Wednesday, February 04, 2015

មន្ត្រីជាន់​ខ្ពស់​កម្ពុជា មាន​ជំនឿថា កម្ពុជា​ទទួល​បាន​អត្ថប្រយោជន៏​ច្រើន​ពីសន្និសីទ​ទេចរណ៍ពិភព​លោក

សន្និសីទពិភពលោកស្ដីពី ទេសចរណ៍វប្បធម៌ បានរៀបចំឡើង នៅក្រុង​សៀមរាបអង្គរ នៃ​ព្រៈ​រាជាណា​ចក្រកម្ពុជា ចាប់ពីថ្ងៃទី៤ ដល់ថ្ងៃទី៥ខែកុម្ភៈ ឆ្នាំ​២០១៥  ដោយមានការរំពឹងថាសន្និ​សិទ​​នេះ​នឹងនាំ​មក​នូវអត្ថ​ប្រយោជន៏​ដ៏ធំធេងក្នុងការរួមចំណែក អភិវឌ្ឍន៏ប្រទេសកម្ពុជា ពីវិស័យទេស ចរណ៏។
 
ក្នុងពិធីបដិសណ្ឋារកិច្ចគណៈប្រតិភូនៃបណ្តាប្រទេសនានា អ្នកជំនាញ អ្នក​ប្រតិបត្តិការវិស័យ​ទេស​ចរណ៍​មកពីជុំវិញពិភពលោកដែលមកចូលរួមក្នុងសន្និ​ សីទ​ទេសចរពិភពលោក ឯកឧត្តមបណ្ឌិត​សភាចារ្យ សុខ អាន ឧបនាយករដ្ឋមន្រ្តី រដ្ឋមន្ត្រី​ទទួលបន្ទុកទីស្តីការគណៈរដ្ឋមន្រ្តីនិងលោកជំទាវ​ ក្នុងនាមរាជរដ្ឋា​ភិបាល​កម្ពុជា បានសំដែង​ការ​ស្វាគមន៏​ដោយភាពកក់ក្តៅ ស្និទ្ធ​ស្នាលចំពោះវត្តមាន​គណៈ​ប្រតិភូទាំងអស់​ដែល​បាន​មកចូលរួមក្នុង​ សន្និសីទនេះ ដោយក្តីរំពឹងថា កម្ពុជា​នឹងទទួលបាន អត្ថ​ប្រយោជន៏យ៉ាងច្រើន​ពីវិស័យ​ទេសចរណ៏​ ដើម្បីការអភិវឌ្ឍរីកចំរើននៃ​សង្គមជាតិរបស់ខ្លួន ​​ ដែលថ្នាក់ដឹកនំានៅលើសកលលោកបាន​ផ្ដល់ឱកាសជួយ​គាំទ្រឲ្យ​មាន​ការរៀប​ចំ​ សន្និសិទពិភព​លោក​ស្ដីពីទេសចរណ៍ និងវប្បធម៌ ជាលើកទី​១​នៅលើ ទឹកដីអង្គរខេត្ត​សៀមរាប​នៃព្រៈរាជា​ណាចក្រកម្ពុជា នាពេលនេះ។
 
សន្និសីទទេសចរណ៏ពិភពលោកនេះប្រព្រឹត្តទៅ ​ក្រោមប្រធានបទ ការកសាងមិត្តភាពថ្មីមួយ​ដែលជា​វេទិកា​ ដ៏មានសារៈសំខាន់បំផុតសម្រាប់ថ្នាក់ដឹកនាំមកពីបណ្ដាប្រទេសនានា អ្នកជំនាញ អ្នកប្រតិបត្តិការ​វិស័យ​ទេសចរណ៍ សាស្រ្ដាចារ្យ ក៍ដូចជា​និស្សិត​ក្នុងការមកជួបជុំគ្នា ពិភាក្សាផ្លាស់​ប្តូរទស្សនៈ យោបល់ ចែករំលែក បទពិសោធន៏ឲ្យគ្នាទៅវិញទៅមក ដើម្បីកសាងបាន​នូវចំណេះ​ដឹង​ថ្មីៗបន្ថែមទៀត។ 
 
ឯកឧត្តមបណ្ឌិតសភាចារ្យ សុខ អាន បានបង្ហាញពីការរំពឹងថា តាមរយៈការចែករំលែក​ចំណេះ​ដឹងនិង​បទពិសោធន៍ ដ៏ទូលំទូលាយ របស់វាគ្មិនដែលអញ្ជើញមកចូលរួមនៅក្នុងសន្និសីទ​នេះ​យើងនឹងអាចរក​ឃើញ​នូវ​ ដំណោះស្រាយនានាដើម្បីឆ្លើយតបទៅនិងបញ្ហាប្រឈម ទាំងឡាយ​ចំពោះ​បេតិកភណ្ឌវប្បធម៌ ដើម្បីរួមចំណែក ជួយលើកដំកើងដល់វិស័យទេសចរណ៍ និង​វប្បធម៌ របស់ ព្រៈរាជាណាចក្រកម្ពុជា ឲ្យ​បានរីកចំរើន ប្រកបដោយនិរន្តរភាព ។
 
គួរបញ្ជាក់ថា៖  គណៈប្រតិភូដែលអញ្ជើញមកចូលរួមក្នុងសន្និសីទទេសចរណ៏ពិភពលោកនេះ មាន​​​ចំនួន​៩៩​ប្រទេស ក្នុងនោះថ្នាក់រដ្ឋមន្រ្ដីមានចំនួន៤១រូប មកពីប្រទេសចំនួន៣៨ ត្រូវ​បាន​ទទួលបដិសណ្ឋារ​កិច្ច​ដោយឯកឧឧត្តមឧបនាយករដ្ឋមន្ត្រីសុខ អាន ក្នុងនាមរាជរដ្ឋាភិបាលកម្ពុជា និង​លោកជំទាវ  នារាត្រីថ្ងៃ​ទី០៣  កុម្ភៈ  ឆ្នាំ​២០១៥ នៅសណ្ឋាគារឡឺម៉េរីឌានអង្គរ ខេត្តសៀមរាប  ៕

សៀវភៅ​​ដែល​​មាន​​ចំណង​​ជើង​​ថា លោក​ស៊ី ជីន​ពីង: អភិបាល​កិច្ច​នៃប្រទេស​ចិន ត្រូវ​បាន​​ផ្សព្វផ្សាយ​​នៅ​កម្ពុជា

ឯកឧត្តម​បណ្ឌិត​សភាចារ្យ សុខ អាន ​ឧបនាយករដ្ឋមន្រ្តី រដ្ឋមន្ត្រី​ទទួល​បន្ទុក​ទីស្តីការ​គណៈ​រដ្ឋមន្ត្រី នា​រសៀល​ថ្ងៃទី​២ ខែកុម្ភៈ ឆ្នាំ២០១៥ បាន​អញ្ជើញ​ជា​អធិបតី​ក្នុង​សិក្ខា​សាលា​អន្តរជាតិ​មួយ​ដែល​រៀប​ចំ​ឡើង​ដោយ រាជបណ្ឌិត្យ​សភា​កម្ពុជា និង​ស្ថាន​ទូត​នៃ​សា​ធា​រ​ណ​រដ្ឋប្រជាមានិត​ចិនប្រចាំកម្ពុជា ដើម្បី​ផ្សព្វផ្សាយ​សៀវ​ភៅ​ដែល​មាន​ចំណង​ជើង​ថា ​"លោកស៊ីជីនពីង: អភិបាលកិច្ចនៃប្រទេសចិន"។
ឯកឧត្តម​បណ្ឌិត​សភាចារ្យ សុខ អាន បាន​មាន​ប្រសាសន៍​ឲ្យ​ដឹង​ថា​ ការប្រកាស​ផ្សព្វ​ផ្សាយ​នៃសៀវភៅនេះ គឺ​មាន​បំណង​ផ្តល់ការយល់​ដឹងកាន់​តែស៊ីជម្រៅ​នៅ​កម្ពុជា អំពី​ចំណេះ​ដឹង​របស់មេដឹក​នាំ និង​គំនិត​របស់​គាត់​នៅ​លើអភិបាលកិច្ច​របស់​ចិន​។
ឯកឧត្តម​បណ្ឌិត​សភាចារ្យ សុខ អាន បាន​មាន​ប្រសាសន៍​បញ្ជាក់​ថា «សៀវភៅ​ដែល​ឆ្លុះ​បញ្ចាំងពីការប្តេជ្ញាចិត្តរបស់ថ្នាក់​ដឹកនាំ​នៃ​ប្រទេស​ ចិន មានគោល​ដៅ​ឆ្ពោះ​ទៅរកការ​ធ្វើ​កំណែ​ទម្រង់ស៊ីជម្រៅ ​និង​ការខិតខំប្រឹងប្រែង​របស់​លោក​ប្រធានាធិបតី​ចិន ស៊ី ជិន​ពីង ​ស្តីពី​អភិបាលកិច្ច​ដ៏រឹងមាំ​របស់លោក។ ​វានឹងធ្វើឱ្យ​ពិភព​លោកយល់​ដឹងអំពី​ការ​អភិ​វឌ្ឍ​របស់​ប្រទេសចិន ក៏ដូច​ជា គោល​នយោបាយ​ក្នុងស្រុក និង​បរទេស ដើម្បី​ឆ្លើយ​តប​ទៅ​នឹង​ការព្រួយ​បារម្ភ​របស់​សហគមន៍​អន្តរជាតិ»។
លោកជំទាវ ពូ ជៀងហ្គ័រ (Bu Jianguo) ឯកអគ្គរដ្ឋ​ទូត​នៃ​សាធារណរដ្ឋ​ប្រជាមានិត​ចិន ប្រចាំ​កម្ពុជា ជាមួយ​នឹង​ប្រសាសន៍​ថ្លែង​អំណរគុណ​ចំពោះ​ឯកឧត្តម​បណ្ឌិត​សភាចារ្យ សុខ អាន និង​រាជ្យបណ្ឌិត​សភា​កម្ពុជា ដែល​បាន​គាំទ្រ​ការ​ផ្សព្វផ្សាយ​សៀវភៅ ​"លោក​ស៊ីជីនពីង: អភិបាលកិច្ចនៃប្រទេសចិន" បាន​មាន​ប្រសាសន៍​ឲ្យ​ដឹង​ថា សៀវ​ភៅ​នេះ រួម​បញ្ចូល​នូវ​សុន្ទរកថា បទសម្ភាសន៍ និង​សំណេររបស់​ឯកឧត្តម ស៊ី ជិនពីង ចំនួន៧៩ ចន្លោះ​ពីខែវិច្ឆិកា ឆ្នាំ២០១២ ដល់​ខែមិថុនា ឆ្នាំ២០១៤ ដែល​ផ្តល់នូវ​ការយល់​ដឹងពី​មេ​ដឹក​នាំ​របស់​ប្រទេសចិន នៅ​លើ​បញ្ហា​នយោបាយ និង​រដ្ឋបាល​នៃប្រទេស​។ វាក៏​រួម​បញ្ចូល​រូបថត​របស់​លោក​ប្រធានាធិបតី​ ស៊ី ជិនពីង ចំនួន​៤៥ ផង​ដែរ។
លោក​ជំទាវ​ឯកអគ្គរដ្ឋទូតចិន​​ បា​នមាន​ប្រសាសន៍​ឲ្យ​ដឹង​ថា ​​សៀវភៅនេះ​បានផ្តល់​ឲ្យ​មានការ​យល់​ដឹង​ជា​ប្រព័ន្ធ ឆ្លើយ​តប​យ៉ាង​ទូលំទូលាយ​ទៅនឹង​ទ្រឹស្តីជាចម្បង និងបញ្ហា​អនុវត្ត​​ជាក់​ស្តែង​ ក្នុងការអភិវឌ្ឍរបស់ប្រទេសចិន នៅក្នុងរយៈពេលនៃការ​ផ្លាស់ប្តូរ​​ដោយ​រួម​បញ្ចូលនូវទស្សនវិជ្ជាមេដឹកនាំចិន និងយុទ្ធសាស្ដ្រនៃ​អភិបាលកិច្ច។
លោក​ជំទាវ​ឯកអគ្គ​រដ្ឋ​ទូត​ មាន​ប្រសាន៍​បញ្ជាក់​ថា ​ «សៀវភៅនេះ គឺជា​បង្អួច​សម្រាប់​សង្គម​អន្ដរជាតិ ​អាចចូល​ទៅកាន់​ប្រទេសចិន ដើម្បី​ស្វែង​យល់​ និងជាកូនសោរ​ដើម្បី​ផ្តល់​ចម្លើយ​ចំពោះ​បញ្ហា​ដែល​ពាក់ព័ន្ធ​នឹង​ប្រទេស​ចិន ​ផង​ដែរ»។
សៀវភៅ "លោក​ស៊ីជីនពីង: អភិបាលកិច្ច​នៃ​ប្រទេសចិន" បាន​បោះ​ពុម្ព​ផ្សាយ​ចំនួន​ ៣,១៧​លានក្បាល ក្នុង​ប្រាំបួន​ភាសា រួមានៈ ចិន អង់គ្លេស បារាំង រុស្ស៊ី ភាសា​អារ៉ាប់ ភាសា​អេស្ប៉ាញ ព័រទុយហ្គាល់ អាឡឺម៉ង់ និង​ជប៉ុន។
សម្រាប់​កម្ពុជា លោក​ជំទាវ ពូ ជៀងហ្គ័រ​ បាន​សម្តែង​សុទិដ្ឋិនិយម​ថា សៀវភៅ  "លោក​ស៊ីជីនពីង: អភិបាលកិច្ច​នៃ​ប្រទេសចិន" ​នឹងផ្តល់​នូវ​ចំណេះ​ដឹង​ដ៏មាន​ប្រយោជន៍​សម្រាប់​មិត្តភក្តិកម្ពុជា ដែលធ្វើ​ឲ្យ​គេអាចគិត​និងការស្វែងរក​នៅ​លើ​រឿងរ៉ាវ​របស់​ប្រទេស​ចិន​ដែល​ ទទួល​បាន​ជោគជ័យ​នៃ​ការអភិវឌ្ឍ​សេដ្ឋកិច្ច និងសង្គម "។
ឯកឧត្តម​បណ្ឌិត​សភាចារ្យ សុខ អាន ក្រៅ​ពី​សង្ឃឹម​ថា នឹង​មានការ​បក​ប្រែ​ជា​ភាសា​ខ្មែរ ដោយ​រាជបណ្ឌិត្យ​សភា​កម្ពុជា ​ឯកឧត្តម​បាន​ឲ្យ​ដឹង​ថា ​សៀវភៅនេះ​នឹងអាចរកទិញ​បាន​នៅក្នុងប្រទេសកម្ពុជា​៕
 


សុន្ទរកថា សម្តេច​អគ្គ​មហា​សេនា​បតីតេជោ ហ៊ុន សែន ថ្លែង​ក្នុង​ឱកាស​ពិធី​បើក​សន្និសី​ទ​ពិភព​លោក ស្តីពី «ទេស​ចរណ៍ និង​វប្បធម៌ : ការ​កសាងនូវភាព​ជាដៃ​គូថ្មី​មួយ »


ឯកឧត្តម កែវ រ៉េមី៖ ការ​​សម្រេច​​របស់​​គណ​បក្ស​​ប្រជាជន​​កម្ពុជា​បញ្ចូល​​ឯកឧត្តម សុខ សូកាន ជា​​តំណាង​រាស្ត្រ គឺ​​ត្រឹ​មត្រូវ​តាម​ច្បាប់

ឯកឧត្តម កែវ រ៉េមី រដ្ឋលេខាធិការ និងជា​អនុប្រធាន​អង្គភាព​ប្រតិកម្ម​រហ័ស​នៃ​ទីស្ដីការ​ គណៈរដ្ឋមន្ត្រី នា​ថ្ងៃទី៣ ខែមករា ឆ្នាំ២០១៥ បាន​មាន​ប្រសាសន៍​បញ្ជាក់​ថា ការ​សម្រេច​របស់​គណបក្ស​ប្រជាជនកម្ពុជា​ដាក់ ឯកឧត្តម សុខ សូកាន ​បេក្ខ​ជន​តំណាង​រាស្ត្រ ឲ្យ​ធ្វើ​ជា​តំណាង​រាស្ត្រ​មណ្ឌល​​តាកែវ ជំនួស ឯកឧត្តម សូ ឃុន ដែល​បាន​ទទួល​មរណៈ​ភាព​ ត្រូវ​បាន​ធ្វើ​ឡើង​ត្រឹមត្រូវ​តាម​ច្បាប់​ស្ដីពី ​ការ​បោះ​ឆ្នោត​ជ្រើស​តាំង​តំណាង​ រាស្រ្ត ដោយ​មិន​មាន​ការ​ផ្លោះ​លេខ​រៀង​បេក្ខជន​នោះ​ទេ។
ផ្តល់​បទ​សម្ភាសន៍​ទៅកាន់​វិទ្យុ​បរទេស​មួយ ​ផ្សាយ​ជាភាសាខ្មែរ ឯកឧត្តម កែវ រ៉េមី បាន​មាន​ប្រសាសន៍​ថា៖ «ក្រោយ លោក សូ ឃុន ស្លាប់​ទៅ ការ​ឡើង​ជំនួស​នេះ គឺ​ឡើង​តាម​លំដាប់​លំដោយ​ត្រឹមត្រូវ។ ឯកឧត្តម ចាន់ សារុន លេខ​រៀង​បន្ទាប់​ពី លោក សូរ ឃុន សុំ​លា​លែង​អត់​ចូល​ក្នុង​សភា​ទេ ព្រោះ​គាត់​ជា​ទេសរដ្ឋមន្ត្រី។ ឯកឧត្តម ពេជ សោភ័ន ក៏​គាត់​លា​លែង​ដែរ អ៊ីចឹង​គឺ​ដល់​លេខ​ដែល​គាត់ (សុខ សូកាន) ត្រូវ​ឡើង វា​មិន​មែន​ធ្វើ​ឡើង​ដោយ​គ្មាន​តម្លាភាព។ អ្នក​និយាយ​ចេះ​តែ​មួលបង្កាច់​គ្នា​អ៊ីចឹង»
ឯកឧត្តម សុខ សូ​កាន អាយុ ៣១ឆ្នាំ ជា​បេក្ខជន​តំណាង​រាស្ត្រ​គណបក្ស​ប្រជាជន​មណ្ឌល​តាកែវ ឯកឧត្តម​ត្រូវ​បាន​គណបក្ស​ប្រជាជន​កម្ពុជា ​​ដាក់​សំណើ​ទៅ​គណៈ​កម្មាធិការ​ជាតិ​រៀបចំ​ការបោះឆ្នោត កាលពី​ថ្មីៗ​នេះ ដើម្បី​បញ្ចូលជា​តំណាង​រាស្ត្រ​ជំនួស ឯកឧត្តម សូរ ឃុន តំណាង​រាស្ត្រ​មណ្ឌល​តាកែវ ដែល​បាន​ទទួល​មរណៈភាព។
ទាក់ទង​បញ្ហា​នេះ ឯកឧត្តម ទេព នីថា អគ្គលេខាធិការ​គណៈកម្មាធិការ​ជាតិ​រៀបចំ​ការ​បោះឆ្នោត ( គ.ជ.ប​) បាន ​ឲ្យ​ដឹង​ពី​នីតិវិធី​នៃការ​ផ្លាស់​ប្តូរ​នេះ​ថា គណៈកម្មាធិការ​ជាតិ​រៀបចំ​ការបោះ​ឆ្នោត​បានធ្វើ​ការប្តូរឈ្មោះ​ទៅតាម​សំណើ​ របស់​គណបក្ស​ប្រជាជន​កម្ពុជា ពីព្រោះ​នៅពេល​ចុះបញ្ជី​បេក្ខជន​គណបក្ស​ដាក់​បញ្ជី​បេក្ខជន​មក គ​.​ជ​.​ប ហើយ​ក្នុងករណី​មាន​អ្នក​ដែល​ជាប់​ហើយ​ស្លាប់ អ្នក​ដែល​ឈ្មោះ​បន្ទាប់​ត្រូវ​ឡើង​ជំនួស​។ ឯកឧត្តម ទេព នីថា បាន​បញ្ជាក់ថា គ​.​ជ​.​ប បានធ្វើការ​ប្រកាស​ទទួល​ស្គាល់​ឯកឧត្តម សុខ សូ​កាន ជា​តំណាងរាស្ត្រ​ជំនួស​ឯកឧត្តម ​សូរ ឃុន ដែល​ទទួលមរណៈភាព កាល​ពី​ប៉ុន្មាន​ថ្ងៃ​រួចរាល់​អស់ហើយ​ និង​បាន​បញ្ជូន​សេចក្តី​ប្រកាស​ទទួលស្គាល់​នេះ​ទៅ​រដ្ឋ​សភា​។ ក្រោយពី​បញ្ជូន​ដល់​រដ្ឋសភា គណៈកម្មាធិការ​អចិន្ត្រៃយ៍ នៃ​រដ្ឋសភា បាន​ប្រជុំ​ពិភាក្សា កាលពី​ថ្ងៃទី​២ ខែ​កុម្ភៈ ឆ្នាំ​២០១៥ ដើម្បី​ពិនិត្យ​លើ​សំណើសុំ​នេះ ហើយ​កិច្ច​ប្រជុំ​ពិភាក្សា​របស់​គណៈ​កម្មាធិ​ការ​អចិន្ត្រៃយ៍​នៃ​រដ្ឋសភា បាន​សំរេច​ថា នឹង​ដាក់​សំណើ​នេះ នៅ​ក្នុង​សម័យប្រជុំ​សភា នា​ពេល​ខាងមុខនេះ​។
ចំណែក ​ឯកឧត្តម ឈាង វុន សមាជិក​គណៈកម្មាធិការ​អចិន្ត្រៃយ៍ និង​ជា​ប្រធាន​គណៈ​កម្មាធិ​ការ​ទី​៥ នៃ​រដ្ឋសភា បាន​មានប្រសាសន៍​ថា គណៈកម្មាធិការ​អចិន្ត្រៃយ៍ នៃ​រដ្ឋ​សភា នឹងដាក់​របៀបវារៈ​សំណើសុំ​ប្រកាស​ទទួលស្គាល់​ឯកឧត្តម សុខ សូ​កាន ជា​តំណា​ង​រាស្ត្រ​ថ្មី នៃ​មណ្ឌល​ខេត្តតាកែវ ជំនួស​ឯកឧត្តម ​សូរ ឃុន នៅពេល​សភា​វិស្សម​កាល​វិញ​។ ឯកឧត្តម ឈាង វុន ​បានមាន​ប្រសាសន៍​ឲ្យ​ដឹង​ថា ក្រោយពី​ឯកឧត្តម ​សូរ ឃុន តំណាងរាស្ត្រ​ខេត្តតាកែវ ទទួល​មរណៈភាព គណបក្ស​ប្រជាជន​កម្ពុជា បានស្នើ​ឯកឧត្តម ​សុខ សូ​កាន ទៅ​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) ហើយ គ​.​ជ​.​ប ក៏បាន​ផ្ញើលិខិត​ទទួលស្គាល់ឯកឧត្តម សុខ សូ​កាន ជា​អ្នកតំណាងរាស្ត្រ​ជំនួស​ឯកឧត្តម សូរ ឃុន មក​រដ្ឋសភា រួចហើយ​សភា​ប្រកាស​នៅពេលដែល​សភា​វិស្សមកាល​វិញ​៕

Opening Speech Taleb Rifai, Secretary-General, World Tourism Organization on first UNWTO/UNESCO World Conference on Tourism and Culture










Address by Alfredo Pérez de Armiñá, Assistant Director-General for Culture, at the opening ceremony of the World Conference on Tourism an Culture: Building a new Partnership










Press Release of UNWTO / UNESCO World Conference on Tourism and Culture: Building a New Partnership 4-6 February 2015