ឯកឧត្តមឯកអគ្គរាជទូតកម្ពុជា បានលើកថា "កម្ពុជាគឺពិតជាមានសុខដុមរមនាសាសនា និងជាតិសាសន៍ ដូចគ្នានឹងសាធារណរដ្ឋកូរ៉េដែរ ដោយសារការអនុវត្តគោលនយោបាយដ៏ត្រឹមត្រូវរបស់រាជរដ្ឋាភិបាលកម្ពុជា" ។
នេះជាការលើកឡើង ក្នុងកម្មវិធីដំណើរទស្សនកិច្ច និងពិនិត្យទីតាំងស្នាក់នៅបណ្ដោះអាសន្ន របស់ពលករខ្មែរនៅតំបន់ Cheonan ក្នុងអំឡុងពេលផ្លាស់ប្ដូរកន្លែងធ្វើការ អត់កន្លែងស្នាក់នៅ របស់ក្រុមការងារស្ថានទូតដឹកនាំដោយ ឯកឧត្តម ឡុង ឌីម៉ង់ ឯកអគ្គរាជទូត នៅព្រះវិហារហា នឹលជុងអាំង នៃតំបន់ Cheonan ខេត្ត ChungNam ភាគខាងត្បូងនៃទីក្រុងសេអ៊ូល។
ក្នុងឱកាសនេះផងដែរ ឯកឧត្តម និងសហការី ក៏បានចូលរួមកម្មវិធីអធិដ្ឋានដល់ព្រះយេស៊ូគ្រិស្ត ដើម្បីព្រះអង្គជួយឲ្យមានសុខសន្ដិភាពក្នុងពិភពលោក និងជួយប្រជាពលរដ្ឋកូរ៉េ និងកម្ពុជា មានសេចក្ដីសុខផ្លូវចិត្ត និងមានសុមង្គលក្នុងក្រុមគ្រួសារផងដែរ៕
