ប្រសាសន៍សំខាន់ៗរបស់លោកនាយករដ្ឋមន្ត្រី ហ៊ុន សែន ក្នុងឱកាសអញ្ជើញសម្ពោធមហាវិថីសម្តេចតេជោ

នៅថ្ងៃទី០៣ ខែ មេសា ឆ្នាំ២០១៧ នេះ លោកនាយករដ្ឋមន្រ្តី ហ៊ុន សែន អញ្ជើញជាអធីបតីសម្ពោធដាក់ឱ្យប្រើប្រាស់ជាផ្លូវការ «មហាវិថីសម្តេចតេជោ ហ៊ុន សែន» ហៅផ្លូវ​៦០ម៉ែត្រ ដែលជាផ្លូវធំដំបូងគេក្នុងរាជធានីភ្នំពេញ។

ខាងក្រោមនេះគឺជាប្រសាសន៍សំខាន់ៗមួយចំនួនដែលលោកបានថ្លែងនាឱកាសនោះ ដែលមានខ្លឹមសារដូចខាងក្រោម៖

-មហាវិថីសម្តេចតេជោ ហ៊ុន សែន មិនត្រឹមតែបម្រើផលប្រយោជន៍រួមរបស់ប្រជាជនទូទាំងប្រទេស និងដោយឡែកសម្រាប់ពលរដ្ឋក្នុងមូលដ្ឋានរាជធានីភ្នំពេញប៉ុណ្ណោះទេ តែយើងក៏អាចកែច្នៃជាផ្លូវសម្រាប់យន្តហោះចុះចត ក្នុងគ្រាមានអាសន្នផងដែរ ជៀសវាងគ្រោះថ្នាក់ជាយថាហេតុ។

– ប្រាក់បៀវត្សមន្ត្រីរាជការ កងកម្លាំងប្រដាប់អាវុធគ្រប់ប្រភេទ ត្រូវបានតំឡើងនៅថ្ងៃទី១ ខែមេសានេះហើយ ហើយធានាបើកឲ្យ បានមុនថ្ងៃទី១០ ដែលហៅថា ប្រាក់ឧបត្ថម្ភសម្រាប់ចូលឆ្នាំ សាច់ប្រាក់កើនឡើង សញ្ញាប្រាក់រៀល របស់យើងមិនមានការធ្លាក់ចុះនោះទេ។

– សង្ឃឹមថា ឆ្នាំនេះ មិនក្ដៅពេកមិនត្រជាក់ តែយ៉ាងណាក៏ដោយ ត្រូវស្ដាប់ការព្យាករ របស់ក្រសួង ធន ធានទឹក និងឧតុនិយម ដើម្បីដឹងស្ថានភាព អាកាសធាតុ ។

-អំពាវនាវដល់ប្រជាពលរដ្ឋ កម្លាំងប្រដាប់អាវុធគ្រប់ប្រភេទ ត្រូវប្រុងប្រយ័ត្នទាំងអស់គ្នា ពិសេសកម្លាំងប្រដាប់អាវុធ ត្រូវការពារប្រជាពលរដ្ឋឲ្យមានសុវត្ថិភាពទាំងអស់គ្នា សម្រាប់ការចូលឆ្នាំខាងមុខនេះ។

-ក្នុងឱកាសបុណ្យចូលឆ្នាំថ្មីខាងមុខនេះ សូមប្រជាពលរដ្ឋបើកបរដោយប្រុងប្រយ័ត្ន។ ចៀសវាងការលេងបាតម្សៅ ជះទឹក នាំឲ្យគ្រោះថ្នាក់ដល់អ្នកបើករថយន្តជាដើម ឬបើកម៉ូតូ

-នៅតែបន្តអំពាវនាវដល់ម្ចាស់រថយន្តដឹកអ្នកដំណើរទាំងអស់កុំតម្លើងថ្លៃក្នុងឱកសបុណ្យចូលឆ្នាំខាងមុខនេះ។

– អំពាវនាវចំពោះម្ចាស់ រថយន្តខិតខំយ៉ាងណា ជួយទៅដល់ប្រជាពលរដ្ឋ ដែលជាសាច់ឈាម របស់ យើងក្នុងការធ្វើដំណើរ ពីទីក្រុងភ្នំពេញ ទៅកាន់ភូមិកំណើត៕