សេចក្តីថ្លែងការណ៍រួម១០ចំណុច ស្តីពីលទ្ធផលនៃដំណើរទស្សនកិច្ចផ្លូវរដ្ឋ នៅកម្ពុជារបស់លោក ង្វៀន ហ្វ៊ូជុង ប្រធានរដ្ឋនៃសាធារណរដ្ឋសង្គម និយមវៀតណាម

តាមការអញ្ជើញរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា លោក ង្វៀន ហ្វ៊ូជុង អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្ត និងជាប្រធានរដ្ឋ នៃសាធារណរដ្ឋសង្គមនិយមវៀតណាម បានដឹកនាំគណៈប្រតិភូជាន់ ខ្ពស់វៀតណាម អញ្ជើញមកបំពេញទស្សនកិច្ចផ្លូវរដ្ឋនៅកម្ពុជាពីថ្ងៃទី២៥ ដល់ថ្ងៃទី២៦ ខែកុម្ភៈ ឆ្នាំ២០១៩។

សេចក្តីថ្លែងការណ៍រួមនេះដែរ បានឱ្យដឹងថា ក្នុងបរិយាកាសពោរពេញ ដោយសាមគ្គីភាព មិត្តភាពជាប្រពៃណី និងការជឿទុកចិត្តគ្នាទៅវិញទៅមក ថ្នាក់ដឹកនាំនៃប្រទេសទាំងពីរបានធ្វើសេចក្តីរាយការណ៍អំពីការអភិវឌ្ឍថ្មីៗរបស់ប្រទេសរៀងៗខ្លួន និងបានផ្លាស់ប្តូរទស្សនៈគ្នាយ៉ាងស៊ីជម្រៅលើកិច្ច សហប្រតិបត្តិការទ្វេភាគី ក៏ដូចជាបញ្ហាតំបន់ និងពិភពលោកដែលមាន ផលប្រយោជន៍ទៅវិញទៅមក។

អគ្គលេខាធិការ និងជាប្រធានរដ្ឋវៀតណាម លោក ង្វៀន ហ្វ៊ូជុង បានសម្តែងនូវការអបអរសាទរយ៉ាងក្រៃលែងចំពោះសមិទ្ធផលដ៏ធំធេងដែលប្រជាជនកម្ពុជាសម្រេចបានក្នុងការកសាង ការការពារនិងការអភិវឌ្ឍ ប្រទេសជាតិ និងបានអបអរសាទរប្រទេសកម្ពុជា ដែលរៀបចំដោយ ជោគជ័យនូវការបោះឆ្នោតជ្រើសតាំងតំណាងរាស្រ្តនីតិកាលទី៦ ការបង្កើតរដ្ឋសភា និងរាជរដ្ឋាភិបាលថ្មី និងការបោះឆ្នោតជ្រើសតាំង សមាជិកព្រឹទ្ធសភានីតិកាលទី៤ ដែលជាមូលដ្ឋានគ្រឹះនយោបាយ ដ៏រឹងមាំសម្រាប់សន្តិភាព និងការអភិវឌ្ឍរបស់កម្ពុជា។

នៅក្នុងសេចក្តីថ្លែងការណ៍រួមនេះដែរ បានគូសបញ្ជាក់ថា ភាគីទាំងពីរ កម្ពុជា-វៀតណាម បានឯកភាពគ្នាថា ការថែរក្សា និងអភិវឌ្ឍទំនាក់ទំនង ទ្វេភាគីតាមស្មារតី «ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ ស្ថិរភាពយូរអង្វែង» ដោយឈរលើ គោលការណ៍នៃការឯកភាពគ្នាក្នុងសេចក្តីថ្លែងការណ៍រួមលើកមុនៗ គឺជាការទទួលខុសត្រូវរបស់ប្រជាជាតិ និងប្រជាជននៃប្រទេសទាំងពីរ ដើម្បីការអភិវឌ្ឍប្រកបដោយចីរភាព និងអនាគតដ៏ភ្លឺស្វាងរបស់ប្រទេស ទាំងពីរដ៏ដូចជាដើម្បីសន្តិភាព ស្ថិរភាព សហប្រតិបត្តិការ និងការអភិវឌ្ឍ ក្នុងតំបន់ និងនៅលើពិភពលោក។

សូមអានសេចក្តីថ្លែងការណ៍រួម ១០ចំណុចដូចខាងក្រោម៖

ខេត្តសៀមរាប រៀបចំកិច្ចប្រជុំសាមញ្ញលើកទី៥៦ អាណត្តិទី២ របស់គណៈកម្មាធិការពិគ្រោះយោបល់កិច្ចការស្ត្រី និងកុមារ

សៀមរាប៖ ថ្ងៃទី២៦ ខែកុម្ភៈ ឆ្នាំ២០១៩នេះ គណៈកម្មាធិការពិគ្រោះ យោបល់កិច្ចការស្ត្រី និងកុមារខេត្តសៀមរាប បានរៀបចំកិច្ចប្រជុំសាមញ្ញ លើកទី៥៦ អាណត្តិទី២ នៅសាលាខេត្តសៀមរាប ក្រោមអធិបតីភាព លោកស្រី ស៊ិន ណម ប្រធានគណៈកម្មការពិគ្រោះយោបល់កិច្ចការស្ត្រី និងកុមារខេត្តសៀមរាប។ កិច្ចប្រជុំនេះក៏មានការអញ្ជើញចូលរួមពីលោក លោកស្រី អនុប្រធាន និងលោក លោកស្រីជាសមាជិកគណៈកម្មការ ព្រមទាំងអង្គការសរុប ១៩រូប។

កិច្ចប្រជុំសាមញ្ញលើកទី៥៦នេះ អង្គប្រជុំបានពិភាក្សា និងអនុម័តលើរបៀប វារៈមួយចំនួនដូចខាងក្រោម ៖
១. ពិនិត្យ និងអនុម័តសេចក្តីព្រាងកំណត់ហេតុលើកទី៥៥ អាណត្តិទី២ កាលពីថ្ងៃពុធ ២កើត ខែមាឃ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី០៦ ខែកុម្ភៈ ឆ្នាំ២០១៩
២. របាយការណ៍ស្តីពីការអនុវត្តការងារប្រចាំខែកុម្ភៈ ឆ្នាំ២០១៩ របស់គណៈ កម្មការពិគ្រោះយោបល់កិច្ចការស្ត្រី និងកុមារខេត្តសៀមរាប
៣. របាយការណ៍ស្តីពីស្ថានភាពស្ត្រី យុវវ័យ កុមារ និងជនងាយរងគ្រោះ តាមបណ្តាវិស័យពាក់ព័ន្ធ
៤. បញ្ហាផ្សេងៗ។

បន្ទប់ពីកិច្ចពិភាក្សាមក លោកប្រធានអង្គប្រជុំបានណែនាំដល់បណ្តា វិស័យពាក់ព័ន្ធទាំងអស់ត្រូវយកចិត្តដាក់ខ្ពស់រាល់បញ្ហាស្ត្រី យុវវ័យ កុមារ និងជនងាយរងគ្រោះដែលកើតឡើងនៅនឹងមូលដ្ឋាន។

រាល់បញ្ហាដែលកើតមានឡើងត្រូវដោះស្រាយអោយអស់លទ្ធភាព ហើយទាន់ពេលវេលា ជៀសវាងយឺតយូរនាំអោយជនបង្ករត់ទៅឆ្ងាយ។ ជាមួយគ្នានេះលោកស្រី ប្រធានអង្គប្រជុំបានថ្លែងនូវអំណរគុណយ៉ាង ជ្រាលជ្រៅចំពោះអង្គការដៃគូដែលតែងតែចូលរួមយោបល់ និងលើកបញ្ហា ដែលកើតឡើង ដើម្បីដោះស្រាយ៕

លោកនាយករដ្ឋមន្ត្រី ហ៊ុន សែន អញ្ជើញជាអធិបតីក្នុងពិធីចុះហត្ថលេខា លើឯកសារមួយចំនួនជាមួយប្រមុខរដ្ឋវៀតណាម

នៅព្រឹកថ្ងៃទី២៦ ខែកុម្ភៈ ឆ្នាំ២០១៩នេះ លោកនាយករដ្ឋមន្រ្តី ហ៊ុន សែន និងលោក ង្វៀង ហ៊្វូជុង (Nguyen Phu Trong) ​​ប្រមុខរដ្ឋវៀតណាម បានអញ្ជើញជាអធិបតីក្នុងពិធីចុះហត្ថលេខាលើកឯកសារចំនួន៥រួមមាន៖

១- ពិធីសារស្តីពីវិសោធនកម្មលើពិធីសារសម្រាប់អនុវត្តកិច្ចព្រមព្រៀងរវាងកម្ពុជា-វៀតណាម ស្តីពីការដឹកជញ្ជូនផ្លូវគោកដែលចុះហត្ថលេខាដោយលោក ង្វៀន វ៉ាន់ថេរ (Nguyen Van The)រដ្ឋមន្ត្រីក្រសួងដឹកជញ្ជូនវៀតណាម និងលោក តូច ចាន់កុសល រដ្ឋមន្ត្រីស្តីទីក្រសួងសា​ធារណ​​ការ និងដឹកជញ្ជូនកម្ពុជា។

២- សេចក្ដីបន្ថែមស្តីពីការកែប្រែមាត្រា៦ និងមាត្រា១៧ នៃកិច្ចព្រមព្រៀងរវាងកម្ពុជា-វៀតណាម ស្តីពីការដឹកជញ្ជូនផ្លូវទឹក ចុះហត្ថលេខាដោយលោក ង្វៀន វ៉ាន់ថេរ (Nguyen Van The) រដ្ឋមន្ត្រីក្រសួងដឹកជញ្ជូនវៀតណាម និងលោក តូច ចាន់កុសល រដ្ឋមន្ត្រីស្តីទីក្រសួងសាធារណការ និងដឹកជញ្ជូនកម្ពុជា។

៣- អនុស្សារណៈនៃការយោគយល់គ្នាស្តីពីការផ្តល់ហិរញ្ញប្បទានឥតសំណង ២៥លានដុល្លារអាមេរិកសម្រាប់ការអនុវត្តគម្រោងសាងសង់អគាររដ្ឋបាលរបស់រដ្ឋសភា ដែលចុះហត្ថលេខាដោយលោក ឌីញ គៀនយ៉ុង (Dinh Tien Dzung) រដ្ឋមន្ត្រីក្រសួងហិរញ្ញវត្ថុវៀតណាម និងលោក ឡេង ប៉េងឡុង អគ្គលេខាធិការរដ្ឋសភាជាតិកម្ពុជា។

៤- ការចុះហត្ថលេខាលើកិច្ចសម្របសម្រួលជំរុញពាណិជ្ជកម្មទ្វេភាគីរវាងកម្ពុជា-វៀតណាម ស្តីពីការអនុគ្រោះពន្ធសម្រាប់ឆ្នាំ ២០១៩-២០២០ ដែលចុះហត្ថលេខាដោយ លោក Tran Tuan Anh រដ្ឋមន្ត្រីក្រសួងពាណិជ្ជកម្មវៀតណាម និងលោក ប៉ាន សូរស័ក្តិ រដ្ឋមន្ត្រីក្រសួងពា​ណិជ្ជកម្មកម្ពុជា។

៥- ការចុះហត្ថលេខាលើអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការទេស​ចរណ៍សម្រាប់ឆ្នាំ២០១៩-២០២១ រវាងក្រសួងទេសចរណ៍កម្ពុជា និងក្រុមហ៊ុនអាកាសចរណ៍វៀតណាមដែលចុះហត្ថលេខាដោយ លោក Duong Tri Thanh ជាប្រធាន និងជានាយកប្រតិបត្តិក្រុមហ៊ុនអាកាសចរណ៍វៀតណាម និងលោក ថោង ខុន រដ្ឋមន្ត្រីក្រសួងទេសចរណ៍កម្ពុជា។

បន្ទាប់ពីពិធីចុះ​ហត្ថលេខារួច លោកនាយករដ្ឋមន្រ្តី ហ៊ុន សែន និងលោក ង្វៀង ហ៊្វូជុង (Nguyen Phu Trong) ​​ប្រមុខរដ្ឋវៀតណាម បានអញ្ជើញលៀងសាយភោជន៍រួមគ្នា​ នៅវិមានសន្តិភាព​ រាជធានីភ្នំពេញ​ ប្រកបដោយក្ដីរីករាយ​ និងស្និទ្ធស្នាលក្រៃលែង៕

(សូមទស្សនាវីដេអូ)៖ លោកនាយករដ្ឋមន្រ្តី ហ៊ុន សែន ក្រើនរំលឹកដល់យុវជនយកជំនាញ និងចំណេះដឹង ជាពិសេសជំនាញបច្ចេកវិទ្យាមក​បម្រើកិច្ចការប្រទេសជាតិ ឱ្យមានប្រយោជន៍!

នាយករដ្ឋមន្រ្ដី ហ៊ុន សែន ចាប់ផ្តើមជួបពិភាក្សាការងារជាមួយ ប្រមុខរដ្ឋវៀតណាម នៅវិមានសន្តិភាព

លោកនាយករដ្ឋមន្ត្រី ហ៊ុន សែន នៅម៉ោង១០៖៤៥នាទី ព្រឹកថ្ងៃទី២៦ ខែកុម្ភៈ ឆ្នាំ២០១៩នេះ បានចាប់ផ្តើមជួបពិភាក្សាការងារជាមួយ លោក ង្វៀន ហ៊្វូជុង អគ្គលេខាធិការនៃគណៈកម្មាធិការមជ្ឈឹមបក្សកុំម្មុយនីស្ត និងជាប្រធានរដ្ឋនៃសាធារណរដ្ឋសង្គមនិយមវៀតណាម ដែលបានមកបំពេញទស្សនកិច្ចនៅកម្ពុជារយៈពេល២ថ្ងៃ។

នៅក្រោយជំនួបនៃកិច្ចសំណេះសំណាលលោកនាយករដ្ឋមន្រ្ដី ហ៊ុន សែន និងលោក ង្វៀន ហ៊្វូជុង នឹងអញ្ជើញធ្វើជាអធិបតីភាពក្នុងពិធីចុះហត្ថលេខាលើឯកសារមួយចំនួនផងដែរ ។

លោក ហេង សំរិន ជួបពិភាក្សាការងារជាមួយប្រធានរដ្ឋវៀតណាម

បន្ទាប់ពីបញ្ចប់ជំនួបជាមួយលោក សាយ ឈុំ ប្រធានព្រឹទ្ធសភា លោក ង្វៀន ហ៊្វូជុង អគ្គលេខាធិការនៃគណៈកម្មាធិការមជ្ឈឹមបក្សកុំម្មុយនីស្ត និងជាប្រធានរដ្ឋនៃសាធារណរដ្ឋសង្គមនិយមវៀតណាម នៅវេលាម៉ោង១០:០០ព្រឹក ថ្ងៃទី២៦ ខែកុម្ភៈ ឆ្នាំ២០១៩នេះ បានបន្តជួបពិភាក្សាការងារជាមួយ លោក ហេង សំរិន ប្រធានរដ្ឋសភាកម្ពុជាបន្តទៀត មុនបន្តដំណើរជួបពិភាក្សាការងារជាមួយលោកនាយករដ្ឋមន្រ្ដី ហ៊ុន សែន នាយករដ្ឋមន្រ្តីនៃកម្ពុជា។

លោក ង្វៀន ហ៊្វូជុង បានអញ្ជើញបំពេញទស្សនកិច្ចនៅក្នុងប្រទេសកម្ពុជាជាលើកដំបូង ក្នុងនាមជាប្រមុខរដ្ឋវៀតណាមនៅថ្ងៃទី២៥ ខែកុម្ភៈ ម្សិលមិញនេះ។ ពេលអញ្ជើញដល់លោក ង្វៀន ហ៊្វូជុង បានអញ្ជើញចូលចូលគាល់ព្រះករុណា ព្រះបាទ បរមនាថ នរោត្តម សីហមុនី ព្រះមហាក្សត្រកម្ពុជា និងសម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល នៅក្នុងព្រះបរមរាជវាំ៕

ប្រធានព្រឹទ្ធសភាកម្ពុជា ទទួលជួបពិភាក្សាការងារជាមួយប្រធានរដ្ឋវៀតណាម

នៅថ្ងៃទី២៦ ខែកុម្ភៈ ឆ្នាំ២០១៩នេះ លោក សាយ ឈុំ ប្រធានព្រឹទ្ធសភាកម្ពុជា បានទទួលជួបពិភាក្សាការងារជាមួយ លោក ង្វៀន ហ៊្វូជុង អគ្គលេខាធិការនៃគណៈកម្មាធិការមជ្ឈឹមបក្សកុំម្មុយនីស្ត និងជាប្រធានរដ្ឋនៃសាធារណរដ្ឋសង្គមនិយមវៀតណាម ក្នុងឱកាសដែលលោកដឹកនាំគណៈប្រតិភូជាន់ខ្ពស់មកបំពេញទស្សនកិច្ចជាផ្លូវរដ្ឋ នៅកម្ពុជា រយៈពេល២ថ្ងៃ។

លោក ង្វៀន ហ៊្វូជុង បានអញ្ជើញបំពេញទស្សនកិច្ចនៅក្នុងប្រទេសកម្ពុជាជាលើកដំបូង ក្នុងនាមជាប្រមុខរដ្ឋវៀតណាមនៅថ្ងៃទី២៥ ខែកុម្ភៈ ម្សិលមិញនេះ។ ពេលអញ្ជើញដល់លោក ង្វៀន ហ៊្វូជុង បានអញ្ជើញចូលចូលគាល់ព្រះករុណា ព្រះបាទ បរមនាថ នរោត្តម សីហមុនី ព្រះមហាក្សត្រកម្ពុជា និងសម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល នៅក្នុងព្រះបរមរាជវាំង។

សូមបញ្ជាក់ថា លោក ង្វៀន ហ៊្វូជុង ដែលជាបុគ្គលមានអំណាចលើសគេនៅប្រទេសវៀតណាម បានឡើងកាន់តំណែងជាប្រធានរដ្ឋវៀតណាម កាលពីខែតុលា ឆ្នាំ២០១៨ បន្ទាប់ពីអតីតរដ្ឋវៀតណាម លោក ត្រាន ដៃក្វាង បានទទួលមរណភាព កាលពីថ្ងៃទី២១ ខែកញ្ញា ឆ្នាំ២០១៨ នៅអាយុ៦១ឆ្នាំ ៕

សៀមរាបទទួលបានជ័យលាភីលេខ២ ក្នុងការប្រឡងប្រណាំងពិធីបុណ្យឆ្លងឆ្នាំសកលល្អជាងគេ

សៀមរាប៖ លោក ពៅ ពិសិដ្ឋ អភិបាលរងខេត្ត តំណាងលោក ទៀ សីហា អភិបាល នៃគណៈអភិបាលខេត្តសៀមរាប នៅថ្ងៃទី២៥ ខែកុម្ភៈ ឆ្នាំ២០១៩ បានអញ្ជើញចូលរួមក្នុងពិធីអបអរសាទរ «ទិវាជាតិទីក្រុងស្អាត» លើកទី៧ ក្រោមប្រធានបទ «ទីក្រុងស្អាត ៖ ទីក្រុងផ្តល់ភាពកក់ក្តៅ» ដើម្បីអបអរពិធីនេះដែរ ក៏មានពិធីប្រគល់រង្វាន់ជ័យលាភីលោកនាយករដ្ឋមន្ត្រី ហ៊ុន សែន សម្រាប់ធុរកិច្ចបៃតងក្នុងវិស័យទេសចរណ៍លើកទី៣ និងជ័យលាភីទីក្រុងដែរបានរៀបចំពិធីបុណ្យឆ្លងឆ្នាំសកលល្អជាងគេប្រចាំឆ្នាំ ២០១៨-២០១៩ (The best count down) និងជ័យលាភីបង្គន់សាធារណៈកម្ពុជាលើកទី ១។

ពិធីនេះមានការអញ្ជើញជាអធិបតីភាពរបស់លោកនាយករដ្ឋមន្រ្ដី ហ៊ុន សែន ក្នុងពិធីប្រឡងប្រណាំងកម្មវិធីខាងលើក្នុងឆ្នាំ ២០១៨-២០១៩ ក្រុងសៀមរាប ខេត្តសៀមរាបទទួលបានចំណាត់ថ្នាក់លេខ ២ នៃជ័យលាភីទីក្រុងដែរបានរៀបចំពិធីបុណ្យឆ្លងឆ្នាំសកលល្អជាងគេ (The best count down) ។

ជាមួយនឹងលទ្ធផលខាងលើនេះ ខេត្តសៀមរាបនឹងបន្តរៀបចំកែលម្អសោភណ្ឌក៏ដូចជាហេដ្ឋារចនាសម្ព័ន្ធរូបវ័ន្តបន្ថែមទៀតនៅឆ្នាំបន្តបន្ទាប់ទៀត ដើម្បីចូលរួមប្រឡងប្រណាំងជាមួយនឹងរាជធានី ខេត្តទូទាំងប្រទេស។

ទន្ទឹមនឹងនេះ អាជ្ញាធរខេត្តក៏សូមធ្វើការអំពាវនាវដល់បងប្អូនប្រជាពលរដ្ឋទូទាំងខេត្តសៀមរាបសូមចូលរួម​សហការជា​ប្រចាំជាមួយនឹងអជ្ញាធរខេត្តសៀមរាបក្នុងការរៀបចំ កែលម្អសោភណ្ឌ។

ជាពិសេសការសម្អាតអនាម័យបរិស្ថានក្នុងខេត្តសៀមរាបយើងអោយបានកាន់តែប្រសើរឡើងថែមទៀត ដើម្បីទទួលបានជ័យលាភីលេខ១ នៅឆ្នាំបន្តបន្ទាប់ទៀត ក្នុងពិធីរៀបចំពិធីបុណ្យឆ្លងឆ្នាំសកលល្អជាងគេ (The best count down) ៕

កិច្ចប្រជុំពិភាក្សាការងារយុទ្ឋសាស្ត្រលើកិច្ចគាំពារបរិស្ថាន ការអភិរក្សធនធានធម្មជាតិ និងជីវះចម្រុះប្រកបដោយចីរភាព

ក្រចេះ៖ នៅសាលប្រជុំសាលាខេត្តក្រចេះ លោក ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈ លោក សាយ សំអាល់ រដ្ឋមន្ត្រីក្រសួងបរិស្ថាន និងលោក វ៉ា ថន អភិបាលខេត្តក្រចេះ នៅថ្ងៃទី២៥ ខែកុម្ភៈ ឆ្នាំ២០១៩ បានអញ្ជើញជាអធិបតីក្នុងកិច្ចប្រជុំពិភាក្សាការងារយុទ្ធសាស្ត្រលើកិច្ចគាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះ និងការអភិវឌ្ឍប្រកបដោយចីរភាព ។

ក្នុងកិច្ចប្រជុំនេះក៏មានការអញ្ជើញចូលរួមពី លោក លោកស្រី ប្រតិភូក្រសួងបរិស្ថាន ក្រសួងមុខងារសាធារណៈលោក លោកស្រី ប្រធាន អនុប្រធានមន្ទីរបរិស្ថានខេត្ត អង្គភាពប្រដាប់អាវុធ អភិបាលស្រុក ក្រុង មេឃុំ ចៅសង្កាត់ និងមន្ត្រីរាជការក្រោមឱវាទមន្ទីរបរិស្ថានខេត្តក្រចេះ ។

បន្ទាប់ពីលោក វ៉ា ថន អភិបាលខេត្តក្រចេះ បានធ្វើកិច្ចស្វាគមន៏ និងរាយការអំពីការអនុវត្តកណែទម្រង់នៅថ្នាក់ ក្រោមជាតិកាន់តែប្រសើឡើង និងទទួលបានសមទ្ធិផលជាបន្តបន្ទាប់ លោក សាយ សំអាល់ រដ្ឋមន្ត្រីក្រសួងបរិស្ថានមានប្រសាសន៍លើកឡើងនៅចំណុចមួយសំខាន់ៗ ចំនួនសម្រាប់ពិភាក្សាដូចជាទី១ ទាក់ទង់និងកិច្ចគាំពារបរិស្ថានដែលមានសំណល់រឹង រាវ ទី២ ទាក់ទងការគ្រប់គ្រង់ប្រព័ន្ធលូ ប្រព័ន្ធព្រឹត្តកម្មទឹកកខ្វក់ និងទី៣ទាក់ទងការគ្រប់គ្រងសម្បត្តិធម្មជាតិ ហើយចំណុចទាំងនេះដែលមានអនុក្រិត្យ ១៣៣ និង២៣៥ ដែលបានផ្ទេរមុខងារសាធារណៈពីក្រសួងឲ្យដល់ថ្នាក់ក្រោមជាតិ ។

បន្ទាប់មានកិច្ចពិភាក្សាលោក សាយ សំអាល់បានផ្ដល់អនុសាសន៏ ឲ្យមន្ទីរបរិស្ថានខេត្តចូលរួមអនុវត្តកិច្ចការនេះទទួលបានជោគជ័យដោយត្រូវ -ធ្វើបច្ចុប្បន្នភាព និងរៀបផែនការសកម្មភាពចុះត្រួតពិនិត្យគុណភាពបរិស្ថាន និងពង្រឹងការអនុវត្តច្បាប់ តាមបណ្ដារោងចក្រ សហគ្រាស ក្រុមហ៊ុនដឹកជញ្ជូនដី និងជីកអាចម៍ដី ភោជនីយដ្ឋាន សណ្ឋាគារ អាហារដ្ឋាន -ចុះផ្សព្វផ្សាយ អប់រំអំពីចំណេះដឹងទាក់ទងនឹងការគាំពារបរិស្ថានតាមទីផ្សារ ទីប្រជុំជន និងសហគមន៍។

ជាពិសេសសំដៅការអនុវត្ត អនុក្រឹត្យលេខ ១១៣ ឲ្យមានប្រសិទ្ធភាព -ចុះពិនិត្យទីតាំងចាក់សំរាមឯកជននានារបស់ក្រុមហ៊ុនប្រមូលសំរាមធានាឲ្យបានត្រឹមត្រូវតាមបច្ចេកទេស -ធ្វើបច្ចុប្បន្នភាពតំបន់ដែលត្រូវអភិរក្ស (បឹង ព្រែក ព្រៃឈើ ដែនជម្រកសត្វ …..) នៅក្នងខេត្ត ងាយស្រួលគ្រប់គ្រង ការពារ ព្រមទាំងអាចសុំការគាំទ្រពីថ្នាក់ជាតិ -សហការជាមួយមន្ទីរពាក់ព័ន្ធដើម្បីជំរុញឲ្យក្រុមហ៊ុន គោរពកិច្ចសន្យាបរិស្ថាន ធានាកុំឲ្យប៉ះពាលដល់ប្រជាជន និងបរិស្ថានជុំវិញ -ពិនិត្យពិភាក្សាធ្វើផែនការសម្រាប់អនុវត្តស្មារតីអនុក្រឹត្យលេខ ២៣៥ ស្ដីពីការគ្រប់គ្រងសំណល់ទឹកកខ្វក់ជាដើម។

ពាក់ព័ន្ធ និងកិច្ចពិភាក្សារបស់អង្គប្រជុំលោក ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈសំណូមពរដល់ក្រសួងបរិស្ថានឲ្យមានការបណ្តុះបណ្តាលធនធានមនុស្ស​បន្ថែមទៀតលើការងារគាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះ និងការអភិវឌ្ឍដោយចីរភាព ការវាយតម្លៃហេតុប៉ះពាល់បរិស្ថាន និងការវាយតម្លៃមេត្រីភាពបរិស្ថាន និងជំរុញដល់អាជ្ញាធរដែនដី សមត្ថកិច្ចពាក់ព័ន្ធទាំងអស់ខិតខំប្រឹងប្រែងផ្សព្វផ្សាយដល់ស្រទាប់ប្រជាពលរដ្ឋ ក្រុមហ៊ុននូវនិតិវិធីច្បាប់ឲ្យបានច្បាស់លាស់ និងត្រូវកំណត់ទីតាំងទុកដាក់សម្រាមប្រមូលសម្រាមឲ្យមានស្តង់ដារ កុំអោយមានផលប៉ះពាល់បរិស្ថានជុំវិញទីនោះ ។

ម៉្យាងវិញទៀតពាក់ព័ន្ធរឿងព្រៃឈើ រឿងកាប់ទន្ទ្រាន រើរានព្រៃឈើខុសច្បាប់យកមកជាប្រយោជន៏បុគ្គល យើងត្រូវខិតខំរួមគ្នាទប់ស្កាត់អោយបានតាមរយៈនៃការអប់រំផ្សព្វផ្សាយឲ្យប្រជាពលរដ្ឋយល់ដឹងអំពីច្បាប់ អំពីទោសទណ្ឌ អំពីផលប៉ះពាល់នៃបរិស្ថាន ៕

លោកនាយករដ្ឋមន្រ្ដី ហ៊ុន សែន នឹងទទួលជួបពិភាក្សាការងារជាមួយប្រមុខរដ្ឋវៀតណាម

តាមការគ្រោងទុកនៅវេលាម៉ោងប្រមាណ ១០ព្រឹកថ្ងៃទី២៦ ខែកុម្ភៈ ឆ្នាំ២០១៩នេះ លោកនាយករដ្ឋមន្រ្ដី ហ៊ុន សែន នឹងទទួលជួបពិភាក្សាការងារជាមួយលោក ង្វៀន ហ៊្វូជុង អគ្គលេខាធិការនៃគណៈកម្មាធិការមជ្ឈឹមបក្សកុំម្មុយនីស្ត និងជាប្រធានរដ្ឋនៃសាធារណរដ្ឋសង្គមនិយមវៀតណាម។

នៅក្រោយជំនួបនៃកិច្ចសំណេះសំណាលលោកនាយករដ្ឋមន្រ្ដី ហ៊ុន សែន និងលោក ង្វៀន ហ៊្វូជុង នឹងអញ្ជើញធ្វើជាអធិបតីភាពក្នុងពិធីចុះហត្ថលេខាលើឯកសារមួយចំនួនផងដែរ។

សូមបញ្ជាក់ថា លោក ង្វៀន ហ៊្វូជុង ដែលជាបុគ្គលមានអំណាចលើសគេនៅប្រទេសវៀតណាម បានឡើងកាន់តំណែងជាប្រធានរដ្ឋវៀតណាម កាលពីខែតុលា ឆ្នាំ២០១៨ បន្ទាប់ពីអតីតរដ្ឋវៀតណាម លោក ត្រាន ដៃក្វាង បានទទួលមរណភាពកាលពីថ្ងៃទី២១ ខែកញ្ញា ឆ្នាំ២០១៨ នៅអាយុ៦១ឆ្នាំ។

លោក ង្វៀន ហ៊្វូជុង បានអញ្ជើញបំពេញទស្សនកិច្ចនៅក្នុងប្រទេសកម្ពុជាជាលើកដំបូងក្នុងនាមជាប្រមុខរដ្ឋវៀតណាមនៅថ្ងៃទី២៥ ខែកុម្ភៈ ម្សិលមិញនេះ។ ពេលអញ្ជើញដល់លោក ង្វៀន ហ៊្វូជុង បានអញ្ជើញចូលចូលគាល់ព្រះករុណា ព្រះបាទ បរមនាថ នរោត្តម សីហមុនី ព្រះមហាក្សត្រកម្ពុជា និងសម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល នៅក្នុងព្រះបរមរាជវាំង។

ក្នុងដំណើរទស្សនកិច្ចនេះប្រមុខរដ្ឋវៀតណាម ក៏នឹងអញ្ជើញចូលជួបសម្តែងការគួរសម និងពិភាក្សាការងារជាមួយលោក ហេង សំរិន ប្រធានរដ្ឋសភា និងលោក សាយ ឈុំ ប្រធានព្រឹទ្ធសភាផងដែរ ៕ 

លោកនាយករដ្ឋមន្រ្តី ហ៊ុន សែន ក្រើនរំលឹកដល់យុវជនយកជំនាញ និងចំណេះដឹង ជាពិសេសជំនាញបច្ចេកវិទ្យាមកបម្រើកិច្ចការប្រទេសជាតិ ឱ្យមានប្រយោជន៍!

នៅព្រឹកថ្ងៃទី២៦ ខែកុម្ភៈ ឆ្នាំ២០១៩ លោកនាយករដ្ឋមន្រ្តី ហ៊ុន សែន បានបញ្ជាក់នៅក្នុងទំព័រហ្វេសប៊ុកផ្លូវការរបស់ខ្លួនថា លោកសុំលើកទឹកចិត្ត និងគាំទ្រកូនក្មួយយកជំនាញ និងចំណេះដឹង ជាពិសេសជំនាញបច្ចេកវិទ្យា​មកបម្រើកិច្ចការប្រទេសជាតិឱ្យមានប្រយោជន៍ ចៀសវាងទៅធ្វើអ្វីមួយ ដែលបំផ្លាញដល់អ្នកដទៃ និងសង្គមជាតិ។ លោកក៏បានអរគុណក្រុមហ៊ុន ហ្វេសប៊ុកដែលបានសហការគ្រប់គ្រងគណនីហ្វេសប៊ុករបស់លោកឱ្យមានសុវត្ថិភាពឡើងវិញ និងអរគុណកូនក្មួយទាំងអស់ដែលបានចូលរួមផ្សព្វ ផ្សាយព័ត៌មានពិតល្អៗអំពីកម្ពុជា។

លោកនាយករដ្ឋមន្រ្តី ហ៊ុន សែន ក៏បានអរគុណកូនក្មួយទាំងអស់ ដែលយក ចិត្តទុកដាក់ចូលរួមទប់ស្កាត់ព័ត៌មានមិនពិត (fake news) ដែលព្យាយាម បំពុលដោយក្រុមជនអគតិមួយចំនួនតូច ក្នុងចេតនាអាក្រក់ផ្សព្វផ្សាយ ព័ត៌មានបំផ្លាញសង្គមជាតិយើង។ លោកបានបន្តថា លោកចង់ឱ្យកម្ពុជា ក្លាយជាប្រទេសដែលរីកចម្រើនផ្នែកបច្ចេកវិទ្យាស្របទៅនឹងតម្រូវការសង្គម ពាណិជ្ជកម្ម និងសេដ្ឋកិច្ចជាតិសព្វថ្ងៃ (E-People & E-government) ហើយលោកគាំទ្រឱ្យមានការអភិវឌ្ឍកាន់តែខ្លាំងឡើងលើប្រព័ន្ធអ៊ិនធឺណិតល្បឿនលឿន និងមាន free wi-fi ឱ្យកាន់តែច្រើននៅក្នុងប្រទេសយើង។

លោកនាយករដ្ឋមន្រ្តី ហ៊ុន សែន បានសង្កត់ធ្ងន់ថា មិនថាតែជំនាញ បច្ចេកវិទ្យាមួយទេ គឺគ្រប់ជំនាញទាំងអស់ ក្មួយៗត្រូវតែបន្តសិក្សាស្រាវ ជ្រាវរៀនសូត្រទៅមុខថែមទៀត ហើយត្រូវមានការប្រយ័ត្នប្រយែងខ្ព ស់ក្នុងការប្រើប្រាស់ និងគ្រប់គ្រងឱ្យបានហ្មត់ចត់ល្អបំផុត ដែលសូម្បី តែគណនីហ្វេសប៊ុកលោកក៏មានក្រុមជនខិលខូចបានព្យាយាមចូលលួចជាច្រើនដងដែរ៕

លោកនាយករដ្ឋមន្ត្រី ហ៊ុន សែន អញ្ជើញជួបសមាជិកសហព័ន្ធអាល្លឺម៉ង់ និងជារដ្ឋលេខាធិការក្រសួងសហប្រតិបត្តិការ

លោកនាយករដ្ឋមន្ត្រី ហ៊ុន សែន នារសៀលថ្ងៃទី២៥ ខែកុម្ភៈ ឆ្នាំ២០១៩នេះ បានអញ្ជើញជួបពិភាក្សាការងារជាមួយ លោក Nobert BARTHLE ជាសមាជិកសហព័ន្ធអាល្លឺម៉ង់ និងជារដ្ឋលេខាធិការក្រសួងសហប្រតិបត្តិការ នៃប្រទេសអាល្លឺម៉ង់។

ក្នុងជំជួបនោះ លោក Nobert BARTHLE បានជម្រាបជូនលោកនាយករដ្ឋមន្ត្រី ហ៊ុន សែន អំពីការដឹកនាំប្រតិភូចំរុះដែលមានសមាជិកសភាផង និងមានសមាជិករដ្ឋាភិបាលផង មកធ្វើទស្សនកិច្ចនៅកម្ពុជា ដើម្បីស្វែងយល់ពីគម្រោងទាំងឡាយដែលសហព័ន្ធអាល្លឺម៉ង់បានធ្វើនៅក្នុងប្រទេសកម្ពុជា ដើម្បីបានជាមូលដ្ឋានបន្តកិច្ចសហប្រតិបត្តិការនៅលើគម្រោងជាច្រើនបន្ថែមទៀត ដោយអនុវត្តទៅតាមការណែនាំពីលោកស្រីអធិការបតី Angela Merkel ដែលកន្លងមកលោកស្រីតែងតែគាំទ្រដល់រាជរដ្ឋាភិបាលកម្ពុជា ដឹកនាំដោយនាយករដ្ឋមន្ត្រី ហ៊ុន សែន ។

លោក Nobert BARTHLE បានកត់សម្គាល់ពីការអភិវឌ្ឍន៍យ៉ាងខ្លាំងរបស់ប្រទេសកម្ពុជា ហើយសង្កេតឃើញមានការវិនិយោគជាច្រើន នៅក្នុងនោះលោកក៏មានការលើកទឹកចិត្តដល់អ្នកវិនិយោគជាច្រើនពីអាល្លឺម៉ង់អោយមកកម្ពុជាផងដែរ។ ក្រោមការដឹកនាំរបស់ លោកនាយករដ្ឋមន្រ្តី ហ៊ុន សែន គឺបាននាំមកនូវការអភិវឌ្ឍ និងការរីកចម្រើនដែលបានធ្វើអោយសេដ្ឋកិច្ចរឹងមាំ មានស្ថិរភាព និងសន្តិភាព ដែលនេះជាស្នាដៃដ៏ធំធេងរបស់នាយករដ្ឋមន្ត្រី ហ៊ុន សែន។ លើសពីនេះទៅទៀតលោកថា កន្លងមកគឺមានអ្នកវិនិយោគិនអាល្លឺម៉ង់ជាច្រើនបានចាប់អារម្មណ៍មកវិនិយោគនៅប្រទេសកម្ពុជា។

ជាការឆ្លើយតប លោកនាយករដ្ឋមន្ត្រី ហ៊ុន សែន បានថ្លែងអំណរគុណ និងផ្ញើការសួរសុខទុក្ខជូនចំពោះលោកជំទាវអធិការបតីអាល្លឺម៉ង់ ដែលបានផ្ញើលិខិតអបអរសាទរចំពោះរូបលោក ដែលបានជាប់ឆ្នោតជានាយកមន្រ្តីកន្លងមកនេះ។ លោកនាយករដ្ឋមន្ត្រីបានមានប្រសាសន៍ និងអរគុណចំពោះការវាយតម្លៃដោយស្មោះត្រង់ចំពោះការវិវឌ្ឍរបស់ប្រទេសកម្ពុជា ដោយបានបញ្ជាក់ថា ទីក្រុងភ្នំពេញកាលពីឆ្នាំ១៩៧៩ គឺលោកបានជួបមនុស្សតែ ៧០នាក់ប៉ុណ្ណោះ។ ប៉ុន្តែនៅពេលនេះ ភ្នំពេញមានមនុស្សជាច្រើនបានកំពុងរស់នៅយ៉ាងសុខសប្បាយ និងមានការអភិវឌ្ឍយ៉ាងច្រើន។

លោកនាយករដ្ឋមន្ត្រី ហ៊ុន សែន ក៏បានមានប្រសាសន៍បញ្ជាក់ថា ការអភិវឌ្ឍនេះទទួលបានត្រឹមក្នុងរយៈពេល ២០ឆ្នាំចុងក្រោយនេះ ដែលនាំអោយប្រទេសទទួលបាននូវសុខសន្តិភាព ហើយការអភិវឌ្ឍន៍នេះ ក៏មានការចូលរួមពីបណ្តាប្រទេសនានា ក្នុងនោះក៏មានអាល្លឺម៉ង់ផងដែរ។

លោកនាយករដ្ឋមន្រ្តី បានមានប្រសាសន៍ថា ទោះបីជាពេលនេះកម្ពុជាមានការអភិវឌ្ឍយ៉ាងឆាប់រហ័សយ៉ាងណាក៏ដោយ ក៏កម្ពុជានៅមានបញ្ហាប្រឈមនៅឡើយ ហើយក្នុងនោះកម្ពុជាបានដាក់ចេញនូវការងារអាទិភាពមួយចំនួនដើម្បីដោះស្រាយបញ្ហាទាំងនោះរួមមាន ការអភិវឌ្ឍធនធានមនុស្ស បញ្ហាទឹកស្រោចស្រព បញ្ហាទូរគមនាគមន៍ គមនាគមន៍ និងបញ្ហាអគ្គិសនីផងដែរ។

លោក Nobert BARTHLE បានបញ្ជាក់សារជាថ្មីជូន លោកនាយករដ្ឋមន្ត្រី ហ៊ុន សែន ថា ប្រទេសអាល្លឺម៉ង់ គឺគាំទ្រ និងបន្តសហការជានិច្ច ជាពិសេសនៅជាមួយលោកនាយករដ្ឋមន្ត្រីក្នុងការជួយដល់កម្ពុជា ដូចជាការជួយលើវិស័យកសិកម្ម អគ្គិសនីការប្រើប្រាស់ផ្ទាំងសូឡា ប្រព័ន្ធស្រោចស្រពទឹក និងជំរុញការវិនិយោគនៅប្រទេសកម្ពុជា ព្រមទាំងជួយដោះស្រាយបញ្ហាការកកស្ទះចរាចរណ៍ផងដែរ។ លោកបានមានប្រសាសន៍ថា យើងនឹងដើរជាមួយគ្នា និងបន្តសហការជាមួយគ្នាអោយកាន់តែរឹងមាំថែមទៀត៕

លោក គង់ គាំ៖ ការសម្រេចព្យួរឬដក EBA ពីកម្ពុជាគឺជាការបម្រើមហិច្ឆិតាទណ្ឌិត សម រង្ស៊ី និងក្រុមក្រៅច្បាប់

នៅថ្ងៃទី២៥ ខែកុម្ភៈ ឆ្នាំ២០១៩ លោក គង់ គាំ អតីតប្រធានគណបក្ស សម រង្ស៊ី ជាទីប្រឹក្សាជាន់ខ្ពស់អតីតគណបក្សសង្រ្គោះជាតិ និងជាអ្នកជាប់បំរាមធ្វើនយោបាយក្នុងចំណោម១១៨រូបដោយសាលដីកាតុលាការកំពូលកាលពីឆ្នាំ២០១៧ ហើយដែលទើបតែបានទទួលនីតិសម្បទាធ្វើនយោបាយឡើងវិញកាលពីថ្ងៃទី១៥ ខែមករា ឆ្នាំ២០១៩ បច្ចុប្បន្នជាប្រធានកិត្តិយសគណបក្សឆន្ទៈខ្មែរ បានសរសេរលិខិតមួយច្បាប់ផ្ញើជូនលោក George Edgar ឯកអគ្គរដ្ឋទូតសហភាពអឺរ៉ុបប្រចាំកម្ពុជាដោយបានបង្ហាញក្តីសង្ឃឹមយ៉ាងមុតមាំថា លោកឯកអគ្គរដ្ឋទូត នឹងបញ្ជាក់ជូនសហភាពអឺរ៉ុបថា ការសម្រេចការអនុវត្តព្យួរ ឬដក EBA ពីកម្ពុជាពេលនេះគឺជាការបម្រើមហិច្ឆិតាទណ្ឌិត សម រង្ស៊ី និងក្រុមក្រៅច្បាប់ ហើយទម្លាក់ទុក្ខលំបាកដល់អ្នកដែលគ្មានកំហុស។

នៅក្នុងលិខិតដដែលនេះដែរ លោក គង់ គាំ បានបង្ហាញការសោកស្តាយចំពោះទង្វើរបស់លោក សម រង្ស៊ី និងបក្ខពួកដែលបានប្រើសេចក្តីសម្រេចរបស់ EU ថាកើតឡើងដោយសារ សម រង្ស៊ី ហើយថែមទាំងអំពាវនាវឱ្យខ្មែរក្រៅប្រទេស ខ្មែរក្នុងប្រទេស និងពលទាហានផង រួបរួមគ្នាជាមួយ (EU-USA) ងើបបះបោរចាប់លោក ហ៊ុន សែន (ដក ហ៊ុន សែន ចេញ ដើម្បីទណ្ឌិត សម រង្ស៊ី និងអតីត CNRP) ចូលគ្រប់គ្រងអំណាចរបស់កម្ពុជានៅក្នុងឆ្នាំ២០១៩ នេះឱ្យខាងតែបាន៕

ខាងក្រោមនេះគឺជាលិខិតរបស់លោក គង់ គាំ៖