Wednesday, July 29, 2015
ឯកឧត្តម កែវ រ៉េមី ជួបជាមួយគ្រូបង្រៀន និងយុវជននៅឃុំកុមាររាជា ស្រុកបាទី ខេត្តតាកែវ ក្នុងពិធីប្រគល់ប្រាក់មូលនិធិគ្រូបង្រៀន និងប្រកាសដាក់ឲ្យតំណើរការប្រាក់សន្សំយុវជនភូមិខ្ញុំ
នៅព្រឹកថ្ងៃទី២៦ ខែកក្កដា ឆ្នាំ២០១៥ នេះ ឯកឧត្តម កែវ រ៉េមី រដ្ឋលេខាធិការទីស្តីការគណៈរដ្ឋមន្ត្រី និងសមាជិកក្រុមប្រឹក្សាជាតិប្រឆាំងអំពើពុករលួយ តំណាងដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី និងជាអ្នកតំណាងរាស្ត្រមណ្ឌលតាកែវ បានអញ្ជើញជាអធិបតីក្នុងពិធីប្រគល់មូលនិធិគ្រូបង្រៀនរបស់សមាគមគ្រូបង្រៀនឃុំកុមាររាជា និងការប្រកាសដាក់ឲ្យដំណើរការ “ប្រាក់សន្សំយុវជនភូមិខ្ញុំ” នៅក្នុងឃុំកុមាររាជា ស្រុកបាទី ខេត្តតាកែវ ដែលមានការអញ្ជើញចូលរួមពីឯកឧត្តមលោកជំទាវ លោក លោកស្រីអ្នកកញ្ញាដែលជាក្រុមការងារថ្នាក់ជាតិ ចុះមូលដ្ឋានឃុំកុមាររាជា សមាជិកក្រុមប្រឹក្សាឃុំ សមាជិកគណៈកម្មការឃុំ មេភូមិ លោកគ្រូអ្នកគ្រូ ដែលជាសមាជិកសមាគមគ្រូបង្រៀនឃុំកុមាររាជា និងយុវជននៃសម្ព័ន្ធយុវជនកម្ពុជាប្រចាំឃុំកុមាររាជា សរុបប្រមាណ ៣៥០ នាក់។
បន្ទាប់ពីការឡើងធ្វើរបាយការណ៍សង្ខេបរបស់អាជ្ញាធរឃុំកុមាររាជា ប្រធានសមាគមគ្រូបង្រៀនឃុំកុមាររាជា ប្រធានសម្ព័ន្ធយុវជនកម្ពុជា ប្រចាំឃុំកុមាររាជា និងរបាយការណ៍លម្អិតរបស់ឯកឧត្តម ស្វាយ សុវណ្ណរិទ្ធ អនុប្រធានក្រុមការងារថ្នាក់ជាតិ ចុះមូលដ្ឋានឃុំកុមាររាជា ស្តីអំពីការរៀបចំសមាគមគ្រូបង្រៀនឃុំកុមាររាជា មូលនិធិគ្រូបង្រៀន និង “ប្រាក់សន្សំយុវជនភូមិខ្ញុំ” នៅក្នុងឃុំកុមាររាជារួចមក ឯកឧត្តម កែវ រ៉េមី បានថ្លែងសំណេះសំណាលទៅកាន់អង្គពិធី ក្នុងនោះ លោកបានសង្កត់ធ្ងន់អំពីការយកចិត្តទុកដាក់ខ្ពស់បំផុត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ចំពោះជីវភាពរស់នៅរបស់មន្ត្រីរាជការស៊ីវិល កងកម្លាំងប្រដាប់អាវុធគ្រប់វិស័យ ជាពិសេសលោកគ្រូអ្នកគ្រូ តាមរយៈការពង្រឹងកិច្ចសហប្រតិបត្តិការរវាងអាជ្ញាធរមានសមត្ថកិច្ច ត្រូវចូលរួមជាមួយអាជ្ញាធរពន្ធដារ និងភ្នាក់ងារគយ ក្នុងការពង្រឹងការប្រមូលចំណូលរដ្ឋ ដើម្បីរាជរដ្ឋាភិបាល មានលទ្ធភាព បង្កើនបៀវត្សជូនមន្ត្រីរាជការស៊ីវិល លោកគ្រូអ្នកគ្រូ កងកម្លាំងប្រដាប់គ្រប់វិស័យ ឲ្យបានកាន់តែប្រសើរថែមទៀត។
ដោយឡែកសម្រាប់កម្មករ កម្មការនីនៅក្នុងវិស័យកាត់ដេរ និងស្បែកជើង រាជរដ្ឋាភិបាល បានយកចិត្តទុកដាក់គិតគូរ សម្របសម្រួលជាមួយភាគីពាក់ព័ន្ធទាំងអស់ រហូតសម្រេចបាននូវការកែលម្អរលក្ខខណ្ឌការងារ បញ្ចុះតម្លៃទឹកភ្លើង បង្កើតច្បាប់ស្តីពីការកំណត់ថ្លៃឈ្នួលផ្ទះរបស់កម្មករ តម្លៃទំនិញនៅលើទីផ្សារនិងបង្កើនប្រាក់ឈ្នួលបន្ថែមទៀតនៅក្នុងឆ្នាំ២០១៦ ខាងមុខនេះ។
ពាក់ព័ន្ធនឹងការបង្កើតសមាគមគ្រូបង្រៀនឃុំកុមាររាជា រៀបចំមូលនិធិគ្រូបង្រៀន និងការដាក់ឲ្យដំណើរការ ប្រាក់សន្សំយុវជនភូមិខ្ញុំ ឯកឧត្តម កែវ រ៉េមី បានសង្កត់ធ្ងន់ថា ជាការយកចិត្តទុកដាក់ជាអាទិភាព និងជាគំនិតផ្តួចផ្តើមរបស់ឯកឧត្តម ស្វាយ ស៊ីថា រដ្ឋលេខាធិការទីស្តីការគណៈរដ្ឋមន្ត្រី និងជាប្រធានក្រុមការងារថ្នាក់ជាតិ ចុះមូលដ្ឋានឃុំកុមាររាជា ដែលចំណាយថវិកាផ្ទាល់ខ្លួនរបស់ឯកឧត្តម សមាជិកសមាជិការក្រុមការងារ និងការចូលរូមរបស់សប្បុរសជន ដើម្បីរួមចំណែកដោះស្រាយការលំបាក់ផ្នែកជីវភាពរបស់លោកគ្រូអ្នកគ្រូ និងជំរុញការអភិវឌ្ឍសមត្ថភាព ការបង្កើតការងារ និងការបង្កើនចំណូលគ្រួសាររបស់យុវជននៅក្នុងភូមិឃុំ។
សិស្សជ័យលាភីអូឡាំព្យាដ ទទួលបានរង្វាន់លើកទឹកចិត្ត ផ្ទាល់ពីសម្តេចតេជោ
ភ្នំពេញ ៖សិស្សជ័យលាភីទាំង១២រូបដែលទទួលបានមេដាយពីការប្រឡងអូឡាំព្យាដ នៅប្រទេសចិនកាលពីពេលថ្មីៗកន្លងមកនេះបានទទួលរង្វាន់លើកទឹកចិត្តផ្ទាល់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រនាព្រឹកថ្ងៃទី២៧ ខែកក្កដា ឆ្នាំ២០១៥នៅវិមានសន្តិភាពទីស្តីការនាយករដ្ឋមន្ត្រី។
ឯកឧត្តមអ៊ាងសុផល្លែតជំនួយការសម្តេចតេជោនាយករដ្ឋមន្ត្រីបានឲ្យដឹងថាសម្តេចតេជោនាយករដ្ឋមន្រ្តីសម្តែងនូវការសប្បាយរីករាយ ដោយបាន ឃើញក្មួយៗយុវសិស្សទាំងអស់ទទួលបានជ័យលាភីក្នុងការសិក្សា ។ សម្តេចតេជោមានប្រសាសន៍ថាសម្តេចពិតជាមានមោទនភាពណាស់នៅពេល ដែលមានការបញ្ជូនសិស្សកម្ពុជាទៅ ប្រឡងជាអន្តរជាតិនៅក្រៅប្រទេស ហើយបាននាំមកនូវជ័យលាភីត្រឡប់មកប្រទេស វិញ ដែលនេះបានឆ្លុះបញ្ចាំងពីគុណភាព និងមោទនភាពរបស់យើង ។
ក្នុងឱកាសជួបសំណេះសំណាលនោះសម្តេចបានជូននូវរង្វាន់លើកទឹកចិត្តដល់សិស្សទាំង១២នាក់ដែលទទួលបានជ័យលាភីក្នុងការប្រឡងអូឡាំព្យាគឺសិស្សដែលទទួលបានមេដាយមាសទទួលបានថវិកាលើកទឹកចិត្តចំនួន៣.០០០ដុល្លារ។មេដាយប្រាក់២.០០០ដុល្លារនិងមេដាយសំរិទ្ធ១.០០០ដុល្លារ។ចំពោះសិស្សដែលទទួលបានរង្វាន់កិត្តិយសទទួលបានថវិកា៥០០ដុល្លារ។ដោយឡែកចំពោះសិស្សពីក្រសួងការងារនិងបណ្តុះបណ្តាលវិជ្ជាជីវៈទទួលបានថវិកាក្នុងម្នាក់១.០០០ដុល្លារ ។
សម្តេចតេជោនាយករដ្ឋមន្ត្រីមានប្រសាសន៍បញ្ជាក់ថាការផ្តល់នូវរង្វាន់នេះគឺជាការលើកទឹកចិត្តឱ្យសិស្សទាំងអស់ខិតខំបន្តឈោងទៅចាប់យកអ្វីដែលជាសេចក្តីប្រាថ្នាចង់បានពីសំណាក់ក្មួយៗ និងចៅៗ ដែលជាយុវសិស្សទាំងអស់។
ឯកឧត្តមហង់ជួនណារ៉ុនរដ្ឋមន្រ្តីក្រសួងអប់រំយុវជននិងកីឡាបានឱ្យដឹងថាសិស្សជ័យលាភី
ឯកឧត្តមហង់ជួនណារ៉ុនរដ្ឋមន្រ្តីក្រសួងអប់រំយុវជននិងកីឡាបានឱ្យដឹងថាសិស្សជ័យលាភី
ទាំង១២រូបដែលទទួលបានមេដាយពីការប្រឡងអូឡាំព្យាដនៅសាធារណៈរដ្ឋប្រជាមានិតចិន រួមមាន៖
-សិស្សចូលប្រឡងអូឡាំព្យាដផ្នែករូបវិទ្យាមាន២រូបគឺសិស្សឈ្មោះ ហេង សុវីរ៉ូ អាយុ១៨ឆ្នាំជាសិស្សថ្នាក់ទី១២នៃវិទ្យាល័យបាក់ទូកទទួលបានមេដាយសំរិទ្ធ១គ្រឿង ។
-សិស្សឈ្មោះ ប្រាក់ ស៊ីនហូរ ភេទស្រីអាយុ១៨ឆ្នាំជាសិស្សរៀនថ្នាក់ទី១២នៃវិទ្យាល័យ មង្គលបុរីបានទទួលពានរង្វាន់កិត្តិយសកម្មវិធីប្រឡងអូឡាំព្យាដផ្នែកគណិតវិទ្យា។
-សិស្សឈ្មោះ តាំង ងិនដាវីត អាយុ១៨ឆ្នាំ ជាសិស្សថ្នាក់ទី១២នៃវិទ្យាល័យសម្តេចអគ្គមហា សេនាបតីតេជោ ហ៊ុន សែន ត្បូងឃ្មុំ ទទួលបានពានរង្វាន់កិត្តិយស ។
សិស្សឈ្មោះជីញសុភារៈអាយុ១៨ឆ្នាំជាសិស្សថ្នាក់ទី១២នៃវិទ្យាល័យពោធិ៍សាត់ទទួលបានពានរង្វាន់កិត្តិ យស កម្មវិធីអភិវឌ្ឍន៍ផ្នែកវិទ្យាសាស្រ្ត និងភាពជាអ្នកដឹកនាំ ។
-សិស្សឈ្មោះ ភារម្យភូវនាថអាយុ១៤ភេទស្រីជាសិស្សថ្នាក់ទី៨ទទួលបានមេដាយមាស១គ្រឿង ។
-សិស្ស ឈ្មោះ នាក់ វិរយុទ្ធ អាយុ១៣ឆ្នាំជាសិស្សថ្នាក់ទី៨ទទួលបានមេដាយមាស ។
-សិស្ស ឈ្មោះ មាស សក្តិរាជ អាយុ១៤ឆ្នាំជាសិស្សថ្នាក់ទី៨ទទួលបានមេដាយប្រាក់ ។
-សិស្ស ឈ្មោះ ប៉ែន សុភាវិន អាយុ១៣ឆ្នាំជាសិស្សថ្នាក់ទី៨ទទួលបានមេដាយប្រាក់ ។
-សិស្ស ឈ្មោះ ខេង សុផាវីត អាយុ១៤ឆ្នាំជាសិស្សថ្នាក់ទី៨ទទួលបានមេដាយសំរិទ្ធ ។
-សិស្ស ឈ្មោះ ហេង ឬទ្ធី អាយុ១៤ឆ្នាំជាសិស្សថ្នាក់ទី៨ទទួលបានមេដាយសំរិទ្ធ ។
ដោយឡែកសិស្សឈ្មោះជាសុធាអាយុ២២ឆ្នាំជាសិស្សថ្នាក់វិជ្ជាជីវៈជាន់ខ្ពស់នៅមជ្ឈមណ្ឌលក្រម ង៉ុយ ដែលក្រសួងការងារបណ្តុះបណ្តាលវិជ្ជាជីវៈបានបញ្ជូនទៅចូលរួមប្រកួតជាលក្ខណ អន្តរជាតិបានទទួលពានរង្វាន់ចំណាត់ថ្នាក់លេខ១ និងសិស្សឈ្មោះ ធា សុភា អាយុ២១ ឆ្នាំជាសិស្សថ្នាក់វិជ្ជាជីវៈជាន់ខ្ពស់នៅមជ្ឈមណ្ឌលក្រមង៉ុយ បានទទួលពានរង្វាន់ចំណាត់ ថ្នាក់លេខ១។
សូមបញ្ជាក់ថាសិស្សកម្ពុជាទាំង ១២នាក់ដែល ដណ្តើមមេដាយពីការប្រកួតប្រជែង សមត្ថភាពលក្ខណៈអន្តរជាតិផ្សេងៗគ្នា រួមមាន ៖
- ការប្រឡងរូបវិទ្យា អូឡាំព្យាដអន្តរជាតិលើកទី ៤៦នៅទីក្រុងម៉ុមបៃ ប្រទេសឥណ្ឌា កាលពីថ្ងៃទី០៥ ដល់ថ្ងៃទី ១២ ខែកក្កដា ឆ្នាំ២០១៥។
- ប្រឡងគណិតវិទ្យាអូឡាំព្យាដអន្តរជាតិ លើកទី៥៦ នៅទីក្រុងឈៀងម៉ៃ ប្រទេសថៃ កាលពីថ្ងៃទី៩ ដល់ថ្ងៃទី១៥ ខែកក្កដា។
– ការប្រកួតប្រជែងជំនាញ របស់វិទ្យាស្ថានបណ្តុះបណ្តាលវិជ្ជាជីវៈ នៃប្រទេសចិន ឆ្នាំ២០១៥ លើមុខជំនាញប្រព័ន្ធស្វ័យប្រវត្តិក្នុងឧស្សាហកម្ម នៅទីក្រុងធៀនជីង ប្រទេសចិន ចាប់ពីថ្ងៃទី២ ដល់ថ្ងៃទី៤ ខែកក្កដា ឆ្នាំ២០១៥ ។
– ការប្រឡងក្នុងកម្មវិធីអភិវឌ្ឍន៍ផ្នែកវិទ្យាសាស្ត្រ និង ភាពជាអ្នកដឹកនាំ លើកទី ៣ នៅទីក្រុងជីណាន ប្រទេសចិន ចាប់ពីថ្ងៃទី១៦ ដល់ថ្ងៃទី២១ ខែកក្កដា ឆ្នាំ២០១៥។
- ការប្រឡងរូបវិទ្យា អូឡាំព្យាដអន្តរជាតិលើកទី ៤៦នៅទីក្រុងម៉ុមបៃ ប្រទេសឥណ្ឌា កាលពីថ្ងៃទី០៥ ដល់ថ្ងៃទី ១២ ខែកក្កដា ឆ្នាំ២០១៥។
- ប្រឡងគណិតវិទ្យាអូឡាំព្យាដអន្តរជាតិ លើកទី៥៦ នៅទីក្រុងឈៀងម៉ៃ ប្រទេសថៃ កាលពីថ្ងៃទី៩ ដល់ថ្ងៃទី១៥ ខែកក្កដា។
– ការប្រកួតប្រជែងជំនាញ របស់វិទ្យាស្ថានបណ្តុះបណ្តាលវិជ្ជាជីវៈ នៃប្រទេសចិន ឆ្នាំ២០១៥ លើមុខជំនាញប្រព័ន្ធស្វ័យប្រវត្តិក្នុងឧស្សាហកម្ម នៅទីក្រុងធៀនជីង ប្រទេសចិន ចាប់ពីថ្ងៃទី២ ដល់ថ្ងៃទី៤ ខែកក្កដា ឆ្នាំ២០១៥ ។
– ការប្រឡងក្នុងកម្មវិធីអភិវឌ្ឍន៍ផ្នែកវិទ្យាសាស្ត្រ និង ភាពជាអ្នកដឹកនាំ លើកទី ៣ នៅទីក្រុងជីណាន ប្រទេសចិន ចាប់ពីថ្ងៃទី១៦ ដល់ថ្ងៃទី២១ ខែកក្កដា ឆ្នាំ២០១៥។
ពលករខ្មែរចំនួន៣៣នាក់ ដែលរងគ្រោះដោយសារ ការជួញដូរមនុស្ស និងការបង្ខិតបង្ខំអោយធ្វើការ នៅលើទូកនេសាទក្នុងប្រទេស ឥណ្ឌូណេស៊ី ត្រូវបានជួយសង្គ្រោះ
យោងតាមសេចក្តីជូនដំណឹងរបស់ឯកឧត្តម ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ នៅថ្ងទី២៨ ខែ កក្កដា ឆ្នាំ ២០១៥នេះ បានឲ្យដឹងថា ស្ថានឯកអគ្គរាជទូតកម្ពុជា ប្រចាំប្រទេសឥណ្ឌូណេស៊ី បានសហការជាមួយអង្គការអន្តោប្រវេសន៍អន្តរជាតិ (IOM) រៀបចំដំណើរវិលត្រឡប់មកកម្ពុជាវិញរបស់ពលករខ្មែរ ចំនួន ៣៣ នាក់ ពីកោះ Tarempa, Tanjung Pinang, Riau Island ប្រទេស ឥណ្ឌូណេស៊ី ដែលរងគ្រោះដោយសារការជួញដូរមនុស្ស និងការបង្ខិតបង្ខំអោយធ្វើការនៅ លើទូកនេសាទ ។
ពលករខ្មែរទាំង ៣៣ នាក់ ខាងលើ បានមកដល់អាកាសយានដ្ឋានអន្តរជាតិភ្នំពេញ នៅ ថ្ងៃទី ២៨ កក្កដា ឆ្នាំ ២០១៥ នេះ តាមជើងយន្តហោះ MH 762 វេលាម៉ោង ១៦:១០ នាទី ។
កន្លងមក ក្រសួងការបរទេស និងសហប្រតិបត្តិការអន្តរជាតិ ហើយនិងស្ថានឯកអគ្គ- រាជទូតកម្ពុជាប្រចាំនៅប្រទេសឥណ្ឌូណេស៊ី បានអន្តរាគមន៍ជួយពលករខ្មែររងគ្រោះអោយ បានវិលត្រឡប់ពីប្រទេសឥណ្ឌូណេស៊ី មកកាន់មាតុប្រទេសវិញជាបន្តបន្ទាប់ តាមរយៈការចរចារវាងស្ថានទូតកម្ពុជាប្រចាំប្រទេសឥណ្ឌូណេស៊ី ជាមួយក្រុមហ៊ុនដែលជាតំណាងអោយទូកនេសាទនានា ហើយនិងតាមរយៈកិច្ចសហការរវាងក្រសួងការបរទេស និងសហប្រតិបត្តិការអន្តរជាតិ និងស្ថានទូតកម្ពុជាប្រចាំប្រទេសឥណ្ឌូណេស៊ី ជាមួយអង្គការអន្តោប្រវេសន៍ អន្តរជាតិ(IOM) ។
ក្រសួងការបរទេស និងសហប្រតិបត្តិការអន្តរជាតិ សូមធ្វើការអំពាវនាវដល់ពលរដ្ឋខ្មែរ ត្រូវធ្វើការប្រុងប្រយ័ត្នចំពោះការឆបោក ការសន្យាភូតកុហក អូសទាញ បញ្ចុះបញ្ចូលពីសំណាក់មេខ្យល់ ដែលមានគំនិតទុច្ចរិតបំរើផលប្រយោជន៍ផ្ទាល់ខ្លួន ក្នុងការនាំបងប្អូនទៅធ្វើការដោយខុសច្បាប់នៅក្រៅប្រទេស ៕
សម្តេចតេជោ ហ៊ុន សែន បានថ្លែងជំរុញឱ្យ សម្តេចក្រុមព្រះមានជំហររឹងមាំ ក្នុងការធ្វើនយោបាយ
នៅរសៀលថ្ងៃទី២៧ ខែកក្កដា ឆ្នាំ២០១៥ សម្តេចតេជោ ហ៊ុន សែន នាយករដ្ឋមន្ត្រី បានព្រមានទៅសម្តេចក្រុមព្រះ នរោត្តម រណឫទ្ធិ ព្រះប្រធានគណបក្សហ៊្វុនស៊ិនប៉ិច ដែលបានលើកឡើងថា ព្រះមហាក្សត្រ គ្រោងនឹងកោះអញ្ជើញមេបក្សធំៗ៣ ចូលរួមពិភាក្សា អំពីបញ្ហាព្រំដែនកម្ពុជា-វៀតណាម ដោយសម្តេចតេជោ សូមឲ្យសម្តេចក្រុមព្រះ ត្រូវមានជំហររឹងមាំក្នុងការធ្វើនយោបាយ ហើយសម្តេចតេជោក៏បានអំពាវនាវដល់សម្តេចក្រុមព្រះ កុំឱ្យយកព្រះមហាក្សត្រ ធ្វើជាល្បែងលេងសើច នាំឱ្យអាប់អោនដល់ព្រះរាជកិត្តិយសព្រះអង្គ។
សម្តេចតេជោ ថ្លែងបែបនេះ ក្នុងឱកាសសម្តេចតេជោ ហ៊ុន សែន និងសម្តេចកិតិ្តព្រឹត្តបណ្ឌិត ប៊ុនរ៉ានីហ៊ុន សែនអញ្ជើញចូលរួមក្នុងពិធីបុណ្យចម្រើនព្រះជន្ម ថ្វាយសម្តេចព្រះមហាសុមេធាធិបតីកិត្តិ ឧទ្ទេសបណ្ឌិត នន្ទ ង៉ែត សម្តេចព្រះសង្ឃនាយក នៃព្រះរាជាណាចក្រកម្ពុជា ក្នុងព្រះជន្មគម្រប់ ៩១ យាងចូល ៩២ព្រះវស្សា ដែលធ្វើឡើង នៅក្នុងវត្តបទុមវត្តី រាជធានីភ្នំពេញ ។
សម្តេចបញ្ជាក់ថា ទោះបីសម្តេចក្រុមព្រះជាព្រះរាមរបស់ព្រះករុណាព្រះមហាក្សត្រក៏ដោយ តែរាជានៅកម្ពុជា គឺជារបស់ប្រជាពលរដ្ឋទូទាំងប្រទេស មិនមែនរបស់រាជវង្សអង្គណាឡើយ ។
សូមជំរាបថា នៅថ្ងៃទី២៧ ខែកក្កដា ឆ្នាំ២០១៥ ព្រះបរមរាជវាំង បានចេញសេចក្តីប្រកាសព័ត៌មានមួយ ពាក់ព័ន្ធកាលើកឡើងរបស់សម្តេចក្រុមព្រះ នរោត្តម រណប្ញទ្ធិ និងសារព័ត៌មាននានាដែលបានផ្សាយថា «ព្រះមហាក្ស ត្រគ្រោងនឹងកោះហៅមេដឹកនាំគណបក្ស នយោបាយធំៗ ទាំង៣មក ប្រជុំ ពិភាក្សាលើបញ្ហាព្រំដែន»។
ពាក់ព័ន្ធចំណុចនេះ ក្រសួងព្រះបរមរាជវាំង សូមប្រកាសជូនសាធារណជនជ្រាបថា ព្រះករុណា ព្រះមហាក្សត្រ នៃព្រះ រាជាណា ចក្រកម្ពុជា ព្រះអង្គពុំមានព្រះរាជតម្រិះ ឬមានផែនការកោះហៅ មេដឹកនាំគណបក្សធំៗទាំង៣មកពិភាក្សាអំពីបញ្ហាព្រំដែនឡើយ។
ពាក់ព័ន្ធទៅនឹងគណបក្សសង្គ្រោះជាតិ សម្តេចនាយករដ្ឋមន្ត្រី ហ៊ុន សែន បានប្រកាសបដិសេធ មិនសម្របសម្រួលតាមផ្លូវនយោបាយ ដោយប្រើវប្បធម៌សន្ទនាដើម្បីដោះស្រាយករណីសកម្មជនគណបក្សសង្គ្រោះ ជាតិ១១នាក់ នោះឡើយ។ សម្តេចនាយករដ្ឋមន្ត្រី ហ៊ុន សែន បានប្រកាសថា សម្តេចមិនទទួលជួបថ្នាក់ដឹកនាំគណបក្សសង្គ្រោះជាតិ តាមរយៈវប្បធម៌សន្ទនា ដើម្បីដោះស្រាយបញ្ហារបស់សកម្មជនគណបក្សសង្គ្រោះជាតិនោះទេ។
សំណុំរឿងក្តីផ្តន្ទាទោសលើសកម្មជនគណបក្សសង្គ្រោះជាតិទាំង១១ នាក់នោះ ជារឿងរបស់តុលាការ។ ត្រូវដោះស្រាយតាមផ្លូវច្បាប់ ដោយប្តឹងជំទាស់នៅ តុលាការឧទ្ធរណ៍ ហើយគណបក្សសង្គ្រោះជាតិ ត្រូវរកមេធាវីពូកែៗ ដើម្បីការពារក្តីដោះស្រាយរឿងនេះ។ លោកកឹមសុខា បានចេញពីពន្ធនាគារ ហើយប្រាប់ក្រុមអ្នកកាសែតថា សកម្មជនគណបក្សសង្គ្រោះជាតិទាំង ១១នាក់បានសម្រេចប្តឹងឧទ្ធរណ៍ ជំទាស់នឹងការផ្តន្ទាទោសដាក់ពន្ធនាគារ ចន្លោះពី ៧ ឆ្នាំ ទៅ២០ឆ្នាំ ក្នុងសំណុំរឿងបាតុកម្មរំដោះទីលានប្រជាធិបតេយ្យ កាលពីថ្ងៃទី១៥ ខែកក្កដា ឆ្នាំ២០១៤ដែលកើតមានអំពើហិង្សារវាងបាតុករ និងក្រុមសន្តិសុខខណ្ឌដូនពេញ។ ក្នុងនោះ ជាមួយនឹងមធ្យោបាយតាមផ្លូវតុលាការ លោកកឹម សុខា ក៏បានប្រកាសថា នឹងប្រើប្រាស់នូវវប្បធម៌សន្ទនា រវាងថ្នាក់ដឹកនាំគណបក្សសង្គ្រោះជាតិ និងគណបក្សប្រជាជនកម្ពុជា ដើម្បីសម្របសម្រួលករណីសកម្មជនទាំងនោះ៕
ឯកអគ្គរដ្ឋទូតសាធារណរដ្ឋឥណ្ឌា នៅតែសម្លឹងឃើញពីសក្តានុពល ជាច្រើនរបស់កម្ពុជា
នៅមុនពេលបញ្ចប់អាណត្តិបេសកកម្មការទូតប្រចាំកម្ពុជា ឯកអគ្គរដ្ឋទូតសាធារណរដ្ឋឥណ្ឌា ឯកឧត្តម ឌីនេស ខេ. ផាតនេក [DINESH K. PATNAIK] បានចូលជួបជំរាបលា សម្តេច តេជោ នាយករដ្ឋមន្ត្រី ហ៊ុន សែន នាព្រឹកថ្ងៃទី២៨ ខែកក្តដានេះ នៅវិមានសន្តិភាព។
នៅក្នុងជំនួបនេះឯកឧត្តម ឯកអគ្គរដ្ឋទូត បានជំរាបជូនថា ក្នុងរយៈពេល៣ឆ្នាំ នៃការបំពេញ បេសសកម្មការទូត ឯកឧត្តមបានមើលឃើញពីការរីកចំរើនខ្លាំងរបស់កម្ពុជា ហើយកម្ពុជានៅ តែមានសក្តានុពលជាច្រើនទៀត។ ទន្ទឹមនេះ ឯកឧត្តម ឌីនេស ខេ. ផាតនេក ក៏បានបញ្ជាក់ ផងដែរថា បើទោះបីជាឯកឧត្តមត្រូវបន្តបេសកកម្មទៅកាន់ប្រទេសផ្សេងក៏ដោយ ឯកឧត្តមនៅ តែបន្តសហការជួយអភិវឌ្ឍន៌នៅកម្ពុជា។
ឯកឧត្តម ក៏បានថ្លែងអំណរគុណដល់សមាជិក រាជរដ្ឋាភិបាល និងប្រជាពលរដ្ឋកម្ពុជា ដែលកន្លងមកតែងសហការធ្វើការជាមួយគ្នា ធ្វើឲ្យបេសកម្ម ការទូតរបស់ឯកឧត្តមទទួលបានជោគជ័យនិងធ្វើឲ្យទំនាក់ទំនងរវាងឥណ្ឌានិង កម្ពុជា កាន់តែល្អ ប្រសើរ។
ជាការឆ្លើយតប សម្តេចតេជោ ហ៊ុន សែន បានថ្លែងអំណរគុណដល់ការប្រឹងប្រែងរបស់ឯកឧត្តម ឌីនេស ខេ. ផាតនេក ដែលបានចូលរួមចំណែកទាំងការអភិវឌ្ឍនៅកម្ពុជាផង និងពង្រឹង កិច្ចសហប្រតិបត្តិការរវាងកម្ពុជានិងឥណ្ឌាផង។ ជាងនេះទៀត សម្តេចតេជោ បាន សម្តែងការអរគុណដល់ប្រទេសឥណ្ឌាដែលកន្លងមកបានធ្វើជាសហប្រធាននៃ ICCព្រះវិហារ ហើយសម្តេចក៏បានជូនពរដល់បេសកម្មការទូតបន្តទៅកាន់ប្រទេសផ្សេងរបស់ ឌីនេស ខេ. ផាតនេក ឲ្យទទួលបានជោគជ័យ៕
Subscribe to:
Posts (Atom)