Monday, January 16, 2023

សម្តេចតេជោនាយករដ្ឋមន្រ្តី ទទួលជួបសំដែងការគួរសម និងពិភាក្សាការងារដាច់ដោយឡែកពីគ្នា ជាមួយ អនុប្រធានាធិបតី ម៉ាល់ឌីវ - ប្រធានរដ្ឋសភា ម៉ាល់ឌីវ - ប្រធានតុលាការកំពូល នៃម៉ាល់ឌីវ និង រដ្ឋមន្រ្តីការបរទេស ម៉ាល់ឌីវ


នៅរសៀលថ្ងៃទី១៦នោះដែរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជា​ណា​ចក្រកម្ពុជា បានទទួលជួបសំដែងការគួរសម និងពិភាក្សាការងារដាច់ដោយឡែកពីគ្នា ជាមួយឯកឧត្តម Faisal Naseem អនុប្រធានាធិបតី ឯកឧត្តម Mohamed Nasheed ប្រធានរដ្ឋសភា ឯកឧត្តម Ahmed Muthasim Adnan ប្រធានតុលាការកំពូល និងឯកឧត្តម Abdulla Shahid រដ្ឋមន្រ្តីការបរទេស នៃសាធារណរដ្ឋម៉ាល់ឌីវ។ 

ក្នុងជំនួបដាច់ដោយឡែកពីគ្នានោះ សម្តេចតេជោនាយករដ្ឋមន្រ្តី បានសំដែងនូវការវាយតម្លៃខ្ពស់ ចំពោះការលះបង់ និងកិច្ចខិតខំប្រឹងប្រែងបំពេញភារកិច្ចរបស់ថ្នាក់ដឹកនាំ នៃប្រទេស​ម៉ាល់ឌីវ ក្នុងនាមជាប្រធានមហាសន្និបាតអង្គការសហប្រជាជាតិ លើកទី៧៦ ក្នុងឆ្នាំដែលពិភពលោក បានជួបប្រទះនូវបញ្ហាប្រឈម គួរឲ្យព្រួយបារម្ភជាច្រើន។ សម្តេចតេជោបានសំដែងនូវការអបអរសាទរ និងកោតសរសើរចំពោះរដ្ឋាភិបាល និងប្រជាជន នៃសាធារណរដ្ឋម៉ាល់ឌីវ ចំពោះការអភិវឌ្ឍន៍សេដ្ឋកិច្ច សង្គម ប្រកបដោយចីរភាព ឧស្សាហកម្មទេសចរណ៍រឹងមាំ និងការលើកកម្ពស់ជីវភាពរស់នៅរបស់ប្រជាជនម៉ាល់ឌីវ ក្នុងរយៈពេលប៉ុន្មានទសវត្សរ៍កន្លងមក។ 

សម្តេចតេជោនាយករដ្ឋមន្រ្តី បានចាត់ទុកថា ដមណើរទស្សនកិច្ចរបស់សម្តេចទៅកាន់ប្រទេសម៉ាល់ឌីវនៅពេលនេះ និងធ្វើឲ្យទំនាក់ទំនងមិត្តភាព និងកិច្ចសហប្រតិបត្តិការ រវាងប្រជាជន និងប្រទេសទាំងពីរកម្ពុជា ម៉ាល់ឌីវ ត្រូវបានពង្រឹងនិងពង្រីកឲ្យកាន់តែល្អប្រសើរឡើងថែមទៀត ដែលនាំមកនូវផលប្រយោជន៍សម្រាប់ប្រជាជននៃប្រទេសទាំងពីរ។ សម្តេចតេជោក៏បានវាយតម្លៃខ្ពស់ ចំពោះការបន្តរក្សាបាន នូវស្ថេរភាពនយោបាយនៅក្នុងប្រទេសម៉ាល់ឌីវ ចាប់តាំងពីក្រោយការបោះឆ្នោតសកល កាលពីខែកញ្ញា ឆ្នាំ២០១៨ ដែលជាកត្តាចំបាច់សម្រាប់ការអភិវឌ្ឍសេដ្ឋកិច្ច សង្គម និងពង្រឹងទំនុកចិត្តផ្នែកធុរកិច្ច ជាពិសេសភ្ញៀវទេសចរអន្តរជាតិ មកកំសាន្តនៅម៉ាល់ឌីវ។ 

ឯកឧត្តម Faisal Naseem អនុប្រធានាធិបតី ឯកឧត្តម Mohamed Nasheed ប្រធានរដ្ឋសភា ឯកឧត្តម Ahmed Muthasim Adnan ប្រធានតុលាការកំពូល និងឯកឧត្តម Abdulla Shahid រដ្ឋមន្រ្តីការបរទេស នៃសាធារណរដ្ឋម៉ាល់ឌីវ បានសំដែងនូវការស្វាគមន៍យ៉ាងកក់ក្តៅបំផុត ចំពោះសម្តេចតេជោនាយករដ្ឋមន្រ្តី ហ៊ុន សែន ដែលបានឆ្លើយតបតាមការអញ្ជើញរបស់ឯកឧត្តមប្រធានាធិបតីម៉ាល់ឌីវ អញ្ជើញបំពេញទស្សនកិច្ចផ្លូវការ នៅទីក្រុងម៉ាល នៃសាធារណរដ្ឋម៉ាល់ឌីវ។ 

មេដឹកនាំទាំងអស់ បានចាត់ទុកថា សម្តេចតេជោ គឺជាប្រមុខដឹកនាំជាន់ខ្ពស់ របស់ព្រះរាជាណាចក្រកម្ពុជា ដែលបានអញ្ជើញបំពេញទស្សនកិច្ចប្រទេសដែនកោះនេះ។ នៅក្នុងជំនួបដាច់ដោយឡែកពីគ្នានោះដែរ សម្តេចតេជោនាយករដ្ឋមន្រ្តី និងបណ្តាថ្នាក់ដឹកនាំកំពូលៗរបស់ម៉ាល់ឌីវ បានពិភាក្សាយ៉ាងស៊ីជំរៅ ទាក់ទិនទៅនិងការពង្រឹងនិងពង្រីកកិច្ចសហប្រតិបត្តិការ ក្នុងក្របខណ្ឌទ្វេភាគី ពហុភាគី បញ្ហាតំបន់ និងអន្តរជាតិ ដែលមានការយកចិត្តទុកដាក់ដូចគ្នា ពិសេសបានសំដែងនូវការរីករាយ និងកត់សំគាល់ថា កម្ពុជា ម៉ាល់ឌីវ មានកិច្ចសហប្រតិបត្តិការគ្នាល្អ និងបានគាំទ្រគ្នាទៅវិញទៅមក លើវេទិកាអន្តរជាតិ។ 

មេដឹកនាំនៃប្រទេសទាំងពីរ បានឯកភាពគ្នាបន្តសម្របសម្រួលគោលជំហរ និងសហការគ្នាឲ្យកាន់តែជិតស្និទ្ធ ក្នុងវេទិកាតំបន់ និង អន្តរជាតិនានា ដើម្បីសន្តិភាព ស្ថិរភាព ការអភិវឌ្ឍប្រកបដោយចីរភាព និងវិបុលភាពរួម។ នៅក្នុងជំនួបពិភាក្សាគ្នានោះដែរ ឯកឧត្តម Faisal Naseem អនុប្រធានាធិបតី ឯកឧត្តម Mohamed Nasheed ប្រធានរដ្ឋសភា ឯកឧត្តម Ahmed Muthasim Adnan ប្រធានតុលាការកំពូល និងឯកឧត្តម Abdulla Shahid រដ្ឋមន្រ្តីការបរទេស នៃសាធារណរដ្ឋម៉ាល់ឌីវ បានសំដែងនូវការវាហយតម្លៃខ្ពស់ និងកោតសរសើរចំពោះកម្ពុជា ពិសេសសម្តេចតេជោនាយករដ្ឋមន្រ្តី ហ៊ុន សែន ដែលបានធ្វើជាម្ចាស់ផ្ទះដឹកនាំកិច្ចប្រជុំកំពូលអាស៊ាន ឆ្នាំ២០២២ និងកិច្ចប្រជុំកំពូលពាក់ព័ន្ធនានា បញ្ចប់ទៅប្រកបដោយលទ្ធផលដ៏យត្រចៈត្រចង់បំផុត ពិសេសផ្តល់នូវមោទនភាពជាតិរបស់កម្ពុជា លើឆាកអន្តរជាតិ។ 

បណ្តាមេដឹកនាំគ្រប់ស្ថាប័នទាំងអស់ នៃប្រទេសម៉ាល់ឌីវ បានអបអរសាទរចំពោះជ័យជម្នះរបស់គណបក្សប្រជាជន កម្ពុជា នៅក្នុងការបោះឆ្នោតឃុំ-សង្កាត់ កាលពីខែមិថុនាឆ្នាំ២០២២ និងបានចាត់ទុកដំណើរទស្សនកិច្ចជាលើកដំបូង របស់ សម្ដេចតេជោនាយករដ្ឋមន្ត្រីនៅម៉ាល់ឌីវ ជាព្រឹត្តិការណ៍សំខាន់ជាប្រវត្តិសាស្ត្រ និងជាកត្តាជម្រុញដ៏សំខាន់  ដល់ការលើកកម្ពស់កិច្ចសហប្រតិបត្តិការទ្វេភាគីលើវិស័យពាណិជ្ជកម្ម និងវិនិយោគ ទេសចរណ៍ ការផ្លាស់ប្តូរវប្បធម៌ និងកិច្ច សហប្រតិបត្តិការបច្ចេកទេស។ ឯកឧត្តម Faisal Naseem អនុប្រធានាធិបតី ឯកឧត្តម Mohamed Nasheed ប្រធានរដ្ឋសភា ឯកឧត្តម Ahmed Muthasim Adnan ប្រធានតុលាការកំពូល និងឯកឧត្តម Abdulla Shahid រដ្ឋមន្រ្តីការបរទេស នៃសាធារណរដ្ឋម៉ាល់ឌីវ បានទទួលយកនូវការគោរពអញ្ជើញពីសម្តេចតេជោនាយករដ្ឋមន្រ្តី ក្នុងការបំពេញទស្សនកិច្ចមកកាន់ប្រទេសកម្ពុជា ក្នុងពេលវេលាដ៏សមស្របនាពេលខាងមុខ៕


#ហ៊ុនសែន #HunSen

#កម្ពុជា #Cambodia 

#FaisalNaseem

#MohamedNasheed

#AhmedMuthasimAdnan

#AbdullaShahid

#ម៉ាល់ឌីវ #Maldives

សម្តេចតេជោ ហ៊ុន សែន និងប្រធានាធិបតីម៉ាល់ឌីវ អញ្ជើញធ្វើសន្និសីទសារព័ត៌មានរួមគ្នា


នៅរសៀលថ្ងៃ១៦ ខែមករា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងឯកឧត្តម អ៊ីប្រាហ៊ីម ម៉ូហាមេដ សូលី (Ibrahim Mohamed Solih) ប្រធានាធិបតីម៉ាល់ឌីវ បានអញ្ជើញធ្វើសន្និសីទសារព័ត៌មានរួមគ្នា ក្នុងឱកាសសម្តេចតេជោ ដឹកនាំគណៈប្រតិភូជាន់ខ្ពស់បំពេញទស្សនកិច្ចផ្លូវការរយៈពេល៣ថ្ងៃ។



នៅក្នុងសន្និសីទសារព័ត៌មានរួមគ្នានោះផងដែរ បានបង្ហាញឲ្យដឹងថា ប្រទេសកម្ពុជា និងប្រទេសម៉ាល់ឌីវ បានពង្រឹង និងពង្រីកកិច្ចសហប្រតិបត្តិការបន្ថែមទៀតលើវិស័យសំខាន់ៗជាច្រើនក្នុងនោះ ប្រទេសទាំងពីរក៏បានឈានដល់កិច្ចព្រមព្រៀង លើកលែងទិដ្ឋាការរវាងប្រទេសទាំងពីរ រយៈពេល៣០ថ្ងៃ ហើយ  ប្រជាជនកម្ពុជា និងប្រជាជនម៉ាល់ឌីវ អាចធ្វើដំណើរដោយសេរី ដោយមិនចាំបាច់មានទិដ្ឋាការ។

នៅឱកាសនោះផងដែរ សម្តេចតេជោ ហ៊ុន សែន បាននាំយកនូវការផ្តាំផ្ញើ និងការអញ្ជើញរបស់ព្រះមហាក្សត្រ នៃព្រះរាជាណាចក្រកម្ពុជា អញ្ជើញឯកឧត្តមប្រធានាធិបតីម៉ាល់ឌីវ មកទស្សនកិច្ចផ្លូវរដ្ឋនៅកម្ពុជា ជាពិសេសអំឡុងពេលដែលកម្ពុជារៀបចំស៊ីហ្គេមនៅពាក់កណ្ដាលឆ្នាំ២០២៣។ 

ក្នុងសន្និសីទសារព័ត៌មាននេះ សម្តេចតេជោបានជ្រើសរើសផ្លូវមួយខ្សែ នៅខេត្តមាត់សមុទ្រ ដាក់ជាឈ្មោះជាផ្លូវមិត្តភាពកម្ពុជា-ម៉ាល់ឌីវ ហើយ នឹងរកពេលវេលាសមស្របណាមួយដើម្បីសម្ពោធរួមគ្នាតែម្ដង។ សម្តេចតេជោក៏បានស្នើឱ្យមានការពង្រីកវិសាលភាពវិស័យវប្បធម៌រវាងកម្ពុជា-ម៉ាល់ឌីវ ផងដែរ។ 

សម្តេចតេជោ ហ៊ុន សែន ក៏លើកឡើងអំពីការផ្តល់អាហារូករណ៍ទៅវិញទៅមកដល់និស្សិតកម្ពុជា និងម៉ាល់ឌីវ ទទួលបាននូវការសិក្សាចំណេះដឹងផ្សេងៗរវាងប្រទេសទាំងពីរ។ សម្តេចតេជោបានលើកឡើងថា ប្រទេសម៉ាល់ឌីវជាតំបន់ទេសចរណ៍ដ៏គួរឱ្យទាក់ទាញ ហើយសម្តេចចង់ឱ្យតំបន់តារាសាគររបស់ប្រទេសកម្ពុជា អភិវឌ្ឍដូចមាត់សមុទ្រម៉ាល់ឌីវ ដែរ។

ក្នុងសន្និសីទសារព័ត៌មាននេះ សម្តេចតេជោ សង្ឃឹមថា អង្ករកម្ពុជា ដែលជាប់ចំណាត់ថ្នាក់លេខ១ រយៈពេល៥ឆ្នាំ និងកំពុងឈរលេខ១ នឹងទទួលបានការពេញនិយមពីប្រជាជនម៉ាល់ឌីវ និងភ្ញៀវទេសចរក្នុងប្រទេសនេះ។ជាមួយគ្នានោះ សម្តេចតេជោបានលើកឡើងថា ផលិតផលត្រីរបស់ម៉ាល់ឌីវ ក៏អាចនាំទៅកាន់ប្រទេសកម្ពុជាផងដែរ ជាពិសេសសម្រាប់ត្រីខកំប៉ុងដែលកម្ពុជាត្រូវការច្រើនបំផុតក្នុងមួយឆ្នាំៗ។ 

សម្តេចតេជោសង្ឃឹមថា ម៉ាល់ឌីវ ក៏នឹងគាំទ្រកម្ពុជា ក្នុងការក្លាយជាសមាជិកសង្កេតការណ៍ នៃអង្គការ OIC នៅពេលខាងមុខ៕






សម្ដេចតេជោ ហ៊ុន សែន អញ្ជើញក្នុងពិធីលៀងសាយភោជន៍ដែលរៀបចំឡើងដោយប្រធានាធិបតីម៉ាល់ឌីវ


បន្ទាប់ពីពិធីថ្លែងនូវសន្និសីទសារព័ត៌មានរួមគ្នារួចហើយនោះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងគណៈប្រតិភូ បានអញ្ជើញក្នុងពិធីលៀងសាយភោជន៍ដែលរៀបចំឡើងដោយឯកឧត្តម អ៊ីប្រាហ៊ីម ម៉ូហាមេដ សូលី (Ibrahim Mohamed Solih) ប្រធានាធិបតីម៉ាល់ឌីវ។ 

នៅក្នុងពិធីលៀងសាយភោជន៍ជាផ្លូវការនោះ បើទោះបីជាមិនមានការថ្លែងសុន្ទរកថាក៏ពិតមែន ប៉ុន្តែប្រមុខមេដឹកនាំនៃប្រទេសទាំងពីរកម្ពុជា-ម៉ាល់ឌីវ បានសំដែងនូវការពេញចិត្តចំពោះលទ្ធផល នៃជំនួបចង្អៀត ក៏ដូចជាកិច្ចប្រជុំកំពូលទ្វេភាគី កម្ពុជា-ម៉ាល់ឌីវ ដែលបានបញ្ចប់ទៅប្រកបដោយផ្លែផ្កា ស្មោះត្រង់ជាមួយគ្នា និងផ្តល់ផលប្រយោជន៍សម្រាប់ប្រទេស និងប្រជាជនទាំងពីរកម្ពុជា-ម៉ាល់ឌីវ។ 

នៅក្នុងពិធីលៀងសាយភោជន៍ជាមហាកិត្តិយសនោះដែរ សម្តេចតេជោនាយករដ្ឋមន្ត្រី ហ៊ុន សែន បានអញ្ជើញឯកឧត្តមប្រធានាធិបតីម៉ាល់ឌីវ ទៅ បំពេញទស្សនកិច្ចនៅព្រះរាជាណាចក្រកម្ពុជា ក្នុងពេលសមស្របណាមួយនាពេលខាងមុខ។ ឯកឧត្តមប្រធានាធិបតី ម៉ាល់ឌីវក៏បានទទួលយកការអញ្ជើញដោយសេចក្តីរីករាយ និងបានថ្លែងអំណរគុណសម្តេចតេជោនាយករដ្ឋមន្ត្រី ចំពោះការអញ្ជើញនេះ។ កាលបរិច្ឆេទនៃដំណើរទស្សនកិច្ចនេះ នឹងធ្វើឡើងតាមរយៈផ្លូវការទូត។ សម្តេចតេជោនាយករដ្ឋមន្ត្រីក៏បានសម្តែងអំណរគុណយ៉ាងជ្រាលជ្រៅចំពោះ ឯកឧត្តម ប្រធានាធិបតី និងប្រជាជនម៉ាល់ឌីវ ចំពោះការស្វាគមន៍យ៉ាងកក់ក្តៅ និងបដិសណ្ឋារកិច្ច ដ៏រាក់ទាក់ចំពោះសម្តេច និងគណៈប្រតិភូ ក្នុងអំឡុងពេលស្នាក់នៅប្រទេសម៉ាល់ឌីវនាប៉ុន្មានថ្ងៃនេះ៕ 

សម្ដេចតេជោ ហ៊ុន សែន និងប្រធានាធិបតីម៉ាល់ឌីវ អញ្ជើញជាអធិបតីក្នុងពិធីចុះហត្ថលេខាលើឯកសារចំនួន០៦


បន្ទាប់ពីបានបញ្ចប់នូវកិច្ចប្រជុំកំពូលទ្វេភាគីរួចមក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង ឯកឧត្តម អ៊ីប្រាហ៊ីម ម៉ូហាមេដ សូលី (Ibrahim Mohamed Solih) ប្រធានាធិបតីម៉ាល់ឌីវ បានអញ្ជើញជាអធិបតី ក្នុងពិធីចុះហត្ថលេខាលើឯកសារសំខាន់ៗចំនួន០៦ រួមមាន៖ ១ កិច្ចព្រមព្រៀងរវាងរាជរដ្ឋាភិបាល នៃព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋម៉ាល់ឌីវ ស្តីពីការលើកលែងទិដ្ឋាការចំពោះអ្នកកាន់លិខិតឆ្លងដែនការទូត ផ្លូវការ និងធម្មតា ភាគីកម្ពុជា ចុះហត្ថលេខាដោយ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ។ ២ កិច្ចព្រមព្រៀងរវាងរាជរដ្ឋាភិបាល នៃព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋម៉ាល់ឌីវ ស្តីពីកិច្ចសហប្រតិបត្តិការសេដ្ឋកិច្ច ភាគីកម្ពុជា ចុះហត្ថលេខាដោយ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ។ ៣ អនុស្សារណៈ នៃការយោគយល់គ្នា ស្តីពីកិច្ចពិគ្រោះយោបល់ទ្វេភាគី រវាងក្រសួងការបរទេស នៃសាធារណរដ្ឋម៉ាល់ឌីវ ជាមួយក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា ភាគីកម្ពុជា ចុះហត្ថលេខាដោយ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ។ ៤ អនុស្សារណៈ នៃការយោគយល់គ្នា រវាងរដ្ឋាភិបាល នៃសាធារណរដ្ឋម៉ាល់ឌីវ និងរាជរដ្ឋាភិបាល នៃព្រះរាជាណាចក្រកម្ពុជា ស្តីពីកិច្ចសហប្រតិបត្តិការក្នុងវិស័យទេសចរណ៍ ភាគីកម្ពុជា ចុះហត្ថលេខាដោយ ឯកឧត្តម ថោង ខុន រដ្ឋមន្រ្តីក្រសួងទេសចរណ៍។ ៥ អនុស្សារណៈ នៃការយោគយល់គ្នា រវាងក្រសួងសុខាភិបាល នៃសាធារណរដ្ឋម៉ាល់ឌីវ និងក្រសួងសុខាភិបាល នៃព្រះរាជាណាចក្រកម្ពុជា ស្តីពីកិច្ចសហប្រតិបត្តិការ ក្នុងវិស័យសុខាភិបាល ភាគីកម្ពុជា ចុះហតលេខាដោយ ឯកឧត្តមសាស្រ្តចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល និង ៦ អនុស្សារណៈ នៃការយោគយល់គ្នា រវាងសភាពាណិជ្ជកម្មកម្ពុជា និងសភាពាណិជ្ជកម្មជាតិ និងឧស្សាហកម្មម៉ាល់ឌីវ ភាគីកម្ពុជាចុះហត្ថលេខាដោយ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា។ 

អង្គភាពព័ត៌មាន និងប្រតិកម្មរហ័សបញ្ចេញផ្សាយវីដេអូថ្មី ៖ សន្តិភាពនិងការអភិវឌ្ឍន៍មានចំណងទាក់ទងគ្នាមិនអាចកាត់ផ្តាច់បាន»


អង្គភាពព័ត៌មាននិងប្រតិកម្មរហ័ស នៃទីស្តីការគណៈរដ្ឋមន្ត្រី នៅថ្ងៃទី១៦ ខែមករា ឆ្នាំ២០២៣នេះ បានបញ្ចេញផ្សាយនូវវីដេអូថ្មីមួយទៀត មានចំណងជើងថា សន្តិភាពនិងការអភិវឌ្ឍន៍មានចំណងទាក់ទងគ្នាមិនអាចកាត់ផ្តាច់បាន» ដែលវីដេអូនេះមានរយៈពេលប្រមាណ១១នាទី។

ដោយរំលេចនូវប្រសាសន៍សម្តេចតេជោ ហ៊ុន សែន  ដែលបានថ្លែងកាលពីពេលថ្មីៗនេះ និងជាញឹកញាប់នៅពេលជួបសំណេៈសំណាលជាមួយប្រជាពលរដ្ឋ និងចុងក្រោយនេះ ក្នុងឱកាសអញ្ជើញជាអធិបតីពិធីបើកការដ្ឋានស្តារកំណាត់ផ្លូវជាតិលេខ៧ ពីស្គន់ រហូតដល់ស្ពានគីហ្សូណា ក្នុងខេត្តកំពង់ចាម  គឺ « យើងយកសន្តិភាពដើម្បីជំរុញការអភិវឌ្ឍន៍ និងយកការអភិវឌ្ឍន៍ដើម្បីពង្រឹងសន្តិភាព»   ហើយដែលកម្ពុជាមានសមិទ្ធផលគ្រប់យ៉ាងដូចសព្វថ្ងៃគឺពិតជាផ្លែផ្កានៃសន្តិភាពដែលរកបានដោយលំបាកលំបិនបំផុត។  

ដូច្នេះ សន្តិភាពគឺជាគ្រឹះនៃការអភិវឌ្ឍន៍ មានន័យថា ទាល់តែមានសន្តិភាពទើបរាជរដ្ឋាភិបាលនិងប្រជាពលរដ្ឋមានពេលវេលាក្នុងការគិតគូរអំពីការអភិវឌ្ឍន៍សេដ្ឋកិច្ចជាតិក៏ដូចជាសេដ្ឋកិច្ចគ្រួសារ។ ទាល់តែមានសន្តិភាពទើបអាចនិយាយបានអំពីការបណ្តុះបណ្តាលធនធានមនុស្ស ការអភិវឌ្ឍន៍វិស័យសុខាភិបាល និងការកម្សាន្តសប្បាយ។ ទាល់តែមានសន្តិភាពទើបអាចនិយាយពីសិទ្ធិមនុស្ស ប្រជាធិបតេយ្យ ក៏ដូចជាសិទ្ធិសេរីភាពផ្សេងៗទៀត។ ការមើលស្រាលសន្តិភាព គឺជាការផ្តល់តម្លៃដល់សង្គ្រាមដែលបំផ្លិចបផ្លាញនិងជាពិសេស គឺជាការជាន់ឈ្លីសិទ្ធិមនុស្សនិងប្រជាធិបតេយ្យ។ នៅក្នុងការដឹកនាំរបស់ខ្លួន រាជរដ្ឋាភិបាលគណបក្សប្រជាជនកម្ពុជាមានគោលការណ៍យ៉ាងច្បាស់លាស់បំផុត នោះគឺយកសន្តិភាពដើម្បីជំរុញការអភិវឌ្ឍន៍ និងយកការអភិវឌ្ឍន៍ដើម្បីពង្រឹងសន្តិភាព។ 

បច្ចុប្បន្ន កម្ពុជាមានហើយសន្តិភាពនិងការអភិវឌ្ឍន៍! ដូច្នេះ កិច្ចការដែលរាជរដ្ឋាភិបាលដឹកនាំដោយគណបក្សប្រជាជនកម្ពុជាត្រូវបន្តធ្វើគឺយកការអភិវឌ្ឍន៍ដែលកំពុងកើតមានដើម្បីពង្រឹងបន្ថែមនូវសន្តិភាពដោយប្រឆាំងដាច់ខាតនូវរាល់សកម្មភាពប៉ុនប៉ងបំផ្លាញសន្តិភាព។  សន្តិភាពមិនអាចរឹងមាំបានឡើយដរាបណានៅតែមានក្រុមបង្កញុះញង់បង្កអសន្តិសុខនិងការបែកបាក់ សង្គមតាមរយៈការសាបព្រួសមនោគមន៍វិជ្ជាជ្រុលនិយម។  ការប្រកាន់យកវិធានមការផ្លូវច្បាប់ គឺជាជម្រើសដ៏ល្អបំផុតសម្រាប់តទល់ជាមួយក្រុមអ្នកនយោបាយជ្រុលនិយមដើម្បីរក្សាសន្តិភាព សន្តិសុខនិងសុវត្ថិភាព ក៏ដូចជាសណ្តាប់ធ្នាប់សង្គម។ គោលបំណងរបស់ រាជរដ្ឋាភិបាលដឹកនាំដោយគណបក្សប្រជាជនកម្ពុជាគឺចង់ឲ្យប្រជាពលរដ្ឋមានពេលវេលាសម្រាប់អភិវឌ្ឍន៍សេដ្ឋកិច្ចគ្រួសារ ចំណែករាជរដ្ឋាភិបាលក៏មានពេលេម្រាប់អភិវឌ្ឍន៍សេដ្ឋកិច្ចជាតិ។ 

ខ្លឹមសារសង្កត់ធ្ងន់ក្នុងវីដេអូ បានបង្ហាញថា តាមរយៈកំណើនសេដ្ឋកិច្ចជាតិ រាជរដ្ឋាភិបាលអាចបន្តអភិវឌ្ឍន៍ប្រទេសលើគ្រប់វិស័យ។ នេះហើយជាអត្ថន័យនៃទស្សនៈវិជ្ជារបស់សម្តេចតេជោ ហ៊ុន សែន ដែលត្រូវយកសន្តិភាពដើម្បីជំរុញការអភិវឌ្ឍន៍ និងយកការអភិវឌ្ឍន៍ដើម្បីពង្រឹងសន្តិភាព៕ សូមអញ្ជើញទស្សនាវីដេអូ៖

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយប្រធានាធិបតីម៉ាល់ឌីវ


នៅព្រឹកថ្ងៃទី១៦ ខែមករា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាការងារជាមួយ ឯកឧត្តម អ៊ីប្រាហ៊ីម ម៉ូហាមេដ សូលី (Ibrahim Mohamed Solih) ប្រធានាធិបតីនៃសាធារណរដ្ឋម៉ាល់ឌីវ នៅក្នុងឱកាសដែលសម្ដេចតេជោនាយករដ្ឋមន្ត្រីអញ្ជើញបំពេញទស្សនកិច្ចផ្លូវការរយៈពេល៣ថ្ងៃនៅសាធារណរដ្ឋម៉ាល់ឌីវ។ 



នៅក្នុងលទ្ធផលនៃជំនួបនោះផងដែរ ថ្នាក់ដឹកនាំនៃប្រទេសទាំងពីរបានឲ្យដឹងនៅក្នុងសន្និសីទសារព័ត៌មាន នៅក្រោយជំនួប ថា ថ្នាក់ដឹកនាំទាំងពីរបានពិភាក្សាគ្នាទៅលើកិច្ចសហប្រតិបត្តិការ ទំនាក់ទំនងរវាងប្រទេសទាំងពីរ។ឯកឧត្តមប្រធានាធិបតីម៉ាល់ឌីវ បានមានប្រសាសន៍ថា ឯកឧត្តមពិតជាមានការរីករាយ ដែលអាចឃើញ និងសម្រេចបានកិច្ចព្រមព្រៀងទិដ្ឋាការ រវាងប្រទេសយើងទាំងពីរ។ ឯកឧត្តមបានបញ្ជាក់ថា ប្រជាជនម៉ាល់ឌីវ និងប្រជាជនកម្ពុជា អាចធ្វើដំណើរដោយសេរី ដោយមិនចាំបាច់មានទិដ្ឋាការសម្រាប់រយៈពេល ៣០ថ្ងៃ។ ឯកឧត្តមបានមានប្រសាសន៍ថា ប្រទេសយើងទាំងពីរបានពិភាក្សាគ្នាលើការផ្លាស់ប្ដូរ ចែករំលែកបទពិសោធន៍លើវិស័យបដិសណ្ឋារកិច្ច នៃវិស័យទេសចរណ៍ រវាងប្រទេសទាំងពីរ។ ឯកឧត្តមបានមានប្រសាសន៍ជម្រាបជូនថា ប្រទេសម៉ាល់ឌីវ នឹងផ្ដល់ កម្មសិក្សាការីកម្ពុជាចំនួន២០នាក់ ទៅតាម Resort ផ្សេងៗ ដើម្បីបង្កើននូវចំណេះជំនាញផ្នែកវិស័យទេសចរណ៍។ ជាមួយគ្នានោះផងដែរ ឯកឧត្តម ក៏រីករាយក្នុងការផ្ដល់ការហ្វឹកហាត់ដល់មន្ត្រីការពារជាតិរបស់កម្ពុជាក្នុងការហ្វឹកហាត់មុជទឹកជាមូលដ្ឋានក្នុងប្រទេសម៉ាល់ឌីវ សម្រាប់ឆ្នាំ២០២៣ ដែលរៀបចំឡើងដោយឆ្មាំសមុទ្រម៉ាឌីវ ។ ក្នុងនោះ ឯកឧត្តមក៏បានមានប្រសាសន៍ទៀតថា ប្រទេសម៉ាល់ឌីវ នឹងផ្ដល់អាហារូបករណ៍ដល់និស្សិតកម្ពុជា មកសិក្សានៅសាកលវិទ្យាល័យជាតិ នៃប្រទេសម៉ាឌីវផងដែរ។ 

នៅឱកាសនោះផងដែរ សម្តេចតេជោ ហ៊ុន សែន បាននាំយកនូវការផ្តាំផ្ញើ និងការអញ្ជើញរបស់ព្រះមហាក្សត្រ នៃព្រះរាជាណាចក្រកម្ពុជា អញ្ជើញឯកឧត្តមប្រធានាធិបតីម៉ាល់ឌីវ មកទស្សនកិច្ចផ្លូវរដ្ឋនៅកម្ពុជា ជាពិសេសអំឡុងពេលដែលកម្ពុជារៀបចំស៊ីហ្គេមនៅពាក់កណ្ដាលឆ្នាំ២០២៣។ 

សម្តេចតេជោបានជ្រើសរើសផ្លូវមួយខ្សែ នៅខេត្តមាត់សមុទ្រ ដាក់ជាឈ្មោះជាផ្លូវមិត្តភាពកម្ពុជា-ម៉ាល់ឌីវ ហើយ នឹងរកពេលវេលាសមស្របណាមួយដើម្បីសម្ពោធរួមគ្នាតែម្ដង។ 

សម្តេចតេជោក៏បានស្នើឱ្យមានការពង្រីកវិសាលភាពវិស័យវប្បធម៌រវាងកម្ពុជា-ម៉ាល់ឌីវ ផងដែរ។ 

សម្តេចតេជោ ហ៊ុន សែន ក៏លើកឡើងអំពីការផ្តល់អាហារូករណ៍ទៅវិញទៅមកដល់និស្សិតកម្ពុជា និងម៉ាល់ឌីវ ទទួលបាននូវការសិក្សាចំណេះដឹងផ្សេងៗរវាងប្រទេសទាំងពីរ។ សម្តេចតេជោបានលើកឡើងថា ប្រទេសម៉ាល់ឌីវជាតំបន់ទេសចរណ៍ដ៏គួរឱ្យទាក់ទាញ ហើយសម្តេចចង់ឱ្យតំបន់តារាសាគររបស់ប្រទេសកម្ពុជា អភិវឌ្ឍដូចមាត់សមុទ្រម៉ាល់ឌីវ ដែរ។

សម្តេចតេជោ សង្ឃឹមថា អង្ករកម្ពុជា ដែលជាប់ចំណាត់ថ្នាក់លេខ១ រយៈពេល៥ឆ្នាំ និងកំពុងឈរលេខ១ នឹងទទួលបានការពេញនិយមពីប្រជាជនម៉ាល់ឌីវ និងភ្ញៀវទេសចរក្នុងប្រទេសនេះ។

ជាមួយគ្នានោះ សម្តេចតេជោបានលើកឡើងថា ផលិតផលត្រីរបស់ម៉ាល់ឌីវ ក៏អាចនាំទៅកាន់ប្រទេសកម្ពុជាផងដែរ ជាពិសេសសម្រាប់ត្រីខកំប៉ុងដែលកម្ពុជាត្រូវការច្រើនបំផុតក្នុងមួយឆ្នាំៗ។ 

សម្តេចតេជោសង្ឃឹមថា ម៉ាល់ឌីវ ក៏នឹងគាំទ្រកម្ពុជា ក្នុងការក្លាយជាសមាជិកសង្កេតការណ៍ នៃអង្គការ OIC នៅពេលខាងមុខ។ ក្រៅពីនោះ ថ្នាក់ដឹកនាំទាំងពីរក៏បានជជែកពិភាក្សាក្នុងការពង្រឹងទំនាក់ទំនង កិច្ចសហប្រតិបត្តិការរវាងប្រទេសទាំងពីរឲ្យកាន់តែប្រសើរឡើងបន្ថែមទៀត នាពេលខាងមុខ៕








លិខិតមិត្តអ្នកអាន៖ ផ្សព្វផ្សាយព័ត៌មានដែលពិត កុំប្រឌិតកំហុសដាក់អ្នកដទៃ

 ចាប់តាំងពីការរំដោះប្រទេសជាតិចេញពីរបបប្រល័យពូជសាសន៍ខ្មែរក្រហម និងក្រោមនយោបា​យឈ្នះ-ឈ្នះនៅចុងឆ្នាំ១៩៩៨ ដាក់ចេញដោយលោកនាយករដ្ឋមន្រ្តី ហ៊ុន សែន ដែលបាននាំមកនូវសុខសន្តិភាពពេញលេញ ការបង្រួបបង្រួមជាតិ ទើបធ្វើឱ្យកម្ពុជាចាប់ផ្តើមបើកសករាជមាសរបស់ខ្លួនក្នុងការអភិវឌ្ឍប្រទេសជាតិឱ្យរីកចម្រើនលើគ្រប់វិស័យរួមទាំងវិស័យសេរីភាពសារព័ត៌មានផងដែរ​។

ដោយសារសេរីភាពនេះហើយ ទើបធ្វើឱ្យមជ្ឈដ្ឋានជាតិ និងអន្តរជាតិមួយចំនួន ក៏ដូចជាអង្គការក្រៅរដ្ឋាភិបាល អង្គការអន្តរជាតិ និងសារព័ត៌មានដែលមាននិន្នាការប្រឆាំងនឹងរដ្ឋាភិបាល តែងតែផ្សព្វផ្សាយព័ត៌មានមិនពិត បំផ្លើសបំភ្លៃក្នុងគោលបំណងបង្ខូចបង្អាប់កិត្តិ​យស​ជាតិប្រា​សចាកពីកិច្ចខិតខំប្រឹងប្រែងក្នុងការកសាង និងការពង្រឹងនីតិរដ្ឋ និងប្រជាធិបតេយ្យ​​ភាវូបនីយកម្មនៅកម្ពុជាថែមទៀត។

កម្ពុជាបច្ចុប្បន្ន ត្រូវបានចាត់ទុកជាស្ថានសួគ៌សម្រាប់អ្នកសារព័ត៌មានដោយមូលហេតុថា​មានក្រុមហ៊ុន​សារព័ត៌មានជាច្រើន បាននិងកំពុងរកស៊ីលើវិស័យនេះ មានទាំងសារព័ត៌មានក្នុងស្រុក សារព័ត៌មានបរទេសនិយា​យភាសាខ្មែរ សារព័ត៌មានតាមអ៊ីនធើណេត សារព័ត៌មានបណ្តាញសង្គម ដោយសេរីនិងគ្មានការរិតត្បិតសោះឡើយ។ សារព័ត៌មានខ្លះ បាននិងកំពុងធ្វើ​សកម្មភាពយ៉ាងអាណាធិបតេយ្យទៀតផង។ ចំណុចទាំងអស់នេះហើ​យដែលបង្ហាញឱ្យឃើញពីការរីកចម្រើននៅក្នុងសេរីភាពនៃការបញ្ចេញមតិ និងការទទួ​លបានព័ត៌មាន ហើយក៏ជាការបង្ហាញពីការរីកចម្រើនលើវិស័យសិទ្ធិមនុស្សផងដែរ។

ប្រជាជនកម្ពុជាបច្ចុប្បន្ន មានឱកាសទទួលបានព័ត៌មានពេញលេញ និងងាយស្រួលជាទីបំផុតនៅក្នុងដៃរប​ស់ខ្លួនតាមរយៈបណ្តាញសង្គមផ្សេងៗដែលអាចផ្តល់ព័ត៌​មានបានលឿន ដែលប្រការនេះហើ​យ ក៏ជាការងាយ​ស្រួលសម្រាប់បុគ្គលអគតិមួយចំនួនធ្វើការបំផ្លើស និងបំពុលព័ត៌មានផងដែរដែលពេលខ្លះ បានធ្វើឱ្យមជ្ឈដ្ឋានជាតិ និងអន្តរជាតិមួយចំនួន​តូច មើលឃើញតែភាពខ្មៅងងឹត និងភាពអសកម្មរបស់កម្ពុជា ប៉ុ​ន្តែ​តាមការពិតកម្ពុជានៅក្នុងសារព័ត៌​មាន គឺខុសស្រឡះពីកម្ពុជាពិតជាក់ស្តែង ដែលមានការរីកចម្រើន ប្រជាពលរដ្ឋរស់នៅដោយសេចក្តីសុខសប្បាយរីករាយក្រោមម្លប់សន្តិភាព។

ជាការពិតមួយមិនអាចប្រកែកបានឡើយគឺ ប្រមុខរាជរដ្ឋាភិបាល បាននិងកំពុង​ផ្តោ​​​តការយ​កចិត្តទុក​ដាក់ខ្ពស់បំផុតទៅលើវិស័យសារព័ត៌មានដែលត្រូវបានចាត់ទុកជាអំណាចទី៤ ក្នុងការចូលរួមកសា​ង និងអភិវឌ្ឍជាតិ ហើយលោក ក៏តែងតែរៀបចំពិធីជួបជុំសំណេះ​សំណាលសួរសុខទុក្ខជាមួយអ្នកសារព័ត៌មានជារៀងរាល់ឆ្នាំផងដែរ។ ជាក់ស្តែងនៅថ្ងៃទី១៤ មករា ២០២៣នេះ គឺជាជំនួបលើកទី៥ជាមួយអ្នកសារព័ត៌មាន ប្រមុខរាជរដ្ឋាភិបាល ​ក៏បានគូសបញ្ជាក់នូវសារគន្លឹះដ៏មានអត្ថន័យមួយគឺ «អ្នកសារព័ត៌មាន ត្រូវផ្សព្វផ្សាយព័ត៌មានដែលពិត កុំប្រឌិតកំហុសដាក់អ្នកដទៃ»។

ប៉ុន្តែជាអកុសល ក៏មានអ្នកសារព័ត៌មានមួយចំនួនតូចដែលមាននិន្នាការប្រឆាំងនឹងរដ្ឋាភិបាលបម្រើបរទេស តែងតែផ្សព្វផ្សាយព័ត៌មានមួលបង្កាច់ធ្វើឱ្យអាប់ឱនដល់កិត្តិយសប្រទេសជាតិនៅលើឆាកអន្តរជាតិដែលខុស​ស្រឡះពីការពិត មិនស័ក្តសមជាអ្នកសារព័ត៌មានមានវិជ្ជាជីវៈ ដែលពេលខ្លះឈានទៅដល់បទបរិហាកេរ្តិ៍អ្នកដទៃ បទរំលោភបំពានផ្សេងៗ ដែលប្រការទាំងនេះ បានដើរផ្ទុយប្រាសចាកពីច្បាប់នៃព្រះរាជាណាចក្រកម្ពុជា។

ជារួម ស្របពេលដែលកម្ពុជាបច្ចុប្បន្នមានសុខសន្តិភាពនិងការអភិវឌ្ឍ ក្នុងនាមជាអ្នកសារព័​ត៌មាន គួរតែធ្វើការឱ្យបានត្រឹមត្រូវទៅតាមវិជ្ជាជីវៈជាអ្នកសារព័ត៌មាន បើទោះបីជាមាននិន្នាការស្រប ឬប្រ​ឆាំ​ងនឹងរាជរដ្ឋាភិបាលក្តី គឺត្រូវតែដឹងខ្លួនឯងថាកំពុងធ្វើការស្ថិតនៅក្រោ​មច្បាប់របស់កម្ពុជាដោយមិនអាចបង្កព្យុះភ្លៀងស្រេចតែចិត្តនោះ​ឡើយ ហើយក៏ត្រូវដឹងខ្លួនឯងថា អ្នកសារព័ត៌មានពុំមានអភ័យឯកសិទ្ធិពិសេសអ្វីឡើយ ឱ្យតែប្រព្រឹត្តខុសច្បាប់ ត្រូវតែមានទោសដូចប្រជាពលរដ្ឋទូទៅដែរ។

សរុបមក អ្នកសារព័ត៌មាន មិនត្រូវធ្វើខ្លួនជាឧបករណ៍ផ្សព្វផ្សាយព័ត៌មានមិនពិត និងព័ត៌មានក្លែងក្លាយនោះឡើយ ព្រោះព័ត៌មានមិនពិត និងព័ត៌មានក្លែងក្លាយ អាចធ្វើឱ្យសង្គមមានភាពចលាចល អស្ថេរភាពនយោបាយ អសន្តិសុខសង្គម និងកើតមានអរិភាពជាមួយបរទេសទៀតផង។ អ្នកសារព័ត៌មានទាំងអស់ មិនអាចធ្វើអំពើល្មើសច្បា​ប់ស្រេ​ចតែចិត្តនាំឱ្យប៉ះពាល់សិទ្ធិសេរីភាពផលប្រយោជន៍របស់អ្នកដទៃ ឬប៉ះពាល់ដល់សន្តិសុខ សណ្តាប់ធ្នាប់សាធារណៈរ​បស់ជាតិ ឬបង្កអស្ថេរភាពនយោបាយតាម​រយៈការផ្សព្វផ្សាយបំពុលព័ត៌មានក្នុងគោលបំណ​ងបំផ្លាញសេចក្តីសុ​ខសន្តិភាព និងការអភិវឌ្ឍរបស់ប្រទេសជាតិបានឡើ​យ។ ដូចនេះ «អ្នកសារព័ត៌មាន ត្រូវផ្សព្វផ្សាយព័ត៌មានដែលពិត កុំប្រឌិតកំហុសដាក់អ្នកដទៃ»៕

ដោយ៖ តាំង ករុណា



 

សម្តេចតេជោនាយករដ្ឋមន្រ្តី បានចាប់ផ្តើមបំពេញទស្សនកិច្ចផ្លូវការ នៅទីក្រុងម៉ាល នៃសាធារណរដ្ឋម៉ាល់ឌីវហើយ នៅព្រឹកថ្ងៃទី១៦មករានេះ

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានចាប់ផ្តើមដំណើរបំពេញទស្សនកិច្ចផ្លូវការ នៅទីក្រុងម៉ាល នៃសាធារណរដ្ឋម៉ាល់ឌីវហើយ នៅព្រឹកថ្ងៃទី១៦មករានេះ។ នេះគឺជាដំណើរបំពេញទស្សនកិច្ចផ្លូវការ ជាប្រវត្តិសាស្រ្តលើកដំបូងបង្អស់ របស់ប្រមុខដឹកនាំកំពូលកម្ពុជា ទៅកាន់ប្រទេសដែនកោះដ៏ស្រស់បំព្រងមួយនេះ ដែលស្ថិតនៅក្នុងមហាសមុទ្រឥណ្ឌា។ 

នៅក្នុងពិធីបដិសណ្ឋារកិច្ចផ្លូវការ ដែលប្រារព្វធ្វើឡើងនៅទីលាន Jumhooree Maildhaan ទីលានសាធារណៈជាប់ឆ្នេរសមុទ្រ នៃទីក្រុងម៉ាល សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងគណៈប្រតិភូជាន់ខ្ពស់រាជរដ្ឋាភិបាលកម្ពុជា ត្រូវបានស្វាគមន៍យ៉ាងកក់ក្តៅបំផុត ពីឯកឧត្តមអ៊ីប្រាហ៊ីម ម៉ូហាម៉េដ សូលី ប្រធានាធិបតី នៃសាធារណរដ្ឋម៉ាល់ឌីវ ឯកឧត្តម លោកជំទាវ ជាឥស្សរជនជាន់ខ្ពស់ រដ្ឋាភិបាល នៃសាធារណរដ្ឋម៉ាល់ឌីវ ជាច្រើនរូប។ នៅក្នុងពិធីបដិសណ្ឋារកិច្ចផ្លូវការនោះដែរ សម្តេចតេជោនាយករដ្ឋមន្រ្តី ដែលអមដំណើរដោយផ្ទាល់ពី ឯកឧត្តមប្រធានាធិបតី នៃសាធារណរដ្ឋម៉ាល់ឌីវ បានអញ្ជើញគោរពទង់ជាតិ នៃប្រទេសទាំងពីរ ព្រះរាជាណាចក្រកម្ពុជា សាធារណរដ្ឋម៉ាល់ឌីវ រួមទាំងការសំដែងសិល្បៈតាមបែបប្រពៃណីរបស់ សាធារណរដ្ឋម៉ាល់ឌីវ ដោយក្រុមសិល្បៈនិស្សិត នៃសាធារណរដ្ឋម៉ាល់ឌីវ និងការបាញ់កាំភ្លើងធំ ៧ដើម របស់កងទ័ពម៉ាល់ឌីវ ។

សូមបញ្ជាក់ថា ព្រះរាជាណាចក្រកម្ពុជា និងសាធារណរដ្ឋម៉ាល់ឌីវ បានភ្ជាប់ទំនាក់ទំនងការទូតជាមួយគ្នា នៅថ្ងៃទី២១ ខែកញ្ញា ឆ្នាំ១៩៩៥។ ចាប់តាំងពីការបង្កើតទំនាក់ទំនងការទូតជាមួយគ្នា ប្រទេសទាំងពីរកម្ពុជា-ម៉ាល់ឌីវ ស្ទើតែមិនទាន់មានទំនាក់ទំនងជាមួយគ្នានោះទេ រួមទាំងការផ្លាស់ប្តូរដំណើរបំពេញទស្សនកិច្ចផ្លូវការ ពាណិជកម្មទ្វេភាគី និងការទំនាក់ទំនងខាងវប្បធម៌។ សាធារណរដ្ឋម៉ាល់ឌីវ គឺជាប្រទេសដែនកោះមួយ ស្ថិតក្នុងមហាសមុទ្រឥណ្ឌា ដែល មានផ្ទៃក្រឡាទំហំជិត ៣០០គីឡូម៉ែត្រការ៉េ និងមានប្រជាជនរស់នៅប្រមាណជាង៥សែននាក់។ ផលិតផលសរុបរបស់ប្រទេសម៉ាល់ឌីវ មាន៤,៨៩ប៊ីលានដុល្លា ក្នុងឆ្នាំ២០២០។ ផលិតផលជាតិសម្រាប់ប្រជាជនម្នាក់ ៨ ៩៩៤ ដុល្លា សម្រាប់មនុស្សម្នាក់ក្នុងឆ្នាំ២០២០។ សកម្មភាពសេដ្ឋកិច្ចរបស់ប្រទេសម៉ាល់ឌីវ ពឹងផ្អែកលើវិស័យសេវាកម្ម ៧៨ភាគរយ ឧស្សាហកម្ម១៣ភាគរយ និងកសិកម្ម ៨,៨ភាគរយ។ ផលិតផលនាំចេញក្រៅប្រទេសមានទំហំ ១,៨៥ប៊ីលានដុល្លា ផលិតផលនាំចូលពីក្រៅប្រទេសមាន ២,៥៦ប៊ៅលានដុល្លា។ ទេសចរណ៍ជាវិស័យសេដ្ឋកិច្ចចម្បង រួមចំណែកដល់ផលិតផលក្នុងស្រុកសរុបប្រមាណ ២៨ភាគរយ។ សាធារណរដ្ឋម៉ាល់ឌីវ បានចាប់ផ្តើមបើកប្រទេសឡើងវិញ ដើម្បីទទួលទេសចរណ៍អន្តរជាតិ កាលពីថ្ងៃទី១៥ ខែកក្កដា ឆ្នាំ២០២០។ ម៉ាល់ឌីវ ជាគោលដៅទេសចរណ៍កោះ រួមមាន ការកំសាន្តបែបអេកូទេសចរណ៍ តាមឆ្នេរ ដែលត្រូវបានចាត់ទុកជាឆ្នេរស្អាតជាងគេនៅលើពិភពលោកជាប់លំដាប់ទី១។ ក្នុងរយៈពេល១១ខែឆ្នាំ២០២២ ម៉ាល់ឌីវទទួលបានទេសចរណ៍អន្តរជាតិ ជិត១លាន៥សែននាក់ កើនឡើង ៣២,៥ភាគរយ ក្នុងរយៈពេល១១ខែ នៃឆ្នាំ២០២១។ កម្ពុជា ម៉ាល់ឌីវ មានគោលបំណងដើម្បីពង្រីកកិច្ចសហប្រតិបត្តិការលើវិស័យទេសចរណ៍ រួមមាន ការផ្សព្វផ្សាយទេសចរណ៍រួមគ្នា ការចែករំលែកព័ត៌មានទេសចរណ៍ ចែករំលែកបទពិសោធន៍ លើការអភិវឌ្ឍធនធានមនុស្ស ជំរុញកិច្ចសហប្រតិបត្តិការរវាងភាគីពាក់ព័ន្ធ ក្នុងវិស័យទេសចឬណ៍ ជំរុញការផ្លាស់ប្តូរដំណើរទស្សនកិច្ចផ្លូវការ រវាងមន្រ្តី និងថ្នាក់ដឹកនាំទេសចរណ៍ ជំរុញសកម្មភាពសេដ្ឋកិច្ច វិនិយោគ ការតភ្ជាប់ការហោះហើរ និងលំហូរទេសចរប្រទេសទាំងពីរ ឲ្យកាន់តែប្រសើរឡើង។ សូមបញ្ជាក់ថា គណៈប្រតិភូជាន់ខ្ពស់រាជរដ្ឋាភិបាលកម្ពុជា អញ្ជើញអមដំណើរសម្តេចតេជោនាយករដ្ឋមន្រ្តី រួមមាន ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ ឯកឧត្តម អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសកកម្មពិសេស ឯកឧត្តម ថោង ខុន រដ្ឋមន្រ្តីក្រសួងទេសចរណ៍ ឯកឧត្តម ម៉ម ប៊ុនហេង រដ្ឋមន្រ្តីក្រសួងសុខាភិបាល ឯកឧត្តម សុខ ចិន្តាសោភា រដ្ឋមន្រ្តីប្រតិភូ អមនាយករដ្ឋមន្រ្តី និងជាអគ្គលេខាធិការ ក្រុមប្រឹក្សាអភិវឌ្ឍន៍កម្ពុជា ឯកឧត្តម ស្រ៊ី ថាមរុង្គ រដ្ឋមន្រ្តីប្រតិភូ អមនាយករដ្ឋមន្រ្តី ព្រមទាំងវត្តមាន ឯកឧត្តម លោកជំទាវ ជាឥស្សរជនជាន់ខ្ពស់រាជរដ្ឋាភិបាលកម្ពុជា និងប្រតិភូសភាពាណិជ្ជកម្មកម្ពុជាចំនួន ៤៨រូប។  



សម្តេចតេជោ ហ៊ុន សែន អំពាវនាវដល់អ្នកសារព័ត៌មានបន្តចូលរួមថែរក្សាសន្តិភាព ស្ថេរភាពនយោបាយ សន្តិសុខសណ្តាប់ធ្នាប់សង្គម

ក្នុងពិធីជួបសំណេះសំណាល និងពិសាអាហារសាមគ្គីជាមួយបងប្អូនអ្នកសារព័ត៌មានលើកទី៥ ប្រមាណជិត៥,០០០នាក់ ដែលធ្វើឡើងនៅសាលពិព័ណ៌កោះពេជ្រ នាល្ងាចថ្ងៃទី១៤ ខែមករា ឆ្នាំ២០២៣ សម្តេចតេជោ ហ៊ុន សែន បានថ្លែងអំពាវនាវដល់អ្នកសារព័ត៌មានគ្រប់ស្ថាប័ន និងទាំងរដ្ឋ និងឯកជន បន្តចូលរួមរក្សាសន្តិភាព ស្ថេរភាពនយោបាយ សន្តិសុខសណ្តាប់ធ្នាប់សង្គម ដោយផ្សព្វផ្សាយរាល់បញ្ហាអសកម្ម ក្នុងមូលដ្ឋានពាក់ព័ន្ធគោលនយោបាយភូមិ-ឃុំមានសុវត្ថិភាព។

សម្តេចជោ ហ៊ុន សែន បានគូសបញ្ជាក់ថា កិច្ចការពារសន្តិភាព និងស្ថេរភាពនយោបាយ និងសណ្តាប់ធ្នាប់ទាំងនេះ នៅតែជាចំណុចសំខាន់ ដែលត្រូវពឹងទៅលើការចូលរួមទាំងអស់គ្នា ក្នុងនោះក៏មានផ្នែកសារព័ត៌មានដើម្បីចូលរួមអំពីបញ្ហានេះ។ 

សម្តេចជោ ហ៊ុន សែន ក៏បានគូសបញ្ជាក់ថា អ្នកដែលលួចលាក់ទាំងឡាយអំពីការបង្កប់នូវបនល្បែង ឫគ្រឿងញៀន ត្រូវរកឃើញតាមរយៈនៃសារព័ត៌មាន បញ្ជូនទៅឱ្យខាងផ្នែកសមត្ថកិច្ច ដែលនេះក៏ជាគុណសម្បត្តិមួយរបស់អ្នកសារព័ត៌មាន ក្នុងការចូលរួមចំណែកដើម្បីធ្វើជាផែនទីចង្អុលផ្លូវសម្រាប់សណ្តាប់ធ្នាប់សង្គមរបស់យើង គឺគោលនយោបាយភូមិឃុំមានសុវត្ថិភាព ដែលមានចែងសព្វគ្រប់រួចហើយ៕