Tuesday, May 31, 2022

សម្តេចតេជោ ហ៊ុន សែន៖ កម្ពុជាកំពុងអនុវត្តសិទ្ធិធំដំបូងបំផុត គឺសិទ្ធិរស់រានមានជីវិត តាមរយៈការចាក់វ៉ាក់សាំងកូវីដ១៩ សម្រាប់កុមារអាយុចាប់ពី៣ឆ្នាំឡើង

 (ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានកិត្តិយសក្រុមប្រឹក្សាជាតិកម្ពុជាដើម្បីកុមារ បានលើកឡើងថា កម្ពុជាបាននឹងកំពុងអនុវត្តសិទ្ធិចម្បងមួយ ដែលធំដំបូងបំផុត គឺសិទ្ធិរស់រានមានជីវិត តាមរយៈការចាក់ថ្នាំបង្ការជំងឺកូវីដ១៩ សម្រាប់កុមារដែលមានអាយុចាប់ពី៣ឆ្នាំឡើង ដែលអាចបង្ការការឆ្លងរីករាលដាលជាទ្រង់ទ្រាយធំ ជាពិសេសក្នុងចំណោមប្រទេសសមាជិកទាំង១០ របស់សមាគមអាស៊ាន កម្ពុជាទទួលបានចំណាត់ថ្នាក់ល្អជាងគេ សម្រាប់អាត្រាស្លាប់ និងឆ្លងតិចជាងគេ។

នៅក្នុងឱកាសខួបលើកទី៧៣ ទិវាកុមារអន្តរជាតិ ១ មិថុនា ខួបលើកទី២១ ទិវាពិភពលោក ប្រឆាំងពលកម្មកុមារ ១២ មិថុនា និងទិវាកុមារកម្ពុជា ឆ្នាំ២០២២, សម្តេចតេជោ ហ៊ុន សែន បានថ្លែងថា ស្របជាមួយគ្នានោះដែរ រដ្ឋាភិបាលបានជួយអន្តរាគមន៍សម្រាប់ដល់គ្រួសារកុមារក្រីក្រ តាមរយៈការផ្តល់សាច់ប្រាក់ មានអាត្រាខ្ពស់ជាងគេ ដោយជួយដល់កុមារបានចំនួនជាង៦០ម៉ឺននាក់។

ប្រមុខនៃរាជរដ្ឋាភិបាលកម្ពុជា បានលើកឡើងយ៉ាងដូច្នេះថា «បើទោះបីជាឆ្នាំនេះ រាជរដ្ឋាភិបាលកម្ពុជាអាក់ខានមិនបានរៀបចំប្រារព្ធទិវាកុមារអន្តរជាតិ ឱ្យបានអធិកអធ័មយ៉ាងណាក្តី ប៉ុន្តែអ្វីដែលគួរឱ្យកត់សម្គាល់ កម្ពុជាយើងបាននឹងកំពុងអនុវត្តសិទ្ធិចម្បងមួយ ដែលធំដំបូងបំផុត គឺសិទ្ធិរស់រាន មានជីវិត តាមរយៈការចាក់ថ្នាំបង្ការជំងឺកូវីដ១៩ សម្រាប់កុមារដែលមានអាយុចាប់ពី៣ឆ្នាំឡើង ដែលយើងអាចបង្ការការឆ្លងរីករាលដាលជាទ្រង់ទ្រាយធំ ជាពិសេសក្នុងចំណោមប្រទេសសមាជិកទាំង១០ របស់សមាគមអាស៊ាន កម្ពុជាយើងជាប្រទេសដែលទទួលបានចំណាត់ថ្នាក់ល្អជាងគេសម្រាប់អាត្រាស្លាប់ និងឆ្លងតិចជាងគេ»

សម្តេចតេជោ ហ៊ុន សែន បានបន្តថា កន្លងមករដ្ឋាភិបាលបានអនុវត្តនូវការងារយុទ្ធសាស្ត្រមួយចំនួន ក្នុងការលើកកម្ពស់ និងជំរុញការអនុវត្តសិទ្ធិកុមារអនុលោម តាមអនុសញ្ញាស្តីពីសិទ្ធិកុមារ ដែលកម្ពុជាបានផ្តល់សច្ចាប័ន និងមានចែងក្នុងរដ្ឋធម្មនុញ្ញជាធរមានរួមមាន៖ លើកកម្ពស់ការអនុវត្តកិច្ចការពារកុមារលើគ្រប់វិស័យ ទាំងតាមប្រព័ន្ធអនឡាញ និងដោយផ្ទាល់ ជំរុញការចូលរួមរបស់កុមារ នៅគ្រប់លំដាប់ថ្នាក់ ព្រមទាំងបង្កើនសិទ្ធិក្នុងការអភិវឌ្ឍ តាមរយៈការសិក្សាបែបឌីជីថល (E learning)។ ហើយថ្មីៗ កម្ពុជាក៏បានចូលរួមជជែកពិភាក្សាដេញដោលថ្នាក់អន្តរជាតិ សម្រាប់ការអនុវត្តសិទ្ធិ របស់ក្មួយៗ ចៅៗផងដែរ។

នាយករដ្ឋមន្ត្រីនៃកម្ពុជាបានបញ្ជាក់ថា ដើម្បីចូលរួមអបអរសាទរក្នុងទិវានេះ ក្រសួង ស្ថាប័នដែលជាសេនាធិការ របស់រាជរដ្ឋាភិបាលទាំងថ្នាក់ជាតិ និងក្រោមជាតិ ដែលកំពុងបំពេញបេសកកម្មលើវិស័យកុមារ ប្រកបដោយការទទួលខុសត្រូវ និងរឹងមាំបំផុតក្នុងការជំរុញឱ្យមាននវានុវត្តន៍ និងនិរន្តរភាពរបស់កម្មវិធី ដោយបង្កើតនូវច្បាប់ បទដ្ឋានគតិយុត្តិ ផែនការប្រត្តិបត្តិ និងជំរុញការអនុត្តយន្តការដែលមានស្រាប់សម្រាប់ក្មួយៗ ចៅៗ សំដៅឧត្តមប្រយោជន៍របស់ក្មួយៗ ចៅៗគ្រប់ៗគ្នា។ បន្ថែមលើនេះទៀតផងដែរ រដ្ឋាភិបាលក៏បានបំពេញការងារនៅតាមមជ្ឈមណ្ឌលកុមារកំព្រា មណ្ឌលស្តារនីតិសម្បទា កុមាររងគ្រោះ និងងាយរងគ្រោះព្រមទាំងកុមារនៅតាមសហគមន៍ផងដែរ។

«រាជរដ្ឋាភិបាលកម្ពុជា តែងតែយកចិត្តទុកដាក់មានឆន្ទៈមោះមុត និងប្តេជ្ញាចិត្តខ្ពស់ក្នុងការលើកកម្ពស់សិទ្ធិកុមារ និងសូមលើកទឹកចិត្តដល់ជនរួមជាតិ ជាពិសេសកុមារខ្លួនឯងផ្ទាល់ ត្រូវទទួលស្គាល់ថាកុមារ គឺជាអ្នកដែលត្រូវបន្តវេនក្នុងការជួយស្តារ កសាង និងអភិវឌ្ឈសង្គមកម្ពុជាសូមកុំអស់សង្ឃឹម ប្រទេសកម្ពុជាយើងកំពុងតែត្រូវការមនុស្សដែលមានធនធាន រួមគ្នាបន្តវិនិយោគកុមារនៅថ្ងៃនេះ នឹងបង្កើតបានធនធានមនុស្ស ដែលមានជំនាញប្រកបដោយសក្តានុពលនាពេលអនាគត សំដៅធ្វើឱ្យសម្រេចបាននូវការអភិវឌ្ឍប្រកប ដោយចីរភាពកម្ពុជា»។ នេះជាការគូសបញ្ជាក់បន្ថែមរបស់សម្តេចតេជោ ហ៊ុន សែន នៅក្នុងសន្ទរកថា៕









វីដេអូ៖ «កូវីដ ១៩ មិនបានបង្អាក់ដំណើរការ អភិវឌ្ឍប្រទេសកម្ពុជាទេ»

 

វីដេអូ៖ «កូវីដ-១៩ ញែកដាច់ពីគ្នាស្រឡះរវាងអ្នកជួយ និងអ្នកបំផ្លាញខ្មែរ»

 

លិខិតប្រជាជន៖ ក្រោមការដឹកនាំរបស់លោក ហ៊ុន សែន ដាច់ខាតមិនឱ្យកម្ពុជាវិលទៅរកសង្គ្រាមវិនាសកម្មសារជាថ្មីឡើយ

លោកនាយករដ្ឋមន្ត្រី ហ៊ុន សែន នៅថ្ងៃពុធទី៦ ខែកុម្ភៈឆ្នាំ២០១៩ តាមរយៈទំព័រហ្វេសប៊ុករបស់លោកបានថ្លែងថា លោកបានប្តេជ្ញាចិត្តជាថ្មី ក្នុងការធានារក្សាឱ្យបាននូវសុខសន្តិភាពដែលកំពុងគ្របដណ្តប់ទូទាំងប្រទេសកម្ពុជានាពេលបច្ចុប្បន្ន ដោយមិនអនុញ្ញាតឱ្យសង្គ្រាមវិនាសកម្មបំផ្លាញប្រទេស បំផ្លាញសេចក្តីសុខប្រជាពលរដ្ឋសារជាថ្មីបានឡើយ។ ទម្រាំយើងមានឱកាសបានអភិវឌ្ឍរហូតមានកំណើនសេដ្ឋកិច្ចរឹងមាំល្អ និងមានសន្តិភាពសង្គមល្អ ព្រមទាំងមានការទាក់ទាញវិនិយោគិន និងទេសចរបរទេសកាន់ច្រើន គឺយើងបានខិតខំប្រឹងប្រែងនិងធ្វើពលិកម្មខ្លាំងណាស់ ហើយក៏គ្មាននរណារប្រឹងជំនួសយើងទេ បើយើងមិនប្រឹងដោយខ្លួនឯង។ នៅលើហ្វេសប៊ុកដដែលបានបញ្ជាក់ច្បាស់ថា ច្បាស់ណាស់ កាលណាប្រទេសជាតិកាន់រីកចម្រើន ប្រជាពលរដ្ឋកាន់តែមានឱកាសទទួលបាននូវផលប្រយោជន៍ពីការរីកចម្រើននៃប្រទេសជាតិផងដែរ។ នៅក្រោមការដឹកនាំរបស់លោក គឺដាច់ខាតមិនឱ្យកម្ពុជាវិលទៅរកសង្គ្រាមវិនាសកម្មសាជាថ្មីឡើយ ទោះបីក្នុងរូបភាពណាក៏ដោយ។

 ជាការពិត សម្រាប់ប្រជាជនកម្ពុជា សន្តិភាពបានកើតមានពិតប្រាកដក្នុងទូទាំងប្រទេសកម្ពុជាចាប់តាំងពីចុងឆ្នាំ១៩៩៨ គឺជាសន្តិភាពដែលខ្មែរគ្រប់រូបបានស្គាល់ ក្រេបជញ្ជក់ និងធ្វើជាមូលដ្ឋានគ្រឹះសម្រាប់ការកសាង និងអភិវឌ្ឍជីវិតក្រុមគ្រួសារ និងសង្គមជាតិ ជាស្នាដៃដ៏អស្ចារ្យរបស់លោកនាយករដ្ឋមន្រ្តីហ៊ុន សែន។ សន្តិភាពបច្ចុប្បន្នបានផ្តល់នូវអ្វីៗគ្រប់យ៉ាងដល់ខ្មែរ។ សុខសន្តិភាពបាននិងកំពុង ផ្តល់សេចក្តីសុខសាន្ត និងសុភមង្គលដល់ខ្មែរ ដែលផ្ទុយពីក្រុមប្រឆាំងមួយចំនួនបានបង្កើតបដិវត្តពណ៌តាមបញ្ជារបស់បរទេសដែលប៉ុនប៉ងផ្តួលរំលំរដ្ឋអំណាចស្របច្បាប់កើតចេញពីការបោះឆ្នោតតាមប្រជាធិបតេយ្យ។

ក៏ប៉ុន្តែផែនការបដិវត្តពណ៌របស់ក្រុមប្រឆាំងដែលជ្រោមជ្រែងដោយមជ្ឈដ្ឋានអគតិខាងក្រៅប៉ុនប៉ងផ្តួលរំលំរដ្ឋាភិបាលស្របច្បាប់ ដែលផ្ទុយទាំងស្រុងពីរដ្ឋធម្មនុញ្ញ ពីគោលការណ៍ប្រជាធិបតេយ្យ និងនីតិរដ្ឋ និងពីឆន្ទៈរបស់ប្រជាជន ត្រូវបានរាំងស្កាត់ទាន់ពេលេវលា តាមរយៈវិធានការច្បាប់ដ៏ម៊ឹងម៉ាត់ និងប្រសិទ្ធភាព។ ការរំលាយគណបក្សសង្រ្គោះជាតិ និងហាមឃាត់បុគ្គលថ្នាក់ដឹកនាំនៃគណបក្សនេះ ១១៨នាក់ មិនឱ្យធ្វើសកម្មភាពនយោបាយរយៈពេល៥ឆ្នាំតាមអំណាចដាលដីកាស្ថាពររបស់តុលាការកំពូល ថ្ងៃទី១៦ ខែវិច្ឆិកា ឆ្នាំ២០១៧ បានធ្វើឱ្យអង្កការចាត់តាំងបដិវត្តន៍ពណ៌នៅកម្ពុជាត្រូវរំលាយ ហើយបានបញ្ឈប់មិនឱ្យរាលដាលទៅមុខទៀតនូវចលនាជ្រុលនិយមដ៏គ្រោះថ្នាក់នេះ។

ក្នុងន័យនេះ រដ្ឋាភិបាលរបស់លោកនាយករដ្ឋមន្រ្តី ហ៊ុន សែន បានការពារយ៉ាងរឹងមាំរាល់សមិទ្ធផលនៃសង្គមជាតិ ការពារឯករាជ្យ និង អធិបតេយ្យជាតិ ការពារឆន្ទៈ និងផលប្រយោជន៍ដ៏ត្រឹមត្រូវរបស់ប្រជាជន និងធានាឱ្យកម្ពុជាបន្តដើរតៅមុខយ៉ាងរឹងមាំ តាមគន្លងនៃលទ្ធិប្រជាធិបតេយ្យ សេរីពហុបក្ស។ ហើយសន្តិភាព ស្ថិរភាព និងសមិទ្ធផលដែលរដ្ឋាភិបាលរបស់លោកនាយករដ្ឋមន្រ្តី ហ៊ុន សែន សម្រេចបានមកដល់ពេលនេះ គឺបានមកពីការយកជីវិតមកធ្វើជាដើមទុន ពីពលិកម្មដ៏ធំធេង និងមិនអាចកាត់ថ្លៃបានរបស់យុទ្ធជន និងយុទ្ធនារី ជនរួមជាតិយើងរាប់លាននាក់ ដើម្បីជាតិមាតុភូមិ ព្រមទាំងការជួយឧបត្ថម្ភពីប្រទេសជាមិត្ត និងសហគមន៍អន្តរជាតិ។ ដូច្នេះ ប្រជាជនកម្ពុជារាល់រូបត្រូវនាំគ្នាខិតខំការពារថែរក្សាសមិទ្ធផលដ៏ថ្លៃថ្លានេះឱ្យបានគង់វង្សជារៀងដរាប ដោយមិនអនុញ្ញាតឱ្យមជ្ឈដ្ឋានណាមួយមកបំផ្លាញទៅវិញបានឡើយ ទោះជាត្រូវបង់ដោយតម្លៃណាក្តី។

អាស្រ័យដោយ មានទស្សនៈវិស័យច្បាស់លាស់ គោលនយោបាយដឹកនាំដ៏ត្រឹមត្រូវ និងកម្មវិធីនយោបាយអភិវឌ្ឍជាតិគ្រប់ជ្រុងជ្រោយ រដ្ឋាភិបាលរបស់លោកនាយករដ្ឋមន្រ្តី ហ៊ុន សែន ពិតជាមានមោទនភាពបំផុត ក្នុងការដឹកនាំប្រទេស ដោយសម្រេចបាននូវកំណើនសេដ្ឋកិច្ចខ្ពស់ ក្នុងអត្រាជាង៧% ក្នុងមួយឆ្នាំ ហើយមូលដ្ឋាននៃកំណើនត្រូវបានរីកដុះដាលកាន់តែច្រើនវិស័យដោយបានធ្វើឱ្យទំហំសេដ្ឋកិច្ចកាន់តែធំឡើងជាលំដាប់។ ជាក់ស្តែងទំហំសេដ្ឋកិច្ចជាតិ (ផ.ស.ស. តាមថ្លៃបច្ចុប្បន្ន) បានកើនឡើងពីប្រមាណជាង១៥២៣៧ លានដុល្លារអាមេរិកនៅឆ្នាំ២០១៣ ដល់ប្រមាណជាង២៤៦០៥ លានដុល្លារអាមេរិកនៅឆ្នាំ២០១៨។ ចំណូលមនុស្សម្នាក់ៗធៀបនឹងទំហំសេដ្ឋកិច្ចទាំងមូល ក៏បានកើនឡើងពី១០៤២ ដុល្លារអាមេរិក ក្នុងឆ្នាំ២០១៣ ដល់ប្រមាណ១៥៦៣ ដុល្លារអាមេរិកនៅក្នុងឆ្នាំ២០១៨។ អត្រាប្តូរប្រាក់ស្ថិតក្នុងរង្វង់៤០៥០រៀលក្នុងមួយដូល្លារអាមេរិក ខណៈដែលអត្រាអតិផលរណាជាមធ្យមស្ថិតក្នុងរង្វង់៣% ដែលជាកម្រិតមួយទៀប និងអាចគ្រប់គ្រងបាន។

នេះជាមោទនភាពមួយដែលរដ្ឋាភិបាលដឹកនាំដោយគណបក្សប្រជាជន បានធ្វើឱ្យកម្ពុជាសម្រេចបានឋានៈប្រទេសចំណូលមធ្យមកំរិតទាប ភាពក្រីក្ររបស់ប្រជាជនត្រូវបានកាត់បន្ថយនៅត្រឹមក្រោម១០% និងគម្លាតនៃចំណូលក្នុងចំណោមប្រជាជន ស្ថិតក្នុងកំរិតទាប តាមរយៈការបែងចែកផលនៃកំណើនសេដ្ឋកិច្ចដល់ប្រជាជនគ្រប់ស្រទាប់ ពិសេស តាមរយៈការអនុវត្តគោលនយោបាយដំឡើងបៀវត្សមន្រ្តីរាជការ និងប្រាក់ឈ្នួលអប្បរមា ព្រមទាំងការគិតគូរពីសុខមាលភាពរបស់កម្មករ តាមរយៈការតភ្ជាប់បណ្តាញអគ្គីសនី និងបណ្តាញទឹកស្អាត ដោយតម្លៃទាប ការពង្រីកវិសាលភាពបេឡាជាតិរបបសន្តិសុខសង្គម និងមូលនិធិសមធម៌ ការផ្តល់សេវាដឹកជញ្ជូនសាធារណៈ និងការជំរុញការដោះស្រាយវិវាទការងារ។

ជារួម ការសម្រេចបាននូវសមិទ្ធិកម្មសេដ្ឋកិច្ចដ៏ល្អខាងលើនេះ បានធ្វើឱ្យអត្រានៃភាពក្រីក្ររបស់ប្រជាជន ដែលត្រូវបានវាស់វែងឃើញថា ប្រមាណ៥៣.៥% ក្នុងឆ្នាំ២០០៤ បានធ្លាក់ចុះមកក្រោម១០% នៅក្នុងឆ្នាំ២០១៨។ ហើយភាពក្រីក្ររបស់ប្រជាជននឹងបន្តធ្លាក់ចុះនាពេលខាងមុខទៀត នៅពេលដែលកម្ពុជារក្សាបាននូវសុខសន្តិភាព ស្ថិរភាពនយោបាយ និងការអភិវឌ្ឍ ក្រោមការដឹកនាំរបស់លោកនាយករដ្ឋមន្រ្តីហ៊ុន សែន ដែលលោក ហ៊ុន សែន ជានិមិត្តរូបនៃសន្តិភាព និងការអភិវឌ្ឍ ក្នុងយុគ្គសម័យមាស មានសន្តិភាព មានការអភិវឌ្ឍ។

ដោយ៖ ឡុង បូរិតា





វីដេអូ៖ «រាជរដ្ឋាភិបាលចំណាយថវិកាជាង ៤០លានដុល្លារ ក្នុង១ខែ សម្រាប់ជួយដោះស្រាយការលំបាករបស់ប្រជាពលរដ្ឋប្រមាណ ៧០ម៉ឺនគ្រួសារ បូកនិងកម្មករ និយោជិត ក្នុងវិស័យកាត់ដេរ និងទេសចរណ៍»

អ្នកវិភាគ៖ សម រង្ស៊ី វ័ណ្ឌកនឹងសំណុំរឿងក្បត់ជាតិ

 (ភ្នំពេញ)៖ រាសីរបស់ទណ្ឌិត សម រង្ស៊ី កាន់តែលិចខ្លាំងហៅមិនឮហើយនៅពេលនេះព្រោះ អស់លក្ខណ៍! អស់ពីរឿងមួយចេញរឿងមួយទៀតដោយសារតែទង្វើក្បត់ជាតិរបស់ ខ្លួន! សម រង្ស៊ី ជាប់ជនក្បត់ជាតិពីការញុះញង់បំបែកបំបាក់ជាតិ បំផ្លាញសន្តិភាពនិង ស្ថិរភាពនយោបាយតាមរយៈផែនការធ្វើបដិវត្តន៍ពណ៌មកការបង្កើតព័ត៌មានមិនពិត ញុះញង់បង្កចលាចលសង្គម និងចុងក្រោយនេះកំពុងវ៉ល់នឹងអំពើក្បត់ជាតិខ្លួនកាត់ខេត្តខ្មែរ ៤ ឱ្យក្រុមវៀតណាមសេរី! ចុងក្រោយនេះបានលេចធ្លាយនូវរូបភាពដែល សម រង្ស៊ី បានលួចទៅចរចាជាសម្ងាត់ជាមួយថ្នាក់ដឹកនាំវៀតណាម នៅអំឡុងឆ្នាំ ២០០៣ និង ២០០៤ ក្នុងនាមពេលនោះសម រង្ស៊ី គឺជាប្រធានគណបក្សប្រឆាំងនៅ កម្ពុជា។ កិច្ចសន្យាជាច្រើនបានធ្វើជាសម្ងាត់ជាមួយវៀតណាមសេរីផង និងជាមួយអតីតថ្នាក់ដឹកនាំវៀតណាមផង។ តើទង្វើនេះជាទង្វើអ្វីឱ្យពិតប្រាកដ?

១៖ ម៉ុងតាញ៉ា គឺជនជាតិដើមភាគតិចដែលបានរស់នៅនៅតំបន់ភ្នំភាគឥសានកម្ពុជា និងខេត្តពីររបស់វៀតណាម មុន ពេលខ្មែរ និងវៀតណាមកាន់កាប់លើដែនដីទាំងនេះ។ ប៉ុន្តែបច្ចុប្បន្នស្ថិតក្រោមការដឹកនាំគ្រប់គ្រងរបស់ប្រទេសវៀតណាម គឺជាជនជាដើមភាគតិចរបស់វៀតណាម និងមានសញ្ជាតិវៀតណាម ហើយបើរស់នៅក្នុងប្រទេសកម្ពុជា គឺជាជនជាតិដើមភាគតិចរបស់កម្ពុជា និងមានសញ្ជាតិខ្មែរ។ ជនជាតិដើមភាគតិចទាំងអស់ដែលរស់នៅលើដីខ្មែរ គឺត្រូវបានទទួលស្គាល់ថា ជាខ្មែរដែលមានសិទ្ធិដូចខ្មែរដទៃទៀត មិនត្រឹមតែមានសញ្ជាតិខ្មែរប៉ុណ្ណោះទេ ប៉ុន្តែថែមទាំងមានសិទ្ធិនយោបាយពេញលេញ ព្រមទាំងសិទ្ធិឈរឈ្មោះឱ្យគេបោះឆ្នោតតាំងនៅថ្នាក់ជាតិ និងថ្នាក់ក្រោមជាតិទៀតផង។ ដូច្នេះបើពួកគេជាជនជាតិខ្មែរដូច រង្ស៊ី និងក្រុមគូកនបានអះអាង គេមិនចាំបាច់ធ្វើកិច្ចព្រមព្រៀងឡើយ និងមិនត្រូវដាក់ទងជាតិរៀងៗខ្លួន នោះទេ។

២៖ តើជនជាតិម៉ុងតាញ៉ាដែលបានចុះកិច្ចព្រមព្រៀងជាមួយ សម រង្ស៊ី ជានរណា? ជនជាតិដើមម៉ុងតាញ៉ាវៀតណាម ដែលចុះហត្ថលេខាលើកិច្ចព្រមព្រៀងជាមួយ សម រង្សី ហើយសម រង្ស៊ី សន្យាកាត់ដី ៤ ខេត្តឱ្យពេលគណបក្សសង្គ្រោះជាតិ ឈ្នះឆ្នោតនោះ គឺជាចលនានយោបាយមួយ ដែលជាចលនាវៀតណាមសេរី និងទាមទារផ្តាច់ទឹកដី បង្កើតជាតំបន់ស្វ័យតខ្លួនឯង ដោយទាមទារយកខេត្តបួនរបស់ខ្មែរនៅភាគឥសាន (ខេត្តរតនៈគិរី ខេត្តមណ្ឌលគិរី ស្ទឹងត្រែង និងក្រចេះ) និងខេត្តពីររបស់វៀតណាម មកគ្រប់គ្រង់ ដើម្បីបង្កើតជារដ្ឋឯករាជ្យមួយ។ ដូច្នេះ កិច្ចព្រមព្រៀងនយោបាយដែល សម រង្ស៊ី បានចុះហត្ថលេខាជាមួយម៉ុងតាញ៉ាវៀតណាម គឺបំផ្លាញអធិបតេយ្យកម្ពុជា ហើយវាជាអំពើក្បត់មាតុភូមិឯងយ៉ាងពិតប្រាកដ។ ការណ៍ដែលសម រង្ស៊ី ចុះកិច្ចព្រមព្រៀង ដោយទទួលស្គាល់ថា ម៉ុងតាញ៉ាវៀតណាម ទាំងអស់ គឺជាខ្មែរ ក្រោយគាត់បានឡើងកាន់អំណាច គឺជាអំពើខុសច្បាប់ ប្រឆាំងនឹងឆន្ទៈប្រជាជនកម្ពុជា។
ជនជាតិដើមភាគតិចទាំងអស់នៅកម្ពុជា ត្រូវបានចាត់ទុកជាពលរដ្ឋខ្មែរពេញសិទ្ធិ និងពេញច្បាប់ ដូចពលដ្ឋខ្មែរដទៃទៀត រួចអស់ហើយ ដោយពុំមានភាពចាំបាច់ខាងផ្លូវច្បាប់ ឬខាងនយោបាយ ក្នុងការចុះកិច្ចព្រមព្រៀងដើម្បីទទួលស្គាល់នោះឡើយ!

៣៖ កុក ស ដែលសម រង្ស៊ី ចុះកិច្ចព្រមព្រៀងកាត់ខេត្តខ្មែរឱ្យជាជនជាតិម៉ុងតាញ៉ាវៀតណាម មិនមែនជាខ្មែរទេ គឺជាជនបន្លំធ្វើខ្មែរ ហើយសម រង្ស៊ី និងជនក្បត់ជាតិមយយក្តាប់តូច បានជួយបិទបាំងនូវទង្វើក្បត់ជាតិនេះ! បើ កុក ស ជាជនជាតិខ្មែរ ហេតុអ្វីមិនចេះនិយាយភាសាខ្មែរ? សម រង្ស៊ី ចុះកិច្ចព្រមព្រៀងជាមួយជនជាតិម៉ុងតាញ៉ាវៀតណាម គឺជាអំពើក្បត់ជាតិត្រូវប្រឈមនឹងមុខច្បាប់ជាដាច់ខាត សម រង្ស៊ី ព្រោះចុះកិច្ចព្រមព្រៀងផ្តល់ស្វ័យភាពឱ្យជនជាតិម៉ុងតាញ៉ាវៀតណាម មិនមែនជនជាតិខ្មែរគ្រប់គ្រងខេត្តខ្មែរ ៤ គឺជាការរំលោភរដ្ឋធម្មនុញ្ញ និងជាអំពើក្បត់ជាតិមិនអាចអត់ឱនឱ្យបានឡើយ! សម រង្ស៊ី ពិតជាក្បត់ជាតិជាន់ក្បត់ជាតិហើយ! ក្នុងការចរចាសម្ងាត់ជាមួយវៀតណាម សម រង្ស៊ី បានសន្យាបញ្ហាមួយចំនួនរឿងព្រំដែន ខ្មែរ និងជនជាតិវៀតណាមដែលរស់នៅលើទឹកដីកម្ពុជា ខណៈដែលរាជរដ្ឋាភិបាលកម្ពុជា ព្យាយាមដោះស្រាយជម្លោះដែលមាន នៅពេលនោះដោយសន្តិវិធី និងការពារផលប្រយោជន៍ជាតិ។ ស្បែកមុខពិតប្រាកដនៃជនដែលតែងតែដើរលាបពណ៌មេដឹកនាំកម្ពុជាថា ជាអាយ៉ងវៀតណាម កាត់ដីឱ្យវៀតណាម ទីបំផុតត្រូវបានបកអាក្រាត ហើយតាមពិតគឺអ្នកដែលតែងតែចោទលាបពណ៌គេសោះដែលជាជនក្បត់ជាតិ កាត់ដីឱ្យជនបរទេស និងចរចាសម្ងាត់បំផ្លាញផលប្រយោជន៍ខ្មែរ។

៤៖ ចុះបើដឹងថា កុក ស មិនមែនជាខ្មែរ ហេតុអ្វីបានជា សម រង្ស៊ី និងគូកនរីករាយសប្បាយចិត្តក្នុងការចាប់ដៃសហការ? គោលបំណងធំរបស់ សម រង្ស៊ី គឺប្រមូលកម្លាំងគាំទ្រទាំង នយោបាយ និងហិរញ្ញវត្ថុ ចំណែក កុក ស គឺស្វែងរកការគាំទ្រដើម្បីបានស្វ័យភាពទឹកដី ងាយស្រួលគ្រប់គ្រង និងបំបែកខ្លួនជារដ្ឋឯករាជ្យមួយ។ នៅពេលចុះហត្ថលេខាអ្នកដែលមាន មោទនភាពជាងគេគឺ កុក ស ព្រោះតាមរយៈកិច្ច ព្រមព្រៀងនេះ គោលដៅរបស់ខ្លួនដែលទាមទារបំបែកទឹកដី និងមានស្វ័យភាពគ្រប់គ្រងដោយខ្លួនឯងក្នុងនាម ជារដ្ឋមួយនឹងអាចទទួល បានជោគជ័យ ពេលដែលគណបក្សគណបក្សសង្គ្រោះជាតិឈ្នះការបោះឆ្នោត។

អ្វីដែលសម រង្ស៊ី រំពឹងពី កុក ស? គឺការគាំទ្រផ្នែកនយោបាយពីបរទេសនៅពីក្រោយ វៀតណាមសេរី កុក ស នេះហើយ និងការទទួលការគាំទ្រផ្នែកហិរញ្ញវត្ថុពីក្រុមចលនាវៀតណាមសេរី កុក ស ដើម្បីមក ធ្វើនយោបាយបង្កព្យុះភ្លៀងនៅកម្ពុជា ស្វែងរកការឡើងកាន់កាប់អំណាច តាមផ្លូវ កាត់មិនប្រជាធិបតេយ្យ។ សម រង្ស៊ី ចុះកិច្ចព្រមព្រៀងជាមួយកុក ស នៅអំឡុងខែ មីនា ឆ្នាំ២០១៣ ប៉ុន្មានខែប៉ុណ្ណោះ មុនការបោះឆ្នោតជ្រើសតាំងតំណាងរាស្ត្រអាណត្តិទី៥។ ភស្តុតាងជាក់ស្តែង ក្រោយដឹងថាខ្លួនចាញ់ការបោះឆ្នោត គណបក្សសង្គ្រោះជាតិ បានញុះញង់ បញ្ឆេះកំហឹងប្រជាជនធ្វើបាតុកម្មដោយចេញពីការតវ៉ានឹង លទ្ធផលបោះឆ្នោតមកជាការអនុវត្តផែនការបដិវត្តន៍ពណ៌ ប៉ុនប៉ងផ្តួលរំលំរបប និងមេដឹកនាំរដ្ឋាភិបាលដឹកនាំ ដោយគណបក្សប្រជាជនកម្ពុជា។

តើក្រុមបក្សសង្គ្រោះជាតិបានថវិកាមកពីណាដើម្បីទ្រទ្រង់ចំណាយលើផែនការបដិវត្តន៍ពណ៌នេះ? ច្បាស់ណាស់បក្សសង្គ្រោះជាតិពេលនោះត្រូវបានគេដឹងថា បានចរាចរណ៍ថវិកាជាច្រើនលានដុល្លារដើម្បីចំណាយលើការធ្វើបាតុកម្ម ហើយមួយផ្នែកធំ ពិតជាសង្ស័យថា បានមកពីក្រុម កុក ស វៀតណាមសេរី ជអ្នកជួយដើម្បីសម្រេចគោលបំណងដូច មានចែងនៅក្នុងកិច្ចព្រមព្រៀង។

សម រង្ស៊ី បានចុះកិច្ចព្រមព្រៀងផ្តល់ស្វ័យភាពឱ្យជនជាតិម៉ុងតាញ៉ាវៀតណាមគ្រប់គ្រងខេត្តខ្មែរ ៤ គឺជាការរំលោភរដ្ឋធម្មនុញ្ញ និងជាអំពើក្បត់ជាតិមិនអាចអត់ឱនឱ្យបានឡើយ! ដើម្បីបំពេញមហិច្ឆតាអំណាច ក្រុមអ្នកនយោបាយប្រឆាំងមិនញញើតនឹងក្បត់ជាតិខ្លួនឯង ស្តាប់បង្គាប់ និងកាត់ដីឱ្យបរទេសឡើយ! សម រង្ស៊ី ប្រកាសប្រឆាំងដាច់ខាតចំពោះវៀតណាម ប៉ុន្តែបែរជាទៅលួចចរចាសម្ងាត់ ហើយសម្រួលនិងយល់ព្រមតាមសំណើវៀតណាមនូវកិច្ចការមួយចំនួននៅតាមព្រំដែន រួមនឹងសន្យាកាត់ទឹកដីឱ្យក្រុមម៉ុងតាញ៉ាវៀតណាមថែមទៀត ។ សម រង្ស៊ី ញុះញង់ឱ្យមានការប្រកាន់ពូជសាសន៍ស្អប់ខ្ពើមជនជាតិវៀតណាម ប៉ុន្តែដើម្បីជួយខ្លួនឡើងកាន់អំណាច បានចរចាសម្ងាត់ជាមួយវៀតណាម។ តើនេះជាទង្វើអ្វី? ជនក្បត់ជាតិ សម រង្ស៊ី មិនអាចគេចផុតពីសំណាញ់ច្បាប់បានឡើយ!!

ដោយ៖ ចៅចាក់ស្មុក
កំចាយមារ, ខេត្តព្រៃវែង ថ្ងៃទី១២ ខែមីនា ឆ្នាំ២០១៨







Monday, May 30, 2022

សម្តេចតេជោ ហ៊ុន សែន ត្រូវបានបុរសអូស្រ្តាលីម្នាក់ ហៅថាជាទេវតាសន្តិភាពលើដីកម្ពុជា

 (ភ្នំពេញ)៖ លោក Cambell Peter Mark ជនជាតិអូស្រ្តាលី អាយុ ៦៤ឆ្នាំ ដែលទើបតែទទួលបានយុត្តិធម៌ដ៏ពេញចិត្តតាមគោលការណ៍ឈ្នះឈ្នះសម្តេចតេជោ កាលពីថ្ងៃទី៩ ខែ កក្កដា ឆ្នាំ ២០២០ កន្លងមក គឺពេលនេះ ទទួលបានមហាលាភមួយថែមទៀតលើសពីយុត្តិធម៌ពី សម្តេចអគ្គមហាសេនាបតីតេជោ ហ៊ុន សែន គឺសញ្ជាតិខ្មែរ តាមសញ្ជាតូបនីយកម្ម។ លោក សន្តិភាព រំភើបរីករាយយ៉ាងខ្លាំងជាមួយទឹកភ្នែកដែលមិននឹកស្មានថា សម្តេចតេជោ មានក្តីសណ្តោសប្រណីចំពោះរូបគាត់យ៉ាងនេះ។

ដោយសារប្រទេសកម្ពុជា ដែលជាប្រទេសមួយមានសន្តិភាព សុខសុវត្ថិភាព ស្ថេរភាពនយោបាយ និងការអភិវឌ្ឍន៍រីកចម្រើនលើគ្រប់វិស័យ ក្រោមការដឹកនាំប្រកបដោយគតិបណ្ឌិតរបស់ សម្តេចតេជោ ហ៊ុន សែន លោក Peter មានមនោសញ្ចេតនាស្រលាញ់ពេញចិត្តប្រទេសកម្ពុជា និងប្រជាជនកម្ពុជាយ៉ាងជ្រាលជ្រៅ ហើយចង់បន្តរស់នៅក្នុងប្រទេសនេះជារៀងរហូតដល់នាទីចុងក្រោយនៃជីវិតខ្លួន។

ហេតុនេះហើយ ស្របពេលដែលគាត់មានឱកាសបានជួប លោក ដួង តារា ជំនួយការផ្ទាល់សម្តេចតេជោនាយករដ្ឋមន្រ្តី ដែលបានជួយសម្របសម្រួលដោះស្រាយបញ្ចប់វិវាទដីធ្លីគាត់នៅកំពតកាលពីពេលថ្មីៗនេះ លោក Peter ក៏បានគោរពសំពះស្នើសុំ សម្តេចតេជោ ហ៊ុន សែន មេត្តាផ្តល់សញ្ជាតិខ្មែរ ជូនគាត់ដើម្បីបន្តរស់នៅជីវិតចុងក្រោយក្នុងនាមជាខ្មែរ នឹងមានសិទ្ធិពេញលេញក្នុងការទិញដូរអចលនៈទ្រព្យមិនអោយមានបញ្ហាដូចពេលកន្លងទៅដែលគាត់បានជឿទុកចិត្តទៅលើមិត្តស្រីខ្មែរគាត់ម្នាក់អោយឈរឈ្មោះទិញអចនលទ្រព្យមួយចំនួននៅខេត្តកំពត ដែលចុងក្រោយគឺគាត់បានដង្ហោយសុំការជួយសណ្តោសពីសម្តេចតេជោ ទើបបានទទួលយុត្តិធម៍កន្លងទៅថ្មីៗនេះ។ គាត់មិនចង់ខុស ហើយក៏មិនចង់អោយរឿងបែបនេះកើតយឡើងសារជាថ្មីទៀតឡើយចំពោះខ្លួនគាត់។

បន្ទាប់ពីបានពិនិត្យរបាយការណ៍ស្នើសុំរបស់ លោក ដួង តារា រួចហើយ សម្តេចអគ្គមហាសេនាបេតីតេជោ ហ៊ុន សែន នាយករដ្ឋមន្រ្តីកម្ពុជា មានការអាណិតអាសូរ លោក Peter យ៉ាងខ្លាំង ហើយក៏បានក្រាបបង្គំទូលថ្វាយព្រះករុណា ព្រះមហាក្សត្រនៃកម្ពុជា ដើម្បីស្នើសុំផ្តល់សញ្ជាតិខ្មែរជូនដល់លោក Peter ដែលមានឈ្មោះខ្មែរថា សែន សន្តិភាព ( Sen Santepheap)។ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ព្រះអង្គបានឡាយព្រះហស្ថលេខាលើព្រះរាជក្រឹត្យប្រទានសញ្ជាតិខ្មែរជូន លោក Peter នៅថ្ងៃទី ១៧ កក្កដា ឆ្នាំ ២០២០ កន្លងទៅថ្មីៗនេះ។

លោក សែន សន្តិភាព ដែលពីមុនជាឈ្មោះនៃក្តីស្រម៉ៃ ប៉ុន្តែពេលនេះសុបិន្ដរបស់គាត់បានក្លាយជាការពិតហើយ។ លោក សែន សន្តិភាព រៀបរាប់ដោយក្តីរំភើបទាំងទឹកភ្នែករលីងរលោងថា «ពិតជាគ្រោះក្លាយជាលាភធំមែន សុបិន្ដរបស់ខ្ញុំបានក្លាយជាការពិតហើយ» លោកបន្ថែមថា សម្តេច ហ៊ុន សែន គឺពិតជាទេវតារស់នៅលើដីកម្ពុជាយ៉ាងពិតប្រាកដ សម្តេចតេជោបានជប់រូបខ្ញុំអោយក្លាយជាពលរដ្ឋខ្មែរថ្មីមួយរូបនៅកម្ពុជា សម្តេចមិនត្រឹមតែជាមេដឹកនាំដ៏ល្អនោះទេ តែជាប្រមុខការទូតដ៏ឆ្នើមមួយដែលបានធ្វើអោយប្រទេសកម្ពុជារីកចម្រើនរុងរឿងថ្កើងថ្កានទៅមុខឥតឈប់ឈរ និងមានទំនាក់ទំនងការទូតល្អឥតខ្ចោះជាមួយប្រទេសជាមិត្ត។ សម្តេចតេជោ តែងតែមានក្តីស្រឡាញ់ និងគិតគូរពីសុខទុក្ខប្រជាប្រពលរដ្ឋគ្រប់ស្រទាប់វណ្ណៈ ព្រមទាំងសុខទុក្ខជនបរទេសទាំងអស់នៅកម្ពុជាផងដែរ ហើយក្នុងអំឡុងកូវីដ១៩ទៅថ្មីៗនេះ សម្តេចតេជោបានអនុញ្ញាតិអោយនាវា Westerdam ចូលចតនៅខេត្តព្រះសីហនុ ដែលបង្ហាញពីគុណធម៍ និងក្តីស្រឡាញ់ដ៏ធំធេងបំផុតចំពោះមនុស្សជាតិទូទៅដោយគ្មានការរើសអើង”។

លោក សែន សន្តិភាព បានសំពះគោរពថ្លែងអំណរគុណដល់សម្តេចតេជោយ៉ាងជ្រាលជ្រៅបំផុត ដែលបានផ្តល់ជីវិតថ្មីដល់លោកនៅលើទឹកដីកម្ពុជា ហើយលោកបានប្តេជ្ញាចូលរួមរបបនយោបាយជាមួយគណៈបក្សប្រជាជនកម្ពុជា ដែលមានសម្តេចតេជោជាប្រមុខ។ លោក សន្តិភាព ក៏បានអំពាវដល់អ្នកវិនិយោគគិនបរទេសទាំងអស់មានជំនឿជឿជាក់លើសម្តេចតេជោ ហើយវឹលមកវិនិយោគនៅកម្ពុជាដោយទំនុកចិត្តកក់ក្តៅ។ លោកក៏បានថ្លែងអំណរគុណដល់ លោក ដួង តារា ជំនួយការផ្ទាល់សម្តេចតេជោ ដែលបានជួយខ្នះខ្នែងក្នុងការដោះស្រាយបញ្ចប់វិវាទក្តីក្តាំដីធ្លី និងជួយក្នុងការស្នើសុំសញ្ជាតិជូនរូបលោកអោយមានថ្ងៃនេះ។

កាយវិការមនុស្សធម៌ ប្រកបដោយគុណធម៌ ក្តីស្រឡាញ់ និងក្នុងភាពជាអ្នកដឹកនាំល្អរបស់សម្តេចតេជោ ហ៊ុន សែន គឺបានឆ្លុះបញ្ចាំងអោយឃើញពីក្តីស្រឡាញ់ សីលធម៌ ប្រពៃណីទំនៀមទំលាប់ដ៏ល្អផូរផង់របស់ប្រទេសកម្ពុជា ជាពិសេសស្តែងអោយឃើញពីទំនាក់ទំនងល្អរវាងកម្ពុជា និងអូស្រ្តាលី។ លោក សន្តិភាព នឹងចងចាំនូវការយកចិត្តទុកដាក់ដ៏ល្អបំផុតរបស់សម្តេចតេជោ ហ៊ុន សែន រហូតអស់មួយជីវិតនៅលើទឹកដីនៃប្រទេសកម្ពុជា។

អរគុណសន្តិភាព



វីដេអូ៖ ត្រកូលអ្នកនយោបាយក្បត់ជាតិ សាសនា និងព្រះមហាក្សត្រ

វីដេអូ៖ «ហេតុអ្វីប្រជាពលរដ្ឋ និងអ្នកវិនិយោគិន ផ្តល់ទំនុកចិត្តកាន់តែខ្លាំងមកលើរាជរដ្ឋាភិបាលកម្ពុជា»

លិខិតមិត្តអ្នកអាន៖ កម្ពុជាក្នុងស្មារតីសាមគ្គីភាពប្រឆាំងនឹងជំងឺកូវីដ១៩

 (ភ្នំពេញ)៖ ប្រជាជាតិនានា តែងឆ្លងកាត់គ្រាស្រណុក និងលំបាក។ វិបត្តិជាប្រព័ន្ធនៃជំងឺរាតត្បាតកូវីដ-១៩ ដ៏ធ្ងន់ធ្ងរនិងធំធេង បានសាកល្បងកម្លាំង ការរួបរួម និងភាពធន់របស់ជាតិ។ ប្រទេសខ្លះកើតមានភាពប្រទូសរ៉ាយនៅចំពោះមុខជំងឺរាតត្បាតនេះ ខណៈដែលប្រទេសមួយចំនួនទៀតបានឈានដល់ជម្លោះវិវាទ រួចក្លាយជារដ្ឋដែលបរាជ័យ។ វិបត្តិជាតិ អាចបែងចែកជាតិ ហើយក៏អាចបង្រួបបង្រួមជាតិ។ វាអាចជាដំណើរការមួយសម្រាប់ការកសាងប្រទេសជាតិ ដោយមានការផ្លាស់ប្តូរ និងភាពរឹងមាំ។ ការដែលប្រទេសមួយកំពុងវិនិយោគនាពេលបច្ចុប្បន្ននេះ ដើម្បីតស៊ូប្រឆាំងនឹងជំងឺរាតត្បាតសកល បានកំណត់និយមន័យ សុខភាពជាតិ និងគន្លងជាតិនាពេលអនាគតរបស់ប្រទេសមួយ។

ដូចបណ្តាប្រទេសជាច្រើនទៀត ជំងឺកូវីដ១៩ក៏ជាការគំរាមកំហែងសន្តិសុខជាតិសម្រាប់ប្រទេសកម្ពុជាផងដែរ។ វាបានរំខានដល់សង្គម បំផ្លាញសេដ្ឋកិច្ច និងគំរាមកំហែងសុខភាពសាធារណៈ។ គិតត្រឹមថ្ងៃទី១១ ខែឧសភា ករណីឆ្លងនៃជំងឺកូវីដ១៩ សរុបនៅកម្ពុជាមានចំនួន ២០,២២៣ ករណី ហើយករណីជាសះស្បើយមាន ៨,១៧០ និងករណីស្លាប់ ១៣១នាក់។ ទោះបីជាមានផលប៉ះពាល់យ៉ាងធ្ងន់ធ្ងរពីជំងឺរាតត្បាតនេះក៏ដោយ ក៏ប្រជាជនកម្ពុជាក្នុងនាមជាប្រជាជាតិមួយបានរួមគ្នាបំពេញតួនាទី ទទួលខុសត្រូវ និងចូលរួមវិភាគទានទាំងគំនិត ជំនាញ ជាសម្ភារៈ និងជាសាច់ប្រាក់ ដើម្បីប្រយុទ្ធប្រឆាំងនឹងជំងឺកូវីដ១៩ និងកសាងប្រទេសជាតិឡើងវិញ។ ជំងឺរាតត្បាតនេះបានពង្រឹងសាមគ្គីភាពជាតិ និងការចូលរួមរបស់ពលរដ្ឋ។

អត្ថបទនេះបង្ហាញពីតួនាទី ការប្តេជ្ញាចិត្ត និងការខិតខំរបស់រាជរដ្ឋាភិបាលកម្ពុជា ក្នុងការកៀរគរធនធាន និងការវិនិយោគក្នុងយុទ្ធនាការជាតិ ដើម្បីជួយសង្គ្រោះជីវិត និងដឹកនាំប្រទេសចេញពីវិបត្តិសកលនេះ។

ក្នុងរយៈពេលជាងមួយឆ្នាំកន្លងមកគិតចាប់ពីករណីទី១ នៃជំងឺកូវីដ១៩ ដែលត្រូវបានគេរកឃើញនៅក្នុងប្រទេស នៅថ្ងៃទី២៧ ខែមករា ឆ្នាំ២០២០ រហូតដល់រយៈពេលមុនព្រឹត្តិការណ៍សហគមន៍ ២០ កុម្ភៈ ប្រទេសកម្ពុជានៅអាចគ្រប់គ្រងជំងឺរាតត្បាតនេះបាន ដោយមានការរកឃើញករណីថ្មីតិចតួចរៀងរាល់ថ្ងៃ ឬគ្មានករណីថ្មីសោះក្នុងថ្ងៃខ្លះ។ គិតត្រឹមថ្ងៃទី១៨ ខែកុម្ភៈ ឆ្នាំ២០២១ ករណីឆ្លងសរុបរបស់ប្រទេសនេះមានចំនួន ៤៨៤ ហើយករណីជាសះស្បើយមាន ៤៧០ និងគ្មានអ្នកស្លាប់។ សមត្ថភាពរបស់កម្ពុជាក្នុងការគ្រប់គ្រងជំងឺរាតត្បាតនេះ គឺដោយសារតែភាពជាអ្នកដឹកនាំល្អ ការប្តេជ្ញាចិត្ត និងវិធានការនានារបស់រាជរដ្ឋាភិបាល ដែលមានកិច្ចសហការពីសំណាក់ប្រជាជន ព្រមទាំងអ្នកពាក់ព័ន្ធក្នុងស្រុក និងអន្តរជាតិ។

រដ្ឋាភិបាលក៏បានដាក់ចេញនូវកម្មវិធីផ្សេងៗរួមមាន កម្មវិធីឧបត្ថម្ភសាច់ប្រាក់ដើម្បីកាត់បន្ថយផលប៉ះពាល់អវិជ្ជមាននៃជំងឺរាតត្បាតកូវីដ១៩ ទៅលើសេដ្ឋកិច្ច គ្រួសារក្រីក្រ និងងាយរងគ្រោះ។ រដ្ឋាភិបាលបានផ្តល់ប្រាក់ចំនួន ២៥លានដុល្លារក្នុងមួយខែ នៅឆ្នាំ២០២០ សម្រាប់កម្មវិធីផ្ទេរប្រាក់បន្ទាន់ ដល់គ្រួសារក្រីក្រ និងងាយរងគ្រោះ តាមរយៈកម្មវិធីកំណត់អត្តសញ្ញាណគ្រួសារក្រីក្រ (IDPoor) ដែលកំណត់អត្តសញ្ញាណ និងបែងចែកគ្រួសារក្រីក្រនៅកម្ពុជា ដើម្បីសម្រួលដល់ការអន្តរាគមន៍របស់រាជរដ្ឋាភិបាល។ ភាពជោគជ័យរបស់កម្ពុជាក្នុងការគ្រប់គ្រង និងកាត់បន្ថយផលប៉ះពាល់អវិជ្ជមាននៃជំងឺរាតត្បាតនេះ ទទួលបានការកោតសរសើរពីអ្នកតំណាងអង្គការសុខភាពពិភពលោក ហើយបានជាប់ចំណាត់ថ្នាក់លេខ ៣ ក្នុងចំណោម ១៦៦ ប្រទេស និងលេខ ១ នៅអាស៊ីចំពោះការគ្រប់គ្រងជំងឺកូវីដ១៩នេះ នៅក្នុងរបាយការណ៍ចំណាត់ថ្នាក់អន្តរជាតិ ដែលចេញផ្សាយនៅខែវិច្ឆិកា ឆ្នាំ២០២០ ។

ករណីឆ្លងក្នុងសហគមន៍ ២០ កុម្ភៈ ២០២១ ឬកម្មវិធីដែលគេហៅថា «ព្រឹត្តិការណ៍ ២០ កុម្ភៈ» គឺជាការគំរាមកំហែងយ៉ាងធ្ងន់ធ្ងរដល់សុខភាពសាធារណៈ ព្រោះចំនួនករណីឆ្លងបានហក់ឡើងខ្ពស់ មន្ទីរពេទ្យគ្មានគ្រែទំនេរ និងភាពខ្វះខាតនៃធនធានវេជ្ជសាស្រ្ត។ ប្រទេសកម្ពុជាបានរាយការណ៍អំពីការស្លាប់ដោយសារជំងឺកូវីដ១៩នៅថ្ងៃទី ១១ ខែមីនា ហើយករណីឆ្លង ប្រចាំថ្ងៃស្ថិតក្នុងខ្ទង់រយចាប់តាំងពីចុងខែមីនាមក ដែលបានបង្ខំឱ្យរាជរដ្ឋាភិបាលអនុវត្តបំរាមគោចរ និងការបិទខ្ទប់រាជធានីភ្នំពេញ និងក្រុងតាខ្មៅនៅខេត្តកណ្តាល អស់រយៈពេល ៣ សប្តាហ៍មកនេះ ដែលទើបតែបញ្ចប់នៅថ្ងៃទី៦ ខែឧសភា។

ទោះបីមានផលប៉ះពាល់ធ្ងន់ធ្ងរ និងធំធេងដែលកើតពីព្រឹត្តិការណ៍ ២០ កុម្ភៈក៏ដោយ ក៏ប្រជាជនកម្ពុជាបានបង្ហាញពីភាពធន់ និងសាមគ្គីភាពជាតិ ហើយរាជរដ្ឋាភិបាលនៅតែប្តេជ្ញាការពារប្រទេសជាតិប្រឆាំងនឹងជំងឺរាតត្បាតដែលកម្រនេះ។ អាជ្ញាធរជាតិ និងថ្នាក់ក្រោមជាតិ ព្រមទាំងស្ថាប័នរដ្ឋផ្សេងៗទៀត បាននិងកំពុងធ្វើការយ៉ាងសកម្ម ដើម្បីជួយសង្គ្រោះជីវិត និងកាត់បន្ថយផលប៉ះពាល់អវិជ្ជមាននៃជំងឺរាតត្បាតនេះ។

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអនុវត្តនូវភាពជាអ្នកដឹកនាំយ៉ាងឈ្លាសវៃ ក្នុងការតាមដានស្ថានការណ៍ និងតម្រង់ទិសដៅ។ មន្ត្រីជាន់ខ្ពស់រដ្ឋាភិបាលបានបើកកិច្ចប្រជុំពិគ្រោះយោបល់ជាមួយទីភ្នាក់ងារពាក់ព័ន្ធរបស់រដ្ឋ រហូតដល់ពាក់កណ្តាលអធ្រាត្រ ដើម្បីបង្កើតផែនការ និងវិធានការនានាសម្រាប់ការអនុវត្ត។ ប៉ូលីស និងកងរាជអាវុធហត្ថ បាននិងកំពុងធ្វើការឥតឈប់ឈរ ដើម្បីអនុវត្តឱ្យបានតឹងរឹងនូវបទបញ្ជាបំរាមគោចរ និងការបិទខ្ទប់ ដែលជាទូទៅមានសន្តិភាព និងមានសណ្តាប់ធ្នាប់ ហើយក៏សូមអរគុណចំពោះកិច្ចសហប្រតិបត្តិការរបស់ប្រជាជនផងដែរ។ យោធាបានផ្តល់ធនធានវេជ្ជសាស្រ្ត ការដឹកជញ្ជូន និងភស្តុភាររបស់ខ្លួន ដើម្បីជួយដល់យុទ្ធនាការជាតិព្យាបាលអ្នកជំងឺកូវីដ១៩ និងចាក់វ៉ាក់សាំងជូនប្រជាជន។

វេជ្ជបណ្ឌិត និងបុគ្គលិកពេទ្យនៅកម្ពុជា បានបង្ហាញនូវភាពក្លាហាន និងវិជ្ជាជីវៈដ៏គួរឱ្យស្ញប់ស្ញែង ទោះបីករណីឆ្លងមានច្រើនលើសលប់ក៏ដោយ។ នៅពេលដែលប្រទេសកម្ពុជាបានរាយការណ៍ពីករណីមួយចំនួនដំបូង មានជំនឿរួមថាវេជ្ជបណ្ឌិត និងគិលានុបដ្ឋាយិកានឹងភ័យស្លន់ស្លោ ហើយគេចពីតួនាទីរបស់ពួកគេ បើករណីឆ្លងកើនឡើង។ អស់រយៈពេលជាងមួយឆ្នាំក្នុងការប្រយុទ្ធប្រឆាំងនឹងជំងឺរាតត្បាតនេះ ព្រមជាមួយនឹងអ្នកជំងឺជាង ១០.០០០ នាក់ដែលកំពុងទទួលការព្យាបាល និងការថែទាំនៅទូទាំងប្រទេស បុគ្គលិកពេទ្យរបស់ប្រទេសកម្ពុជាបានស្តែងឱ្យឃើញថា ជំនឿនេះគឺខុស។ ពួកគេនៅតែប្តេជ្ញាចិត្តចំពោះភារកិច្ច ទោះបីជាពួកគេមួយចំនួនបានឆ្លងវីរុសកូរ៉ូណា កំឡុងពេលបំពេញការងាររបស់ពួកគេក៏ដោយ។ បុគ្គលិកនៅវិទ្យាស្ថានប៉ាស្ទ័រកម្ពុជា នៅទីក្រុងភ្នំពេញ ធ្វើការទាំងថ្ងៃធ្វើការនិងចុងសប្តាហ៍ ហើយនៅថ្ងៃខ្លះរហូតដល់ព្រឹកព្រលឹម ធ្វើវិភាគសំណាករាប់ពាន់ដែលត្រូវយកជារៀងរាល់ថ្ងៃ ដើម្បីផ្តល់ជូននូវរបាយការណ៍ករណីវិជ្ជមានកូវីដ១៩ឱ្យបានទាន់ពេលវេលា។

វិស័យវេជ្ជសាស្ត្រនៅកម្ពុជាក៏បានទទួលជំនួយពីសមាគមគ្រូពេទ្យយុវជនស្ម័គ្រចិត្តសម្តេចតេជោ (TYDA) ។ ការចូលរួមរបស់ TYDA និងស្មារតីស្ម័គ្រចិត្តបានជួយលើកកម្ពស់សីលធម៌សង្គម ព្រមទាំងជួយកាត់បន្ថយភាពតានតឹង និងសម្ពាធលើវិស័យសុខភាពសាធារណៈ។ សមាគមនេះ បានចូលរួមក្នុងការរៀបចំមន្ទីរពេទ្យចំនួន ៥១ និងកន្លែងសម្រាកព្យាបាល ដែលមានសរុបចំនួនជាង ៤.៣០០ គ្រែ សម្រាប់អ្នកជំងឺកូវីដ១៩។ លើសពីនេះទៅទៀត សមាជិករបស់ TYDA បានជួយរៀបចំម្ហូបសម្រាប់អ្នកជំងឺ។ TYDA ក៏ជាកម្លាំងដ៏សំខាន់មួយ ដែលមានសមាជិកប្តេជ្ញាចិត្តយ៉ាងមុះមុត ក្នុងយុទ្ធនាការជាតិចាក់វ៉ាក់សាំងប្រឆាំងកូវីដ១៩។

ប្រជាជនកម្ពុជាក៏បានបង្ហាញពីកាតព្វកិច្ចពលរដ្ឋ និងវប្បធម៌នៃការចែករំលែកគ្នា តាមរយៈការបរិច្ចាគជាសាច់ប្រាក់ជាង ៥៦.៩ លានដុល្លារដល់មូលនិធិរបស់រាជរដ្ឋាភិបាល សម្រាប់បញ្ជាទិញវ៉ាក់សាំង។ ការចូលរួមរបស់ពួកគេ តាមរយៈការបរិច្ចាគថវិកាដ៏ច្រើនសន្ធឹកសន្ធាប់ក្នុងការការពារប្រទេសជាតិ គឺជាសញ្ញាលើកទឹកចិត្ត និងសុទិដ្ឋិនិយមសម្រាប់អនាគតរបស់ប្រទេស។ សម្តេចម៉ែ និងព្រះមហាក្សត្របានបរិច្ចាគជាសាច់ប្រាក់ចំនួន ៤ ដង ដែលមានទឹកប្រាក់សរុបចំនួន ៣.៧០០,០០០ ដុល្លារអាមេរិក។

សន្តិភាព ស្ថិរភាពនយោបាយ និងកំណើនសេដ្ឋកិច្ចប្រចាំឆ្នាំដ៏រឹងមាំក្នុងរយៈពេលពីរទសវត្សចុងក្រោយនេះ បានផ្តល់លក្ខខណ្ឌអំណោយផលក្នុងការគាំទ្រភាពធន់ និងសាមគ្គីភាពជាតិ កំឡុងពេលមានវិបត្តិជំងឺកូវីដ១៩។

ក្នុងដំណើរឆ្ពោះទៅមុខ រាជរដ្ឋាភិបាលកម្ពុជាកំពុងពន្លឿនយុទ្ធនាការជាតិចាក់វ៉ាក់សាំងដ៏ធំមួយ។ យោងតាមផែនការយុទ្ធសាស្រ្តសម្រាប់យុទ្ធនាការចាក់វ៉ាក់សាំងប្រឆាំងនឹងជំងឺកូវីដ១៩ ដែលទើបត្រូវបានចេញផ្សាយថ្មីៗនេះ រាជរដ្ឋាភិបាលមានគោលបំណងសំរេចបាននូវភាពធន់នឹងសេដ្ឋកិច្ចសង្គម តាមរយៈការចាក់វ៉ាក់សាំងទ្រង់ទ្រាយធំដើម្បីបង្កើតភាពស៊ាំទូទាំងប្រទេសកម្ពុជានៅចុងឆ្នាំ ២០២១ ។ គិតត្រឹមថ្ងៃទី៤ ខែឧសភា ប្រជាជនកម្ពុជា ចំនួន ១.៥១៥.៤៤៧នាក់ បានទទួលវ៉ាក់សាំង ដែលចំនួននេះបានដាក់កម្ពុជានៅលេខរៀងទី ២ បន្ទាប់ពីប្រទេសសឹង្ហបុរី ក្នុងចំណោមប្រទេសអាស៊ានដែលបានអនុវត្តយុទ្ធនាការចាក់វ៉ាក់សាំងប្រឆាំងនឹងកូវីដ១៩។

យោងតាមសេចក្តីប្រកាសព័ត៌មានរបស់ក្រុមប្រឹក្សាវប្បធម៌អាស៊ីចុះថ្ងៃទី៧ ខែមេសា ឆ្នាំ២០២១ ប្រទេសកម្ពុជាក៏ទទួលបានចំណាត់ថ្នាក់ល្អពីអង្គការអប់រំ វិទ្យាសាស្ត្រ និងវប្បធម៌នៃអង្គការសហប្រជាជាតិ ជាប្រទេសមួយក្នុងចំណោមប្រទេសទាំង ១៧ នៅលើពិភពលោក ដែលបានផ្តល់អាទិភាពក្នុងការចាក់វ៉ាក់សាំងប្រឆាំងនឹងកូវីដ១៩ ជូនគ្រូបង្រៀន។

សមិទ្ធផលនៃការចាក់វ៉ាក់សាំងនៅកម្ពុជា ពិតជាគួរឱ្យស្ញប់ស្ញែងណាស់ ហើយបានបង្ហាញពីការខិតខំប្រឹងប្រែងឥតឈប់ឈររបស់រាជរដ្ឋាភិបាលក្នុងការធានាវ៉ាក់សាំងសម្រាប់ប្រជាជនកម្ពុជា ខណៈពេលដែលពិភពលោកកំពុងប្រឈមនឹងកង្វះខាតវ៉ាក់សាំង។ វ៉ាក់សាំងភាគច្រើនដែលប្រទេសកម្ពុជាទទួលបាន គឺមកពីប្រភពផ្សេងៗគ្នា ពីការបញ្ជាទិញរបស់រាជរដ្ឋាភិបាល ពីអំណោយសប្បុរសពីប្រទេសចិន និងទីភ្នាក់ងារកូវ៉ាក់ (COVAX)៕

ដោយ៖ ឯកឧត្តម សួស យ៉ារ៉ា អគ្គនាយកក្រុមប្រឹក្សាវប្បធម៌អាស៊ី (ACC)




វីដេអូ៖ «ចលនាមហាសាមគ្គីជាតិ ខ្មែរផុសត្រដែត ឡើងក្នុងសង្គមជាតិក្រោមការកាច់ ចង្កូតរបស់សម្តេចតេជោ ហ៊ុន សែន»

Friday, May 27, 2022

ពលរដ្ឋខ្មែរបន្តគាំទ្រ ចូលរួមជាមួយសម្តេចតេជោនិងគណបក្សប្រជាជនកម្ពុជាដើម្បីថែរក្សាការពារសន្តិភាព និងការអភិវឌ្ឍ

 «យើងទាំងអស់គ្នាត្រូវរួមគ្នាការពារសន្តិភាព ទោះបីជាអ្នកនោះនៅក្នុងគណបក្សណាក៏ដោយ ចំណុចរួមគ្នា គឺការពារសន្តិភាព»។ នេះគឺជាការថ្លែងគូសបញ្ជាក់សាជាថ្មីរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងជាប្រធានគណបក្សប្រជាជនកម្ពុជា ពីតម្លៃនៃសន្តិភាពក្នុងឱកាសដែលសម្តេចចូលរួមជាអធិបតីពិធីបដិមាអភិសេក «ព្រះថោង នាងនាគ»នៅខេត្តព្រះសីហនុ កាលពីព្រឹកថ្ងៃទី១៦ ខែមេសា ឆ្នាំ ២០២២។

សន្តិភាពដែលកម្ពុជាមានសព្វថ្ងៃនេះ រកបានដោយពិបាក ថ្នាក់ដឹកនាំជាតិបានយកជីវិតធ្វើជាដើមទុនដើម្បីរំដោះប្រទេសនិងប្រជាជន និងបានឆ្លងកាត់នូវស្ថានភាពដ៏លំបាកលំបិន នៃសង្គ្រាមស៊ីវិលពីរដ្ឋប្រហារថ្ងៃទី១៨ ខែមីនាឆ្នាំ ១៩៧០ ទម្រាំនឹងទទួលបានសុខសន្តិភាពពេញលេញនាថ្ងៃទី២៩ ខែធ្នូ ឆ្នាំ១៩៩៨ ក្រោមការអនុវត្តនយោបាយឈ្នះ-ឈ្នះ ដាក់ចុះដោយសម្តេចតេជោ ហ៊ុន សែន ស្ថាបនិកមគ្គុទេសក៍ឯក ដោយគ្មានការបង្ហូរឈាម និងសម្រេចបានដោយបាតដៃខ្មែរ។ សន្តិភាពដែលសម្តេចតេជោ ហ៊ុន សែន គណបក្សប្រជាជនកម្ពុជា ព្រមទាំងពលរដ្ឋខ្មែរបានប្រកាសការពារដាច់ខាតថា ទោះក្នុងតម្លៃណា ក៏ដោយ មិនអនុញ្ញាតឱ្យក្រុមជនមួយក្តាប់តូចបំផ្លាញសន្តិភាពដែលរកបានដោយពិបាកនេះបានឡើយ។

កម្ពុជាក្រោមការដឹកនាំរបស់គណបក្សប្រជាជនកម្ពុជាតាំងពីឆ្នាំ១៩៧៩ និងក្រោមដំបូលសុខសន្តិភាពរយៈពេលជាង ២២ ឆ្នាំមកនេះ បានខិតខំប្រឹងប្រែងអភិវឌ្ឍខ្លួនចេញពីគំនរផេះផង់ ឈាមនិងទឹកភ្នែកមកជាការលូតលាស់រីកចម្រើននិងមានកំណើនសេដ្ឋកិច្ចខ្លាំងក្លាក្នុងរង្វង់ ៧% ក្នុងរយៈពេល ២០ ឆ្នាំជាប់គ្នា ចាកចេញពីភាពក្រីក្រតោកយ៉ាកមកជាប្រទេសមានចំណូលមធ្យមកម្រិតទាបនាពេលបច្ចុប្បន្ន និងឆ្ពោះទៅប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងប្រទេសមានចំណូលខ្ពស់នៅឆ្នាំ២០៥០។

កម្ពុជាចេញពីប្រទេសដែលមានការបែកបាក់ជាតិ បែងចែកជាច្រើនភាគីកម្លាំងប្រដាប់អាវុធមកជាការបង្រួបបង្រួមជាតិ បង្រួបបង្រួមទឹកដី និងមានរាជរដ្ឋាភិបាលតែមួយ មានរដ្ឋធម្មនុញ្ញតែមួយ និងរស់នៅក្រោមម្លប់ដ៏ត្រជាក់នៃអង្គព្រះមហាក្សត្រតែមួយ។ ជាមួយសុខសន្តិភាពពេញ លេញនេះ កម្ពុជាក្រោមការដឹកនាំរបស់សម្តេចតេជោ ហ៊ុន សែន បានកសាងសមត្ថភាពធនធានមនុស្សគ្រប់ផ្នែក កសាងមោទកភាពជាតិនៅលើឆាកអន្តរជាតិ និងមានតួនាទីស្មើសិទ្ធិ និងស្មើភាពជាមួយបណ្តាប្រទេសនានានៅលើពិភពលោក និងជាពិសេសកម្ពុជាក្រោមសម័យតេជោសន្តិភាពបានប្រែក្លាយពីកម្ពុជា ដែលទទួលកងទ័ពមួកខៀវមកជាប្រទេសដែលបានចូលរួមយ៉ាងសំខាន់ក្នុងការផ្តល់កងកម្លាំងមួកខៀវចូលរួមថែរក្សាសន្តិភាពនៅបណ្តាប្រទេសមួយចំនួនក្រោមឆ័ត្រអង្គការសហប្រជាជាតិ។ នេះគឺជាសមិទ្ធផលដែលកើតចេញពីសុខសន្តិភាព មិនមែនកើតក្រោមភ្នក់ភ្លើងសង្គ្រាមទេ។

ដោយសារតែសុខសន្តិភាព និងការអភិវឌ្ឍឆាប់រហ័សបានផ្តល់ឱកាសដល់កម្ពុជាអាចធ្វើអ្វីៗបានទាំងអស់ ជាពិសេសឱកាស នៃការស្តារនិងកសាងជាតិឡើងវិញ ក្នុងនោះរួមទាំងការអនុវត្តសិទ្ធិមនុស្សនិងលទ្ធិប្រជាធិបតេយ្យ សិទ្ធិសេរីភាពនៃការបញ្ចេញមតិផងដែរ ព្រោះទាំងអស់នេះមិនអាចកើតឡើងក្នុងប្រទេស ដែលមានសង្គ្រាមនិងអស្ថេរភាពបានឡើយ។ ជាក់ស្តែងជាងនេះ ប្រសិនបើគ្មានសុខសន្តិភាពទេ កម្ពុជាមិនអាចប្រារព្ធពិធីបុណ្យនានាបានឡើយ រួមទាំងពិធីបុណ្យចូលឆ្នាំថ្មីប្រពៃណីខ្មែរនៅពេលនេះ ហើយប្រជាពលរដ្ឋខ្មែរក៏មិនអាចធ្វើដំណើរកម្សាន្តនៅគ្រប់ទិសទីក្នុងប្រទេសកម្ពុជាឡើយដោយគ្មានការភ័យខ្លាចឡើយ។ បើគ្មានសន្តិភាពទេ ម៉្លេះសមិទ្ធផលជាច្រើនដែលកំពុងបង្ហាញខ្លួននៅគ្រប់ទិសទីនៃប្រទេសកម្ពុជាមិនអាចកើតឡើងបានឡើយ។

សមិទ្ធផលដែលកើត ឡើងនេះបាននិងកំពុងផ្តល់ផលប្រយោជន៍យ៉ាងច្រើនក្រាសក្រែលដល់ប្រជាពលរដ្ឋគ្រប់មជ្ឈដ្ឋាន។ អ្វីៗ ដែលពលរដ្ឋមានសព្វថ្ងៃ គឺជាផ្លែផ្កានៃសុខសន្តិភាពយ៉ាងពិតប្រាកដដែល យើងទាំងអស់គ្នាចាំបាច់ត្រូវចូលរួមការពារសន្តិភាពដែលមាននៅ លើទឹកដីកម្ពុជាយើងនេះ ហើយប្រឆាំងដាច់ខាតចំពោះក្រុមជនទាំង ឡាយដែលព្យាយាមបំផ្លាញសន្តិភាពកម្ពុជា ក្រោមលេសសិទ្ធិមនុស្ស និងលទ្ធិប្រជាធិបតេយ្យដើម្បីបម្រើផលប្រយោជន៍ភូមិសាស្ត្រនយោបាយបរទេស។ ជម្លោះភូមិសាស្ត្រនយោបាយដែលកម្ពុជាធ្លាប់ឆ្លងកាត់ឆ្អែតឆ្អន់ហើយ កាលពីអតីតកាលដែលបាននាំកម្ពុជាធ្លាក់ចូលទៅក្នុងភ្នក់ភ្លើងសង្គ្រាមក្នុងតំបន់ និងឆាប់ឆេះជាសង្គ្រាមស៊ីវិលរាប់ទសវត្សរ៍ បំផកលិចបំផ្លាញជាតិ និងបានធ្លាក់ក្នុងរបបប្រល័យពូជសាសន៍ ពលរដ្ឋជាច្រើនលាននាក់ត្រូវបានសម្លាប់ដោយអយុត្តិធម៌ និងអមនុស្សធម៌បំផុត។

សន្តិភាពពិតជាមានតម្លៃខ្លាំងណាស់ សន្តិភាពមានតម្លៃជាអា យុជីវិតមនុស្ស ទ្រព្យសម្បត្តិ និងសុភមង្គល សុខដុមរមនា។ ដោយសារតែកម្ពុជាមានសុខសន្តិភាព ទើបពលរដ្ឋនៅកម្ពុជា មានឱកាសលេងល្បែងប្រជាប្រិយគ្រប់ប្រភេទដោយសំ ណើចក្អាកក្អាយ។ ប៉ុន្តែនៅឯមួយចំហៀងទៀតនៃពិភពលោក គឺក្នុងប្រទេសអ៊ុយក្រែន ក្នុងពេលជាមួយគ្នានេះ ប្រទេសស្ថិតក្នុងភ្នក់ភ្លើងសង្គ្រាម ពលរដ្ឋជាច្រើនលាននាក់រត់ភៀសខ្លួនចេញពីប្រទេស ប្រទេសទាំងមូលត្រូវបានបំផ្លិចបំផ្លាញខ្ទេចខ្ទីដោយសារតែគ្រាប់កាំភ្លើងគ្រប់ប្រភេទ ពលរដ្ឋជាច្រើនរយពាន់នាក់បានស្លាប់បាត់បង់ជីវិត។

នៅចំពោះមុខនៃការបំផ្លិចបំផ្លាញដ៏សម្បើមទាំងជីវិតមនុស្សនិងសម្ភារដែលខ្លួនមិននឹក ស្មានដល់នេះ ប្រធានាធិបតីអ៊ុយក្រែនបានអំពាវនាវសុំឱ្យមានសន្តិភាពក្នុងប្រទេសនេះឡើងវិញ ក្រោយការប្រយុទ្ធគ្នាជាមួយកងទ័ពរុស្ស៊ីដែលរហូតមកទល់ពេលនេះមិនទាន់បញ្ចប់នៅឡើយ ហើយបស្ចឹមប្រទេសដឹកនាំដោយសហរដ្ឋអាម៉េរិក រួមនឹងក្រុមប្រទេសសមាជិកអង្គការណាតូបាននឹងកំពុងផ្តល់ជំនួយយោធាដល់អ៊ុយក្រែនឱ្យបន្តប្រយុទ្ធទៅទៀត ខណៈរុស្ស៊ីបានបញ្ជូនកំណត់ទូតតវ៉ាទៅសហរដ្ឋអាម៉េរិកនិងអង្គការណាតូថាដូចជាចាក់សាំងលើភ្លើង និងព្រមានពីផលវិភាគមិននឹកស្មានដល់។ ទោះបីជាប្រព័ន្ធផ្សព្វផ្សាយបស្ចឹមប្រទេសជួយបំពងព័ត៌មានក្លែងក្លាយច្រើនពីសង្គ្រាមនៅអ៊ុយក្រែន ដោយពិពណ៌នាការខូចខាតច្រើនរបស់ទាហានរុស្ស៊ីដែលជាសង្គ្រាមចិត្តសាស្ត្របំបាក់ទឹកចិត្តរុស្ស៊ី និងធ្វើឱ្យរុស្ស៊ីឯកោតាមរយៈការព្រួតគ្នាដាក់ទណ្ឌកម្ម តែរូបភាពពិតនៃលទ្ធផលសង្គ្រាម ក្នុងប្រទេសអ៊ុយក្រែនបានបង្ហាញពីការខូចខាតយ៉ាងធំធេង និងមានតម្លៃឥតគណនាបានដែលអ៊ុយក្រែនត្រូវតែបង់ខាតក្នុងការកសាងប្រទេសឡើងវិញ ខណៈប្រទេសទាំងមូលស្ទើរតែខ្លោចទាំងស្រុងដោយភ្លើងឆេះរោល។ ពេលនេះ ពិភពលោកកាន់តែមើលឃើញច្បាស់ថាតើសន្តិភាពពិតជាមានតម្លៃខ្លាំងប៉ុនណា ហើយកាន់តែធ្វើឱ្យប្រជាពលរដ្ឋយល់កាន់តែច្បាស់ថាការជ្រើសរើស មេដឹកនាំប្រទេសដែលមានភាពចាស់ទុំនយោបាយ ពោរពេញដោយបទពិសោធដឹកនាំប្រទេស មានចក្ខុវិស័យច្បាស់លាស់ មាននយោបាយការទូតត្រឹមត្រូវ និងមិនលង់ក្នុងការញុះញង់ និងលោតតាមខ្សែញាក់របស់បរទេសដែលបង្កប់ដោយផលប្រយោជន៍ភូមិសាស្ត្រនយោបាយ គឺជាផ្នែកមួយយ៉ាងសំខាន់ក្នុងការថែរក្សាសុខសន្តិភាពរបស់ប្រទេសឱ្យកាន់តែរឹងមាំ ផ្តល់នូវសេចក្តីសុខជូនពលរដ្ឋខ្លួន។ សង្គ្រាមអាចបំផ្ទុះឡើងតែក្នុងមួយបិនាទី តែត្រូវការរយៈពេលរាប់សិបឆ្នាំដើម្បីពន្លត់វាមកវិញ និងត្រូវការពេលច្រើនដងដើម្បីកសាងប្រទេសដែលខូចខាតឱ្យមកស្មើដើមវិញ។

ជារួម មានសន្តិភាព យើងអាចធ្វើអ្វីបានទាំងអស់ ហើយបើគ្មានសន្តិភាពទេ យើងនឹងបាត់បង់ឱកាសទាំងអស់។ ដូច្នេះមាន តែសន្តិភាពតែប៉ុណ្ណោះដែលមានតម្លៃ ហើយគេមិនអាចជ្រើសរើសយកផ្លូវសង្គ្រាមដើម្បីកសាងជាតិឡើយ។ សង្គ្រាម បានបន្សល់ទុកនូវក្មេងកំព្រា ការនិរាសព្រាត់ប្រាស់ ការបំផ្លិចបំផ្លាញសព្វបែបយ៉ាងទាំងអស់។ អ្វីដែលយើងទាំងអស់គ្នាជាពលរដ្ឋខ្មែរ គ្រប់មជ្ឈដ្ឋានត្រូវធ្វើនៅគ្រប់កាលៈទេសៈទាំងអស់គឺត្រូវការពារឱ្យបានដាច់ខាតសន្តិភាពដែលកម្ពុជាមានពេលបច្ចុប្បន្ននេះ ឱ្យស្ថិតស្ថេរគង់វង្សជាយូរអង្វែងទៅមុខទៀត ហើយបន្តគាំទ្រសម្តេចតេជោនិងគណបក្សប្រជាជនកម្ពុជាដើម្បីបន្តនិរន្តរភាពដឹកនាំប្រទេស ការពារសុខសន្តិភាព និងបង្កើនល្បឿនអភិវឌ្ឍជាតិឆ្ពោះទៅមុខជានិច្ច។ សន្តិភាពដែលកម្ពុជាមានរយៈពេលជាង ២០ ឆ្នាំមកនេះ ទើបតែមានក្នុងរយៈពេលជាង ៥០០ ឆ្នាំនៃប្រវត្តិសាស្ត្រកម្ពុជាចុងក្រោយនេះ។ ដូច្នេះចាំបាច់ណាស់ ដែលយើងទាំងអស់គ្នាត្រូវចូលរួមក្នុងការការពារសន្តិភាពឱ្យបានគង់វង្សសម្រាប់មនុស្សរាប់ជំនាន់ទៅមុខទៀត។ ការបំផ្លាញ់សន្តិភាពស្រួលបំផុត តែការកសាងសន្តិភាពទើបពិបាកខ្លាំងបំផុត។ សម្តេចតេជោ ហ៊ុន សែន ស្ថាបនិកសន្តិភាពកម្ពុជា បានមានប្រសាសន៍ក្រើនរំឭកថា ៖«សន្តិភាពមានតម្លៃខ្លាំងណាស់ កុំចាំមានសង្គ្រាមទើបស្រែករកសន្តិភាព»៕

ដោយ៖ ចៅចាក់ស្មុក
រាជធានីភ្នំពេញ ថ្ងៃទី១៦ ខែមេសា ឆ្នាំ២០២២



លិខិតមិត្តអ្នកអាន៖ សម្តេចតេជោ ហ៊ុន សែន ក្លាយជានិមិត្តរូបសន្តិភាពសម្រាប់ពិភពលោក

 (ភ្នំពេញ)៖ ថ្ងៃទី១២ កុម្ភៈ ២០២២ គឺជាព្រឹត្តិការណ៍ប្រវត្តិសាស្ត្រដ៏កក្រើកមួយទៀតដែលបានចារក្នុងក្រាំងមាសរបស់កម្ពុជា ក៏ដូចជាក្រាំងមាសរបស់ពិភពលោកទាំងមូល។ នោះគឺ វីរៈបុរសខ្មែរមួយរូបដែលជាស្ថាបនិកសន្តិភាពឈ្មោះ តេជោ ហ៊ុន សែន បានទទួលពានរង្វាន់ «សន្តិភាព ស៊ុនហាក់» ឆ្នាំ២០២២ នៅទីក្រុងសេអ៊ូលនៃ សាធារណៈរដ្ឋកូរ៉េ។ ពានរង្វាន់នេះគឺជាមហាកិត្តិយសដ៏ធំធេង មិនត្រឹមតែសម្រាប់រូបនាយករដ្ឋមន្រ្តី ហ៊ុន សែន ផ្ទាល់និងក្រុមគ្រួសារប៉ុណ្ណោះទេ ប៉ុន្តែ គឺសម្រាប់ប្រទេសជាតិ និងប្រជាជនខ្មែរទាំងមូលផងដែរ។

អ្វីដែលគួរឲ្យកត់សម្គាល់ថែមទៀតនោះ គឺពានរង្វាន់សន្តិភាពស៊ុនហាក់ ត្រូវបានប្រគល់ជូនប្រមុខដឹកនាំកម្ពុជានាពេលនេះ បានធ្វើឡើងក្នុងខណៈដែលពិភពលោកកំពុងប្រឈមមុខនឹងភាពតានតឹង និងតំបន់ខ្លះ ឬប្រទេសខ្លះកំពុងស្ថិតនៅពីមុខគ្រោះថ្នាក់នៃសង្គ្រាម។

នេះគឺជាសារមួយយ៉ាងច្បាស់លាស់ដែលអ្នកផ្តល់ពានរង្វាន់សន្តិភាពនេះចង់ពញាក់ស្មារតីមេដឹកនាំពិភពលោកទាំងឡាយ ឲ្យងាកមកចាប់អារម្មណ៍ និងផ្តល់តម្លៃលើសន្តិភាពដែលជាទ្រព្យសម្បត្តិដ៏មានតម្លៃបំផុតមិនអាចកាត់ថ្លៃបានសម្រាប់ពិភពលោក និងសម្រាប់មនុស្សជាតិនៅលើភពផែនដីទាំងមូល។

នៅក្នុងវីដេអូខ្លីមួយដែលម្ចាស់ពានរង្វាន់បានផលិតឡើង និងចាក់ផ្សាយនៅក្នុងឱកាសនោះ គេបានរំលេចយ៉ាងច្បាស់នូវវីរភាពនិងការលះបង់ដ៏ធំធេងរបស់តេជោ ហ៊ុន សែន ដើម្បីស្វែងរកសន្តិភាពជូនប្រទេសជាតិ និងប្រជាជនរបស់ខ្លួន បន្ទាប់ពីភ្លើងសង្គ្រាម និងរបបប្រល័យពូជសាសន៍បានឆក់យកជីវិត ពលរដ្ឋខ្មែរអស់ជាច្រើនលាននាក់។ ខ្សែវីដេអូខ្លីតែ មានន័យជ្រៅបានធ្វើឲ្យថ្នាក់ដឹកនាំមកពីបណ្តាប្រទេសនានា និងអ្នកចូលរួមក្នុងពិធី នោះកោតស្ងប់ស្ញែង យ៉ាងក្រៃលែងនូវវីរភាពរបស់ប្រមុខដឹកនាំកម្ពុជា ដើម្បីសន្តិភាពដែលពិតជាស័ក្តិសមឥតខ្ចោះក្នុងការទទួលបានពានរង្វាន់ដ៏វិសេសវិសាលនេះ។

លោក Newton Leroy Gingrich អតីតប្រធានសភាតំណាងរាស្ត្រទី៥០ របស់សហរដ្ឋអាមេរិកពីឆ្នាំ ១៩៩៥ ដល់ ១៩៩៩ បានថ្លែងសុន្ទរកថាកោត ស្ញប់ស្ញែងសម្តេចតេជោ ហ៊ុន សែន ជាពន់ពេក។ លោកបានគូសបញ្ជាក់ថា ពេលវេលាដែលយើងកំពុងស្ថិតនៅនេះ គឺមានការប្រឈមណាស់ ប៉ុន្តែ ជួនកាលវាក៏គួរឱ្យកត់សម្គាល់ដែរ។ យើងបានស្តាប់លឺឧទារហរណ៍ពីកិច្ចខិតខំប្រឹងប្រែងទាំងស្រុងស្តីពីការចាក់វ៉ាក់សាំង នៅទូទាំងពិភពលោក បានកាត់បន្ថយអត្រា ស្លាប់របស់ក្មេងយ៉ាងច្រើន។ អ្នកបានលឺអំពីមនុស្សមានទេពកោសល្យដែលបានចំណាយពេល និងបានបង្កើតឱកាសសម្រាប់ពានរង្វាន់ពេញមួយជីវិត នេះដើម្បីឆ្លើយតបនឹង វិបត្តិកូវីដ ១៩។ អ្នកបានលឺពីអ្នកស្នេហាជាតិមួយរូប គឺសម្តេចតេជោនាយករដ្ឋមន្ត្រី ហ៊ុន សែន ដែលបានប្តូរផ្តាច់ជាមួយកិច្ចសន្ទនា ហើយជាអ្នកដែលបាន នាំប្រទេសគាត់ចេញពីសង្គ្រាមស៊ីវិលដ៏អាក្រក់។

នៅក្នុងប្រទេសផ្ទាល់ខ្លួនរបស់ខ្ញុំ (សហរដ្ឋអាមេរិក) ដែលគួរតែមានឱកាសដ៏អស្ចារ្យនោះ យើងបាត់បង់មនុស្សប្រហែល ៤៦.០០០នាក់ក្នុងមួយឆ្នាំ ដោយសារគ្រឿងញឿន និង ៤៦.០០០នាក់ ផ្សេងទៀតធ្វើអត្តឃាត។ លោកគូសបញ្ចាក់ថា សន្តិភាព វិបុលភាព សុវត្ថិភាពនិងសេរីភាពគឺអាចទៅរួច ហើយខ្ញុំចង់និយាយថា សម្តេចតេជោនាយករដ្ឋមន្ត្រី ហ៊ុន សែន គួរឱ្យមានមោទនភាពណាស់ ពីព្រោះខ្ញុំដឹងពីអ្វីដែលគាត់ត្រូវឆ្លងកាត់ជាបុរសវ័យក្មេង និងរបៀបដែលគាត់បន្តព្យាយាមសូម្បីនៅ ពេលគាត់ហាក់ដូចជាអស់សង្ឃឹម។ លោកបន្តថា ពានរង្វាន់សន្តិភាពស៊ុនហាក់ គឺជាគ្រឹះនៃអនាគតនៃសន្តិភាព វិបុលភាព សុវត្ថិភាព និងសេរីភាពនោះ។

ខ្ញុំសូមបញ្ចប់ដោយរំលឹកអ្នកទាំងអស់គ្នាអំពីចក្ខុវិស័យ ការប្តេជ្ញាចិត្ត ៣៦៥ថ្ងៃ ក្នុងមួយឆ្នាំរបស់បណ្ឌិត Hak Ja Han Moon ដែលជំរុញឱ្យយើងដើរទៅមុខ និងបង្កើតឱកាសដើម្បីនាំជាតិសាសន៍មនុស្សមករួមគ្នា។

សុន្ទរកថានេះ សបញ្ជាក់អំពីចំណាប់អារម្មណ៍របស់ឥស្សរជននានានៅលើពិភពលោកមកលើវីរភាពរបស់តេជោ ហ៊ុន សែន ដើម្បីបុព្វហេតុសន្តិភាព។ មានតែសន្តិភាពទេដែលបង្កើតភាពសុខដុមរមនារបស់មនុស្សនៅលើភពផែនដីនេះបាន។ អ្វីដែលជាលក្ខណៈពិសេសរបស់ស្ថាបនិកសន្តិភាពនៅកម្ពុជាហើយ ដែលកម្រមានអ្នកណាធ្វើបានគឺការបញ្ចប់សង្គ្រាមដោយមិនធ្វើសង្គ្រាម។ ទស្សនាទាននេះហើយដែលតេជោ ហ៊ុន សែន បានចែករំលែកទៅកាន់មេដឹកនាំជាច្រើននៅក្នុងពិភពលោក។ បច្ចុប្បន្នប្រមុខដឹកនាំកម្ពុជាក៏កំពុងខិតខំអស់ពីកម្លាំងកាយចិត្ត ដើម្បីរួមចំណែកដោយមិនខ្លាចនឿយហត់ក្នុងការស្វែងរកសន្តិភាព ក្នុងតំបន់និងនៅក្នុងឧបទ្វីបកូរ៉េ។ ទាំងអស់នេះគឺជាកិច្ចខិតខំប្រឹងប្រែងដែលស័ក្តិសមបំផុតនឹងទទួលបានពានរង្វាន់នៅថ្ងៃនេះ។

ពានរង្វាន់សន្តិភាពស៊ុនហាក់ ដែលតេជោ សែន ទទួលបានពិតជាមានអត្ថន័យមហាធំធេងសម្រាប់ប្រជាជាតិខ្មែរផង និងសម្រាប់ពិភពលោកផង។ សម្រាប់ប្រជាជាតិខ្មែរដែលបានហែលឆ្លងកាត់សង្គ្រាមស៊ីវិលដ៏អាក្រក់ រហូតធ្លាក់ក្នុងវាលពិឃាត តើមានពលរដ្ឋខ្មែរណាម្នាក់ដែលប្រាថ្នាចង់ឃើញសង្គ្រាមវិលវិញជាថ្មី? សម្រាប់ពិភពលោកវិញដែលបានឆ្លងកាត់សង្គ្រាមលោកលើកទី១ និងលើកទី២ និងសង្គ្រាមក្នុងបណ្តាប្រទេសជាច្រើនទៀតដែលកើតឡើងនៅពេលថ្មីៗ ពិតជាគ្មានមនុស្សជាតិណាម្នាក់ប្រាថ្នាចង់ជួបសង្គ្រាមនោះឡើយ។

ដូច្នេះមេដឹកនាំនិងស្ថាបនិកសន្តិភាព កម្ពុជាឈ្មោះ តេជោ សែន ជាមួយនឹងការទទួលបានរង្វាន់សន្តិភាពស៊ុនហាក់ នៅពេលនេះកំពុងក្លាយជានិមិត្តរូបនៃសន្តិភាព សម្រាប់ពិភពលោកទាំងមូល ដែលគ្មាននរណាអាចប្រកែកបដិសេធ បានឡើយ៕

ដោយ៖ អ្នកនយោបាយតុកាហ្វេ





ទស្សនៈមិត្តអ្នកអាន៖ រដ្ឋាភិបាល គិតគូរពីផលប្រយោជន៍ប្រជាជនកម្ពុជាជាធំ ក្នុងពេលប្រយុទ្ធប្រឆាំងនឹងជំងឺ COVID-19

រាជរដ្ឋាភិបាលកម្ពុជា ក៏ដូចជាប្រទេសក្នុងតំបន់និងក្នុងពិភពលោកនិយាយរួមបាននិងកំពុងសកម្មក្នុងការប្រយុទ្ធប្រឆាំងនឹងជំងឺឆ្លង COVID-19។ ប្រទេសខ្លះបានប្រកាសដាក់ប្រទេសស្ថិតក្នុងគ្រាអាសន្ន ប្រទេសខ្លះបិទទីក្រុង បិទទីប្រជុំជន ហាមការជួបជុំប្រមូលផ្តុំតាមទីសាធារណៈហាមការជួបជុំជាលក្ខណៈឯកជនពិសេសការចល័តពីតំបន់មួយទៅតំបន់មួយ និងហាមដើរហើរជាដើមបើគ្មានការចាំបាច់ ដែលវានាំឲ្យមានហានិភ័យខ្ពស់ក្នុងការឆ្លងរីករាលដាលនៃជំងឺ COVID-19។

វិធានការដែលរដ្ឋនីមួយៗបានដាក់ចេញ ហើយបានកំពុងអនុវត្ត គ្មានអ្វីដែលចម្លែកនោះឡើយ ក្នុងកាលៈទេសៈដែលពិភពលោកកំពុងប្រឈមនឹងការឆ្លងរាតត្បាតនៃជំងឺសកលដ៏កាចសាហាវនេះ។ ដូចគ្នានេះដែរ ការហាមឃាត់ការធ្វើដំណើរពីតំបន់មួយទៅតំបន់មួយ គឺជារឿងល្អបំផុតដើម្បីទប់ស្កាត់ការឆ្លងរីករាលដាលនៃជំងឺ COVID-19 ដែលមិនគួរក្រុមអ្នកនយោបាយប្រឆាំងផ្កាប់មុខរិះគន់វាយប្រហារថា រដ្ឋាភិបាលកម្ពុជា អមនុស្សធម៌ក្នុងការបដិសេធពលរដ្ឋខ្លួននៅប្រទេសម៉ាឡេស៊ីមិនឲ្យវិលចូលស្រុកវិញនោះឡើយ។

អ្វីដែលជាការលើកឡើងរបស់ក្រុមប្រឆាំងផ្កាប់មុខមួយតំបស្វានេះ គេមើលយ៉ាងច្បាស់ថា គឺជាការឆ្លៀតឱកាសកេងចំណេញខាងផ្នែកនយោបាយតែប៉ុណ្ណោះ ពួកគេគ្មានចេតនាពិតប្រាកដចង់ជួយដល់ប្រជាពលរដ្ឋខ្មែរនៅប្រទេសម៉ាឡេស៊ីនោះឡើយ ជាពិសេសប្រជាពលរដ្ឋខ្មែរនៅក្នុងស្រុកជាង ១៦លាននាក់នោះដែរ។ គ្មានចេតនាពិតប្រាកដ ដោយសារថា ជំងឺឆ្លងសកលដែលកំពុងរាតត្បាតពាសពេញសកលលោក ហើយដែលកម្ពុជាកំពុងប្រយុទ្ធប្រឆាំង ពួកគេបែរជាសម្ងំសោយសុខធ្វើមិនដឹងមិនឮអំពីទុក្ខលំបាករបស់ប្រជាពលរដ្ឋខ្មែរក្នុងគ្រាអាសន្ននេះ បែរជាចង់ឲ្យប្រជាពលរដ្ឋកម្ពុជាឆ្លងជំងឺដ៏កាចសាហាវនេះទៅវិញ។

ពួកគេសប្បាយចិត្តណាស់ នៅពេលដែលឃើញប្រជាពលរដ្ឋខ្មែរដេកដួលលើដី ខ្សល់គ ឬគ្រោះថ្នាក់ចរាចរណ៍ជាដើម ពួកគេតែងយករូបភាពទាំងអស់នេះមកផ្សព្វផ្សាយតាមបណ្តាញសង្គមនិងធ្វើការអត្ថាធិប្បាយបំប៉ោង បំភ្លៃ បំផ្លើសថា ប្រជាពលរដ្ឋខ្មែរបានឆ្លងជំងឺ COVID-19 ជាច្រើននាក់។ ការផ្សព្វផ្សាយរបស់ក្រុមប្រឆាំង រួមទាំងការសរសេរបន្លាចផងនោះ បានធ្វើឲ្យមានការរើសអើងដល់ជនរងគ្រោះ ដោយសារខ្យល់គរ ឬសន្លប់បាត់ស្មារតីដោយសារប្រការណាមួយដែលមិនពាក់ព័ន្ធទាល់តែសោះនឹងជំងឺ COVID-19 ពោលគឺធ្វើឲ្យប្រជាពលរដ្ឋខ្មែរមើលមុខគ្នាលែងចំ។

យ៉ាងណាមិញ ការចោទប្រកាន់ថា រដ្ឋាភិបាលកម្ពុជាអមនុស្សធម៌ចំពោះពលរដ្ឋខ្លួនជាង ១០០នាក់នៅម៉ាឡេស៊ី គឺជាការចោទប្រកាន់ទាំងងងើលដោយមិនឈរលើបរិបទដែលពិភពលោកកំពុងជួបគ្រោះអាសន្ន ហើយរួមគ្នាប្រយុទ្ធប្រឆាំងនឹងជំងឺឆ្លងសកលនេះ។ រដ្ឋាភិបាលកម្ពុជា បានស្នើសុំការយោគយល់ចំពោះការចង់វិលត្រឡប់ចូលស្រុកវិញ ដោយសារថា ជំងឺឆ្លងរាតត្បាតសកលCOVID-19 ត្រូវបង្ខំឲ្យមនុស្សត្រូវនៅដាច់គ្នា ហាមឃាត់ការធ្វើដំណើរផ្សេងៗ ហើយត្រូវស្ថិតនៅទីកន្លែងមានសុវត្ថិភាព និងជាពិសេសត្រូវអនុវត្តវិធានការអនាម័យឲ្យបានខ្ជាប់ខ្ជួនតាមការអំពាវនាវរបស់ក្រសួងសុខាភិបាល ដើម្បីគេចផុតពីជំងឺឆ្លងសកលនេះ។ ទន្ទឹមគ្នានេះដែរ រដ្ឋាភិបាលម៉ាឡេស៊ី ក៏បានស្នើសុំការយោគយល់ពីប្រជាពលរដ្ឋខ្លួនរស់នៅប្រទេសផ្សេងៗវិលចូលស្រុកវិញដែរ ដោយរង់ចាំពេលវេលាសមស្របណាមួយទើបអនុញ្ញាតឲ្យចូល។

ករណីប្រជាពលរដ្ឋខ្មែរនៅម៉ាឡេស៊ី មិនមែនជារឿងថ្មី ឬដាច់ដោយឡែក ឬក៏ជាករណីពិសេសអ្វីឡើយ ពីព្រោះនិស្សិតខ្មែរដែលកំពុងសិក្សានៅប្រទេសចិន ស្ថិតក្នុងទីក្រុងវូហាន ខេត្តហ៊ឺបិយ ជាកន្លែងផ្ទុះជំងឺ COVID-19 ដំបូង ក៏ត្រូវបានរដ្ឋាភិបាលស្នើសុំឲ្យពួកគេនៅទីនោះសិនដែរ ពីព្រោះថា ស្ថានទូតខ្មែរនៅទីនោះបានត្រៀមលក្ខណៈការពារពលរដ្ឋខ្លួនរួចហើយ ពិសេសទទួលបានការយកចិត្តទុកដាក់ពីរដ្ឋាភិបាលចិនផងដែរ។ ដូចគ្នានេះដែរ និស្សិតខ្មែរដែលកំពុងសិក្សានៅសហរដ្ឋអាមេរិក ក៏រដ្ឋាភិបាលស្នើសុំឲ្យពួកគេនៅទីនោះសិនដែរ ហើយត្រូវចេះការពារខ្លួនពីជំងឺឆ្លងសកលនេះ។

ជារួម រាជរដ្ឋាភិបាលកម្ពុជា បានគិតគូរគ្រប់ជ្រុងជ្រោយច្បាស់លាស់លើការប្រយុទ្ធប្រឆាំងនឹងជំងឺ COVID-19 ដែលកម្ពុជាផ្ទាល់ និងពិភពលោកកំពុងជួបគ្រោះអាសន្ន។ រដ្ឋាភិបាលតែងបានគិតគូរពីសុខទុករបស់ប្រជាពលរដ្ឋកម្ពុជា ទោះម្នាក់ ពីរនាក់ក្តី។ ជាការពិត ពលរដ្ឋខ្មែរទោះជាម្នាក់ ឬពីរនាក់ក្តី គឺមានតម្លៃ និងមានសារៈសំខាន់សម្រាប់រដ្ឋាភិបាល និងប្រទេសជាតិ តែអំឡុងពេលវិបត្តិដែលកំពុងជួបប្រទះនេះ និងក្នុងកាលៈទេសៈដែលរដ្ឋាភិបាលកំពុងតស៊ូប្រយុទ្ធប្រឆាំងនឹងជំងឺឆ្លងសកល COVID-19 គឺស្នើសុំឲ្យប្រជាពលរដ្ឋខ្មែររស់នៅក្រៅប្រទេសកុំចល័តពីតំបន់មួយទៅតំបន់មួយ ក្នុងន័យការពារខ្លួនពីការឆ្លងជំងឺ COVID-19 ពិសេសស្នើសុំការយោគយល់ពីបងប្អូនខ្មែរនៅប្រទេសម៉ាឡេស៊ី ផ្អាកធ្វើដំណើរចូលមកក្នុងប្រទេសសិន រង់ចាំពេលវេលាសមស្របណាមួយ និងត្រូវស្ថិតនៅកន្លែងដើមដដែល ចៀសវាងការឆ្លងជាយថាហេតុណាមួយ ពិសេសត្រូវអនុវត្តវិធានការអនាម័យតាមការអំពាវនាវរបស់ក្រសួងសុខាភិបាល៕

ដោយ៖ សុខ សុវណ្ណ


 

មនុស្សជំនិតបំផុតរបស់ កឹម សុខា ប្រកាសថា អ្វីដែលបក្សភ្លើងទៀនកំពុងឃោសនាថា បក្សខ្លួន និងបក្សសង្រ្គោះជាតិ គឺតែមួយ គឺជាអំពើបោកប្រាស់ និងបំភ័ន្តមតិ, សូមកុំធ្វើនយោបាយទុច្ចរិត!

 (ភ្នំពេញ)៖ នៅយប់ថ្ងៃទី២៦ ខែឧសភា ឆ្នាំ២០២២នេះ លោក មុត ចន្ថា ដែលជាមនុស្សជំនិតបំផុតរបស់លោក កឹម សុខា បានប្រកាសតាមបណ្តាញសង្គមថា អ្វីដែលបក្សភ្លើងទៀនកំពុងឃោសនាថា បក្សខ្លួន និងបក្សសង្រ្គោះជាតិ គឺតែមួយគឺជាអំពើបោកប្រាស់ និងបំភ័ន្តមតិ ហើយពិសេសនោះការយកឈ្មោះបក្សសង្រ្គោះជាតិ ដែលត្រូវបានរំលាយទៅភ្ជាប់ ដើម្បីឃោសនារកសម្លេងគាំទ្រ គឺជាអំពើរំលោភពានលើច្បាប់វិសោធនកម្មនៃច្បាប់ ស្តីពីគណបក្សនយោបាយ ច្បាប់បោះឆ្នោត និងបទបញ្ជា និង នីតិវីធី គជប ហើយនិងសាលដីការបស់តុលាការកំពូល។

លោក មុត ចន្ថា បានបន្តលើកឡើងថា មាត់ចោទគេថាធ្វើនយោបាយទុច្ចរិត ប៉ុន្តែខ្លួនឯងក៏កំពុងធ្វើនយោបាយទុច្ចរិត និងកំពុងបំពានច្បាប់ជាធរមាន!។ ខាងក្រោមជាខ្លឹមសារទាំងស្រុងរបស់លោក មុត ចន្ថា ដែលឆ្លើយតបគណបក្សភ្លើងទៀន៖

«កុំធ្វើនយោបាយទុច្ចរិត!»
មាត់ចោទគេថាធ្វើនយោបាយទុច្ចរិត ប៉ុន្តែខ្លួនឯងក៏កំពុងធ្វើនយោបាយទុច្ចរិត និងកំពុងពានច្បាប់ជាធរមាន!
អ្វីជានយោបាយទុច្ចរិត?

ទី១៖ សារជាសម្លេងដែលរៀបរាប់អំពីប្រវត្តិរបស់បក្សភ្លើងទៀន បានអះអាងថា អតីតបក្សសមរង្ស៉ី បច្ចុប្បន្នបក្សភ្លើងទៀន ថាបានចូលរួមក្នុងការបោះឆ្នោតសភា ឆ្នាំ២០១៣ និងការបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០១៧។ នេះជាអំពើទុច្ចរិតក្នុងចេតនាបំភ័ន្ត និងបន្លំប្រវត្តិសាស្រ្ត និងកេងចំណេញនយោបាយដោយបំពារបំពានច្បាប់ អសីលធម៌ និងអគុណធម៌។ តាមពិតអតីតបក្សសមរង្ស៉ី បច្ចុប្បន្នបក្សភ្លើងទៀន «មិនដែលបានចូលរួមក្នុងការបោះឆ្នោតឆ្នាំ២០១៣ និងឆ្នាំ២០១៧» ឡើយ ផ្ទុយទៅវិញមានតែគណបក្សសង្រ្គោះជាតិ ដែលត្រូវបានរំលាយប៉ុណ្ណោះបានចូលរួម។

ទី២៖ ការស្រែកជយឃោស «បក្សភ្លើងទៀន និង បក្សសង្រ្គោះជាតិ គឺតែមួយ» គឺជាអំពើទុច្ចរិតនយោបាយ ព្រោះបក្សភ្លើងទៀនបានរត់ចោលបក្សសង្រ្គោះជាតិ និងបានក្បត់សម្ព័ន្ធភាពនយោបាយទៅចូលរួមក្នុងការបោះឆ្នោត និងឆន្ទៈរបស់អ្នកគាំទ្រ ដើម្បីបម្រើឱ្យផលប្រយោជន៍នយោបាយរបស់លោក សម រង្ស៉ី និងអ្នកនយោបាយជាប់ទោសនៅក្រៅប្រទេស ដែលមិនមែនជាបុព្វហេតុ និងមិនតំណាងឱ្យផលប្រយោជន៍របស់បក្សសង្រ្គោះជាតិឡើយ។

ទី៣៖ លោក សម រង្ស៉ី បានប្រកាសដោយបើកចំហថា គាត់នឹងយកលទ្ធផលបោះឆ្នោតឃុំ ធ្វើជាឈ្នាន់តថ្លៃនយោបាយ ដើម្បីជាថ្នូរអាចវិលត្រឡប់ចូលស្រុកខ្មែរ នៅពាក់កណ្តាលខ្មែរមិថុនា ឆ្នាំ២០២២។ ចំណុចនេះសរបញ្ជាក់យ៉ាងច្បាស់ថា បក្សភ្លើងទៀនបម្រើឱ្យមហិច្ឆតានយោបាយរបស់លោក សម រង្ស៉ី។
ដូច្នេះបក្សភ្លើងទៀនមិនតំណាងឱ្យឆន្ទៈ និងស្មារតីរបស់អ្នកគាំទ្ររបស់គណបក្សសង្រ្គោះជាតិឡើយ។ ហេតុផលប្រាកដនិយមដែលអាចបញ្ជាក់យ៉ាងច្បាស់នោះគឺ ឯកឧត្តម កឹម សុខា ប្រធានគណបក្សសង្រ្គោះជាតិ ដែលត្រូវបានរំលាយកំពុងមានវត្តមាននៅក្នុងប្រទេសកម្ពុជា ដើម្បីតតាំងក្តីនៅក្នុងតុលាការ ដើម្បីស្វែងរកយុត្តិធម៌ ប៉ុន្តែបក្សភ្លើងទៀន និងលោក សម រង្ស៉ី មិនដែលនឹកនាដល់ ឬប្រកាសថានឹងធ្វើអ្វី ដើម្បីជួយមេដឹកនាំរបស់ខ្លួនម្តងណាឡើយ។ យើងក៏មិនដែលត្រូវការឱ្យបក្សភ្លើងទៀន និងលោក សម រង្ស៉ី ធ្វើអ្វីជួយដល់ ឯកឧត្តម កឹម សុខា ដែរ ព្រោះរយៈពេលជិត៥ឆ្នាំមកនេះ ទាំងបក្សភ្លើងទៀន និងលោក សម រង្ស៉ី មិនបានធ្វើអ្វីជួយជ្រោមជ្រែងដល់ ឯកឧត្តម កឹម សុខា ម្តងណាឡើយ ក្រៅតែពីបង្កើតរឿងរ៉ាវមិនចេះចប់មិនចេះហើយក្នុងចេតនាផ្សារ ភ្ជាប់ជាមួយគាត់ក្នុងអំពើល្មើសច្បាប់ថែមទៀង ដូចជា៖ ប្រមាថគាត់ថាជាប់គុកសប្បនិមិត្តនិងឥតប្រយោជន៍, យកសេរីភាពរបស់គាត់ធ្វើជាល្បែងភ្នាល់លេង, បង្កើតពាក្យស្លោក «សម រង្ស៉ី-កឹម សុខា ជាមនុស្សតែមួយ» ដោយអត្តនោមតិ ដើម្បីប្រមូលលុយច្រកហោរប៉ៅផ្ទាល់ខ្លួន, ប្លន់យកមុខដំណែងប្រធានស្តីទីបក្សសង្រ្គោះជាតិ ដោយពានច្បាប់បក្សនិងច្បាប់រដ្ឋ, បង្កើតចលនាសង្រ្គោះជាតិដោយខុសច្បាប់ និងបានប្រកាសប្រើប្រាស់កម្លាំងនិងហិង្សា ដើម្បីផ្តួលរំលំអ្នកដឹកនាំ, ផែនការ ៩ វិច្ឆិកា ២០១៩ ដើម្បីចូលមកចាប់ប្រមុខរាជរដ្ឋាភិបាល នាំយកទៅកាត់ទោសនៅពោះមុខតុលាការមហាជន ។ល។

ទី៤៖ ការបោះឆ្នោត នៅថ្ងៃទី៥ ខែមិថុនា ខាងមុខនេះ គឺគ្មានវត្តមានបក្សសង្រ្គោះជាតិដែលត្រូវបានរំលាយ ហើយក៏គ្មានវត្តមានរបស់ ឯកឧត្តម កឹម សុខា ជាប្រធានបក្សនេះ ចូលរួមឡើយ។ អ្វីដែលបក្សភ្លើងទៀនកំពុងឃោសនាថា បក្សខ្លួន និងបក្សសង្រ្គោះជាតិ គឺដូចគ្នា ឬតែមួយ គឺជាអំពើបោកប្រាស និងបំភ័ន្តមតិ។

អំពើរំលោភច្បាប់ៈ

ទី១៖ ការយកសមិទ្ធផលរបស់គណបក្សសង្រ្គោះជាតិ ទៅឃោសនានយោបាយ គឺជាការរំលោភលើច្បាប់វិសោធនកម្ម នៃច្បាប់ ស្តីពីគណបក្សនយោបាយ ច្បាប់បោះឆ្នោត និង បទបញ្ជា និង នីតិវីធី គជប ហើយនិងសាលដីការបស់តុលាការកំពូល។

ទី២៖ ការយកឈ្មោះបក្សសង្រ្គោះជាតិដែលត្រូវបានរំលាយទៅភ្ជាប់ ដើម្បីឃោសនារកសម្លេងគាំទ្រ គឺជាអំពើរំលោភពានលើច្បាប់វិសោធនកម្ម នៃច្បាប់ ស្តីពីគណបក្សនយោបាយ ច្បាប់បោះឆ្នោត និង បទបញ្ជា និង នីតិវីធី គជប ហើយនិងសាលដីការបស់តុលាការកំពូល។

ទី៣៖ អ្នកនយោបាយជាទណ្ឌិត ឬជាអ្នកទោសដោយមានសាលក្រមស្ថាពរ ជួយឃោសនាឱ្យបក្សភ្លើងទៀន គឺជាអំពើរំលោភបំពានលើមាត្រា ៦-ថ្មី (ពីរ) ចំណុចទី៧ នៃច្បាប់វិសោធនកម្ម នៃច្បាប់ ស្តីពីគណបក្សនយោបាយ និងសាលដីការបស់តុលាការកំពូល។

សរុបមកវិញ៖

ទី១៖ បក្សភ្លើងទៀនមិនតំណាងឱ្យ ឬជំនួសឱ្យគណបក្សសង្រ្គោះជាតិ ឡើយ។ បក្សភ្លើងទៀន ក៏ទំនងមិនតំណាងឱ្យលោក សម រង្ស៉ី ដែរ ព្រោះគាត់នៅកំពុងឱបមុខតំណែងប្រធានស្តីទី ដែលគាត់បានប្លន់យក កាលពីថ្ងៃទី២ ខែធ្នូ ឆ្នាំ២០១៨ នៅឡើយ។ កាលពីពេលថ្មីនេះ លោក សម រង្ស៉ី បាននិយាយថា គ្មានគណបក្សណា ឬអ្វីដែលគាត់អះអាងថា ជាបក្សអំពិលអំពែក មិនអាចមកជំនួសបក្សសង្រ្គោះជាតិ នៅក្នុងការបោះឆ្នោតបានឡើយ។

ទី២៖ ទោះជាយ៉ាងនេះក្តី បក្សភ្លើងទៀន នៅតែភ្ជាប់ខ្លួន និងយកឈ្មោះរបស់លោក សម រង្ស៉ី ដើម្បីទៅឃោសនារកសម្លេងឆ្នោតហើយគាត់ក៏មិនបានប្រកាសបដិសេធ និងថែមទាំងជួយឈោសនាឱ្យបក្សភ្លើងទៀន នៅលើទំព័រហ្វេសប៊ុកផ្លូវការរបស់ខ្លួន ដែលជាអំពើរំលោភពានលើមាត្រា ៦-ថ្មី (ពីរ) ចំណុចទី៦ នៃច្បាប់វិសោធនកម្ម នៃច្បាប់ ស្តីពីគណបក្សនយោបាយ។

ទី៣៖ ទាំងលោក សម រង្ស៉ី និងអ្នកនយោបាយមានទោសនៅក្រៅប្រទេសបាន និងកំពុងឃោសឱ្យបក្សភ្លើងទៀន និងការភ្ជាប់ជាមួយបក្សសង្រ្គោះជាតិដែលត្រូវបានរំលាយ មានធាតុផ្សំបទលើសគ្រប់គ្រាន់ បន្ថែមលើភស្តុតាងផ្សេងទៀតដែលមានស្រាប់ ដែលក្រសួងមហាផ្ទៃជាសាមីក្រសួងដោយផ្ទាល់នេះអាចចាត់វិធានការតាមច្បាប់ជាធរមាន ប្រសិនជាការអនុវត្តច្បាប់ត្រឹមត្រូវដោយគ្មានការរើសមុខនោះ។

នៅក្នុងអង្គសវនាការ កាលពីថ្ងៃពុធ ទី២៥ ខែឧសភា ឯកឧត្តម កឹម សុខា បានប្រកាសថា «លោកមិននៅក្បែរ និងមិនសេពគប់តទៅទៀតឡើយ ជាមួយមនុស្សដែលលោកចាត់ទុកថា នាំឱ្យខូចដល់ប្រយោជន៍ជាតិនោះទេ»។

កាលពីថ្ងៃទី២៨ ខែវិច្ឆិកា ឆ្នាំ២០២១ ឯកឧត្តម កឹម សុខា ធ្លាប់ប្រកាសជាសាធារណៈស្នើទៅលោក សម រង្ស៉ី និងក្រុមរបស់គាត់ ឱ្យបញ្ឈប់យកឈ្មោះ និងរូបថតរបស់លោកទៅប្រើប្រាស់ ដើម្បីបម្រើឱ្យមហិច្ឆតានយោបាយតទៅទៀត។ ការប្រកាសដូចនេះបានធ្វើឡើង បន្ទាប់ពីបក្សភ្លើងទៀនបានប្រកាសចាកចេញ ពីគណបក្សសង្រ្គោះជាតិ នៅថ្ងៃទី២៦ ខែវិច្ឆិកា ដើម្បីចូលរួមបោះឆ្នោត។ កន្លងមកនៅមុនលោកប្រកាសនេះ ក្រុមមេធាវី និងសហការីជិតស្និទ្ធរបស់លោកធ្លាប់បានប្រកាសជាច្រើនលើក ដោយស្នើឱ្យលោក សម រង្ស៉ី និងគូកនបញ្ឈប់ប្រើប្រាស់ឈ្មោះ រូបថត និងពាក្យស្លោក សម រង្ស៉ី - កឹម សុខា គឺជាមនុស្សតែមួយ ប៉ុន្តែលោក សម រង្ស៉ី និងគូកន នៅតែមានះមិនព្រមបញ្ឈប់។

កាលពីពេលថ្មីៗ លោក សម រង្ស៉ី បានប្រកាសថាគាត់នឹងវិលត្រឡប់ចូលកម្ពុជាវិញ នៅពាក់កណ្តាលខែមិថុនា ឆ្នាំ២០២២ ខាងមុខ បន្ទាប់ពីគាត់បានកុហកបោកប្រាស់ អំពីផែនការវិលត្រឡប់ ឬដែលហៅថា ផែនការមាតុភូមិនិវត្តន៍ ឆ្នាំ២០១៩, ឆ្នាំ២០២០ និងឆ្នាំ២០២១ រួចមក។ សម្តេច ហ៊ុន សែន ធ្លាប់បានប្រកាសជាសាធសរណៈជាច្រើនលើកថា លោកនឹងកាត់ដៃ ប្រសិនជាលោកចុះហត្ថលេខាស្នើសុំទៅអង្គព្រះមហាក្សត្រ ដើម្បីប្រោសព្រះរាជទានលើកលែងទោសឱ្យលោក សម រង្ស៉ី។ ចាំមើល តើលោក សម រង្ស៉ី ក្លាហានហ៊ានវិលចូលកម្ពុជា ដូចខ្លួនបានប្រកាស ដែរឬទេ!




វីដេអូ៖ ជោគជ័យនៃការចាក់វ៉ាក់សាំងធ្វើឱ្យកម្ពុជាលេចធ្លោលើឆាកអន្តរជាតិ

 

វីដេអូ៖ ហេតុអ្វីប្រជាពលរដ្ឋខ្មែរត្រូវ «អរគុណសន្តិភាព»

 

Thursday, May 26, 2022

វីដេអូ៖ «Covid-19 ជាវិញ្ញាសាវាស់ស្ទង់សមត្ថភាពរបស់មេដឹកនាំកម្ពុជា»

 

វីដេអូ៖ «ទស្សនៈលោក ហ៊ុន សែន ស្តីពីសិទ្ធិរស់រានមានជីវិតកំពុងមានតម្លៃក្នុងសម័យកូវីដ-១៩»

 

លិខិតមិត្តអ្នកអាន៖ លោកហ៊ុន សែន មេដឹកនាំខ្មែរ «បេះដូងមហាសមុទ្រ»

 កាលពីមុននេះ ប្រជាពលរដ្ឋខ្មែរធ្លាប់បានលឺពាក្យថា«ទីណា មានទុក្ខ មានមុខលោក ហ៊ុន សែន»។ ឥឡូវនេះ ពិភពលោកទាំងមូលក៏បានឃើញនិងបានចែក រម្លែកទស្សនៈទាននេះ ដូចគ្នាជាមួយពលរដ្ឋខ្មែរដែរពោលគឺ មិនថាតែខ្មែរទេ សូម្បីជនបរទេសណាដែលមានទុក្ខ គឺ មានមុខលោកនាយករដ្ធមន្ត្រីហ៊ុន សែន រួមសុខទុក្ខជាមួយដែរ។

ជាក់ស្តែង ក្នុងកាលៈទេសៈដែល ពិភពលោកកំពុងជ្រួលច្របល់ភ័យខ្លាច រឿងការឆ្លងវីរុស Covid-19 រហូតបង្កើតឲ្យមានការរើសអើង យ៉ាងធ្ងន់ធ្ងរ មេដឹកនាំប្រទេសកម្ពុជាឯណេះវិញ បានបង្ហាញកាយវិការជាគំរូមួយដ៏គួរឲ្យស្ញប់ស្ញែងក្រៃលែង។ ការសម្រេចចិត្តរបស់លោក នាយករដ្ឋមន្ត្រី ហ៊ុន សែន ពាក់ព័ន្ធនឹងការរាលដាលនៃវីរុស Covid-19 បានធ្វើឲ្យពិភពលោកចាត់ទុកជាគំរូ នៃការសាមគ្គីភាពនិងគំរូ នៃការប្រយុទ្ធប្រឆាំងនឹងការរើសអើង។ កាយវិការ និងសកម្មភាពក្នុងស្មារតី មនុស្សធម៍ដ៏គួរឲ្យកត់សម្គាល់របស់លោកនាយករដ្ឋមន្ត្រីកម្ពុជាមានដូចខាងក្រោម៖

ទី១៖ នៅពេលដែល បណ្តាប្រទេសនានានាំគ្នាផ្អើលនិងជ្រួលច្របល់យ៉ាងខ្លាំងព្រោះតែការភ័យខ្លាចការឆ្លងវីរុស Covid-19 ហើយនាំគ្នាចាត់វិធានការជម្លៀសពលរដ្ឋរបស់ខ្លួនចេញពីទីក្រុងវូហាន ប្រទេសចិន និងហាមជើងហោះហើរពីប្រទេសចិនចូលទឹកដីរបស់ខ្លួន នោះ នាយករដ្ឋមន្ត្រីខ្មែរ បែរជាប្រកាសមិនជម្លៀសនិស្សិតខ្មែរដែលកំពុងរៀននៅវូហានមកកម្ពុជាវិញឡើយ។ រីឯជើងហោះហើរពីគ្រប់ទិសទី រាប់ទាំងពីប្រទេសចិនផងក៍មិនត្រូវបានហាមឃាត់ឡើយលើកលែងតែជើង ហោះហើរពីវូហានដែល ភាគីចិនបានប្រកាស បិទដោយខ្លួនឯង។ ខណៈដែលមនុស្សម្នាកំពុងផ្អើលទិញម៉ាសដើម្បីពាក់រហូតធ្វើឲ្យម៉ាស់ឡើងថ្លៃកប់ពពកនោះ នាយករដ្ឋមន្ត្រីខ្មែរ បែរជាធ្វើគំរូដោយបដិសេធមិនពាក់ម៉ាស និងបានប្រាប់ទៅ ពលរដ្ឋខ្មែរថា ត្រូវប្រុងប្រយ័ត្នតែមិនបាច់ពាក់ម៉ាស់ទេបើមិនចាំបាច់។ ខណៈដែល មនុស្សម្នាក្នុងពិភពលោកនាំគ្នារើសអើងជនជាតិចិន នាយករដ្ឋមន្ត្រីខ្មែរបែរជាបង្ហាញភាពស្និទ្ធស្នាលជាមួយប្រជាជនចិនយ៉ាងខ្លាំង។ នេះជាសកម្មភាពដើម្បីបំបាត់ការភ័យខ្លាចហួសហេតុចំពោះវីរុស មួយនេះ និងម្យ៉ាងទៀតក៏ដើម្បីបង្ហាញសាមគ្គីភាពក្នុងគ្រាដ៏លំបាកដោយមិនត្រូវរត់ចោលគ្នាយក រួចខ្លួនតែឯងនោះឡើយ។

ទី២៖ ក្នុងពេលអញ្ជើញចូលរួមកិច្ចប្រជុំកំពូល ពិភពលោកនៅប្រទេសកូរ៉េខាងត្បូងកាលពីដើមខែកុម្ភៈនេះ លោកនាយក រដ្ឋមន្ត្រីក៏បានស្នើសុំភាគី ចិនទៅសួរសុខទុក្ខនិស្សិតខ្មែរនៅទីក្រុងវូហានដែលជាប្រភពនៃការផ្ទុះឡើងវីរុស Covid-19 ។ ក្រោយពីភាគីចិន បដិសេធក្រោមហេតុផល នៃការដាក់ទីក្រុងវូហានឲ្យស្ថិតនៅដាច់ពីគេដើម្បីចៀសវាងការរាលដាល នៃវីរុស នាយករដ្ឋមន្ត្រីខ្មែរក៏នៅតែព្យាយាម ទៅដល់ទីក្រុងប៉េកាំងឲ្យទាល់តែបាន ដើម្បីបង្ហាញថា វីរុស Covid-19 មិនគួរឲ្យខ្លាចពេកទេ។ ម្យ៉ាងទៀតក៏ ដើម្បីពិភាក្សាអំពី សុវត្ថិភាពរបស់និស្សិតខ្មែរ ២៣ នាក់នៅវូហានផងដែរ។ អ្វីជាការកត់សម្គាល់បំផុតនោះគឺទោះបីជាទៅដល់ទីក្រុងប៉េកាំងក៏ដោយ ក៏លោក ហ៊ុន សែននៅតែ បដិសេធមិនពាក់ម៉ាស់ និងថែមទាំងបានចាប់ដៃ នាយករដ្ឋមន្ត្រីចិន លី ឃឺឈាង ដែលទើបតែ វិលមកពីទីក្រុងវូហាន។ អត្ថន័យត្រង់នេះបាន បង្ហាញថា នៅពេលគេ នាំគ្នារត់ចេញ មេដឹកនាំខ្មែររត់ចូល។

ទី៣៖ ការទទួលឲ្យនាវា Westerdam ដែលផ្ទុកមនុស្សជាង ២២០០ នាក់ឲ្យចូលចតក្នុងកំពុងផែខេត្តព្រះសីហនុបន្ទាប់ពី នាវានេះបានរសាត់អណ្តែតគ្មានកោះត្រើយអស់រយៈពេលពីរ សប្តាហ៍ដោយសារតែការ បដិសេធពីសំណាក់បណ្តាប្រទេសនានាមិនឲ្យចូលចតក្នុងទឹកដីរបស់គេ ព្រោះតែខ្លាចឆ្លងវីរុសកាច សាហាវនោះ គឺជាភាព លេចធ្លោបំផុតរបស់មេដឹកនាំខ្មែរ។

សម្រាប់លោក នាយក រដ្ឋមន្ត្រី ហ៊ុន សែន បេះដូងមនុស្សធម៌មានទំហំធំជាងការភ័យខ្លាច និងការរើសអើង។ ក្នុងន័យនេះ មេដឹកនាំកម្ពុជា រូបនេះមិនត្រឹមតែអនុញ្ញាតឲ្យនាវាខ្នាតយក្សនេះចូលចត ប៉ុណ្ណោះទេ ប៉ុន្តែ ថែមទាំងបានទៅ ទទួលស្វាគមន៍ភ្ញៀវទេសចរទាំងនោះដល់មាត់ច្រកចេញពីនាវា ដោយបានចាប់ដៃពួកគេរហូតដល់ឱបស្វាគមន៍តាមបែបបស្ចឹមប្រទេសដោយគ្មានពាក់ម៉ាស់ទៀតផង។ កាយវិការរបស់មេដឹកនាំខ្មែររូបនេះត្រូវបានទទួលការសាទរនិងការកោតសរសើរពីប្រធានអង្គការសុខភាពពិភពលោក និងបណ្តាស្ថានទូតបរទេសដែល មានជនជាតិរបស់ខ្លួន នៅក្នុងនាវានោះយ៉ាងកក់ក្តៅហើយជាពិសេសគឺការកោតសរសើរនិងការដឹងគុណបំផុតពីសំណាក់ភ្ញៀវទេសចរនៅក្នុងនាវាតែម្តង។សារព័ត៌មានល្បីៗក្នុងពិភពលោកក៏បានចុះផ្សាយយ៉ាងព្រោងព្រាតដោយកោតសរសើរកម្ពុជាយ៉ាងខ្លាំងចំពោះទឹកចិត្តមនុស្សធម៌ដ៏ថ្លៃថ្លានេះ។

ក្នុងនាមកូនខ្មែរមួយរូប ដែលបានតាមដាន នយោបាយតាមតុកាហ្វេជាច្រើនទសវត្សរ៍ ខ្ញុំយល់ឃើញថា កាយវិការរបស់លោកហ៊ុន សែន នៅពេលនេះគឺពិតជាបាន បង្ហាញឲ្យឃើញថា លោកជាមេដឹកនាំនៃប្រទេសតូចមួយតែមានបេះដូងធំដូច មហាសមុទ្រ។ លោកជាមេដឹកនាំប្រទេសក្រីក្រមួយតែមានទឹកចិត្តមនុស្សធម៌ដ៏ជ្រាលជ្រៅក្នុងការយកអាសារ មនុស្សដូចគ្នាដោយមិនប្រកាន់ជាតិសាសន៍ ដែលប្រទេសអ្នកមានខ្លះធ្វើមិនបាន។ លោកជាមេដឹកនាំដែលហ៊ានចេញមុខធ្វើជាគំរូដើម្បីសាមគ្គីភាពនិងប្រឆាំងការរើសអើងខណៈដែល មនុស្សក្នុងពិភពលោក បច្ចុប្បន្នពោរពេញដោយភាពអាត្មានិយម ដោយគិតតែយករួចតែខ្លួនឯង ចង់អ្នកណាស្លាប់ក៏ស្លាប់ទៅ។

ប្រសិនបើយើងក្រឡេកថយក្រោយបន្តិចទៅ មើលអតីតកាលរបស់លោកនាយក រដ្ឋមន្ត្រី ហ៊ុន សែន យើងប្រាកដជាយល់យ៉ាងច្បាស់អំពី ពលិកម្មរាប់មិនអស់ដែល មេដឹកនាំរូបនេះបានធ្វើដើម្បីប្រទេសជាតិ និងប្រជាជន របស់ខ្លួន។ ខណៈដែល ពលរដ្ឋខ្មែរធ្លាក់ក្នុងកណ្តាប់ដៃពួក ប្រល័យពូជសាសន៍ខ្មែរក្រហមស្លាប់រង្គាល មាន ពលរដ្ឋខ្មែរមួយចំនួនព្យាយាមរត់គេចខ្លួនទៅក្រៅប្រទេសដើម្បីរួចផុតពីសេចក្តីស្លាប់តែខ្លួនឯងនិងក្រុមគ្រួសាររបស់ខ្លួន។ ចំណែកឯ មេដឹកនាំខ្មែរឈ្មោះហ៊ុន សែន ម្នាក់នេះក៏បានរត់ឆ្លងដែនទៅវៀតណាមដែរ ប៉ុន្តែមិនមែនដើម្បី យករួចខ្លួនតែម្នាក់ឯង នោះទេ តែគឺជា បេសកកម្មដើម្បីរំដោះប្រជាពលរដ្ឋខ្មែរទូទាំង នគរឲ្យរួចផុតពីសេចក្តី ស្លាប់។ ក្នុងដំណើររំដោះប្រទេសចេញពីរបបប្រល័យពូជសាសន៍នេះដែរ មេដឹកនាំខ្មែររូបនេះ បានឆ្លងកាត់ ១០៥ សមរភូមិប្រយុទ្ធដោយផ្ទាល់រហូតដល់ពិការភ្នែកម្ខាង។ លោក ហ៊ុន សែន ដដែលនេះក៏ធ្លាប់បាន ប្រថុយជីវិតចូលក្នុងតំបន់ដែលកាន់កាប់ដោយខ្មែរក្រហមដោយមិនខ្លាចស្លាប់ដើម្បីបុព្វហេតុ ស្វែងរកសន្តិភាព និងការ បង្រួបបង្រួមជាតិ។ ទាំងនេះគឺជាគំរូវីរភាពដែលប្រជាពលរដ្ឋខ្មែរចងចាំមិនភ្លេច។

ឥឡូវនេះ មេដឹកនាំខ្មែរដែលពោរពេញដោយបទពិសោធន៍រូបនេះក៏បាន បង្ហាញគំរូវីរភាពសម្រាប់ពិភពលោកវិញម្តងតាមរយៈកាយវិការ និងការ លះបង់ប្រកបដោយទឹកចិត្តមនុស្សធម៌យ៉ាងជ្រាលជ្រៅបំផុត។ «ជួយគ្នាក្នុងគ្រាក្រ ស្គាល់មិត្តល្អក្នុងគ្រាលំបាក»ឬ «អ្វីដែលគ្រោះថ្នាក់ ពេលនេះមិនមែនវីរុសកាចសាហាវទេ ប៉ុន្តែ គឺការភ័យខ្លាច»ឬក៏«រួមគ្នាដើម្បីពិភពលោកគ្មានការរើសអើង»។ល។ និង។ល។ សុទ្ធសឹងជាពាក្យពេចន៍ដែល លោកនាយករដ្ឋមន្ត្រីខ្មែរ បានប្រើដើម្បីបញ្ចាក់ពី ការសម្រេចចិត្តនិងសកម្មភាពរបស់ខ្លួន។

តាមរយៈការសម្រេចចិត្តនិងសកម្មភាពចុងក្រោយនេះ មេដឹកនាំកម្ពុជាបាន បង្ហាញប្រាប់ពិភពលោក នូវភាពជាគំរូដ៏លេចធ្លោបំផុតសម្រាប់ជានិម្មិតរូប នៃ«សាមគ្គីភាព» ការជួយគ្នាក្នុងគ្រាអាសន្ន និងការប្រយុទ្ធប្រឆាំងនឹងការរើសអើងដោយចាត់ទុកអាយុជីវិត មនុស្សជាសិទ្ធិដែលត្រូវតែបានគោរពមុនគេបំផុត។

តាមរយៈសកម្មភាពនេះ កម្ពុជាកំពុងត្រូវបាន ពិភពលោកកោតសរសើរស្ញប់ស្ញែង។ ពិភពលោកក៍កំពុងមើល មកកម្ពុជាថា ជាប្រទេសតូចតែមានមេដឹកនាំមាន បេះដូងធំដូច មហាសមុទ្រ។
ក្នុងនាមកូនខ្មែរ យើងពិតជាមានមោទនភាព ចំពោះមេដឹកនាំរបស់យើងដែលមិនត្រឹមតែនាំសេចក្តីសុខដល់យើងប៉ុណ្ណោះទេ តែក៏កំពុងសាបព្រួសវប្បធម៌សន្តិភាពដែលជាប្រភពនៃសេចក្តីសុខដល់មនុស្សទូទាំងពិភពលោកផងដែរ៕

ដោយ៖ អ្នកតាមដាន នយោបាយតុកាហ្វេ