កាលពីថ្ងៃទី២៨ ខែមីនា ឆ្នាំ២០១៧កន្លងទៅ» បន្ទាប់ពីមាន ការចេញផ្សាយលិខិតមិត្តអ្នកអាន ដែលសរសេរដោយ សុភា ទន្សាយ ជាមួយចំណងជើងថា «បំបែកអាថ៌កំបាំង CNRP ទង់ ព្រះអាទិត្យ ជាទង់ក្រពើ ? (ភាគ១) ដោយនៅយប់ ចូលថ្ងៃទី០២ ខែមេសា ឆ្នាំ២០១៧នេះ លិខិតរបស់ សុភា ទន្សាយ ចំណងជើងដដែល «ភាគ២» ក្នុងនោះ បាន លើក ឡើង យ៉ាង លម្អិតអំពីក្រុមអ្នកពិភាក្សានយោបាយរបស់ CamPro។
ទ្រឹស្តីរបស់ Carlos Castaneda ក្នុងសៀវភៅយុទ្ធសាស្ត្ររបស់ Sun Tzu ដែលសរសេរចង្រក្រងដោយអ្នកនិពន្ធល្បីល្បាញ ឈ្មោះថា Gary Gagliardi ក្រោមចំណងជើងថា «សិល្បៈ នៃសង្គ្រាម» បានបញ្ជាក់ន័យមកថា The different between a true warrior and an ordinary person is that the warrior sees everything as a challenge while an ordinary person sees everything as a blessing or a curse មានន័យជាខេមៈភាសាថា ភាពខុសគ្នារវាងអ្នកចម្បាំងពិត និង ជាមនុស្សធម្មតានោះ គឺថាអ្នក ចម្បាំងមើលឃើញអ្វីគ្រប់យ៉ាង ដែលជាបញ្ហាប្រឈមមួយ ខណៈមនុស្សធម្មតាមើលឃើញ នូវអ្វីៗគ្រប់យ៉ាងថា ត្រឹមជាការប្រទានពរ និងបណ្តាសារ។
នឹកដល់ចំណុចនេះ សុភា ទន្សាយ នឹកស្រណោះពាក្យទាំង ឡាយរបស់សមាជិកសកម្មរបស់ CamPro មួយចំនួនដែល មានលំអៀងទៅបក្សប្រឆាំង បានប្រតិកម្មមក លើអត្ថបទ ទីមួយរបស់ សុភា ទន្សាយ កាលពីថ្ងៃ២៨ ខែមីនា ឆ្នាំ០១៧ កន្លងទៅថ្មីៗនេះ។ មិនចម្លែកទេ ដែលអ្នកមាន របៀបវារៈ លាក់បាំងខំប្រណាំងឆ្លងឆ្លើយបញ្ជាក់ ពីការសង្ស័យនោះ ខណៈក្រុមអ្នកគ្មានការ ពាក់ព័ន្ធយល់ថា វាជាការបញ្ចេញមតិ ដើម្បីកែតម្រូវក្រុមដែលហៅខ្លួនគេថា ក្រុមវិជ្ជាជីវៈបែរជាភ្លាំង ភ្លាត់ធ្លាក់ក្នុងសំណាញ់ក្រុមអ្នក មានឆន្ទៈប្រឆាំងនឹងរដ្ឋាភិ បាលពិសេសគណៈបក្សប្រជាជនកម្ពុជា។
ពួកគេខ្លះ ម្នាក់ៗអន្ទះសារចង់ស្វែងរក សុភា ទន្សាយ ឲ្យ ឃើញដើម្បីចាប់អាំងប្រឡាក់អំបិល តាមតែចិត្តគេកំពុងខឹង ព្រោះតែបានវាយប្រហារ ពួកគេចំចំណុចល្អពេករហូតមាន អ្នកខ្លះក្នុងក្រុមរត់ព្រោងព្រាតប្រើប្រាស់គ្រប់មធ្យាបាយ ដើម្បី ស្វែករក ដោយមិនគិតខ្វល់រឿង សុភា ទន្សាយ និយាយត្រូវ ហើយខំកែខ្លួនឲ្យជៀសឆ្ងាយ ពីការបង្កើតកំហុសទាំងឡាយ ពីក្រុមដែល បានព្យាយាមមានឥទ្ធិពលប្រើប្រាសវេទិការនេះ ដើម្បីចំណេញនយោបាយ។ អ្នកខ្លះទៀតនិយាយថា តើ សុភា ទន្សាយ អាចដឹងពីក្រុម CamPro ដោយរបៀបណា? ចំណែកអ្នកខ្លះ ដែលទើប តែចេះធ្វើ កិច្ចការ ស្រាវ ជ្រាវ សង្គម មិនបាន១០ឆ្នាំផង ប្រឹងនិយាយថា អត្ថបទនេះ គ្មានលក្ខណៈ Academic សោះ? ហើយមានចេតនាញ៉ុះញ៉ង់ និងលាប ពណ៌។ ចេះនិយាយចឹងកើតដែរ !..
បើវាគ្រាន់តែជាអត្ថបទបញ្ចេញទស្សនៈមួយសោះ តើត្រូវ តម្រូវតាមស្តង់ដារ Academic ម្តេចក៏កើត? បើអត្ថទនេះ មិនមានអ្នកជួយឧបត្ថម្ភការ ស្រាវជ្រាវ និងសរសេរផង? សូមជូនពន្លឺទៅវិញមួយចុះ ដើម្បីស្វែងរក សុភា ទន្សាយ ថា ជានរណាពិតប្រាកដ។ សុភា ទន្សាយ រៀនចប់និងធ្វើការ ស្រាវជ្រាវ តាំងពីជាង២០ឆ្នាំមុនម៉្លេះ មុនពេលអ្នកតបត ខ្លះ រៀនមិនទាន់ចប់ពីសាលាផងពេលនោះ។ ហើយអត្ថបទអត់បានលុយនេះ សុភា ទន្សាយ ធ្វើការ សរសេរ ត្រឹមតែការក្រើនរំលឹកប៉ុណ្ណឹង អាចសម្មមគ្រប់គ្រាន់ពេកហើយ ដើម្បីពញ្ញាក់ស្មារតីអ្នកកំពុងត្រៀមគិត និងដើរក្នុងផ្លូវខុស នោះ។
សមាជិក CamPro មានភាពលំអៀង ផ្នែកនយោបាយ ខ្លះ កំពុងយល់ថា Strategy is the science of positioning. All of strategy can be reduced to techniques for understanding your position and advancing it។ សុភា ទន្សាយ ចេះ អង់គ្លេសតិចតូចដែរ ហើយចង់បញ្ជាក់ ឃ្លាខាងលើ ដោយ ចង់ ពន្យល់ប្រាប់ថា ពិតហើយវាពិតជាមានពួកបញ្ញវន្ធដែល ប្រឹង លាក់ខ្លួនសន្សំចិត្តរក្សាគំនិតធ្វើបដិវត្តន៍នៅក្នុងក្រុមវិជ្ជា ជីវៈជា ច្រើននោះមែន ដើម្បីឈរក្នុងទីតាំងមួយរឹងមាំ ប៉ុន្តែវាពុំបាន លាក់បាំង សុភា ទន្សាយ ដែលស៊ីខ្មៅជិតៗនោះទេ។
យុទ្ធសាស្ត្រនេះ ផ្តួចផ្តើមដោយមនុស្សតែប៉ុន្មាននាក់ប៉ុណ្ណោះ ប៉ុន្តែក្រោយមានសមាជិកថ្មីៗច្រើនឡើងៗ ពួកគេបានបង្វែនូវ យុទ្ធសាស្ត្រដែលបង្ហាញ ពីការពិត នៃទីលាក់ កំបាំងនោះ ទាំង ស្រុងតាមរយៈការវាយប្រហារផ្នែកចិត្តសាស្ត្រ និងស្មារតីជា មួយអត្ថបទ ឬមតិលំអៀងរបស់ខ្លួន។ ពួកគេខ្លះ ធ្វើហួសពីការ បញ្ចេញមតិដោយមិនដឹងខ្លួន ខ្លះជជែកនយោបាយ បាយ ដូចពួកអ្នកក្នុងតៀមកាហ្វេចិញ្ចើមថ្នល់ ដើម្បីហុចដៃឲ្យក្រុម ខ្លួន បើកសមរភូមិវាយប្រហារតាមច្រកផ្សេងៗទៀត ដើម្បីវែក ញ៉ែកស៊ីជំរៅ ហែកហួរពីភាពអសកម្មរបស់រដ្ឋាភិបាល។
អ្នកសម្របស្រួល CamPro ខ្លះដែលមិន បានចាប់ អារម្មណ៍ រឿងនេះ បានស្ទុះស្ទារធ្វើការត្រួតពិនិត្យឡើងវិញអំពីផ្នែកច្បាប់ អំពីគោលកាណ៍ និងក្រមវិន័យរបស់ក្រុមខ្លួន។ វាគឺជាសញ្ញា វិជ្ជមាន ប៉ុន្តែសមាជិកខ្លះដែលមានបេះដូងបដិវត្តន៍ ហើយ កំពុងត្រូវគេបានកត់សំគាល់យ៉ាងច្បាស់ ជាង៣ឆ្នាំមកនេះ នៅ តែខំអភិវឌ្ឍន៍គំនិតបដិសេធ និងការពាក់ព័ន្ធរបស់ខ្លួន ចិញ្ចឹម ចិត្តបើកសមរភូមិចិត្តសាស្ត្រ និងមនោគមន៍វិទ្យាតាមរូបភាព ផ្សេងៗគ្នា។
ថ្មីៗនេះ ក្រុមអ្នកគ្រប់គ្រង CamPro និងអ្នកសម្របសម្រួល បានចេញប្រកាសនូវក្របខ័ណ្ឌច្បាប់ គោលនយោបាយ និង ក្រមសិលធម៌វិជ្ជាជីវៈ របស់ខ្លួនដើម្បីគេចចេញពីការសង្ស័យ និងចោទប្រកាន់របស់ សុភា ទន្សាយ ម្នាក់នេះ។ តាមការ ពិនិត្យបើមើលដ៏ហ្មត់ចត់នៃទស្សនៈវិស័យនៃក្រុម CamPro ក្នុងមាត្រា២ ដែលបានចែងថា៖ ចង់ឃើញប្រទេសកម្ពុជា មានការរីកចម្រើនដូចប្រទេសជិតខាងក្នុងឆ្នាំ២០៣០….ជាការគួរគត់សំគាល់ ខ្លាំងណាស់។ ពិតណាស់ទស្សនៈវិស័យ គ្រាន់ តែជាត្រីវិស័យចង្អុល នៃអ្វីដែលគេស្រម៉ៃចង់បាន ហើយមិន ប្រាកដថា វាអាចបានទៅដល់ទេ ប៉ុន្តែវាបានបង្កប់នូវគោល ដៅនយោបាយស៊ីជំរៅមួយ។
ប្រៀបធៀបទៅនិងគុណតម្លៃក្រមសីលធម៌ ព្រមទាំងសកម្ម ភាព និងគោលការណ៍ និងដែលបាន ដាក់ចេញហើយបាន ចែងយ៉ាងច្បាស់ក្នុងមាត្រា ៣ ៤ និង៥ វាហាក់មិនស៊ីគ្នាសោះ ក្រៅពីថា ការប្រើប្រាស់វេទិការ ការពិភាក្សា និងការចែក រំលែកគ្នា នូវការចូលរួមវិភាគទានផ្នែកគំនិត និងស្មារតី មិន អាចជួយបំពេញមហិច្ឆិតានៃទន្សនៈវិស័យនោះបានទេ ពួកគេ មានតែបានត្រៀមរួច ជាស្រេចក្នុងការបង្កើតការបណ្តុះ មន សិការ ពង្រឹងឆន្ទះឆ្អិនឆ្អៅ និងសាបព្រោះមនោគមន៍វិទ្យា ក្រោម រូបភាពការចូលរួមបំផុសគំនិតពីការខ្វល់ខ្វាយ ពី សង្គម ជាតិ ហើយអនុញ្ញាតិបោះដៃ ឲ្យភាគី ប្រឆាំងរដ្ឋាភិបាល មាន គំនិតកាន់តែទូលាយ ដើម្បីវាយប្រហារ។
តើនរណាអាចជឿថា ទាំងនេះមិនមែនជាទស្សនៈ និងត្រី វិស័យផ្នែកចិត្តសាស្ត្រ និងមនោគមន៍វិទ្យាបដិវត្តន៍? វាពិត ណាស់ អ្នកបានរៀបចំគំនិត នេះយល់ថា បើប្រជាជនមានការ យល់ដឹងគ្រប់គ្នាក្នុងពេលមួយ នោះការប្រែប្រែសង្គម និង ថ្នាក់ ដឹកនាំប្រទេសជាតិនឹងបានសម្រេច ហើយបដិវត្តន៍ ចិត្តសាស្ត្រ នឹងមកគ្របដណ្តប់ជួយពួកគេឲ្យប្តូររបប និងអ្នកដឹកនាំឲ្យពួក គេបាន។ បើតាមការយល់របស់ សុភា ទន្សាយ វាគឺជា គ្រាប់ បែកប្រល័យ កម្ពុជា ដែលបានកំណត់ម៉ោងផ្ទុះ ហើយវា ពិត ជាមានការគិតគូរវែងឆ្ងាយណាស់ ព្រោះថា ឆ្នាំ២០៣០ មិន មែនមកដល់នៅថ្ងៃស្អែកទេ ហើយតាម រយៈសកម្មភាពពួកគេ ពួកគេគ្មានថ្ងៃបំពេញអោយសម្រេចបានទស្សនៈវិស័យនេះទេ ហើយក្រៅពីបង្កើតសង្គ្រាមចិត្តសាស្ត្រ ក៏គ្មានការដាក់ចេញ នូវ ទស្សនៈវិស័យវែងឆ្ងាយដូច្នេះដែរ? តើនរណាមិនជឿថា ពួក បច្ចឹមប្រទេសដែលមានការដឹកនាំដោយអាមេរិក ពួកបដិវត្សន៍ វៀតណាម និងក្រុមឆ្វេង និយមមិនប្រើប្រាស់ឱកាសមាសនេះ ដើម្បីឲ្យមានការផ្លាស់ប្តួរ? សូមជម្រាបថា ផ្នែកផ្លូវច្បាប់ Cam Pro នេះគ្មានទេ ហើយការទទួលខុសត្រូវជាមួយ រដ្ឋាភិ បាល នៅតែជាចំណោទគ្មានចម្លើយសោះ។
The secret to success is not beating the competition. Success is competition requires wisely managing limited resources. ផ្នែកមួយនៃយុទ្ធសាស្ត្រសង្គ្រាមដ៏ជោគជ័យរបស់ Sun Tzu គឺប្រើការវាយប្រហារផ្នែកស្មារតី និងចិត្រ សាស្ត្រ ជាជាងប្រើកំលាំងទ័ព។ អ្វីជាអាថ៌កំបាំងនៃយុទ្ធសាស្ត្រនេះ? នរណាជាអ្នកបង្កើត CamPro? ហើយស្ថាបនណា ជាអ្នក នៅពីក្រោយ ផ្គត់ផ្គង់ផ្នែកបច្ចេកទេសប្រយុទ្ធ និងថវិកា? តើ ការបរិច្ចាកដោយសមាជិក អាចយកទៅបម្រើ កិច្ចការគ្រ ប់គ្រាន់ទេ? តើអ្វីជារបៀបវារៈដែលលាក់បាំងនៅពីក្រោយ?
មិនមានអ្វីជាអាថ៌កំបាំងទេ បើអាថ៌កំបាំងមិនមែនជាអាថ៌ កំបាំង? ការបង្កប់មនោគមន៍វិទ្យាបដិវត្តន៍គំនិត និង ការការ គិតទៅរកផ្លូវប្លាស់ប្តូរ ជាជាងជួយកែលំអ និងកសាង សង្គម វិជ្ជមាន ជាបញ្ហាដំបូងដែលក្រុមគេវិនិយោគ។ សមាជិក ខ្លះក្នុង ក្រុមនេះបានបង្កប់ខ្លួនទៅក្នុងក្រុមបញ្ញវ័ន្តបាន យ៉ាងជ្រៅ ហើយសំងំបញ្ចេញមតិប្រឆាំង និងរដ្ឋាភិបាល។ នៅពេល ពួកគេបំផុសពីបញ្ហា និងការជជែកវែកញ៉ែក ផ្នែកនយោបាយ ណាមួយ ពួកគេបោះ ដៃឲ្យគ្នាគេដែល មាននិន្នា ការប្រឆាំង រដ្ឋាភិបាលស្វែងយល់ពីបញ្ហា ដើម្បីបន្តយកវាយប្រហារ ក្រោមរូបភាពផ្សេងគ្នា។
ពេលខ្លះពួកគេធ្វើជាជិតស្និទជាមួយ មន្ត្រីជាន់ខ្ពស់រដ្ឋាភិបាល អញ្ជើញចូលរួមកិច្ចពិភាក្សាតុមូល និងអាហារពេលថ្ងៃ ឬល្ងាច ដើម្បីបានស្តាប់ និងចាប់ជំរិតមន្ត្រីណាមួយនោះឲ្យចូល ស៊ង របស់ពួកគេ? នរណាមិនដឹងថា ក្រុម CamPro មាន អ្នក នយោបាយ CPP (តិចតួចបំផុត អាចជាក្រុមភាគតិចជាងគេ)CNRP វិទ្យុអាស៊ីសេរី (RFA) សម្លេងសហរដ្ឋអាមេរិក (VOA) សម្លេងប្រជាធិបតេយ្យ (VOD) និងកាសែត Cambodia Daily, Phnom Penh Post និងជនលាក់មុខមួយចំនួនទៀត ដែលមាន ចំនួនគ្នាច្រើន ប្រៀបបានក្រុម សឹង្ហ តោ ខ្លា និង សុនខ អាជី ណា ។ល។ ត្រៀម សហការបើក ការវាយប្រហារ ដល់ក្រុម អមិត្តរបស់ខ្លួន ដើម្បីធ្វើការបម្រើ ឆន្ទះលាក់បាំង ក្នុងការ ប្រឆាំងផ្តួល រដ្ឋាភិបាល និងបំពេញ មហិច្ឆិតាប ដិវត្សន៍ របស់ ខ្លួន? តើរដ្ឋាភិបាលខ្មែរល្ងង់ណាស់ ដែលមិនបានដឹង និង ចាប់អារម្មណ៍រឿងទាំងនេះ?
បើមិនចង់ឲ្យគេដឹង មានតែកុំធ្វើ ហើយបើមិនចង់អោយគេធ្វើ មានតែកុំផ្តួចផ្តើម ហើយបើបានជាផ្តើម គួតែផ្តើមជាមួយ គំនិតស្អាតស្អំ គេចចេញពីការ ធ្វើឲ្យមានពាក់ ព័ន្ធក្នុង ការ សង្ស័យទាំងឡាយ។ ចំណុចនេះ សុភា ទន្សាយ ចង់ ក្រើន រំលឹកដល់ក្រុមអ្នកសម្របសម្រួល CamPro និងសមាជិក មួយ ចំនួន៕
ដោយ៖ សុភា ទន្សាយ
