សម្តេចតេជោ ប្រកាសបើកកម្មវិធីប្រកួតប្រជែង ខ្ញុំជាយុវជនគំរូកម្ពុជា

នៅ​​ថ្ងៃ​ទី០១ ខែ​មេ​សា ឆ្នាំ​២​០១​៦​​នេះ ស​ម្តេចតេ​ជោ ហ៊ុ​ន សែ​ន នាយ​ករដ្ឋមន្រ្តី​នៃក​ម្ពុជា បាន​បង្ហោះ​​ផ្សាយ​នៅក្នុ​ង​ទំព័រ​ហ្វេស​ប៊ុករប​ស់សម្តេ​ចដែល​មា​ន​ឈ្មោះ​ថា Sam​dech Hun S​en,    Ca​m​bodian Prime Minister ស្តីពី​ការ​ជ្រើ​សរើ​សបេ​ក្ខជន​ប្រ​កួតប្រ​ជែងក្នុ​ង​កម្មវិធី ខ្ញុំ​ជា​យុវជន គំរូ​​​កម្ពុជា។

កម្ម​​វិធី ខ្ញុំជា​យុ​​វជ​នគំ​រូ​កម្ពុជា (I am​ a Rol​e Model) នេះ ​ចាប់​ទទួ​ល​​ការ​​ចុះ​ឈ្មោះ​ និង​ទ​ទួល​ឯកសា​​​រ​​ប្រ​កួ​ត​ប្រ​​ជែ​ងចាប់​ពី​ថ្ងៃទី​​០១​ ដល់​​ថ្ងៃទី​០​៣ ខែមេសា ​ឆ្នាំ២០​​១៦​នេះ​តទៅ។ សម្តេច​  តេ​ជោ ក៏​​បាន​អំ​ពាវនា​វឱ្យ​​យុវ​ជន យុវនារី និ​ងប្រជា​ពល​រ​ដ្ឋជ្រើ​ស​រើ​សវីដេអូ ឬឯ​​​កសារ​​ប្រធាន​បទ​​​​ណា​​​​ដែ​លចង់ចូ​លរួមប្រកួត។ ចំពោះវិញ្ញា​សាប្រកួតប្រ​ជែងគឺផ្តោត​ទៅលើ កំណាព្យ និង អត្ថបទ វីដេអូ ចំរៀង និងគំនូរ។

ដើម្បី​មានឱកាស​ចូ​លរួមប្រ​កួ​តប្រ​ជែង បេក្ខជន​​ត្រូវ​ផ្ញើរវីដេអូ ឬឯកសារប្រធានបទ​ម​កកាន់   W​ebsite ស​ម្តេចតេ​ជោ ហ៊ុន​ សែ​នខា​​ង​ក្រោ​ម៖​​ http://s​amde​chhunse​n.​gov​.​kh/​kh​mer_​youth​_​​​ro​le_​mod​el/log​in.php ​ហើយ ចំពោះ​សំណួរ​អំពីការ​​​ប្រកួ​តប្រ​ជែ​ងសូម​ទាក់​ទ​ង​លេខ 071-​621-​​06​97។ ចំ​ពោះ​បេក្ខ​ជន​​​​ដែល​​ឈ្នះជាប់ចំណាត់ថ្នាក់លេខ១ TOP 1 គឺបានទទួល iPhone 6 ១​គ្រឿង​លិខិត​​សរ​សើ​រ​ពី​សម្តេច​​តេ​ជោ​ និងរង្វា​ន់​​មួ​យចំនួ​នទៀត​។ ចំពោះ Top 10 ក៏នឹងទទួ​ល​បាន​​នូវ​​រង្វា​ន់​លើ​ក​​​​ទឹក​ចិ​ត្ត​​​ផ​ង​​ដែរ​​៕

តំបន់​ព្រៃផ្តល់​ផលចំនួន ​៥ នឹ​ងត្រូវបាន​ដាក់​ជាតំប​ន់ការពារ​ និងអភិរក្ស ​

យោងតាមសេចក្តីប្រកាសព័ត៌មានរបស់ក្រសួងបរិស្ថានចេញថ្ងៃទី១ ខែមេសា ឆ្នាំ២០១៦នេះបានឱ្យដឹងថា ក្រសួងបរិស្ថាន បានទទួលការឯកភាពជាគោលការណ៍ពីរាជរដ្ឋាភិបាលកម្ពុជា ក្នុងការរៀបចំដាក់តំបន់ព្រៃផ្តល់ផលចំនួន ៥ កន្លែង រួមមាន៖  ព្រៃឡង់  ព្រៃច្រករបៀងក្រវាញញខាងត្បូង ព្រៃព្រះរកា ព្រៃសៀមប៉ាងលិច និងព្រៃវ៉ឺនសៃ ដែលមានផ្ទៃដីសរុបប្រមាណជាង ៩៥០. ០០០ ហិកតា ជាតំបន់ការពារ     និងអភិរក្សព្រៃឈើ             ដោយផ្អែកទៅលើសក្តានុពល និងគុណតម្លៃនៃប្រព័ន្ធអេកូឡូស៊ី សម្រាប់ផ្នែកសេដ្ឋកិច្ច សង្គម វប្បធម៌ និងបរិស្ថាន។

សេចក្តីប្រកាសព័ត៌មានក៏បានបន្ថែមទៀតថា ក្រសួងបរិស្ថានគ្រោងរៀបចំសិក្ខាសាលាពិគ្រោះយោបល់មួយនាពេលដ៏ខ្លីខាងមុខ ដើម្បីផ្តល់ឱកាសឲ្យអ្នកពាក់ព័ន្ធទាំងអស់បានចូលរួមពិនិត្យ និងផ្តល់មតិយោបល់លើឯកសារព្រាងនានាដោយទូលំទូលាយ ហើយក្រសួងនឹងធ្វើការបូកសរុបមតិយោបល់ និងកែសម្រួលឯកសារ ដើម្បីដាក់ជូនរាជរដ្ឋាភិបាលពិនិត្យ និងអនុម័តដាក់តំបន់ព្រៃផ្តល់ផលទាំង ៥ កន្លែងនោះជាតំបន់ការពារ និងអភិរក្សព្រៃឈើជាផ្លូវការ ស្របតាមគោលការណ៍ និងនីតិវិធីច្បាប់៕

ក្រសួងការបរទេស និងសហប្រតិបត្តិការអន្តរជាតិ អន្តរាគមន៍ជួយពលការិនីខ្មែរ៣រូបឲ្យបានវិលមកមាតុប្រទេសវិញ

នៅថ្ងៃទី ០១  ខែ មេសា ឆ្នាំ ២០១៦នេះក្រសួងការបរទេស និងសហប្រតិបត្តិការអន្តរជាតិ​បានចេញសេចក្តីជូនដំណឹងថា            ស្ថានឯកអគ្គរាជទូតកម្ពុជា        ប្រចាំសាធារណរដ្ឋប្រជា​​​មានិតចិនបាន​​សហ​​​ការជាមួយប៉ូលីសក្រុងប៉េកាំង អន្តរាគមន៍ជួយស្ត្រីខ្មែរ ០១ រូប  ឈ្មោះ លី ធី អាយុ ៤៤ឆ្នាំ មានស្រុកកំណើត នៅភូមិ កោះក្រសាំង ឃុំស្នាមព្រះ ស្រុកបាកាន ខេត្តពោធិសាត់ ដែល​បាន​ទៅធ្វើការងារជាមេផ្ទះ នៅប្រទេសចិន ដោយស័្មគ្រចិត្ត តាំងពីខែ មិថុនា ឆ្នាំ ២០១២ ឲ្យបាន​វិល​ត្រឡប់​មកកម្ពុជាវិញ។ស្ត្រី លី ធី បានមកដល់អាកាសយានដ្ឋានអន្តរជាតិភ្នំពេញ កាលពីថ្ងៃទី ៣០ ខែ មីនា ឆ្នាំ ២០១៦ តាម ជើង យន្តហោះ MH ៧៥៤ ។

ដោយឡែកស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី បានអន្តរាគមន៍ជួយស្ត្រីខ្មែរចំនួន ០២ រូប ដែលបានទៅធ្វើការនៅប្រទេសម៉ាឡេស៊ី ហើយជួបប្រទះការលំបាកក្នុងការងារ ឲ្យបានវិល​ត្រឡប់​ មក​កម្ពុជាវិញ ។

ឯកឧត្តម ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិបានថ្លែង​ប្រាប់ថា ស្ដ្រីទាំង ០២ រូបនោះ មានឈ្មោះ       ស៊ិន សុផល  អាយុ ២៥ ឆ្នាំ មានស្រុកកំណើត នៅ​ភូមិថ្លើក ឃុំពើក ស្រុកអង្គស្នួល ខេត្តកណ្តាល បានទៅប្រទេសម៉ាឡេស៊ីដោយរថយន្ត កាត់តាមប្រទេសថៃ កាលពីថ្ងៃទី ២៨ ខែ កុម្ភៈ ឆ្នាំ ២០១៥  តាមរយៈការបោកបញ្ឆោតរបស់មេខ្យល់ទៅធ្វើការតាមផ្ទះ ។  ពលការីនីរូបនេះ  ត្រូវបានថៅកែនាំទៅស្ថានទូតនៅថ្ងៃទី៣០ ខែ មីនា ឆ្នាំ ២០១៦ បន្ទាប់​មានកា​រ​ធ្វើ​​​​អ​​ន្ត​រា​គ​ម​ន៍​របស់ស្ថានទូត ហើយថៅកែបានបើកប្រាក់ខែ បង់ពិន័យឲ្យរដ្ឋាភិបាលម៉ាឡេស៊ី និង​ទិញ​សំបុត្រ​យន្ត​ហោះ​ ឲ្យធ្វើដំណើរត្រឡប់មកមាតុប្រទេស។

ពលការីនី ស៊ិន សុផល  នឹងមកដល់អាកាសយានដ្ឋានអន្តរជាតិភ្នំពេញ នៅ ថ្ងៃទី ០១ ខែមេសា  ឆ្នាំ ២០១៦ វេលាម៉ោង ១៥:៥៥ នាទី តាមជើងយន្តហោះ AK ៥៣៤។

ទុយ សុខលីន អាយុ ២៣ ឆ្នាំ មានស្រុកកំណើត នៅភូមិទន្លេក្រៅ ឃុំជលសារ ស្រុកជលគីរី  ខេត្ត​កំពង់ឆ្នាំង បានទៅប្រទេសម៉ាឡេស៊ី កាលពីឆ្នាំ ២០១៤ ធ្វើការតាមផ្ទះ ។ ដោយពុំ​មាន​លិខិតឆ្លងដែន  ពលការីនីរូបនេះ  បានទៅស្ថានទូត នៅថ្ងៃទី ២៨ ខែ មីនា ឆ្នាំ ២០១៦ សុំជួយ​ឲ្យ​បាន​វិល​ត្រឡប់​មក​កម្ពុជាវិញ  ។

ពលការីនី ទុយ សុខលីន នឹងមកដល់អាកាសយានដ្ឋានអន្តរជាតិភ្នំពេញ នៅ ថ្ងៃទី ០៣ ខែ មេសា  ឆ្នាំ ២០១៦ វេលាម៉ោង ៧:៣៥ នាទី ព្រឹក តាមជើងយន្តហោះ AK ៥៣៦។

កំឡុង​ពេលរង់ចាំការត្រឡប់មកកម្ពុជាវិញ ស្ថានទូតបានផ្តល់កន្លែងស្នាក់នៅ និងការហូប-ចុក ជូនដល់​ពល​ការិនីទាំង ០២ រូប ខាងលើ ផងដែរ ។