កម្ពុជាធ្វើ​ជាម្ចាស់ផ្ទះរៀបចំកិច្ច​ប្រជុំគណៈកម្មាធិ​ការគ្រប់គ្រងគ្រោះ​មហន្តរាយ អាស៊ាន​លើកទី២៧ និងកិច្ចប្រ​ជុំពាក់ព័ន្ធ

ឆ្នាំ២០១​៥នេះ កម្ពុជាបានធ្វើ​ជាម្ចាស់ផ្ទះ ក្នុងការរៀប​ចំកិច្ចប្រជុំក្រុម​មន្ត្រី ជំនាញខាង ការងារគ្រប់​គ្រងគ្រោះមហ​ន្តរាយ នៃបណ្តាប្រទេស​ជាសមាជិកអា​ស៊ាន ដែលមាន ឈ្មោះថា កិច្ចប្រជុំគណៈកម្មាធិការគ្រប់​គ្រងគ្រោះម​ហន្តរាយ អាស៊ាន​លើកទី២៧ និងកិច្ចប្រជុំពាក់ព័ន្ធ ដែលត្រូវប្រព្រឹ​ត្តទៅនៅថ្ងៃ​ទី១៤ និង១៥ ខែធ្នូ ឆ្នាំ២០១៥ នៅរាជធា​នីភ្នំពេញ។

ទេសរដ្ឋ​មន្ត្រីទទួលបន្ទុក​បេសកកម្មពិសេ​ស និងជាអនុប្រធា​នទី១គណៈកម្មាធិ​ការជាតិ គ្រប់គ្រ​ងគ្រោះមហន្តរាយរបស់​ប្រទេស​កម្ពុជា ឯកឧត្តម ញឹម វណ្ណដា ថ្លែងបើក​កិច្ច ប្រជុំនេះ ដោយគូស​បញ្ជាក់ថា៖ តំបន់អា​ស៊ាន បានប្រឈ​មមុខ នឹងគ្រោះម​ហន្តរាយ ធម្មជាតិគួរកត់សំ​គាល់ តែទោះជាយ៉ា​ងនេះក្តី ក៏អាស៊ានបា​នរួបរួមគ្នាដោះស្រាយ បញ្ហា​បានដោយសម​ស្រប និងទាន់ពេល​វេលា។

ឯកឧត្តម​ទេសរដ្ឋមន្ត្រី ញឹម វណ្ណដា បានបន្ដថា៖ កិច្ចប្រជុំ​ដែលប្រារព្ធឡើង នៅពេ​លនេះប្រព្រឹត្ត​ទៅ ក្នុងបរិបទ​នៃការអភិវឌ្ឍប្រកប​ដោយចីរភាព ដែលត្រូវ ធ្វើសមាហរ​ណកម្ម ការកាត់បន្ថយហា​និភ័យគ្រោះម​ហន្តរាយ នៅគ្រប់កម្រិត នៅក្នុងតំ​បន់អាស៊ាន ដែលមានប្រ​ជាជនសរុបប្រ​មាណ៦០០លាន​នាក់ ពិតជាមាន សមត្ថភាពស​មស្របក្នុងការធ្វើ​ការងារគ្រប់គ្រង​គ្រោះមហន្តរាយ ហើយដែល កិច្ចការនេះ ទាមទារអោ​យបណ្តាប្រទេស ជាសមាជិក​អាស៊ានទាំងអស់រួ​បរួមគ្នា ពិសេស ឯកឧត្តម សុំហៅវេទិកា នៃកិច្ចប្រជុំ​នៅភ្នំពេញនាពេល​នេះថា ជាពេលវេលា មួយក្នុងកា​រផ្លាស់ប្តូរ ទស្សនៈ លើការងារគ្រប់គ្រ​ងគ្រោះមហន្តរាយ​សម្រាប់ សុវត្ថិភា​ពអាស៊ាន បង្កើតគោល ការណ៍​ត្រៀមបង្ការ ការត្រៀមរៀ​បចំការឆ្លើ​យតប សង្គ្រោះប​ន្ទាន់ កម្មវិធីការងារស​ម្រាប់ ធ្វើសកម្មភាពនា​ពេលអនាគត ដែលប្រទេស ជាសមាជិ​កនីមួយៗមានភារៈកិច្ចទ​ទួលខុស ត្រូវជា​ចម្បង ដើម្បីសហប្រ​តិបត្តិការគ្នា ក្នុងការកាត់​បន្ថយគ្រោះមហន្តរាយ​ក្នុងតំបន់ ទាំងមូល​ផងដែរ៕

អត្ថបទ៖ សាវឿន

សីតុណ្ហភា​ពចុះត្រជាក់នៅបណ្តា​ខេត្តមួយចំនូនរយៈពេល​៤ថ្ងៃ នៅព្រះរាជាណា​ចក្រកម្ពុជា

យោងតាមសេចក្តីជូនដំណឹង​របស់ក្រសួងធនធានទឹក​និងឧតុនិយមចុះថ្ងៃទី១៤​ធ្នូនេះបានឱ្យដឹងថាៈ​ បច្ចុប្បន្នព្រះរាជាណាចក្រកម្ពុជា​ បាននិងកំពុងទទួលឥទ្ធិពលខ្យល់មូសុងឦសាន​ និងជ្រលងសម្ពាធខ្ពស់ពីប្រទេសចិន។

យោងតាមការព្យាករនេះដែរបញ្ជាក់ថា ចាប់ពីថ្ងៃទី ១៧​ ដល់ថ្ងៃទី ២០ ខែធ្នូ ឆ្នាំ ២០១៥​ ជ្រលងសម្ពាធខ្ពស់ និងបង្កើតឥទ្ធិពលកាន់តែខ្លាំងមកលើព្រះរាជាណាចក្រកម្ពុជា ជាពិសេសនៅតំបន់ខ្តង់រាប និងតំបន់ទំនាបកណ្តាលភាគពាយ័ព្យនៃប្រទេស ។ កត្តានេះនឹងធ្វើឱ្យសីតុណ្ហភាពចុះត្រជាក់​នៅបណ្តាខេត្តមួយចំនូនដូចជាៈ ខេត្តបន្ទាយមានជ័យ បាត់ដំបង ឧត្តរមានជ័យ សៀមរាប​ព្រះវិហារ និងខេតរតនគិរី សីតុណ្ហភាព អប្បបរមា មានពី​​១៨-២០អង្សារសេ ​និងអតិបរមាមានពី២៥-២៧អង្សារសេ​ និងខេត្តមណ្ឌលគិរី ​សីតុណ្ហភាព​អប្បបរមា​មានពី ​១៧-១៨អង្សារសេ​ និងអតិបរមាមានពី ​២៣-២៤អង្សារសេ ៕

សម្តេចតេជោ ហ៊ុន សែន បានជម្រុញឱ្យគ្រប់ទីកន្លែងទាំងអស់បង្កើនការប្រុងប្រយ័ត្ន និង បង្រ្កាបពួកឧក្រិដ្ឋជនប្លន់ប្រដាប់អាវុធ

នាព្រឹក​ថ្ងៃចន្ទ ទី១៤ ខែធ្នូ ឆ្នាំ២០​១៥នេះ សម្តេច​តេជោ ហ៊ុន សែន មានប្រសា​សន៍ ក្នុងពិធីផ្សព្វផ្សាយ​ការបញ្ជ្រាបទស្សន​ទាន សីលធម៌ សាសនា ដើម្បីសុដុម​នីយកម្មនៅ​កម្ពុជា» ដែលប្រព្រឹត្ត​ទៅនៅមជ្ឈមណ្ឌល​ពិព័រណ៍ និងសន្និបាត​កោះពេជ្រ ។

សម្តេច​តេជោ ហ៊ុន សែន នាយក​រដ្ឋមន្រ្តី នៃកម្ពុជា បានបញ្ជា​ឱ្យអាជ្ញាធរគ្រប់​មូលដ្ឋាន យកចិត្តទុកដាក់​បង្កើនការវាយបង្រ្កាប ក្រុមចោរ​ប្រដាប់អាវុធ ដែលធ្វើសកម្ម​ភាពប្លន់ប្រជាពល​រដ្ឋយ៉ាងសាហាវ​នាពេលថ្មីៗកន្លងមកនេះ ។

សម្តេច​តេជោ ហ៊ុន សែន បានថ្លែងថា «សូមឱ្យគ្រប់ទី​កន្លែងទាំងអស់បង្កើនកា​រប្រុងប្រយ័ត្ន និងវ៉ៃបង្រ្កាប​ពួកឧក្រិដ្ឋជនប្លន់ប្រដាប់​អាវុធនេះ ព្រោះក្រុ​មនេះ គឺជាក្រុមគ្មាន​សាសនាណាទាំងអស់ ព្រោះគ្មានសាសនា​ណាប្រដៅឱ្យពួកនេះ ប្រព្រឹត្តអំពើលួច​ប្លន់នោះទេ អញ្ជឹងសុំក្រៅពីអាជ្ញាធ​រថ្នាក់ជាតិ កម្លាំងប្រដា​ប់អាវុធ កម្លាំងមានសម​ត្ថកិច្ចថ្នាក់ជាតិ ថ្នាក់ក្រោម​ជាតិទាំងអស់ បង្កើននូវការ​ប្រុងប្រយ័ត្ន ហើយបើកប្រតិបត្តិ​ការដើម្បីទប់ស្កា​ត់ និងបង្រ្កាបចំ​ពោះអំពើ ប្លន់ប្រដា​ប់អាវុធ និងក្រុមជន​ឃោរឃៅ»។

រយៈពេល​ប៉ុន្មានថ្ងៃនេះ ក្រុមចោរប្រដាប់​អាវុធបានធ្វើការប្លន់អាជីវករលក់​គ្រឿងលង្ការ និងទីតាំងកន្លែង​ផ្ទេរប្រាក់ Wing ចំនួន៣កន្លែង​ទៅប្រទេសកម្ពុជា ក្នុងនោះមានខេត្ត​បាត់ដំបង ពោធិ៍សាត់ និងកណ្តាល​ជាដើម។ ក្រោយមាន​ករណីនេះ សម្តេច​តេជោ ហ៊ុន សែន បានលើកឡើងថា មានរបាយការ​ណ៍មួយចំនួន រាយការណ៍ថា ក្រុមចោរទាំង​នោះមានអ្នកខ្លះមុខ​ដដែលៗ ដែលធ្លាប់ជាប់​ពន្ធនាគាររួចទៅ​ហើយ

សម្តេច​តេជោ ហ៊ុន សែន បានបញ្ជាក់​ជាច្រើនសារដល់​លោករដ្ឋមន្រ្តីក្រសួ​ងយុត្តិធម៌ ធ្វើការពិនិត្យឱ្យ​បានល្អិតល្អន់បំផុតចំពោះការ​លើកលែងទោស​ឱ្យទណ្ឌិតនៅក្នុង​ពន្ធនាគារ ដើម្បីចៀសវាង​ការលើកលែងទោសអោយក្រុមចោរ​ដែលមានមុខដដែលៗ ដែលចេញមក​បង្កអំពើចោរ​កម្ម និង អសន្តិសុខ​ដល់សង្គ​មជាតិ ៕