Wednesday, December 02, 2015

រដ្ឋសភាចេញសេចក្តីសម្រេច តែងតាំងអ្នកនាំពាក្យរដ្ឋសភាជាតិ និតិកាលទី៥ និងអ្នកនាំពាក្យតំណាងរាស្ត្រគណបក្សប្រជាជនកម្ពុជា និងសង្គ្រោះជាតិ




អគ្គិសនីកម្ពុជា ចេញសេចក្តីជូនដំណឹង ស្តីពីការផ្អាកការផ្គត់ផ្គង់អគ្គិសនី នៅតំបន់ភ្លើងមួយចំនួនក្នុងក្រុងភ្នំពេញ ចាប់ពីថ្ងៃ ០៣-០៦ ខែធ្នូ ខាងមុខនេះ


វិភាគនយោបាយ, ពស់អសិរពិសត្រូវបានកាច់ចង្កូម!

វាពិត​ជា​គ្រោះ​ថ្នាក់​ធ្ងន់​ធ្ងរបំ​ផុត និង​អាច​បំ​ផ្លាញ​ខ្ទេចខ្ទីអស់ទាំង​ស្រុងនូវ​សមិទ្ធផល និង​ភាព​សុខសាន្ត​របស់​ពលរដ្ឋខ្មែរ ដែល​បាន​ស្តារ ​និង​​កំ​ពុង​អភិវឌ្ឍ​រីកចំ​រើន​មក​ដល់​សព្វ​ថ្ងៃ​ បន្ទាប់​ពី​កម្ពុជា​បាន​ហែល​ឆ្លង​នូវ​ទុក្ខ​វេទនា​ ដោយ​សារ​សង្គ្រាមពី​អតី​តកាល ដូចជា​ក្នុង​របបប្រល័យ​ពូជសាសន៍ ប៉ុល ពត​ជា​ដើម​ ប្រសិន​ណា​បើ​លោក សម រង្ស៊ី នៅ​តែត្រូវ​បាន​អនុញ្ញាតឲ្យ​ធ្វើ​សកម្មភាពដោយសេរី​និង​ប្រើនូវ​នយោបាយ​ទុចរិត ញុះ​ញង់​ អុចអាល​ បង្ក​ចលាចល​សង្គម​ទៀត​នោះ​។
វិធាន​ការ​ច្បាប់​ ដើម្បី​ធានាសុខសន្តិភាព ស្ថិរភាព​នយោបាយ និង​សណ្តាប់ធ្នាប់​សង្គម និង​ការពារ​កិត្តិយស សេចក្តី​ថ្លៃ​ថ្នូ​របុគ្គលជា​ថ្នាក់​ដឹកនាំ​មួយ​ចំ​នួន​ គឺជា​ជម្រើស​ដ៏​ចាំ​បាច់​ និង​បន្ទាន់​បំ​ផុត​ដែល​ត្រូវ​បាន​គេមើល​ឃើញ​ថា ​ ​ស្ថាប័នតុលាការ​កំ​ពុង​បង្កើន​ល្បឿនក្នុង​ចេញ​ដីកាជា​បន្ត​បន្ទាប់​ ដែល​ជា​វិធានការ​ច្បាប់​ដ៏តឹង​រឹង ដែលសមត្ថកិច្ចនឹង​ត្រូវ​តែ​អនុវត្ត ​ទៅ​លើ​លោក សម រង្ស៊ី ក្នុង​នោះ​ក៏មាន​បណ្តឹង​ជា​លក្ខណៈឯកជនជាមួយ​លោក ហោ ណាំ​ហុង​ រួម​ជា​មួយ​បណ្តឹងពី​បទ​បរិហារ​កេរ្តិ៍​​ថ្មី​១ទៀត​ផង​ដែរ របស់​លោក ហេង សំ​រិន​ ប្រធាន​រដ្ឋ​សភា​ ។ វិធាន​ការ​នេះ​អាច​ត្រូវ​បាន​គិតថា ជា​យុទ្ធ​នាការ​បោសសម្អាត​មេក្លោង​ដែលជា​ឈ្លើង​សង្គម​ និង​ជាឆ្នូន​ភ្លើងអាច​នឹង​នាំ​ឲ្យ​មាន​សង្គ្រាម​ស៊ី​វិល​កើត​ឡើង​​បាន​។
លោកនាយករដ្ឋ​មន្ត្រី​ ហ៊ុន សែន ធ្លាប់បាន​បញ្ជូន​សារតាម​រយៈ Facebook page ផ្ទាល់​ខ្លួន​របស់​លោក​ កាលពី​អំ​ឡុង​ខែ​តុលា ឆ្នាំ​២០១៥​កន្លង​ទៅ ដោយ​ដាក់​ចំ​ណង​ជើង​ថា « នយោបាយ​ដ៏​គ្រោះ​​ថ្នាក់ »​ សម្រាប់​ការ​វិភាគ​ចែក​រំ​លែក​ការយល់​ដឹង​ដល់​ប្រជា​ពលរដ្ឋ​ ដើម្បី​ធ្វើ​ការ​ពិចារណា​ ជៀស​វាងការ​ចាញ់​​បោក​ពី​អ្នក​នយោបាយដែល​មាន​មហិច្ឆតា​ស្វែង​រក​អំ​ណាច​ ។
លោក ហ៊ុន សែន បំ​ភ្លឺតាម​រយៈសារដ៏​មាន​សារៈសំ​ខាន់​នោះ ជា​ការ​ឆ្លើយ​តប​ទៅ​នឹង​អ្នក​នយោបាយ​​ប្រជា​ភិថុត​មួយ​រូប ដែល​ជា​ប្រធាន​គណបក្ស​ប្រឆាំង បច្ចុប្បន្ន​ក្លាយ​ជា​ទណ្ឌិត​និរទេស​ខ្លួន​ បន្ទាប់ ពី​បុគ្គល​រូប​នោះ បាន​បញ្ចេញ​នូវ​សារ​ជា​ច្រើន​តាម​រយៈវេទិកាសាធារណៈជា​មួយ​ក្រុម​អ្នក​គាំ​ទ្រ​ខ្លួន​ និង​តាម​រយៈFacebook  ដោយ​ប្រើ​ពាក្យ​បោកបញ្ឆោត​ចំ​នួន​៣ករណី គឺ​ការ​បង្ហោះសារបំពុលប្រជា​ពលរដ្ឋ​​អំពីថា ទី១‑ បើ​បក្សគេឈ្នះ​ឆ្នោត ពួក​គេនឹង​បង្កើត​តុលាការកាត់​ទោសអ្នក​រក​ស៊ី​ ដែល​គេ​ចោទ​ថា ជា​អ្នក​រក​ស៊ី​ខុសច្បាប់ ដែល​ភាសា​នេះ​ ជា​ការ​ជាន់​ដានប្រវត្តិសាស្ត្រ​ដ៏​ជូរចត់ នាំ​ឲ្យ​មានការ​ផ្លាស់​ប្តូររបប ក្នុង​នោះ ដូចជានៅសម័យ​ប៉ុល ពត បាន​​កាត់​ទោសប្រហារជី​វិត​មនុស្សអស់​រាប់​លាន​នាក់​ ដោយ​ការ​ចោទ​ប្រជាពលរដ្ឋ​ខ្លួន​ឯង​ថាជា​ជន​ក្បត់។ យ៉ាង​ណា​មិញ បើ​លោក សម រង្ស៊ី យក​ទ្រឹស្តី​នេះ​មក​អនុវត្ត​តាម​រយៈការបង្កើត​តុលាការ​ថ្មី កាត់ទោស​អ្នក​រក​ស៊ី​ខុសច្បាប់ នោះ​មនុស្ស​មួយ​ចំ​នួន​នឹង​ត្រូវ​ប្រឈមការដែល​គេដើរចង្អុលមុខ ចោទ​ថា ជា​ឈ្មួញ​ទុចរិត រក​ស៊ី​ខុសច្បាប់ តាម​ចិត្ត​គេនឹក​ឃើញ និង​តាម​គំ​នុំ​ផ្ទាល់​ខ្លួន​។ សំ​នួរ​ដែល​ត្រូវ​ចោទ​សួរ​នោះ តើ​ប្រព័ន្ធ​តុលាការ​ដែល​មាន​ស្រាប់​ ច្បាប់​ដែល​មាន​ស្រាប់ នឹង​ត្រូវ​រំ​លាយ​ចោល​ បង្កើត​តុលាការ​ថ្មី និង​ច្បាប់​ថ្មី​ ឬ​យ៉ាង​ណា​?។ របៀប​នេះហើយ​ដែល​មិន​ខុសអ្វី​ពី​របបប៉ុល ពតនោះឡើយ​។ ទី២‑ លោក សម រង្ស៊ី ក៏ធ្លាប់​បាន​បន្ទាប​បន្ថោក​សញ្ញាបត្រ​ស្រុក​ខ្មែរថា គ្មាន​តម្លៃ​។ ភាសានេះ គឺ​ជា​ការ​ប្រមាថមើល​ងាយដ៏​យ៉ាង​ធ្ងន់​ធ្ងរ​ ចំ​ពោះ​​តម្លៃ​របស់​សិស្ស និស្សិត​ លោក​គ្រូ​អ្នក​គ្រូ និង​ពល​រដ្ឋ​កម្ពុជា​ខ្លួន​ឯងដែល​មាន​សញ្ញាបត្រនៅ​ស្រុក​ខ្មែរ សុទ្ធ​តែ​អត់​តម្លៃ​ ។ ដូច្នេះ បើ​បក្សគេជាប់​ឆ្នោត​នោះ និង​បង្ក​ភាព​ចលាចលនៅ​ក្នុង​សង្គម​ជាក់​ជាពុំ​ខាន ដោយ​សារមនុស្ស​ជា​ច្រើន​នឹង​អត់​ការងារ​ធ្វើ ឬ​ក៏​ត្រូវ​គេបាន​បញ្ឈប់​ពី​ការ​ងារ​ដោយ​សារ​តែ​គ្មាន​សញ្ញា​បត្រមក​ពី​បរទេស​។ ចំ​នុច​ទី៣‑ មេបក្ស​ប្រឆាំង​ក៏​ធ្លាប់​បាន​ សន្យាបោកប្រាស់​ បើបក្ស​គេឈ្នះ​ឆ្នោត មន្ត្រី​រាជ​ការ កង​កម្លាំង​ប្រដាប់​អាវុធ​ នឹងរក្សាទុកតំ​ណែង​ដដែល​ មិន​ដក​ចេញ​ទេ។ ភាសានេះ មិន​ខុសអ្វី​ពី​ចុះ​ទឹក​ក្រពើ​ ឡើង​លើ​ខ្លា គឺ​បាន​ប៉ះ​ពាល់​ដល់​ទឹក​ចិត្ត​ទាំងមន្ត្រី​ចាស់​ និង​អ្នក​ដែល​ឡើង​មក​ថ្មី គឺ​ពិបាក​នឹងកើត​មាន​បានដូចការ​សន្យាបោប្រាស់​នោះ​ទេ ដោយ​សារតែ​ « បើរក្សា​អ្នក​ចាស់ វាប៉ះ​អ្នក​ថ្មី ដែល​បានចំ​ណាយ​ទ្រព្យ​ធន និងចូលរួម​តស៊ូ​កន្លង​មក​ជា​មួយ​បក្ស​ខ្លួន ប៉ុន្តែមិន​បាន​ទទួល​តំ​ណែង»​ ហើយ​បើ​យក​អ្នក​ថ្មីបញ្ជូលឲ្យ​ធ្វើ​ការ វា​នឹង​ប៉ះ​អ្នក​ចាស់ ពី​ព្រោះ​តែ​ខ្លួន​បាន​សន្យា។ នេះ​ជា​នយោបាយ​បែប​ជនពុល​ក្តួច ឬ​ក៏ការចង់​ងាក​មក​ឲ្យ​ពលរដ្ឋ​ខ្មែរស៊ី​បាយ​នឹង​ត្រឡោក ដូច​សម័យ​ប៉ុល ពត ដែល​ខុសពីសម័យបច្ចុប្បន្ន ដែល​កំ​ពុង​​ស្ថិត​ក្នុង​បច្ចេក​វិទ្យា​ដ៏​ទំ​នើប​ និង​ទាន់​សម័យ​​។ ភាសាទាំង​៣ ចំ​ណុចនេះ វា​គ្រាន់​តែ​ជា​នយោបាយ​ប្រជា​ភិថុតរបស់​លោក សម រង្ស៊ី ដែល​និយាយចេញ​មក​ដោយ​ខ្វះ​ការ​ពិចារណា​តែ​ប៉ុណ្ណោះ​។
បើ​ទោះ​ជា​ទទួល​រងនូវ​ការ​ឆ្លើយ​តប​ទៅ​វិញ​ដ៏​សម​ហេតុ​ផលរបស់​លោក ហ៊ុន សែន ប៉ុណ្ណឹង​ទៅ​ហើយ ក៏​ឥរិយាបថរឹង​រូសរបស់​លោក សម រង្ស៊ី មិន​ព្រម​កែ​ប្រែ​ និង​ដក​ថយ​ឡើយ គឺ​គាត់​ខំ​ដើរទៅ​មុខទាំង​ងងឹត​ងងុល​ គ្មាន​សតិសម្បជញ្ញៈអ្វី​បន្តិច​សោះ​ ដើម្បី​តែ​គោល​ដៅ​បំ​ផ្លាញ​តែ​មួយ​គត់ នៅ​ពេល​ដែល​ការ​បរាជ័យ​កំ​ពុង​តែ​ជាន់​កែង​គាត់​ជាប់​រហូត​។
គេបាន​ពិនិត្យ​ឃើញ​ថា ដោយ​ឈរលើ​ស្មារតី​ ផ្សះ​ផ្សាបង្រួប​បង្រួម​ជាតិ ឯកភាព​ផ្ទៃ​ក្នុងខ្មែរតែ​មួយ​ លោក ហ៊ុន សែន បាន​ផ្តល់​នូវភាព​អនុគ្រោះ​ម្តង​ហើយ​ម្តងទៀតដល់​លោក សម រង្ស៊ី​ រហូត​មាន​ពេល​ខ្លះ​ លោក ហ៊ុន សែន គាត់​បាន​សុខចិត្ត​សម្រប​ខ្លួន ផ្តល់​ឱកាសជជែក​គ្នា​ជា​មួយមនុស្ស​ប្រភេទ ពស់វែក ដ៏មាន​ពិស និង​កាចសាហាវ ​។ តែ​ពេល​វេលាជា​ច្រើន លោក ហ៊ុន សែន ក៏បាន​រងគ្រោះ​ដោយ​សារ តែ​ឥទ្ធិ​ពលចំ​ហាយពិស ព្រួសចេញ​ពីពស់​អសិរពិសនោះ​ផង​ដែរ។
សម្តី​ដែល​ប្រៀប​ដូចជាថ្នាំ​ពុល ឬ​ការ​ព្រួសពិស ចេញ​ពី​​ពស់អសិរពិសនោះ គឺ​ការវាយ​ប្រហារដោយ​ប្រើ​ពាក្យដ៏​អសុរោះ ចោទ​មក​លើ​លោក ហ៊ុន សែន ថា ដឹកនាំផ្តាច់​ការ បើ​ចង់​ចាប់​ចោរត្រូវ​ខិត​ឲ្យ​ជិត​កៀកចោរ ការ​ប្រដូច​លោក ហ៊ុន សែន ទៅ​នឹង​ហ្កាដាហ្វី​  ឬ​ប្រដូច​ទៅ​នឹង​ពួក​ហ្វាស៊ីសនៅប្រទេស​អ៊ី​តាលី និង​ឌឺដង ដោយ​ពាក្យ​គឃ្លើន ​​​ជា​មួយ​នឹង​ការ​ព្រមានមក​ដៃ​គូសន្ទនារបស់​ខ្លួន អំពី​ជោគ​វាសនា​ដែលលោក សម រង្ស៊ី គិត​ថា លោក ហ៊ុន សែន នឹង​ប្រឈម​មុខចំ​ពោះ​តុលាការ​កាត់​ទោស​ឧក្រិដ្ឋ​ជា​ដើម​។
ទាំង​អស់​នេះហើយ គឺ​ជា​ដើមចម​ ដែល​បង្ខំ​ឲ្យលោក ហ៊ុន សែន ត្រូវ​តែ​បញ្ឈប់​ការ​យោគ​យល់​ លែងអនុគ្រោះ​ចំ​ពោះ​សត្រូវ​ ដោយ​បារម្ភ​អំ​ពី​គ្រោះ​ថ្នាក់​ដែល​កើត​ចេញ​ពី​ការ​ព្យាបាទត្រឡប់​វិញ​ ដែល​គ្រោះ​ថ្នាក់​នោះមិន​ត្រឹម​តែ​មាន​ផល​វិបាក​ចំ​ពោះ​តែ​លោក ហ៊ុន សែន ប៉ុណ្ណោះ​ទេ គឺ​នឹង​នាំ​ឲ្យ​ខ្ទេចខ្ទី​ដល់សង្គម​ជាតិ​ខ្មែរទាំង​មូល​ ដោយ​សារ​តែ​ពស់​អសិរពិសនេះ ចិញ្ចឹម​ចិត្ត​អុក​ឡុក រំ​ខានភាព​សុខសាន្ត​របស់​ពលរដ្ឋ​កម្ពុជាឥត​ស្រាក​ស្រាន្ត​។
ល្បិច​មួយ​ក្នុង​ចំ​ណោម​កលល្បិចទុចរិត​ជា​ច្រើន​របស់​លោក សម  រង្ស៊ី ដែល​ត្រូវ​បាន​លោក ហ៊ុន សែន លាត​ត្រដាង គឺលោក ហ៊ុន សែន ធ្លាប់​បាន​ឆ្លើយ​តប​ទៅ​លោក សម ​រង្ស៊ី​វិញនៅ​ពេល​ការ​ចោទ​អំពី​បញ្ហា​ប្រើ​ប្រាស់​ផែន​ទី​ ត្រូវ​បានមេ​បក្សប្រឆាំង​ប៉ុនប៉ង​ចោទ​មក​លើ​រាជ​រដ្ឋាភិបាល​ ដោយ​ទៅ​ទិញ​ផែន​ទី​នៅ​តាម​ផ្សារតម្លៃ​១៦៨ដុល្លារ​មក​បង្ហោះផ្សាយក្នុង​ Facebook ផ្ទាល់​ខ្លួនបំ​ពុល​សាធារណ​មតិ​។​ ពាក្យមួយឃ្លា​របស់​លោក ហ៊ុន សែន បាន​ឆ្លើយ​តប​​ថា « ផែន​ទី​ត្រឹម​ត្រូវ​របស់​ឯកឧត្តម​ សាហាវ​ជាង​សត្វ​អសិរពឹសទៅ​ទៀត ព្រោះ​ផែន​ទី​នេះ មិន​ត្រឹម​តែបោកប្រាស់​ប្រជាពលរដ្ឋ​ប៉ុណ្ណោះ​ទេ តែ​ផែន​ទី​នេះ បាន​ធ្វើ​ឲ្យ​សហការី​ឯកឧត្តម ខ្លះ​ជាប់​គុក និង​ខ្លះ​ទៀត​កំ​ពុង​រត់​គេចខ្លួន​»។
ជា​មួយ​គ្នា​នេះ លោក ហ៊ុន សែន​ ក៏បានសង្កត់​ធ្ងន់​ថា នឹង​ចូល​រួម​កំ​ដរ សម រង្ស៊ី នូវ​គ្រប់​ទម្រង់​លេង និង​គ្រប់​កាលៈទេសៈ គ្រប់​រដូវ​កាល និង​គ្រប់​រស់​ជាតិ ( ក្តៅ ត្រជាក់ ផ្អែម ល្វីង ជូរចត់) ។ល។
នៅ​ពេល​នេះ ដៃ​គូដែល​ធ្លាប់​បាន​តតាំង និង​ភាគី​ម្ខាង​ទៀតដែល​ធ្លាប់​តែពើង​ខ្លួនប្រៀប​ដូចជា សត្វ​អសិរពិស ឥឡូវ​ ពស់​អសិរពិសនោះ ត្រូវ​បាន​កាច់​ចង្កូម​ហើយ ហើយ​ប្រជា​ពលរដ្ឋ​កម្ពុជានឹង​មិន​មាន​ការ​ភ័យ​ព្រួយ​អំពី​ ការ​តាម​យាយី​ អុក​ឡុក​រំ​ខានដល់​សន្តិសុខរបស់​ខ្លួន​ទៀត​ឡើយ។ ទណ្ឌិត​រូប​នោះ មិនមែន​ជា​ជម្រើសល្អសម្រាប់​ដឹកនាំ​ប្រទេស​ឡើយ គាត់​បាន​ត្រឹម​តែ​ជា​អ្នក​ទោស ពនេចរ ដែល​រត់​គេចពី​សំ​ណាញ់​ច្បាប់ និង​ដីកាចាប់​ខ្លួនរបស់​សមត្ថកិច្ចពាក់​ព័ន្ធ​ក្នុង​បទល្មើសបរិហារកេរ្តិ៍  និង​ញុះ​ញង់​ឲ្យ​មាន​ការ​រើសអើង ការ​បង្ហោះ​ផ្សាយឯកសារ​ក្លែងក្លាយ​ បូក​រួម​ជា​មួយ​នឹង​សំ​ណុំ​រឿង​ថ្មីបន្ថែម​មួយ​ចំ​នួន​ទៀត​។
ដើម្បី​លើក​កំ​ពស់​តម្លៃ​នីតិរដ្ឋ​ រាជ​រដ្ឋាភិបាល​របស់​លោក ហ៊ុន សែន អាច​នឹង​សុខចិត្ត​កាត់​សាច់​ស្អុយ​មួយ​ចំ​ណែក​ឲ្យ​បរទេស​ និង​សុខចិត្ត​ស៊ូ​ទ្រាំនូវ​ការ​រិះគន់​វាយ​ប្រហារពី​សហគមន៍អន្តរជាតិ​មួយ​ចំ​នួន​ដែល​កំ​ពុង​កាន់​ជើង​ជន​ល្មើស និង​ការ​ព្រមាន​ដាក់​ទណ្ឌ​កម្ម​នានាមកប្រទេសរបស់​គាត់។​ ប៉ុន្តែ បញ្ហា​​របស់​ទណ្ឌិតនីរទេសខ្លួន​រូប​នោះ គឺអាច​នឹង​មិន​មាន​ជោគ​វាសនា​ល្អ ដូច​កាល​មុន​ពេល​បោះ​ឆ្នោត​​ជាតិឆ្នាំ​២០១៣ ដូចអ្វី​ដែល​លោក ហ៊ុន សែន ធ្លាប់​បាន​​អនុគ្រោះ​ម្តង​ជាពីរដង​នោះ​ទេ។
ផ្ទុយ​ទៅ​វិញ​ ជោគ​វាសនា​របស់​ថ្នាក់​ដឹកនាំ​បក្ស​សង្គ្រោះ​ជាតិ​ បាន​និង​កំ​ពុង​ស្ថិត​នៅ​ចំ​ណុចគ្រោះ​ថ្នាក់ សម​ដូច​ហោរាសាស្ត្រ​ល្បី​ឈ្មោះមួយ​រូប​នៅប្រទេស​ថៃ លោក ភិនយ៉ូ ភុង​ចារ៉ើន​ បាន​ទស្សន៍ថា បក្ស​សង្គ្រោះ​ជាតិ​កំ​ពុង​ជួប​វិបត្តិធ្ងន់​ធ្ងរ​ ដូច ពស់ដាច់​ក្បាល និង​ដាច់​ដង​ខ្លួន ហើយ​ការ​ទស្សន៍​ទាយ​នេះ ក៏ត្រូវ​បាន​ទទួល​ស្គាល់ការពិត​ដោយ​លោក អេង ឆៃអ៊ាង​ មន្ត្រី​ជាន់​ខ្ពស់​របស់​គណបក្ស​សង្គ្រោះ​ជាតិ​ថា គណបក្ស​របស់គាត់បច្ចុប្បន្ន​ ​បាននិងកំ​ពុង​ជួបគ្រោះ​ ដូច​រទេះ​ភ្លើងដាច់​ក្បាល​ យ៉ាង​ពិត​ប្រាកដមែន​៕

សម្តេច ហេង សំរិន៖ ២ធ្នូ ជាសច្ចធម៌ប្រវត្តិសាស្ត្រកម្ពុជា ដែលគ្មាននរណាម្នាក់អាចបដិសេធបានឡើយ

សម្តេចអគ្គ​មហាពញាចក្រី ​ហេង សំរិន​ ប្រធានរដ្ឋសភា និ​ងជាប្រធាន «រណសិរ្ស​សាមគ្គី ​សង្គ្រោះជាតិកម្ពុជា» នៅព្រឹកថ្ងៃ​ទី០២ ខែធ្នូ ​ឆ្នាំ២០១៥នេះ ​ក្នុងឱកាសអ​ញ្ជើញជាអធិបតី ក្នុ​ងពិធីអបអរសាទរ​ខួប៣៧ឆ្នាំ ​ថ្ងៃបង្កើត «រណសិរ្សសាមគ្គី​សង្គ្រោះជាតិ​កម្ពុជា ធ្នូ» សម្តេចបាន​មានប្រសាសន៍ថា ​២ធ្នូ ១៩៧៨​ ជាសច្ចធម៌ប្រវត្តិ​សាស្ត្រកម្ពុជា ​ដែលគ្មាននរណា ​ម្នាក់អាចបដិ​សេធបានឡើយ ​បើទោះពេលវេលា​បានកន្លងផុត​ទៅអស់រយៈ​ពេលច្រើនឆ្នាំក្តី។​
សម្តេចពញាចក្រី ហេង សំរិន​ បានបន្តថា ​ក្នុងកាលៈទេសៈ ​ដ៏វេទនានោះ ​គឺមានតែគណ​បក្ស ប្រជាជន​កម្ពុជាប៉ុណ្ណោះ ​ដែលបានក្រោក​ឈរឡើង​ដឹកនាំចលនាតស៊ូ ​វាយផ្ដួល​រំលំរបប យង់ឃ្នងនេះ ​រហូតសម្រេច​បានជ័យជម្នះ​នាថ្ងៃ០៧ ​មករា ឆ្នាំ១៩៧៩​ ហើយបើកឡើង​ទំព័រថ្មី ​នៃប្រវត្តិសាស្ត្រកម្ពុជា ​ហើយ រណសិរ្ស​ ធ្នូ ១៩៧៨ ​គឺជាប្រភពនាំមកនូ​វថ្ងៃជ័យជម្នះ ​៧ មករា ​និងជាប្រភព​នាំមកនូវការរីក​ចម្រើន ​និង ភាពសុខ​ដុមរមនា ​ដែលកម្ពុជាមាន​សព្វថ្ងៃ។​
ដើម្បីរម្លឹកដល់​ថ្ងៃជាប្រវត្តិ​សាស្ត្រនេះ ​វិមានរម្លឹកអនុស្សាវរីយ៍ ​នៃការបង្កើត​រណសិរ្សសាមគ្គី​ សង្គ្រោះជាតិកម្ពុជា​ នៅភូមិ២ធ្នូ ​ឃុំជើងឃ្លូ ​ស្រុកស្នួល ​ខេត្តក្រចេះ ​ត្រូវបានសាង​សង់ឡើង ​យ៉ាងធំស្កឹមស្កៃ​ក្រោមតម្លៃជិត​ ៤លានដុល្លារ​ និងត្រូវបើក​សម្ពោធកាលពី​ថ្ងៃទី២ ​ខែធ្នូ ឆ្នាំ២០១៣ ​ក្រោមអធិបតីភាព​ដ៏ខ្ពង់ខ្ពស់​របស់សម្តេច​ពញាចក្រី ​ហេង សំរិន​ ប្រធានរណសិរ្ស​សាមគ្គី អ​ភិវឌ្ឍន៍មាតុភូមិកម្ពុជា​។
ការប្រារព្ធខួប​ថ្ងៃបង្កើត «រណសិរ្សសាមគ្គី​សង្គ្រោះជាតិកម្ពុជា» ដែលបច្ចុប្បន្ន​បានប្រែមក ​ឈ្មោះថា «រណសិរ្សសាមគ្គី​ អភិវឌ្ឍន៍​មាតុភូមិកម្ពុជា» ក្នុងរំលឹក​ពីប្រវត្តិ ​នៃការរួបរួមពូន​ផ្តុំកម្លាំង ​និងតស៊ូ ​ដើម្បីរំដោះប្រទេសជាតិ​ និងប្រជាជន​ចេញពីរបប​ប្រល័យពូជសាសន៍​ ប៉ុល ពត ដែលមា​នរយៈពេល ​៣ឆ្នាំ ៨ខែ ​និង២០ថ្ងៃ។
សូម​បញ្ជាក់ថា «រណសិរ្សសាមគ្គី​សង្គ្រោះជាតិកម្ពុជា» ត្រូវបានបង្កើត​ឡើងនៅថ្ងៃទី២ ​ខែធ្នូ ឆ្នាំ១៩៧៨​ នៅភូមិ២ធ្នូ​ ឃុំជើងឃ្លូ​ ស្រុកស្នួល ​ខេត្តក្រចេះ ​ដោយមានការអញ្ជើញ ​ចូលរួមពីកងកម្លាំង​អ្នកស្នេហាជាតិ​ជាច្រើនរូបផ្សេ​ងទៀត ​ដើម្បីវាយផ្តួល​រំលំរបបកម្ពុជា​ប្រជា ធិបតេយ្យ ដោយ​មានការចូលរួម​ពីកងទ័ព​ស្ម័គ្រចិត្តវៀតណាម ​ផងដែរ។​
សម្តេច ​ហេង សំរិន​ បញ្ជាក់ថា ​២ ធ្នូ ជាថ្ងៃ​បង្កើតចលនា​បដិវត្តន៍រំដោះកម្ពុជា ​និងប្រជាជន ​ចេញពីរបបកុម្មុយ​នីស្ត និងភាព​វេទនា ដែ​លប្រជាពលរដ្ឋខ្មែរ ​ជាពិសេសកម្លាំងយុវជន ​រងការធ្វើទុក្ខបុកម្នេញ ​និងជិះជាន់​យ៉ាងវេទនាពីរបប​កម្ពុជាប្រជាធិបតេយ្យដឹ​កនាំដោយ ​ប៉ុល ពត ខៀវ​ សំផន និង ​អៀង សារី​ បានរួបរួមពូន​កម្លាំងគ្នា ​ជាធ្លុង១ ​ដើម្បីផ្តួលរំលំ​នូវរបបដ៏យង់ឃ្នង ​និងសម្លាប់រង្គាលមួយនេះ ​ហើយក៏ជាជំហាន​ស្រោចស្រង់​កម្ពុជាចេញពី​គំនរផេះផង់មក​ រកភាពរីកចម្រើននាពេល​បច្ចុប្បន្នផងដែរ​។
គួរបញ្ជាក់​ឲ្យដឹងថា ​នៅក្នុងពិធីអបអរសាទរ​ខួប៣៧ឆ្នាំ ​ថ្ងៃបង្កើត «រណសិរ្សសាមគ្គី ​សង្គ្រោះជាតិកម្ពុជា​ ធ្នូ» នៅថ្ងៃនេះ ​គឺប្រារព្ធធ្វើឡើង​នៅវិទ្យាស្ថាន​ជាតិអប់រំ ​ដែលមាន ​ការអញ្ជើញ​ចូលរួមផងដែរ​ ពីមន្រ្តីជាន់ខ្ព​ស់នៃរាជរដ្ឋាភិបាល​កម្ពុជា ព្រមទាំង​កងកម្លាំង ​ប្រដាប់អាវុធ​ ប្រជាពលរដ្ឋ និងសិស្ស ​និស្សិតជាច្រើន​រូបផ្សេងទៀត៕​




កិច្ចប្រជុំគណៈកម្មាធិការសម្របសម្រួលបច្ចេកទេសអន្តរជាតិ ICC អង្គរលើកទី២៥

គណៈកម្មាធិការ​បច្ចេកទេស​សម្របស​ម្រួលអន្តរជាតិអង្គរ​ បានបើក​សម័យប្រជុំលើកទី​២៥ នៅព្រឹក​ថ្ងៃទី ០២ ​ខែធ្នូ ឆ្នាំ២០១៥​នេះ ក្រោមវត្ត​មានលោក​រ៉ូម៉ាំងឡូវែ ​ទីប្រឹក្សាផ្នែក​សហប្រតិបត្តិការ​ វប្បធម៌ ​នៃស្ថានទូតបារាំង​ និងលោក ថា​ កាហាស៊ី ​ថាការស៊ូហ្គាវ៉ា ​អនុប្រធាន​បេសកកម្មនៃស្ថា​នទូតជប៉ុន​។
កិច្ចប្រជុំ​បច្ចេកទេសលើក​ទី២៥នេះបាន​ផ្តោតសំខាន់ ​ទៅលើរបៀបវារៈ​នៃកិច្ចប្រជុំ​លើកទី២៤នា​ខែមិថុនា កន្លង​ទៅនេះ ដោ​យកិច្ចប្រជុំនេះបាន​លើកឡើង ​អំពីក្តីកង្វល់​នៃការបំផ្លាញបេ​តិកភណ្ឌវប្បធម៌​ ពីសំណាក់ ក្រុមជ្រុ​លនិយមមួយ​ចំនួន។ ហើ​យនៅក្នុងកិច្ច​ប្រជុំលើកទី២​៥ នេះដែរក៍មាន​ការកត់សំគាល់ ​និងការអប​អរ សារទរនូ​វចំណាត់ការចំពោះ​ជនដែលបានបំផ្លាញបេតិ​កភណ្ឌឈ្មោះ ធូ​ម ប៊ុតទូ ​នៅប្រទេសម៉ាលី ​ស្ថិតក្នុងតំបន់​អាហ្រ្វិកខាង​លិច ដែលត្រូ​វបានចាប់បញ្ជូ​នទៅតុលាកាព្រហ្មទណ្ឌ ​អន្តរជាតិដែល​មានទីតាំង ​ក្នុងក្រុងឡា​អេនៃប្រទេស​ហូឡង់។​
យោងតាម​លោកឡុង ​កុសល ប្រធាន​នាយកដ្ឋាន​ផ្សព្វផ្សាយ ​នៃអាជ្ញាធរជាតិអប្សរា ​បានអោយ​ដឹងថា៖ នៅក្នង​កិច្ចប្រជុំនេះដែក៍មា​នការពិនិត្យ ​និងតាមដានអំពី​សកម្មភាពការងារ​អភិរក្ស គ្រប់គ្រង ជួ​សជុល និងថែទាំប្រាង្គ​បា្រសាទនៅ​ក្នុងតំបន់អង្គរ​ ដែលជាការបំពេញ​បន្ថែមលើការងារ​អនុវត្តកន្លងមក ហើយ​កិច្ចប្រជុំ នេះក៍បន្តពិភាក្សាដើ​ម្បីអភិរក្ស ​និងការងារអភិវឌ្ឍន៍​តំបន់អង្គរ​ប្រកបដោយចីរភាព​ផងដែរ។
លោកជំទា​វ អាន ឡឺម៉េស ​តំណាងអង្គការយូ​ណេស្កូប្រចាំកម្ពុជាបាន​បញ្ជាក់ដែរថា៖ តាមរយៈកិច្ច​ប្រជុំ បច្ចេកទេស​លើកទី២៥ ​និងកិច្ចប្រជុំវិសាមញ្ញលើ​កទី២១ នេះដែរ​ ក៏ការឆ្លើយតបនិ​ងបង្ហាញពីការងារ​របស់ ICC-អ​ង្គរ ដែលបាន​អនុវត្តនាពេលក​ន្លងតាមអនុសាស​ន៍ ជាលក្ខណៈអន្តរជាតិ​ក្នុងការអភិរក្ស​សារពើពន្ធ និងការថែរក្សា​បេតិកភណ្ឌរ​បស់អ្នកជំនាញ​ដែលកំពុងធ្វើការ​នៅទីនេះ ក៍​ដូចជានៅប្រទេសឡាវ និងវៀតណាមក្នុងការ​ថែរក្សាតាមទិសដៅ រប​ស់គណៈកម្មាការបេតិក​ភណ្ឌពិភពលោក​ ដែលបានកំណត់​ថា ឆ្នាំ ២០៣០​ គឺជាការអភិរក្ស​ប្រកបដោយចីរភាព ដែល​ជាគោលបំណងទី១១​ ដោយយូណេស្កូធ្វើការ​ ជាមួយទីភ្នាក់ងារ​ យូអ៊ិន​អាឌីដាស​ សំរាប់អភិវឌ្ឍ​លំនៅដ្ឋាន​នៅទីក្រុងសៀមរាប​ដែលនៅជិតបេតិក​ភណ្ឌ ជាគ​ម្រោងមួយ​ដ៏សំខាន់សំរាប់​ការងារបន្ដ​។
លោក​ជំទាវបានបញ្ជាក់​ថា ថ្មីៗនេះមាន​សកម្មភាពមួយ​ដែលបានបំផ្លិចបំផ្លាញ​បេតិកភណ្ឌ​ មួយនៅ ​ប្រទសម៉ាលី ​ហើយសកម្មភាពនេះ​យូណេស្កូបានប្ដឹ​ងទៅតុលាការ​ព្រហ្មទណ្ឌអន្តរជាតិ​ ហើយបាន​ធ្វើការ ថ្កោលទោស​ទៅចំពោះអ្នក​ដែលបានប្រព្រឹត្ត​រួចរាល់អស់ហើ​យ៕

ក្រសួងការបរទេសធ្វើការបំភ្លឺចំពោះការលើកឡើងរបស់លោក មឿន តុលា ស្តីពីការរំលោភបំពានលើពលករខ្មែរនៅក្រៅប្រទេស

ឆ្លើយតបនឹង​ការលើកឡើង​របស់ លោក ​មឿន តុលា ​ប្រធានកម្មវិធី​សិទ្ធិការងារ​នៃមជ្ឈមណ្ឌលអប់រំ​ច្បាប់ សំរាប់​សហគមន៍ ​ក្នុងការផ្សាយ​របស់វិទ្យុអាស៊ី​សេរី នៅយប់​ថ្ងៃទី២៩ ​ខែវិច្ឆិកា ​ឆ្នាំ២០១៥ ​ក្រោមចំណងជើងថា «របាយការណ៍​អឺរ៉ុប៖ ពលករ​កម្ពុជា ​ក្នុងឧស្សាហកម្មកែច្នៃសា​ច់មាន់ ​ត្រូវថៅកែថៃ ​រំលោភបំពាន» នៅថ្ងៃទី០១​ ខែធ្នូ​ ឆ្នាំ២០១៥ ក្រសួង​ការបរទេស ​និងសហប្រតិបត្តិការ​អន្តរជាតិ​ បានចេញសេចក្តី​ជូនព័ត៌មានមួយ ​ក្នុងបំណង​បំភ្លឺចំពោះការ​លើកឡើង​ខាងលើនេះ។​
ក្រសួងការ​បរទេស ​និងសហប្រតិបត្តិ​ការអន្តរជា​តិ បានបញ្ជាក់ថា ​ក្រសួងតែងបាន​ធ្វើការណែនាំ ជាប់​ជាប្រចាំដល់​ស្ថានតំណាង​កម្ពុជានៅក្រៅប្រទេស​ទាំងអស់ ​ឲ្យយកចិត្តទុក​ដាក់ខ្ពស់ក្នុង​ការ ជួយដោះ ​ស្រាយរាប់បញ្ហា​របស់ពលរដ្ឋកម្ពុជា ​ពិសេសគឺ​ពលករខ្មែរ​នៅបរទេស ​និងស្រ្តីខ្មែរ​ដែលរងគ្រោះ ​ពីការជួញ​ដូរនៅបរទេស។​
ស្ថានទូត​ និងស្ថាន​អគ្គកុងស៊ុល​កម្ពុជា បាន​សហការជាមួយ​អាជ្ញាធរមាន​សមត្ថកិច្ចម្ចាស់ផ្ទះ ​ហើយដោះស្រាយ ​បាននូវបញ្ហាជា​ច្រើនកន្លងមក។ ​ក្នុងនោះស្ថាន​ទូតកម្ពុជានៅប្រ​ទេសថៃ ​បានសំរួលការបញ្ជូន​ពលករខ្មែរ ​ទៅធ្វើការនៅថៃតាម MOU មាន​ចំនួន ១៩៧.​១២៥នាក់។ ​ស្ថានទូត ​និងស្ថានអគ្គកុង​ស៊ុល នៅខេត្ត​ស្រះកែវ បាន​ជួយដោះស្រាយ​បញ្ហាជាច្រើនរាប់​មិនអស់ដូចជា៖​ ការរំលោភបំពាន​លើពលករ​ កម្ពុជា ផ្តល់ការ​គាំទ្រផ្នែកច្បាប់ (ផ្តល់មេធាវី​ពេលត្រូវអាជ្ញាធរថៃ​ចាប់ឃុំឃាំង) ការទាមទារ​សំណងផ្សេងៗ ​សំរួលការធ្វើ​មាតុភូមិនិវត្តន៍។ល​។
ស្ថានទូត ​និងស្ថាន​អគ្គកុងស៊ុល​កម្ពុជា នៅសា​ធារណរដ្ឋប្រជា​មានិតចិន ​បានជួយសង្រ្គោះ និ​ងរៀបចំ ​មាតុភូមិនិវត្តន៍​របស់ស្ត្រីកម្ពុជា​ដែលរងគ្រោះពី​ការជួញដូរ៖ ​គឺនៅឆ្នាំ២០១៤​បានចំនួន ៥៩នាក់, ឆ្នាំ២០១៥​ បានចំនួន៧​៧នាក់។ ​ស្ថានទូតកម្ពុជានៅ​ប្រទេសម៉ាឡេស៊ី ​បានជួយសង្គ្រោះ ​និងរៀបចំ​មាតុភូមិនិវត្ត​ន៍ របស់ពលការិនីកម្ពុជា ​ឆ្នាំ២០១៤បាន​ចំនួន៣៤នាក់ ​និងឆ្នាំ២០១៥បាន៣៨​នាក់។ ស្ថាន​ទូតកម្ពុជា ​នៅប្រទេសឥណ្ឌូនេស៊ី ​បានជួយសង្គ្រោះ ​និងរៀបចំមាតុភូមិ​និវត្តន៍ ​របស់កម្មករកម្ពុជា​ធ្វើការ លើ​ទូកនេសាទ ​ឆ្នាំ២០១៤បាន​ចំនួន២៣នាក់ ​និងឆ្នាំ២០១៥​ចំនួន៤១៤នាក់​។ ជួយសង្គ្រោះ និ​ងរៀបចំ មាតុភូមិ​និវត្តន៍ពលរដ្ឋ​កម្ពុជា ពីប្រទេស​វៀតណាម​ឆ្នាំ២០១៤១១នាក់, ប្រទេសប្រុយណេ​ឆ្នាំ២០១៤​ ជួយបាន០៧នាក់, ប្រទេសអារ៉ាប់ប៊ី​សាអូឌឹក ​ឆ្នាំ២០១៤​ចំនួន០៧នាក់ ​និងឆ្នាំ២០១៥​បាន០២នាក់, ប្រទេសប៉ាពូញ៉ូហ្គីណេ ​ឆ្នាំ២០១៥ចំនួន​០៦នាក់ និង​ប្រទេសអាហ្រ្វិកខា​ងត្បូង ​ឆ្នាំ២០១៥​បាន១នាក់៕