Tuesday, December 01, 2015

សម្តេចតេជោ ហ៊ុន សែន នឹងអញ្ជើញសម្ពោធមណ្ឌលកីឡាហែលទឹកតេជោសែន នៅខេត្តកំពង់ចាម នៅថ្ងៃទី០២ ខែធ្នូ ខាងមុខនេះ

តាមប្រភព​ព័ត៌មាន ​ដែលបង្ហោះផ្សាយ​ដោយឯក​ឧត្តម កឹម ​គុណវឌ្ឍ ​អគ្គនាយក​ទូរទស្សន៍ ​ជាតិកម្ពុជា ​បានឲ្យដឹងថា ​នៅថ្ងៃទី០២ ​ខែធ្នូ ​ឆ្នាំ២០១៥​ខាងមុខនេះ ​សម្តេចអគ្គ​មហាសេនាបតី ​តេជោ ហ៊ុន សែន ​នាយក​រដ្ឋមន្ត្រី ​នៃព្រះរាជា​ណាចក្រកម្ពុជា ​និងសម្តេច​កិត្តិព្រឹទ្ធបណ្ឌិត​ នឹងអញ្ជើញ​ជាអធិបតីភាព​ ក្នុងពិធី​សម្ពោធមណ្ឌល​កីឡា ហែលទឹ​កតេជោសែន ​នៅខេត្ត ​កំពង់ចាម​ និងការប្រកួត​ពានរង្វាន់​ហែលទឹក​ តេជោសែន​ឆ្នាំ ២០១៥​។
ឯកឧត្តម ​កឹម គុណវឌ្ឍ ​បានជំរាប​ជូនដល់អ្នក​សារព័ត៌មាន​ និងសាធារណៈជន​ថា ទូរទស្សន៍ជាតិ កម្ពុជា​ (ទទក) ​នឹងធ្វើការផ្សាយផ្ទា​ល់ផ្សាយចេញពី​ទីរួមខេត្ត​កំពង់ចាម​ក្នុងព្រឹត្តិការណ៏ ​ពិធីសម្ពោធ​មណ្ឌលកីឡា ​ហែលទឹក​តេជោសែននេះ។​
សូមជំរាបថា​ «មណ្ឌលកី​ឡាហែលទឹក​តេជោសែន» គឺជាមណ្ឌល​កីឡាហែលទឹក​លំដាប់អន្ត​រជាតិ បំពាក់​ដោយបរិក្ខា​បច្ចេកវិទ្យាដ៏​ទំនើប ​ដែលបាន​ចំណាយប្រាក់​សាងសង់រហូតដល់ ​១, លានដុល្លារ​អាមេរិក។​ មជ្ឈមណ្ឌលកី​ឡាហែល​ទឹកនេះ ​បានចាប់ផ្តើម​សាងសង់​ កាលពីថ្ងៃ១៨ ​ខែកុម្ភៈ ឆ្នាំ២០១៣ ​លើផ្ទៃដីទំហំ ៦៥ម៉ែត្រ x ​១២០ម៉ែត្រ ស្ថិ​តក្នុងកីឡា​ដ្ឋានខេត្ត​កំពង់ចាម។ ​មានអាងហែលទឹកទំហំ ​២៥ម៉ែត្រ x ៥០ ម៉ែត្រ, អាងលោត​ទឹកទំហំ ​២៥ម៉ែត្រ x ២៥ម៉ែត្រ, អាងហែលទឹ​កកំដៅសាច់ដុំមុន​ពេលប្រកួត​ទំហំ ១០ម៉ែត្រ x ១៥ម៉ែត្រ, អគារបម្រើការ​ប្រកួតទំហំ ​៧ម៉ែត្រ x ៣៥ម៉ែត្រ, មានជាន់​ផ្ទាល់ដី ​និងជាន់ទី១​ (ក្នុងនោះ ​មានបន្ទប់ VIP ទំហំ ​៧ម៉ែត្រ x ​១៥ម៉ែត្រ), និងកន្លែងទស្សនាចំនួន​ ៦១៥កន្លែង។ ​អាងហែលទឹក​នេះត្រូវបាន​សាងសង់ ​និងបំពាក់ទៅដោ​យម៉ាស៊ីនចម្រោះ​ទឹកទៅតាម​ស្តង់ដារអន្តរជាតិ ​ដែលកំណត់​ដោយសហព័ន្ធ​កីឡាហែល ​អន្តរជាតិ៕




កម្ពុជានឹងរៀបចំពិធីបុណ្យសមុទ្រលើកទី៤ ឆ្នាំ២០១៥ នៅខេត្តកំពត

តាមប្រភពព័ត៌មាន​ពីក្រសួងទេ​សចរណ៍ ​បានឲ្យដឹងថា ​កម្ពុជានឹងរៀប​ចំពីធីបុណ្យ​សមុទ្រ ​លើកទី៤ ​ដែលនឹង​ប្រព្រឹត្តទៅ​ពីថ្ងៃទី ១១​-១៣ ខែធ្នូ​ ឆ្នាំ២០១៥ ​នៅខេត្តកំពត​ ក្រោមប្រធានបទ «ឆ្នេរស្អាត​ សេដ្ឋកិច្ចរុងរឿង»​។
ពិធីបើកជា​ផ្លូវការនៃ​ពិធីបុណ្យសមុទ្រ​ឆ្នាំ២០១៥នេះ ​នឹងប្រព្រឹត្ត​ទៅនាថ្ងៃទី ​១២ ខែធ្នូ ​ឆ្នាំ២០១៥ វេលាម៉ោង​ ១៧:០០​ នាទីល្ងាច ​នៅវេទិកា​មុខសាលាខេត្ត​កំពត ​ក្រោមអធិប​តីភាព ​ឯកឧត្តមបណ្ឌិត​សភាចារ្យ​ សុខ អាន​ ឧបនាយក​រដ្ឋមន្ត្រី ​រដ្ឋមន្ត្រីទទួល​បន្ទុកទីស្តីការ​ គណៈរដ្ឋមន្ត្រី ​និងលោកជំទាវ​ តំណាងដ៏ខ្ពង់​ខ្ពស់ សម្តេច​អគ្គមហាសេនាប​តីតេជោ ហ៊ុន​ សែន នាយក​រដ្ឋមន្ត្រី នៃព្រះរាជាណាចក្រ​កម្ពុជា ​និងសម្តេច​កិត្តិព្រឹទ្ធ​បណ្ឌិត។
​នៅក្នុង​ពិធីបុណ្យស​មុទ្រនៅឆ្នាំនេះ ​ក្រសួងទេសចរណ៍​នឹងរៀបចំព្រឹ​ត្តិការណ៍កំសាន្ត​ជាច្រើន ដូចជា ​ការប្រគំតន្ត្រី​ ការសម្តែង​សិល្បៈវប្បធម៌​ ការសម្តែង​លើអាកាស ​កម្មវិធីកីឡា​លើឆ្នេរ ​និងលើទឹក ការតាំង​ពិព័រណ៍ផលិត​ផល និង​គម្រោងអភិវឌ្ឍន៍​តំបន់ឆ្នេរ​ ការតាំងពិព័រណ៍ ​ផលិតផល​សហគ្រាសធុនតូច​ និងមធ្យម ​មហោស្រព​ម្ហូបអាហារ ​និងភេសជ្ជៈអន្តរ​ជាតិ និង​កម្មវិធីកំសាន្ត​ជាច្រើនទៀត៕​




តុលាការចេញដីកាបង្គាប់ឲ្យចាប់ខ្លួនអ្នកកាន់ Facebook Page លោកសម រង្ស៊ី និងជំនួយការលោក ហុង សុខហួរ

នៅ​​ថ្ងៃទី​០១ ខែធ្នូ​នេះ តុលាការ​បានចេញ​ដីកា​បង្គាប់​ឲ្យ​ចាប់ខ្លួន​ជំនួយការ​ លោក​ ហុង សុខ​ហួរ និង​អ្នក​កាន់​ Facebook page លោក​ សម រង្ស៊ី ទាក់ទង​ការ​ផ្សំគំនិត​ក្នុង​អំពើ​ក្លែងបន្លំ​ឯកសារ​សាធារណៈ ប្រើ ប្រាស់​ឯកសារ​ក្លែង និង​ញុះញង់​បង្ក​ឲ្យ​មាន​ភាពវឹកវរ​ធ្ងន់ធ្ងរ​ដល់​សន្តិសុខ​សង្គម​ នេះ បើយោងតាមមន្ត្រី ជាន់ខ្ពស់​​សាលាដំបូង​រាជធានី​ភ្នំពេញ ថ្លែងប្រាប់ឱ្យដឹង។
​យោងតាម​ដីកា​បង្គាប់​ឲ្យ​ចាប់ខ្លួន​ដែល​ចេញ​ដោយ​ លោក​ កោ វណ្ឌី ចៅក្រម​ស៊ើបសួរ​សាលាដំបូង​រាជ​ធា​នី​ភ្នំពេញ គឺ​បាន​បង្គាប់​ឲ្យ​អាជ្ញា​ធរមាន​សមត្ថកិច្ច​ស្រាវជ្រាវ​ចាប់ខ្លួន​ឈ្មោះ សត្យា សម្បត្តិ ឬ សម្បត្តិ សត្យា និង​ឈ្មោះ អ៊ុង ជុង​លាង ដើម្បី​យកមក​ប្រគល់ជូន​សាលាដំបូង​រាជធានី​ភ្នំពេញ ដើម្បី​ចាត់ការ​តាមច្បាប់​
ជនសង្ស័យទាំងពីរនេះ បានរត់គេចខ្លួនទៅក្រៅប្រទេស បន្ទាប់ពីសមត្ថកិច្ចបាចាប់ខ្លួនលោកហុង សុខហួរ អតីតសមាជិកព្រឹទ្ធសភាគណបក្ស សម រង្ស៊ី
សូមរំលឹក​ពីព្រឹត្តិការណ៍នេះ​ផងដែរថា ​កាលពីថ្ងៃទី១២​ ខែសីហា ​ឆ្នាំ២០១៥ ​កន្លងទៅ ​លោក ហុង ​សុខហួរ ​សមាជិក​ព្រឹទ្ធសភា ​គណបក្សសម ​រង្ស៊ី បាន​ប្រព្រឹត្តទង្វើ​ឧក្រិដ្ឋ ដោយ​បានបង្ហោះ​ផ្សព្វផ្សាយតាម ​បណ្តាញសង្គមថ្មី ​ហ្វេសប៊ុក ​របស់លោក ​សម រង្ស៊ីនូវវីដេអូ​ឃ្លីបក្លែងឯក​សារសាធារណៈ ​ភូតកុហក ​បោក ប្រាស់ ​និងបំពុល​សាធារណ​មតិ ដែលខុស​ពីខ្លឹមសារ​ដើមពិតប្រាក​ដនៃសន្ធិសញ្ញា​សន្តិភាព ​មិត្តភាព ​និង សហប្រតិបត្តិ​ការ រវាង​សាធារណរដ្ឋ​ប្រជាមានិត​កម្ពុជា ​និងសាធារណរ​ដ្ឋសង្គមនិយម​វៀតណាម ​ចុះថ្ងៃទី ​១៨ ខែកុម្ភៈ ​ឆ្នាំ១៩៧៩ ​ត្រង់ប្រការ៤​ ដោយបាន​និយាយថា ​ភាគីទាំងពីរ​នឹងធ្វើការចរចា ​ដើម្បីចុះ​ហត្ថលេខា​សំរាប់រំលាយ​ព្រំដែនជាតិ​ប្រទេសទាំងពីរ​
ដោយឡែក​នៅថ្ងៃទី១៣​ ខែសីហា ​ឆ្នាំ២០១៥ រាជរ​ដ្ឋាភិបាល​កម្ពុជាក៏បានចេ​ញសេចក្តីថ្លែ​ងការណ៍ធ្វើការ​ បដិសេធចោល​ទាំងស្រុង និង​ថ្កោលទោសយ៉ា​ងដាច់អហង្ការ​ចំពោះទង្វើឧក្រិដ្ឋ​នេះផងដែរ​ ដែលជា​ទង្វើ ដើម្បីបម្រើឱ្យ​នយោបាយ​ប្រជាភិថុតិ​របស់បក្ស​ប្រឆាំង ​បោកប្រាស់​សាធារណមតិ​ ដែលទង្វើ​នេះបាននាំឱ្យ ប៉ះពាល់​យ៉ាងធ្ងន់ធ្ងរ​ដល់សន្តិសុខជាតិ ​ស្ថិរភាពនយោ​បាយ អធិបតេយ្យ ​និងបូរណភាព​ទឹកដីនៃព្រះ​រាជា ណាចក្រកម្ពុជា។​ តាមការពិតខ្លឹម​សារដើមពិត​ប្រាកដត្រង់មាត្រា​៤នៃសន្ធិ​សញ្ញានោះបានចែ​ងថា ភាគី​ទាំងពីរសន្យា​ថា នឹងដោះស្រាយ​រាល់ទំនាស់អាចកើ​តឡើងក្នុង​ការទាក់ទងជា​មួយគ្នា តាមរយៈ​ការចរចា​ដោយ​សន្តិវិធី។ ​ភាគីទាំងពីរ​នឹងចរចា​គ្នា ដើម្បីចុះ​ហត្ថលេខា​លើសន្ធិសញ្ញា​មួយកំណត់ ​នូវព្រំដែន​រដ្ឋរវាង​ប្រទេសទាំងពីរ​លើមូលដ្ឋាន ​ខ្សែព្រំដែន​នាបច្ចុប្បន្ននេះ ហើយ​ប្តេជ្ញាចិត្ត​កសាងខ្សែព្រំដែន​នោះ ទៅជាខ្សែ ​ព្រំដែនសន្តិភាព មិត្តភាព​ដ៏យូរអង្វែង​រវាងប្រទេស​ទាំងពីរ​
ប្រការនេះ​ធ្វើឱ្យប្រជាជនខ្មែរ​មើលឃើញកាន់​តែច្បាស់ថា​ នយោបាយ​របស់បក្ស​ប្រឆាំងរយៈពេល​ជាង ២០​ ឆ្នាំនេះ មា​នតែការធ្វើ​ប្រជាភិថុតិ ​ញុះញង់បោកប្រាស់​លាបពណ៌ និងបំភិតបំភ័យ​ប្រជាជនតែ​ប៉ុណ្ណោះ ពោ​លគឺពួកប្រឆាំ​ងពុំបានគិត​ពីសន្តិសុខ ​ស្ថិរភាព និងការ​អភិវឌ្ឍប្រទេស ​គឺពួកគេបាន​និងកំពុង​ប្រើប្រាស់ ​គ្រប់រូបភាព​ដើម្បីមហិច្ឆិតាន​យោបាយ អំណាច​ និងគំនុំសងសឹក​ប្រកបដោយ​ភាពអគតិង​ងិតងងុលមើល មិន​ឃើញពីចំណុចល្អ​ទាំងឡាយ ​ដែលរាជរដ្ឋាភិបាល​បាននិងកំពុង​ធ្វើសព្វថ្ងៃដើម្បី​បុព្វហេតុជាតិ ​និង ប្រជាជន​ដ៏ពិតប្រាកដ​។

សូមបងប្អូន​ប្រជាពលរដ្ឋ​ខ្មែរទាំងអស់​ធ្វើការថ្លឹងថ្លែង ​និងពិចារណា​ឱ្យបានម៉ត់​ចត់ និងធ្វើការ​ប្រៀបធៀបពី​ សមិទ្ធិផល​របស់រាជរដ្ឋាភិបាល ​និងសកម្មភាព​ទុច្ចរិតនានា របស់ពួក​ប្រឆាំងចៀសវាង​ការចាញ់​នូវ​ឧបាយកល​ទាំងអស់នោះ៕​



លិខិតលោក Allen Myers ផ្ញើជូននិពន្ធនាយកកាសែត Khmer Time



សារលិខិតសម្តេ​ចតេ​ជោ ហ៊ុន សែ​ន ក្នុងឱកា​សទិវា​ជនពិការក​ម្ពុជាលើ​កទី១៧ និងទិ​វាជនពិកា​រអន្តរជា​តិលើ​កទី៣៣ ថ្ងៃទី​៣ ខែធ្នូ ឆ្នាំ២​០១៥



គណបក្សប្រជាជនកម្ពុជាទទួលបានយុវជន ជាសមាជិកថ្មីប្រមាណជា២០០នាក់បន្ថែមទៀតនៅប្រទេសបារាំង

នៅថ្ងៃទី២៨ ​ខែវិច្ឆិកា ​ឆ្នាំ២០១៥ ​ឯកឧត្តមបណ្ឌិត ​ហ៊ុន ម៉ាណែត ​កូនប្រុសច្បង​របស់សម្តេច នាយក​រដ្ឋមន្ត្រី ហ៊ុន សែន ​និងជាប្រធាន​ក្រុមការងារ​អង្គការចាត់​តាំងរៀបចំយុវជន​គណបក្ស ​ប្រជាជនកម្ពុជា​ក្រៅប្រទេស​ បានប្រកាស​បញ្ចូលសមាជិក​ សមាជិកា​យុវជននៃ​គណបក្សប្រជាជន​ កម្ពុជានៅ​ប្រទេសបារាំង​ បានចំនួន​ប្រមាណ២០០​នាក់។ ក្រុម​យុវជនដែល​ត្រូវបានប្រកាស ​ចូលជាសមាជិក​យុវជនថ្មី​ នៃគណបក្ស​ប្រជាជន​កម្ពុជា បា​នប្តេជ្ញាគាំទ្រ​គណបក្ស​ប្រជាជនកម្ពុជា ​ដែលរាជរដ្ឋា​ភិបាលកម្ពុជា ​បានដឹកនាំ​អភិវឌ្ឍន៍ ​ប្រទេសកម្ពុជាឲ្យ​មានការរី​កចំរើន ​មានកិតិស័ព្ទ ​នៅលើឆាកអន្តរជាតិ ​និងមានការ​ជឿទុកចិត្ត ​យ៉ាងខ្លាំងពី​ប្រជាពលរដ្ឋ​កម្ពុជា ​និងបានបោះឆ្នោត ​គំាទ្រគណបក្ស​ប្រជាជន​កម្ពុជាជា​រៀងរហូតមក ​។
នៅរសៀល​ថ្ងៃទី២៨ខែ​វិច្ឆិកាដដែល​នោះ ឯកឧត្តម​បណ្ឌិត ហ៊ុន ​ម៉ាណែត ​ក៏បានជួបសំណេះ សំ​ណាលជាមួយ​ក្រុមនិស្សិត​ខ្មែរដែលកំពុង​រៀននៅប្រទេស​បារាំង និងបាន​ចែករំលែកដល់សិ​ស្ស និស្សិតខ្មែរ​ជំនាន់ក្រោយ​ឲ្យខិតខំរៀនសូត្រ ដើ​ម្បីបំពេញចំ​ណេះវិជ្ជារបស់​ខ្លួននៅក្រៅប្រទេស​ឲ្យ ទទួល​បាននជោគជ័យ ​និងវិលទៅ​បំរើការងារ​ជូនប្រទេសជា​តិវិញ។
ឯកឧត្តម​បណ្ឌិត ហ៊ុន ម៉ាណែត ​បានមានប្រសា​សន៍ពីការ​អភិវឌ្ឍន៍សេដ្ឋកិច្ច​កម្ពុជា មានការ​ រីកចំរើនលើគ្រប់​វិស័យ ​តាមគោលការណ៍ល​ទ្ធិប្រជាធិបតេយ្យ ​ហើយក្រុមនិស្សិត​ខែ្មរនៅប្រទេស បារំាងទាំងអស់​ បានយល់ដឹងកាន់​តែច្បាស់ពីប្រទេស​កម្ពុជា ដែលដឹ​កនាំដោយសម្តេច​តេជោ ហ៊ុន ​សែន។
ឯក​ឧត្តមបណ្ឌិត​ ហ៊ុន ម៉ាណែត ​ក៏បានមានប្រ​សាសន៍បំភ្លឺ​អំពីការចោទ​ប្រកាន់មួយ​ចំនួនជូន​ដល់ ប្រជាពលរដ្ឋ​ និងនិស្សិត​ខ្មែរនៅប្រទសបារាំង​ បានដឹងនិង​យល់ឲ្យច្បាស់ និ​ងកុំចាញ់បោក ​ការឃោសនា​អកុសលនានា ​ដែលតែង​តែធ្វើឡើង​មួលបង្កាច់រាជ​រដ្ឋាភិបាលកម្ពុជា។ ក្នុងឱកាស ​ទទួលបានអាហារ​សាមគ្គីនោះដែរ​ មានការរៃអ​ង្គាសថវិកា​ ដែលបរិច្ចាក​ដោយបងប្អូន​ខ្មែររស់នៅ ប្រ​ទេសបារាំង ​តាមរយៈឯក​ឧត្តមបណ្ឌិត​ ហ៊ុន ម៉ាណែត ​ដើម្បីជួយឧបត្ថម្ភដល់​មន្ទីរពេទ្យ ​គន្ធបុប្ជានៅ​ក្នុងប្រទេស​កម្ពុជាផងដែរ។​
គួរបញ្ជាក់ថា ​ជំនួបរវាង​ឯកឧត្តម ​ហ៊ុន ម៉ាណែត និ​ងអ្នកគាំទ្រគណបក្ស​ប្រជាជននៅ​ប្រទេស បារាំងនេះ ​គឺរៀបចំដោយ​ក្រុមគណោៈកម្មាធិការ​គណបក្សប្រជាជន​កម្ពុជាប្រចាំ​ប្រទេសបារាំង ​និងធ្វើឡើង​ក្នុងគោលបំណង​ពង្រឹងគណបក្ស​ប្រជាជនកម្ពុជានៅ​ប្រទេសបារាំង។​ ពិធីនេះដឹក​នាំ ដោយ ​ឯកឧត្តម នុត ​ណារ៉ាង ​ប្រធានសាខា​គណបក្សប្រជាជន​កម្ពុជា ប្រចាំ​ប្រទេសបារាំង ​និងមានការចូ​លរួមពីសំណាក់​ប្រធានសាខា​គណបក្សប្រជាជន​កម្ពុជា តាម​បណ្តាទីក្រុងនានា ​នៃប្រទេសបារាំង​ផងដែរ៕​

ហេតុ​អ្វីលោក​នាយករដ្ឋម​ន្រ្តី ហ៊ុន សែន ត្រូវតែ​ដាក់គុក ​លោក ស​ម រង្ស៊ី ?

ស្ថានភា​ពវិវត្តន៍យ៉ាងឆា​ប់រហ័ស និងគួរឱ្យ​ភ្ញាក់ផ្អើលផ្នែកនយោ​បាយ រប​ស់កម្ពុជាថ្មីៗនេះ បានធ្វើឱ្យអ្នកសង្កេ​តការណ៍ និងមន្រ្តីកា​រទូតបរទេសព្រម​ទាំងអ្នក នយោបា​យ និងអ្នកវិភា​គក្នុង ស្រុកបានចោ​ទជាសំនួរថា “តើមាន​រឿងអ្វីកើតឡើ​ងនៅកម្ពុជា?”
ចំពោះមនុស្សដែ​លមិនដឹង និងមិន​យល់ច្បាស់ពីលោ​កនាយករដ្ឋមន្រ្តី ហ៊ុន សែន គឺមិនអាច យល់ពីស្ថា​នភាពនេះទេ ប៉ុន្តែនៅពេលគេ​ស្វែងយល់ពី​ឬសគល់ និងវិភាគលើ​អត្តចរិត របស់លោក ហ៊ុន សែន នោះគេប្រាកដជាមើ​លឃើញយ៉ា​ងច្បាស់ពីស្ថា​នភាពបច្ចុប្បន្ន។
រដ្ឋបុរសដ៏ឈ្លាសវៃ​ម្នាក់នេះ តែងតែធ្វើ​មិនឱ្យគេប៉ាន់ស្មា​នបានទុកជាមុន ពីសម្ម​ភាពរបស់ គាត់ឡើយ។ នេះជាភាពប៉ិ​នប្រសប់ និងគំនិ​តច្នៃប្រឌិត របស់គាត់ពីកំ​ណើត ប៉ុន្តែពេល​ខ្លះ វាក៏ជាគំនិតរបស់ទីប្រឹ​ក្សា ជាច្រើនដែ​លនៅពីក្រោ​យឆាកផងដែរ។
គុណសម្បត្តិ​របស់គាត់មួយទៀត ដែលគាត់មានលើស​គូបដិបក្ខ​បច្ចុប្បន្ន និងអតីត​កាល គឺសេចក្ដីក្លាហាន​របស់គាត់។ គាត់មិនដែលភ័យខ្លាច​នឹងការដាក់ខ្លួន ក្នុ​ងស្ថានភាពលំបាក នោះទេ ដូចជានៅពេល ដែ​លគាត់ដឹកនាំកងកម្លាំងប្រ​ដាប់អាវុធទៅចាប់ខ្លួនលោក ប៉ែន ​សុវណ្ណ ដើម្បីសម្អាតផ្លូវរបស់គាត់ ឈានទៅកាន់តំ​ណែងកំពូលនា​ដើមទសវត្ស​៨០ ការដឹកនាំក្រុ​ម របស់គាត់ ដើម្បីចរចាកិច្ចព្រមព្រៀ​ង សន្តិភាព ជាមួយសម្ដេ​ចសីហនុ និងរដ្ឋាភិ​បាលត្រីភាគី នា​ចុងទសវត្សទី៨០ ការប្រជែងជាមួ​យ គណបក្ស​ហ៊្វុន ស៊ីនប៉ិច ដើម្បីរក្សា​តំណែងជា នាយករដ្ឋ​មន្រ្តីទី២ក្រោយការបោះឆ្នោតឆ្នាំ១៩៩៣​ ការតស៊ូនៅក្នុងជម្លោះ​ ប្រដាប់អាវុធ​ជាចំហជាមួយព្រះ​អង្គម្ចាស់ រណឬទ្ធិ ក្នុងឆ្នាំ១៩៩៧ ហើយក្រោយមកគាត់ជា មេបញ្ជាការ ដែលបើកប្រើសិទ្ធិស្វ័យការពារតាមផ្លូវយោធាទប់ទល់នឹងការឈ្លា​នពានពីសំ​ណាក់ប្រទេសថៃ​នៅតំបន់ប្រាសា​ទព្រះវិហារ និងនៅតាមព្រំដែ​នខាងជើង។
សេចក្ដីក្លា​ហាន និងអាកប្បកិរិយាដែ​លមិនអាចស្មានទុកមុនរបស់គាត់ តែងតែនាំម​កនូវជ័យជំនះ ដល់គាត់ជានិច្ច។ តើគាត់​មានសំណាងជាងគេ ឬយ៉ាង​ណា?គេអាចថាដូច្នេះក៏​បានដែរសំណាងតែងតែដើរ តួសំខាន់ក្នុងជីវិ​តម្នាក់​ៗ ហើយសំណា​ងតែងតែលម្អៀងទៅរ​កអ្នក ដែលបានត្រៀមខ្លួនជាមុន។ ប៉ុន្តែសម្រាប់នយោ​បាយនិងយុទ្ធសាស្រ្តជាតិ ការពឹងផ្អែកលើ សំណាងត្រូវតែបង្រួមឱ្យតូចបំផុត។ តាមការពិត ​លោក ហ៊ុន សែ​នតែងតែមានស​ន្លឹកបៀរ ជាច្រើនលាក់ទុកលេង ពេលមានតម្រូវ​ការ ប៉ុន្តែមិនមែនមាន ន័យថាគា​ត់លួចបន្លំនោះទេ។
គេនៅចាំបានថា​ក្នុងសន្និសីទកាសែតរួមគ្នាមួយ​ជាមួយ សម្ដេច សីហនុ អំឡុងពេលចរចារ សន្តិភាព នាទសវត្សឆ្នាំ​៨០ សម្ដេច សីហនុ បាននិ​យាយទៅអ្នកកា​សែតជាភាសាបារាំងថា គា​ត់លេងបៀដាក់លើ តុទាំ​ងអស់"jouer cartes sur table" ហើយលោកសូ​មឱ្យលោ​កហ៊ុន សែន ធ្វើ​ដូចគ្នាដែរ។ ប៉ុន្តែ ការបក ប្រែតាមន័យ​ត្រង់ពាក្យ “cartes sur table” នោះមានន័យថា សូម​បង្ហាញសន្លឹកបៀទាំងអស់ ដែល ការណ៍​នេះត្រូវបានលោក​នាយករដ្ឋមន្រ្តី ហ៊ុន សែ​ន បានច្រានចោល។ គាត់ចង់រក្សា​សន្លឹកបៀក្នុងដៃ ខ្លះទុកសម្រា​ប់លេងពេលក្រោយ។
ត្រឡប់មកស្ថា​នភាពបច្ចុប្ប​ន្នវិញ វាគ្មានអ្វីគួ​រឱ្យភ្ញា​ក់ផ្អើលនោះទេ​ ចំពោះការដក​តំណែង អនុប្រធាន រដ្ឋសភារបស់​លោក កឹម សុខា និងកា​​របង្ខំអនុវត្តសា​លដីការបស់សាលា​ឧទ្ធរណ៍ លើប្រធានគណបក្ស ​សង្គ្រោះជាតិលោក សម រង្ស៊ី។ លោក ហ៊ុ​ន សែន បានព្រមា​ន ជាច្រើនលើកច្រើនសារួចមក​ហើយ ពីការដកតំណែងអនុ​ប្រធានរដ្ឋស​ភារបស់លោក កឹម សុខា​ ព្រោះតំណែងនេះគាត់ បានមកពីស​ន្លឹកឆ្នោត របស់គណបក្សប្រ​ជាជនកម្ពុជា ហើយគាត់​ក៏អាច ត្រូវទម្លាក់ចេញវិញ ដោយសន្លឹកឆ្នោ​តគណបក្ស ប្រជាជ​នដែរ ថែមទាំង​ដោយគ្មា​នប៉ះពាល់ ដល់កិច្ចព្រមព្រៀងថ្ងៃទី២២ ខែកក្ដដា​ ឆ្នាំ២០១៤ទៀតផង ដោ​យហេតុថាក្នុងកិច្ចព្រ​មព្រៀងនោះ គេមិនបានបញ្ជាក់ថានរណាត្រូវតែជាអ​នុប្រធានរដ្ឋសភា ឬប្រធាន គណៈក​ម្មការផ្សេងៗ នៅក្នុងរដ្ឋសភា និងព្រឹទ្ធសភានោះទេ គឺគ្រាន់តែកំណត់ថា​ គណបក្សមួយណា មា​នកូតាចំនួន ប៉ុន្មានតែប៉ុណ្ណោះ។
ការរៀបចំសន្លឹកបៀរ​ទុកនេះ ក៏ប្រហែលមាន​ដូចគ្នាដែរចំ​ពោះករណីលើក​លែង ទោសរបស់ លោក សម រង្ស៊ី។​ព្រះរាជក្រឹត្យបានបញ្ជា​ក់ច្បាស់ថា ទោសមួយណាដែល​ត្រូវបានលើ​កលែង ប៉ុន្តែទោសដែលពាក់ ព័ន្ធនឹងរឿងក្ដីជាមួ​យលោក ហោ ណាំហុង មិនត្រូវបាន​ដាក់បញ្ចូល ឱ្យលើកលែងទេ។ តើជា​ការធ្វើដោយ​ ចេតនាឬអត់គ្មាននណាអាចដឹងបា​នឡើយ។ តែគ្រប់គ្នា ដឹងថា គ្រប់យ៉ាងទា​ក់ទងនឹងច្បាប់ ឬបទប្បញ្ញត្តិ​ ​ផ្សេងៗ ត្រូវតែមាន​ការពិនិត្យឱ្យបានល្អិតល្អន់ ព្រោះអន្ទាក់គេដាក់នៅក្នុ​ងសេចក្តីលម្អិតនេះឯង តែមនុស្ស គណបក្សសង្គ្រោះជាតិ និងទីប្រឹក្សា បរទេសរបស់ពួ​កគេ ហាក់បីដូចជា​មិនមានសមត្ថភាព ឬមា​នការ យកចិត្តទុកដា​ក់គ្រប់គ្រាន់ដើម្បីគេចពីអន្ទា​ក់នេះសោះ។
ការអសមត្ថ​ភាពនេះ បានធ្វើឱ្យគ​ណបក្សសង្គ្រោះជាតិខាតប​ង់យ៉ាងធ្ងន់ធ្ងរ។ ប្រសិន​បើពួកគេ អាចឡើង កាន់អំណាច ការខ្វះចន្លោះផ្លូវច្បាប់បែប​នេះនឹងធ្វើឱ្យជាតិទាំងមូលខាត​បង់ប្រយោជន៍ ឬធ្លាក់ក្នុងគ្រោះ ថ្នាក់​ផងមិនដឹង។ ដូចនេះ តើនឹង​មានអ្វីកើតឡើងក្នុង​ពេលខាងមុខមិនខុសពីកាលឆ្នាំ១៩៩​៧ ទេ លោក ហ៊ុន​ សែន នឹងមិនធ្វើ​រដ្ឋប្រហារឡើយ។ ស្តេចអុករូ​បនេះ តែងកំចាត់កូនអុកដែលគំរាមខ្លួន ហើយដាក់អង្គស្ដេ​ច គូប្រឆាំងនិងបិទផ្លូវ ទូ​ក គោ សេះ របស់សត្រូវឱ្យដើរជាន់ជើងគ្នា។ បើនិ​យាយពីស្តេចបៀវិ​ញគាត់កាន់លាក់សន្លឹកបៀបានយ៉ាងល្អ​ ដោយមិនឱ្យនរណា​ម្នាក់អាចដឹងថា គាត់កាន់បៀអ្វីក្នុងដៃ ឬគាត់នឹង​លេងសន្លឹកបៀគាត់របៀបណាឡើយ។ កុំថាឡើយតែ​គូបដិបក្ខរបស់គាត់ ឬទីប្រឹក្សាបរទេ​សរបស់លោក សម រង្ស៊ី សូម្បីតែក្រុមជំនិត បំផុតរបស់លោក ហ៊ុន សែ​ន ផ្ទាល់ក៏មិនអា​ចដឹងដោ​យជាក់ច្បាស់ថា លោកនឹងលេងសន្លឹកបៀណា​ដែរព្រោះតែផែនការអា​ចផ្លាស់ប្ដូរគ្រប់ពេលវេលា​។
ដោយសារតែភាពមិនច្បា​ស់លាស់បែបនេះគ្មាននរ​ណាម្នាក់អាចផ្ដល់យោ​បល់ឱ្យលោក សម រង្ស៊ី ថាត្រូវ ធ្វើបែបណានោះទេ សូម្បីតែមិ​ត្តភក្ដិការទូតជិតស្និទ្ធរបស់គាត់ក៏​មិនហ៊ានប្រ​ថុយដែរ។ គ្មាននរណាម្នាក់ អាចធានា​បានថា លោក សម រង្ស៊ី អាច​គេចផុតពីការជាប់ព​ន្ធនាគារ ឬថាការជាប់​ពន្ធនាគារ អាចផ្ដល់​ ផលល្អសម្រាប់ចល​នារបស់គាត់​នាពេលអ​នាគតនោះទេ។
ជាការពិ​តលោក សម រង្ស៊ី នៅតែជា​ក្បាលម៉ា​ស៊ីនរបស់គណ​បក្សប្រឆាំង ដោយ​គ្មាននរណា ផ្សេងមកជំនួស​បាន។ សេរីភាពរបស់លោក សម រង្ស៊ី​ មានសារៈសំ​ខាន់ណាស់ ដើ​ម្បីការធានា ឯកភាពរួម រប​ស់គណបក្សទោះក្នុ​ងសភាពលោកជានិរទេសជនក៏ដោយ  ក៏ប៉ុន្តែនៅពេល ដែលលោកស្ថិតក្នុង​ពន្ធនាគារ នោះគណប​ក្សនឹងបែកបាក់។
ដោយសារមូលហេតុនេះហើយ បានជាគ្មា​ននរណាម្នាក់ហ៊ានផ្ដល់យោ​បល់ឱ្យលោកសម រង្ស៊ី វិល ត្រឡប់ មកកម្ពុជាវិញ។ ម្យ៉ាងវិញទៀត អាយុលោក សម រង្ស៊ី កាន់តែចាស់គួបផ្សំនឹង ការបាក់ស្បាតរបស់គាត់កាលពីវ័យ​ក្មេងនៅក្នុងជំរំជន​ភៀសខ្លួន របស់វៀតណា​មផងនោះ ប្រហែលជាគាត់មិនហ៊ានប្រថុយ​ជាប់ ពន្ធនាគារទេ។
តើលោក ហ៊ុន សែន ត្រៀមដាក់លោកសម រង្ស៊ី ក្នុ​ងពន្ធនាគារពិតមែនឬ​ទេបើទោះបីជាវាហាក់ ដូចជាគួរឱ្យអស់សំណើច ដែលកំហុ​សបច្ចេកទេសក្នុងការលើកលែង​ទោសលោក សម រង្ស៊ី  បាននាំឱ្យ មានមោឃភាពលើ​ការតែងតាំងជាសមាជិកស​ភារបស់លោក ស​ម រង្ស៊ី ក៏ដោយ ក៏វាមិនមែនបញ្ហា ចំពោះ លោក ហ៊ុ​នសែន នោះទេ ដោយសារនៅ​លើឆាកអន្តរជាតិ មានទិដ្ឋភាពអាក្រក់ជាងប្រទេ​សកម្ពុជា ទៅទៀត។
ដូចជាករណីប្រទេសថៃ រដ្ឋាភិបាលដែលកើ​តចេញពីរដ្ឋប្រហា​រយោធា តែងតែធ្វើទុក្ខ​បុកម្នេញ អតីត នាយករដ្ឋមន្រ្តី យីងឡាក់ ស៊ីណាវ៉ាត្រា និងសមាជិកគណបក្សគា​ត់តាមរយ:តុលាការ។ ករណីប្រទេស ម៉ា​ឡេស៊ីប្រធានគណប​ក្សប្រឆាំងនៅជាប់ពន្ធនាគារនៅឡើយ។ នេះគឺជាបញ្ហា ដែលកំពុងកើត​ឡើង ក្រោមការបិទភ្នែ​កមើលមិ​នឃើញពីសំ​ណាក់លោកខាង​លិច។
បើប្រៀបធៀបនឹងករណី​ខាងលើ ករណី​កម្ពុជារបស់លោក ហ៊ុន សែ​ន មិនអាក្រក់លើ​សគេទេ។ ប៉ុន្តែការដាក់លោ​ក សម រង្ស៊ី ឱ្យជាប់ពន្ធនាគារ និងកា​រកំទេចគណបក្សសង្រ្គោះជាតិ ក៏​មិនអាចធានា ជ័យជំនះ​របស់គណប​ក្សប្រជាជន​កម្ពុ​ជាបានដែរ ពិសេសក្នុងរយៈ​ពេលយូរ​ អង្វែងប្រសិនបើគ្មានកំ​ណែទម្រង់នោះទេ។ ​ហើយការបំផ្លា​ញគណបក្ស​ប្រឆាំងនេះ នឹងក្លាយ​ ជាគ្រោះថ្នាក់ដល់​ប្រទេសជាតិថែ​មទៀតផង។ លោ​ក ហ៊ុនសែន បា​នដឹងរឿងនេះច្បាស់ ណា​ស់។
កំណែទម្រង់​ គឺជាសន្លឹក​បៀបន្ទាប់ដែលគា​ត់នឹងលេងបន្ទា​ប់ពីសន្លឹកបៀ "​ដាក់គុកលោក សម រង្ស៊ី"ជ័យជំនះ៩០អ​សនៈរបស់គណប​ក្សប្រជាជន​កម្ពុជាក្នុងអាណត្តិទី៤ គឺជាមេ​រៀនយ៉ាង ជូរចត់មួយ សម្រាប់លោក ហ៊ុន សែន។ គាត់ដឹ​ងថា ប្រសិនបើរដ្ឋ​មន្រ្តី និងឧត្ដមសេនី​យ៍ របស់គាត់មានអារម្មណ៍​សុវត្ថិ​ភាពគ្រប់គ្រា​ន់នោះពួកគេ​នឹងរំលោភអំណា​ចដើម្បីភាពមា​នបាន។
ជាទូទៅ កា​រលោភលន់គ្មាន​ព្រំដែននោះទេ។ ការរំលោ​ភអំណាច និងភាពអសក​ម្មរបស់មន្រ្តី នឹងធ្វើឱ្យគណបក្សប្រជា​ជនកម្ពុជា បាត់បង់ប្រជា​ប្រិយភាព ហើយឈា​នទៅដល់​ការរលំរលាយ ដោយយកទាំង ប្រទេ​សជាតិទាំងមូលទៅផងដែរ ព្រោះ​នៅពេលប្រជាជនគ្មានជម្រើស និងអស់ជំនឿហើយ វាមិនចាំ បាច់មានបរទេសរៀបចំ​ជា​ប​ដិវត្តន៍ពណ៌​នោះទេ ប៉ុន្តែបដិវត្តន៍ របស់ប្រជាជន នឹងកើតឡើងតែ​ម្តងដូច្នេះ មានតែការកំ​ណែទម្រង់ទេ ដែលអាចសង្គ្រោះ​ គណបក្សប្រជាជនកម្ពុជា និងប្រទេស​ជាតិទាំងមូលបាន។
មូលហេតុ​ដែលលោក ហ៊ុន សែន ត្រូវតែដាក់លោ​​ក សម រង្ស៊ី ក្នុងពន្ធនាគា​រ និងធ្វើឱ្យ គណបក្សប្រឆាំ​ង ទន់ខ្សោយ គឺដោ​យសារតែគណ​បក្សប្រឆាំងនេះ ជា​ដើមឫសបង្អាក់ ដល់កា​រកែទម្រង់ពិតប្រាកដ។
យុទ្ធនាកា​រឃោសនា និងការវាយប្រ​ហារឥតឈប់ឈ​របស់គណបក្ស​ប្រឆាំង បានរារាំង លោកហ៊ុន សែនមិនឱ្យចាត់វិធានការ​កែទម្រង់ពិបាកៗ ពីព្រោះវិធា​នការមួយចំ​នួន នឹងអាច ប៉ះពាល់ធ្ងន់ធ្ងរ ដល់​មន្ត្រីធំៗរបស់បក្ស ហើ​យមួយចំនួនទៀត នឹងប៉ះពាល់ដល់មន្រ្តី គណ​បក្សប្រជាជនកម្ពុជាជាទូទៅ​ដែលអសកម្ម។
ដរាបណាគ​ណបក្សប្រឆាំងនៅ​តែប្រកាន់ ឥរិយាបថ​ឱកាសនិយម លោក ហ៊ុន សែន មិនអាចធ្វេស ប្រហែស​ឬធ្វើឱ្យអ្នកគាំទ្ររបស់គាត់បាក់​ទឹកចិត្តនោះទេ។​ លោកត្រូវតែ​រក្សា សាមគ្គីភាព ផ្ទៃក្នុងរប​ស់ គណបក្ស។
ប៉ុន្តែនៅពេលគ​ណបក្សប្រឆាំង​បានចុះខ្សោយ កំណែទម្រង់ស៊ីជ​ម្រៅពិតប្រា​កដ នឹងអាចចាប់ ផ្ដើមបាន។ហើយអ្ន​កមិនដើរតាមការកែ​ទម្រង់នេះ នឹងមិនមាន​ផលល្អឡើយ។ ពេលដែ​ល គណបក្សប្រឆាំងអស់លក្ខណ៍កំណែទម្រង់បន្ទាន់នោះ គឺយុត្តិធម៌សង្គម តាមរយៈការអនុវត្ត ច្បាប់ ពង្រឹងស្ថាប័ន ​និងបង្កើត គោលនយោបា​យប្រទាក់ក្រឡា ដើម្បីការអភិវឌ្ឍពិតប្រាកដ។
នេះស្ដាប់ទៅដូចជាកម្មវិធីរបស់អង្គកា​រសហប្រជាជាតិ ​សម្រាប់ប្រទេស​តតីយលោកអញ្ចឹង ប៉ុន្តែវាមិនមែន ជាពាក្យស​ម្ដីនិយាយចោលនោះទេ នៅ​ពេ​លដែលគេអនុវត្តដោយ​ឆន្ទៈ នយោបាយមុតមាំ តាមការ​ចង្អុលបង្ហាញរបស់​បុរសខ្លាំង ជាមួយក្រុមមនុ​ស្សដ៏មាន សក្ដានុ​ពល។
ទីបញ្ចប់ ការប្តូរគ្នារវាងគណបក្ស​ប្រឆាំងប្រជាភិថុតិ និងការធ្វើកំណែ​ទម្រង់ពិតប្រា​កដនោះ គួរត្រូវបានគេយកមកពិ​ចារណា។ តើយើងគួរជ្រើសរើ​សកំណែទម្រង់ស៊ីជ​ម្រៅ ឬរូបភាពជា ប្រទេសប្រជាធិបតេយ្យ?