ហ្វេសប៊ុក Boulam San៖ មូលនិធិ កែម ឡី ប្រមូលលុយដាក់ហោប៉ៅ ឈ្លោះគ្នាបែកខ្ទិះ!

ទំព័រហ្វេសប៊ុក Boulam San បានបង្ហោះផ្សាយនូវអត្ថបទមួយក្រោមចំណងជើងថា «មូលនិធិ កែម ឡី ប្រមូលលុយដាក់ហោប៉ៅ ឈ្លោះគ្នាបែកខ្ទិះ! » នៅយប់ថ្ងៃទី០២ ខែមេសា ឆ្នាំ២០១៧ ដែលអត្ថបទនេះ បានបញ្ជាក់ពីការកិបកេង និងស៊ីដាច់លុយមូលនិធិក្បត់គ្នា​ព្រោះតែលាភ​សក្ការៈ។

ហ្វេសប៊ុក Boulam San បញ្ជាក់ថា៖ ថាមែនៗ ក្រុមអ្នកអួតខ្លួនថា កែម ឡី និយម តាមពិតជាក្រុមកេងចំណេញពីសពលោកបណ្ឌិត កែម ឡី មែន។ កេងចំណេញនយោបាយមិន អស់ចិត្ត ឥឡូវកេងចំណេញលុយដាក់ហោប៉ៅទៀត។ ពិតជាកាក់កបមែន!

Boulam San បានបញ្ជាក់ថា មូលនិធិ កែម ឡី ដែលមានលោកបណ្ឌិត ឡៅ ម៉ុងហៃ ជាប្រធាន បណ្ឌិតមាស នី និង ក្រុមអ្នកអះអាងថាកែម ឡីនិយមរួមទាំងក្រុម យុវជនដែលយកឈ្មោះលោក កែម ឡី មកបិទបាំងដែរនោះ ដឹកនាំដោយឈ្មោះ ហង់ ពិទូ ពេលនេះកំពុងឈ្លោះគ្នាឡើងបែកខ្ទិះដោយសារ រឿងស៊ីដាច់លុយមូលនិធិ ក្បត់គ្នាព្រោះតែលាភសក្ការៈ។ ស្តាប់អស់លោកបណ្ឌិត និងក្រុមយុវជនទាំងនេះនិយាយ តាមរយៈវិទ្យុអាស៊ីសេរី ជាឧបករណ៍បំពងសំឡេង ពិតជាទំនងណាស់។ ម៉ាត់ណាក៏ពួកគេនិយាយប្រដៅគេពីរឿងតម្លាភាព ម៉ាត់ណាក៏រិះគន់គេពីកង្វះតម្លាភាព តែឥឡូវស្រាប់តែនាំគ្នាប្រមូលលុយដាក់ហោប៉ៅរៀងៗខ្លួន។ បច្ចុប្បន្ននេះ គ្មានអ្នកណាដឹងថា តើលុយចូលមូលនិធិមានប៉ុន្មាន? មកពីប្រភពណាខ្លះ? ប្រើលើអ្វីខ្លះ? គ្មានរបាយការណ៍ គ្មានតម្លាភាព ហើយសមាជិកស្ថាបនិកទាំង ១៥ នាក់កំពុងឈ្លោះគ្នា ឆ្លើយដាក់គ្នា គ្មានអ្នកណាទទួលខុសត្រូវឡើយ។

ហ្វេសប៊ុក Boulam San ក៏បានបញ្ជាក់ថា ប្រភពផ្ទៃក្នុងនៃសមាជិករបស់មូលនិធិនេះឱ្យដឹងថា គេបានយកលិខិតផ្ទេរសិទ្ធិរបស់ភរិយាសពលោក កែម ឡី យកទៅបើកគណនីធនាគារដើម្បីប្រមូលប្រាក់យ៉ាងអនាធិបតេយ្យ និងប្រមូលប្រាក់ដាក់ហោប៉ៅយ៉ាងកាក់បកបំផុត។ ជម្លោះផ្ទៃក្នុងមូលនិធិនេះកាន់តែរីកធំឡើង ហើយអាចនឹងផ្ទុះក្នុងពេលឆាប់ៗនេះ។ ពិតជាអត់ខ្មាសអៀនមែន! កេងចំណេញពីសពទាំងនយោបាយ ទាំងលុយដាក់ហោប៉ៅទៀត!