ភ្នំពេញ៖ រដ្ឋមន្ដ្រីក្រសួងសុខាភិបាល លោក ម៉ម ប៊ុនហេង បានអំពាវនាវឲ្យប្រជាពលរដ្ឋនៅទូទាំងប្រទេសត្រូវប្រុងប្រយ័ត្នខ្ពស់ ក្នុងការពិសាចំណីអាហារ និងការបើកបរក្នុងឱកាសបុណ្យចូលឆ្នាំខ្មែរប្រពៃណីជាតិ ដែលនឹងចូលមកដល់នៅប៉ុន្មានថ្ងៃខាងមុខនេះ។
លោករដ្ឋមន្ដ្រីលើកឡើងបែបនេះ ក្នុងឱកាសចុះសំណេះសំណាល សួរសុខទុក្ខ និងចុះពិនិត្យព្យាបាលជំងឺ ជូនប្រជាពលរដ្ឋដោយឥតគិតថ្លៃនៅសង្កាត់ឃ្មួញ ខណ្ឌសែនសុខ រាជធានីភ្នំពេញ នៅថ្ងៃទី០២ ខែមេសា ឆ្នាំ២០១៧។
លោករដ្ឋមន្ដ្រី បានបញ្ជាក់ថា បងប្អូនប្រជាពលរដ្ឋ ត្រូវតែយកចិត្ដទុកដាក់ និងប្រុងប្រយ័ត្នខ្ពស់ក្នុងការបរិភោគចំណីអាហារនានា មិនថានៅទីណាកន្លែងណាទេ ទាំងបន្លែ ផ្លែឈើ នំចំណី ត្រូវលាងទឹកឲ្យស្អាត ចម្អិនឲ្យបានឆ្អិនល្អ បន្លែង ឬសាច់ ឆ្អិន ឆៅ ត្រូវដាក់ដោយឡែកពីគ្នា ។ សម្រាប់នៅទីវត្ដអារាម លោកតា លោកយាយ ត្រូវលាងចានឆ្នាំងឲ្យបានស្អាត ទឹកដាំឲ្យបានពុះ ការដាក់ម្ហូបអាហារ ឲ្យមានអនាម័យ ជៀសវាងការពុលចំណីអាហារកើតមានឡើង៕
No comments:
Post a Comment