(សូមទស្សនាវីដេអូ)៖ សារសំខាន់ៗរបស់​លោកនាយករដ្ឋមន្រី ហ៊ុន សែន ថ្លែងនៅក្នុងពិធីជួបសំណេះសំណាល​ជាមួយកម្មករ កម្មការិនី នៅតំបន់ចំការដូង ខណ្ឌដង្កោ រាជធានីភ្នំពេញ

លោកនាយករដ្ឋមន្រ្តី ហ៊ុន សែន អរគុណសមាជិក សមាជិកា CNRP ដែលបានសម្រេចចិត្តចូលរួមជាមួយគណបក្សប្រជាជនកម្ពុជា

នៅថ្ងៃទី០៨ ខែវិច្ឆិកា ឆ្នាំ២០១៧នេះ លោកនាយករដ្ឋមន្រ្តី ហ៊ុន សែន បានអំពាវនាវសារជាថ្មីនៅតាមបណ្តាញសង្គមហ្វេសប៊ុកឱ្យបន្តអាជីពនយោបាយជាមួយគណបក្សប្រជាជនកម្ពុជាឱ្យបានមុនថ្ងៃប្រកាសសាលដីការដោយតុលាការកំពូលនៅថ្ងៃទី១៦ ខែវិច្ឆិកា ឆ្នាំ២០១៧ខាងមុខនេះ។

លោកនាយករដ្ឋមន្រ្តី ហ៊ុន សែន បានសរសេរខ្លឹមសារថា «អរគុណបងប្អូនសមាជិកសមាជិកាតំណាងរាស្រ្ត សមាជិកក្រុមប្រឹក្សាឃុំ សង្កាត់ដែលបានសម្រេចចិត្តចាកចេញពី គណបក្ស CNRP មកចូលរួមបន្តអាជីពនយោបាយជាមួយ គណបក្សប្រជាជនកម្ពុជា ដើម្បីមានឱកាសបម្រើប្រជាពលរដ្ឋ និងចូលរួមកសាងប្រទេសជាតិយើងអោយកាន់តែរីកចម្រើន។
សូមបងប្អូនចាប់យកឱកាសនេះអោយបានមុនថ្ងៃប្រកាសសាលដីការដោយតុលាការកំពូលនៅថ្ងៃទី ១៦ ខែ វិច្ឆិកា ២០១៧ ខាងមុខនេះ»៕

លោកនាយករដ្ឋមន្រ្តី ហ៊ុន សែន អញ្ជើញជួបសំណេះសំណាលជាមួយកម្មករ កម្មការិនីជាង ១ម៉ឺន៤ពាន់នាក់មកពីរោងចក្រនានានៅតំបន់ចំការដូង

លោកនាយករដ្ឋមន្រ្តី ហ៊ុន សែន នៅថ្ងៃពុធ ទី០៨ ខែវិច្ឆិកា ឆ្នាំ២០១៧នេះ បន្តជួបសំណេះសំណាលជាមួយកម្មករ កម្មការិនីសរុបប្រមាណ ១,៤០០នាក់ មកពីរោងចក្រចំនួន២០ នៅតំបន់ចំការដូង ក្នុងខណ្ឌដង្កោ រាជធានីភ្នំពេញ។ លោកបានសម្រេចចុះជួបសំណេះសំណាលដោយផ្ទាល់ជាមួយកម្មករ កម្មការិនីនៅតាមបណ្តារោងចក្រនានាដើម្បីស្វែងយល់ពីសុខទុក្ខរបស់កម្មករ កម្មការិនី និងដើម្បីដោះស្រាយបញ្ហាប្រឈមមួយចំនួនរបស់កម្មករ កម្មការិនីផងដែរ។ ជាពិសេសដើម្បីជំរុញការអនុវត្តគោលនយោបាអភិវឌ្ឍន៍វិស័យឧស្សាហកម្មឱ្យកាន់តែមានប្រសិទ្ធភាពខ្ពស់។

តាមរយ:កម្មវិធីសំណេះសំណាលនេះ លោកនាយករដ្ឋមន្រ្តី ហ៊ុន សែន បានរកឃើញបញ្ហាប្រឈមជាច្រើនរបស់កម្មករ កម្មការិនី ក្នុងការបម្រើការងាររបស់ពួកគេ ហើយក៏បានផ្តល់ដំណោះស្រាយជាបន្តបន្ទាប់។ តាមរយៈជំនួបជាបន្តបន្ទាប់នេះ លោក ហ៊ុន សែន ក៏បានផ្តល់នូវកញ្ចប់អត្ថប្រយោជន៍ជាបន្តបន្ទាប់ដល់បងប្អូនកម្មករ កម្មការិនី ដើម្បីពង្រឹងសន្តិភាព ស្ថិរភាព ការរក្សានិងបង្កើតការងារជូនកម្មករ និយោជិត ការសម្រួលដល់ការវិនិយោគ ការលើកកម្ពស់ជីវភាពរបស់កម្មករ និយោជិត និងនិយោជកផងដែរ។

ជាការកត់សម្គាល់គ្រប់ជំនួបរបស់លោកនាយករដ្ឋមន្រ្តី ហ៊ុន សែន ជាមួយកម្មករ កម្មការិនី ទទួលបានការគោរពស្រឡាញ់ជាខ្លាំងពីសំណាក់កម្មករ កម្មការិនី ហើយពួកគេក៏បានព្យាយាមថតរូបជាមួយលោកដើម្បីទុកជាអនុ ស្សាវរីយ៍ផងដែរ។ នេះគឺជាការយកចិត្តទុកដាក់ខ្ពស់បំផុតចំពោះការរស់នៅ និងការបម្រើការងាររបស់ពួកគេពីសំណាក់ប្រមុខរាជរដ្ឋាភិបាលកម្ពុជា។ ក្រុមកម្មករ កម្មការិនី បានចាត់ទុកលោក ហ៊ុន សែន ជាប្រមុខដឹកនាំប្រទេសដែលតែងតែគិតគូរយកចិត្តទុកដាក់សុខទុក្ខរបស់ប្រជាពលរដ្ឋ៕