ស្ថាប័នប្រឆាំងអំពើពុករលួយ ដាក់ផែនការត្រួតពិនិត្យ ការផ្តល់អត្តសញ្ញាណប័ណ្ណ និងលុបចោលកុងត្រូលជជុះ

យោងតាមសេចក្តីជូនដំណឹង របស់ស្ថាប័នប្រឆាំងអំពើពុករលួយ នៃក្រុមប្រឹក្សាជាតិប្រឆាំងអំពើពុករលួយ ចេញនៅថ្ងៃទី១៥ ខែមករា ឆ្នាំ២០១៦ កន្លងទៅនេះបានឲ្យដឹងថា ក្រុមប្រឹក្សាជាតិប្រឆាំងអំពើពុករលួយ បានបើកកិច្ចប្រជុំលើកទី៨ អាណត្តិទី២ ដោយមានវត្តមានសរុប ចំនួន ១១ រូប ហើយបានដំណើការក្រោមអធិបតីភាព ឯកឧត្តម តុប សំ ប្រធានក្រុមប្រឹក្សាជាតិប្រឆាំងអំពើពុករលួយ បានសម្រេចលទ្ឋផលដូចតទៅ៖ ១- បានពិនិត្យ និងអនុម័តកំណត់ហេតុកិច្ចប្រជុំក្រុមប្រឹក្សាជាតិប្រឆាំងអំពើពុករលួយលើកទី៨ អាណត្តិទី២  ២- បាន    ពិនិត្យ និងអនុម័តរបាយការណ៍ប្រចាំឆ្នាំរបស់ក្រុមប្រឹក្សាជាតិប្រឆាំងអំពើពុករលួយដើម្បីជូន សម្តេចតេជោ ហ៊ុន សែន ជ្រាបជារបាយការណ៍ និង៣- ស្ថាប័នប្រឆាំងអំពើពុករលួយ បានរាយការណ៍ជូនក្រុមប្រឹក្សាជាតិប្រឆាំងអំពើពុករលួយ អំពីផែនការលម្អិតក្នុងការត្រួតពិនិត្យ សេវាផ្តល់ អត្តសញ្ញាណប័ណ្ណ និងលុបចោលកុងត្រូលជជុះនោះមានដូចជា ខេត្តកណ្តាល ខេត្តកំពត ខេត្តស្វាយ និងរាជធានីភ្នំពេញ ៕

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានផ្ញើលិខិតរំលែកទុក្ខជូនចំពោះលោកជំទាវ ហ៊ុន សារិន

នៅព្រឹកថ្ងៃទី ១៨ ខែមករា ឆ្នាំ២០១៦កន្លងទៅនេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានផ្ញើលិខិតចូលរួមរំលែកទុក្ខ ជូនចំពោះលោកជំទាវ ហ៊ុន សារិន ព្រមទាំងក្រុមគ្រួសារ ដែលកំពុងមានទុក្ខជាទម្ងន់ ចំពោះមរណភាពរបស់ ឯកឧត្តម នាយឧត្តមសេនីយ៍ ញ៉ឹក ហួន អគ្គមេបញ្ជាការរងនៃកងយោធពលខេមរភូមិន្ទ ដែលបានអនិច្ចកម្ម នៅវេលាម៉ោង ១៤:៣០ នាទីរសៀល ថ្ងៃអាទិត្យ ទី១៧ ខែមករា ឆ្នាំ២០១៦ ដោយរោគាពាធ។

សម្តេចកិត្តិព្រឹទ្ធបណ្ឌិត បានមានប្រសាសន៍នៅក្នុងលិខិតរំលែកទុក្ខថា មរណភាពរបស់ ឯកឧត្តម នាយឧត្តមសេនីយ៍ ញ៉ឹក ហួន គឺជាការបាត់បង់ស្វាមីដ៍ឧត្តុង្គឧត្តម ជាការបាត់បង់ បិតា ជីតា ប្រកបដោយព្រហ្ម វិហារធម៌ គុណធម៌ សច្ចៈធម៌ ជាទីគោរពស្រឡាញ់។ ជាមួយគ្នានេះ មរណភាពរបស់ឯកឧត្តម ក៏ជាការបាត់បង់វីរកុលបុត្រកម្ពុជាដ៏ឆ្នើមមួយរូប ដែលបានពលីកម្មដ៏ខ្ពង់ខ្ពស់បំផុត បូជាកម្លាំងកាយ ចិត្ត ប្រាជ្ញា ចូលរួមដឹកនាំកម្លាំងតស៊ូរំដោះជាតិ និងប្រជាពលរដ្ឋឱ្យរួចផុតពីរបបប្រល័យពូជសាសន៍ ប៉ុល ពត បានចូលរួមចំណែកយ៉ាងសកម្ម ប្រកបដោយគំរូវីរភាពដ៏ឧត្តុង្គឧត្តម និងទឹកចិត្តស្នេហាជាតិដ៍ស្មោះស្ម័គ្រ ក្នុងការស្តារកសាងប្រទេសឡើងវិញរហូតមានសុខសន្តិភាព ស្ថិរភាពនយោបាយ មានវឌ្ឍនភាព វិបុលភាព និងការរីកចម្រើនឥតឈប់ឈររបស់ជាតិមាតុភូមិយើង បន្សល់ទុកនូវស្នាដៃជាច្រើនសម្រាប់កូនចៅជំនាន់ក្រោយ។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក៏ដូចជាមន្រ្តីរាជការនៅក្នុងកាកបាទក្រហមទាំងមូល សូមចូលរួមរំលែកមរណទុក្ខដ៏សែនក្រៀមក្រំក្តុកក្តួលរំជួលចិត្តនេះ ជាមួយលោកជំទាវ និងបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិទាំងឡាយក្នុងលោក សូមប្រោសព្រំដួងវិញ្ញាណក្ខន្ធ ឯកឧត្តម នាយ ឧត្តមសេនីយ៍ ញ៉ឹក ហួន បានចាប់បដិសន្ធិ ក្នុងសុគតិភពកុំបីឃ្លៀងឃ្លាតឡើយ៕

កម្ពុជា នឹងមានជើងហោះហើរត្រង់ទៅតូក្យូ ជាផ្លូវការ នៅខែកញ្ញា ខាងមុខនេះ ដែលចូលរួមចំណែកក្នុងការពន្លឿនកំណើនសេដ្ឋកិច្ចកម្ពុជា និងកំណើនភ្ញៀវទេសចរណ៍មកកាន់ប្រទេសកម្ពុជា

 ក្រុមហ៊ុន ANA នឹងប្រកាសផ្លូវហោះហើរត្រង់ទីក្រុងតូក្យូ-រាជធានីភ្នំពេញ នៅថ្ងៃទី ២០ ខែមករាខាងមុខនេះ ហើយក្រុមហ៊ុន ANA នឹងចាប់ផ្ដើមដំណើរការជាផ្លូវការនូវ ជើងហោះហើរផ្ទាល់ប្រចាំថ្ងៃ ពីទីក្រុងតូក្យូទៅទីក្រុងភ្នំពេញ ចាប់ពីថ្ងៃទី០១ ខែកញ្ញា ឆ្នាំ២០១៦។

ការប្រកាសបានធ្វើឡើងកាលនៅថ្ងៃទី ១៨ ខែមករា ឆ្នាំ២០១៦ ក្នុងជំនួបពិភាក្សារវាង លោក សុខ ចិន្តាសោភា ប្រធានក្រុមប្រឹក្សាអភិវឌ្ឍន៍កម្ពុជា និងលោក Shinya Katanozaka ប្រធាន/នាយកប្រតិបត្តិនៃក្រុមហ៊ុន ANA HOLDINGS INC នៅសណ្ឋាគារ Imperial Tokyo។

ជើងហោះហើរផ្ទាល់មកកាន់ប្រទេសកម្ពុជានេះ ជាផ្លូវហោះហើរថ្មីតែមួយគត់ ដែលក្រុមហ៊ុនគ្រោងនឹងបើកនៅឆ្នាំ ២០១៦នេះ ហើយវាក៏ជាការចូលរួមអបអរសាទរ នៅក្នុងពិធីគម្រប់ខួបទី ៣០នៃប្រតិបត្តិការអន្តរជាតិរបស់ក្រុមហ៊ុន ANA។

ការហោះហើរត្រង់ ជាសមិទ្ឋិផលថ្មីមួយទៀតរវាងប្រទេសជប៉ុន និងព្រះរាជាណាចក្រកម្ពុជា ដែលមានចំណងមិត្តភាពដ៏យូរអង្វែងមក ហើយជាពិសេស គឺអាចចូលរួមចំណែកក្នុងការពន្លឿនកំណើនសេដ្ឋកិច្ចកម្ពុជា ផ្សព្វផ្សាយពីវប្បធម៌ប្រទេសទាំងពីរ និងការលើកកម្ពស់កំណើនទេសចរណ៍ជប៉ុន មកព្រះរាជាណាចក្រកម្ពុជាផងដែរ។

គួរជម្រាបថា ក្រុមហ៊ុនហោះហើរ ALL NIPPON AIRWAYS CO., LTD ឬហៅថា Zenniku ឬ ANA ជាក្រុមហ៊ុនហោះហើរធំជាងគេទីពីរ នៅប្រទេសជប៉ុន ដែលមានការិយាល័យកណ្តាល នៅតំបន់ Miato ទីក្រុងតូក្យូ ប្រទេសជប៉ុន៕

ឯកឧត្តម ឡាយ វណ្ណៈ អភិបាលនៃគណៈអភិបាលខេត្តតាកែវ ប្រគល់ប្រាក់មរណៈសង្គ្រោះរបស់សម្ដេចតេជោ ហ៊ុន សែន ៤៤លានរៀល

កាលពីរសៀលថ្ងៃ ច័ន្ទ ទី១៨ ខែមករា ឆ្នាំ២០១៦កន្លងទៅនេះ នៅសាលាខេត្តតាកែវ ឯកឧត្តម ឡាយ វណ្ណៈ អភិបាលនៃគណៈអភិបាលខេត្តតាកែវ បានអញ្ជើញជាអធិបតី និងប្រគល់ប្រាក់មរណៈសង្រ្គោះ ដល់ក្រុមគ្រួសារអតីតៈយុទ្ធជនពលីដែលបានបូជាជីវិតដើម្បីបុព្វហេតុជាតិមាតុភូមិ។

ឯកឧត្តម ឡាយ វណ្ណៈ អភិបាលខេត្តតាកែវ ដែលបានថ្លែងថា ក្រុមគ្រូសារ អតីតៈយុទ្ធជនពលីទទួលបានប្រាក់មរណៈសង្រ្គោះ ចំនួន១១នាក់ ដោយម្នាក់ៗថវិកា៤លានរៀល ហើយឯកឧត្តមអភិបាលខេត្តតាកែវ បានមានប្រសាសន៍បន្ថែមទៀតថាគ្មានពេលណាមួយដែលរាជរដ្ឋាភិបាលកម្ពុជា ជាពិសេសប្រជាពលរដ្ឋកម្ពុជាបានបំភ្លេចគុណអតីតៈយុទ្ធជនពលីដែលបានបូជាឈាមស្រស់ សាច់ស្រស់ការពារជាតិ និងរំដោះ ប្រជាជនឱ្យរស់រានមានជិវិតរហូតដល់សព្វថ្ងៃនេះទេ។

ឯកឧត្តម អភិបាលខេត្ត បានមានប្រសាសន៏បន្តថា ប្រទេសកម្ពុជាមានការអភិវឌ្ឍ និងរីកចម្រើនដូច      បច្ចុប្បន្ននេះ ហើយប្រជាពលរដ្ឋមានជីវភាពធូធារ គឺអាស្រ័យមកពីពលីកម្ម ដ៏ធំធេងរបស់អតីតៈយុទ្ធជនពលីរបស់យើង។ ពួកគាត់គឺជាវិរៈបុរសជាតិ ពិតប្រាកដដែលយើងទាំងអស់គ្នា មិនអាចបំភ្លេចបានជាដាច់ខាត។



ឯកឧត្តម ឡាយ វណ្ណៈ បានមានប្រសាសន៍បន្ថែមថា រាជរដ្ឋាភិបាលកម្ពុជាដែលមានសម្ដេចតេជោដឹកនាំ លោកមានការយកចិត្តទុកដាក់ណាស់ ចំពោះបងប្អូនក្រុមគ្រូសារអតីតៈយុទ្ធ្ជនពលី។ កន្លងមកគ្រាន់តែទទួលដំណឹងថា ក្រសួងសង្គមកិច្ច បានជំពាក់ប្រាក់បងប្អូនគ្រូសារអតីតៈយុទ្ធជនពលី សម្ដេចលោកបានបញ្ជាភ្លាមឱ្យក្រសួងសេដ្ឋកិច្ច និងហិរញ្ញវត្ថុ ត្រូវយកលុយមកផ្ដល់ជូនបងប្អូនភ្លាម ហើយបានផ្ទេរការងារនេះ ពីក្រសួងសង្គមកិច្ចឲ្យមកក្រសួងការពារជាតិជាអ្នកកាន់កាប់វិញ។

ឯកឧត្តមអភិបាលខេត្ត បានមានប្រសាសន៏បន្តថា នេះសបញ្ចាក់ពីការយកចិត្តទុកដាក់ ពីរាជរដ្ឋាភិបាលចំពោះក្រុមគ្រូសារអតីតៈយុទ្ធជនពលី ហើយនៅលើពិភពលោកនេះ ក៏គ្មាននាយករដ្ឋមន្រ្តីប្រទេសណាមួយ ដែលយកចិត្តទុកដាក់ ដល់ក្រុមគ្រូសារអតីតៈយុទ្ធជនពលី ដូចនាយករដ្ឋមន្រ្តីប្រទេសកម្ពុជាឡើយ៕

ឯកឧត្តម​បណ្ឌិត ប៉ែន បញ្ញា ដឹកនាំកិច្ច​ប្រជុំត្រៀម​សម្រាប់ការរៀបចំ​មហាសន្និបាត​សភាតំបន់អាស៊ី​(APA)លើកទី៩ ដែល​សភាកម្ពុជា​ធ្វើជាម្ចាស់ផ្ទះ

នៅរសៀលថៃ្ងទី១៨ ខែមករា ឆ្នាំ២០១៦ នៅវិមាន​រដ្ឋសភា ឯកឧត្តមបណ្ឌិត ប៉ែន បញ្ញា ប្រធានគណៈ​កម្មការនីតិកម្ម និងយុត្តិធម៌នៃរដ្ឋសភា បានជួប​ប្រជុំជាមួយ ឯកឧត្តមឡេង ប៉េងឡុង អគ្គលេខាធិ​ការរដ្ឋសភា ព្រមទាំងមន្រ្តីពាក់​ព័ន្ធមួយចំនួន ដើម្បីពិភាក្សា​អំពីការងារ​ត្រៀមរៀបចំមហា​សន្និបាតសភាតំបន់​អាស៊ី APA លើកទី៩ ដែលនឹងរៀប​ចំធ្វើនៅព្រះរាជាណាចក្រកម្ពុជា នាចុងឆ្នាំ​២០១៦ខាងមុខ។

ក្នុងកិច្ច​ប្រជុំនាពេលនេះ ឯកឧត្តមបណ្ឌិត ប៉ែន បញ្ញា បានផ្តោតការ​ពិភាក្សាទៅ​លើការងារ ពាក់ព័ន្ធទៅ​នឹងខ្លឹមសារ និងនីតិវិធីដំណើរការ​នៃមហាសន្និបាត​ទាំងមូល ព្រមទាំងដំណើរការការងារAPA។ ឯកឧត្តមបណ្ឌិត បន្តថា ដើម្បីរៀបចំមហាសន្និបាត APA លើកទី៩នេះ អគ្គលេខាធិការដ្ឋានរដ្ឋសភា ត្រូវបង្កើតជាក្រុម​ការងារទទួលបន្ទុកកិច្ចការ​ផ្សេងៗគ្នា ដើម្បីចាត់ចែងរៀបចំការងារនៅ​មុនពេលមហាសន្និបាត រហូតដល់ពេលដំណើរ​ការមហាសន្និបាត និងពេលបិទ​មហាសន្និបាត គឺដូចកាលពី​មហាសន្និបាត APA លើកទី៨   ដែលមានដូចជា ក្រុមការងារ ផ្នែកហិរញ្ញ​វត្ថុនិងផ្គត់ផ្គង់  ផ្នែកឯកសារ​និងខ្លឹមសារ ផ្នែកដឹកជញ្ជូន ផ្នែកសន្តិសុខ ផ្នែកពិធីការ និងផ្នែក​ព័ត៌មាននិងICT។

ឆ្លៀតក្នុងឱកាសនោះ​ឯកឧត្តមបណ្ឌិត ប៉ែន បញ្ញា ក៏បានកោត​សរសើរ និងវាយតម្លៃខ្ពស់ចំពោះការយក​ចិត្តទុកដាក់របស់ថ្នាក់​ដឹកនាំ ព្រមទាំងមន្រ្តី គ្រប់ស្ថាប័នពាក់ព័ន្ធ ដែលបានខិតខំបំពេញភារកិច្ច ក្នុងខណៈដែលសភាកម្ពុជា ធើ្វជាម្ចាស់ផ្ទះ រៀបចំមហាសន្និបាត មហាសន្និបាត (APA) សភា តំបន់អាស៊ីលើកទី៨ កាលពីចុងឆ្នាំ២០១៥កន្លងមកនេះទទួលបានជោគជ័យដ៏ប្រសើរ ដែលនេះជាមោទនភាព​របស់កម្ពុជាលើឆាក​អន្តរជាតិ។

សូមបញ្ជាក់ថា មហាសន្និបាត​សភាតំបន់អាស៊ី(APA) លើកទី៨ និងលើកទី៩ គឺសភាកម្ពុជា ជាប្រទេសម្ចាស់ផ្ទះរៀបចំ​មហាសន្និបាតទាំងពីរ​លើកនេះ ហើយសម្តេចអគ្គមហា​ពញាចក្រី ហេង សំរិន ប្រធាន​រដ្ឋសភានៃព្រះ​រាជាណាចក្រកម្ពុជា ក៏ជាប្រធាន​សភាតំបន់អាស៊ី (APA) នេះផងដែរ សម្រាប់អាណត្តិរយៈពេលពីរឆ្នាំ គឺឆ្នាំ២០១៥​និងឆ្នាំ២០១៦៕

សម្តេចក្រឡាហោម ស ខេង បានចេញសេចក្តីជូនដំណឹងដល់សាធារណជនស្តីពីការចាប់អនុវត្តច្បាប់ស្តីពីចរាចរណ៍ផ្លូវគោក

នៅថ្ងៃទី១៩ ខែមករា ឆ្នាំ២០១៦នេះ សម្តេចក្រឡា​ហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន​គណៈកម្មាធិការជាតិសុវត្ថិភាព​ចរាចរណ៍ផ្លូវគោក បានចេញសេចក្តីជូន​ដំណឹងដល់ សាធារណជន ទាំងអស់ឱ្យបាន​ជ្រាបថា ចាប់ពីថ្ងៃទី១៥ ខែមីនា ឆ្នាំ២០១៦ តទៅ មន្រ្តីនគរបាល   ចរាចរណ៍ផ្លូវគោក​នឹងចាប់ផ្តើមធ្វើការត្រួតពិនិត្យ​រាល់បទល្មើសទាំងអស់ដែល​មានចែងក្នុងច្បាប់ ស្តីពីចរាចរណ៍​ផ្លូវគោក ក្នុងនោះរួមទាំង​ការត្រួតពិនិត្យលិខិតស្នាមដូចជា បណ្ណបើកបរ បណ្ណសម្គាល់យានយន្ត វិញ្ញាបនបត្រត្រួត​ពិនិត្យលក្ខណៈបច្ចេកទេស​យានយន្ត និងលិខិតអនុញ្ញាតធ្វើអាជីវកម្មដឹក​ជញ្ជូនជាដើម។

យោងតាមសេចក្តី​ជូនដំណឹងបានឱ្យដឹងថា គណៈកម្មាធិការ​ជាតិសុវត្ថិភាពចរាចរណ៍​ផ្លូវគោក សូមថ្លែងអំណរគុណ និងកោត​សរសើរ ប្រកបដោយក្តីមោទន​ភាពជាទីបំផុត ចំពោះសាធារណជន និងសមត្ថកិច្ច   ទូទាំងប្រទេស ដែលមានឆន្ទៈខ្ពស់ ក្នុងការចូលរួមគោរព និងអនុវត្តច្បាប់ស្តី​ពីចរាចរណ៍ផ្លូវគោកយ៉ាងផុសផុល ទាំងពេលធ្វើ​ចរាចណ៍លើទ្រូងផ្លូវ ក៏ដូចជាការបំពេញបែប​បទផ្សេងៗតាមលក្ខខណ្ឌ​ដែលច្បាប់បានតម្រូវ។ ដើម្បីដោះស្រាយ​ការលំបាកជូនប្រជា​ពលរដ្ឋ រាជរដ្ឋាភិបាលបាន​សម្រេចទទួលស្គាល់ការកាន់កាប់ ជាក់ស្តែងនូវយានយន្តគ្រប់ប្រភេទដែល​ប្រជាពលរដ្ឋកំពុងមាន ដោយមិនតម្រូវឱ្យ​មានការបញ្ជាក់ពីម្ចាស់ ដើម​ឡើយ។

យោងតាមសេចក្តីជូន​ដំណឹងនេះផងដែរក៏បាន សំណូមពរដល់សា​ធារណជន មេត្តារូតរះទៅបំពេញបែប បទផ្សេងៗ នៅមន្ទីរ​សាធារណការ និងដឹកជញ្ជូន​រាជធានី ខេត្ត ឱ្យបានគ្រប់គ្រាន់និងទាន់ពេលវេលា តាម លក្ខខណ្ឌ​ដែលច្បាប់កំណត់ ជាពិសេសការចុះ​បញ្ជីយានយន្ត និងការធ្វើលិខិតអនុញ្ញាត​ធ្វើអាជីវកម្មដឹក ជញ្ជូន។ គណៈកម្មាធិការជាតិសុវត្ថិភាពចរាចរណ៍ផ្លូវគោក ក៏បានអំពាវនាវ​ដល់សមត្ថកិច្ចពាក់ព័ន្ធមេត្តា បង្កលក្ខណៈងាយ​ស្រួលគ្រប់បែបយ៉ាងក្នុងការផ្តល់សេវាជូន​សាធារណជនឱ្យបានល្អប្រសើរ។

សេចក្តីជូនដំណឹង​ក៏បានបញ្ជាក់បន្ថែមទៀតថា ទីតាំងត្រួតពិនិត្យ​លក្ខណៈបច្ចេកទេសយានយន្តមាននៅ រាជធានីភ្នំពេញ (អគ្គនាយកដ្ឋានដឹកជញ្ជូន និងចំការដូង) នៅមន្ទីរ​សាធារណការនិងដឹក​ជញ្ជូននៃបណ្តា ខេត្ត រួមមាន ខេត្តកំពង់ចាម ខេត្តសៀមរាប ខេត្តបាត់ដំបង ខេត្តព្រះសីហនុ និងខេត្តកំពង់ស្ពឺ ដោយឡែក សម្រាប់ខេត្តកំពង់ស្ពឺ នឹងចាប់ដំណើរ​ការពីថ្ងៃទី១៨ ខែមីនា ឆ្នាំ២០១៦តទៅ៕

កម្លាំង​កងរា​ជអាវុធហត្ថ​បង្រ្កាបឃាត់ចាប់​រថយ​ន្តដឹកឈើបាន​៨គ្រឿងក្នុង​ថ្ងៃនេះ

មកទល់នឹ​ងម៉ោង៩នឹង៤០នាទីយប់ថ្ងៃទី១៨ ខែ​មករា ឆ្នាំ២០១៦ កម្លាំងកងរាជអាវុធហត្ថលើផ្ទៃប្រទេស សហការជាមួយកម្លាំ​ងកងរាជអាវុធហត្ថខេ​ត្តត្បូងឃ្មុំ តាកែវ រាជធានីភ្នំពេញ កណ្តាល នឹងក្រុ​មគយចល័ត របស់លោក កើ​ត សុធារ៉ា បានឃាត់ចាប់រថ​យន្តដឹកឈើសង្ស័យល្មើសច្បាប់​បានចំនួន៨គ្រឿង។

លោកឧត្តម​សេនីយ៍ទោ ហុង វិណុល មេបញ្ជាការរង​កងរាជអាវុធហត្ថ​លើផ្ទៃប្រទេស ទទួលបន្ទុក​ព័ត៌មាន សន្តិសុខ និងស្រាវជ្រាវបង្រ្កា​បបទល្មើសបាន​អោយដឹងថា កាលពីរសៀលថ្ងៃទី១៨ ខែមករា ឆ្នាំ២០១៦ រថយន្តដឹក​ឈើ១គ្រឿង ត្រូវបានបង្ក្រាប​ចាប់នៅស្រុក​អូររាំង ខេត្តត្បូងឃ្មុំ នឹង២គ្រឿង​ទៀតចាប់នៅ​ស្រុកស្វាយ​អន្ទរ ខេត្តព្រៃវែង។ ដោយឡែក​នៅយប់ថ្ងៃដដែល​នេះ កម្លាំងបានបន្តចាប់​បានចំនួន​៥ឡានទៀតនៅ​លើកំណាត់ផ្លូវជាតិ​លេខ២ជិតស្នាក់ការសន្តិសុខ២០១ ស្ថិតក្នុង​ស្រុកបាទី ខេត្តតាកែវ ដោយមានការ​ដាក់បន្លំជាមួយ​រថយន្តដឹកដែក។ ឈើទាំង៥ឡាន​ចាប់នាយប់នោះ នឹងធ្វើការត្រួតពិ​និត្យនៅព្រឹកថ្ងៃទី​១៩ ខែមករា ឆ្នាំ២០១៦ ដោយគណៈកម្មការ ជាមួយស្ថាប័នគយនៅផែស្ងួតតាមបណ្តោយផ្លូវវេងស្រេង ព្រោះកម្លាំងរបស់​លោកកំពុងនាំឡានទាំង​នោះមកកាន់រាជធានី​ភ្នំពេញ ហើយលោក​បានគាំទ្រដល់ស្ថាប័នគយ​លើយុទ្ធនាការបង្ក្រាប​នេះ ដែលបានសហ​ការដើម្បី​ប្រមូលពន្ធជូនរដ្ឋ។

គួរបញ្ជាក់​ដែរថា រាល់ការបង្រ្កាប​ឡានដឹកឈើ​ពិនិត្យឃើញថា ការដឹកជញ្ជូន​ឈើមានភាពមិនប្រក្រតី ដោយរថយន្ត​ខ្លះគ្មានលិខិតអនុញ្ញាតិ​ដឹកជញ្ជូន បើមានវិញ​គឺផ្ទុកលើស​ច្បាប់ រថយន្តគ្មានឈៀក​ត្រឹមត្រូវ គ្មានការកាត់ស្តុកពី​គយជាដើមនិងមាន​អាវក្រោះក្នុងរថយន្ត​ផងដែរ។ ចំពោះរថយន្ត​ដឹកឈើនោះផងដែរ សមត្ថកិច្ច​ពិនិត្យឃើញថា​បានលួចប្រើស្លាក​លេខក្លែងដូច្នេះលោក​នឹងមានវិធានការចាត់​ការក្នុងរឿងព្រហ្ម​ទណ្ឌតាមនីតិវិធី​ដោយច្បាប់ចរាចរណ៍ថ្មីត្រូវបានកំណត់​ពីទោសទណ្ឌស្រាប់ផង។

បើយោងតាម​ប្រភពខ្លះបានធ្លោយអោយ​ដឹងថា រថយន្តដឹកឈើបន្លំជាមួយ​ឡានដឹកដែកនេះ ជារបស់​លោក អេង ឃាង មេបញ្ជាការ​យោធាវរៈការពារព្រំ​ដែនលេខ ៣០១ ចំណុៈអោយតំបន់ប្រតិបត្តិ​ការរងខេត្តតាកែវ និងជាមេខ្លោងរកស៊ី​ដឹកដែកគេចពន្ធ ពីវៀតណាម​លក្ខណៈទ្រង់ទ្រាយធំ​ដែលគេសង្ស័យ​អាចមានពាក់ព័ន្ធ​ជាមួយក្រុមហ៊ុនជីព ម៉ុងផងដែរ។
ដោយឡែកចំ​ពោះរថយន្តធុន​ធំចំនួន៣គ្រឿង ដឹកឈើ​ប្រណិតពេញ មានបំណង​លោតឆ័ត្រ ទៅកាន់ប្រទេស​វៀតណាមនោះ ត្រូវបានកម្លាំង​អាវុធហត្ថខេត្ត​ព្រៃវែង សហការជាមួយកម្លាំងអាវុធហត្ថ ខេត្តត្បូងឃ្មុំ ស្ទាក់និងបង្ក្រាបបាន នៅរសៀលថ្ងៃទី១៨ ខែមករា ឆ្នាំ២០១៦នេះ ស្ថិតនៅលើផ្លូវ​ជាតិលេខ១១ នៅភូមិពានា ឃុំអំពិលក្រៅ ស្រុកស៊ីធរកណ្តាល ខេត្តព្រៃវែង។

មេបញ្ជាការ​អាវុធហត្ថខេត្តព្រៃវែង ឧត្តមសេនីយ៍ ម៉ែន ស៊ីប៊ន បានបញ្ជាក់ថា ក្រោមបញ្ជាផ្ទាល់ពីមេបញ្ជាការ​អាវុធហត្ថលើផ្ទៃប្រទេស នាយឧត្តមសេនីយ៍ សៅ សុខា នោះកម្លាំងរបស់លោកសហការជាមួយខាងខេត្តត្បូងឃ្មុំ ដេញបង្ក្រាបបានរថយន្តដឹកឈើខុសច្បាប់(ឈើប្រណិត) ដែលបើករត់គេច​ពីសមត្ថកិច្ចខេត្តត្បូងឃ្មុំ បានចំនួន០៣ឡាន(រថយន្តធំកង់១០) ហើយ រថយន្តទាំង៣គ្រឿងនេះត្រូ​វបានប្រគល់ទៅឲ្យ​រដ្ឋបាលព្រៃឈើ ខេត្តព្រៃវែង ដើម្បីត្រួតពិនិត្យនៅពេលក្រោយ។

គួររំលឹកដែរថា នៅព្រឹកថ្ងៃ​ទី១៨ ខែមករា ឆ្នាំ២០១៦នេះ នាយឧត្តមសេនីយ៍ សៅ សុខា ប្រធាន​គណៈកម្មាការបង្ក្រាបបទល្មើសព្រៃឈើ បានបញ្ជាឲ្យបិទច្រកព្រំដែនទំាំងអស់ជាប់ព្រំដែនប្រទេសវៀតណាម មិនឲ្យមានកា​រដឹកជញ្ជូនឈើចេញនោះឡើយ។

សូមបញ្ជាក់ថា នៅក្នុងកិច្ចប្រជុំគ​ណៈរដ្ឋមន្រ្តី កាលពីថ្ងៃសុក្រ ទី១៥ ខែមករា កន្លងទៅនេះ សម្តេចតេជោ ហ៊ុន សែន បានចេញបទបញ្ជា​ឲ្យអាជ្ញាធរ សមត្ថកិច្ចពាក់ព័ន្ធរួមគ្នាបង្រ្កាបបទល្មើសព្រៃឈើ ជាពិសេសជំនួញឈើទៅប្រទេសវៀតណាម។

សម្តេចតេជោ ប្រមុខរាជរដ្ឋា​ភិ​បាលកម្ពុជា ក៏បានសម្រេចបង្កើ​តគណៈកម្មការជាតិដើម្បីទប់ស្កាត់ និងបង្រ្កាបបទល្មើសព្រៃឈើដែលមាន នាយឧត្តមសេនីយ៍ សៅ សុខា ជាប្រធាន ឧត្តមសេនីយ៍ឯក ហ៊ូ សាគុណ អគ្គស្នងការរងនគរបាល​ជាតិ និងជាប្រធាននាយកដ្ឋានកណ្តាលនគរបាលព្រំដែន ជាអនុប្រធាន ​លោក ឆេង គឹម ស៊ុន អគ្គនាយករដ្ឋបាលព្រៃឈើ លោក ផៃ ប៊ុនឈឿន តំណាងក្រសួង​បរិស្ថាន រួមនិងអភិបាលខត្ត​ ត្បូងឃ្មុំ ក្រចេះ កំពង់ចាម មណ្ឌលគិរី រតនគិរី និងខេត្តស្ទឹងត្រែង ជា​សមាជិក។

ក្រោយការដាក់ចេ​ញបទបញ្ជារបស់នាយ​ករដ្ឋមន្រ្តី គេសង្កេតឃើញថា កម្លាំងសមត្ថកិច្ចនៅក្នុងតំបន់សម្បូ​របទល្មើសព្រៃឈើ បានចុះទៅ​បង្រ្កាប យ៉ាងសស្រាក់ សស្រាំ និងរឹបអូសឈើបានយ៉ាងច្រើន​សន្ធឹកសន្ធាប់ផងដែរ៕

ឯក​ឧត្តម ឈាង វុន ដឹក​នាំគណៈប្រតិភូ​សភាកម្ពុជា ចូលរួម​កិច្ចប្រជុំវេទិការ​សភាអាស៊ី-ប៉ាស៊ីហ្វិច (APPF) លើកទី២៤ នៅទី​ក្រុងវ៉េនកូវ៉ែរ (Vancouver) ប្រទេស​កាណាដា

ឯកឧត្តម ឈាង វុន ប្រធានគណៈកម្មការ​កិច្ចការបរទេស សហប្រតិបត្តិ​ការអន្តរជាតិ ឃោសនា​ការ និងព័ត៌មាន​នៃរដ្ឋសភា បានដឹកនាំ​គណៈ ប្រតិភូ សភា កម្ពុជា ចូលរួមកិច្ចប្រជុំវេទិការ​សភាអាស៊ី-ប៉ាស៊ីហ្វិច (APPF) លើកទី២៤ នៅថ្ងៃទី១៦ ដល់ថ្ងៃទី២៤ ខែមករា ឆ្នាំ២០១៦ ដែលបាន​ប្រារព្ធ ធ្វើនៅ ទីក្រុង វ៉េនកូវ៉ែរ (Vancouver) ប្រទេស​កាណាដា។

ក្នុងឱកាស​នៃកិច្ចប្រជុំ ឯកឧត្តម ឈាង វុន ក៏បានជួប​ស្វាគមន៍និង​ពិភាក្សាជាមួយ ប្រធាន
​គណៈប្រតិភូនៃប្រទេសជា​សមាជិកសភាអាស៊ី-ប៉ាស៊ីហ្វិច (APPF) ហើយក៏បានជួបពិភាក្សាជាមួយ ប្រធានរដ្ឋសភា​កាណាដា និងប្រធានគណៈប្រតិភូ​សភាកាណាដាផងដែរ។

គួរបញ្ជាក់​ផងដែរថា ប្រទេសកម្ពុជានឹងត្រូវធ្វើជាម្ចាស់ផ្ទះ នៃកិច្ចប្រជុំរបស់ វេទិកាសភាអាស៊ីស៊ីហ្វិក (APPF) នៅឆ្នាំ២០១៩ ខាងមុខ។ ឯកឧត្តម ឈាង វុន បានបញ្ជាក់ជូនថា កិច្ចប្រជុំនេះមានចំនុចសំខាន់ពីរ សម្រាប់សភាកម្ពុជា ទី១-សមាជិក សមាជិការដ្ឋសភា ព្រឹទ្ធសភាដែលចូលរួមប្រជុំ នឹងត្រូវអនុម័តលើ សេចក្តីសម្រេចនានា ទី២-មន្ត្រីដែលទៅចូលរួមគឺត្រូវពិនិត្យតាមដាន ដកស្រង់បទ​ពិសោធន៍​ពីកិច្ចប្រជុំនេះ ដើម្បីត្រៀមយកមក រៀបចំធ្វើ នៅឆ្នាំ២០១៩ ខាងមុខ នៅ​ព្រះរាជាណាចក្រកម្ពុជា៕

គ្រាប់ពូជ​ដំណាំកសិកម្ម និង​សៀវភៅ​ស្តីពីកសិកម្ម ត្រូវបាន​អាជ្ញាធរជាតិអប្សរាប្រគល់​ជូនប្រជាពលរដ្ឋភូមិរុន​តាឯក (ប្រភពពី GNN)

គ្រាប់ពូជដំណាំ​កសិកម្មចំនួន៨មុខ និងសៀវភៅស្តីពី​បច្ចេកទេសកសិកម្ម​ចំនួន៦មុខ ដែលនិយាយអំពី​របៀបចិញ្ចឹមគោ ចិញ្ចឹមជ្រូក ចិញ្ចឹមមាន់ ចិញ្ចឹមទា ចិញ្ចឹមក្រួច ត្រូវបាននាយកដ្ឋានអភិវឌ្ឍន៍កសិកម្ម និងសហគមន៍នៃ​អាជ្ញាធរជាតិ​អប្សរា ចែកជូនប្រជាពលរដ្ឋគំរូចំនួន៣៨គ្រួសារ ដែលកំពុងរស់​នៅក្នុងភូមិធម្មជាតិរុនតាឯក នៅព្រឹកថ្ងៃទី១៨ ខែមករា ឆ្នាំ២០១៦។
លោក ចាន់ វឌ្ឍនា ប្រធាននាយក​ដ្ឋានអភិវឌ្ឍន៍កសិកម្ម និងសហគមន៍ថ្លែងថា គ្រាប់ពូជ និងសៀវភៅទាំងនេះ ជាអំណោយដែល​ក្រុមការងារបានទាក់ទង​ស្នើសុំទៅក្រសួងកសិកម្ម ដើម្បីមកចែកជូន​ប្រជាពលរដ្ឋនៅទីនេះ សម្រាប់ជាទុន និងបង្កើនចំណេះ​ដឹងផ្នែកកសិកម្ម។ វាជាគ្រាប់ពូជដែល​អ្នកជំនាញកសិកម្មបាន​ចម្រាញ់យ៉ាងល្អ និងសមស្រប​តាមតម្រូវការទីផ្សារជាក់ស្តែង។
ចំណែកសៀវ​ភៅបច្ចេកទេសកសិកម្ម​វិញ ជាសៀវភៅ​ណែនាំខ្លីៗ មានរូបភាព និងអក្សរតិចតួចដែលអាច​ជួយជាស្មារតីដល់កសិករបាន។
អនុប្រធាន​នាយកដ្ឋានអភិវឌ្ឍន៍​កសិកម្ម និងសហគមន៍ លោក ស៊ឹម ថន ក៏បានណែនាំដល់ប្រជាពលរដ្ឋអំពី​របៀបប្រើប្រាស់​ពូជ និងសៀវភៅ​នេះផងដែរ។ ជាមួយគ្នា​នេះ លោក ក៏បានលើកឡើងថា បច្ចុប្បន្នអាជ្ញា​ធរជាតិអប្សរា កំពុងអនុវត្តគោលការណ៍​អភិវឌ្ឍន៍សហគមន៍​ចំនួន១០ចំណុច មានដូចជា ការជំរុញកសិកម្ម​បែបធម្មជាតិ ការចូលរួម​គាំទ្រទាំងទុន សម្ភារៈ និងចំណេះដឹង​ផ្នែកកសិកម្ម ការលើកកម្ពស់​វិស័យសុខាភិបាល និងផ្តល់មុខរបរជូន​សហគមន៍ជាដើម។
អ្នកស្រី លឿម សុគីម ជាប្រជាពល​រដ្ឋមកពីស្រុកបាគង ដែលបានមក​រស់នៅក្នុងភូមិ​ធម្មជាតិរុនតាឯករយៈ​ពេលជាង៥ឆ្នាំមកហើយ​បញ្ជាក់ថា អ្នកស្រីរីករាយ​ណាស់ដែលបានទទួល​គ្រាប់ពូជ និងសៀវភៅ​បច្ចេទេសកសិកម្មនេះ។ អ្នកស្រីបញ្ជាក់ថា ”ខ្ញុំចង់ចិញ្ចឹមគោ និងមាន់។ ពីមុនក៏ខ្ញុំធ្លាប់ចិញ្ចឹម​មាន់ដែរ តែជួនបានផល ជួនក៏ឈឺងាប់ ព្រោះយើង​ចិញ្ចឹមតាមទម្លាប់ មិនសូវចេះ។ ឥឡូវបានក្រុម​អប្សរាមកជួយពន្យល់​ចឹងទៅ បានផលល្អ​លែងងាប់ទៀត។ ខ្ញុំឮថា ខាងអប្សរានឹងយក​មេគោមកប្រវាស់ជូន​ប្រជាជន។ ខ្ញុំនឹងសាកល្បង​ចិញ្ចឹមគោថែមទៀត។

សម្តេចវិបុលសេនាភក្តី សាយ ឈុំ បានផ្ញើសារលិខិតរំលែកទុក្ខជូនចំពោះលោកជំទាវ ហ៊ុន សារិន ព្រមទាំងក្រុមគ្រួសារ

នៅព្រឹកថ្ងៃទី ១៩ ខែមករា ឆ្នាំ២០១៦នេះ ប្រធានព្រឹទ្ធសភា សម្តេចវិបុលសេនាភក្តី សាយ ឈុំ បានផ្ញើសារលិខិត​រំលែកទុក្ខជូនចំពោះ​លោកជំទាវ ហ៊ុន សារិន ព្រមទាំងក្រុមគ្រួសារ ដែលកំពុងមានទុក្ខ ដ៏ក្រៀមក្រំជា​ទីបំផុតដែល ឯកឧត្តម នាយឧត្តម​សេនីយ៍ ញ៉ឹក ហួន អគ្គមេបញ្ជាការរងនៃកង​យោធពលខេមរភូមិន្ទ ដែលបានទទួល​មរណភាព កាលពីថ្ងៃអាទិត្យ ទី១៧ ខែមករា ឆ្នាំ២០១៦ វេលាម៉ោង ១៤:៣០ នាទីរសៀល ដោយរោគាពាធ ក្នុងជន្មាយុ ៦៩ឆ្នាំ។

សារលិខិតរំលែក​ទុក្ខនោះក៏បាន​បញ្ជាក់ថា ការបាត់​បង់រូប ឯកឧត្តម នាយឧត្តមសេនីយ៍ ញ៉ឹក ហួន គឺជា ការបាត់បង់​នូវស្វាមី បិតា ជីតា ជាទីគោរព​ស្រឡាញ់ និងជាវីរកុល​បុត្រខ្មែរដ៍ឆ្នើមមួយរូប ដែលបាន​បូជា កម្លាំងកាយ កម្លាំងចិត្ត និងលះបង់គ្រប់​បែបយ៉ាងចូលរួមក្នុងបុព្វហេតុបម្រើជាតិ​មាតុភូមិ ក្នុងចលនារំដោះ ប្រទេសជាតិចាក​ផុតពីភ្លើងសង្រ្គាម និងរបបប្រល័យពូជសាសន៍ ដើម្បីនាំ​យកនូវសន្តិភាព ស្ថេរភាព និង វិបុលភាពពិត​ប្រាកដជូនប្រជាជនកម្ពុជា។

សារលិខិតរំលែកទុក្ខ​ក៏បានបន្ថែមទៀតថា រូបឯកឧត្តម នាយឧត្តមសេនីយ៍ បាត់បង់ទៅក៏ពិតមែន ក៏ប៉ុន្តែកិត្តិ​យសគំរូវីរៈភាព ភាពអង់អាចក្លាហាន និងសេចក្តីល្អ​របស់ឯកឧត្តមស្ថិតស្ថេរជានិច្ចក្នុងដួងចិត្ត​របស់លោកជំទាវ បុត្រា បុត្រី ចៅប្រុស ចៅស្រី និងបងប្អូនសាច់​ញាតិជិតឆ្ងាយទាំងអស់។

សម្តេចវិបុល​សេនាភក្តី សាយ ឈុំ ក៏ដូចជាមន្រ្តី​រាជការនៅក្នុងព្រឹទ្ធសភា​ទាំងមូល សូមចូលរួមរំលែកនូវ សេចក្តីទុក្ខ​ដ៏ក្រៀមក្រំក្តុកក្តួលអាឡោះ​អាឡ័យជាទីបំផុត​ជាមួយ លោកជំទាវ ក្រុមគ្រួសារ និងញាតិមិត្ត ទាំងអស់​នៃសព ព្រមទាំងបួងសួងដល់វត្ថុស័ក្កសិទ្ធិក្នុងលោក និងតេជៈបារមីព្រះពុទ្ធ ព្រះធម៌ ព្រះសង្ឃ តាមបីបាច់ថែរក្សា​ដួងវិញ្ញាណក្ខន្ធ ឯកឧត្តម នាយឧត្តមសេនីយ៍ ញ៉ឹក ហួន បានទៅសោយ​សុខក្នុងសុគតិ ភពជានិច្ចនិរន្តរ៍​តរៀងទៅ៕

សម្តេចក្រឡាហោម ស ខេង បានចេញសេចក្តីជូនដំណឹងដល់សាធារណជនស្តីពីការចាប់អនុវត្តច្បាប់ស្តីពីចរាចរណ៍ផ្លូវគោក

នៅថ្ងៃទី១៩ ខែមករា ឆ្នាំ២០១៦នេះ សម្តេចក្រឡា​ហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន​គណៈកម្មាធិការជាតិសុវត្ថិភាព​ចរាចរណ៍ផ្លូវគោក បានចេញសេចក្តីជូន​ដំណឹងដល់ សាធារណជន ទាំងអស់ឱ្យបាន​ជ្រាបថា ចាប់ពីថ្ងៃទី១៥ ខែមីនា ឆ្នាំ២០១៦ តទៅ មន្រ្តីនគរបាល   ចរាចរណ៍ផ្លូវគោក​នឹងចាប់ផ្តើមធ្វើការត្រួតពិនិត្យ​រាល់បទល្មើសទាំងអស់ដែល​មានចែងក្នុងច្បាប់ ស្តីពីចរាចរណ៍​ផ្លូវគោក ក្នុងនោះរួមទាំង​ការត្រួតពិនិត្យលិខិតស្នាមដូចជា បណ្ណបើកបរ បណ្ណសម្គាល់យានយន្ត វិញ្ញាបនបត្រត្រួត​ពិនិត្យលក្ខណៈបច្ចេកទេស​យានយន្ត និងលិខិតអនុញ្ញាតធ្វើអាជីវកម្មដឹក​ជញ្ជូនជាដើម។

យោងតាមសេចក្តី​ជូនដំណឹងបានឱ្យដឹងថា គណៈកម្មាធិការ​ជាតិសុវត្ថិភាពចរាចរណ៍​ផ្លូវគោក សូមថ្លែងអំណរគុណ និងកោត​សរសើរ ប្រកបដោយក្តីមោទន​ភាពជាទីបំផុត ចំពោះសាធារណជន និងសមត្ថកិច្ច   ទូទាំងប្រទេស ដែលមានឆន្ទៈខ្ពស់ ក្នុងការចូលរួមគោរព និងអនុវត្តច្បាប់ស្តី​ពីចរាចរណ៍ផ្លូវគោកយ៉ាងផុសផុល ទាំងពេលធ្វើ​ចរាចណ៍លើទ្រូងផ្លូវ ក៏ដូចជាការបំពេញបែប​បទផ្សេងៗតាមលក្ខខណ្ឌ​ដែលច្បាប់បានតម្រូវ។ ដើម្បីដោះស្រាយ​ការលំបាកជូនប្រជា​ពលរដ្ឋ រាជរដ្ឋាភិបាលបាន​សម្រេចទទួលស្គាល់ការកាន់កាប់ ជាក់ស្តែងនូវយានយន្តគ្រប់ប្រភេទដែល​ប្រជាពលរដ្ឋកំពុងមាន ដោយមិនតម្រូវឱ្យ​មានការបញ្ជាក់ពីម្ចាស់ ដើម​ឡើយ។

យោងតាមសេចក្តីជូន​ដំណឹងនេះផងដែរក៏បាន សំណូមពរដល់សា​ធារណជន មេត្តារូតរះទៅបំពេញបែប បទផ្សេងៗ នៅមន្ទីរ​សាធារណការ និងដឹកជញ្ជូន​រាជធានី ខេត្ត ឱ្យបានគ្រប់គ្រាន់និងទាន់ពេលវេលា តាម លក្ខខណ្ឌ​ដែលច្បាប់កំណត់ ជាពិសេសការចុះ​បញ្ជីយានយន្ត និងការធ្វើលិខិតអនុញ្ញាត​ធ្វើអាជីវកម្មដឹក ជញ្ជូន។ គណៈកម្មាធិការជាតិសុវត្ថិភាពចរាចរណ៍ផ្លូវគោក ក៏បានអំពាវនាវ​ដល់សមត្ថកិច្ចពាក់ព័ន្ធមេត្តា បង្កលក្ខណៈងាយ​ស្រួលគ្រប់បែបយ៉ាងក្នុងការផ្តល់សេវាជូន​សាធារណជនឱ្យបានល្អប្រសើរ។

សេចក្តីជូនដំណឹង​ក៏បានបញ្ជាក់បន្ថែមទៀតថា ទីតាំងត្រួតពិនិត្យ​លក្ខណៈបច្ចេកទេសយានយន្តមាននៅ រាជធានីភ្នំពេញ (អគ្គនាយកដ្ឋានដឹកជញ្ជូន និងចំការដូង) នៅមន្ទីរ​សាធារណការនិងដឹក​ជញ្ជូននៃបណ្តា ខេត្ត រួមមាន ខេត្តកំពង់ចាម ខេត្តសៀមរាប ខេត្តបាត់ដំបង ខេត្តព្រះសីហនុ និងខេត្តកំពង់ស្ពឺ ដោយឡែក សម្រាប់ខេត្តកំពង់ស្ពឺ នឹងចាប់ដំណើរ​ការពីថ្ងៃទី១៨ ខែមីនា ឆ្នាំ២០១៦តទៅ៕