ក្រសួងព័ត៌មាន ស្នើសមត្ថកិច្ចចាត់វិធានការលើគណនី Facebook ចំនួន៧ ដែលផ្សាយបំភ្លៃរឿងជំងឺ COVID19

ក្រសួងព័ត៌មាន បានស្នើឱ្យសមត្ថកិច្ចពាក់ព័ន្ធចាត់វិធានការលើគណនី Facebook ចំនួន៧ ដែលធ្វើសកម្មភាពផ្សព្វផ្សាយបំភ្លៃ បំផុសបំផុលនិងបំភ័យឱ្យមានការយល់យល់ច្រឡំលើជំងឺ COVID19 នៅកម្ពុជា។

គណនី Facebook ទាំង៧ ដែលស្នើឱ្យចាត់វិធានការនេះរួមមាន៖ Sdam Husen, Sovannara Som, កូននាគ អហិង្សា ស្វ.រ, សំលេងពលករចង់បានការផ្លាស់ប្តូរ, សឹម សុភា Soem Sophea, Ah Song Ha និង រិទ្ធីវង្ស ឡុង។

ក្រសួងព័ត៌មាន បានគូសបញ្ជាក់ថា គណនី Facebook ទាំងនេះ បានផ្សព្វផ្សាយព័ត៌មានមិនពិត ដោយមិនបានផ្ទៀងផ្ទាត់ឱ្យបានត្រឹមត្រូវជាមួយស្ថាប័នមានសមត្ថកិច្ចពាក់ព័ន្ធ។

តាមសេចក្តីប្រកាសនេះ ក្រសួង បានស្នើដល់សាធារណជនកុំមានការភាន់ច្រឡំ និងបញ្ឈប់ការចែករំលែកបន្តរាល់ព័ត៌មានមិនពិតទាំងនេះ ព្រោះអាចប្រឈមចំពោះមុខច្បាប់។

សូមរំលឹកថា កន្លងទៅក្រសួងព័ត៌មានធ្លាប់បានធ្វើការជាមួយក្រុមហ៊ុន Facebook បិទគណនី Facebook មួយផងដែរ ចំពោះការផ្សាយព័ត៌មានមិនពិតលើករណីជំងឺ COVID19នេះ។

សូមបញ្ជាក់ថា ក្នុងរយៈពេលប៉ុន្មានថ្ងៃមកនេះ គណនី Facebook ខាងលើនេះ បានធ្វើសកម្មភាពផ្សព្វផ្សាយបំភ្លៃយ៉ាងផុលផុស ដោយទាញភ្ជាប់ករណីផ្សេងៗកើតមាននៅក្នុងប្រទេសកម្ពុជាថា ជាជំងឺ COVID19 បង្កឱ្យមានការភាន់ច្រឡំជាច្រើនពីអ្នកលេងបណ្តាញសង្គម Facebook។

ក្រសួងសុខាភិបាល បានបញ្ជាក់ហើយថា មកដល់ពេលនេះនៅកម្ពុជាមិនមានករណីជំងឺ COVID19 នោះទេ។ បើទោះបីកម្ពុជាមិនមានឆ្លងជំងឺនេះក៏ដោយ ក៏ក្រសួងបានដាក់ចេញវិធានការជាច្រើន ដើម្បីបង្កា និងការពារកុំឱ្យមានការឆ្លងនៃជំងឺនេះ ៕

សមត្ថកិច្ចព្រំដែនទឹកកម្ពុជា ឃាត់នាវាកាំមេរ៉ូន( MT-COURAGEOUS)មួយគ្រឿង ចូលមកបំពានដែនសមុទ្រកម្ពុជា

សមត្ថកិច្ចព្រំដែនទឹកកម្ពុជា ឃាត់នាវាកាំមេរ៉ូន( MT-COURAGEOUS)មួយគ្រឿង ចូលមកបំពានដែនសមុទ្រកម្ពុជា

(ភ្នំពេញ)៖ យោងតាមសេចក្ដីប្រកាសព័ត៌មានរបស់អគ្គស្នងការនគរបាលជាតិ បានអោយដឹងថា នៅថ្ងៃទី០១ ខែមិនានេះ សមត្ថកិច្ចព្រំដែនទឹកបានរកឃើញនិងឃាត់នាវាបរទេសមួយគ្រឿង ដែលបានបោះយុថ្កាបំពាន់ដែនសមុទ្រកម្ពុជា នៅចំណុចនិយាមការ N10០05.1300,1E103០07.8593 នៅចន្លោះកោះកុង និង កោះប៉ូឡូវៃ។ តាមការបំភ្លឺរបស់អ្នកទទួលខុសត្រូវនាវានោះបានបញ្ជាក់ជូនសមត្ថកិច្ចឱ្យដឹងថា នាវាដែលបានឃាត់នេះមានឈ្មោះ MT-COURAGEOUS សញ្ជាត្តិ CAMEROON មាននាវឹកចំនួន១៦នាក់ និងបានទទួលបញ្ជាចេញពីកំពង់ផែ KAO HSIUNG នៃកោះតៃវ៉ាន់ កាលពីថ្ងៃទី១៥ ខែកុម្ភៈ ឆ្នាំ២០២០ លុះដល់ថ្ងៃទី២៦ ខែកុម្ភៈឆ្នាំ២០២០ នាវានេះ បានបោះយុថ្កាបំពាន់ដែនសមុទ្រកម្ពុជា នៅចំណុចនិយាមការ N10005.1300,1E103007.8593 ដើម្បីរងចាំបទបញ្ជាថ្មីពីថៅកែ ។

សេចក្តីប្រកាសព័ត៌មានបានឱ្យដឹងដែរថា នាវាមួយគ្រឿងនេះធ្លាប់បានធ្វើសកម្មភាពបំពានទៅនឹងសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិលើការដាក់ទណ្ឌកម្មប្រទេសកូរ៉េខាងជើងផងដែរ។ នាវានេះ បានផ្ទេរទំនិញផ្សេងៗទៅកាន់ទូកដឹកទំនិញរបស់កូរ៉េខាងជើង។

បច្ចុប្បន្ននាវា MT-COURAGEOUS ត្រូវបានសម្ថកិច្ចការពារព្រំដែនទឹក ឃាត់ និងបញ្ជូនទៅព្រះរាជអាជ្ញាអមតុលាការខេត្តព្រះសីហនុដើម្បីបន្តនិត្តិវិធី និងចាត់ការតាមផ្លូវច្បាប់៕
សូមអានខ្លឹមសារសេចក្តីប្រកាសព័ត៌មានទាំងស្រុងដូចខាងក្រោម៖

សូម​ទស្សនា​​វីដេអូ​ស្តីពី «សន្តិភាព ឯករាជ្យ និងអធិបតេយ្យជាតិជា បំណងប្រាថ្នាដ៏ពិសិដ្ឋរបស់ប្រជាជនកម្ពុជា »

បច្ចុប្បន្ន កម្ពុជាមានសន្តិភាពពេញលេញ មានស្ថេរភាពនយោបាយយ៉ាងរឹងមាំ មានការអភិវឌ្ឍន៍គ្រប់វិស័យ មានកំណើនសេដ្ឋកិច្ចយ៉ាងខ្ពស់ និងមានមិត្តភក្តិបរទេសជាច្រើនគាំទ្រ។ ដូច្នេះ គ្មានការលំបាកអ្វីធំដុំដូចពីអតីតកាលទៀតឡើយ។  អង្គភាព​ព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្រ្តី បានបញ្ចញវីដេអូ មាន រយៈពេល១៩នាទី ២០វិនាទី ​​ស្តីពី «សន្តិភាព ឯករាជ្យ និងអធិបតេយ្យជាតិជា បំណងប្រាថ្នាដ៏​ពិសិដ្ឋ​របស់ប្រជាជនកម្ពុជា » ។

ជាងពេលណាៗទាំងអស់ ប្រទេសកម្ពុជាបច្ចុប្បន្ន បាននិងកំពុងប្រឹងប្រែងងើបឈរដោយកម្លាំងខ្លួនឯងប្រកបដោយ​មោទនភាពបំផុត។ នៅគ្រប់វេទិកាធំៗទាំងក្នុងក្របខណ្ឌតំបន់ ក៏ដូចជាក្នុងក្របខណ្ឌពិភព​លោក​ កម្ពុជាតែងមានមុខនៅទីនោះ ដើម្បីតំណាងឲ្យជាតិសាសន៍មួយដែលឈរស្មើមុខមាត់គេឯងគ្រប់គ្នា។ អ្វី​ដែល​គួរឲ្យកត់សម្គាល់ថែមទៀតនោះ គឺកម្ពុជាពេលនេះបានឆ្លងផុតពីប្រទេសដែលមានប្រាក់ចំណូលទាប ក្លាយជាប្រទេសដែលមានប្រាក់ចំណូលមធ្យមកម្រិតទាប ហើយមិនយូរប៉ុន្មានទៀតទេប្រទេសដែលធ្លាប់​តែ​ឆាប​ឆេះ​ដោយ​ភ្លើងសង្គ្រាម និងដែលធ្លាប់ហែលឆ្លងរបបវាលពិឃាតមួយនេះ នឹងក្លាយជាប្រទេសដែលមានប្រាក់ចំណូលមធ្យមកម្រិតខ្ពស់ ប្រហាក់ប្រហែលបណ្តាប្រទេសក្នុងតំបន់ដែរ។
កម្ពុជាមានប្រមុខរាជរដ្ឋាភិបាលដែលមានជំហរ ស្មារតី និងឆន្ទៈរឹងមាំដូចដែកថែប កម្ពុជាមានបណ្តាប្រទេសជាមិត្តជាច្រើនដែលមានចិត្តស្មោះសរនៅតែបន្តគាំទ្រ និងធ្វើកិច្ចសហប្រតិបត្តិការជាមួយដោយឥតងាករេ។ កម្ពុជាមានប្រជាពលរដ្ឋភាគច្រើនលើសលប់ដែលឈរគាំទ្ររាជរដ្ឋាភិបាល។
ដូចគោលជំហរដ៏ច្បាស់លាស់របស់សម្តេច ហ៊ុន សែន កម្ពុជាមិនឱនក្បាលចំពោះការប្រមាថរបស់បរទេសដើម្បីប្តូរជំនួយឡើយ៕

សូមអញ្ជើញទស្សនាវីដេអូខាងក្រោម ៖

ពិធីអបអរសាទរទិវាអន្តរជាតិនារី០៨ មីនា ខួបលើកទី១០៩ ក្រោមប្រធានបទ “មានសន្តិភាពមានការលើកកម្ពស់សមភាពយេនឌ័រ”

ត្បូងឃ្មុំ៖ លោក ជាម ច័ន្ទសោភ័ណ អភិបាលខេត្តត្បូងឃ្មុំ លើកឡើងថា ស្ត្រីគ្រប់ជាន់ថ្នាក់ គឺជាមាតាដៃមួយពាន់ និងដៃមួយម៉ឺន ក្នុងកិច្ចការក្នុងគ្រួសារ និងជួយអភិវឌ្ឍសង្គមជាតិឱ្យមានការរីកចម្រើន

លោកថ្លែងបែបនេះ ក្នុងឱកាសអញ្ជើញជាអធិបតី ដែលរដ្ឋបាលខេត្តត្បូងឃ្មុំ ប្រារព្ធពិធីអបអរសាទរទិវាអន្តរជាតិនារី០៨ មីនា ខួបលើកទី១០៩ ឆ្នាំ២០២០ ក្រោមប្រធានបទ “មានសន្តិភាពមានការលើកកម្ពស់សមភាពយេនឌ័រ” នាព្រឹកថ្ងៃទី២៩ ខែកុម្ភៈ ឆ្នាំ២០២០ នៅសាលាខេត្តត្បូងឃ្មុំ។

លោក ជាម ច័ន្ទសោភ័ណ បានបន្តថា រដ្ឋបាលខេត្ត មានការអភិវឌ្ឍរីកចម្រើនដូចសព្វថ្ងៃនេះ គឺដោយសារពាក្យថា (អរគុណសន្តិភាព) ដែលនាំឱ្យនាវាកម្ពុជាមានការរីកចម្រើនលើគ្រប់វិស័យ ដោយសេដ្ឋកិច្ចជាតិក្នុងខេត្តត្បូងឃ្មុំ មានការកើនឡើងគួរឲ្យកត់សម្គាល់តាមរយៈការជួយជ្រោមជ្រែងពីថ្នាក់ដឹកនាំខេត្ត មន្ទីរអង្គភាពជុំវិញខេត្ត ក៏ដូចជាវិស័យឯកជន ក្នុងនោះទំនិញនាំចេញនាំចូលក៏មានការកើនឡើងផងដែរ។

លោកអភិបាលខេត្ត បានលើកឡើងទៀតថា តម្លៃនៃសន្តិភាព និងការលើកកម្ពស់សមភាពយេនឌ័រដែលរាជរដ្ឋាភិបាលបាននឹងកំពុងគាំទ្រជំរុញឱ្យមានការចូលរួមគ្រប់ស្ថាប័នរួមទាំងបុរសនិងស្ត្រី ដើម្បី វឌ្ឍនភាពសង្គមឆ្ពោះទៅលើកកម្ពស់ សិទ្ធិស្ថានភាពជីវភាព ឋានៈ តួនាទី របស់ស្ត្រីនិងសុខុមាលភាពសង្គម ដើម្បីអភិវឌ្ឍធនធានមនុស្សប្រកបដោយគុណភាពនិងប្រសិទ្ធភាព។

ពិសេសជាងនេះ ក្រោមការដឹកនាំដ៏ឈ្លាសវៃរបស់លោកនាយករដ្ឋមន្ត្រី ហ៊ុន សែន កម្ពុជា បានផ្តល់ការគាំទ្រយ៉ាងពេញទំហឹង និងបានចាត់ទុកសមភាពយេនឌ័រ និងការបង្កើនភាពអង់អាចដល់ស្ត្រីជាការងារអាទិភាពដែលត្រូវបន្តអនុវត្ត ។

គួរបញ្ជាក់ថា ទិវាអន្តរជាតិនារី ដើម្បីរំលឹកពីការតស៊ូរបស់នារីពលករទូទាំងសកលលោកដើម្បីសិទ្ធិសេរីភាព ប្រជាធិបតេយ្យ និងការអនុវត្តន៍ សិទ្ធិ ស្មើភាពគ្នារវាងបុរសនិងនារី ដោយភ្ជាប់ជាមួយពាក្យស្លោកថា «មួយថ្ងៃធ្វើការ៨ ម៉ោង» «ធ្វើការស្មើគ្នាបៀវត្សស្មើគ្នា» និង«ការពារសុខភាពមាតា និងកុមារ»។

នាឱកាសនោះដែរ លោកស្រី នី ចាន់ធីតា អភិបាលរងខេត្តត្បូងឃ្មុំ ក៏បានអាន ព្រះរាជសារសម្តេចព្រះមហាក្សត្រី នរោត្តមមុនីនាថសីហនុ ព្រះវររាជមាតាជាតិខ្មែរក្នុងសេរីភាព សេចក្តីថ្លៃថ្នូរ និងសុភមង្គល ជូនដល់អង្គពិធីឲ្យបានជ្រួតជ្រាតពីខ្លឹមសារដ៏មានអត្ថន័យផងដែរ៕