សមាគមយុវជនកំណែទម្រង់រដ្ឋប្រកាសគាំទ្រទាំងស្រុង ចំពោះសាលដីការរបស់តុលាការកំពូល ក្នុងការសម្រេចរំលាយគណបក្សសង្គ្រោះជាតិ

នៅល្ងាចថ្ងៃទី១៦ ខែវិច្ឆិកា ឆ្នាំ២០១៧នេះ សមាគមយុវជនកំណែទម្រង់រដ្ឋបានប្រកាសគាំទ្រទាំងស្រុងចំពោះសាលដីការរបស់តុលាការកំពូល ក្នុងការសម្រេចរំលាយគណបក្សសង្គ្រោះជាតិ ពីបទក្បត់ជាតិ និងក្បត់ប្រយោជន៍របស់កម្ពុជា ។

សូមអានសេចក្តីថ្លែងការណ៍ទាំងស្រុងដូចខាងក្រោម៖

តុលាការកំពូលសម្រេចប្រកាសសាលដីកាឱ្យរំលាយគណបក្សសង្រ្គោះជាតិជាផ្លូវការហើយ

ទីបំផុតតុលាការកំពូល បានប្រកាសសាលដីកាឱ្យរំលាយគណបក្សសង្រ្គោះជាតិជាស្ថាពរ និងហាមសមាជិកជាន់ខ្ពស់គណបក្សនេះ១១៨នាក់ មិនឱ្យធ្វើនយោបាយ​រយៈពេល៥ឆ្នាំ។ បន្ទាប់ពីបើកស​វនាការអស់រយៈពេលជិត១ថ្ងៃ នៅល្ងាចថ្ងៃទី១៦ ខែវិច្ឆិកា ឆ្នាំ២០១៧នេះ តុលាការកំពូលបានប្រកាសសាលដីកាសម្រេចឱ្យ រំលាយគណបក្សសង្រ្គោះជាតិហើយ។

សូមបញ្ជាក់ថា នៅវេលាម៉ោង៨៖៤០ព្រឹកថ្ងៃទី១៦ ខែវិច្ឆិកា ឆ្នាំ២០១៧នេះ តុលាការកំពូល បានបើកសវនាការជាសាធារណៈលើបណ្តឹង «រំលាយបក្សសង្គ្រោះជាតិ» ដោយមានចៅក្រម៩រូប និង​តំណាង​មហា​អយ្យការ​មួយ​រូប​ ក្រឡាបញ្ជីមួយរូប និងមានមេធាវីដើមបណ្តឹងមាន៤រូប។ នៅក្នុងអង្គសវនាការ គឺមិនអនុញ្ញាត ឲ្យថតសំឡេង និងថតរូបភាពទេ ហើយអ្នកចូលរួមតាមដានអាចកត់ត្រាបាន។

សវនាការរបស់តុលាការកំពូល គឺដើម្បីជំនុំជម្រះរឿងរំលាយគណបក្សសង្រ្គោះជាតិ ដែលពាក់ព័ន្ធនឹងបទល្មើសក្បត់ជាតិនេះ បានធ្វើឡើងពុំមានការតវ៉ា ពីសកម្មជនរបស់គណបក្សប្រឆាំងទេ ទោះបីជាមានការអំពាវនាវពីសំណាក់ អនុប្រធានគណបក្សមួយនេះ គឺលោកស្រី មូរ សុខហួរ ដែលជាប់ចោទរឿងក្បត់ជាតិ ឱ្យសកម្មជន និងអ្នកគាំទ្រខ្លួន ប្រមូលផ្តុំគ្នានៅមុខតុលាការក៏ដោយ៕

សមាជិកបក្សសង្រ្គោះជាតិចំនួន១០នាក់សុំចូលរួមជីវភាពនយោបាយជាមួយគណបក្សប្រជាជនកម្ពុជា

កំពង់ឆ្នាំង៖ នៅថ្ងៃទី១៥ ខែវិច្ឆិកា ឆ្នាំ២០១៧តំណាងសមាជិកបក្សសង្រ្គោះជាតិចំនួន១០ក្នុងនោះស្រី២នាក់នៅភូមិសេះស្លាប់ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង សុំចូលរួមជីវភាពនយោបាយជាមួយគណបក្សប្រជាជនកម្ពុជា។
តាមលិខិតស្នើសុំរបស់ពួកគាត់បានបញ្ជាក់ថាបន្ទាប់ពីដឹងថាគណបក្សសង្រ្គោះជាតិធ្វើនយោបាយប្រជាពិថុតកុហក់បោកប្រាស់ប្រជាពលរដ្ឋ ហើយលោកកឹម សុខា ជាជនក្បត់ជាតិបង្កចលា
ចលរួមគំនិតជាមួយបរទេសធ្វើបដិវត្តន៍ពណ៌ផ្តួលរំលំរាជរដ្ឋាភិបាលស្របច្បាប់៕

អ្នកនាំពាក្យក្រសួងយុត្តិធម៌ ៖ តុលាការកំពូលសម្រេចពីបណ្តឹងរំលាយគណបក្សតាមអំណាចច្បាប់! ការមិនអនុវត្តសេចក្ដីសម្រេចរបស់តុលាការ ជាបទល្មើសព្រហ្មទណ្ឌ!

(ភ្នំពេញ)៖ នៅថ្ងៃទី១៦ ខែវិច្ឆិកា ឆ្នាំ២០១៧នេះតុលាការកំពូលបើកសវនាការកាត់ទោសរំលាយគណបក្សសង្គ្រោះជាតិ តាមពាក្យបណ្ដឹងថាបានប្រព្រឹត្តអំពើក្បត់ជាតិនោះ ហើយស្របពេលនេះដែរ ក៏មានដំណឹងលេចឮថា ក្រុមគណបក្សសង្គ្រោះជាតិ បានកកូកកាយសកម្មជនរបស់ខ្លួនមកប្រឆាំងចំពោះការកាត់ក្ដីនេះ។
លោក គឹម សន្ដិភាព អ្នកនាំពាក្យក្រសួងយុត្តិធម៌ បានចេញពន្យល់ថា ច្បាប់បានផ្តល់អំណាចដល់តុលាការកំពូលទទួលពិនិត្យ និងសម្រេចលើបណ្តឹងពាក់ព័ន្ធនឹងការរំលាយគណបក្សនយោបាយដែលល្មើសច្បាប់ ហើយសេចក្តីសម្រេចរបស់តុលាការកំពូល ពាក់ព័ន្ធនឹងបណ្តឹងខាងលើនេះ ជាសេចក្តីសម្រេចស្ថាពរបិទការតវ៉ា។
លោក គឹម សន្ដិភាព បានបញ្ជាក់ថា «ប្រជាពលរដ្ឋខ្មែរគ្រប់រូបមានកាតព្វកិច្ចគោរពរដ្ឋធម្មនុញ្ញ និងគោរពច្បាប់ ដូចមានកំណត់ក្នុងមាត្រា៤៩ រដ្ឋធម្មនុញ្ញនៃកម្ពុជា ហេតុនេះភាគីទាំងអស់ត្រូវគោរពអនុវត្តនូវសាលដីកាស្ថាពររបស់តុលាការកំពូល។ ការមិនអនុវត្តសេចក្តីសម្រេចរបស់តុលាការ គឺជាបទល្មើសព្រហ្មទណ្ឌ ដែលមានកំណត់ក្នុងក្រមព្រហ្មទណ្ឌនៃព្រះរាជាណាចក្រកម្ពុជា»។
លោក គឹម សន្ដិភាព ធ្លាប់បានបញ្ជាក់ថា ការប្រមូលផ្តុំកម្លាំងមហាជន ដើម្បីដាក់សម្ពាធលើស្ថាប័នតុលាការ គឺជាទង្វើល្មើសច្បាប់ ហើយអាជ្ញាធរសាធារណៈមានកាតព្វកិច្ចអនុវត្តនូវវិធានការចាំបាច់ផ្សេងៗ។
លោក គឹម សន្ដិភាព បានថ្លែងថា «ការប្រមូលផ្តុំកម្លាំងមហាជន ដើម្បីដាក់សម្ពាធលើស្ថាប័នតុលាការ គឺជាទង្វើល្មើសច្បាប់។ ហេតុនេះអាជ្ញាធរសាធារណៈដែលមានកាតព្វកិច្ច តាមផ្លូវច្បាប់ក្នុងការបង្កា ទប់ស្កាត់ និងបង្ក្រាបអំពើល្មើសក្នុងសង្គម មានភារកិច្ចអនុវត្តវិធានការចាំបាច់នានា ដើម្បីទប់ស្កាត់នូវអំពើល្មើសខាងលើនេះ!»៕

លិខិតមិត្តអ្នកអាន៖ ព្រះអាទិត្យនឹងអស្តង្គត សំឡេងភ្លេងខ្លងខែកនឹងបន្លឺឡើងដើម្បីជូនដំណើរចុងក្រោយ

ថ្ងៃដែលរង់ចាំបានមកដល់ហើយ! តុលាការកំពូលដែលមានចៅក្រម ៩រូប នឹងបើកសវនាការនៅព្រឹកថ្ងៃទី១៦ ខែវិច្ឆិកា ឆ្នាំ២០១៧ នេះដើម្បីជម្រះក្តីលើបណ្តឹងរបស់ ក្រសួងមហាផ្ទៃស្នើសុំរំលាយគណបក្សសង្គ្រោះ ជាតិពី បទរំលោភបំពានមាត្រា៧ នៃច្បាប់ស្តីពីគណបក្សនយោបាយ ព្រមទាំងបានស្នើសុំឱ្យដកសិទ្ធិ ធ្វើនយោបាយ រយៈពេល៥ឆ្នាំពីថ្នាក់ដឹកនាំជាសមាជិកគណៈអចិន្ត្រៃយ៍ និងគណៈកម្មាធិការនាយក រួមនឹងទីប្រឹក្សាបក្ស នេះចំនួន ១១៨ នាក់។

ដោយសារតែគណបក្សសង្គ្រោះជាតិបានលះបង់សិទ្ធិក្នុងការការពារខ្លួននៅចំពោះមុខតុលាការដែល ទំនងគឺ ដោយសារតែដឹងខ្លួនថាមិនអាចដោះបន្ទុកបាន ព្រោះបក្សនេះពិតជាបានឃុបឃិតជាមួយបរទេសក្បត់ជាតិ កម្ពុជា គណបក្សសង្គ្រោះជាតិត្រូវបានគេមើលឃើញថា នឹងមិនអាចជៀសរួចពីការសម្រេច របស់តុលាការ កំពូល រំលាយចោលនោះទេ ព្រោះភស្តុតាងជាច្រើនត្រូវបានដាក់ និងមានភាពរឹងមាំលើសពីវិមតិសង្ស័យ។ នៅថ្ងៃនេះគណបក្សសង្គ្រោះជាតិបានក្លាយជាអ្នកជំងឺដែលអស់សង្ឃឹម នឹងរស់ហើយរីឯសាច់ញាតិបានត្រៀម រៀបចំពិធីសាសនា ដើម្បីធ្វើបុណ្យឧទ្ទិសកុសលឱ្យបក្សនិង ថ្នាក់ដឹកនាំបក្សនេះរួចហើយព្រោះជាថ្ងៃអង្សារ របស់ខ្លួន។ រោងបុណ្យក៏ត្រូវរៀបចំហើយភ្លេងខ្លងខែកក៏បានត្រៀមអស់រួចស្រេចទៅហើយ រង់ចាំតែចាក់បំពង តែប៉ុណ្ណោះ។ ព្រះអាទិត្យដែល កើតចេញពីភ្លើងទៀន និងព្រះច័ន្ទនឹងចូលអស្តង្គតជារៀងរហូត និងបាត់រូបរាង ពីដែនដីកម្ពុជា។

តើសាច់ញាតិនិងអ្នកគាំទ្របក្សសង្គ្រោះជាតិនេះបានត្រៀមខ្លួនទទួលយកហើយឬនៅ? ទំនងពិតជាបាន ត្រៀមខ្លួនរួចហើយទោះជាមិនជឿខ្លួនឯងក៏ដោយព្រោះគេបាន ដឹងអំពីរោគវិនិច្ឆ័យច្បាស់លាស់ គឺមហារីក ក្បត់ជាតិ ក្បត់ប្រជាជនដែលមិនមានថ្នាំព្យាបាល ហើយអ្នកជំងឺក៏មិនបានស្វែងរកថ្នាំដើម្បីពន្យារជីវិតដែរ និងមិនបានការពារខ្លួនឡើយ ទន្ទឹមនេះ មេរោគនយោបាយឱកាសនិយមខ្លះដូចជាទណ្ឌិត សម រង្ស៊ី ដែលត្រូវ បានហាមឃាត់ ដោយច្បាប់មិនឱ្យពាក់ព័ន្ធនឹងបក្សនយោបាយបានវាយលុក អ្នកជំងឺនេះកាន់តែខ្លាំងនាដង្ហើម ចុងក្រោយដោយមិនស្តាយ ស្រណោះឡើយ និងបន់ឱ្យតែត្រូវបានរំលាយ ឆាប់ព្រោះបើខ្លួនមិនបានប្រយោជន៍ នរណាផ្សេង ទៀតក៏មិនអាចយកបានដែរ។ នៅពេលនេះបក្សសង្គ្រោះជាតិរស់បានដោយ សារតែខ្យល់អុក ស៊ីសែនដកដង្ហើមប៉ុណ្ណោះ។

តើត្រូវបន្ទោសនរណា? ទណ្ឌិតសម រង្ស៊ី ឬកឹម សុខា? សម រង្ស៊ី សុខចិត្តលះបង់តំណែងជាប្រធាន និង សមាជិកភាព បក្សដើម្បីជួយសង្គ្រោះបក្សកុំឱ្យរំលាយ ហើយកឹម សុខា ឡើងមកជំនួសកាន់ តំណែងប្រធាន បក្សក៏បានជ្រុលមាត់ ជ្រុលកនិយាយពីផែនការសម្ងាត់ឃុបឃិតនឹងបរទេសក្បត់ជាតិខ្លួនដែលនាំឱ្យ មាន ភស្តុតាងដាក់បន្ទុកលើគណបក្ស សង្គ្រោះជាតិ និងកឹម សុខា ផ្ទាល់ពីបទក្បត់ជាតិ។ ប៉ុន្តែចុះឡើងៗ សម រង្ស៊ី ដែលភ័យស្លន់ស្លោនឹងការរំលាយបក្ស បានលោតចូលទាំងទទឹងទិស ដែលមិនត្រឹមតែមិនអាចជួយស្រោច ស្រង់បក្សនេះបានទេ ថែមទាំងកាន់តែរុញបក្ស នេះឱ្យឈានដល់ការរលាយកាន់តែឆាប់។ នេះគឺជាលទ្ធផល នៃការផ្លាស់ប្តូរយ៉ាងតក់ក្រហល់ និងចង់បានអំណាច ឆាប់តាមមហិច្ឆតារបស់ខ្លួន ក្បត់ឆន្ទៈរាស្ត្រ បំផ្លាញគោល បំណងដ៏ពិសិដ្ឋរបស់ប្រជាជនកម្ពុជា។ បក្សនេះមិនអាច តវ៉ាជាមួយព្រហ្មលិខិត មិនអាចបដិសេធនឹងបញ្ជា យមរាជ ហើយក៏មិនសុំអង្វរទេវតាបានដែរព្រោះកំហុសក្បត់ជាតិ ជាទោសដែលមិនអាចអត់ឱន ឱ្យបាន ឡើយ។

ហេតុអ្វីបានជាមានភាពចាំបាច់ក្នុងការរំលាយគណបក្សសង្គ្រោះជាតិចោល? មានមូលហតុ ៤ សំខាន់ដែល ចាំបាច់ត្រូវរំលាយគណបក្សសង្គ្រោះជាតិ៖ ទី១- កម្ពុជាចាំបាច់ត្រូវថែរក្សា ការពារសុខសន្តិភាព ស្ថេរភាព និងការអភិវឌ្ឍដែលខ្លួនរកបានដោយពិបាកនេះដើម្បីបន្តការអភិវឌ្ឍ ទាក់ទាញវិនិ យោគិនមកបណ្តាក់ទុន នៅកម្ពុជា បន្តស្វែងរកដៃគូបន្ថែមដើម្បីទិញទំនិញពីកម្ពុជា បង្កើតការងារជូនប្រជាជន និងបង្កើនប្រាក់ចំណូល កាត់បន្ថយភាពក្រីក្រ និងបង្កើនជីវភាព រស់នៅរបស់ប្រជាពលរដ្ឋ។ ទី២- ដើម្បីទប់ស្កាត់បក្ស នយោបាយ និងក្រុមអ្នកនយោបាយដែលឃុបឃិត និងបម្រើផលប្រយោជន៍បរទេស ព្រោះថាកម្ពុជាមិនត្រូវការ បក្សដែល មិនបម្រើជាតិខ្មែរឡើយ។ កម្ពុជាបានហែលឆ្លងកាត់នូវសង្គ្រាម សោកសៅដោយសារតែមានការជ្រៀត ជ្រែក លូកដៃចាត់ចែងវាសនាជំនួសខ្មែរកាលពីអតីត បានទាញប្រទេសកម្ពុជាចូលក្នុងភ្នក់ភ្លើង សង្គ្រាមបំផ្លិច បំផ្លាញ សោកនាដកម្មដ៏សាហាវឃោរឃៅ អំពើប្រល័យពូជសាសន៍របស់ខ្មែរក្រហម ពលរដ្ឋរស់ក្នុងឈាមនិង ទឹកភ្នែក ជិតបីទសវត្សរ៍។ កម្ពុជាពិតជាមិនចង់ឱ្យប្រវត្តិសាស្ត្រចាស់វិលមកបំផ្លាញខ្មែរទៀតឡើយ។ វាពិតជាមានភាព ចាំបាច់ក្នុងការលុបបំបាត់បក្ស និងក្រុមអ្នកនយោបាយដែលសាងគ្រោះឱ្យជាតិ។ ទី៣- ដើម្បីការពារឯករាជ ភាព និងបូរណភាពដែនដីកម្ពុជា ប្រឆាំងនឹងការជ្រៀតជ្រែកទាំងឡាយរបស់រទេស។ កម្ពុជាមានកិត្តិយសនិង សេចក្តីថ្លៃថ្នូររបស់ខ្លួន និងជាប្រទេសដែលស្មើភាព និងស្មើសិទ្ធិ។ កម្ពុជាប្រឆាំងដាច់ ខាតនូវការជ្រៀតជ្រែក របស់បរទេសមកក្នុងកិច្ចការផ្ទៃក្នុងកម្ពុជា។ ដូច្នេះការរំលាយគណបក្សដែលទទួលការបង្គាប់បញ្ជា និងឃុបឃិត ជាមួយបរទេសគឺដើម្បីការពារផលប្រយោជន៍ជាតិ និងប្រជាជន។ ទី៤- ដើម្បីពង្រឹងនីតិរដ្ឋនៅកម្ពុជា ដែលជាក្តី ប្រាថ្នា របស់ប្រជាជនគ្រប់រូបរួមនឹងបក្សប្រឆាំងផងដែរ។ លទ្ធិប្រជាធិបតេយ្យដែលរឹងមាំត្រូវមាននីតិរដ្ឋ មាន ការគោរពច្បាប់។ ដូច្នេះ វាមានភាពចាំបាច់ដែលត្រូវលុបបំបាត់កម្លាំងនយោបាយដែលប៉ុនប៉ុងបង្កចលាចល បង្ហាញសន្តិភាព បំផ្លាញសេចក្តីសុខរបស់រាស្ត្រខ្មែរ ដើម្បីធានាស្ថិរភាពជាតិ និងសណ្តាប់ធ្នាប់សង្គម និងការគោរពច្បាប់ក្នុងសង្គម។
ដូច្នេះការជំនុំជម្រះក្តីលើបណ្តឹងរំលាយគណបក្សសង្គ្រោះជាតិនៅថ្ងៃនេះគឺជាថ្ងៃអវសាននៃជីវិតអ្នកនយោបាយ និងបក្សដែលក្បត់កម្ពុជា ហើយជម្រើសសម្រាប់កម្ពុជានៅពេលនេះ ជាជម្រើសជាតិ ជម្រើសសន្តិភាព និងប្តេជ្ញាចិត្តលើផ្លូវប្រជាធិបតេយ្យសេរី ពហុបក្សដែលមិនបំផ្លាញសន្តិភាពដើម្បីជាតិមាន ជីវិតដើរទៅមុខ ជានិច្ច។ សវនាការចាប់ផ្តើមពេលណា សំឡេងភ្លេងខ្លងខែក ក៏នឹងបន្លឺនៅពេលនោះដើម្បីធ្វើ បុណ្យឧទ្ទិស កុសលជូនបក្សក្បត់ កម្ពុជា និងសូមឱ្យផ្សែងខ្មៅនៃអំពើក្បត់ជាតិហោះហើរចេញពីកម្ពុជា! ថ្ងៃទី១៦ វិច្ឆិកា ជាថ្ងៃអង្សារសម្រាប់ក្រុមជន ក្បត់ជាតិកម្ពុជា!

ដោយ៖ ចៅ ចាក់ស្មុក

តុលាការកំពូលបានចាប់ផ្តើមបើកសវនាការជាសាធារណៈលើបណ្តឹង «រំលាយបក្សសង្គ្រោះជាតិ»

នៅវេលាម៉ោង៨៖៤០នាទី ព្រឹកថ្ងៃទី១៦ ខែវិច្ឆិកា ឆ្នាំ២០១៧នេះ តុលាការ​កំពូលបាន​ចាប់​ផ្តើម​បើកសវនាការជាសាធារណៈលើបណ្តឹង «រំលាយបក្សសង្គ្រោះជាតិ» ដោយមាន​ចៅក្រម៩រូប និងតំណាងមហាអយ្យការមួយរូប ក្រឡាបញ្ជីមួយរូប និងមានមេធាវី​ដើមបណ្តឹង​មាន៤រូប។ ដោយ​ឡែក ខាង​គណបក្ស​សង្គ្រោះ​ជាតិ មិន​បានដាក់​មេធាវី​ ដើម្បី​ការពារ​ក្តី​នោះ​ទេ។

មាន​អ្នក​ចូល​រួម​ស្តាប់​នៅក្នុងអង្គសវនាការ តែមិនអនុញ្ញាតឲ្យថតសំឡេង និងថតរូបភាពទេ នេះ​ជា​កិច្ច​ការងារ​ដែល​កំ​ណត់​ដោយ​តុលាការ​ ប៉ុន្តែអ្នកចូលរួមតាម​ដានអាចកត់ត្រាបាន។

មន្រ្តីតុលាការបានថ្លែងឲ្យដឹងថា ដំណើរការជំនុំជម្រះ អាចនឹងប្រើរយៈពេលច្រើន អាចពេញ​មួយថ្ងៃ ដើម្បីពិនិត្យភស្តុតាងជាច្រើននៅក្នុងសំណុំរឿង។

ក្រុមមេធាវីតំណាងក្រសួងមហាផ្ទៃ ជឿជាក់ស្ទើរមួយរយភាគរយថា គណបក្សរណប​បរទេស​មួយនេះ ពិតជារលាយយ៉ាងពិតប្រាកដ។ ចំណែកថ្នាក់ដឹកនាំ​គណបក្សសង្គ្រោះជាតិ​ចំនួន​១១៨​រូប ក៏ក្រុមមេធាវីជឿជាក់ថា នឹងត្រូវតុលាការកំពូលផ្អាក​សកម្មភាពនយោបាយ​៥ឆ្នាំផង​ដែរ ស្របតាមច្បាប់ស្តីពីគណបក្សនយោបាយ។

នៅរសៀលថ្ងៃទី១៥ ខែវិច្ឆិកា ឆ្នាំ២០១៧ម្សិលមិញនេះ ក្រុមមេធាវីតំណាងក្រសួងមហាផ្ទៃ បានដាក់បញ្ជីឈ្មោះថ្នាក់ដឹកនាំ គណបក្សសង្គ្រោះជាតិមួយរូបទៀត ជូនតុលាការកំពូល ដោយស្នើឱ្យផ្អាកសកម្មភាពនយោបាយរយៈពេល៥ឆ្នាំ ដែលពេលនេះបញ្ជីឈ្មោះ​ថ្នាក់​ដឹកនាំ​របស់បក្ស​សង្គ្រោះជាតិ បានកើនដល់១១៨រូបហើយ។

ក្រុមមេធាវីតំ​ណាងដោយ​អាណត្តិរបស់​ក្រសួង​មហាផ្ទៃ ជឿជាក់ថា គណបក្សសង្គ្រោះជាតិ ពិតជារលាយមួយរយភាគរយ ដោយ​យោង​តាម​ភស្តុតាងយ៉ាងច្រើនសន្ធឹកសន្ធាប់ និងរឹងមាំ​ដែលផ្តល់ជូនតុលាការកំពូល។