លាន​អំណាច ស្រេកឃ្លា​នបុណ្យស័ក្តិ តួនាទីនៅ​ក្នុងគណប​ក្ស សង្គ្រោះជាតិ ហើយខិត​ខំលាភពណ៌គ្នាមិនខ្វល់​ពីអ្នកខិតខំប្រឹង​ប្រែងនោះឡើ​យ។ ជាមួយ នឹង​ការលើកឡើងខាងលើនេះ លោក ខឺយ ស៊ីណា បានអំពាវនាវទៅ​ដល់សកម្មជនទាំងអស់ ឲ្យឈប់​ជឿសកម្មភាពឃោស​នារបស់មេដឹកនាំគ​ណបក្សសង្គ្រោះជា​តិតទៅទៀត ពី​ព្រោះ គោលនយោ​បាយរបស់គណ​បក្សនេះគ្មានអ្វីច្បា​ស់លាស់នោះ​ទេ ធ្វើនយោ​បាយសម្រាប់​តែចាញ់ ប៉ុណ្ណោះ។
គួរបញ្ជាក់ថា នាថ្មីនេះ លោក ខឺយ ស៊ីណា ព្រមទាំងសកម្មជន​ជាង៤៥០នាក់នៅខេត្ត​បាត់ដំបង បានចា​កចេញពីគណបក្សសង្គ្រោះ​ជាតិទៀតហើយ ដោយ​សារតែភាពអយុត្តិធម៌​ បក្ខពួកនិយម អំណាច​និយម របស់មេដឹក​នាំគណបក្សនេះ៕

អត្ថបទ៖ ច័ន្ទ ទេវី

នយោបាយព័ន្ធជើង

ទស្សនៈ
ដោយ៖ សួន ចំរើន
នយោបាយព័ន្ធ​ជើង

ដោយ​សារ​តែ​​កំពុង​​ដាំ​ក្បាលធ្លាក់​​ចុះនៃ​​ប្រជាប្រិយភាព​ និង​ការ​បែក​បាក់​ផ្ទៃក្នុង​យ៉ាង​ធ្ងន់​ធ្ងរ​ ទាំង​លើ​សមរភូមិ​ប្រជាធិប​តេយ្យ​​ក្នុង​ប្រទេស​ ក៏ដូច​ជា​នៅបរទេស​ បាន​ធ្វើ​ឲ្យ​គណបក្ស​​សង្គ្រោះជាតិ​ងាក​មក​រក​តុ​ចរចា​​​​វិញ​យ៉ាង​អាម៉ាស់​។ ក្រោយ​ពេ​ល​ធ្វើ​ដំណើរ​អស់​ខ្យល់​​ ក្នុង​ការ​ដើរញុះញង់​ដល់​សហគមន៍​អន្តរជាតិ​ឲ្យ​ផ្តាច់​ជំនួយដល់​កម្ពុជា​​​​ តែ​​មិន​ទទួល​បាន​លទ្ធផល​មក​ ក្រុម​តំណាង​រាស្ត្រ​បក្ស​ប្រឆាំង​បាន​ត្រឡប់​ទៅ​ប្រើប្រាស់​ក្បួន​ភូត​កុហក់​ចាស់​កាលពី​មុន​បោះឆ្នោត​មក​ប្រើ​ឡើង​វិញ​ លើ​ប្រធាន​បទ​តម្លើង​ប្រាក់​បៀវត្សរ៍​ដល់​មន្ត្រី​រាជការ​ កង​កម្លាំង​ប្រដាប់​អាវុធ​ និង​កម្មករ​ កម្មការិនី​រោង​ចក្រ​វិញម្តង​។
ក្រុម​តំណាង​រាស្ត្រ​ទាំង​នោះ​ បាន​បន្ត​កុហក់​ប្រជាពលរដ្ឋ​ថា​រាជរដ្ឋាភិបាល​ បាន​រត់​តាម​កម្មវិធី​នយោបាយ​របស់​ពួក​គេ​ទើប​មាន​ការ​តម្លើង​ប្រាក់​ខែ​ដូច​ពេល​នេះ​។
​រាជរដ្ឋាភិបាល​អាណត្តិ​ទី​៥​ ដែល​ដឹក​នាំ​ដោយ​គណបក្ស​ប្រជាជន​កម្ពុជា​ មាន​គោល​នយោ បាយ​របស់​ខ្លួនច្បាស់​លាស់​​ និង​បាន​ប្រកាស​អំពី​គោល​នយោបាយ​តម្លើង​ប្រាក់​បៀវត្សរ៍នេះ ​ដល់​មន្ត្រី​រាជការ​ស៊ីវិល​ កង​កម្លាំង​ប្រដាប់​អាវុធ​ និង​បងប្អូន​កម្មករ​តាម​រោង​ចក្រ​កាត់​ដេរ​ តាំង​ពី​មុន​ពេល​​បោះ​ឆ្នោត​មក​ម្លេះ​ ដូច្នេះ​ហើយ​ ទើប​បាន​ជា​ប្រជាពលរដ្ឋ​ មន្ត្រី​រាជការ​ កង​កម្លាំង​ប្រដាប់​អាវុធ​ ព្រម​ទាំង​បងប្អូន​កម្មករ កម្មការិនី​ នៅ​តែ​បន្ត​គាំ​ទ្រ​គោល​នយោ​បាយ​នេះ​ និង​បន្ត​បោះ​ឆ្នោត​គាំ​ទ្រ​ឲ្យ​គណបក្ស​ប្រជាជន​កម្ពុជា​​បាន​​ដឹក​នាំ​ប្រទេស​ជាបន្ត​ទៀត​​រហូត​។​
ការធ្វើកំណែទម្រង់ គឺ​ទាមទារ​ឲ្យ​មានការ​អំណត់ លះបង់ មាន​ឆន្ទៈ​ខ្ពស់ មាន​ផែនការ​​​​ច្បាស់លាស់ និង​ទស្សនៈ​វិស័យ ក្នុងការ​អនុវត្ត​ការងារ​នេះ​។ បើ​មិន​ដូច្នោះ​ទេ​ កំណែ​​ទម្រង់​ គឺ​​ពិបាក​​នឹង​ទទួលបាន​ជោគជ័យ​ណាស់។​
ក្រោយ​ពីទទួល​បាន​ការ​ទុក​ចិត្ត​ពី​ប្រជាពលរដ្ឋជាថ្មី ​​​ដើម្បីប​​ន្ត​ដឹក​នាំ​ប្រទេស ​​​គណៈ​រដ្ឋមន្ត្រីក្នុង​​​​អាណត្តិ​ទី​៥​ នៃរដ្ឋសភា ដែល​មាន​លោក​ ហ៊ុន សែន ជានាយករដ្ឋមន្ត្រី​ បាន​បើក​សម័យ​ប្រជុំ​ពេញ​អង្គដំបូង​​​​ នៅថ្ងៃ​ទី​២៥​ ខែកញ្ញា​ ឆ្នាំ​២០១៣​ ដើម្បី​ដាក់​ចេញ​នូវ​ការ​អនុវត្ត​កម្មវិធី​នយោបាយ​របស់​គណបក្ស​ដឹក​នាំ​រដ្ឋាភិបាល​ ដែល​ក្នុង​នោះ​មាន​កម្មវិធី​ជាអាទិភាព​ គឺ​ការ​ធ្វើ​​កំណែទម្រង់​​ស៊ីជម្រៅ​លើ​វិស័យ​ធំៗ​ជាច្រើន​ ក្នុង​នោះ​ក៏​​រួម​​​បញ្ចូល​នូវ​ផែន​ការ​ដំឡើង​ប្រាក់​បៀវត្សរ៍ជូន​មន្ត្រី​រាជការ​ស៊ីវិល​ កង​កម្លាំង​ប្រដាប់​អាវុធ​ ព្រម​ទាំង​បាន​ឈាន​ដល់​ការគិតគូ ​ចរចា​ជាមួយ​បណ្តាថៅកែ​រោង​ចក្រដើម្បី​បង្កើន​ប្រាក់​ឈ្នួល​គោល​ដល់​បងប្អូន​កម្មករ កម្មការិនី​ ឲ្យ​មាន​ជីវភាព​សម​រម្យ​ ទៅ​តាម​ការ​អភិវឌ្ឍ​នៃ​កំណើន​សេដ្ឋកិច្ច​ជាតិ​​​​​​​យ៉ាង​ពិត​ប្រាកដ​។​
រីឯ​គណបក្ស​ប្រឆាំង ដែល​តែង​តែ​ប្រើសារ​នយោបាយ​របៀប​រវើរវាយ​ ហួស​ហេតុ​នោះ​គឺ​មិន​អាច​អូស​ទាញ​  ​បោក​បញ្ឆោត​ ពលរដ្ឋ បាន​ជាលើក​ទី​២​ឡើយ​។ ដូច្នេះ​ការ​វិល​ទៅ​ប្រើប្រាស់​សារ​នយោបាយ​សន្យា​​ដំឡើង​ប្រាក់​ខែ​ របស់​ក្រុម​តំណាងរាស្ត្រ​នៅតាម​វេទិកា​នានា​ នៅពេល​នេះ​គឺ​ជា​​រឿង​ឥត​ន័យ ។
ជាទម្លាប់​ គណបក្ស​ប្រជាជន​កម្ពុជា​ មិន​ដែល​ដើរ​សន្យា​ជាមុន​នោះ​ទេ​ តែ​មាន​ចរិត​ធ្វើការ​កសាង​ និង​អភិវឌ្ឍន៍​ ជាក់​ស្តែង​នូវ​កង្វះខាត​របស់​ប្រជាពលរដ្ឋ​ ដែល​ជាវិស័យ​អាទិភាព​។ រាជរដ្ឋាភិបាល​ មាន​គោល​នយោបាយ​ដំឡើង​ប្រាក់​បៀវត្សន៍​នេះ​បន្តិច​ម្តង​ៗ​ ពី​១ឆ្នាំ​ ទៅ​១ឆ្នាំ​ ហើយ​នឹង​តម្លើង​រហូត​ដល់​១លាន​រៀល​យ៉ាង​តិច​ នៅឆ្នាំ​២០១៨ ខាង​មុខ​។​ ជាក់​ស្តែង​ នៅ​ឆ្នាំ​២០១៦​ខាង​មុខ​នេះ​ លោក​នាយក​រដ្ឋមន្ត្រី​ ហ៊ុន សែន​ បាន​ប្រកាស​ថា​ មន្ត្រី​រាជការ​ស៊ី​វិល​ដែ​ល​ទទួល​បាន​ប្រាក់​បៀវត្សរ៍ទាប​បំផុត​នឹងត្រូវ​តម្លើង​រហូត​ដល់​៣៥%​​​​។ ចំណែក​​​បងប្អូន​កម្មករ​ កម្មការិនីដែល​ធ្វើ​ការ​នៅតាម​រោង​ចក្រ​ គឺ​ត្រូវ​ទទួល​បាន​ប្រាក់​ខែគោល​ទាប​បំផុត​ ១៤០​ ដុល្លារ​ ។​​ នេះ​ជាការ​គិត​គូ​ខ្ពស់​ណាស់​ របស់​ប្រមុខ​រាជ​រដ្ឋាភិបាល ដើម្បី​បង្កើន​ជីវភាព​ម​ន្ត្រី​​រាជការ​ កងកម្លាំង​ប្រដាប់​អាវុធ​ និង​បងប្អូន​កម្មករ​ ឲ្យ​ស្រប​ទៅ​តាម​ការ​រីក​ចម្រើន​នៃ​ទំហំ​សេដ្ឋកិច្ច​ជាតិ​។​
តាម​ពិត​ គឺ​គណបក្ស​សង្គ្រោះជាតិ​ទេ​ ដែល​ជា​គណបក្ស​មិន​ចង់​ឲ្យ​មាន​ការ​តម្លើង​ប្រាក់​បៀវត្សរ៍​ដល់​មន្រ្តី​រាជការ​ស៊ីវិល និង​កង​កម្លាំង​ប្រដាប់​អាវុធ​។ ហេតុអ្វីបានជានិយាយដូច្នេះ? ពីព្រោះនៅពេលប្រជុំពេញអង្គរដ្ឋសភា ដើម្បីពិនិត្យ និងអនុម័តច្បាប់ថវិកាជាតិឆ្នាំ២០១៦ ​ក្រុម​តំណាង​រាស្ត្រគណបក្ស​សង្គ្រោះជាតិ​ បាន​ធ្វើ​ពហិកា​មិន​ចូលប្រជុំ។ នេះសរបញ្ជាក់​ឲ្យឃើញថា គណបក្សសង្គោះជាតិ ប្រឆាំងនឹងការតម្លើងបៀវត្សរ៍ជូនមន្ត្រីរាជការ កងកម្លាំងប្រដាប់អាវុធ និងកម្មករ កម្មការីនីយ៉ាងពិតប្រាកដ។ ពីព្រោះ​ថា​ ថវិកា​ជាតិ​នេះ​មួយ​ភាគធំ​ ​ត្រូវ​យក​មក​ប្រើប្រាស់ដើម្បី​​តម្លើង​ប្រាក់​បៀវត្សរ៍ជូន​មន្ត្រី​រាជការ​ និង​កង​កម្លាំង​ប្រដាប់​អាវុធ​ នៅ​ឆ្នាំ​២០១៦​នេះ​។ បើ​គណបក្ស​ខ្លួនចិត្ត​ស៊ើង​ ប្រឆាំងច្បាប់ថវិកាជាតិឆ្នាំ២០១៦ ម៉េច​មិន​ប្រកាស​មិន​យក​ប្រាក់​ខែ អ្នក​តំណាង​រាស្ត្រ​​ដែរ​ទៅ​ បើ​ក្រុម​ខ្លួន​បាន​ជាធ្វើ​ពហិកា​មិន​ចូលប្រជុំ​ទៅហើយ​នោះ​ ឬ​ក៏​ក្រុម​ពួក​គេ​ក្លាយ​​ជា​ក្រុម​«​ស៊ីឡាក»​​?​។ ​​រីឯក្រុម​តំណាង​រាស្ត្រ​បក្ស​ប្រឆាំង​ដែល​ចង់​បាន​គុណសម្បត្តិ​ពី​ការ​តម្លើង​ប្រាក់​បៀវត្សរ៍នេះក៏​ជាក្រុម​ «ស៊ីឡាក»​ ​ដែរ​ ព្រោះ​បើ​រដ្ឋាភិបាល​​អនុវត្ត​បាន​ជោគជ័យ​ហើយ​ ពួក​គេ​ក៏ទាមទារ​យក​គុណសម្បត្តិ​បង្ហាញ​រាស្ត្រផង​​ដែរ​។
ក្រោយ​ពីការធ្វើពហិការមិនចូលសភា មិនទទួលបាន​ផលចំណេញអ្វីសម្រាប់ និងបុគ្គលផ្ទាល់ខ្លួនរួចមក​ តំណាង​រាស្ត្រ​ទាំង​៥៤ ​រូប​របស់បក្ស​សង្គ្រោះ​ជាតិ​ ក៏​ព្រម​ដើរ​ចូល​​សភា​​វិញ​ ដែល​ក្នុង​នោះ​គេក៏​ឃើញ​លោក​ប្រធាន​បក្ស​ កឹម សុខា ​ចូលរួមផង​ដែរ​ តែ​ត្រូវ​អង្គុយ​​កន្លែង​ផ្សេង​ពី​កន្លែង​អនុប្រ​ធានទី១រដ្ឋ​សភា​​។ ពិត​ជាមុខ​ក្រាស់​មែន​ តើ​ឲ្យ​ប្រជាពល​រដ្ឋ​​ទុក​ចិត្ត​ម្តេច​កើត​ បើ​ធ្វើ​នយោ​បាយ​​ដូច​កូនក្មេង​បែប​នេះ​។ ម្តង​ចេញ​ម្តង​ចូល​ៗ ស្រេច​តែ​ចិត្ត​បែប​នេះ​​។​​​​

ដោយ​សារ​តែ​ការ​ភូត​កុហក់​ និង​ការ​សន្យា​ខ្យល់​បែបនេះ​ហើយ​ ទើបធ្វើ​ឲ្យ​​​សកម្មជន​គណបក្ស​សង្គ្រោះ​ជាតិកាន់​តែ​អស់​ជំនឿ​​។​ ម្យ៉ាង​ទៀត​ អំពើពុក​រលួយ​ បក្ខ​ពួក​និយម​ គ្រួសារ​និយម​ បាន​ជំរុញ​ឲ្យ​ថ្នាក់​ដឹក​នាំ​ជាន់​ខ្ពស់​ក្នុង​គណបក្ស​នេះ​​ដើរ​ចេញ​ពី​គណបក្ស​ជា​បន្ត​​បន្ទា​ប់​ទៅ​បង្កើត​គណបក្ស​ថ្មីរៀង​ៗ​ខ្លួន​​។