Monday, April 13, 2020

វីដេអូអប់រំស្តីពី វិធានការការពារខ្លួនអ្នកពីជំងឺកូវីដ១៩ (ជាភាសាចាម) ផលិតដោយ៖ អង្គការមូលនិធីអភិវឌ្ឍន៍មុស្លិមកម្ពុជា

មហាសង្ក្រាន្ត​ឆ្នាំ ជូត ព​.​ស ២៥៦៤ គ​.​ស ២០២០ និង រណ្តាប់​ទទួល​ទេវតា

មហាសង្ក្រាន្ត​ឆ្នាំ ជូត ទោស័ក ពុទ្ធសករាជ ២ ៥៦៤ នឹង​ចូល​មកដល់​នៅ​ថ្ងៃ ចន្ទ ៦ រោច ខែចេត្រ ត្រូវ​នឹង​ថ្ងៃទី ១៣ ខែ មេសា គ​.​ស ២០២០ នា​វេលា​ម៉ោង ២០ និង ៤៨ នាទី ( ជា​វារៈ​មហាសង្ក្រាន្ត ) ។​ ​
– ថ្ងៃ​អង្គារ ៧ រោច ខែ ចេត្រ ត្រូវ​នឹង​ថ្ងៃទី ១៤ ខែ មេសា គ​.​ស ២០២០ ជា​វារនៈ​វ័ន​បត ។​
– ថ្ងៃ​ពុធ ៨ រោច ខែ ចេត្រ ត្រូវ​នឹង​ថ្ងៃទី ១៥ ខែ មេសា គ​.​ស ២០២០ ជា​វារនៈ​វ័ន​បត ។​
– ​ថ្ងៃ​ព្រ​ហ​ស្ប​ត៍ ៩ រោច ខែ ចេត្រ ត្រូវ​នឹង​ថ្ងៃទី ១៦ ខែ មេសា គ​.​ស ២០២០ នៅវេលា​ម៉ោង ១ និង ២៤ នាទី ៣៦ វិនាទី ជា​វារៈ​ឡើងស័ក ។​



​ទេវតា​ឆ្នាំ​ថ្មី​ព្រះនាម គោរ​គៈ​ទេវី ជា​បុត្រី​ទី ២ នៃ​កបិល​មហាព្រហ្ម គង់នៅ​ចា​តុ​មហា​រា​ជិ​កា ទ្រង់​អម្ពរ​ពណ៌ លឿង លម្អ​នៅ​ព្រះ​ការណ៍​ដោយ​ផ្កា អង្គារ​បុស្ស អ​ភ​រណ កែវ​មុក្តា សោយ តេ​លំ គឺ​ប្រេង ( ប្រេង​ដែល​មនុស្ស​អាច​បរិភោគ​បាន ) ជា​អាហារ គង់​លើ​ស្តេច ខ្លា ។​
​កត់សម្គាល់​៖ ដូចដែល​បានលើកឡើង​ខាងលើនេះ ឃើញថា វារៈ​វ័ន​បត ឆ្នាំនេះ រយៈពេល ២ ថ្ងៃទី គឺ ថ្ងៃទី ១៤ និង ទី ១៥ ខែ មេសា ហើយ​ជា​សរុបទៅ​ពិធីបុណ្យ​ចូលឆ្នាំ នា​ឆ្នាំនេះ មាន​រយៈពេល ៤ ថ្ងៃ គឺ​ចាប់ពី​ថ្ងៃទី ១៣ ដល់ ១៦ ខែ មេសា ។​
​រណ្តាប់​ទទួល​ទេវតា​
​រណ្តាប់​ទទួល​ទេវតា​តាម​ទំនៀម​ពី​បុរាណ​រៀង​រហូតមក ត្រូវ​រៀប​រាន​ទទួល​ទេវតា​នៅខាងមុខ​ផ្ទះមួយ​សម្រាប់​គ្រឿង​ពលីការ​ផ្សេងៗ ។ ត្រូវ​រៀប​ក្រាល​សំពត់​ពណ៌ ស (​អាច​ក្រាល​សំពត់​ព័ណ៌​លឿង​ក៏បាន ព្រោះ​ទេវតា​ឆ្នាំនេះ គ្រង​អម្ពរ​ពណ៌​លឿង ) ហើយ​រៀបចំ​នូវ​គ្រឿង​សក្ការបូជា​ទេវតា មាន​ជាអាទិ៍​បាយសី ៩ ថ្នាក់ មួយគូ បាយសី ៧ ថ្នាក់​មួយគូ បាយសី ៥ ថ្នាក់​មួយគូ បាយសី ៣ ថ្នាក់​មួយគូ បាយសី ប៉ាឆា មួយគូ ស្លាធម៌​មួយគូ ទឹកអប់​មួយគូ ទៀន​៥ ធូប ៥ លាច ៥ ផ្កា ៥ ដាក់​លើ​ជើងពាន ១ គូ ចេកនួន ចេកណាំវ៉ា ដាក់​លើ​ជើងពាន​មួយគូ ផ្លែឈើ ១១ មុខ រៀប​ដាក់​លើ​ជើងពាន ១១ ដូង​ឡៅ ១ គូ ទឹកស្អាត ២ កែវ ។​
ស្រេច​ហើយ នៅវេលា​ម៉ោង​ដែល​ទេវតា​ចុះមក ត្រូវ​ជួបប្រជុំ​ក្រុមគ្រួសារ​ដើម្បី នមស្សកា​ថ្វាយបង្គុំ ព្រះ​រតនត្រ័យ សមាទានសីល ហើយ​តាំងចិត្ត​ឱ្យបាន​ស្អាត​បរិសុទ្ធ​ជ្រះស្រឡះ​នូវ​មន្ទិល​ទាំងពួង តម្កល់ចិត្ត​រំពឹងគិត​ទៅលើ​ព្រះពុទ្ធ ព្រះធម៌ ព្រះសង្ឃ ជាទី​ពឹង​ទីរឭក លុះ​ចប់​ពិធី​ទទួល​ទេវតា ។​
​ចំពោះ​បាយសី ៩ ថ្នាក់ ៧ ថ្នាក់ ជា​ទំនៀម​មានចែង​នៅក្នុង​សៀវភៅ​ព្រះរាជ​ពិធី​ទ្វារ​ទស​មាស និង មាន​អនុវត្ត​នៅ​ព្រះបរមរាជវាំង តែ​ចំពោះ​ប្រជារាស្ត្រ គួរ​ធ្វើ​ត្រឹម ៥ ថ្នាក់ ចុះមក ឬ រៀប​ត្រឹម​គ្រឿង​សក្ការបូជា ដែលមាន​ទៀន ប្រាំ ធូប ប្រាំ ស្លាធម៌​កូន​ចេក​មួយគូ​ក៏​ល្មម​សមគួរ​ដែរ​។ ចំពោះ​ផ្លែឈើ​សម្រាប់​ប្រជារាស្ត្រ គួរ​រៀប​ឱ្យបាន​ត្រឹម ៣ ឬ ៥ មុខ ក៏​ជាការ​ប្រសើរ គឺ​រៀប​ទៅតាម​ធនធាន​របស់ខ្លួន ។ នៅ​គ្រប់​តង្វាយ​ទាំងអស់ ត្រូវដាក់​ផ្កាម្លិះ​ភួង​ពីលើ​គ្រប់​តង្វាយ នៅលើ​ជើងពាន និង លើ​បាយសី ត្រូវ​ដោត​ទៀន​ហើយ​ដុត​បំភ្លឺ ។​
​បន្ថែម​លើ​អ្វីដែល​មានចែង​នៅក្នុង​សៀវភៅ មហាសង្ក្រាន្ត​ត្រូវ​រៀបចំ​ឱ្យមាន​ប្រេង គឺជា​ប្រេង​អ្វី​ក៏ដោយ​ដែល​មនុស្ស​អាច​បរិភោគ​បាន ចំនួន ២ ចាន ដែល​អាចជា​ចានចង្កឹះ ចានគោម ឬ ចាន​សំប៉ាត ក៏បាន ដាក់​នៅក្នុង​គ្រឿង​រណ្តាប់​ទ​ទូល​ទេវតា​ព្រោះ​ទេវតា​ឆ្នាំនេះ សោយ​ប្រេង ៕ ដោយ ៖ បញ្ញានាថ
================

– ប្រវត្តិ​បុណ្យ​ចូល​ឆ្នាំ​ខ្មែរ និង​ទំនៀមចូលឆ្នាំ (មានវីដេអូ)

– រណ្តាប់សម្រាប់ទទួលទេវតាឆ្នាំថ្មី “ឆ្នាំកុរ” មាន
 ល្បែងប្រជាប្រិយខ្មែរ
  1. ល្បែងចាប់កូនខ្លែង
  2. ល្បែងទាញព្រ័ត្រ
  3. ល្បែងចោលឈូង
  4. ល្បែងលាក់កន្សែង
  5. ល្បែង​ស្តេចចង់​ ឬល្បែងអៀវ
  6. ល្បែង​បោះ​អង្គញ់
  7. ល្បែង លោតអន្ទាក់
  8. ល្បែង​ប្រជល់មាន់
  9. ល្បែងបិទពួន
  10. ល្បែង​គ្របមាន់
  11. ល្បែង​ឱបត្រឡាច ឬបេះឳឡឹក

សារលិខិត សម្តេចអគ្គមហាសេនាបតីតេជោ ហ៊ុន សែន ជូន​សម្តេចវិបុលសេនាភក្តី សាយ ឈុំ និងលោកជំទាវ ក្នុងឱកាសបុណ្យចូលឆ្នាំខ្មែរប្រពៃណីជាតិ ឆ្នាំជូត ទោស័ក ព.ស.២៥៦៤



សារលិខិត សម្តេចអគ្គមហាសេនាបតីតេជោ ហ៊ុន សែន ជូនសម្តេចអគ្គមហាពញាចក្រី ហេង សំរិន និងសម្តេចធម្មវិសុទ្ធវង្សា ក្នុងឱកាសបុណ្យចូលឆ្នាំខ្មែរប្រពៃណីជាតិ ឆ្នាំជូត ទោស័ក ព.ស.២៥៦៤



សារលិខិតថ្វាយព្រះពរ ឯកឧត្តមកិត្តិនីតិកោសលបណ្ឌិត ប៊ិន ឈិន ក្រាបបង្គុំទូលថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ក្នុងឱកាសបុណ្យចូលឆ្នាំខ្មែរប្រពៃណីជាតិ ឆ្នាំជូត ទោស័ក ព.ស.២៥៦៤



សារលិខិតថ្វាយព្រះពរ ឯកឧត្តមកិត្តិនីតិកោសលបណ្ឌិត ប៊ិន ឈិន ក្រាបបង្គុំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ក្នុងឱកាសបុណ្យចូលឆ្នាំខ្មែរប្រពៃណីជាតិ ឆ្នាំជូត ទោស័ក ព.ស.២៥៦៤


សារលិខិតជូនពរ ឯកឧត្តមកិត្តិនីតិកោសលបណ្ឌិត ប៊ិន ឈិន ជូនសម្តេចវិបុលសេនាភក្តី សាយ ឈុំ និងលោកជំទាវ ក្នុងឱកាសបុណ្យចូលឆ្នាំខ្មែរប្រពៃណីជាតិ ឆ្នាំជូត ទោស័ក ព.ស.២៥៦៤



សារលិខិតជូនពរ ឯកឧត្តមកិត្តិនីតិកោសលបណ្ឌិត ប៊ិន ឈិន ជូនសម្តេចអគ្គមហាពញាចក្រី ហេង សំរិន និងសម្តេចធម្មវិសុទ្ធវង្សា ក្នុងឱកាសបុណ្យចូលឆ្នាំខ្មែរប្រពៃណីជាតិ ឆ្នាំជូត ទោស័ក ព.ស.២៥៦៤



សារលិខិតជូនពរ ឯកឧត្តមកិត្តិនីតិកោសលបណ្ឌិត ប៊ិន ឈិន ជូនសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ក្នុងឱកាសបុណ្យចូលឆ្នាំខ្មែរប្រពៃណីជាតិ ឆ្នាំជូត ទោស័ក ព.ស.២៥៦៤




ក្រសួងសុខាភិបាលប្រកាសថា មិនមានករណីឆ្លងជម្ងឺកូវីដ១៩ថ្មីទេនៅថ្ងែនេះ សរុបអ្នកជាសះស្បើយមាន ៧៧នាក់ និងកំពុងបន្តព្យាបាល៤៥នាក់

នៅថ្ងៃទី១៣ ខែមេសា ឆ្នាំ២០២០នេះ ក្រសួងសុខាភិបាលបានប្រកាសថា មិនមានករណីឆ្លងថ្មី ជំងឺកូវីដនោះទេនៅថ្ងៃនេះ និងមិនមានអ្នកជាសះស្បើយដែរ អ្នកជាសះស្បើយសរុបមានចំនួន៧៧នាក់ អ្នកកំពុងសម្រាកព្យាបាលជំងឺកូវីដ ចំនួន៤៥នាក់ នៃអ្នកឆ្លងសរុប១២២នាក់។

ព័ត៌មានលម្អិត សូមអានសេចក្តីជូនដំណឹងរបស់ក្រសួងសុខាភិបាល មានដូចតទៅ៖