Thursday, March 12, 2015
លោក នាយករដ្ឋមន្ត្រី ហ៊ុន សែន បានព្រមានចាត់វិធានការទៅលើជនប្រព្រឹត្តល្មើសច្បាប់ទាំងអស់ បើទោះបីជាអ្នកនោះមានឋានៈធំប៉ុនណាក៏ដោយ
លោកនាយករដ្ឋមន្ត្រី ហ៊ុន សែន បានថ្លែងថា បច្ចុប្បន្នមានយុវជនខ្លះធ្វើអំពើផ្តេសផ្តាស
ទាក់ទងនឹងគ្រឿងញៀន ការឆក់ ការលួច គឺជារឿងគួរអោយសោកស្តាយណាស់ ។ លោក ហ៊ុន សែន បានមានប្រសាសន៍បន្តថា
ជំហានដំបូងអ្នកទាំងនោះ គឺធ្វើបាបខ្លួនឯង ហើយបន្ទាប់ទៅ អ្នកដែលរងគ្រោះខ្លោចផ្សា គឺឪពុកមា្តយនោះឯង។
លោកហ៊ុន សែន ថ្លែងបន្តថាក្នុងបញ្ហានេះ គឺ សង្គមជាតិទទួលតាមក្រោយទេ ហើយសង្គម បើសិនជាមនុស្សអាក្រក់កាន់តែច្រើន
គឺកាន់តែលំបាក រឿងតែប៉ុណ្ណឹង។
សម្តេចបានសង្កត់ធ្ងន់ថា ពន្ធនាគារវាជាចេះតែចង្អៀត ព្រោះគេធ្វើគុកមិនមែនសំរាប់មនុស្សល្អទេ
គេដាក់តែមនុស្សអាក្រក់ អញ្ចឹងកុំ! ទោះបីខ្លួននៅឋានៈស្អីក៏ដោយ
កុំថាពាក់ផ្កាយ ពាក់លោកខែក៏ដោយចុះ តា៎ដល់ពេលវេលាធ្វើខុសហើយ គឺគេដាក់គុកហើយ កុំឆ្ងល់ពេក។
ជាមួយគ្នានេះ លោក ហ៊ុន សែន បានថ្លែងដោយសុទិដ្ឋិនិយម និងសង្ឃឹមថា
និស្សិតជ័យលាភីទាំងអស់នៅក្នុងឱកាសនេះ នឹងបន្តការខិតខំរៀនសូត្រ និងធ្វើជាពលរដ្ឋល្អ ហើយក៏មិនធ្វើអោយក្រុមគ្រួសារឪពុកម្តាយពិបាកចិត្តដោយសារខ្លួននោះទេ។
លោកនាយករដ្ឋមន្ត្រី ហ៊ុន សែន បានថ្លែងបែបនេះ ក្នុងពិធីប្រគល់សញ្ញាបត្រដល់និសិ្សត
វិទ្យាស្ថានវ៉ាន់ដាគណនេយ្យ ថ្ងៃទី១២ ខែមិនា ឆ្នាំ២០១៥ នៅមជ្ឈមណ្ឌលសន្និបាតពិព័ណ៌កោះពេជ្រ
ក្នុងរាជធានីភ្នំពេញ៕
សម្តេច ហ៊ុន សែន ជំរុញអោយមន្រ្តីរាជរដ្ឋាភិបាលចេះប្រើបច្ចេកវិជ្ជាព័ត៌មានវិទ្យាថ្មី
ក្នុងឱកាសចែកសញ្ញាប័ត្រដល់និស្សិតវិទ្យាស្ថានវ៉ាន់ដាគណនេយ្យ
នាថ្ងែព្រហស្បត៏ ទី១២ ខែ មីនា ឆ្នាំ ២០១៥ នាយករដ្ឋមន្រ្តីកម្ពុជាលោកហ៊ុន សែន
បានជម្រុញអោយមន្រ្តីទាំងអស់ ខំរៀនប្រើបច្ចេកវិជ្ជាព័ត៌មានវិទ្យាតាមកុំព្យូទ័រនិងទូរស័ព្ទ
ដើម្បីសម្រួលទំនាក់ទំនងអោយបានលឿន។
សម្តេចតេជោ ហ៊ុន សែន
មានប្រសាសន៏ថា ៖ ≪កុំខ្លាចខ្មាស់អៀន
ហៅក្មេងទៅបង្រៀនទៅ។ បើមិនចេះតំឡើងខ្លួនឯងទេ អោយក្មេងវាចេះតំឡើងទៅ រួចហើយរៀនទៅ≫។
សម្តេចតេជោ ហ៊ុន សែន
ជម្រុញដូច្នេះគឺចង់អោយមន្រ្តីរាជរដ្ឋាភិបាលទាំងថ្នាក់ជាតិ ទាំងថ្នាក់ក្រោមជាតិ
សមាជិកព្រឹទ្ធសភា និងសមាជិករដ្ឋសភាមួយចំនួន ខំប្រឹងឡើងវិញ ដើម្បីអោយចេះប្រើបច្ចេកវិជ្ជាព័ត័មានវិទ្យាតាមកុំព្យូទ័រនិងទូរស័ព្ទ
ព្រោះប្រមុខរាជរដ្ឋាភិបាលកម្ពុជាជឿថា បើមន្រ្តីជាន់ខ្ពស់កម្ពុជាខ្វះជំនាញបច្ចេកវិជ្ជាព័ត័មានវិទ្យានោះ
អេឡិចត្រូនិករបស់លោកនឹង ≪វេទនាហើយ≫។
សម្តេចតេជោ ហ៊ុន សែន បានលើកសសើរកងកម្លាំងប្រដាប់អាវុធដែលចេះប្រើប្រាស់បច្ចេកវិជ្ជាព័ត័មានវិទ្យាបានច្រើនតាំងពីយូរ។
ក្រៅពីចំនេញពេលវេលា សម្តេចតេជោ ហ៊ុន សែនបានបន្ថែមទៀតថា ការទាក់ទងគ្នាតាមបច្ចេកវិជ្ជាព័ត៌មានវិទ្យា
អាចកាត់បន្ថយឱកាសឆ្លងវិរុសដែលអាចជាប់នៅនឹងក្រដាសផងដែរ៕
សម្តេច ព្រះវររាជមាតា ចេញព្រះសារលិខិត ជូនជនរួមជាតិបញ្ជាក់អំពី «វត្តសំពៅប្រាំ» នៅលើកំពូលភ្នំបូកគោ
សម្តេចព្រះក្សត្រីយានី ព្រះវររាជមាតា នរោត្តម មុនីនាថ សីហនុ នៃព្រះរាជាណាចក្រកម្ពុជា បាន ចេញ ព្រះសារលិខិតជូនជនរួម
សូមជម្រាបថា ការចេញព្រះសារលិខិតរបស់សម្តេចម៉ែ បញ្ជាក់អំពីវត្តសំពៅប្រាំដែ
សូមជម្រាបថា ការចេញព្រះសារលិខិតរបស់សម្តេចម៉ែ បញ្ជាក់អំពីវត្តសំពៅប្រាំដែ
សម្តេចតេជោ ហ៊ុន សែនប្រគល់សញ្ញាបត្រជូននិស្សិតវិទ្យាស្ថានវ៉ាន់ដា៣ ១៦៩នាក់
សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញចូលរួម ជា អធិបតីភាពដ៏ខ្ពង់ខ្ពស់ ក្នុងពិធីប្រគល់សញ្ញាបត្រ ជូននិស្សិតកម្រិតបរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់របស់វិទ្យាស្ថានវ៉ាន់ដា សរុបជំនួន ៣.១៦៩នាក់ នាព្រឹកថ្ងៃទី១២ ខែមីនា ឆ្នាំ២០១៥ នៅមជ្ឈមណ្ឌលសន្និបាតកោះពេជ្រ ។
ថ្លែងសុន្ទរថាស្វាគមន៍ លោក ហេង វ៉ាន់ដា នាយកវិទ្យាស្ថានវ៉ាន់ដា បានបញ្ជាក់ថា ដោយឈរលើមូលដ្ឋាននៃការពង្រឹងគុណភាពអប់រំ ក៏ដូចជាការផ្តល់នូវភាពជឿជាក់ពីគ្រប់មជ្ឈដ្ឋានសិក្សា ពិសេសអាណាព្យាបាលសិស្សនោះ វិទ្យាស្ថាន មានចក្ខុវិស័យច្បាស់លាស់ ក្នុងនោះគឺ បន្តពង្រឹងគុណភាពប្រព័ន្ធ គ្រប់គ្រងផ្ទៃក្នុង, ពង្រឹងគុណភាពសាស្ត្រាចារ្យ, ពង្រឹងវិន័យរបស់សិស្សឲ្យស្របតាមសេវាវិស័យអប់រំ ក្នុងគោលបំណងអនុវត្តឲ្យបានល្អប្រសើរ តាមកម្រឹតស្តង់ដាមួយប្រកបដោយនិរន្តរភាព និងប្រសិទ្ធភាពខ្ពស់។ ក្រៅពីនោះ វិទ្យាស្ថានក៏បានពង្រឹងបន្ថែមនូវទីតាំង អគារសិក្សា បណ្ណាល័យ អ៊ិនធើណែត ដោយបំពាក់សម្ភារៈសិក្សាទំនើបៗ សម្រាប់អ្នកសិក្សាទូទៅ ក្នុងគោលដៅពង្រីកការទំនាក់ទំនងឲ្យបានល្អ ជាមួយវិស័យអប់រំផ្នែករដ្ឋ ឯកជន និងដៃគូអភិវឌ្ឍន៍ជាតិ អន្តរជាតិជាច្រើន ។
សម្តេចតេជោ ហ៊ុន សែន បានមានប្រសាសន៍អំពាវនាវដល់ថ្នាក់ដឹកនាំ មន្រ្តីរាជការ កងកម្លាំងប្រដាប់អាវុធ ជាពិសេសអ្នកធំ ត្រូវធ្វើអក្ខរកម្មព័ត៌មានវិទ្យា ។ សម្តេចបានបញ្ជាក់ថា កាលពីមុនសម្តេចប្រកាសធ្វើអក្ខរកម្មកុំព្យូទ័រ តែឥឡូវត្រូវធ្វើអក្ខរកម្មព័ត៌មានវិទ្យា ព្រោះវាទូលំទូលាយ ប្រើពេលវេលាការងារខ្លី ហើយសមនឹងការប្រកាសថា រាជរដ្ឋាភិបាលអ៊ីឡិចត្រូនិក ។
សម្តេចនាយករដ្ឋមន្រ្តី បានមានប្រសាសន៍ផងដែរថា បច្ចុប្បន្នមន្រ្តីរដ្ឋសភា និងមន្រ្តីជាន់ខ្ពស់របស់រាជរដ្ឋាភិបាលមួយចំនួនមិនទាន់ចេះបើកកុំព្យូទ័រនៅឡើយទេ ។ ជាមួយគ្នានេះ សម្តេចនាយករដ្ឋមន្រ្តី ក៏បានជំរុញមន្រ្តីរាជរដ្ឋាភិបាល ឲ្យសិក្សាស្វែងយល់បន្ថែមទៅលើកម្មវិធីលើទូរស័ព្ទស្មាតហ្វូនដូច ជាការប្រើ SMS, E-mail, WhatsApp និង Viber ជាដើម ព្រោះការប្រើប្រាស់កម្មវិធីនេះ ជួយសម្រួលឲ្យការធ្វើ ការងាររបស់មន្រ្តីបានកាន់តែលឿន និងទាន់សភាពការណ៍។ សម្តេច ក៏បានរំលេចឡើងផងដែរថា ការងារមួយចំនួនធំ ត្រូវបានសម្តេចទាក់ទងតាមប្រព័ន្ធ WhatsApp បូករួម ទាំងកិច្ចចរចារស្តីពីវិសោធនកម្មច្បាប់បោះឆ្នោតផងដែរ ។
សម្តេចតេជោ ក៏បានធ្វើការកោតសរសើរដល់អ្នកគ្រប់គ្រងសាលា បុគ្កលិក សាស្ត្រាចារ្យ ទាំងអស់ដែលបានខិតខំប្រឹងប្រែងបំពេញការងារកន្លងមកបានល្អប្រសើរ រហូតដល់ទទួលបានជ័យលាភីយ៉ាងល្អប្រសើរ ដែលភាគច្រើនវិទ្យស្ថាននេះ មាននិស្សិតនារីច្រើនជាងបុរស និងកោតសរសើរចំពោះអាណាព្យាបាលសិស្សទាំងអស់ ដែលបានចំណាយលុយកាក់ឲ្យកូនមករៀន។ សម្តេចក៏បានអំពាវនាវដល់យុវជនទាំងអស់ឲ្យជៀសឆ្ងាយពីគ្រឿងញៀន ព្រោះយើងស្ថិតក្នុងវ័យសិក្សា ហើយគ្រឿងញៀននេះ គឺជំហ៊ានដំបូងវាបានបំផ្លាញខ្លួនយើងផ្ទាល់ បំផ្លាញគ្រួសារ និងសង្គមជាតិផងដែរ។ សម្តេចនាយករដ្ឋមន្ត្រី បានសម្តែងនូវក្តីសង្ឃឹមថា និស្សិតដែលទទួលបានជ័យលាភីនាពេលនេះ នឹងបន្តខិតខំសិក្សាស្រាវជ្រាវបន្ថែមទៀត ដើម្បីបង្កើនចំណេះដឹង បង្កើនសមត្ថភាពខ្លួន និងមានការងារធ្វើល្អ៕
ក្រុមយុវជន កម្ពុជា នឹងរៀបចំប្រារព្ធ ព្រឹត្តិការណ៍អង្គរសង្ក្រាន្តនៅលើទឹកដីអច្ឆរិយៈ ក្នុងខេត្តសៀមរាមនាឱកាសពិធីបុណ្យចូលឆ្នាំថ្មីប្រពៃណី ខ្មែរ
សហភាព សហព័ន្ធយុវជនកម្ពុជា ហៅកាត់ ថា សសយក នឹងរៀបចំប្រារព្ធព្រឹត្តិការណ៍អង្គរសង្ក្រាន្ត ដែលរំពឹងថា នឹងមានមហាជនចូលរួមប្រមាណ៥០ម៉ឺននាក់នៅលើទឹកដីអង្គរដ៏ពិសិដ្ឋ ក្នុងខេត្តសៀមរាប ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ដែលក្នុងឱកាសនោះ នឹងមានការលេងល្បែងប្រជាប្រិយ៍ របាំប្រពៃណី រំលេចនូវជីវភាពរស់នៅរបស់ប្រជាពលរដ្ឋខ្មែរសម័យអង្គរ បង្ហាញផ្ទាំងទស្សនីយ៍ភាពផ្សេងៗជាច្រើន ដែលសំដែងជូនដោយក្រុមសិល្បៈករ យុវជន យុវនារី និងសិល្បការីនីខ្មែរល្បីៗជាច្រើនរូប ជាពិសេស ការផលិតនំអន្សមយក្ស និងកម្មវិធីពិសារនំអន្សមយក្ស ដែលមានទម្ងន់ប្រមាណ៥តោន និងការរាំចង្វាក់ ម៉ាឌីហ្សូនក្រុមធំ ដើម្បីគ្រោងបំបែកឯកគ្គទកម្មពិភពលោក ក្នុងឆ្នាំ២០១៥នេះ។
ព្រឹត្តិការណ៍ ដ៏មហាអស្ចារ្យនេះ នឹងត្រូវបានរៀបចំឡើងនៅតាមបណ្តាទីតាំងសំខាន់មួយចំនួន ដូចជា នៅក្នុងបរិវេណខាងមុខប្រាសាទអង្គរវត្ត ប្រាសាទបាយ័ន្ត (លានជល់ដំរី) ដងស្ទឹងសៀមរាប បរិវេណពិព័ណ៌អង្គរឃ្យុងយូ និងនៅទីតាំងផាប់ស្ត្រីត ដែលមានរយៈពេលបីថ្ងៃ ចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០១៥ នេះបើយោងតាមសេចក្តីជូនដំណឹងរបស់ សសយក ចុះថ្ងៃទី១១ ខែមីនា ឆ្នាំ២០១៥ ជម្រាបជូនដល់អ្នកសារព័ត៌មាន ដើម្បីប្រាប់អំពីគោលបំណង និងខ្លឹមសាររួមនៃមហាព្រឹត្តិការណ៍អង្គរសង្ក្រាន្តដ៏ឧឡារិកនោះ។
ព្រឹត្តិការណ៍ អង្គរសង្ក្រាន្តឆ្នាំ២០១៥ ត្រូវបានរៀបចំជាថ្មីម្តងទៀត ដោយផ្អែកលើភាពជោគជ័យដ៏ត្រចះត្រចង់ នៃព្រឹត្តិការណ៍នេះ នាបណ្តាឆ្នាំកន្លងទៅ គឺនៅឆ្នាំ២០១៣ និងឆ្នាំ២០១៤។
យោង លើរបាយការណ៍ពីក្រសួងទេសចរណ៍បានឲ្យដឹងថា ព្រឹត្តិការណ៍អង្គរសង្រ្កាន្តលើកទី១ ដែលធ្វើឡើងចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០១៣ ទទួលបានការចូលរួមពីភ្ញៀវទេសចរណ៍ជាតិ និងអន្តរជាតិ ចំនួន ១៧៩,១៥៤ នាក់ មានការកើនឡើង១៤,០៩% ធៀបទៅនឹងឆ្នាំ២០១២ ដែលមានចំនួនត្រឹមតែ១៥៧,០១៩នាក់ ។ ទន្ទឹមនឹងនោះ អាជ្ញាធរជាតិអប្សរា ក៏បានបង្ហាញឲ្យដឹងដែរថា ព្រឹត្តិការណ៍អង្គរសង្ក្រាន្តឆ្នាំ២០១៤ បានទទួលភ្ញៀវទេសចរណ៍ សរុបចំនួន ៣៨៥,៦២៩ នាក់ ដែលក្នុងនោះភ្ញៀវជាតិប្រមាណ៣៥៧,៨២០ នាក់ និងភ្ញៀវអន្តរជាតិចំនួន២៧,៨០៩ នាក់ ពោល គឺមានការកើនឡើងទ្វេដង បើធៀបនឹងចំនួនភ្ញៀវទេសចរណ៍ក្នុងអំឡុងពេលដូចគ្នានាឆ្នាំ២០១៣។ តាមទិន្នន័យនេះ កម្ពុជា ជាពិសេសខេត្តសៀមរាបផ្ទាល់ ទទួលបានចំណូលសេដ្ឋកិច្ចប្រមាណជិត៣០លានដុល្លារអាមេរិក។
ផ្អែក លើវិសាលភាពកាន់តែធំ និងភាពទាក់ទាញកាន់តែខ្លាំង គេសង្ឃឹមថា ភ្ញៀវទេសចរណ៍ជាតិ និងអន្តរជាតិប្រមាណ៥០ម៉ឺននាក់ នឹងចូលរួមទស្សនាព្រឹត្តិការណ៍អង្គរសង្ក្រាន្តឆ្នាំ២០១៥នេះ ជាមួយនឹងការរំពឹងពីកំណើនសេដ្ឋកិច្ចដ៏វិជ្ជមានសម្រាប់ខេត្តសៀម រាបផ្ទាល់ និងសម្រាប់ប្រទេសកម្ពុជាជារួម៕
ឯកឧត្តម ជាម យៀប៖ ការលើកឡើងរបស់ឯកឧត្តម សុន ឆ័យ អំពីការប្រើប្រាស់ថវិកាមិនបានត្រឹមត្រូវនៅក្នុងរដ្ឋសភាគឺជារឿងមិនពិត
ឯកឧត្តម ជាម យៀប ប្រធានគណៈកម្មាធិការអចិន្ត្រៃយ៍រដ្ឋសភា
និងជាប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា
បានឆ្លើយតបទៅ ឯកឧត្តម សុន ឆ័យ
តំណាងរាស្រ្ត គណបក្សសង្រ្គោះជាតិដែលថា ការចំណាយរបស់រដ្ឋសភា អស់ជាង១១លានដុល្លារ
នោះគឺជារឿងមិនពិតនិងបំភ្លើសទាំងស្រុង។ ការឆ្លើយតបរបស់ ឯកឧត្តម ជាម យៀប បានធ្វើឡើងនៅក្នុងសន្និសីទសារព័ត៌មាន
នៅរសៀលថ្ងៃទី១២ ខែមីនាឆ្នាំ ២០១៥នេះ នាវិមានរដ្ឋសភាជាតិ។
ឯកឧត្តម
ជាម យៀប បានមានប្រសាសន៍ថា ការលើករបស់តំណាងរាស្រ្តគណបក្សសង្រ្គោះជាតិ
ឯកឧត្តម សុន ឆ័យ គឺជារឿងមិនពិតមិនត្រឹមត្រូវហើយគ្មានភស្តុតាងច្បាស់លាស់ទេ
។
គួររំលឹកថា
កាលពីថ្ងៃទី១១ ខែមីនា ឆ្នាំ២០១៥កន្លងទៅ អនុប្រធានគណៈកម្មការទី២ នៃរដ្ឋសភា
មកពីគណបក្សសង្គ្រោះជាតិ ឯកឧត្តម សុន ឆ័យ ដែលបានផ្តល់កិច្ចសម្ភាសន៍ ជាមួយអ្នកសារព័ត៌មាន កាលពីថ្ងៃទី១០ ខែមីនា ឆ្នាំ២០១៥
ស្តីពីការចំណាយរបស់រដ្ឋសភា។ ឯកឧត្តម សុនឆ័យ បានប្រាប់អ្នកកាសែតថា ការចំណាយ
និងគម្រោងទិញសម្ភារៈឧបករណ៍ប្រើប្រាស់នៅរដ្ឋសភា
គឺថ្លៃហួសហេតុ ដូចជា ចំណាយលើសេវាកម្ម ១១,៥ លានដុល្លារ ក្នុងមួយឆ្នាំ។
ចំណែកគម្រោងចំណាយលើការទិញឧបករណ៍ការពាររន្ទះ មួយគ្រឿងថ្លៃ ១២.០០០ ដុល្លារ
សាងសង់ ក្លោងទ្វារ ជាង ៥ម៉ឺនដុល្លារ និងដងទង់ជាតិ មួយថ្លៃ ៣៥.០០០ ដុល្លារ
ជាដើម៕
អត្ថបទ៖ ច័ន្ទ ទេវី
ស.ស.យ.ក ធ្វើសន្និសីទសារព័ត៌មាន ប្រកាសពីការរៀបចំ ព្រឹត្តិការណ៍អង្គរសង្រ្កាន្តឆ្នាំ២០១៥
នៅព្រឹកថ្ងៃទី១២
ខែមីនា ឆ្នាំ២០១៥នេះ សហភាពសហព័ន្ធយុវជនកម្ពុជា (ស.ស.យ.ក) បានធ្វើសន្និសីទសារព័ត៌មាន
ដើម្បីប្រកាសពីការរៀបចំ ព្រឹត្តិការណ៍អង្គរសង្រ្កាន្តឆ្នាំ២០១៥ ដែលរៀបចំឡើងនៅ
ទីស្នាក់ការកណ្តាលរបស់ សហភាពសហព័ន្ធយុវជនកម្ពុជា ដោយ លោក សោម រតនា
អ្នកនាំពាក្យព្រឹត្តិការណ៍អង្គរសង្រ្កាន្ត និងលោក សុខ សប្បាយណា ប្រធានក្រុមការងារប្រតិ្តបត្តិព្រឹត្តិការណ៍អង្គរសង្រ្កាន្តឆ្នាំ២០១៥។
លោក
សោម រតនា បានឲ្យដឹងថាការរៀបចំព្រឹត្តិការណ៍អង្គរសង្ក្រាន្តនេះថាធ្វើឡើងដើម្បីចូលរួមអបអរសាទរពិធីបុណ្យចូលឆ្នាំថ្មី
ប្រពៃណីជាតិខ្មែរ ក្រោមប្រធានបទ " ការចូលរួមអបអរសាទរពិធីបុណ្យចូលឆ្នាំថ្មីប្រពៃណីខ្មែរ
" ដោយមានការសម្តែងនិងបង្ហាញអំពីល្បែងប្រជាប្រិយរបាំប្រពៃណី និងប្រជាប្រិយ
ជីវភាពរស់នៅរបស់ប្រជាជនខ្មែរ សិល្បៈទស្សនីយ៍ភាពផ្សេងៗ ដោយយុវជន
យុវនារី សិល្បករ និងសិល្បការិនីខ្មែរ រួមជាមួយនឹងការលើកយកនូវកេរដំណែលអរិយធម៌និងស្នាដៃនានារបស់បុព្វបុរសខ្មែរ ដែលបានបន្សល់ទុកតាំងពីយូរលង់មកនោះ
មករំលេចឡើងជាផ្ទាំងទស្សនីយ៍ភាព នៅលើទឹកដីនៃព្រះរាណាចក្រវប្បធម៌
ក្នុងខេត្តសៀមរាប។
លោក
សោម រតនា ក៏បង្ហាញប្រាប់ពីគោលបំណងនៃការរៀបចំព្រឹត្តិការណ៍អង្គរសង្ក្រាន្តថាគឺដើម្បី៖
-ជួបជុំយុវជន
និងមហាជន ដើម្បីចួលរួមអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរជាមហាគ្រួសារខ្មែរតែមួយ។
-រំលឹក
និងធ្វើឲ្យរស់រវើក «បេតិកភ័ណ្ឌអរូបិយខ្មែរ នៅលើទីតាំងនៃបេតិកភ័ណ្ឌរូបិយ»
-ពង្រីកព្រឹត្តិការណ៍អង្គរសង្ក្រាន្តឲ្យក្លាយជាព្រឹត្តិការណ៍អន្តរជាតិ
ដើម្បីរឹតចំណងមិត្តភាពសាមគ្គីភាព រវាងប្រជាជាតិខ្មែរ និងប្រជាជាតិលើសកលលោក។
-ផ្តល់ឱកាសឲ្យយុវជន
ប្រជាពលរដ្ឋ ភ្ញៀវទេសចរជាតិ និងអន្តរជាតិ បានស្វែងយល់បន្ថែមអំពីភាពរុងរឿង
ល្បីល្បាញ ភាពសម្បូរបែបនៃវប្បធម៌ អរិយធម៌ ទំនៀមទម្លាប់ ប្រពៃណី សាសនា និងបន្តថែរក្សាកេរមរតកនេះឲ្យបានគង់វង្ស
ព្រមទាំងបន្តពង្រីកកិត្យានុភាពជាតិ លើឆាកអន្តរជាតិ។
-បំផុសគំនិតរួបរួមកម្លាំងសាមគ្គីភាពជាគ្រួសារខ្មែរតែមួយ
ក្នុងមោទនភាពជាតិខ្មែរជាធ្លុងមួយ និងបណ្តុះស្មារតី អភិរក្ស អភិវឌ្ឍន៍វប្បធម៌
បាវចនាជាតិ ព្រលឹង និងអត្តសញ្ញាណជាតិខ្មែរក្នុងបរិបទ នៃសមាហរណកម្មសហគមន៍ប្រជាជាតិអាស៊ីអាគ្នេយ៍
« រួមគិត រួមធ្វើ រួមទទួលខុសត្រូវ» ក្នុងសម័យកាលសកលភាវូបនីកម្មទំនើបជំនាន់ថ្មីនេះ។
-បង្ហាញនូវវប្បធម៌
និងសិល្បៈនៃការចែករំលែកការរាប់អាន ភាពទន់ភ្លន់របស់ប្រជាពលរដ្ឋខ្មែរក្នុងការជួយទុក្ខធុរៈគ្នាទៅវិញទៅមកដូចជាបងប្អូនតែមួយ។
-ផ្តល់ឱកាសឲ្យពាណិជ្ជករ សហគ្រិន អាជីវករ ចូលរួមតាំងបង្ហាញម្ហូបអាហារ
ផលិតផលពាណិជ្ជកម្ម និងសេវាកម្មនានា ជាពិសេស ផលិតផលសិប្បកម្ម
និងឧបករណ៍បរិក្ខារដែលបង្ហាញពីអត្តសញ្ញាណវប្បធម៌ក្នុងតំបន់។
-ជំរុញបន្ថែមកំណើនវិស័យទេសចរណ៍
ដែលនឹងរំពឹងថាមានភ្ញៀវទេសចរជាតិ និងអន្តរជាតិចូលរួមទស្សនាប្រមាណជាង
៥០ម៉ឺននាក់ ព្រឹត្តិការណ៍អង្គរសង្ក្រាន្តឆ្នាំ២០១៥។
លោក
សុខ សប្បាយណា បានលើកឡើងថា សំរាប់រយៈពេល៣ថ្ងៃគឺចាប់ពីថ្ងៃទី ១៤-១៦
ខែមេសា ព្រឹត្តិការណ៍អង្គរចង្រ្កាន្ត មានកម្មវិធីផ្ទាំងទស្សនីយភាពសំខាន់ៗជាច្រើនដូចជា៖
ពិធីបើកព្រឹត្តិការណ៍អង្គរសង្ក្រាន្តដែលត្រូវប្រារព្ធនៅប្រាសាទបាយ័ន
នាព្រឹកថ្ងៃទី១៤ ខែមេសា ឆ្នាំ២០១៥ ក្រោមអធិបតីភាពដ៏ខ្ពង់ខ្ពស់របស់
ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី,
កម្មវិធីភូមិខ្ញុំ, កម្មវិធីក្បួនដង្ហែអង្គរសង្ក្រាន្ត, ការសម្តែងល្បែងប្រជាប្រិយ
គុនល្បុក្កតោ និងរបាំ (លានជល់ដំរី), ពិធីកាត់ធំអន្សមយក្ស, ពិធីទទួលទេវតាឆ្នាំថ្មី,
ទាញព្រ័ត្រមិត្តភាពអង្គរចង្រ្កាន្ត, ជើងឯកញុំនំអន្សមយក្ស, កម្មវិធីប្រណាំងរទេះគោ/ក្របី, កម្មវិធីការរាំជាក្រុមពញ្ញាក់អារម្មណ៍,
ពិធីបណ្តែតគោមបួងសួងសុំសេចក្តីសុខ, កម្មវិធីមហោស្រពសិល្បៈវប្បធម៌បុរាណ,
ពិធីទៅវត្ត និងពូនភ្នំខ្សាច់, កម្មវិធីរាំម៉ាឌីហ្សូន ២០១៥នាក់, កម្មវិធីមហោស្រពវប្បធម៌យុវជនអន្តរជាតិ,
ការប្រកួតអុកចត្រង្គអបអរសាទរអង្គរសង្ក្រាន្តឆ្នាំ២០១៥, ពិធីប្រគល់ជ័យលាភីរូបថត
«អច្ឆរិយៈអង្គរចង្រ្កាន្ត», ពិធីស្រង់ព្រះ, កម្មវិធីប្រកួតធ្វើម្ហូបអាហារ
និង កម្មវិធីតន្ត្រីអង្គរចង្ក្រាន្តឆ្នាំ២០១៥។
លោក សុខ សប្បាយណា បានបន្តថា ចំណុចពិសេសនៅក្នុងព្រឹត្តិការណ៍អង្គរសង្រ្កាន្តនៅឆ្នាំនេះ
គឺការផលិត និងតាំងបង្ហាញសំភារៈប្រើប្រាស់ប្រចាំថ្ងៃមួយចំនួន របស់ប្រជាពលរដ្ឋខ្មែរ ដែលជាកេរ្តិ៍ដំណែលប្រពៃណីផង
និងជាអត្តសញ្ញាណជាតិផង ក្នុងលក្ខណៈខ្នាតធំ ដែលហៅថា ទំហំយក្ស។ សំភារៈទាំងនោះរួមមាន
កន្ត្រងប្រហុកយក្ស ដែលមានទម្ងន់ 150Kg, បណ្តោយ 6,10m និងកំពស់ 1,20m ,
បំពង់ទឹកត្នោតយក្ស ដែលមានកំពស់ 1,2m និងមុខកាត់
0,35m , មួកស្លឹកត្នោតយក្ស ដែលមានទម្ងន់ 191,5kg
មានទំហំមុខកាត់ខាងក្នុង1,55m និងទំហំរង្វង់ខាងក្រៅ
5,20m , អង្រុតយក្ស មានទម្ងន់ 350kg កំពស់ 5,5m អង្កត់ផ្ចិត
5,10m និងនំអន្សមយក្សដែលមានទម្ងន់ ៣,២តោន។
គួរបញ្ជាក់ថា យោងតាមរបាយការណ៍ដែលទទួលបានពីក្រសួងទេសចរណ៍នៃព្រះរាជាណាចក្រកម្ពុជា
បានបញ្ជាក់ថាព្រឹត្តិការណ៍អង្គរសង្ក្រាន្តលើកទី១នាឆ្នាំ២០១៣ ទទួលបានការចួលរួមពីភ្ញៀវទេសចរជាតិ
និងអន្តរជាតិ ចំនួន ១៧៩.១៥៤នាក់ មានការកើនឡើង ១៤,០៩% ធៀបទៅនឹងឆ្នាំ២០១២
ដែលមានចំនួនត្រឹមតែ ១៥៧.០១៩នាក់។ យ៉ាងណាមិញបើយោងតាមស្ថិតិភ្ញៀវទេសចរចូលរួមក្នុងព្រឹត្តិការណ៍អង្គរសង្រ្កាន្តឆ្នាំ២០១៤
របស់អាជ្ញាធរអប្សរាបានបង្ហាញថាព្រឹត្តិការណ៍អង្គរសង្ក្រាន្តនៅខេត្តសៀមរាបនៅថ្ងៃទី១៣
ដល់ថ្ងៃទី១៦ ខែមេសា ឆ្នាំ២០១៤ បានទទួលភ្ញៀវទេសចរជាតិប្រមាណ ៣៥៧,៨២០នាក់ និងភ្ញៀវអន្តរជាតិចំនួន
២៧.៨០៩នាក់ សរុបចំនួន ៣៨៥.៦២៩នាក់ ដែលមានកំណើនទ្វេដង បើធៀបនឹងទិន្នន័យចំនួនភ្ញៀវទេសចរកាលពីឆ្នាំមុន
ក្នុងអំឡុងពេលដូចគ្នា។ តាមរយៈទិន្នន័យនេះ កម្ពុជាទទួលបានចំណូលសេដ្ឋកិច្ចចំនួន
២៨លានដុល្លារអាមេរិក សម្រាប់ថ្លៃស្នាក់នៅ អាហារ សេវា ការដឹកជញ្ជូន
វត្ថុអនុស្សាវរីយ៍ ផ្សាររាត្រី មគ្គុទេសន៍ និងសេវាផ្សេងៗ៕
អត្ថបទ៖ ច័ន្ទ ទេវី
Subscribe to:
Posts (Atom)