Friday, March 31, 2017

រដ្ឋមន្ត្រី​ក្រសួង​ការបរទេសក​ម្ពុជាទទួល​ជួបពិភាក្សា​ការងារជាមួយអ​នុរដ្ឋមន្ត្រីកា​របរទេ​សរុស្ស៊ី

ភ្នំពេញ៖ លោក ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិនៃប្រទេសកម្ពុជា នៅថ្ងៃទី៣០ ខែមីនា ឆ្នាំ២០១៧ បានទទួលជួបពិភាក្សាការងារជាមួយលោក Igor Morgulov អនុរដ្ឋមន្ត្រីការបរទេសរុស្ស៊ី នាទីស្តីការក្រសួងការបរទេសរាជធានីភ្នំពេញ។
ក្រោយបញ្ចប់ជំនួប លោក អ៊ុច បូរិទ្ធ រដ្ឋលេខាធិការក្រសួងការបរទេសកម្ពុជាបានឱ្យដឹងថា កិច្ចប្រជុំនេះគឺជាការពិគ្រោះផ្នែកនយោបាយរវាងក្រសួងការបរទេសនៃប្រទេសទាំងពីរ ក្រោមក្របខណ្ឌនៃអនុស្សារណៈដែលបានចុះហត្ថលេខា កាលពីឆ្នាំ២០១៥ ។ ភាគីកម្ពុជាបានរៀបរាប់ពីស្ថានភាពនយោបាយនៅកម្ពុជាជាពិសេសការត្រៀមរៀបចំការបោះឆ្នោតឃុំសង្កាត់ នាពេលខាងមុខ ហើយក៏លើកឡើងពីការរីកចម្រើនរបស់កម្ពុជា ជាពិសេសខាងវិស័យសេដ្ឋកិច្ច ព្រមទាំងជជែកអំពីទំនាក់ទំនងដ៏ល្អរវាងប្រទេសកម្ពុជានិងរុស្ស៊ី ដោយគូសបញ្ជាក់ពីការរៀបចំពិធីរម្លឹកខួបអនុស្សាវរីយ៍លើកទី៦០នៃទំនាក់ទំនងការទូតរវាងកម្ពុជានិងរុស្ស៊ី។

សូមជម្រាបផងដែរថា កិច្ចពិភាក្សាបានផ្តោតសំខាន់លើការពង្រឹងនិងពង្រីកកិច្ចសហប្រតិបត្តិការលើគ្រប់វិស័យ ជាពិសេសតាមដានចំពោះការអនុវត្តលើឯកសារចំនួន២៣ ដែលកម្ពុជានិងរុស្ស៊ីបានចុះកិច្ចព្រមព្រៀងរួចមកហើយនោះ ដោយក្នុងនោះ ភាគីទាំងពីរបានសង្កេតឃើញថា មានការអនុវត្តល្អប្រសើរ។ លោកបានរម្លឹកថា ឯកសារទាំងនេះត្រូវបានចុះហត្ថលេខាក្នុងពេល លោករដ្ឋមន្ត្រីកម្ពុជាអញ្ជើញទៅបំពេញទស្សននៅរុស្ស៊ី និងនាយករដ្ឋមន្ត្រីរុស្ស៊ីអញ្ជើញមកបំពេញទស្សនកិច្ចនៅកម្ពុជា នៅចន្លោះពីឆ្នាំ២០១៥ ដល់ ២០១៦។
លោក អ៊ុច បូរិទ្ធ បានបន្តទៀតថា កម្ពុជា និងរុស្ស៊ីក៏ត្រៀមនឹងចុះហត្ថលេខាលើឯកសារចំនួន៨បន្ថែមទៀតផងដែរ ពោលគឺក្នុងឱកាសកិច្ចប្រជុំលើកទី១០នៃគណកម្មាធិការអន្តររដ្ឋាភិបាលកម្ពុជា-រុស្ស៊ី នៅក្នុងខែកក្តដា ឬខែសីហា ២០១៧ នៅក្រុងមូស្គូ ដោយរួមមានដូចជា អនុស្សារណៈស្តីពីកិច្ចសហប្រតិបត្តិការប្រយុទ្ធប្រឆាំងគ្រឿងញៀន ក្នុងវិស័យយុវជនការការពារបរិស្ថាននិងការគ្រប់គ្រងធនធានធម្មជាតិ ការប្រើប្រាស់ថាមពលអាតូមិកដើម្បីទិសដៅសន្តិភាព ខាងផ្នែកយោធា ការការពារកម្មសិទ្ធិបញ្ញា និង ស្តីពីពិធីសារក្នុងកិច្ចសហការរវាងក្រសួងការបរទេសកម្ពុជា-រុស្ស៊ី ប៉ុន្តែចំនួនឯកសានៃការចុះហត្ថលេខាអាចនឹងមានបន្ថែមទៀត ដោយពេលនេះកំពុងតែពិភាក្សាបន្ត។
ក្នុងជំនួបនោះ ភាគីកម្ពុជាបានស្នើឱ្យភាគីរុស្ស៊ីពិនិត្យលទ្ធភាពក្នុងជួយជំរុញការវិនិយោគដើម្បីកែលម្អ ឡើងវិញ នូវមន្ទីរពេទ្យខ្មែរ-សូវៀត (ពេទ្យរុស្ស៊ី) នៅរាជធានីភ្នំពេញ ដែលជានិមិត្តរូបនៃចំណងមិត្តភាពរវាងប្រទេសទាំងពីរ កែលម្អគឺសំដៅលើការអភិវឌ្ឍទាំងផ្នែកបច្ចេកទេសព្យាបាល និង ធនធានវេជ្ជបណ្ឌិតជាដើមដោយភាគីរុស្ស៊ីបញ្ជាក់ថា រីករាយក្នុងការជំរុញការងារនេះ៕



រដ្ឋមន្ត្រី​ក្រសួងសុខា​ភិបាល​កម្ពុជា​ប្រកាស​បើក​សន្និបាត​ការងារកំចាត់​រោគរ​បេង ​ឆ្នាំ២០១៦ ទូទាំងប្រទេសលើកទី២២

ភ្នំពេញ៖ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល នៅថ្ងៃទី ៣០ មីនា ២០១៧នេះ បានអញ្ជើញជាអធិបតីភាពក្នុងពិធីប្រកាសបើកសន្និបាតការងារកំចាត់រោគរបេង ឆ្នាំ២០១៦ ទូទាំងប្រទេសលើកទី២២ នាទីស្តីការក្រសួងសុខាភិបាល ដោយមានការចូលរួមពីតំណាងក្រសួងមន្ទីរពាក់ព័ន្ធ តំណាងអាជ្ញាធរដែនដីរាជធានី-ខេត្ត មន្ទីរសុខាភិបាលខេត្ត និងមន្ត្រីសុខាភិបាលសរុបចំនួនប្រហែល ៤០០ នាក់។
លោករដ្ឋមន្ត្រីបានជំរុញឱ្យមន្ត្រីសុខាភិបាល គ្រប់ជាន់ថ្នាក់ចុះធ្វើការងារស្រាវជ្រាវ សកម្មរកអ្នកជំងឺរបេង ឱ្យឃើញអស់នៅតាមសហគមន៍ ហើយសូមឱ្យទីប្រឹក្សា ឬជំនាញការបរទេស ជួយធ្វើការងារនៅតាមមូលដ្ឋាន ជាជាងការផ្តល់យោបល់ច្រើន ដែលមិនបានដឹងពិតប្រាកដថា មានកិច្ចការអ្វីខ្លះ ដែលចាំបាច់ត្រូវធ្វើនៅមូលដ្ឋាន។ លោកក៏បានផ្តល់អនុសាសន៍ណែនាំសម្រាប់ការអនុវត្ត ការសម្រេចបាននូវគោលដៅសហសវត្សរ៍ក្នុងការប្រយុទ្ធនឹងជំងឺរបេង តែត្រូវបន្តការខិតខំបន្ថែមទៀត ក្នុងការលុបបំបាត់ជំងឺរបេងនៅឆ្នាំ២០៣០។ ការអប់រំអំពីវិធានការពារជំងឺរបេង និងត្រូវចុះស្រាវជ្រាវសកម្ម រកអ្នកជំងឺរបេងនៅតាមសហគមន៍ និងទីប្រមូលផ្តុំប្រជាជនដូចជាវត្តអារ៉ាម និងរោងចក្រសហគ្រាសជាដើម ដើម្បីធ្វើរោគវិនិឆ្ឆ័យឱ្យបានលឿន ហើយក៏ឆាប់ទទួលបានការព្យាបាលរហ័ស ហើយក៏កាត់បន្ថយការចម្លងរបេងបានល្អ ។ ការងារកម្ចាត់រោគរបេង ជាកិច្ចការដែលត្រូវចុះដល់មូលដ្ឋាន និងសកម្មរស់រវើក ដើម្បីកាត់បន្ថយអត្រាឈឺ និងស្លាប់ឲ្យបានមុនឆ្នាំ២០៣០។
គួរកត់សម្គាល់ថា រាជរដ្ឋាភិបាលបានកម្ពុជា បានបន្ថែមថវិកា នៅតាមមូលដ្ឋានសុខាភិបាលសាធារណៈ ដែលអាចឱ្យយើងជំរុញការងាររកអ្នកជំងឺ និងព្យាបាលរបេង កាន់តែសកម្មថែមទៀត។
លោករដ្ឋមន្ត្រី បានមានប្រសាសន៍ថា មន្ទីរសុខាភិបាលរាជធានី ខេត្ត ត្រូវតែរស់រវើក មិនត្រូវរងចាំថ្នាក់ជាតិទៀតទេ ហើយធ្វើផែនការសកម្មភាពឲ្យបានច្បាស់លាស់ តាមបែបបទវិមជ្ឈការនិងសហវិមជ្ឍការរបស់រាជរដ្ឋាភិបាល។ សំដែងការកោតសរសើរ ដល់គ្រូពេទ្យដែលបម្រើការផ្តល់សេវា នៅតាមមូលដ្ឋានសុខាភិបាលសាធារណៈ និងលើកទឹកចិត្តឲ្យនិសិត្សឯកទេស នៅសាកលវិទ្យាល័យ ចូលរួមសកម្មភាពស្វែងរកអ្នកជំងឺរបេង នៅតាមមូលដ្ឋានរបស់យើង បើឃើញហើយផ្តល់ថ្នាំឱ្យគាត់លេបភ្លាមៗ។
លោកម៉ម ប៊ុមហេង បានស្នើឱ្យតាមដានការព្យាបាលអ្នកជំងឺរបេង ចៀសវាងបញ្ហាស៊ាំឱសថរបេង និងអប់រំពីរបៀបព្យាបាលព្រមទាំងតាមដានការលេបថ្នាំរបស់អ្នកជំងឺនិង សូមអំពាវនាវឲ្យអាជ្ញាធរមូលដ្ឋាន ជួយពិនិត្យកន្លែងផលិតស្រាដែលធ្វើឲ្យពុល ដែលធ្លាប់កើតមានកន្លងមក និងអប់រំជំរុញការអនុវត្តអនាម័យចំណីអាហារល្អ ចៀសវាងការពុលចំណីអាហារ។ ប្រើប្រាស់មូលនិធិសមធម៌ ដើម្បីជួយដល់ប្រាជនក្រីក្រ ក្នុងការផ្តល់សេវាពិនិត្យនិងព្យាបាលជំងឺ បើគ្មានមូលនិធិសមធម៌ទេនោះ ហើយជាជនក្រីក្រមែននោះ គឺត្រូវលើកលែងការបង់ថ្លៃ៕


លោក យឹម សុវណ្ណ ផ្ញើលិខិតជូនលោក ឧបនាយករដ្ឋមន្ត្រី ស ខេង ស្តីអំពីការរៀបចំកែសម្រួលរបស់ CNRP ក្រោយពេលដែលលក្ខន្តិកៈគណបក្សត្រូវបានក្រសួងមហាផ្ទៃទទួលស្គាល់

យោងលើលិខិតមួយច្បាប់របស់ លោក យឹម សុវណ្ណ តំណាងគណបក្សសង្គ្រោះជាតិ ផ្ញើជូន លោក ឧបនាយករដ្ឋមន្ត្រី ស ខេង គណបក្សសង្គ្រោះជាតិបានបញ្ជាក់ថា គណបក្សខ្លួនបានផ្ញើជូននូវលក្ខន្តិកៈដែលបានធ្វើវិសោធនកម្មដោយសមាជវិសាមញ្ញលើប្រការ ៤៥ និងប្រការ ៤៧ កាលពីថ្ងៃទី០២ ខែមីនា កន្លងមក ជូនទៅលោកឧបនាយករដ្ឋមន្ត្រី ស ខេង រួចហើយ នេះបើយោងតាមលិខិតដែលចុះថ្ងៃទី៣០ ខែមីនា ឆ្នាំ២០១៧ ដែលចុះហត្ថលេខាដោយលោក យឹម សុវណ្ណ ប្រធានគណៈកម្មាធិការប្រតិបត្តិគណបក្សសង្គ្រោះជាតិ។
លោក យឹម សុវណ្ណ បានបន្ថែមទៀតថា ចំពោះករណីដែលក្រសួងមហាផ្ទៃមិនទាន់យល់ស្របគ្នា គណបក្សសង្គ្រោះជាតិ នឹងរៀបចំកែសម្រួលក្រោយពេលលក្ខន្តិកៈគណបក្សត្រូវបានទទួលស្គាល់ដោយក្រសួងមហាផ្ទៃ។

សូមអានខ្លឹមសារលិខិតរបស់លោក យឹម សុវណ្ណ៖





លោក ហ៊ុន សែន ផ្ញើសារជូនពរប្រជាពលរដ្ឋក្នុងឪកាសចូលឆ្នាំ និងអំពាវនាវឱ្យប្រជាពររដ្ឋទៅចូលរួមបោះឆ្នោតឃុំសង្កាត់កុំបីខាន

នៅថ្ងៃទី៣១ ខែមីនា ឆ្នាំ២០១៧នេះ ទំព័រហ្វេសប៊ុករបស់លោកនាយករដ្ឋមន្រ្ដី ហ៊ុន សែន បានសរសេរសារខ្លីមួយដែលទាក់ទងនឹងការចូលរួមបោះឆ្នោតឃុំសង្កាត់នាពេលខាងមុខនេះ និងការជូនពរក្នុងរដូវចូលឆ្នាំខាងមុននេះ ដែលខាងក្រោមនេះជាសាររបស់លោក៖
រដូវចូលឆ្នាំគឺកាន់តែខិតចូលមកកៀកហើយ ទន្ទឹមនឹងការបោះឆ្នោតឃុំសង្កាត់ ក៏នៅមិនឆ្ងាយប៉ុន្មានដែរ។ ប្រទេសជាតិយើងក៏កាន់តែរីកចម្រើនទៅមុខពីមួយថ្ងៃទៅមួយថ្ងៃ រួមជាមួយកំណើនសេដ្ឋកិច្ច ៧.៧% ដែលធ្វើឱ្យកម្ពុជាបានងើបស្មើមុខមាត់ជាមួយអន្តរជាតិ។
ប្រទេសជាតិរីកចម្រើនទៅបាន ព្រោះយើងមានប្រជាពលរដ្ឋដែលមានការយល់ដឹង ហើយបានខិតខំចូលរួមយ៉ាងសស្រាក់សស្រាំជាមួយរាជរដ្ឋាភិបាល ជាពិសេសគឺការចូលរួមថែរក្សា ការពារសន្តិភាពដែលជាកត្តាដ៏សំខាន់បំផុតសម្រាប់កម្ពុជាយើង។ សូមប្រជាពលរដ្ឋ និងយុវជនដែលបានចុះឈ្មោះបោះឆ្នោត ហើយត្រៀមខ្លួនក្នុងការចូលរួមបោះឆ្នោតឃុំសង្កាត់នៅថ្ងៃទី ៤ ខែ មិថុនា ឆ្នាំ ២០១៧ នេះកុំបីខាន។

សូមជូនពរបងប្អូនប្រជាពលរដ្ឋជួបតែសេចក្តីសុខ និងសំណាងល្អគ្រប់ៗគ្នា ជាពិសេសនៅក្នុងបុណ្យចូលឆ្នាំថ្មី ប្រពៃណីជាតិខាងមុខនេះ៕


ទស្សនៈ៖ ផឹក​កាហ្វេបំបាត់​ការឈឺ​ចាប់​វគ្គ​៥​

វគ្គនេះមុននឹងចាប់ផ្ដើមបរិយាយបន្ត អា សម សូមសរសើរដល់វីរភាពបង យឹម សុវណ្ណ អ្នកស្មោះស្ម័គ្រឯកឧត្តមប្រធានដែលបានចេញមុខការពារបេក្ខភាពក្រុមប្រឹក្សារបស់បក្សយើង មិនឱ្យគេរុះរើបានដោយស្រួលនោះទេ។
អា សម ឮថារាល់ថ្ងៃបង សុវណ្ណ វិលមុខចង់វង្វេងដោយសារខំប្រឹងការពារកម្លាំងចាស់របស់ឯកឧត្តមប្រធាន ដែលបច្ចុប្បន្នក្រុមលោកប្រធាន កឹម សុខា កំពុងយកលេសដោះដូរគ្រប់ឃុំ អា សម ខ្ញុំអាណិតបង សុវណ្ណ មានតែសរសេរសាច់រឿងការពិតឱ្យបងប្អូនយើងតស៊ូកុំបាក់ទឹកចិត្ត កុំឱ្យក្រុមខាងគេដែលកំពុងឡើងចាងបានចិត្តធ្វើអីមិនគិតដល់អារម្មណ៍បងប្អូនយើង។ ម្ដងម្នាក់ទេអាក្អូន អែងចាំមើល ឱ្យតែឯកឧត្តមប្រធានមកកាន់តំណែងវិញ ក្រុមអាអែបអបអស់អែងត្រៀមបង្វិចឱ្យហើយទៅ។ អា សម ឆ្ងល់ដែរកម្លាំងយើងពីមុនច្រើនណាស់ដល់ពេលក្រុមគេមានអំណាច លែងឃើញមានអ្នកខ្លាំងណាចេញមុខមកការពារគ្នាសោះ មានតែបង សុវណ្ណ ម្នាក់ឯងរត់ចង់អង្វែង ហើយជាក់ស្ដែងករណីនៅខេត្តមួយចំនួនដូចជា៖
១-នៅភ្នំពេញនេះ បងស្រីម្នាក់ទាក់ទងមកបង សុវណ្ណ រហូតរឿងក្រុម សួន រីដា ដកគាត់ចេញពីមុនគាត់គឺជាក្រុមប្រឹក្សាចាស់ តែដល់ពេលបិទបញ្ជីដំបូងគេរុញគាត់ដល់លេខ៧ លេខដែលមិនអាចជាប់បាន ហើយបងស្រីគាត់ខឹងខ្លាំងណាស់ អន់ចិត្តត្រង់ប្រឹងមកយូរហើយ ចុងក្រោយចាញ់បោកគេ។ គាត់រត់មករកបង សុវណ្ណ ឱ្យជួយ តែវាយឺតពេលអស់ហើយ ព្រោះគេបិទបញ្ជីតែរឿងហួសចិត្តរឿងហ្នឹង បង សុវណ្ណ ធ្លាប់ប្រាប់ខាងក្រុមប្រតិបត្តិឱ្យដោះស្រាយ តែក្រុមហ្នឹងអាងខ្នង សួន រីដា មិនខ្វល់អីទាំងអស់ ដល់ចឹងទៅបង សុវណ្ណ ប្រាប់បងស្រីឱ្យទ្រាំសិនទៅ ព្រោះគាត់មិនដឹងត្រូវធ្វើយ៉ាងណាដែរឥឡូវហ្នឹង។
២-ចំណែកឯនៅស្វាយរៀងក៏មិនធម្មតាដែរ ជំទប់ឃុំត្រពាំងស្តៅ ស្រុករមាសហែក បានត្អូញត្អែរប្រាប់បង យឹម សុវណ្ណ ថាស្រុករមាសហែក ខេត្តស្វាយរៀង មានបេក្ខភាពក្រុមប្រឹក្សាជាច្រើនចង់ធ្វើបក្សប្រហារ ព្រោះតែមានការដកជំទប់ទៅបោះចោលអស់រលីងហើយ ដោយសារការបោះឆ្នោតមានភាពមិនប្រក្រតី។ ហើយអ្នកដែលបង្កភាពមិនប្រក្រតី គឺក្រុមលោកប្រធាន កឹម សុខា តែម្ដង បងប្រុសម្នាក់នោះបញ្ជាក់ថា ខ្លួនបានដាក់ពាក្យបណ្តឹង ៣ដងហើយ ប៉ុន្តែរហូតមកពេលនេះមិនមានដំណោះស្រាយនោះទេ ដោយក្រុមលោកប្រធាន កឹម សុខា លួចស៊ីលុយរាប់ពាន់ដុល្លារស្ងាត់ៗ មិនព្រមដោះស្រាយ។ មិនតែប៉ុណ្ណោះ ខ្លួនគេបានដាក់ញត្តិមានស្នាមមេដៃ ៣០០-៤០០នាក់ ទៅឱ្យខេត្ត ប៉ុន្តែលទ្ធផលមិនមានការដោះស្រាយនោះដែរ ។ បងប្រុសនោះបន្ថែមទៀតថា ខ្លួនធ្លាប់បានទូរសព្ទទៅជំទប់ទី១ ឱ្យរាយការណ៍ប្រាប់បង យឹម សុវណ្ណ ថា ម៉ៅ វិបុល បានរៀបចំគម្រោងបោះឆ្នោតនៅឃុំត្រពាំងស្តៅ ដើម្បីទម្លាក់ជំទប់ចោលទាំងអស់ ទង្វើនេះមិនត្រឹមត្រូវ និងមិនយុត្តិធម៌នោះទេ ព្រោះនៅមូលដ្ឋានសកម្មជនមានការស្រុះស្រួលគ្នាល្អប្រសើរណាស់ ប៉ុន្តែក្រុមលោកប្រធានថ្មី បែរជាមិនយល់ពីជម្រៅចិត្តរបស់មូលដ្ឋានច្បាស់លាស់ ទើបធ្វើឱ្យមានផលប៉ះពាល់ខ្លាំង។ គ្រានោះបង យឹម សុវណ្ណ គ្មានពាក្យនិយាយ ក្រៅតែពោលថាខ្លួនក៏មានការពិបាក និងតឹងចិត្តដែរ ហើយលទ្ធផលបោះឆ្នោតក៏បានចេញរួច គ.ជ.ប ក៏បានបិទបញ្ជីថែមទៀត មិនដឹងដោះស្រាយផ្លូវណា។
កាន់តែនិយាយរឹតតែក្ដៅចិត្ត មនុស្សមួយគំនរ បែរជាទុកការងារឱ្យធ្លាក់លើបង សុវណ្ណ អ្នកទូលតែម្នាក់ឯង តើនៅសង្ឃឹមអីទៅប្រជែងជាមួយបក្សប្រជាជនកម្ពុជាទៅលោកអើយ៕
ដោយ៖ ស៊ុត សម



ក្នុងត្រីមាសទី០១នេះ អាជ្ញាធរជាតិអប្សរាបានអនុញ្ញាតសំណើសុំសាងសង់សំណង់តូចតាចនិងជួសជុលផ្ទះ ជូនអ្នកស្រុកអង្គរជាង១២០ករណី

អង្គរជាតំបន់បេតិកភណ្ឌវប្បធម៌ពិភពលោក ហើយក៏ជាតំបន់ដែលរក្សានូវទំនៀមទម្លាប់ប្រពៃណីផ្ទាល់របស់អ្នកស្រុក ព្រមទាំងជាតំបន់ដែលគ្របដណ្តប់ដោយព្រៃព្រឹក្សា ស្ទឹង បឹងបួ និងសម្បត្តិធម្មជាតិដ៏ល្អប្រពៃ។ការធ្វើឲ្យមានសុខដុមនីយកម្មនឹងគ្នា អាជ្ញាធរជាតិអប្សរាតែងប្រកាន់ភ្ជាប់នូវគោលការណ៍អភិរក្សដើម្បីអភិវឌ្ឍន៍ អភិវឌ្ឍន៍ដើម្បីអភិរក្សដោយឈរលើមូលដ្ឋានអភិវឌ្ឍន៍ស៊ីសង្វាក់គ្នារវាងធម្មជាតិ ប្រាង្គប្រាសាទនិងអ្នកស្រុក ពោលគឺរវាង បរិស្ថាន វប្បធម៌ និងសហគមន៍ដើម្បីធានាបាននូវការអភិវឌ្ឍប្រកបដោយនិរន្តរភាពសម្រាប់អ្នកជំនាន់ក្រោយតាមរយៈសកម្មភាពអភិវឌ្ឃន៍តំបន់ដោយសហការជិតស្និទ្ធជាមួយស្ថាប័នជាតិ-អន្តរជាតិ អាជ្ញាធរពាក់ព័ន្ធនានានិងជាមួយប្រជាពលរដ្ឋ។
តាមរយៈសកម្មភាពខិតខំប្រឹងប្រែងរបស់អាជ្ញាធរជាតិអប្សរាទាំងអស់នេះ បានធ្វើឲ្យតំបន់អង្គរក្លាយទៅជាគំរូក្នុងការគ្រប់គ្រង អភិរក្សនិងអភិវឌ្ឍន៍សម្រាប់ប្រជាជាតិដទៃទៀតលើសកលលោក ហើយជាងនេះទៅទៀត វាក៏បានជួយលើកតម្កើនតម្លៃអង្គរឲ្យកាន់តែលេចធ្លោឡើងជាសកលថែមទៀត និងបានក្លាយទៅជាកម្លាំងចលករយ៉ាងសំខាន់ក្នុងការទាក់ទាញភ្ញៀវទេសចរចម្រុះជាតិសាសន៍ ឲ្យមកទស្សនារមណីយដ្ឋានអង្គរកាន់តែច្រើនឡើងជារៀងរាល់ឆ្នាំ ។ក្នុងបរិបទនេះហើយបានជាអាជ្ញាធរជាតិអប្សរាត្រូវតែឆ្លើយតបនឹងតម្រូវការជាក់ស្តែងរបស់ប្រជាពលរដ្ឋ ដែលស្នើសុំសាងសង់សំណង់តូចតាច និងអនុញ្ញាតជូនពួកគាត់ភ្លាមៗនៅនឹងកន្លែង ដើម្បីជួយសម្រួលដល់ពេលវេលា និងការធ្វើដំណើររបស់ពួកគាត់។
ទន្ទឹមគ្នានេះដែរ អាជ្ញាធរជាតិអប្សរាក៏បានចុះផ្សព្វផ្សាយ និងបញ្ជ្រាបចំណេះដឹងស្តីពីបេតិកភណ្ឌដល់ប្រជាពលរដ្ឋឲ្យពួកគាត់បានយល់សំដៅធ្វើយ៉ាងណាដើម្បីឲ្យបេតិកភណ្ឌនេះគង់វង្សដល់កូនចៅជំនាន់ក្រោយ។ លើសពីនេះទៀត ក្រុមការងារសហគមន៍ក៏ជាក្រុមជួយសង្គ្រោះបន្ទាន់ ក្នុងករណីគ្រោះថ្នាក់ធម្មជាតិដែលកើតមានឡើងចំពោះប្រជាពលរដ្ឋក្នុងតំបន់អង្គរ កិច្ចការសង្គម កិច្ចការសាសនា និងលើកកម្ពស់សុខុមាលភាពប្រជាពលរដ្ឋ ដែលរស់នៅក្នុងតំបន់នេះតាមរយៈនាំយកកញ្ចប់ទ្រទ្រង់សុខុមាលភាពម្តាយនិងទារកចែកជូនដល់ស្រ្តីទើបឆ្លងទន្លេជាដើម។
អឿន សំអុន អនុប្រធានលេខាធិការដ្ឋានសហគមន៍នៃអាជ្ញាធរជាតិអប្សរាបានលើកឡើងថាក្នុងខែមីនានេះ ក្រុមការងារសហគមន៍នៃអាជ្ញាធរជាតិអប្សរាបានចុះពិនិត្យ និងអនុញ្ញាតសំណើសុំសាងសង់សំណង់តូចតាចនិងជួសជុលផ្ទះជូនប្រជាពលរដ្ឋដល់មូលដ្ឋានផ្ទាល់បានចំនួន១២១ករណី និងចែកកញ្ចប់ទ្រទ្រង់សុខុមាលភាពម្តាយនិងទារកជូនដល់ស្រ្តីទើបឆ្លងទន្លេរួចចំនួន៣៩៩គ្រួសារ។ ជាមួយគ្នានេះដែរ ក្រុមការងារនេះក៏បានអប់រំផ្សព្វផ្សាយ និងបញ្ជ្រាបការយល់ដឹងស្តីពីបេតិកភណ្ឌដល់ប្រជាពលរដ្ឋដល់ប្រជាពលរដ្ឋបានចំនួន១០ភូមិ ដែលមានប្រជាពលរដ្ឋចូលរួមចំនួន៥៩៤នាក់ ដើម្បីឲ្យពួកគាត់ចូលរួមជួយក្នុងកិច្ចការថែរក្សា ការពារ និងអភិរក្សសម្បត្តិបេតិកភណ្ឌ។

ក្រៅពីនេះ ក្រុមការងារសហគមន៍នៃអាជ្ញាធរជាតិអប្សរាក៏បានចុះសាកសួរសុខទុក្ខប្រជាពលរដ្ឋ ដោយនាំយកថវិការបស់អាជ្ញាធរជាតិអប្សរាចំនួន២លានរៀល ទៅឧបត្ថម្ភលោក ឈួន ឯម មេឃុំស្វាយចេកដែលរងគ្រោះដោយភ្លើងឆេះផ្ទះ , ថវិកាចំនួន១លានរៀលទៅឧបត្ថម្ភការសាងសង់សាលាឆទាននៅឃុំបាគង, ស័ង្កសីចំនួន២០ជួយជនក្រីក្រនិងបច្ច័យចំនួន ២ ៥៣៥ ០០០ រៀលទៀត ទៅចូលរួមពិធីបុណ្យឆ្លងកុដិថ្មីនៅវត្តរុន ឃុំរុនតាឯក ស្រុកបន្ទាយស្រី ខេត្តសៀមរាបផងដែរ៕





លោក ហេង សំរិន អនុញ្ញាតអនុប្រធានសភាប្រជាជនចិន ចូលជួបពិភាក្សាការងារ

ភ្នំពេញ៖ លោក ហេង សំរិន ប្រធានរដ្ឋសភាកម្ពុជា នៅព្រឹក ថ្ងៃទី៣១ ខែមីនា ឆ្នាំ២០១៧នេះ បានទទួលជួប លោក ឆិន ចាងហ្ស៊ី (MR. Chen Changzhi) អនុប្រធានសភាតំណាងប្រជាជនចិន នៅវិមានរដ្ឋសភា។
លោក ឆិន ចាងហ្ស៊ី ពេលនេះ កំពុងដឹកនាំគណៈប្រតិភូមួយចំនួន មកបំពេញទស្សនកិច្ចនៅកម្ពុជា ដើម្បីរឹតចំណងកិច្ចសហប្រតិបត្តិការ និងទំនាក់ទំនងការទូតរវាងសភាប្រទេសទាំងពីរ ក៏ដូចជារឹតចំណង កិច្ចសហប្រតិបត្តិការរបស់ប្រទេសទាំងពីរផងដែរ៕

សមាជិកសភាថ្មី ជំនួសលោកឧបនាយករដ្ឋមន្ត្រី សុខ អាន ជានរណា?

 លោក ជា វ៉ាន់ដេត ជានរណា?​
លោក ជា វ៉ាន់​ដេត អាយុ៤៦ឆ្នាំ បានទទួលសញ្ញាបត្រថ្នាក់បណ្ឌិតវិទ្យាសាស្រ្តសេដ្ឋកិច្ច មកពីប្រទេសរុស្សី (អតីតសហភាពសូវៀត) នៅឆ្នាំ ១៩៩៧ ហើយនៅឆ្នាំ២០១៥ កន្លងទៅនេះ លោកបានបន្តយកបរិញ្ញាប័ត្រជាន់ខ្ពស់ផ្នែកធុរកិច្ចមួយទៀត ពីសាកលវិទ្យាល័យ NTU នៅសឹង្ហបុរី សហការជាមួយសាកលវិទ្យាល័យ UC Berkeley នៅសហរដ្ឋ​អាមេរិក។
ក្រោយពីត្រឡប់មកកម្ពុជាវិញនៅឆ្នាំ១៩៩៧ ពីប្រទេសរុស្សី លោក ជា វ៉ាន់ដេត បានឆ្លៀតពេលធ្វើជាសាស្រ្តាចារ្យបង្រៀនមុខវិជ្ជាសេដ្ឋកិច្ច នៅសាកលវិទ្យាល័យមួយនៅទីក្រុងភ្នំពេញអស់រយ:ពេល៥ឆ្នាំ រហូតដល់ឆ្នាំ ២០០២ ។
ទន្ទឹមពេលជាមួយនឹងការបង្រៀនដល់និស្សិតខ្មែរ លោក វ៉ាន់ដេត បានចូលបម្រើការនៅ ទីស្តីការគណៈរដ្ឋមន្រ្តី ដោយផ្តើមការងារជាសមាជិក​ក្រុមជំនួយការ របស់លោក សុខ អាន ដែលពេលនោះ លោកជាសហរដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី ។
បន្ទាប់ពីធ្វើការនៅទីស្តីការបាន២ឆ្នាំ លោក វ៉ាន់ដេត ទទួលបានតួនាទីជាប្រធានការិយាល័យសេដ្ឋកិច្ច នៃនាយកដ្ឋានទំនាក់ទំនងអន្តរជាតិ នៅទីស្តីការគណៈរដ្ឋមន្រ្តី ហើយបន្ទាប់មកទៀតជាអនុប្រធាននាយកដ្ឋាន រួចជាប្រធានខុទ្ទកាល័យរបស់ឧបនាយករដ្ឋមន្រ្តី សុខ អាន និងចុង​ក្រោយជាទីប្រឹក្សារាជរដ្ឋាភិបាលចាប់ពីឆ្នាំ២០១៣ រហូតដល់ពេលក្លាយជាតំណាងរាស្រ្ត ។ លោក វ៉ាន់ដេត ក៏ជាសមាជិកគណៈ​កម្មាធិការកណ្តាល របស់គណបក្សប្រជាជន។
លោក វ៉ាន់ដេត ត្រូវបានសហការីវាយតម្លៃខ្ពស់ចំពោះស្នាដៃ និងការចូលរួមធ្វើកិច្ចការជាច្រើននៅទីស្តីការគណរដ្ឋមន្រ្តី ក្នុងនោះរួមទាំងការដឹកនាំ ក្រុមការងារតាក់តែងសៀវភៅស ស្តីពីការបោះឆ្នោតសាកលជ្រើសរើសតំណាងរាស្រ្តអាណត្តិទី៥ និងដឹកនាំបកប្រែសាលដីកាតុលាការ ក្រុងឡាអេ ស្តីពីជម្លោះប្រាសាទព្រះវិហារមកជាភាសាខ្មែរដើម្បីធ្វើការផ្សព្វផ្សាយ។
ទាក់ទងនឹងវិស័យអប់រំវិញ លោក វ៉ាន់ដេត តែងតំណាលប្រាប់មិត្តភ័ក្រ្ត​ថា លោកត្រូវតបស្នងសងគុណដល់សង្គមជាតិវិញ ជាពិសេស សម័យរដ្ឋកម្ពុជា ដែលដឹកនាំដោយសម្តេចតេជោ ហ៊ុន សែន និង អ្នកដែលបញ្ជូនរូបលោកទៅសិក្សានៅក្រៅប្រទេស។ ដោយសារឆន្ទៈនេះហើយ ទើបលោកសម្រេចចិត្តបង្កើតសាកលវិទ្យាល័យអាមេរិកាំងភ្នំពេញ (AUPP) ជាសាកលវិទ្យាល័យមួយដែលមានគុណភាពខ្ពស់ ស្តង់ដារបស់អាមេរិកដើម្បីចូលរួមចំណែកបណ្តុះបណ្តាលធនធានមនុស្ស ក្នុងការប្រកួតប្រជែងទីផ្សារការងារក្នុងតំបន់ និងពិភពលោកឲ្យស្របតាម កំណែទម្រង់វិស័យអប់រំរបស់កម្ពុជា៕



Thursday, March 30, 2017

ក្រសួង​មហាផ្ទៃ​ធ្វើសន្និសីទ​កាសែតដ៏សំ​ខាន់មួយ ជុំវិញការធ្វើសមាជខុសលក្ខន្តិកៈរបស់ CNRP (Video inside)




រដ្ឋាភិបាលស្វីសនៅតែបន្តគាំទ្រលើមន្ទីរពេទ្យគន្ធបុប្ជា

ភ្នំពេញ៖រដ្ឋាភិបាលស្វ៊ីស តាមរយៈតំណាងទីភ្នាក់ងារសម្រាប់ កិច្ចសហប្រតិបត្ដិការ និងការអភិវឌ្ឍរបស់ ប្រទេសស្វ៊ីសប្រចាំនៅក្នុងប្រទេសកម្ពុជា បានបញ្ជាក់នូវ ការប្ដេជ្ញាចិត្ដរបស់ខ្លួនសាជាថ្មីម្ដងទៀត ចំពោះការគាំទ្រលើមន្ទីរពេទ្យគន្ធបុប្ជាដើម្បីបន្ដដំណើរ ការមន្ទីរពេទ្យក្នុងការផ្ដល់សេវាព្យាបាល និងថែទាំសុខភាពមាតា និងកុមារកម្ពុជាដោយឥតគិតថ្លៃ។
យោងតាម អេគេភីដែលស្រង់ក្នុងសេចក្ដីប្រកាសព័ត៌មានរបស់ស្ថានទូតស្វ៊ីសប្រចាំកម្ពុជា ចុះថ្ងៃទី២៩ ខែមីនា ឆ្នាំ២០១៧ បានបញ្ជាក់ថា រដ្ឋាភិបាលស្វ៊ីស និងមូលនិធិគន្ធបុប្ជាប្ដេជ្ញាចិត្ដ ព្រមទាំងធ្វើការសហការជាមួយរាជរដ្ឋាភិបាលកម្ពុជា ដើម្បីធ្វើការទៅលើចីរភាពហិរញ្ញវត្ថុរយៈពេលវែងរបស់មន្ទីរពេទ្យនេះ។
រដ្ឋាភិបាល ស្វ៊ីសនឹងជួយគាំទ្រមូលនិធិនេះ ហើយមានការសោកស្ដាយយ៉ាងខ្លាំងដោយដឹងថា លោកវេជ្ជបណ្ឌិត បេអាត រិចឆ្នឺរ ដែលជាស្ថាបនិកមន្ទីរពេទ្យគន្ធបុប្ជាកំពុងមានជំងឺជាទម្ងន់ និងជំនួសដោយលោក វេជ្ជបណ្ឌិត ភីធ័រ ស្ទូដឺ ដែលជាប្រធានគ្រប់គ្រងបណ្ដោះអាសន្ន ដើម្បីបន្ដដំណើរការមន្ទីរពេទ្យឱ្យទៅមុខ និងរក្សានូវសេវាកម្មថែទាំសុខភាពមាតា និងកុមារដោយឥតគិតកម្រៃនិងមានគុណភាពខ្ពស់។
ក្នុងសេចក្ដីប្រកាសដដែលបានបន្ដថា ការគាំទ្រចំពោះមន្ទីរពេទ្យគន្ធបុប្ជាគឺជាផ្នែកដ៏សំខាន់ មួយសម្រាប់ការចូលរួមរបស់ប្រទេសស្វ៊ីសនៅក្នុងប្រទេសកម្ពុជា ហើយប្រទេសស្វ៊ីសផ្ដល់ការគាំទ្រ ដល់ប្រជាជនក្រីក្រ និងប្រជាជនដែលបាត់បង់ឱកាស និងផ្ដល់ឱ្យប្រើសេវាសាធារណៈដែលមាន គុណភាពដូចជាការថែទាំសុខភាព ព្រមទាំងមានការគាំទ្រទៅលើសន្ដិសុខស្បៀង និងដីធ្លី ការអភិវឌ្ឍ ជំនាញ និងឱកាសការងារផងដែរ។
ជាមួយគ្នានេះដែរ ប្រទេសស្វ៊ីសបានគាំទ្រមន្ទីរពេទ្យគន្ធបុប្ជា ចាប់តាំងពីឆ្នាំ១៩៩៤មកម៉្លេះ ដែលថវិកាសរុបចំនួន៥៧លានស្វ៊ីសហ្វ្រង់ ហើយក្នុងមួយឆ្នាំមន្ទីរពេទ្យគន្ធបុប្ជាទទួលបានថវិកា ៤លានស្វ៊ីសហ្វ្រង់។ ចាប់តាំងពីឆ្នាំ២០១៣មក ប្រទេសស្វ៊ីសបានបង្កើនការទំនាក់ទំនងជាមួយនឹង រាជរដ្ឋាភិបាលកម្ពុជាដោយសហការយ៉ាងជិតស្និទ្ធជាមួយលោកវេជ្ជបណ្ឌិត បេអាត រិចឆ្នឺរ និងមូល និធិគន្ធបុប្ជា ដើម្បីធ្វើការទៅលើចីរភាពហិរញ្ញវត្ថុរយៈពេលវែងរបស់មន្ទីរពេទ្យនៅក្នុងប្រទេសកម្ពុជា៕


ក្រសួង​​វប្បធម៌​ផ្ទេររូបិយ​វ​ត្ថុសម័យ​បុរាណ​​ពី​សារមន្ទីរជាតិ​​ទៅឱ្យសារម​ន្ទីរ​សេដ្ឋ​កិច្ច​និង​​រូបិយ​វ​ត្ថុព្រះស្រីឦ​​សានវរ្ម័ន ដើម្បីគ្រ​ប់​គ្រង

ភ្នំពេញ៖ក្រសួងវប្បធម៌ និងវិចិត្រសិល្បៈ បានសម្រេចផ្ទេររូបិយវត្ថុពីសម័យបុរាណ និងវត្ថុសិល្បៈពីសារមន្ទីរជាតិកម្ពុជាទៅឱ្យសារមន្ទីរសេដ្ឋកិច្ច និងរូបិយវត្ថុព្រះស្រីឦសានវរ្ម័ន នៃធនាគារជាតិនៃកម្ពុជា ដើម្បីគ្រប់គ្រង និងបង្កើនការយល់ដឹងពីប្រព័ន្ធសេដ្ឋកិច្ចកម្ពុជា។
លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងលោក ជា ចាន់តូ ទេសាភិបាលធនាគារជាតិនៃកម្ពុជា បានចុះហត្ថលេខាលើកិច្ចព្រមព្រៀងស្តីពីការផ្ទេររូបិយវត្ថុពីសម័យបុរាណ និងវត្ថុសិល្បៈមួយចំនួនទៀត នារសៀលថ្ងៃទី២៩ ខែមីនា នៅទីស្តីការក្រសួងវប្បធម៌ ដើម្បីផ្សព្វផ្សាយជូនសាធារណៈជនស្វែងយល់ពីប្រព័ន្ធសេដ្ឋកិច្ចកម្ពុជាពីសម័យបុរាណមកដល់បច្ចុប្បន្ន។
វត្ថុបុរាណនិងវត្ថុសិល្បៈដែលត្រូវបានផ្ទេរមានចំនួន ៦៧មុខរួមមាន កាក់ប្រាក់ ផ្លែពន្លាក ដុំ លោហៈ ដែកទាមថ្មប្រាសាទ កំសៀវទឹក ដែលប្រើប្រាស់ក្នុងសម័យបុរាណ។ លោក ជា ចាន់តូ បានមានប្រសាសន៍ថា ការផ្ទេរសមុច្ច័យជាបុរាណវត្ថុនិងវត្ថុសិល្បៈនាពេលនេះ ពិតជាបានរួមចំណែកដល់ការរៀបចំ ឱ្យកាន់តែមានភាពប្រចក្សទៅនឹងដំណាក់កាលព្រឹត្តិការណ៍ប្រវត្តិសាស្ត្រ ប្រវត្តិរូបិយវត្ថុ និងសេដ្ឋកិច្ចកម្ពុជា។

លោកជំទាវ ភឿង សកុណា បានមានប្រសាសន៍ថា ការផ្ទេរនេះ នឹងចូលរួមចំណែកលើកតម្លៃ និងភាពទាក់ទាញដល់សារមន្ទីរសេដ្ឋកិច្ច និងរូបិយវត្ថុព្រះស្រីឦសានវរ្ម័ន ក៍ដូចជាចូលរួមផ្សព្វផ្សាយពីបេតិកភណ្ឌវប្បធម៌កម្ពុជា កាន់តែទូលំទូលាយជូនភ្ញៀវជាតិនិងអន្តរជាតិ ។
សូមបញ្ជាក់ថា សារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន នៃធនាគារជាតិនៃកម្ពុជា ជាអគារដែលមាន២ជាន់ ជាសំណង់បុរាណសល់តាំងពីសម័យអាណានិគមនិយមបារាំង ស្ថិតនៅផ្លូវលេខ ១០៦ សង្កាត់វត្តភ្នំខណ្ឌដូនពេញផ្នែកខាងក្រៅនៃអគារ ត្រូវបានរក្សាទុករចនាបទដើមដដែល និងកែលម្អផ្នែកខាងក្នុងតាមប្លង់នៃដំណាក់កាលប្រវត្តិសាស្ត្ររបស់សេដ្ឋកិច្ចនិងរូបិយវត្ថុកម្ពុជា ។ សារមន្ទីរនេះនឹងបញ្ចប់ការកសាង និងអាចចាប់ផ្តើមដាក់ដំណើរការជូនដល់សាធារណជនជាតិ និងអន្តរជាតិចូលទស្សនានៅចុងឆ្នាំ២០១៧ខាងមុខនេះ៕






ហ្វេសប៊ុក Boulam San៖ វប្បធម៌ក្តិចត្រួយប៉ែងជើងដើម្បីមហិច្ឆតានយោបាយរបស់បក្សប្រឆាំង

នៅថ្ងៃទី៣០ ខែមីនា ឆ្នាំ២០១៧នេះ ទំព័រហ្វេសប៊ុក Boulam San បានបង្ហោះផ្សាយជូនសា​ធារណជន​ឱ្យបានជ្រាបច្បាស់ពី «វប្បធម៌ក្តិចត្រួយប៉ែងជើងដើម្បីមហិច្ឆិតានយោបាយ» របស់​បក្សប្រឆាំងដែលបានធ្វើ​នាពេល​កន្លង​មក។
ហ្វេសប៊ុកBoulam San បានសរសេរថា កាលពីលោក សម រង្ស៊ី មានឈ្មោះជា «នាយករដ្ឋមន្ត្រីហ្វេសប៊ុក» ដោយសារមានអ្នក Like ច្រើន ថ្ងៃណាក៏លឺតែអួត។ ពេលខ្លះធ្វើសន្និសីទ កាសែតអួតថែមទៀត។ វិទ្យុអាស៊ីសេរីផ្សាយបន្ទរស្ទើរមិនលស់ថ្ងៃ។ ដល់ពេលលោក សម រង្ស៊ី បាត់បង់តំណែងនេះស្ងាត់ឱ្យឈឹង! អស់អីអួត។ ប្រកួតមិនបាន ក៏បែរមកបង្ខូចកេរ្តិ៍ឈ្មោះអ្នកដែលមានចំនួន Like ច្រើនជាងខ្លួន។ នេះហើយជាគំនិតអ្នកឈ្នានីសគេ។
Boulam San  បានបន្ថែមទៀតថា ខ្លួនឯងធ្វើមិនកើត ធ្វើមិនបាន បែរជាប៉ែងជើងអ្នកធ្វើបានល្អជាងខ្លួន! គឺវប្បធម៌ក្តិចត្រួយប៉ែងជើងដើម្បីមហិច្ឆតានយោបាយ។ នេះជាចរិត មាយាទរបស់ សម រង្ស៊ី និងវិទ្យុអាស៊ីសេរីដែលមាន ជុន ច័ន្ទ្របុត្រ ជាមេក្លោង!

សូមបងប្អូនខ្មែរយល់ឱ្យច្បាស់ពីចរិតពិសពុលរបស់ក្រុមនេះ!!!


នៅរសៀលនេះ ក្រសួងមហាផ្ទៃនឹងធ្វើសន្និសីទពាក់ព័ន្ធនឹងសមាជវិសាមញ្ញរបស់គណបក្សសង្រ្គោះជាតិ

នៅថ្ងៃទី៣០ ខែមីនា ឆ្នាំ២០១៧ វេលាម៉ោង ១៦ និង០០នាទី រសៀលនេះ ក្រសួងមហាផ្ទៃ នឹងធ្វើសន្និសីទសារព័ត៌មាន ពាក់ព័ន្ធនឹងសមាជវិសាមញ្ញរបស់គណបក្ស​សង្រ្គោះជាតិនៅ​សាល​ប្រជុំ អគារ (S តូច) នៅទីស្តីការក្រសួងមហាផ្ទៃ។



ហ្វេសប៊ុកចៅចាក់ស្មុក៖ ទំនួញនយោបាយ

នៅថ្ងៃទី៣០ ខែមីនា ឆ្នាំ២០១៧នេះ ទំព័រហ្វេសប៊ុកចៅចាក់ស្មុក បានបង្ហោះផ្សាយនូវអត្ថបទ ទស្សនវិភាគមួយក្រោមចំណងជើងថា «ទំនួញនយោបាយ» ដែលមានខ្លឹមសារដូចខាង​ក្រោម៖
កិច្ចប្រជុំថ្ងៃទី២៩ ខែមីនា ឆ្នាំ ២០១៧ រវាងរាជការក្រសួងមហាផ្ទៃ និងតំណាងបន្ទាយព្រះអាទិត្យមើលទៅដូចគ្រាន់តែស្តាប់ចម្រៀងទំនួញនយោបាយរបស់បន្ទាយនេះដើម្បីសុំក្តីអាណិត ខណៈខ្លួនបានជ្រុលប្រព្រឹត្តកំហុសឆ្គងដែលមិនគួរឱ្យខុស តែមិនព្រមទទួលស្គាល់កំហុសដោយសារតែខ្លាចអាម៉ាសមុខធ្ងន់ធ្ងរ។ អាម៉ាសធ្ងន់ធ្ងរព្រោះបន្ទាយព្រះអាទិត្យមួយទាំងមូល មានតំណាងរាស្ត្រដល់ ៥៥រូប ជាអ្នកតាក់តែងច្បាប់ រួមនឹងអ្នកយុទ្ធសាស្ត្រស្ទើរភ្លើងមួយចំនួនផង មើលមិនយល់ថា អ្វីជាភាពស្របច្បាប់ អ្វីដែលមិនស្របច្បាប់លើការអនុវត្តលក្ខន្តិកៈរបស់ខ្លួន ប៉ុន្តែបែរជាប្រព្រឹត្តខុសលក្ខន្តិកៈខ្លួនទៅវិញ។
លក្ខន្តិកៈដែលក្រោយពីកែប្រែហើយនៅក្នុងសមាជថ្ងៃទី០២ ខែមីនា ឆ្នាំ២០១៧ ត្រូវតែជូនដំណឹងទៅក្រសួងមហាផ្ទៃ ស្នើសុំសុពលភាពជាថ្មីសិន មុននឹងរៀបចំឱ្យមានការជ្រើសរើសរចនាសម្ព័ន្ធបក្សជាថ្មី។ ប៉ុន្តែការរំលោភលើលក្ខន្តិកៈនេះពិតជាមានមូលហេតុរបស់វាច្បាស់​លាស់ ហើយ ច្បាប់គឺច្បាប់។ បន្ទាយព្រះអាទិត្យទំនងខ្លាចផ្ទៃក្នុងរបស់ខ្លួនដែលបានបែកស្រាំដោយសារតែអំពើក្បត់របស់ កឹម សុខា ក្នុងការរៀបចំផែនការក្រោមជំនួយរបស់មេទ័ពបន្ទាយទេវតាលេបបន្ទាយព្រះអាទិត្យទាំងមូល ទើបមិនអាចរង់ចាំរហូតដល់រាជការក្រសួងមហាផ្ទៃទទួលស្គាល់សិនចាំបោះឆ្នោតជ្រើសរើសរចនាសម្ព័ន្ធថ្មី។
កឹម សុខា ប្រញាប់ប្រញាល់ឡើងធ្វើមេទ័ពថ្មីនៃបន្ទាយព្រះអាទិត្យពេក ក្តោបក្តាប់បក្ស និងអ្នកគាំទ្រមួយបន្ទាយ ក៏ធ្វើការបោះឆ្នោតជ្រើសតាំងក្បាលម៉ាស៊ីនថ្មីឱ្យបានឆាប់តាមតែអាចធ្វើបាន ទោះបំពានលក្ខន្តិកៈដែលជាច្បាប់កំពូលរបស់បក្សក្តី។ ធ្វើយ៉ាងណាឡើងគ្រប់គ្រងបន្ទាយ​ឱ្យបានសិន ចំណែករឿងអ្វីៗចាំគិតក្រោយទៀត។ នេះគឺជាកំហុសបច្ចេកទេសមួយយ៉ាងធំ ដែលបន្ទាយព្រះអាទិត្យបានប្រព្រឹត្តនៅពេលនេះ ដែលគេមិនអាចបិទភ្នែកបានឡើយ ព្រោះអាចជាមេរៀនអាក្រក់សម្រាប់បក្សផ្សេងទៀតយកមកអនុវត្តធ្វើឱ្យខូចសណ្តាប់ធ្នាប់ច្បាប់ និងប៉ះពាល់ដល់មុខមាត់បក្ស និងជាតិទាំងមូល ព្រោះគេត្រូវបែងចែកឱ្យបានច្បាស់រវាងភាពស្របច្បាប់ និងភាពខុសច្បាប់។ បន្ទាយព្រះអាទិត្យកុំគិតថាអាចយកប្រហុកមកលាយជាមួយប៊ឺរបានឡើយ។ ប្រហុកខ្មែរ គឺជារឿងមួយដោយឡែក ចំណែកឯប៊ឺរបារាំងជារឿងដោយឡែកមិនអាចលាយឡំគ្នាបានឡើយ។
ទទួលស្គាល់ដំណើរការសមាជវិសាមញ្ញ និងមិនយល់ទាស់ចំពោះការធ្វើវិសោធនកម្មលក្ខន្តិកៈ​បក្ស ប៉ុន្តែអ្វីដែលអីនោះគឺកូនកើតមុនឳ។ បើសិនជារំលោភលក្ខន្តិកៈហើយ ព្រមទាំងធ្វើឱ្យកូនកើតមុនឪជាមួយការរៀបចំលក្ខន្តិកៈថ្មី មិនទាន់ទទួលសុពលភាពផង តែបែរជាបោះឆ្នោតជ្រើសរើសរចនាសម្ព័ន្ធថ្មី ហើយមិនទទួលស្គាល់ការពិតនោះ ព្យាយាមការពារខ្លួនថាត្រូវនោះ វាអាចនាំឱ្យមានរឿងរ៉ាវវែងឆ្ងាយ បង្កហានិភ័យសម្រាប់បន្ទាយទាំងមូល នោះវានឹងជាកំហុសផ្នែកនយោបាយមួយដ៏ធ្ងន់ធ្ងរបំផុត។
សម្រាប់ពេលនេះ ការចចេសរបស់បន្ទាយព្រះអាទិត្យបានត្រឹមតែខាតពេល និងបង្កភាពស្មុគស្មាញសម្រាប់ខ្លួន ខណៈការបោះឆ្នោតក្រុមប្រឹក្សាឃុំសង្កាត់ខិតជិតមកដល់។
ទី១-កិច្ចការអ្វីដែលរចនាសម្ព័ន្ធថ្មីបានសម្រេចគឺមិនទាន់មានសុពលភាពទេដោយសារតែក្បាល​​ម៉ាស៊ីនដឹកនាំមិនទាន់មានសុពលភាពរាប់ទាំងបញ្ជីឈ្មោះបោះឆ្នោត។ បើសិនជាតំ​ណាងខេត្ត រាជធានីត្រូវបានប្រតិភូកម្មអំណាចចុះហត្ថលេខាលើបញ្ជីឈ្មោះបេក្ខជនដើម្បីចូលរួមបោះឆ្នោតមិនថ្វីទេ ប៉ុន្តែបើបញ្ជីឈ្មោះទាំងអស់ត្រូវបានមេទ័ពថ្មី កឹម សុខា ឬអនុប្រធានទាំងបីចុះហត្ថលេខានោះត្រូវតែរៀបចំ និងបញ្ជូនមកសារថ្មីព្រោះជាបញ្ជីឈ្មោះគ្មានសុពលភាព ដោយ​សារតែអ្នកផ្តល់សុពលភាពបញ្ជីឈ្មោះបេក្ខជនក្នុងបក្ស គ្មានសុពលភាព។
ទី២-អ្នកនាំពាក្យក្រសួងមហាផ្ទៃធ្លាប់ព្រមានរួចហើយថាទោះមានការព្យាយាមពន្យល់ តែរាជការក្រសួងមហាផ្ទៃមិនអាចទៅហួសនឹងអ្វីដែលក្រសួងបានសម្រេច និងបញ្ជាក់ក្នុងសេចក្តីជូនដំណឹងថាការជ្រើសរើសក្បាលម៉ាស៊ីនដឹកនាំថ្មីនៃបន្ទាយនេះខុសលក្ខន្តិកៈបក្សត្រង់ប្រការ ៤៧។ មនុស្សពីរនាក់ដណ្តើមគ្នាដេកកណ្តាល ជម្រើសចុងក្រោយ រាជការមហាផ្ទៃ មានតែប្រកាសគោលជំហររបស់ខ្លួនជាផ្លូវការថាមិនទទួលស្គាល់ក្បាលម៉ាស៊ីនដឹកនាំបន្ទាយព្រះអាទិត្យថ្មី និងរុញឱ្យបន្ទាយនេះប្តឹងទៅតុលាការកំពូលដើម្បីកាត់សេចក្តី។
បើមិនចង់មានរឿងវែងឆ្ងាយ បន្ទាយព្រះអាទិត្យ មានតែទទួលស្គាល់កំហុសរបស់ខ្លួន និងស្នើសុំក្រសួងមហាផ្ទៃទទួលស្គាល់លក្ខន្តិកៈដែលទើបធ្វើវិសោធនកម្មថ្មីៗ និងរៀបចំសមាជជ្រើសរើសក្បាលម៉ាស៊ីនឡើងវិញ។ ប៉ុន្តែសួរថាតើ កឹម សុខា មូរ សុខហួរ ប៉ុល ហំម អេង ឆៃអ៊ាង ហ៊ានលះបង់តំណែង និងចុះមករៀបចំសមាជជ្រើសរើសក្បាលម៉ាស៊ីនឡើងវិញទេ? ពិតជាមិនច្បាស់ក្នុងចិត្តឡើយ។ ឱកាសរបស់ ក្រុម សម រង្ស៊ី នៅពេលនេះចាប់ផ្តើមឡើងរាសីបន្តិចវិញហើយព្រោះអាចមានសង្ឃឹមថានឹងយកបក្សមកគ្រប់គ្រងវិញ ខណៈខ្លួនជាម្ចាស់ផ្ទះមាន ២៦ កៅអី និងអ្នកគាំទ្ររាប់សែននាក់ តែបែរមកចាញ់បោកតារានយោបាយ «ពីរយប់ ១០ ដង» កឹម សុខា សោះ។
ដូច្នេះ ប្រសិនបើ កឹម សុខា មិនព្រមលាលែងតំណែង រៀបចំសមាជថ្មី ក្រុម សម រង្ស៊ី និយមអាចនឹងធ្វើអ្វីមួយដើម្បីយកកឹម សុខា ចេញ ដើម្បីសង្គ្រោះបក្ស សង្គ្រោះមុខមាត់ សម រង្ស៊ី សង្គ្រោះការលះបង់តំណែងដើម្បីបក្សកុំឱ្យអត់ន័យ។ ជូឡុង សូមួរ៉ា ភរិយា សម រង្ស៊ី ក៏ចាប់ផ្តើមដើរតួនាទីជំនួសស្វាមីខ្លួននៅក្នុងបក្ស ទោះបីជាមិនមានតំណែងធំជាផ្លូវការ តែជាម្ចាស់ស្រីពិតនៃបន្ទាយព្រះអាទិត្យ។ កឹម សុខា ធ្វើមិនស្រួល ម្ចាស់ស្រីអាចឡើងដឹកនាំបន្ទាយខ្លួនឯង។ ពេលនោះ «ទំនួញនយោបាយ » នឹងឮចេញពីបន្ទាយព្រះអាទិត្យ ហើយទង់ក្រពើក៏ត្រៀមនៅមាត់ច្រកចូលបន្ទាយដែរ៕
ដោយ៖ ចៅចាក់ស្មុក



តុលាការសម្រេចផ្តន្ទាទោសលោក សម រង្ស៊ី ដាក់ពន្ធនាគារ១ឆ្នាំ៨ខែ ពិន័យ១០លានរៀល និងសងសំណង១០០រៀល

នៅព្រឹកថ្ងៃទី៣០ ខែមីនា ឆ្នាំ២០១៧នេះ តុលាការបានសម្រេច​ប្រកាសសាលក្រមផ្តន្ទា​ទោស​លោក​ សម​ រង្ស៊ី​ ដាក់​ពន្ធនាគារ​១ឆ្នាំ​៨ខែ​ ពិន័យ​១០លាន​រៀល​ និង​ សង​សំណង​១០០រៀល ពាក់ព័ន្ធសំណុំរឿងក្ដី​លោក​ សម​ រង្ស៊ី​ អតីត​ប្រធាន​គណបក្ស​សង្គ្រោះ​ជាតិ​ ​ចោទថា​ រាជរដ្ឋាភិបាល​កម្ពុជា​ នៅ​ពី​ក្រោយ​ខ្នង​ នៃ​អំពើ​ឃាតកម្ម​លើ​លោក​បណ្ឌិត ​កែម​ ឡី​។​
សូមជម្រាបថា ​កាលពី​ថ្ងៃ​ទី​១៧​ ខែ​មីនា​ ឆ្នាំ​២០១៧​ សាលា​ដំបូង​រាជធានី​ភ្នំពេញ​ បាន​បើក​សវនាការ​រឿង​ក្ដី​លោក​ សម​ រង្ស៊ី​ អតីត​ប្រធាន​គណបក្ស​សង្គ្រោះ​ជាតិ​ ករណី​ចោទថា​ រាជរដ្ឋាភិបាល​កម្ពុជា​ នៅ​ពី​ក្រោយ​ខ្នង​នៃ​អំពើ​ឃាតកម្ម​លើ​លោក​បណ្ឌិត​កែម​ ឡី​។​ ប៉ុន្តែ​ក្រោយ​ការ​សួរ​ដេញដោល​ លោក​ចៅក្រម​ អ៊ី​ ថាវរៈ​ បាន​លើក​ពេល​ប្រកាស​សាលក្រម​ទៅ​ព្រឹក​ថ្ងៃ​ទី​៣០​ ខែ​មីនានេះ​។ លោក​ សម​ រង្ស៊ី​ ជាប់​ចោទ​ពី​បទ​ បរិហារកេរ្តិ៍​ជា​សាធារណៈ​ និង​បទ​ញុះញង់​ឱ្យ​ប្រព្រឹត្ត​អំពើបង្ក​ឱ្យមាន​ភាព​វឹកវរ​ធ្ងន់ធ្ងរ​ ដល់​សន្តិសុខ​សង្គម​ តាម​មាត្រា​៣០៥​ ,​ មាត្រា​៤៩៤​ និង​មាត្រា​៤៩៥​ នៃ​ក្រម​ព្រហ្មទណ្ឌ​។
កន្លង​ទៅ​រាជរដ្ឋាភិបាល​កម្ពុជា​ចាត់​ទុក​ថា​ ការ​ចោទប្រកាន់​របស់​លោក​ សម​ រង្ស៊ី​ ​ មក​លើលោកនាយករដ្ឋមន្រ្តី ហ៊ុន​ សែន​ ​ជា​អ្នក​នៅ​ពី​ក្រោយ​ខ្នង​នៃ​អំពើ​ឃាតកម្ម​បាញ់​សម្លាប់​លោក​បណ្ឌិត​ កែម​ ឡី​ នោះ​ មិន​ត្រឹម​តែ​ប៉ះពាល់​យ៉ាង​ធ្ងន់ធ្ងរ​ដល់​កិត្តិយស ​និង​សេចក្ដី​ថ្លៃថ្នូរ​របស់​លោកប៉ុណ្ណោះ​ទេ​ ប៉ុន្ដែ​ថែម​ទាំង​មាន​ចរិត​ជា​ការ​ញុះញង់​បំផុសបំផុល​ក្នុង​ចេតនា​បញ្ឆេះ​កំហឹង​មហាជន​ ដែល​អាច​បង្ក​ឱ្យ​មាន​ចលាចល​ក្នុង​សង្គម​ និង​ប៉ះពាល់​ដល់​ដំណើរការ​នីតិវិធី​ របស់​តុលាការ​ទៀត​ផង​ ។

ជា​ការ​ឆ្លើយតប​នូវ​ការ​ចោទប្រកាន់​គ្មាន​ភ័ស្តុតាង​នេះ​ មេធាវី​តំណាងដោយ​​អាណត្តិ​របស់​លោកនាយករដ្ឋមន្រ្តី​ បានសំណូមពរ​ឱ្យ​តុលាការ​ផ្តន្ទា​ទោស​លោក​សម​ រង្ស៊ី​ តាម​ច្បាប់​ និង​ទាមទារ​សំណង​ជំងឺ​ចិត្ត​ក្នុង​​ត្រឹម​តែ​​១០០​រៀល​ប៉ុណ្ណោះ​៕


លោក ថោង ខុន រដ្ឋមន្រ្តីក្រសួងទេសចរណ៍ បានអញ្ជើញចូលរួមជាអធិបតីក្នុងកម្មវិធីស្តីពីការប្រកាសចលនាប្រឡងប្រណាំង “រមណីយដ្ឋានទេសចរណ៍គំរូ”លើកទី១ ឆ្នាំ២០១៧

កាលពីថ្ងៃទី២៩ ខែមីនា ឆ្នាំ២០១៧ លោក ថោង ខុន រដ្ឋមន្រ្តីក្រសួងទេសចរណ៍ បានអញ្ជើញចូលរួមជាអធិបតីក្នុងកម្មវិធីស្តីពីការប្រកាសចលនាប្រឡងប្រណាំង “រមណីយដ្ឋានទេសចរណ៍គំរូ”លើកទី១ ឆ្នាំ២០១៧។
សូមបញ្ជាក់ថា យោងតាមប្រសាសន៍របស់ លោក ថោង ខុន ការដាក់ចេញចលនាប្រឡងប្រណាំង “រមណីយដ្ឋានទេសចរណ៍គំរូ”នេះ អនុវត្តតាមអនុសាសន៍ណែនាំដ៏ខ្ពង់ខ្ពស់បំផុតរបស់ លោក ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដែលបានថ្លែងក្នុងឱកាសពិធីអបអរសាទរទិវាជាតិទីក្រុងស្អាតលើកទី៥ កាលពីថ្ងៃទី២៧ ខែកុម្ភៈ ឆ្នាំ២០១៧ ដែលបានស្នើឱ្យក្រសួងទេសចរណ៍ គណៈកម្មាធិការជាតិវាយតម្លៃទីក្រុងស្អាតរៀបចំចលនាប្រឡងប្រណាំង “រមណីយដ្ឋានទេសចរណ៍គំរូ”។ ការដាក់ចេញចលនាប្រឡងប្រណាំងនេះ ក្នុងគោលបំណងធ្វើឱ្យរមណីយដ្ឋានទេសចរណ៍ទាំងអស់ទូទាំងប្រទេសកាន់តែស្រស់ស្អាត មានអនាម័យ និងសណ្តាប់ធ្នាប់ ប្រកបដោយភាពទាក់ទាញ ជាផលិតផលទេសចរណ៍ប្រកបដោយភាពច្នៃប្រឌិត និងប្រកបដោយនិរន្តរភាព។
ក្នុងឱកាសនោះ លោក ថោង ខុន បានស្នើឱ្យគណៈកម្មការអភិវឌ្ឍទេសចរណ៍រាជធានី-ខេត្ត ត្រូវរៀបចំ ពង្រឹងរចនាសម្ព័ន្ធរបស់ខ្លួនឡើងវិញ និងស្នើឱ្យរមណីយដ្ឋានទេសចរណ៍ទាំងអស់ពិនិត្យត្រូវឡើងវិញ ខិតខំពង្រឹងបន្ថែម និងកែសម្រួលចំណុចខ្វះខាតទៅតាមគោលការណ៍ណែនាំរមណីយដ្ឋានទេសចរណ៍គំរូ។
ក្នុងឱកាសនៃពិធីផ្សព្វផ្សាយនេះ លោក ថោង ខុន បានសង្កត់ធ្ងន់ណែនាំឱ្យគ្រប់រមណីយដ្ឋានទេសចរណ៍ទាំងអស់ត្រូវមាន៖
ទី១. ផែនការអភិវឌ្ឍន៍ទេសចរណ៍សម្រាប់រមណីយដ្ឋាន (Tourism Master Plan)
ទី២. អ្នកគ្រប់គ្រងរមណីយដ្ឋានទេសចរណ៍ ( Tourism site manager)
ទី៣. សេវាទាំងអស់នៅក្នុងរមណីយដ្ឋានត្រូវមានគុណភាព ស្របតាមស្តង់ដាទេសចរណ៍
ទី៤.ត្រូវមានសេវាគាំទ្រ ដែលបម្រើឱ្យសេចក្តីត្រូវការរបស់ភ្ញៀវទេសចរ រាប់ទាំងបង្គន់សាធារណៈ សេវាផ្តល់ព័ត៌មាន ការគិតគូពីសន្តិសុខសុវត្ថិភាព អនាម័យចំណីអាហារ សេវាសង្គ្រោះបន្ទាន់ ជាពិសេសប្រព័ន្ធ ទូរសព្ទនិង Wi-Fi នៅតាមរមណីយដ្ឋាន។
លោក ថោង ខុន បានអំពាវនាវឱ្យគ្រប់រមណីយដ្ឋានទាំងអស់ និងរដ្ឋបាលថ្នាក់ក្រោមជាតិ ចូលរួមនៅក្នុងចលនាប្រឡងប្រណាំង “រមណីយដ្ឋានទេសចរណ៍គំរូ”នេះ ជាលើកទី១ ហើយដើម្បីឈានទៅរកការបូកសរុបនៅខែវិច្ឆិកា ឆ្នាំ២០១៧ខាងមុខនេះ ហើយដើម្បីទាំងអស់គ្នា “រួមធ្វើ រួមគិត រួមទទួលខុសត្រូវ” ដើម្បីឱ្យរមណីយដ្ឋានទេសចរណ៍ទាំងអស់ជាផលិតផលប្រកបដោយភាពច្នៃប្រឌិត និងនវានុវត្តភាព (Creative and Innovative) ដើម្បីជាផ្នែកមួយក្នុងការចូលរួមទៅដល់ការសម្រេចបានការទាក់ទាញភ្ញៀវទេសចរអន្តរជាតិឱ្យបានចំនួន ៧លាននាក់ និងទេសចរក្នុងស្រុកឱ្យបានចំនួន ១៩លាននាក់នៅឆ្នាំ២០២០។ សូមបញ្ជាក់ថា រយៈពេល២ខែ ដើមឆ្នាំ២០១៧នេះ កម្ពុជាបានទទួលទេសចរអន្តរជាតិជាង ១លាននាក់ កើនឡើង ១២,១% ធៀបនឹងរយៈពេលដូចគ្នាឆ្នាំ២០១៦។ ដើម្បីទទួលបានភ្ញៀវទេសចរប្រមាណ ៧លាននាក់នៅឆ្នាំ២០២០ ត្រូវមានកំណើនជាមធ្យម១០% ដែលកិច្ចការងារនេះត្រូវគិតគូឱ្យមានការអភិវឌ្ឍផលិតផលទេសចរណ៍ ពិសេសរមណីយដ្ឋានទេសចរណ៍ទូទាំងប្រទេសឱ្យក្លាយជាផលិតផលទេសចរណ៍ប្រកបដោយភាពទាក់ទាញ៕




លទ្ធផលក្រោយជំនួបរវាង CNRP និងក្រសួងមហាផ្ទៃ

បន្ទាប់ពីជំនួបរវាងតំណាងក្រសួងមហាផ្ទៃ និងតំណាងគណបក្សសង្រ្គោះជាតិកាលពីថ្ងៃទី២៩ ខែមីនា ឆ្នាំ២០១៧ លោក ប្រាក់ សំអឿន បានថ្លែងនៅក្នុងបទសម្ភាសន៍សារព័ត៌មានថា សមាជវិសាមញ្ញរបស់គណបក្សសង្រ្គោះជាតិបោះឆ្នោតជ្រើសតាំងលោក កឹម សុខា ជាប្រធាន និងលោក ប៉ុល ហំម លោកស្រី មូរ សុខហួរ និងលោក អេង ឆៃអ៊ាង ជាអនុប្រធាននោះ គឺផ្ទុយទៅនឹងប្រការ ៤៧ ចំណុចទី២ នៃលក្ខន្តិកៈរបស់គណបក្សសង្រ្គោះជាតិ។
ចំណែកលោក អេង ឆៃអ៊ាង អនុប្រធានគណបក្សសង្គ្រោះជាតិ ហាក់បីដូចជាបានទទួលស្គាល់ថា គណបក្សសង្គ្រោះជាតិពិតជាមានកំហុស ដោយលោកបាន ថ្លែងថា ខ្លឹមសារនៃជំនួប មិនខុសពីលិខិតរបស់ក្រសួងមហាផ្ទៃ ដែលបានផ្ញើទៅកាន់គណបក្សសង្គ្រោះជាតិនោះទេ។ លោក បានបន្តថានៅក្នុងកិច្ចពិភាក្សានេះ ក្រសួងមហាផ្ទៃ បានបញ្ជាក់ថា ដំណើរការសមាជវិសាមញ្ញស្របច្បាប់ ហើយការធ្វើវិសោធនកម្មលក្ខន្តិកៈក៏មិនទាស់អ្វីដែរ ប៉ុន្តែទាស់ត្រង់ការជ្រើសតាំងក្បាលម៉ាស៊ីនដឹកនាំរបស់គណបក្ស និងពាក្យស្លោករបស់គណបក្ស៕
លោក ប្រាក់ សំអឿន ក៏បានបញ្ជាក់បន្ថែមថា លក្ខន្តិកៈរបស់គណបក្សសង្រ្គោះជាតិ ដែលបានតម្កល់ទុកនៅក្រសួងមហាផ្ទៃបានចែងថា បើសិនអាណត្តិនៅលើសពី១៨ខែ គឺគណៈកម្មាធិការអចិន្រ្តៃយ៍របស់គណបក្សសង្រ្គោះជាតិ ត្រូវកោះឱ្យមានការរៀបចំសមាជវិសាមញ្ញមួយ ដើម្បីជ្រើសរើសប្រធានដើម្បីដឹកនាំគណបក្សបន្តរហូតដល់ចប់អាណត្តិ។ ប៉ុន្តែ ជាក់ស្តែង កាលពីថ្ងៃទី១២ ខែកុម្ភៈ ឆ្នាំ២០១៧ គណៈកម្មាធិការនាយកបានចេញសេចក្តីសម្រេចមួយទទួលយកការលាលែងរបស់លោក សម រង្ស៊ី ចេញពីប្រធាន និងសមាជិកគណបក្សសង្រ្គោះជាតិ និងបានប្រគល់សិទ្ធិជូនលោក កឹម សុខា ជាប្រធានស្តីទី ដើម្បីដឹកនាំគណបក្សរហូតដល់ចប់អាណត្តិ។ លោក ប្រាក់ សំអឿន ក៏បានបញ្ជាក់ថា នៅថ្ងៃទី០២ ខែមីនា ឆ្នាំ២០១៧កន្លងទៅនេះ គណបក្សសង្រ្គោះជាតិបែរទៅជារៀបចំសមាជវិសាមញ្ញជ្រើសរើសប្រធាន និងអនុប្រធានដែលមានរហូតដល់ទៅបីរូបដែលផ្ទុយទៅនឹងប្រការ ៤៧ ចំណុចត្រេទី២ ដោយសារអាណត្តិនៅសល់មិនដល់១៨ខែផងនោះ។
លោក ប្រាក់ សំអឿន ក៏បានបញ្ជាក់ថា ក្រសួងមហាផ្ទៃ នៅតែរក្សាជំហរចង់ឱ្យគណបក្សសង្រ្គោះជាតិអនុវត្តន៍ឱ្យបានត្រឹមត្រូវទៅតាមលក្ខន្តិកៈដែលជាច្បាប់កំពូលសម្រាប់បក្សរបស់ខ្លួន។ ទោះបីជាយ៉ាងណា គេមិនទាន់ដឹងថា តើនៅថ្ងៃអនាគត គណបក្សសង្រ្គោះជាតិ នឹងទៅជាយ៉ាងណានោះឡើយ៕


ដើមខែ​មេសាខាង​មុខ សមិទ្ធផល​ធំៗជាប្រវត្តិសា​ស្ត្រចំនួន​៤ នឹងត្រូវ​សម្ពោធ ក្រោម​អធិ​បតី លោក​នាយករ​ដ្ឋម​ន្រ្តី ហ៊ុន សែន

ភ្នំពេញ៖ បើមិនមានការប្រែប្រួល លោកនាយករដ្ឋមន្រ្តី ហ៊ុន សែន និងភរិយា នឹងសម្ពោធដាក់ឱ្យប្រើប្រាស់ជាផ្លូវការនូវសមិទ្ធិផលធំៗជាប្រវត្តិសាស្ត្រមិនធ្លាប់មានចំនួន៤ គឺមហាវិថីសម្ដេច ហ៊ុន សែន ទទឹង៦០ម៉ែត្រ មណ្ឌលកីឡាហែលទឹក នៃពហុកីឡាដ្ឋានជាតិមរតកតេជោ រោងចក្រប្រព្រឹត្ដកម្មទឹកស្អាតនិរោធក្នុងសង្កាត់និរោធខណ្ឌច្បារអំពៅ ជំហានទី២ និងផ្លូវជាតិលេខ៦ នៅដើមខែមេសា ឬមុនបុណ្យចូលឆ្នាំខ្មែរ បន្តបន្ទាប់គ្នា ។
គម្រោងខាងលើនេះ ត្រូវបាន លោក មាន ចាន់យ៉ាដា អភិបាលរងរាជធានីភ្នំពេញ លើកឡើង នៅក្នុងកិច្ចប្រជុំជាមួយមន្ត្រីពាក់ពន្ធ័ក្រោមឱវ៉ាតកាលពីថ្ងៃទី២៩មីនានេះ ដើម្បីត្រួតពិនិត្យឡើងវិញលើផែនការត្រៀមរៀបចំពិធីសម្ពោធដាក់ឱ្យប្រើប្រាស់សមិទ្ធផលធំៗជាប្រវត្តិសាស្ត្រចំនួន៤ នៅរាជធានីភ្នំពេញស្ថិតក្រោមអធិបតីលោកនាយករដ្ឋមន្រ្តី ហ៊ុន សែន និងភរិយា ។
លោក មាន ចាន់យ៉ាដា បានលើកឡើងថា សមិទ្ធិផលធំៗចំនួន៤ដែលត្រៀមសម្ពោធនោះរួមមាន៖
១-មហាវិថីសម្ដេច ហ៊ុន សែន មានទទឹង៦០ម៉ែត្រ តភ្ជាប់ពីមហាវិថីព្រះមុនីវង្ស ត្រង់ចំណុចក្បាលថ្នល់ កាត់តាមតំបន់អភិវឌ្ឍន៏ថ្មី បឹងទំពុន និងបឹងជើងឯក ទៅផ្លូវជាតិលេខ២ត្រង់ចំណុចព្រែកកំពិស សម្ពោធ នៅថ្ងៃទី០៣ ខែមេសា ។
២-មណ្ឌលកីឡាហែលទឹក នៃពហុកីឡាដ្ឋានជាតិមរតកតេជោ នៅតំបន់អភិវឌ្ឍន៏របស់ ឧកញ៉ា លី យ៉ុងផាត់ សម្ពោធនៅថ្ងៃទី៤ខែមេសា
៣-រោងចក្រប្រព្រឹត្ដកម្មទឹកស្អាតនិរោធក្នុងសង្កាត់និរោធខណ្ឌច្បារអំពៅជំហានទី២ សម្ពោធថ្ងៃទី៥ ខែមេសា ។
៤- ផ្លូវជាតិលេខ៦គ្រោងសម្ពោធនៅថ្ងៃ៦ខែមេសា ឆ្នាំ២០១៧នេះ ។
លោក មាន ចាន់យ៉ាដា បានបញ្ជាក់ថា សមិទ្ធផលទាំងនេះនឹងក្លាយជាចំណងដៃថ្មីបន្ថែមទៀតរបស់រាជរដ្ឋាភិបាលកម្ពុជាជូនចំពោះប្រជាពលរដ្ឋគ្រប់មជ្ឈដ្ឋាន ក្នុងឱកាសចូលឆ្នាំថ្មី ប្រពៃណីជាតិខ្មែរដែលនឹងឈានចូលមកដល់ក្នុងពេលឆាប់ៗនេះ ៕


ក្រុមហ៊ុនចិនចំនួន៥០០ នឹងបង្ហាញផលិតផលកសិកម្មរបស់ខ្លួន ក្នុងពិពណ៌អន្តរជាតិលើកដំបូងនៅកម្ពុជា

ភ្នំពេញ៖ លោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទនៅរសៀល ថ្ងៃទី២៩ ខែមីនា ឆ្នាំ២០១៧នេះ បានអនុញ្ញាតឲ្យតំណាងក្រុមហ៊ុន Santhai Import Export CO.,LTD ចូលជួបសម្តែងការគួរសម និងពិភាក្សាការងារអំពី ការរៀបចំពិធីតាំងពិពណ៌ ផលិតផលកសិកម្មអន្តរជាតិ លើកដំបូង ឆ្នាំ២០១៧ នៅកម្ពុជា ។
លោក វេង សាខុនបានឲ្យដឹងថា” ពិពណ៌អន្តរជាតិនេះ នឹងមានការចូលរួមពីក្រុមហ៊ុន ចិនចំនួន ៥០០ក្រុមហ៊ុន និងតំណាងក្រុមហ៊ុន ចំនួន៣០៤ក្រុមហ៊ុនអញ្ជើញ មកពីបណ្តាប្រទេសក្នុងតំបន់អាស៊ាន ព្រមទាំងមានការអញ្ជើញចូលរួមដោយ អ្នកវិនិយោគទុនក្នុងស្រុកនិងថ្នាក់ដឹកនាំ សំខាន់ៗក្នុងជួររាជរដ្ឋាភិបាលអញ្ជើញ ចូលរួមផងដែរ”។
ទន្ទឹមនឹងនេះ ក្រុមហ៊ុនបានអញ្ជើញ លោករដ្ឋមន្រ្តី ចូលរួមជាវាគ្មិនក្នុងពិពណ៌ និងអញ្ជើញមន្រ្តីជំនាញ របស់ក្រសួងកសិកម្ម រុក្ខាប្រមាញ់ និងនេសាទ ចូលរួមធ្វើបទបង្ហាញអំពីបទបញ្ញតិ របស់រាជរដ្ឋាភិបាលលើការវិនិយោគ វិស័យកសិកម្មនៅកម្ពុជាដើម្បីផ្តល់ជាពត៌មាន ដល់ធុរជននិងអ្នកវិនិយោគិនដែលមាន ចំណាប់អារម្មណ៏ក្នុងការវិនិយោគ នៅកម្ពុជា។
ជាការឆ្លើយតប លោករដ្ឋមន្រ្តី មានប្រសាសន៍ថា ក្រសួងកសិកម្ម រុក្ខាប្រមាញ់ និងនេសាទ សូមស្វាគមន៏ជានិច្ចចំពោះក្រុមហ៊ុន វិនិយោគនានាលើវិស័យកសិកម្ម ហើយក្រសួងក៏នឹងសហការអោយបាន សកម្មនៅក្នុងការតាំងពិពណ៌ផលិតផល កសិកម្មអន្តរជាតិនេះផងដែរ។
លោករដ្ឋមន្រ្តី បានមានប្រសាសន៏បន្តថា បច្ចុប្បន្នក្រសួងកសិកម្ម រុក្ខាប្រមាញ់ និងនេសាទ កំពុងជំរុញអោយវិស័យឯកជន សហការជាមួយនឹងក្រសួងនិងសហគមន៍ ក្នុងការអនុវត្តផលិតកម្មតាមកិច្ចសន្យា ហើយកម្ពុជាចង់ទទួលបាន នូវអ្នកវិនិយោគទុន ដែលមានភាពប្រាកដប្រជាហើយការ វិនិយោគទាំងនោះនឹងចូលរួមគាំទ្រ ដល់ការអភិវឌ្ឍជាតិ ក៏ដូចជាផលប្រយោជន៍ ប្រជាពលរដ្ឋក្នុងស្រុកផងដែរ។

ប្រភពបញ្ជាក់ថា ក្រុមហ៊ុន Santhai Import Export CO.,LTD គ្រោងនឹងរៀបចំពិធីតាំងពិពណ៌ផលិតផលកសិកម្ម អន្តរជាតិលើកដំបូង ឆ្នាំ២០១៧ នៅកម្ពុជា ដែលនឹងប្រព្រឹត្តទៅនៅថ្ងៃទី២៥ ដល់២៨ ខែមិថុនា ឆ្នាំ២០១៧ខាងមុខនេះ៕

Wednesday, March 29, 2017

លោកស្រី​ ម៉ែន សំអន​ អំពាវនាវដល់ស្ត្រីជាម្តាយ​ មិនត្រូវលក់​ទឹកដោះ​ដ៏មានតម្លៃ​ ដើម្បី ​លុយបន្តិចបន្តួច ហើយផ្តាច់ចេញពីមាត់កូនរបស់ខ្លួននោះទេ

នាព្រឹកថ្ងៃទី២៩ ខែមីនា ឆ្នាំ២០១៧នេះ ក្នុងឱកាសអញ្ជើញជាអធិបតី បិទសន្និបាតបូកសរុបលទ្ធផលការងារ ឆ្នាំ២០១៦ និងលើកផែនការសកម្មភាពការងារ ឆ្នាំ២០១៧ របស់ក្រសួងកិច្ចការនារី នៅសណ្ឋាគារភ្នំពេញ លោកស្រី ម៉ែន សំអន រដ្ឋមន្រ្តីក្រសួងទំនាកទំនងរដ្ឋសភា-ព្រឹទ្ធសភា និងអធិការកិច្ច បានអំពាវនាវដល់ស្ត្រីជាម្តាយគ្រប់គ្នាថា មិនត្រូវលក់ទឹកដោះដ៏មានតម្លៃ ដើម្បីយកលុយបន្តិចបន្តួច ហើយផ្តាច់ចេញពីមាត់កូនរបស់ខ្លួននោះទេ។
លោកស្រីរដ្ឋមន្រ្តីក្រសួងទំនាក់ទំនងបានអំពាវនាវថា សូមស្ត្រីជាម្តាយទាំងឡាយ បញ្ឈប់ការលក់ទឹកដោះរបស់ខ្លួន ដើម្បីយកលុយបន្តិចបន្តួច ហើយផ្តាច់ចេញពីមាត់កូនរបស់ខ្លួននោះទេ។ លោកស្រីបានបញ្ជាក់ថា ទឹកដោះម្តាយថ្លៃណាស់ក្នុងការចិញ្ចឹមកូន បង្កើនសុខភាព និងភាពវៃឆ្លាតរបស់កូនៗ។

គួររំលឹកផងដែរថា នៅថ្ងៃទី២៨ ខែមីនា ឆ្នាំ២០១៧ ទីស្តីការគណៈរដ្ឋមន្រ្តី បានសម្រេចចេញលិខិតប្រកាសហាមឃាត់ និងទប់ស្កាត់ការប្រមូលទិញទឹកដោះម្តាយនាំចេញពីកម្ពុជា ទៅកាន់សហរដ្ឋអាមេរិក ដោយក្រុមហ៊ុន គុណមាតា ដែលមានឈ្មោះក្នុងបញ្ជីពាណិជ្ជកម្ម ហៅថា Ambrosia Labs Co., Ltd។ រាជរដ្ឋាភិបាលបានសម្រេច៖ ទី១- ត្រូវចាត់ការទប់ស្កាត់បន្ទាន់ចំពោះការប្រមូលទិញ និងនាំចេញទឹកដោះម្តាយពីកម្ពុជា, និងទី២- បើទោះជាកម្ពុជា ក្រលំបាកយ៉ាងណា ក៏មិនដល់កម្រិតលក់ទឹកដោះម្តាយដែរ៕




រដ្ឋមន្ត្រី​ក្រសួងការ​បរទេស ជួបពិភា​ក្សាការងារ​ជាមួយតំណាង​រាស្ត្ររដ្ឋម៉ា​សា​ឈូសេត​នៃ​​ស​ហរដ្ឋអាមេរិក​

ភ្នំពេញ៖ លោកទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិនៃប្រទេសកម្ពុជា នាព្រឹកថ្ងៃទី ២៩ មីនា ២០១៧ បានអនុញ្ញាតឱ្យលោក រ៉ាឌី មុំ តំណាងរាស្ត្ររដ្ឋ ម៉ាសាឈូសេត នៃសហរដ្ឋអាមេរិកចូលជួបសម្តែងការគួរសមនិងពិភាក្សាការងារ នាទីស្តីការក្រសួង រាជធានីភ្នំពេញ។
លោក រ៉ាឌី មុំ បានចូលជួបលោកប្រាក់សុខុននាពេលនេះ ខណៈដែលរូបលោកបានមកបំពេញទស្សនកិច្ចនៅកម្ពុជា។ លោក ប្រាក់ សុខុនបានស្វាគន៍យ៉ាងកក់ក្តៅចំពោះដំណើរទស្សនកិច្ចរបស់តំណាងរាស្ត្ររដ្ឋ ម៉ាសាឈូសេតរូបនេះហើយលោកក៏បានកោតសរសើរចំពោះការខិតខំប្រឹងប្រែងរបស់លោក រ៉ាឌី មុំ ដែលជាជនជាតិខ្មែរ បានតស៊ូរហូតក្លាយជាតំណាងរាស្ត្រនៅសហរដ្ឋអាមេរិក។ លោ រ៉ាឌី មុំ ក៏បានបានជម្រាបជូនលោកប្រាក់សុខុន អំពីការប្រឹងប្រែរបស់រូបលោក ក្នុងការជួយដល់សហគមខ្មែរ នៅសហរដ្ឋអាមេរិកនាពេលកន្លងមក ហើយលោកបញ្ជាក់ទៀតថា លោកចង់ឲ្យមានទំនាក់ទំនងកិច្ចសហប្រតិបត្តិការរវាងយុវជនកម្ពុជា និងយុវជនសហរដ្ឋអាមេរិក ជាពិសេសលើវិស័យកីឡា។ នាឱកាសនោះដែរ លោកប្រាក់ សុខុន ក៏បានលើកឡើងពីកិច្ចសហប្រតិបត្តិការលើគ្រប់វិស័យរវាងសហរដ្ឋអាមេរិកនិងកម្ពុជាដែលមានការរីកចម្រើន ជាពិសេសវិស័យទេសចរ ដោយកំណើនទេសចរអាមេរិកមកកាន់កម្ពុជាមានការកើនឡើងជាលំដាប់ ហើយទំហំនៃការផ្លាស់ប្តូរពាណិជ្ជកម្មទ្វេភាគីរវាងប្រទេសទាំងពីរបានឈានដល់ជាង៣ពាន់លានដុល្លារហើយ គិតត្រឹមឆ្នាំ២០១៦។ ក្រៅពីនេះ ក៏បានលើកឡើងពីកិច្ចសហប្រតិបត្តិការលើវិស័យសន្តិសុខ និងការបោសសំអាតមីនផងដែរ។
នេះបើយោងតាមការលើកឡើងរបស់លោក ជុំ សុន្ទរី អ្នកនាំពាក្យក្រសួងការបរទេសនៃប្រទេសកម្ពុជាថ្លែងប្រាប់ក្រុមអ្នកសារព័តមានក្រោយបញ្ចប់ជំនួបនាពេលនោះ។
លោកបន្តថា លោក រ៉ាឌី មុំ តំណាងរាស្ត្ររដ្ឋម៉ាហ្សាឈូសេតក៏ធ្លាប់បានមកបំពេញទស្សនកិច្ចនៅកម្ពុជា កាលពីខែធ្នូ ២០១៤ផងដែរ ដោយប្រៀបធៀបចំពោះដំណើរទស្សនកិច្ចនាពេលនេះ លោកសង្កេតឃើញថា កម្ពុជាមានការរីកចម្រើនខ្លាំង ជាពិសេសកំណើនសេដ្ឋកិច្ច និង សន្តិសុខល្អប្រសើររបស់ប្រទេសកម្ពុជា៕




ក្រសួងអប់រំជូនដំណឹងពីការប្រកួត ប្រជែងកិច្ចការស្រាវជ្រាវ លើកទី១លើមុខវិជ្ជា STEM

ក្រសួងអប់រំ យុវជននិងកីឡានៃប្រទេសកម្ពុជា នៅថ្ងៃទី២៨ ខែមីនា ២០១៧ បានឱ្យដឹងថា ក្រសួងនឹងបើកការប្រកួតប្រជែងកិច្ចការស្រាវជ្រាវលើកទី១ សម្រាប់និស្សិតបរិញ្ញាបត្រទាក់ទងនឹងផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) ឬផ្នែកអប់រំ។
សូមជម្រាបផងដែរថា បេក្ខជនជ័យលាភី នឹងទទួលបានប្រាក់រង្វាន់ ព្រមទាំងត្រូវបានអញ្ជើញឱ្យឡើងធ្វើបទបង្ហាញអំពីការស្រាវជ្រាវនោះ នៅក្នុងមហោស្រព STEM ដែលនឹងប្រព្រឹត្តឡើងនៅថ្ងៃទី២៩-៣០ ខែមេសា ឆ្នាំ២០១៧។បេក្ខជនអាចចូលរួមកម្មវិធីនេះ ដោយឥតបង់ថ្លៃ។
កាលបរិច្ឆេទផុតកំណត់ នៃការទទួលពាក្យ នៅថ្ងៃទី៧ ខែមេសា ឆ្នាំ២០១៧។ព័ត៌មានលម្អិតសូមទំនាក់ ទំនងតាមអាសយ ដ្ឋាន អ៊ីមែល៖ poster@stemcambodia.org៕


នៅថ្ងៃស្អែកនេះ លោកនាយករដ្ឋមន្រ្តី ហ៊ុន សែននឹងអញ្ជើញជាអធិបតីក្នុងពិធីចុះហត្ថលេខាលើលិខិតប្តូរសារ និងកំណត់ហេតុលើហិរញ្ញប្បទានឥតសំណង និងឥណទានសម្បទាន

រដ្ឋាភិបាលជប៉ុន នឹងផ្តល់ហិរញ្ញប្បទានឥតសំណង និងឥណទានសម្បទាន ដែលនឹង​ត្រូវចុះ​ហត្ថលេខានៅថ្ងៃទី៣០ ខែមីនា ឆ្នាំ២០១៧ វេលាម៉ោង ១៦:០០នាទី ក្រោមអធិបតីភាពលោក នាយករដ្ឋមន្រ្តី ហ៊ុន សែន។
យោងតាមសេចក្តីជូនព័ត៌មានរបស់ក្រសួងការបរទេស បានបញ្ជាក់ថា ពិធីចុះហត្ថលេខាលើ លិខិតប្តូរសារ និងកំណត់ហេតុនៃការពិភាក្សាស្តីពីការផ្តល់ហិរញ្ញប្បទានឥតសំណង និង​ឥណ​ទានសម្បទាន នឹងត្រូវចុះហត្ថលេខារវាង លោកទេសរដ្ឋមន្រ្តី ប្រាក់ សុខុន និងលោក ហូ​រី​ណូ​អ៊ុជិ ហ៊ីដេហ៊ីសា ឯកអគ្គរាជទូតវិសាមញ្ញ និងពេញសមត្ថភាពនៃប្រទេសជប៉ុនប្រចាំកម្ពុជា។
 សូមអានសេចក្តីជូនព័ត៌មានខាងក្រោម៖



ក្រសួង​សាធារណ​ការ បង្ហាញ​តារាង​តម្លៃសំបុ​ត្រជិះរថ​ភ្លើង ពីភ្នំ​ពេញទៅ ទៅតាម​បណ្តាស្ថា​នីយនានា​

ភ្នំពេញ៖ ក្រសួងសាធារណការ និងដឹកជញ្ជូន នៅថ្ងៃទី២៩ ខែមីនា ឆ្នាំ២០១៧នេះ បានបង្ហាញតារាងសេវាកម្មដឹកអ្នកដំណើរ និងយានជំនិះផ្សេងៗ តាមរថភ្លើង​ពីរាជធានីភ្នំពេញ ទៅកាន់ខេត្តព្រះសីហនុ ក៏ដូចជាទៅតាមបណ្តាស្ថានីយនៅខេត្តតាកែវ និងខេត្តកំពត។
យោងតាមតារាងតម្លៃសេវាកម្ម ដែលបានបង្ហាញ បានឲ្យដឹងថា ថ្លៃសំបុត្ររថភ្លើងសម្រាប់អ្នកដំណើរម្នាក់ពីភ្នំពេញ-តាកែវ តម្លៃ ៤ដុល្លារ, ភ្នំពេញ-កំពត តម្លៃ ៦ដុល្លារ, ភ្នំពេញ-ព្រះសីហនុ តម្លៃ ៧ដុល្លារ, តាកែវ-កំពត តម្លៃ ៥ដុល្លារ, តាកែវ-ព្រះសីហនុ តម្លៃ ៦ដុល្លារ, កំពត-ព្រះសីហនុ តម្លៃ ៤ដុល្លារ។
ចំណែកថ្លៃដឹកយានជំនិះពីភ្នំពេញ-ព្រះសីហនុវិញ សម្រាប់រថយន្ត ១៤ដុល្លារ, ម៉ូតូ ៥ដុល្លារ, កង់២ដុល្លារ។ សំបុត្ររថភ្លើងនេះ អាចរកទិញបាននៅតាមស្ថានីយរថភ្លើង នៅរាជធានីភ្នំពេញ ខេត្តតាកែវ ខេត្តកំពត និងខេត្តព្រះសីហនុ។
តារាងសេវាកម្មខាងលើ បានបញ្ជាក់ថា បើអ្នកដំណើរមានតែខ្លួនត្រូវទៅចាំនៅស្ថានីយរថភ្លើង ៣០នាទី មុនពេលចេញ តែបើមានយានជំនិះ និងទំនិញច្រើននោះ ត្រូវទៅដល់ស្ថានីយមុន ៦០នាទី ដើម្បីរៀបចំឲ្យបានទាន់ពេលវេលា។
សូមមើលតារាងសេវាកម្មដឹកអ្នកដំណើរតាមរថភ្លើង ដូចខាងក្រោម៖



កិច្ចប្រជុំមន្រ្តីជាន់ខ្ពស់កម្ពុជា-ចិន និងកិច្ចសហប្រតិបត្តិការភាពជាដៃគូ ជាយុទ្ធសាស្រ្តគ្រប់ជ្រុងជ្រោយកាន់តែទូលំទូលាយ

សៀមរាប៖ មន្រ្តីជាន់ខ្ពស់កម្ពុជា-ចិន បានបង្ហាញការប្តេជ្ញាចិត្តរបស់ខ្លួន​ កាន់តែខ្លាំងឡើង សម្រាប់ការអនុវត្តទៅថ្ងៃមុខ ដើម្បីធ្វើឱ្យទំនាក់ទំនង និងកិច្ចសហប្រតិបត្តិការ នៃភាពជាដៃ គូជាយុទ្ធសាស្រ្តគ្រប់ជ្រុងជ្រោយ កម្ពុជា-ចិន កាន់តែទូលំទូលាយ ស៊ីជម្រៅ និងផ្លែផ្កា ដែលនឹង ផ្តល់នូវផលប្រយោជន៍ដល់ប្រទេសទាំងពីរ ជាពិសេសប្រជាជនកម្ពុជា ក្នុងការធានារក្សាសន្តិភាព ស្ថេរភាព នយោបាយ ការអភិវឌ្ឍន៍សេដ្ឋកិច្ច និងការកាត់បន្ថយភាពក្រីក្រ ព្រមទាំងការ លើកតម្កើងជីវភាព រស់នៅប្រចាំថ្ងៃរបស់ប្រជាជន។
ការប្តេជ្ញារវាងមន្រ្តីជាន់ខ្ពស់នៃប្រទេសទាំង២នេះ បានធ្វើឡើងនៅក្នុងកិច្ចប្រជុំគណៈកម្មាធិការ សម្របសម្រួលអន្តររដ្ឋាភិបាល កម្ពុជា-ចិន ថ្នាក់អគ្គលេខាធិការលើកទី៤ នៅសណ្ឋាគារសុខា នាខេត្តសៀមរាប ដែលបានបញ្ចប់នៅថ្ងៃទី២៩ ខែមីនា ឆ្នាំ២០១៧នេះ។
កិច្ចប្រជុំនេះដឹកនាំរបស់លោក វង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការខាងភាគីកម្ពុជា និងលោក លីវ ជីវមីន អនុរដ្ឋមន្ត្រីក្រសួងការបរទេសចិន និងជាអគ្គលេខាធិការខាងភាគីចិន។ កិច្ចប្រជុំមនេះ ក៏មានការចូលរួមពីតំណាងក្រសួង-ស្ថាប័នពាក់ព័ន្ធសំខាន់ៗ នៃប្រទេសទាំងពីរផងដែរ។
យោងតាមមន្រ្តីដែលចូលរួមកិច្ចប្រជុំបានឱ្យដឹងថា កិច្ចប្រជុំថ្នាក់អគ្គលេខាធិការនេះ ជាកិច្ចប្រជុំសម្រាប់ត្រៀមរៀបចំ កិច្ចប្រជុំផ្លូវការ នៃគណៈកម្មការសម្រប សម្រួល អន្តររដ្ឋាភិបាល កម្ពុជា-ចិន លើកទី៤ ដែលគ្រោងនឹងប្រព្រឹត្តទៅនៅកម្ពុជា នៅចុងខែមេសាខាងមុខនេះ។
អង្គប្រជុំបានធ្វើការបូកសរុប វឌ្ឍនភាពការងារដែលសម្រេចបាន នៅក្នុងរយៈពេលកន្លងមក ជាពិសេសការងារ ពាក់ព័ន្ធទៅនឹងលទ្ធផល នៃដំណើរទស្សនកិច្ចផ្លូវរដ្ឋរបស់ លោកប្រធានាធិបតី ស៊ី ជិនពីង មកកាន់កម្ពុជា កាលពីថ្ងៃទី១៣ ខែតុលា ឆ្នាំ២០១៦ ដែលជាទស្សនកិច្ចមួយ មានលក្ខណៈជាប្រវត្តិសាស្រ្ត ហើយបានជួយលើកកម្ពស់កម្រិត នៃទំនាក់ទំនង កម្ពុជា-ចិន ឱ្យទៅដល់កម្រិតជាមិត្តភាពពិសេស ក៏ដូចជា ការបន្តប្រពៃណី ទំនាក់ទំនងល្អ នៃថ្នាក់ដឹកនាំកំពូលនៃ ប្រទេសទាំងពីរ ដែលជាស្នាព្រហស្ថរបស់សម្តេចព្រះនរោត្តម សីហនុ ព្រះបរមរតនកោដ្ឋ មកទល់នឹងពេលបច្ចុប្បន្ន និងរហូតតទៅថ្ងៃមុខទៀត។
អង្គប្រជុំក៏បានធ្វើការពិភាក្សា លើការងារត្រៀមរៀបចំសម្រាប់ការចូលរួមរបស់លោកនាយករដ្ឋមន្រ្ដី ហ៊ុន សែន នៅក្នុងវេទិកាកំពូលជាអន្តរជាតិស្តីពី «ខែ្សក្រវ៉ាត់មួយ ផ្លូវមួយ» ក៏ដូចជាដំណើរទស្សនផ្លូវការរបស់ លោកនាយករដ្ឋមន្រ្តី ទៅកាន់ប្រទេសចិន នាពាក់កណ្តាលខែឧសភាខាងមុខនេះ។ សម្រាប់កិច្ចប្រជុំនេះបានបញ្ចប់ទៅ ដោយជោគជ័យ ហើយទទួលបាននូវលទ្ធផលផ្លែផ្កា គួរជាទីពេញចិត្តនៅក្នុងស្មារតីមិត្តភាព និងកិច្ចសហប្រតិបត្តិការ យ៉ាងជិតស្និត និងស្មោះត្រង់។
ចប់ការប្រជុំរយៈពេលប៉ុន្មានថ្ងៃនេះ ថ្នាក់ដឹកនាំទាំង២ប្រទេស បានដើរកំសាន្ត និងទស្សនកិច្ចប្រាង្គប្រាសាទអង្គរវត្តផងដែរ៕







លោកនាយករដ្ឋមន្រ្តី ហ៊ុន សែន បញ្ជាក់ជាថ្មីទៀតអំពីតម្លៃនៃសុខសន្តិភាព

នៅថ្ងៃទី២៩ ខែមីនា ឆ្នាំ២០១៧នេះ ប្រមុខរាជរដ្ឋាភិបាលកម្ពុជា លោកនាយករដ្ឋមន្រ្តី ហ៊ុន សែន បានបញ្ជាក់នៅក្នុងទំព័រហ្វេសប៊ុករបស់លោកជាថ្មីម្តងទៀតអំពីតម្លៃនៃសុខសន្តិភាព។
លោកនាយករដ្ឋមន្រ្តី ហ៊ុន សែន បានបញ្ជាក់ថា សុខសន្តិភាព គឺជាឱកាសសម្រាប់ចៅៗទាំង អស់បានសិក្សារៀនសូត្រ កសាងសមត្ថភាព ដើម្បីទទួលបានចំណេះដឹងចូលរួមក្នុងការ​អភិវឌ្ឍប្រទេសជាតិឱ្យបានរីកចម្រើនទៅមុខជាបន្តទៀត។ លោក ហ៊ុន សែន ក៏បានសង្កត់​ធ្ងន់ផងដែរថា ក្នុងសម័យនេះ ដែលជាសម័យសុខសន្តិភាព និងការអភិវឌ្ឍ គឺលោកមិន​ទុក​ឱ្យ​ចៅៗអត់សាលារៀនឡើយ ហើយចៅៗគឺជាក្តីសង្ឃឹមរបស់ប្រទេសជាតិយើង។

នៅក្នុងទំព័រហ្វេសប៊ុករបស់លោកនាយករដ្ឋមន្រ្តី ហ៊ុន សែន បានបញ្ជាក់ថា «សុខសន្តិភាព គឺជាឱកាសសម្រាប់ ចៅៗទាំងអស់បានសិក្សារៀនសូត្រ។ ក្នុងសម័យនេះ គឺតាមិនទុកអោយចៅៗអត់សាលារៀនឡើយ។ ចៅៗគឺជាក្តីសង្ឃឹមរបស់ប្រទេសជាតិយើង»


ហ្វេសប៊ុក Boulam San៖ កុំផ្កាប់បំពង់រង់ចាំទឹកភ្លៀង!

នៅថ្ងៃទី២៩ ខែមីនា ឆ្នាំ២០១៧នេះ ទំព័រហ្វេសប៊ុក Boulam San បានបង្ហោះផ្សាយនូវអត្ថបទ ទស្សនវិភាគមួយក្រោមចំណងជើងថា «ផ្កាប់បំពង់រង់ចាំទឹកភ្លៀង! » ដែលមានខ្លឹមសារដូចខាង​ក្រោម៖
ដូនតាខ្មែរយើងតាំងពីបុរាណមកដែលបានស្គាល់ជីវិតសង្គមនិងនយោបាយច្បាស់លាស់​បានផ្តែផ្តាំកូនចៅកុំឱ្យជឿលើអ្វីមួយដែលមិនមែនជាការជាក់ស្តែង ឬកុំជឿលើអ្នកណាម្នាក់ដែលគ្រាន់តែនិយាយ ឬដោយគ្រាន់តែសន្យា។ ចាស់បុរាណច្រើនយកធម្មជាតិជាឧទាហរណ៍។ ពាក្យក្រើនរម្លឹក​ដែលយើងគ្រប់គ្នាជាកូនចៅជំនាន់ក្រោយ​បានដឹងគ្រប់គ្នា​នោះគឺ «កុំផ្កាប់បំពង់រង់ចាំទឹកភ្លៀង»។ ពាក្យនេះពិតជាមានន័យ ស៊ីជម្រៅខ្លាំងណាស់ដែលយើងគួរតែស្វែងយល់និងចងចាំ។
ពាក្យថា«កុំផ្កាប់បំពង់រង់ចាំទឹកភ្លៀង» ជាន័យចំគឺដូនតាយើងចង់ក្រើនរម្លឹកថា កុំគ្រាន់តែឃើញ​​មេឃមានពពកខ្មៅ និងលឺសូរផ្គរលាន់គ្រឹមៗ ឯនាយជើងមេឃ ក៏នាំគ្នាសន្និដ្ឋានថា បន្តិចទៀតនឹងមានភ្លៀងធ្លាក់មកហើយ។ ដូច្នេះ ម្នាក់ៗក៏នាំគ្នាប្រញ៉ាប់ប្រញ៉ាល់ចាក់ទឹក​ក្នុងពាង ក្នុងបំពង់ចោលអស់ព្រោះសង្ឃឹមថា នឹងអាចបានត្រងទឹកភ្លៀងថ្មីជំនួសវិញ។ ប៉ុន្តែ បន្តិចក្រោយមក ស្រាប់​តែខ្យល់បក់ពពកខ្មៅរសាត់អស់ ហើយមេឃក៏ស្រឡះឡើងវិញ ទឹកភ្លៀងក៏មិនបានធ្លាក់មកដែរ។ ពេលនោះ គ្រប់គ្នាក៏គ្មានទឹកប្រើប្រាស់ជួបគ្រោះអាសន្នធំ​ពីព្រោះតែទឹក ដែលនៅក្នុងពាង ក្នុងបំពង់ស្រាប់នោះ នាំគ្នាចាក់ចោលអស់ទៅហើយ។
យ៉ាងណាមិញ នៅក្នុងសង្គមជាក់ស្តែងក៏មានរឿងរ៉ាវជាច្រើនដូចគ្នានេះកើតមានដែរ។ មិនត្រឹមតែន័យចំទេ ដូនតាខ្មែរយើងក៏បានបង្កប់ន័យធៀបក្នុងនោះផងដែរ ពោលគឺពួកគាត់​ចង់ផ្តាំកូនចៅកុំឲ្យឆាប់ជឿលើអ្វីដែលមិនមែនជាការជាក់ស្តែង អ្វីដែលមិនទាន់មកដល់ហើយគ្រាន់តែ លឺតាមខ្យល់ តាមពាក្យសន្យាមិនប្រាកដប្រជា។ ចំណុចត្រង់នេះមានសារៈសំខាន់ខ្លាំងណាស់សម្រាប់មនុស្សក្នុងសង្គមបច្ចុប្បន្នដែល នយោបាយប្រជាភិថុតិ តាមរយៈការឃោសនា​ ការសន្យាខ្យល់កំពុងកើតមានយ៉ាងពេញបន្ទុក។ គណបក្សនយោបាយខ្លះសន្យាហួសមាឌ របស់ខ្លួនទៅទៀតក៏មានដែរ។ ពួកគេសន្យាផ្តល់ប្រាក់ឧបត្ថម្ភចាស់ជរា សន្យាដំឡើង​ប្រាក់ខែមន្ត្រីរាជការ កម្មករ គ្រូបង្រៀន ទាហាន ប៉ូលិស។ ពួកគេសន្យាផ្តល់ថវិការាប់សិបម៉ឺនដុល្លារ​ដល់​ក្រុមប្រឹក្សាឃុំសង្កាត់។ ប៉ុន្តែ មិនដឹងថាបានលុយមកពីណា ទេ គឺចេះតែដេកស្រម៉ៃ​ហើយ​បូក ដក គុណ ចែក ខ្យល់សុទ្ធ។
អ្វីដែលគួរកត់សម្គាល់ម្យ៉ាងទៀត ពួកគេសន្យាដំឡើងប្រាក់ខែជូនកម្មករ តែនៅម្ខាងទៀតពួកគេ​ដើរបញ្ចុះបញ្ចូលឱ្យអន្តរជាតិកាត់ឈប់ទិញផលិតផលរោងចក្រពីកម្ពុជា។ នៅពេលពួកគេនិយាយថា ចង់ឱ្យប្រទេសអភិវឌ្ឍឱ្យបានលឿន តែពួកគេដើរប្រាប់​អន្តរជាតិកុំឱ្យផ្តល់ជំនួយ ដល់កម្ពុជា។ នៅពេលពួកគេ​សន្យាដំឡើងប្រាក់ខែឱ្យមន្ត្រីរាជការ គ្រូបង្រៀន តែពួកគេដើរបញ្ចុះបញ្ចូលនិយាយអាក្រក់ពី​កម្ពុជាប្រាប់បរទេស ថាកុំឲ្យគាំទ្ររាជរដ្ឋាភិបាលដោយលើកហេតុផលថា មន្ត្រីរាជការធ្វើការដើម្បីបក្សមិនបម្រើជាតិទេ។ ជាក់ស្តែងទ្រឹស្តីពួកគេដែលកំពុងនិយាយ «ដូរមេឃុំបម្រើបក្ស ដាក់មេឃុំបម្រើរាស្ត្រ» គឺជាឧទាហរណ៍ជាក់ស្តែងដែលបក្សប្រឆាំងប្រមាថមន្ត្រីរាជការ និងអាជ្ញាធរខ្មែរយ៉ាងធ្ងន់ធ្ងរ។ អ្វីដែលហួសចិត្តជាងនេះ គឺពួកគេនិយាយតែមាត់ តែការពិត ខ្លួន​កំពុងតែចាប់បង្ខំឱ្យបេក្ខជនឈរឈ្មោះបោះឆ្នោតក្រុមប្រឹក្សាឃុំ សង្កាត់ រកលុយបង់ចូលបក្ស និងកសាងបណ្តាញឲ្យបក្ស។ បើមិនដូច្នោះទេ មន្ត្រីឃុំសង្កាត់ទាំងនោះនឹងប្រឈមមុខនឹងការដេញចោល។ បែបនេះ គេហៅថា«ចិត្តជាទេវទត្ត មាត់ជាទេវតា»។ ទាំងអស់នេះគ្រាន់តែជាឧទាហរណ៍ត្រួសៗដែលសបញ្ចាក់ថា ការសន្យារបស់ អ្នកនយោបាយ ពោរពេញដោយភាពពិសពុលដើម្បីតែសម្រេច​មហិច្ឆតានយោបាយរបស់ខ្លួនតែប៉ុណ្ណោះ។
ដូច្នេះ ប្រជាពលរដ្ឋម្ចាស់ឆ្នោតត្រូវស្វែងយល់ពីបញ្ហានេះឱ្យច្បាស់ទើបមិនចាញ់បោកអ្នកនយោបាយ។ ពាក្យសន្យាទាំងអស់នេះមិនខុសពី សូរផ្គរលាន់រកកលភ្លៀងនោះទេ។ វាមិនប្រាកដ​ថា​ភ្លៀងឡើយ។ ដូច្នេះ សូមបងប្អូនកុំចាក់ទឹកក្នុងបំពង់ចោល​ហើយផ្កាប់បំពង់រង់ចាំ ទឹកភ្លៀងឱ្យសោះ។ ជាពិសេសក្នុងស្ថានភាពបច្ចុប្បន្នដែលការប្រែប្រួលអាកាសធាតុកំពុងកើតឡើង យើងរឹត​តែលែងទាយត្រូវ រឹតតែលែងរំពឹងលើសូរផ្គរលាន់បានទៀតហើយ។ សូមបងប្អូនរក្សាទឹកដែលមានស្រាប់ក្នុងស្រែ ក្នុងស្រះ ត្រពាំង បឹងបួរ ក្នុងពាង ក្នុងបំពង់ឱ្យបានល្អ ហើយខិតខំរក​ប្រភពទឹកមកបំពេញវាឱ្យកាន់តែមានច្រើនជាងនេះទើបអាចធានាថាយើងនឹងមានទឹកប្រើប្រាស់ខួបប្រាំងវស្សាមិនដាច់។
យ៉ាងណាមិញ ​សន្តិភាព ស្ថិរភាពនយោបាយ និងការអភិវឌ្ឍប្រកបដោយភាព​សម្បូរសប្បាយ​​ដែលយើងកំពុងមានសព្វថ្ងៃគឺជា​សមិទ្ធផលជាក់ស្តែង​ដែលយើងមានក្នុងដៃ យើងបានមកដោយកម្រ។ ម្យ៉ាងទៀត អ្វីដែលពួកគេសន្យា រាជរដ្ឋាភិបាល​បានធ្វើរួចទៅហើយ។ ជាក់ស្តែង ប្រាក់ខែមន្ត្រីរាជការ គ្រូបង្រៀន កងកម្លាំងប្រដាប់អាវុធ និងកម្មករ ត្រូវបានដំឡើងជាបន្តបន្ទាប់។ ដូច្នេះ យើងត្រូវរួមគ្នាថែរក្សា​សមិទ្ធផល​ទាំងនោះ​ឱ្យបានគង់វង្ស និងរួមគ្នាជាមួយរាជរដ្ឋាភិបាល​ដែលលោកហ៊ុន សែនបាននិងកំពុងដឹកនាំដើម្បីធ្វើឲ្យ​ប្រទេស​ទទួលបាននូវភាពសម្បូរ សប្បាយ និងការអភិវឌ្ឍកាន់តែខ្លាំងជាងនេះដោយមានសន្តិភាព និងស្ថិរភាពនយោបាយជាមូលដ្ឋានមិនអាចខ្វះបាន​។ នេះជាជម្រើសដ៏ល្អបំផុត​សម្រាប់យើង និងកូនចៅយើងទៅថ្ងៃអនាគត។ ដូច្នេះ សូមកុំភ្លេចបណ្តាំដូនតាយើងឱ្យសោះថា «កុំផ្កាប់បំពុងរង់ចាំទឹកភ្លៀង» ប្រយ័ត្ននាំគ្រោះអាសន្នធំដល់ខ្លួន៕

គណៈកម្មការរដ្ឋសភា បើកកិច្ចប្រជុំពិភាក្សាសេចក្តីព្រាងច្បាប់អនុម័តយល់ព្រមពិធីសារទី៣ស្តីពីកិច្ចសហប្រតិបត្តិការសេដ្ឋកិច្ចទូលំទូលាយ

នៅថ្ងៃទី២៩ ខែមីនា ឆ្នាំ២០១៧នេះ នៅវិមានរដ្ឋសភា គណៈកម្មការទី៩នៃរដ្ឋសភា ដឹកនាំដោយលោកស្រី និន សាផុន ប្រធានគណៈកម្មការ សហការជាមួយគណៈកម្មការទី៥នៃរដ្ឋសភា ដឹកនាំដោយលោក ឈាង វុន ប្រធានគណៈកម្មការ បានបើកកិច្ចប្រជុំពិនិត្យពិភាក្សាសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ធ្វើវិសោធនកម្មកិច្ចព្រមព្រៀងពាណិ​ជ្ជកម្មទំនិញ នៅក្រោមកិច្ចព្រមព្រៀងក្របខ័ណ្ឌស្តីពីកិច្ចសហប្រតិបត្តិការសេដ្ឋកិច្ចទូលំទូ​លា​យ ក្នុងចំណោមរដ្ឋាភិបាលនៃប្រទេសសមាជិកសមាគមប្រជាជាតិអាស៊ីអាគ្នេយ៍ និងសាធា​រណរដ្ឋកូរ៉េ ជាមួយតំណាងរាជរដ្ឋាភិបាលដឹកនាំដោយលោក ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម និងសហការី ដោយបានសម្រេចដាក់បញ្ចូលក្នុងរបៀបវារៈសម័យប្រជុំពេញអង្គនៃរដ្ឋសភាដើម្បីពិភាក្សានិងអនុម័តនាពេលខាងមុខនេះ។
ពិធីសារទី៣នេះ មានចំនួន ១១មាត្រា ដែលបានធ្វើវិសោធនកម្មលើមាត្រាមួយចំនួននៃកិច្ចព្រមព្រៀង និងជំនួសដោយមាត្រាថ្មី ក្នុងគោលបំណងបង្កើនប្រសិទ្ធភាពនៃកិច្ចសហប្រតិបត្តិការលើការសម្រួលពាណិជ្ជកម្ម ដោយបញ្ជាក់ឱ្យបានច្បាស់អំពីទំហំ និងលក្ខខណ្ឌ ដែលភាគីមួយចំនួនអាចអនុវត្តការព្រមព្រៀងបដិកាចំពោះប្រព្រឹត្តកម្មអត្រាពន្ធគយ (Reciprocal Treat​ment) ផ្តល់កម្មវិធីកាត់បន្ថយ និង/ឬ លុបបំបាត់អត្រាពន្ធគយតាមបន្ទាត់ពន្ធនីមួយៗ ដោយអនុ​លោមតាមការប្តេជ្ញាចិត្តរបស់ភាគីនីមួយៗ និងបន្ថែមនីតិវិធីគយ និងការសម្រួលពាណិជ្ជកម្ម ។
ពីធីសារទី៣នេះ នឹងផ្តល់អត្ថប្រយោជន៍សំខាន់ៗដូចខាងក្រោម៖
១- បញ្ចូលនីតិវិធីគយ និងសម្រួលពាណិជ្ជកម្ម៖ ជានីតិវិធីមួយដែលធ្វើឱ្យការបំពេញបែបបទគយបានក្នុងរយៈពេលខ្លីនិងឆាប់រហ័ស
២- បញ្ជាក់មុខទំនិញឱ្យបានច្បាស់លាស់នៅក្នុងកម្មវិធីកាត់បន្ថយ ឬលុបបំបាត់អត្រាពន្ធគយនូវកម្មវិធីរួម ដែលជាវិធានមួយសម្រួលដល់អ្នកនាំចេញ-នាំចូលមានភាពងាយស្រួលក្នុងការពិនិត្យមើលថាតើទំនិញណាមាននៅក្នុងកម្មវិធីធម្មតានិងកម្មវិធីវេទយិត
៣- អនុញ្ញាតឱ្យផលិតករអាចគណនាលើសមាសភាពតម្លៃតំបន់តាមរូបមន្តមួយណាក៏បាន ក្នុងចំណោមរូបមន្តទាំងពីរ ដែលនៅក្នុងកិច្ចព្រមព្រៀងដើមអនុញ្ញាតឱ្យគណនាតាមតែរូបមន្តណាដែលភាគីនោះបានជ្រើសរើសតែប៉ុណ្ណោះ។ ការអនុគ្រោះនេះជាការសម្រួលដល់ផលិតករក្នុងស្រុក៕


សំបុត្រថ្ងៃនេះ៖ កម្ពុជា ក្នុងបរិបទពិភពលោក

តើ «ទំនាស់» របស់ពិភពលោក «វិវត្តន៍ និង ប្រែ ប្រួល» ដូចម្តេច? តើអ្វីជា «ភ្នាក់ងារ» (Agent) នៃ ទំនាស់ របស់ ពិភពលោក? កម្ពុជា ឬបណ្តាប្រទេសតូចៗឯទៀត តិច ឬច្រើន តែងរងឥទ្ធិពលពីការសាកល្បងទ្រឹស្តី និងទំនាស់របស់ពិភព លោកជានិច្ច។ ឥឡូវនេះ កម្ពុជា ក៏កំពុងរង ឥទ្ធិពល នៃការ សាកល្បងទ្រឹស្តី របស់ពិភពលោកនៅឡើយដែរ!។ «ទំនាស់» ធំៗរបស់ពិភពលោក «វិវត្តន៍&ប្រែប្រួល» តាមដំណាក់កាល ដូចតទៅ៖
១. ទំនាស់ការប្រគួតឥទ្ធិពលរបស់អាណាចក្រ! Clash of Empires (ស.វទី ៣-៨)៖ ក្នុងភូមិភាគអាស៊ីអាគ្នេយ៍ ខ្មែរក៏ជាអាណា ចក្រ១ ហើយ អាណាម តុងកឹង ចំប៉ាគឺសុទ្ធតែជាអាណាចក្រ។ តែទីបំផុត អាណាចក្រចំប៉ា បាត់ពីផែនទីពិភពលោក។ តើពេលនោះគេប្រើអ្វីធ្វើជាភ្នាក់ងារនៃទំនាស់?
សូមសិក្សាបន្ថែម!
២. ទំនាស់នៃការប្រគួតឥទ្ធិពលសាសនា!Clash of Religious (ស.វទី៨-១៤)៖ ក្នុងបរិបទកម្ពុជា គឺអាចសិក្សាតាមរយៈ ប្រាង្គ ប្រាសាទ ដែលក្នុងអំឡុងសតវត្សរ៍ទី៨-១២ កើតឡើងនូវ ទំនាស់ប្រជែងឥទ្ធិពលរវាង ព្រហ្មញសាសនា និង ព្រះពុទ្ធ សាសនា គឺធំធេងណាស់។ ក្នុងពិភព លោកក៏មាន សាសនា ច្រើនណាស់ទៀតដែលប្រជែងគ្នា នូវទំនាស់រវាង នីកាយ សាសនាផង និងរវាងសាសនា១នឹងសាសនា១ទៀតផង។
តើពេលនោះគេប្រើអ្វីធ្វើជាភ្នាក់ងារនៃទំនាស់? សូមសិក្សាបន្ថែម!
៣. ទំនាស់នៃការប្រគួតឥទ្ធិពលមនោគមន៍វិជ្ជា! Clash of Ideo logy (ស.វទី១៩-២០)៖ ពិភពលោកប្រគួតគ្នារវាង លទ្ធិ កុម្មុយ និស្ត និងពួកសេរីនិយម ឬហៅថា ប្រជាធិបតេយ្យ។ លទ្ធ ផល នៃការសាកល្បងទ្រឹស្តី និងការប្រកួតគ្នានេះ នាំឲ្យមាន «សង្គ្រាមត្រជាក់» កើតឡើង។ តើសង្គ្រាមត្រជាក់នៅឥណ្ឌូចិន ស្លាប់មនុស្សអស់ប៉ុន្មាន? គ្រាន់តែកម្ពុជា ស្លាប់ប្រជាជនអស់ ៨សែននាក់ដោយការទម្លាក់គ្រាប់បែក ជាង៣លាននាក់ដោយសារអំពើប្រល័យពូជសាសន៍។ នេះមិនរាប់អំពី ជនពិការ ទុក្ខសោករបស់ ប្រជាជនដែលត្រូវព្រាត់ប្រាស់បងប្អូន និងការអន្តរាយលើហេដ្ឋារចនាសម្ព័ន្ធសង្គមនោះផង។ ដោយសារការប្រគួតឥទ្ធិពលមនោគមន៍វិជ្ជានេះ គេបានធ្វើឲ្យប្រជាជាតិក្នុងឥណ្ឌូចិន «ក្លាយជាមិត្តផង និងជាសត្រូវនឹងគ្នា» ហើយក៏បន្សល់ទុកមរតកជម្លោះទាំង ខាងបូរណភាពអធិបតេយ្យ និងការរើសអើងពូជសាសន៍ មានមកទល់សព្វថ្ងៃ។ តើគេប្រើអ្វីធ្វើជាភ្នាក់ងារនៃទំនាស់?
សូមសិក្សាបន្ថែម!
៤. ទំនាស់នៃការប្រគួតឥទ្ធិពលអារ្យធម៌! Clash of Civili zat ions (ស.វទី២០)៖ ទំនាស់នេះកើតឡើង ដោយការឈឺ ចាប់ នៃពិភពម៉ូស្លីម ប្រឆាំងវប្បធម៌ អារ្យធម៌ របស់លោកខាងលិច ជាពិសេសគោលដៅគឺពួកគេប្រឆាំងអាមេរិក។
សង្គ្រាមអាមេរិកនៅឈូងសមុទ្ទពែក ក្នុងទសវត្សរ៍ឆ្នាំ១៩៩០ បង្កើតការឈឺចាប់ខ្លាំងណាស់។ វប្បធម៌អាសអាភាស របស់ លោកខាងលិច ក៏ធ្វើឲ្យជនម៉ូស្លីមស្អប់ខ្លាំងណាស់ដែរ។ ដូច្នេះ ព្រឹត្តិការណ៍ 9/11 ឆ្នាំ២០១១ នៃការវាយប្រហារ ដោយប្រើ យន្តហោះធ្វើអត្តឃាតបុកកម្ទេច មជ្ឈមណ្ឌលពាណិជ្ជកម្ម អា មេរិក World Trade Center ការវាយលើមន្ទីរបង់តាហ្គោន ដែលជាទីបញ្ជាការយោធាអាមេរិក គឺជាផែនការ និងការលះ បង់ ក្នុងបុព្វហេតុដើម្បីរំលាយអាមេរិកឲ្យទៅជាផេះ។
សហរដ្ឋអាមេរិក ក៏បើកការវាយប្រហារលើប្រទេស អ៊ីរ៉ាក់ និងបង្ក្រាបប្រទេសម៉ូស្លីមជាច្រើនទៀតដែរ។ សួរថា តើនេះជា ប្រជាធិបតេយ្យឬ? បើប្រជាធិបតេយ្យប្រើកាំភ្លើង វាមិនមែន ជាដំណើរឆ្ពោះទៅរកសេរីភាពទេ ប៉ុន្តែនិយាយឲ្យខ្លី គឺវា ជា« ការសងសឹក!» សងសឹក! សងសឹក!។
ភ្នាក់ងារដ៏មុតស្រួចក្នុងទំនាស់អារ្យធម៌នេះ គឺក្រុម «អត្តឃាត» ដែលហ៊ានពលីកម្មជីវិតបើកយន្តហោះកម្ទេចអាមេរិក ឬឱប ដាក់គ្រាប់បែករត់ចូលកម្ទេចគោលដៅណាមួយ (suicide bom bers)។ នេះជាសោកនាដកម្មរបស់មនុស្សជាតិ និងពិភព លោក។
៥. ទំនាស់នៃការប្រកួតឥទ្ធិពលទំនើបកម្មនិងសម្ភារៈនិយម! Clash of Modernity ឬអាចហៅម្យ៉ាងទៀតថា Clash of Technology (ស.វទី២១)៖ «សម្ភារៈកំណត់មនសិការ» បាន បង្កើតស្ថានភាពប្រេះស្រាំ ក្នុងប្រជាជាតិនីមួយៗយ៉ាងខ្លាំង ដែលសូម្បីប្រទេសអាមេរិកខ្លួនឯង ក៏បែកបាក់ស្មារតីជាតិធំធេង និងធ្លាក់ចុះនូវសីលធម៌ គុណធម៌ ដ៏អាក្រក់បំផុតដែរ។
តែទោះបីជាយ៉ាងណា ប្រទេសតូចៗ គឺរងផលប៉ះពាល់ច្រើនជាង។ ទំនាស់នៃការប្រគួតឥទ្ធិពលទំនើបកម្ម និងសម្ភារៈនិយម វាធ្វើឲ្យទម្រង់នៃការដឹកនាំប្រែប្រួល ក៏ប៉ុន្តែផលប៉ះពាល់ធំរបស់វា គឺលើឥរិយាបទ និងសីលធម៌របស់មនុស្ស។ ភ្នាក់ងារដ៏សកម្មក្នុងទំនាស់របស់ពិភពលោកបែបថ្មីនេះ គឺបច្ចេកវិទ្យា IT & Social Media ដែលសំដៅដល់ Facebook ។ ភ្នាក់ងារនេះ មានមុខងារ២គឺ ជួយផង និងបំផ្លាញផង។
ជាការពិត រាល់ទំនាស់ ឬសង្គ្រាមដែលកើតឡើង ភ្នាក់ងាររបស់វា គឺមនុស្ស សព្វាវុធ មនោគមន៍វិជ្ជា និងបច្ចេកវិទ្យា គឺទៅជាមួយគ្នា គ្រាន់តែថា គេប្រើមួយណាច្រើនជាង។ ទាំងទ្រឹស្តីនិងភាពជាក់ស្តែង អ្វីដែលកើតមក គឺវានឹងវិវត្តន៍តទៅទៀត ទៅទម្រង់ទំនើបកម្មថ្មី ឬអន្តរាយ។
ប្រទេសតូចៗ តែងតែរងឥទ្ធិពលពីការបង្កើតទ្រឹស្តីថ្មីៗ របស់ពិភពលោក និងការដែលគេសាកល្បងទ្រឹស្តីនេះ។ ឥទ្ធិពលទំនាស់ពីខាងក្រៅ វាក៏បង្កើតឲ្យមានទំនាស់នៅខាងក្នុងផងដែរ។ ហេតុអ្វី? រឿងនេះសាមញ្ញនិងងាយយល់បំផុត។ ដំបូងឡើយគេបង្កើតនិងសាកល្បងលើ IPhone 4 និងអភិវឌ្ឍ បន្តបន្ទាប់ទៀតគឺ IPhone 5 IPhone 6 និងឥឡូវនេះ គឺ iPhone 7។ អ្នកទ្រស្តីបង្កើតថ្មីគេមិនឈប់ត្រឹមនេះទេ គេនឹងបង្កើតទ្រឹស្តីថ្មីៗជាស៊េរីបន្តទៀត។ ដូច្នេះតើទំនាស់វានៅកន្លែងណាបើទូរស័ព្ទដូចតែគ្នា?៖
ទី១. ទំនាស់សម្ភារៈនិយមដោយលទ្ធភាព៖ ឪពុកអត់លុយ តែកូនបន្តទាមទារដូរម៉ូតទូរស័ព្ទ ឬម៉ូតរថយន្ត។ កូនមាន IPhone 4 ប្រើហើយ តើបើដូរ iPhone 5 អត់បាន វា ទៅ ជាកើតទំនាស់! តើក្នុងទំនាស់នេះ១ណាខុស ១ណាត្រូវ? ត្រូវ ឬខុស គឺរកមិនឃើញទេ។ ក៏ប៉ុន្តែ ចូរយល់ថា ទាំង ឪពុក និងកូន គឺរងគ្រោះដូចគ្នាលើបញ្ហាសម្ភារៈនិយមនេះ។

ទី២. ទំនាស់លើបញ្ហាសម្ភារៈនិយមដោយការប្រៀបធៀប៖ មានរថយន្តប្រើដូចគ្នា គ្រាន់តែមួយស៊េរីឆ្នាំ២០១០ ហើយ មួយទៀតស៊េរីឆ្នាំ២០១២ ក៏ប្រកួតគ្នា ដែលធ្វើឲ្យមានទំនាស់ លើសីលធម៌ និងវណ្ណៈភាពសង្គមដែរ។ មានរថយន្តម៉ាក តូយូតា ដូចគ្នា តែមួយ Land cruiser ហើយមួយទៀត Lexus 2017 ក៏បង្កើតទំនាស់ប្រៀបធៀបដែរ។
ទំនាស់នៃការប្រគួតឥទ្ធិពលទំនើបកម្ម និងសម្ភារៈនិយម ក្នុង យុគ្គសម័យបច្ចេកវិទ្យា គឺមានលក្ខណៈសកលផង លក្ខណៈ តំបន់ផង លក្ខណៈសង្គមផង និងកាន់ តែតូច ទៅទៀត គឺរវាង បុគ្គលនិងបុគ្គល។ ទំនាស់នេះពេលខ្លះមើលឃើញ ពេលខ្លះ មើលមិនឃើញ។ អ្វីដែលជាចំណុចគ្រោះថ្នាក់បំផុតក្នុងទំនាស់សម្ភារៈនិយមក្នុងសម័យបច្ចេកវិទ្យា ទាំងក្នុងសង្គម និង នយោបាយ គឺនៅ ពេលដែល៖ទី១) ប្រជាជនខំរត់តាមទ្រឹស្តីគេ ដែល គេនឹងបន្ត បង្កើតជាស៊េរីជារៀងរាល់ឆ្នាំមិនឈប់ឈរ និងទី២)គឺ ប្រជាជន មិនបានដឹងអ្វីជារបស់ពិត ឬការពិត! នោះនៅត្រង់អ្វី? សម័យ ឥឡូវ ទូរស័ព្ទ ឡើងស៊េរីមិនឈប់ឈរ រថយន្ត ចាស់អាច កែឡើងស៊េរីថ្មីបន្លំភ្នែកគេបាន។ រថយន្តផលិតឆ្នាំ២០១០ កែ ឡើងស៊េរីឆ្នាំ២០១៦។ រីឯអ្នកនយោបាយ ក៏កែឡើងស៊េរីដែរ។ អ្នកនយោបាយចាញ់ឆ្នោត៤អាណត្តិជាប់ៗគ្នា ឬអ្នកនយោ បាយពួនស៊ុគ្រំ ក្នុងបន្ទប់កែស៊េរី ដូរឈ្មោះបក្សដូរ សារនយោ បាយជារផងរាល់ពេល បោកបន្លំត្រចៀក ប្រជាជន ឥតឈប់ ឈរ…។
នេះជាប្រវត្តិសាស្ត្រជាទ្រឹស្តី និងភាពជាក់ស្តែងផង ដែលយើង ទាំងអស់គ្នា ត្រូវមានភាពប្រាកដនិយមក្នុងជំនឿ និងការ សម្រេចចិត្ត។ អ្វីៗវានឹងប្រែប្រួល តែយើងត្រូវចេះសម្រប និង ត្រូវគ្រប់គ្រងការប្រែប្រួលដោយខ្លួនយើងនិងដោយម្ចាស់ការ។ ការធ្វើនយោបាយដោយងងិតងងុលបម្រើទ្រឹស្តីនិងមនោគមន៍វិជ្ជាបរទេស គឺស្មើនឹងបំផ្លាញជាតិ។ «ការធ្វើនយោបាយ បម្រើ ផលប្រយោជន៍ជាតិខ្មែរ គឺស្នេហាជាតិ»។
«សន្តិភាព» នៅកម្ពុជា ដែលបានមកហើយ នេះមានតម្លៃ ខ្លាំង ណាស់ហើយមិនមែនបានដោយងាយស្រួលនោះទេ។ សន្តិភាពដែលកើតមានឡើងនៅលើដែន ដីព្រះរាជាណាចក្រ កម្ពុជានេះ គឺមានន័យថា៖ ទី១) យើងបន្ថយ និងបញ្ចប់ បាន ឥទ្ធិពលទំនាស់ពីបរទេស ទី២)យើងបញ្ចប់ បានការបែក បាក់ ហែកហួរផ្ទៃក្នុងយើងផង។
ទោះបី Facebook វាស៊ីអារម្មណ៍ដែល ការពិត ក្លែងក្លាយ កាត់ ត បំភ្លៃ បំផ្លើស ប្រឌិត គេធ្វើបានក្នុងពេលតែមួយ។ ប៉ុន្តែ សូមកុំធ្វើនយោបាយស៊ីជោ តាមអារម្មណ៍ ដោយងងិតងងុល ដែលនាំគ្រោះថ្នាក់ដល់ជាតិនិងប្រជាជន។ សូមកុំស៊ីអារម្មណ៍ តាមអ្នកនយោបាយឡើងស៊េរី។ សូមក៉ំបន្លែងលេង ឈ្លក់វង្វេង រហូតពុល មនោគមន៍វិជ្ជាបរទេស ដោយមិនដឹងខ្លួន។ វិន័យ និងច្បាប់ ត្រូវតែអនុវត្ត ដើម្បីចូលរួមថែរក្សាការពារ សន្តិភាព។
កម្ពុជា៖ យើងត្រូវមើលឱ្យឃើញពីគុណតម្លៃសន្តិភាព ដែល មាន លោកនាយករដ្ឋមន្រ្តី ហ៊ុន សែន ជាស្ថាបនិក។ សន្តិភាព នេះផ្តល់ឱកាសឲ្យយើងទាំងអស់គ្នាមានពេលវេលាជាមហាគ្រួសារខ្មែរ ឈរសំឡឹងមើលអនាគតកម្ពុជាក្នុងស្នាមញញឹមដ៏ប្រសើរ។ យើងនៅជាមួយគ្នាតទៅទៀត! សូមអរគុណ ស្ថាបនិកសន្តិភាព!៕
ដោយ៖ ហ៊ុយ វណ្ណៈ