យោងតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភា
ចុះថ្ងៃទី២២ ខែធ្នូ
ឆ្នាំ២០១៥នេះ បានឲ្យដឹងថា
នៅថ្ងៃទី២៤ ខែធ្នូ ឆ្នាំ២០១៥ វេលាម៉ោង១៤រសៀលខាងមុខ
រដ្ឋសភានៃព្រះរាជាណាចក្រកម្ពុជានឹងរៀបចំពិធីបំពាក់គ្រឿងឥស្សរិយយសលើកទី១
ជូនសមាជិក សមាជិការដ្ឋសភានីតិកាលទី៥
ក្រោមអធិបតីភាពរបស់សម្តេចអគ្គមហាពញាចក្រី ហេង សំរិន ប្រធានរដ្ឋសភា
នាវិមានរដ្ឋសភា។
សេចក្តីជូនដំណឹងបានបញ្ជាក់ថា ការផ្តល់គ្រឿងឥស្សរិយយសដល់សមាជិក
សមាជិការដ្ឋសភា គឺអនុវត្តតាម ច្បាប់ស្តីពីលក្ខន្តិកៈតំណាងរាស្រ្ត
ដែលជាការឆ្លើយតបទៅនិងគុណបំណាច់ដ៏ឧត្តុង្គឧត្តម ដែលសមាជិក សមាជិការដ្ឋសភា
បានបំពេញជូនជាតិ និងប្រជាពលរដ្ឋ៕
អត្ថបទ ឌួងសុភ័ក្រនីកា