Thursday, February 25, 2016

សម្តេចនាយករដ្ឋមន្ត្រី ហ៊ុន សែន ជាម្លប់សន្តិភាព សំរាប់ប្រជាពលរដ្ឋកម្ពុជាគ្រប់កាលៈទេសៈ

ទស្សនវិភាគ៖ រាជរដ្ឋាភិបាលកម្ពុជា​កំពុងអនុវត្តកម្មវិធីនយោបាយ​របស់ខ្លួនស្រប តាមផែនការយុទ្ធសាស្រ្តអភិវឌ្ឍ

ជាការឆ្លើយតបនឹងការវិភាគបែបលំអៀងរបស់អង្គការឃ្លាំមើលការបោះឆ្នោត ខុមហ្រ្វែល ដែលពុំមានគោលការណ៍ស្រាវជ្រាវច្បាស់លាស់ ដែលបានលើកឡើងថា រដ្ឋាភិបាល អនុវត្តកម្មវិធីនយោបាយមានសូចនាករមិនច្បាស់លាស់។
តាមការពិតរាជរដ្ឋាភិបាលកម្ពុជា ដឹកនាំដោយគណបក្សប្រជាជនកម្ពុជា បាននិង​កំពុង​អនុវត្តកម្មវិធីនយោបាយសម្រាប់​អាណត្តិទី៥ បានត្រឹមត្រូវជាទីបំផុតទៅតាមដំណាក់កាលជា ជំហ៊ានៗស្របតាមផែនការយុទ្ធសាស្រ្ត ដោយផ្អែកលើកត្តាធនធានមនុស្ស និងធនធានបច្ចេក​ទេស​ច្បាស់លាស់។ កម្មវិធីនយោបាយដែលរាជរដ្ឋាភិបាលបាន និងកំពុងអនុវត្តក្នុងអាណត្តិទី ៥នេះរួមមាន៖ កំណើនសេដ្ឋកិច្ច៧ភាគរយ ការកាត់បន្ថយអត្រាភាពក្រីក្រ១ភាគរយរៀងរាល់ ឆ្នាំ ការបញ្ឈប់ដីសម្បទានសេដ្ឋកិច្ច ការបង្កើតគោលនយោបាយដឹកជញ្ជូន ការបង្កើនចំនួន ភ្ញៀវទេសចរបរទេសតាមគោលនយោបាយបើកចំហរជើងមេឃតាំងពីអាណត្តិទី២ ការបង្កើត​គោល​នយោបាយជាតិទាក់ទងនឹងការងារនិងអាជីព គោល​នយោបាយ​ទឹក​សម្រាប់​គ្រួសារ​នេសាទ ការចុះបញ្ជីដីធ្លី ការបង្កើតគោលនយោបាយជាតិស្តីពីលំនៅឋាន លទ្ធភាព​របស់​ពល​រដ្ឋ​ក្នុងការប្រើប្រាស់ទឹកស្អាត ការផ្គត់ផ្គង់អគ្គីសនីដល់ភូមិ ការសាង​សង់​សាលា​រៀន​ថ្នាក់​មធ្យម​សិក្សានៅគ្រប់ឃុំសង្កាត់ ការនាំចេញស្រូវអង្ករ១លានតោន ក្នុងឆ្នាំ២០១៥ ការរក្សា​គម្រប​ព្រៃឈើ ការអនុវត្តប្រាក់សោធនិវត្តន៍ក្នុងវិស័យឯកជន និងការកែលម្អផ្លូវតាមជនបទ។ កម្មវិធីនយោបាយទាំង១៦ខាងលើនេះ កំពុងត្រូវបាន និងកំពុងអនុវត្តជាជំហ៊ានៗស្រប​តាម​ផែន​ការយុទ្ធសាស្រ្ត ដោយផ្អែកលើកត្តាធនធានមនុស្ស និងធនធាន​បច្ចេក​​ទេស​។
យោងតាមទ្រឹស្តីនៃការគ្រប់គ្រងនៅក្នុងអង្គភាពអាជីវកម្មចែងថាការគ្រប់គ្រងត្រូវមានធាតុផ្សំ៤យ៉ាងរួមមានការ​​ធ្វើផែនការ ការរៀបចំរចនាសម្ព័ន្ធការងារ ការដឹកនាំ និង​ការ​តាម​ដាន​ជាដើម។ ដែលទាំងអស់នេះទាមទារការចូលរួមពីភាគីពាក់ព័ន្ធ​​​គ្រប់លំដាប់ថ្នាក់ដើម្បី​ឈាន​​ដល់ការគ្រប់គ្រងមានប្រសិទ្ធភាព និងស័ក្តសិទ្ធិភាព។ ចំ​ណែកឯ​​​​​ការ​​គ្រប់គ្រង និង​ការ​អនុវត្ត​កម្មវិធីនយោបាយថ្នាក់ជាតិវិញ ដោយមិនចាំបាច់​គិត​ដល់​ការ​គ្រប់​គ្រង និង​ដឹកនាំ​ប្រទស​ជាតិ​ទាំងមូលផងទេ កាន់តែមាន​វិសាល​ភាព​ធំ​ធេង​​​ ដែលគេមិនអាចចេះ​​តែ​ធ្វើ​ការវិភាគ​បែប​លំអៀង និងមិនច្បាស់លាស់​របស់អង្គការ​ណា​មួយ​នោះ​​​ឡើយ។
ដោយឡែកការវិភាគ របស់អង្គការឃ្លាំមើលការបោះឆ្នោត ខុមហ្វ្រែល គឺជាការ​វិភាគ​ដែល​​ពុំមានមូលដ្ឋានច្បាស់លាស់ឡើយ គឺគ្រាន់តែជាការវិភាគបែបសើរៗមិនស៊ីជម្រៅ ដោយ គ្មានឧបករណ៍សម្រាប់វាស់វែងច្បាស់លាស់ពោលគឺផ្អែកលើទិន្នន័យចម្បង ដែលមានស្រាប់ពី អង្គការនានា ដែលជាទិន្នន័យចាស់ ហួសសម័យមិនអាចពឹងផ្អែកបាន។ ម្យ៉ាងវិញទៀត ការស្រាវជ្រាវ និងការស្ទង់មតិ ដោយជ្រើសរើសអ្នកចូលរួមចំនួនតែ ៧៩៧នាក់ធ្វើជាសំណាក ក្នុងការសិក្សាស្រាវជ្រាវ មិនអាចយកជាការបានឡើយ បើប្រៀបធៀបនឹងអត្រាប្រជាជន​កម្ពុជា។
យោងតាមលោក សុខ ឥសាន អ្នកនាំពាក្យគណបក្សប្រជាជនកម្ពុជា ក៏បានថ្លែង​បញ្ជាក់​យ៉ាងច្បាស់ថា រដ្ឋាភិបាលបានអនុម័តកម្មវិធីនយោបាយរបស់គណបក្សសម្រាប់អនុវត្ត គឺ មិន មានន័យថា ត្រូវតែបំពេញទាំងអស់នោះទេ គឺរាជរដ្ឋាភិបាលបាននិងកំពុងធ្វើការមួយ​ជំហ៊ាន​ម្តងៗ ស្របតាមផែនការយុទ្ធសាស្រ្ត និងកត្តាមួយចំនួន ដែលត្រូវផ្អែកលើធនធាន មនុស្ស និងធនធានបច្ចេកទេសដែលយើងមិនអាចបំពេញបានពេញ​លេញតាមគោល​បំណង​នោះ​ទេ។
ការលើកឡើងបែបនេះ គឺជាការត្រឹមត្រូវបំផុត ដែលយើងគួរយកមកត្រឹះរឹះពិចារណា មុនធ្វើការវិភាគបែបមិនច្បាស់លាស់ ដែលអាចបង្កឱ្យមានការភ័ន្តច្រឡំណាមួយពីសំណាក់ ប្រជាពលរដ្ឋទូទៅ ដើម្បីបម្រើផលប្រយោជន៍មហិច្ឆិតានយោបាយរបស់ក្រុមខ្លួនតែប៉ុណ្ណោះ។





សម្តេចតេជោសែន ទទួលជួបមេបញ្ជាការ កងទ័ពជើងទឹកចិនលេខ​៥៧៣ នៅវិមានសន្ដិភាព

   សម្តេច​តេជោ​នាយក​រដ្ឋ​មន្រ្តី ហ៊ុន ​សែន បាន​ទទួល​ជួប​មេ​បញ្ជា​ការ​នាវា​ប្រទេស​ចិន និង​បាន​ស្នើ​ឲ្យ​យោធា​ចិន​ រៀប​ចំ​ធ្វើ​សម​យុទ្ធ​រំដោះ​នាវា​ចេញ​ពី​ចោរ​ប្លន់​សមុទ្រ និង​សម​យុទ្ធ​ក្នុង​ការ​សង្គ្រោះ​រំដោះ​ចេញ​ពី​តំបន់​ចោរ​សមុទ្រ​លួច​ប្លន់ ​។ ការ​ស្នើ​នេះ ធ្វើ​ឡើង​នៅ​រសៀល​ថ្ងៃ​ទី​២៤​ ខែ​កុម្ភៈ នេះ គ្រា​ដែល​សម្តេច​នាយក​រដ្ឋ​មន្ត្រី បាន​អនុញ្ញាត​ឲ្យ​មេ​បញ្ជា​ការ​នាវា​រំដោះ​ប្រជា​ជន​ចិន​លេខ​៥៧៣ រុំា យូម៉ាន់​ជាំង ចូល​ជួប​សម្តែង​ការ​គួរ​សម​ នៅ​វិមាន​សន្តិភាព​ ។

     ឧត្តម​នាវីទោ រ៉ាំ យូម៉ាន់ជាំង គឺ​ជា​មេ​បញ្ជា​ការ​កង​ទ័ព​ជើង​ទឹក​ចិន ​ប្រចាំ​ការ​សមុទ្រ​ចិន​ខាង​ត្បូង ដែល​បាន​ដឹក​នាំ​នាវា​ចម្បាំង​ចិន​ចំនួន ៣​គ្រឿង​ ជា​មួយ​នឹង​កង​ទ័ព​ជើង​ទឹក​ចិន​ជាង ​៧០០​នាក់ ​ចូល​សំចត​ក្នុង​ដែន​សមុទ្ទ​កម្ពុជា​កាល​ពី​ថ្ងៃ​ទី​២២​ ខែ​កុម្ភៈ​ កន្លង​មក​នេះ​ ។

     មន្ត្រី​ជំនួយ​ការ​ផ្ទាល់ ឯកឧត្តម អ៊ាង សុផល្លែត បាន​ថ្លែង​ប្រាប់​អ្នក​សារ​ព័ត៌មាន​ថា ឧត្តម​នាវី​ទោ​មេ​បញ្ជា​ការ​ចិន បាន​ជម្រាប​ជូន​សម្តេច​តេជោ នូវ​ក្បូន​នាវា​របស់​ចិន​ដែល​បាន​ចុះ​ចត​នៅ​កំពង់​ផែ​ក្រុង​ព្រះ​សីហនុ ហើយ​បាន​ទទួល​ការ​ស្វាគមន៍​យ៉ាង​កក់​ក្តៅ​ពី​ប្រជា​ជន​កម្ពុជា​… កង​ទ័ព​ជើង​ទឹក​កម្ពុជា​ និង​រដ្ឋ​មន្ត្រី​ក្រសួង​ការពារ​ជាតិ​ ឯក​ឧត្តម​ ទៀ​ បាញ់​ ផង​ដែរ​ ។ មេ​បញ្ជា​ការ​ជើង​ទឹក​ចិន បាន​បន្ត​ថា នៅ​ថ្ងៃ​ទី​២៤ ខែ​កុម្ភៈ​នេះ កង​ទ័ព​ជើង​ទឹក​ចិន កំពុង​តែ​ធ្វើ​ការ​ហ្វឹក​ហ្វឺន ជា​មួយ​នឹង​កង​ទ័ព​ជើង​ទឹក​របស់​កម្ពុជា នៅ​លើ​ដែន​គោក​… ហើយ​នៅ​ថ្ងៃ​២៦ ខែ​កុម្ភៈ​ខាង​មុន​នេះ នឹង​មាន​ការ​ហ្វឹក​ហាត់​រួម​គ្នា​នៅ​លើ​ដែន​សមុទ្រ​ ។

     សម្តេច​តេជោ ហ៊ុន សែន បាន​មាន​ប្រសាសន៍​ស្វាគមន៍ និង​គាំទ្រ​នូវ​ការ​ធ្វើ​សម​យុទ្ធ​រួម​គ្នា​នេះ ហើយ​សម្តេច​ក៏​បាន​ផ្តល់​អនុ​សាសន៍​ថា នៅ​ថ្ងៃ​ខាង​មុខ គប្បី​នឹង​រៀប​ចំ​ធ្វើ​សម​យុទ្ធៈ

     ទី​១. ការ​រំដោះ​នាវា​ចេញ​ពី​ចោរ​ប្លន់​សមុទ្រ

ទី​២​. ធ្វើ​ការ​សម​យុទ្ធ​ក្នុង​ការ​សង្គ្រោះ​រំដោះ​ចេញ​ពី​តំបន់​ចោរ​សមុទ្រ​លួច​ប្លន់

​ទី​៣. ធ្វើ​សម​យុទ្ធ​បង្កើន​សមត្ថ​ភាព​ក្នុង​ការ​សង្គ្រោះ នៅ​ពេល​មាន​គ្រោះ​មហន្ត​រាយ​កើត​ឡើង​៕





សភាកម្ពុជាទទួលរៀបចំមហាសន្និបាតសភាតំបន់អាស៊ី (APA) ម្តងទៀត នៅចុងឆ្នាំ២០១៦ ហើយទំនងត្រូវរៀបចំធ្វើនៅខេត្តសៀមរាប

កាលពីរសៀលថ្ងៃទី២៤ ខែកុម្ភៈ ឆ្នាំ២០១៦នេះ ក្រោមការដឹកនាំរបស់ ឯឧត្តមបណ្ឌិត ងួន ញ៉ិល អនុប្រធានទី២ នៃរដ្ឋសភា និងជាប្រធានក្រុមសភាជាតិកម្ពុជា-សភាតំបន់អាស៊ី បាន បើកកិច្ចប្រជុំមួយ ដើម្បីកំណត់ប្រធានបទ កំណត់ទីកន្លែង និងកាលបរិច្ឆេទ សម្រាប់ រៀបចំសមហាសន្និបាតលើកទី៩នេះ។
សភានៃព្រះរាជាណាចក្រកម្ពុជា គ្រោងទទួលធ្វើជាម្ចាស់ផ្ទះ រៀបចំមហាសន្និបាតសភាតំបន់ អាស៊ី(APA) ជាលើកទី២ គឺមហាសន្និបាតលើកទី៩ នាចុងឆ្នាំ២០១៦នេះបន្ទាប់ពី បានរៀបចំមហាសន្និបាតលើកទី៨ កាលពីចុងឆ្នាំ២០១៥កន្លងទៅ បានជោគជ័យ និង មាន ការកោតសរសើរពីប្រទេសជាមិត្ត ពិសេសពីបណ្តាប្រទេសសមាជិកអេភីអេ។
នៅក្នុងដំណើរឆ្ពោះទៅរៀបចំមហាសន្និបាតលើកទី៩នេះ រដ្ឋសភានៃព្រះរាជាណាចក្រកម្ពុជា បានកំពុងបំពេញកិច្ចការជាច្រើន ដោយក្នុងនោះ កំណត់ទីកន្លែងនិងកាលបរិច្ឆេទ សម្រាប់ កិច្ចប្រជុំក្រុមប្រឹក្សាប្រតិបត្តិ លើកទី១ នៃសភាតំបន់អាស៊ី។ រៀបចំសមាសភាព គណៈកម្មការ រៀបចំសម្រាប់កិច្ចប្រជុំក្រុមប្រឹក្សាប្រតិបត្តិលើកទី១   និងមហាសន្និបាត សភាតំបន់ អាស៊ី លើកទី៩ និងរៀបចំសមាសភាព គណៈ ប្រតិភូចូលរួមកិច្ចប្រជុំក្រុមប្រឹក្សាប្រតិបត្តិលើកទី១ និងមហាសន្និបាតសភាតំបន់អាស៊ី លើកទី៩ ជាដើម។
មានប្រសាសន៍នៅក្នុងកិច្ចប្រជុំនោះ ឯកឧត្តមបណ្ឌិត ងួន ញ៉ិល បានលើកឡើងថា យោង តាម ធម្មនុញ្ញអេភីអេ បានស្នើដល់ប្រទេសដែលទទួលរៀបចំមហាសន្និបាតត្រូវទទួល រៀបចំមហាសន្និបាត ចំនួនពីរឆ្នាំជាប់គ្នា។ យោងតាមស្មារតីនេះ ឯកឧត្តមបណ្ឌិត បាន គូសបញ្ជាក់ថា ដូច្នេះសភាកម្ពុជា មានកាតព្វកិច្ចទទួលរៀបចំមហាសន្និបាតអេភីអេ នេះពីរឆ្នាំ គឺមហាសន្និបាតលើកទី៨ កាលពីចុងឆ្នាំ២០១៥ ហើយមហាសន្និបាតលើកទី៩ត្រូវធ្វើ នៅចុងឆ្នាំ២០១៦ ខាងមុខនេះ។
សូមជម្រាបជូនថា មុនបើកមហាសន្និបាតប្រចំាឆ្នាំសភាតំបន់អាស៊ី (APA) មានកិច្ច ប្រជុំក្រុមប្រឹក្សាប្រតិបត្តិចំនួនពីរលើកគឺកិច្ចប្រជុំក្រុមប្រឹក្សាប្រតិបត្តិលើកទី១ និង កិច្ចប្រជុំ ក្រុមប្រឹក្សាប្រតិបត្តិលើកទី២។សភានៃព្រះរាជាណាចក្រកម្ពុជាគ្រោងរៀបចំកិច្ចប្រជុំក្រុម ប្រឹក្សា ប្រតិបត្តិលើកទី១ ក្នុងរយៈពេលបីខែមុនមហាសន្និបាតចំណែកកិច្ចប្រជុំ ក្រុមប្រឹក្សា ប្រតិបត្តិ លើកទី២ គឺរៀបចំធ្វើជាប់គ្នា និងមហាសន្និបាតតែម្តង។
ប្រធានបទនៃមហាសន្និបាតសភាតំបន់អាស៊ីលើកទី៨ ដែលសភាកម្ពុជាទទួលធ្វើជាម្ចាស់ ផ្ទះកាលពីឆ្នាំ២០១៥ គឺការលើកកម្ពស់សន្តិភាពការផ្សះផ្សា និង កិច្ចសន្ទនាក្នុងតំបន់អាស៊ី 
នៅក្នុងកិច្ចប្រជុំនារសៀលថ្ងៃទី២៤ខែកុម្ភៈនេះមានការ ចូលរួមមតិយោបល់ យ៉ាងផុល ផុស ពីសមាជិកអង្គប្រជុំ ។

ឯកឧត្តមបណ្ឌិត ងួន ញ៉ិល បានជម្រាបជូនអង្គប្រជុំថា យោងតាមសំណើពី សមាជិកសភាតំបន់អាស៊ីជាច្រើន បានស្នើដល់កម្ពុជាឲ្យរៀបចំមហាសន្និបាតលើកទី៩នេះ នៅលើទឹកដីអង្គរខេត្តសៀមរាបហើយកាលបរិច្ឆេទមហាសន្និបាតសូមលើកពេលធ្វើ យ៉ាង ណា កុំឲ្យនៅក្នុងខែធ្នូ ដោយសារបណ្តាប្រទេសជាច្រើន មានភាពរវល់ខ្លំាងនៅក្នុងខែធ្នូនេះ។
ទោះយ៉ាងណាឯកឧត្តមបណ្ឌិត       ងួន     ញ៉ិល  បានមានប្រសាសន៍ថាការ    សម្រេចណា មួយនៅក្នុងកិច្ចប្រជុំនាពេលនេះនឹងត្រូវលើកជាយោបល់ជូនថ្នាក់ដឹកនាំសម្រេ





អគារ​មរតកតេជោ នៃ​ក្រសួង​បរិស្ថាន​ ត្រូវ​បាន​សម្ពោធឲ្យប្រើ​ប្រាស់​ក្រោម​អធិបតីភាព​ដ៏ខ្ពង់​ខ្ពស់​ សម្តេច​អគ្គ​មហាសេនាបតី​តេជោ ហ៊ុន សែន​!

នៅ​ព្រឹក​ថ្ងៃ​ទី​២៥ ខែកុម្ភៈ ឆ្នាំ​២០១៦នេះ សម្តេច​អគ្គមហាសេនាបតី​តេជោ ហ៊ុន សែន បាន​អញ្ជើញ​ជា​អធិបតីភាព​ដ៏ខ្ពង់​ខ្ពស់​ក្នុង​ពិធី​បើកសន្និបាត និង​សម្ពោធអគារ « មរតកតេជោ នៃក្រសួង​បរិស្ថាន » ដោយ​មាន​ការ​ចូល​រួម​ពី​មន្ត្រី​ជាន់​ខ្ពស់ក្នុង​ជួររាជរដ្ឋាភិបាល និងអ្នក​មុខអ្នក​ការជាច្រើន​រូប​។
«អគារមរតកតេជោ» ត្រូវបានសាងសង់លើផ្ទៃដីទំហំ៦,៨០០ម៉ែត្រក្រឡា មានទីតាំងចន្លោះស្ពាននាគ និងស្ពានតន្រ្តីកោះពេជ្រ។ អគារនេះមានទទឹង ២៦ម៉ែត្រ និងបណ្តោយ ១១០ម៉ែត្រ​មានកម្ពស់ ៣៩ម៉ែត្រ ស្មើនិង ៦ជាន់ បានចំណាយថវិកាសាងសង់ជិត ៨លានដុល្លារ។





លោក​ជំទាវ ម៉ែន សំអន អនុញ្ញាតិ​ឲ្យគណៈ​ប្រតិភូ​សាខាសមាគម​នារីក្រសួង​ពត៌មាន ចូលជួប​សម្តែងការ​គួរសម

កាលពី ថ្ងៃទី ២៤ ខែកុម្ភៈ ឆ្នាំ២០១៦នេះ លោកជំទាវឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអនុញ្ញាតិឲ្យគណៈប្រតិភូសាខាសមាគមនារីក្រសួងពត៌មាន ដឹកនាំដោយ លោកជំទាវ ទេព រង្ស៊ី ខៀវ កញ្ញារីទ្ធ បានចូលសម្តែងការគួរសម និងដើម្បីអបអរសាទរខួបទិវាអន្តរជាតិនារីលើកទី១០៥ ឆ្នាំ២០១៦ នៅទីស្តីការក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច។

លោកជំទាវ ម៉ែន សំអន បានថ្លែងអំណរគុណ និងកោតសរសើរ ចំពោះគណៈកម្មការសាខាសមាគមនារីកម្ពុជាដើម្បីសន្តិភាព និងអភិវឌ្ឍន៏ ក្រសួងព៌តមានដែលខិតខំប្រឹងប្រែង ធ្វើការផ្សព្វផ្សាយអំពីច្បាប់ គោលនយោបាយ សារាចរ សេចក្ដីណែនាំរបស់រាជរដ្ឋាភិបាល ព្រមទាំងសកម្មភាពរបស់ប្រមុខរាជរដ្ឋាភិបាល ថ្នាក់ដឹកនាំបក្ស គ្រប់លំដាប់ថ្នាក់ ជូនដល់ប្រជាពលរដ្ឋបានយល់ដឹងពីស្ថានការណ៏ទូទៅ ក៏ដូចជាចំណេះដឹងនានា ពិសេសបញ្ហាទាក់ទងនឹងស្ត្រី ។ ការប្រារព្វខួបលើកទី ១០៥ ទិវាអន្តរជាតិនារី ៨ មិនា ក្នុងឆ្នាំនេះចំពេលដែល ប្រជាពលរដ្ឋនៅទូទាំងប្រទេស បាននឹងកំពុងអបអរសារទរខួប ៣៧ ឆ្នាំ នៃថ្ងៃរំដោះ ៧ មករា ១៩៧៩ ក្រោមការដឹកនាំដ៏ឈ្លៀសវៃរបស់គណបក្សប្រជាជនកម្ពុជា បានធ្វើឱ្យប្រជាលរដ្ឋបានរស់នៅដោយសុខដុមរមនា មានជីវភាពធូធារនិងមានសុខសុវត្ថិភាពយ៉ាងពិតប្រាកដ៕


ក្រសួងមហាផ្ទៃប្រារព្ធ​សន្និបាតបូកសរុប​ការងារឆ្នាំ២០១៥ និងលើក​ទិសដៅការងារ​ឆ្នាំ២០១៦

ក្រសួង​មហា​ផ្ទៃ បាន​ប្រារព្ធ​សន្និបាត​ប្រចាំ​ឆ្នាំ​ ដោយ​ពិនិត្យ​មើល​លើ​​បញ្ហា​ប្រឈម​នានា​ និង​ទិស​ដៅ​សម្រាប់​អនាគត​ទៅ​មុខ​ទៀត ​ក្នុង​ផែន​ការ​រក្សា​សន្តិ​សុខ ​និង​សណ្តាប់​ធ្នាប់​ជូន​ប្រជា​ពលរដ្ឋ​ ។
     មហា​សន្និបាត​​បាន​ពិនិត្យ​បញ្ហាប្រឈម​នានា​ ចាប់​តាំង​ពី​ករណី​សន្តិសុខ​សណ្តាប់​ធ្នាប់​ក្នុង​សង្គម​ចរាចរណ៍…​ ករណី​ប្លន់​ប្រដាប់​អាវុធ​បញ្ហា​គ្រឿង​ញៀន​ ។​ល​។ ក្នុង​​រយៈ​ពេល ​៣​ថ្ងៃ ដោយ​មាន​ការ​ចូល​រួម​ពី​មន្ត្រី​នគរ​បាល​ទូទាំង​ប្រទេស ​ពី​បណ្តា​រាជធានី​ និង​ខេត្ត​ទាំង​២៥ ​។
     សម្តេច​ក្រឡា​ហោម ស ខេង ឧប​នាយក​រដ្ឋ​មន្ត្រី​ និង​ជា​រដ្ឋ​មន្ត្រី​ក្រសួង​មហា​ផ្ទៃ បាន​មាន​ប្រសាសន៍​បង្ហាញ​កត្តា​មួយ​ ដែល​ជាប់​ទាក់​ទង​នឹង​បញ្ហា​ចរាចរណ៍​ ដែល​បាន​បង្ក​អោយ​មាន​មនុស្ស​ស្លាប់​ និង​របួស​ជា​រៀង​រាល់​ថ្ងៃ និង​ដែល​សមត្ថ​កិច្ច​មិន​ទាន់​រក​ឃើញ​​ប្រសិទ្ធ​ភាព​ដោះ​ស្រាយ​បាន​ នា​ពេល​នេះ​ ។ បញ្ហា​​ចម្បង​នោះ​ គឺ​ជា​បញ្ហា​ល្បឿន ​ដែល​បាន​ចូល​រួម​ចំណែក​ ៥០​ភាគ​រយ ​នៃ​ការ​ធ្វើ​អោយ​មនុស្ស​ស្លាប់​ និង​រង​របួស​ ។
     កត្តា​ចរាចរណ៍ ត្រូវ​គេ​កត់​សម្គាល់​ថា ​មាន​ចំនួន​ច្រើន​នៅ​ក្នុង​ ខែ​មករា ​ឆ្នាំ ​២០១៦ ដោយ​ក្នុង​មួយ​ខែ​ដើម​ឆ្នាំ​នោះ​ មាន​មនុស្ស​ស្លាប់​ចំនួន​ ១៨២​នាក់ ​ស្មើ​នឹង​ស្លាប់​ប្រមាណ​ ៦​នាក់/​ក្នុង​មួយ​ថ្ងៃ​ចំណែក​អ្នក​រង​របួស​មាន​៩៥១​នាក់ ​ស្មើ​នឹង​ជាង ​៣០​នាក់​/ក្នុង​មួយ​ថ្ងៃ​ផង​ដែរ ​។ នៅ​ក្នុង ​ខែ​កុម្ភៈ​ នេះ​វិញ ក្នុង​រយៈ​ ៩​ថ្ងៃ ​ដំបូង​ដែល​រួម​មាន​ព្រឹត្តិ​ការណ៍​ចូល​ឆ្នាំ​ចិន/​វៀត​ណាម​ ផង​ដែរ​នោះ មនុស្ស​ស្លាប់​ដោយ​ចរាចរណ៍​មាន​ចំនួន ​៨៣​នាក់ និង​មាន​អ្នក​រង​របួស​សរុប ​២៥៨​នាក់ ​ផង​ដែរ ​។ ប៉ុន្តែ​ក្រោយ​រយៈ​ពេល ​៩​ថ្ងៃ​នោះ​មក ចំនួន​មនុស្ស​ដែល​រង​គ្រោះ​ដោយ​សារ​គ្រោះ​ថ្នាក់​ចរា​ចរណ៍​បាន​ធ្លាក់​ចុះ​វិញ ។
     ក្នុង​បញ្ហា​ដទៃ​ទៀត​ក្រៅ​ពី​កត្តា​ចរា​ចរណ៍ សម្តេច​ក្រឡា​ហោម ​បាន​មាន​ប្រសាសន៍​កត់​សម្គាល់​ថា ​បទ​ល្មើស​ទូទាំង​ក្នុង​ប្រទេស​មាន​ការ​ថយ​ចុះ​ ៤​ភាគ​រយ បើ​ធៀប​នឹង​ឆ្នាំ​មុន បើ​ទោះ​បី​ជា​មាន​បទ​ល្មើស​ឧក្រិដ្ឋ​មាន​ការ​កើន​បន្តិច​បន្តួច ប៉ុន្តែ​នគរ​បាល​បាន​ខិតខំ​បង្ក្រាប​បទ​ល្មើស​បាន​រហូត​ដល់ ​៨០​ភាគ​រយ ​។ សម្តេច​ក្រឡា​ហោម​បាន​លើក​ពី​កិច្ច​ប្រឹង​ប្រែង​ ការ​បណ្តេញ​បរទេស​ខុស​ច្បាប់​ដែល​មាន​ចំនួន​ជាង ​៥​ពាន់​នាក់ ​មាន​ចំនួន ​៥០​សញ្ជាតិ​ករណី​អគ្គ​អត្ត​សញ្ញាណ​កម្ម ដែល​ការ​ធ្វើ​អត្ត​សញ្ញាណ​ប័ណ្ណ​ថ្មី ​ក្នុង​ចំណោម​ ១០​លាន​នាក់ គឺ​នៅ​សេស​សល់​តែ​ចំនួន​ ៣​លាន ៦​សែន​នាក់ ​នោះ​ទេ ដែល​គេ​រំពឹង​ថា​ នឹង​អាច​រួច​រាល់​នៅ​មុន​ការ​បោះ​ឆ្នោត​អសកល​ឆ្នាំ​ ២០១៧​ខាង​មុខ​នេះ​ ៕