ក្រសួងការបរទេស បង្ហាញអំពីលទ្ធផលនៃកិច្ចប្រជុំកំពូលរំលឹកខួបអនុស្សាវរីយ៍អាស៊ាន-សាធារណរដ្ឋកូរ៉េ និងកិច្ចប្រជុំកំពូលមេគង្គ-សាធារណរដ្ឋកូរ៉េលើកទី១ នៅប្រទេសកូរ៉េ

លោកឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ តំណាងដ៏ខ្ពង់ខ្ពស់លោកនាយករដ្ឋមន្រ្តី ហ៊ុន សែន បានអញ្ជើញចូលរួមកិច្ចប្រជុំកំពូលរំលឹកខួបអនុស្សាវរីយ៍អាស៊ាន-សាធារណរដ្ឋកូរ៉េ និងកិច្ចប្រជុំកំពូលមេគង្គ-សាធារណរដ្ឋកូរ៉េលើកទី១ នៅទីក្រុងប៊ូសាន ពីថ្ងៃទី២៤ ដល់ថ្ងៃទី២៧ ខែវិច្ឆិកា ឆ្នាំ២០១៩។

បន្ទាប់ពីបញ្ចប់កិច្ចប្រជុំទាំងនេះ នៅថ្ងៃទី២៨ ខែវិច្ឆិកា ឆ្នាំ២០១៩នេះ ក្រសួងការបរទេស និងសហប្រតិបត្តិការអន្តរជាតិ បានបង្ហាញអំពីលទ្ធផលនៃកិច្ចប្រជុំខាងលើដែលមានខ្លឹមសារទាំងស្រុងដូចតទៅ៖

លិខិតមិត្តអ្នកអាន៖ "សម រង្ស៊ី អស់ហាងឆេង ខំប្រឹងតោងកន្ទុយកឹម សុខា " !

សាធារណ:មតិភាគច្រើនបំផុតពិតជាដឹងថា ចាប់តាំងពីបរាជ័យយ៉ាងអាម៉ាស់បំផុតនៃផែនការវិលចូលស្រុកថ្ងៃទី ៩ វិច្ឆិកាមក លោក សម រង្ស៊ី បាត់បង់អ្វីៗគ្រប់យ៉ាង។ ឥឡូវនេះ នៅតាម

តុកាហ្វេគេនាំគ្នានិយាយតតគ្នាពីមាត់មួយទៅមាត់មួយដាក់ងារអោយគាត់ថាជា "ជនចោលម្សៀត" ហើយបានបាត់បង់អ្វីៗអស់ពីខ្លួន ពោលគឺ បាត់គណបក្ស - បាត់សមាជិកភាពគណបក្ស - បាត់ទាំងការគាំទ្រពីភាគី កឹម សុខា - ទាំងការគាំទ្រពីក្រុមអ្នកវិភាគដែលធ្លាប់ផ្កាប់មុខជាមួយលោក សម រង្ស៊ីពីមុន - ទាំងពីសកម្មជនអ្នកគាំទ្រជាច្រើន ដែលហួសចិត្តនិងខកចិត្តចំពោះការភូតភរដដែលៗរបស់លោក សម រង្ស៊ី និងជាពិសេស គឺ
បាត់បង់ការគាំទ្រពីសហគមន៍អន្តរជាតិដោយសារតែកំហុស
យុទ្ធសាស្ត្ររបស់គាត់។ បើនិយាយឲ្យចំទៅ ទំព័រសករាជ របស់សម រង្ស៊ី បានបិទទាំងស្រុងចាប់ពីថ្ងៃទី ៩ វិច្ឆិកាមក។

បច្ចុប្បន្ននេះ ប្រភពព័ត៌មានពីអ្នកធ្លាប់គាំទ្រលោក សម រង្ស៊ី ពីក្រៅប្រទេសឲ្យដឹងថា លោក សម រង្ស៊ី តាំងពីវិលត្រឡប់ពីប្រទេសឥណ្ឌូនេស៊ីវិញ គឺរស់នៅក្នុងសភាពលាក់មុខដូចសត្វពង្រូលពីព្រោះ :

ទី១៖ មិនសូវហ៊ានចេញមុខជួបគេឯងដោយសារខ្លាចគេសួរនាំអំពីផែនការទៅចាប់លោក ហ៊ុន សែន ថ្ងៃ ៩ វិច្ឆិកា ពីព្រោះកាល ពីមុន ៩វិច្ឆិកា លោក សម រង្ស៊ី
ធ្លាប់ឆ្កាដៃឆ្កាជើងដោយសន្យាក្តែងៗថា នឹងចូលស្រុកឲ្យបានទោះជាមធ្យាបាយណាក៏ដោយដើម្បីទៅចាប់លោក ហ៊ុន សែន និងផ្លាស់ប្តូររបបនៅកម្ពុជា។ ប៉ុន្តែ ផែនការនេះត្រូវបានបរាជ័យទាំងស្រុង និងត្រូវបានក្រុមអ្នកធ្លាប់គាំទ្រចំអកបកអាក្រាតដូចស្រាតខោដើរកណ្តាលវាល។ ដូច្នេះ បើជួបមុខសកម្មជនក៍មិនដឹងមាន ពាក្យអ្វីត្រូវពន្យល់ប្រាប់គេនោះឡើយ។

ទី២៖ មានសកម្មជន អ្នកធ្លាប់គាំទ្រជាច្រើនរង់ចាំតែឃើញមុខលោក សម រង្ស៊ី ដើម្បីសើចចំអក ចំៗដល់ភាពកម្សោយខាង
យុទ្ធសាស្ត្រនយោបាយនិង
យុទ្ធវិធីដឹកនាំអនុវត្តដែលនាំដល់ការបរាជ័យគ្មានថ្ងៃស្តាររួចបែបនេះ។ អ្នកទាំងនោះខឹងសម្បារនឹងលោក សម រង្ស៊ី ខ្លាំងណាស់ដោយសារពួកគេចំណាយលុយយ៉ាងច្រើនដាក់ ស្រោមសំបុត្រដើម្បីអោយគាត់ ទៅបំពេញបេសកកម្មចាប់លោក ហ៊ុន សែននិងផ្តួលរដ្ឋាភិបាលក្រុងភ្នំពេញ។ អ្នកខ្លះទៀតថែមទាំងបានទិញសំបុត្រយន្តហោះទៅដល់ប្រទេសថៃដើម្បីដេករង់ចាំអមដំណើរលោកប្រធានចូលទឹកដីកម្ពុជា។ ប៉ុន្តែ នៅទីបំផុត សូម្បីតែស្រមោលលោកប្រធានក៏មិនឃើញផង។ ដូច្នេះ ពួកអ្នកទាំងនោះក៏កំពុងរង់ចាំឲ្យតែឃើញសម រង្ស៊ី អើតក្បាលនឹងអាលព្រលះឲ្យចាស់ដៃម្តង។

ទី៣៖ ក្រុមអ្នកវិភាគ និងអ្នកលេងហ្វេសប៊ុកជាច្រើនដែលពីមុន
ធ្លាប់ជួយលោក សម រង្ស៊ី យ៉ាងសកម្មតែពេលនេះបានចេញមុខ វាយប្រហារគាត់គ្មានត្រាប្រណីឡើយ។ ដូច្នេះ លោក សម រង្ស៊ី គ្មានមុខអ្វីទៅជួបប្រ៉ូអ្នកទាំងនោះ ដូចមុនទៀតឡើយ។

ប្រឈមមុខនឹងស្ថានការណ៍ដ៏តានតឹងនិងអស់ក្រឡាដើរបែប នេះ លោក សម រង្ស៊ី កំពុងខំស្រវេស្រវាតោងកន្ទុយលោក កឹម សុខា ដោយខំសូត្រកំណាព្យ ដដែលៗថា កឹម សុខា និង សម រង្ស៊ី ជាមនុស្សតែមួយ។ នៅក្នុងសារតាមហ្វេសប៊ុកនៅថ្ងៃ២៧
វិច្ឆកានេះ សម រង្ស៊ី បានបង្ហាញពីភាពអស់តម្លៃរបស់ខ្លួនយ៉ាងគួរឲ្យសង្វេគដោយខិតខំនិយាយភូតលើគោកជាថ្មីទៀតដល់អ្នកគាំទ្ររបស់ខ្លួនថា កឹម សុខា និង សម រង្ស៊ី ជាមនុស្សតែមួយ។

ប៉ុន្តែលោក សម រង្ស៊ី ដឹងទេថា ចាប់តាំងពីក្រោយថ្ងៃ ៩ វិច្ឆិកាមក សកម្មជននិងអ្នកគាំទ្ររបស់ខ្លួន បានប្តូរពាក្យ«សម រង្ស៊ី និងកឹម សុខា ជាមនុស្សតែមួយ»ទៅជា «សម រង្ស៊ី និងអេង ឆៃអ៊ាង ជាមនុស្សតែមួយ»វិញបាត់ទៅហើយពីព្រោះពួកគេយល់ថា ពាក្យនេះស័ក្តិសមជាងពីព្រោះពួកគេដឹងច្បាស់ថា ក្រៅពីប្រពន្ធរបស់គាត់ និងអេង ឆៃអ៊ាង, លោក សម រង្ស៊ី មិនដែលស្តាប់និងមិនដែលចុះសម្រុងជាមួយអ្នកណាឡើយ។

ម្យ៉ាងទៀត លោក កឹម សុខា និងអ្នកកឹមសុខានិយម បានផ្តាច់ចំណងជាមួយលោក សម រង្ស៊ី ជាផ្លូវការរួចទៅហើយតាំងពីមុនថ្ងៃ ៩ វិច្ឆិកា មកម៉្លេះតាមរយៈ
ការប្រកាសមិនទទួលស្គាល់និងមិនចូលរួមក្នុងនយោបាយហិង្សារបស់លោក សម រង្ស៊ីជាពិសេស សម្តីចំអកត្រង់ៗរបស់ កឹម មនោវិទ្យា។
មិនតែប៉ុណ្ណោះ ក្រុម កឹម សុខា និយម ក៏បានសើចចំអកយ៉ាងខ្លាំងដល់នយោបាយអត្តឃាតរបស់សម រង្ស៊ី ក្រោយពីជួបបរាជ័យយ៉ាងអាម៉ាស់នោះមក ពោលគឺចាប់តាំងពីក្រោយថ្ងៃ ៩ វិច្ឆិកាមក សម រង្ស៊ី ពិតជាអស់តម្លៃរលីងក្នុងក្រសែភ្នែកភាគី កឹម សុខា។

មិនត្រឹមតែអស់តម្លៃ ប៉ុន្តែភាគីអ្នកគាំទ្រកឹម សុខា ក៏យល់ឃើញច្បាស់ដូចថ្ងៃថា សម រង្ស៊ី ជាមនុស្សដ៍គ្រោះថ្នាក់បំផុតប្រសិនបើលោក កឹម សុខា ហ៊ានយកមកដាក់បៀតខ្លួនម្តងទៀត។

ហេតុផលទាំងនេះសបញ្ជាក់ថា ទោះជាសម រង្ស៊ី ខំប្រឹងតោងកន្ទុយ កឹម សុខា យ៉ាងណា ក៏មិនអាចតោងជាប់ដែរ ហើយពាក្យថា កឹម សុខា និង សម រង្ស៊ី ជាមនុស្សតែមួយគឺជាចម្រៀងឥតន័យ ដែលសម រង្ស៊ី ប្រឹងស្រែកច្រៀងម្នាក់ឯងដើម្បីបោក ចិត្តអ្នកគាំទ្រតែប៉ុណ្ណោះ។

អ្វីជាការកត់សម្គាល់ ចាប់ពីក្រោយថ្ងៃ ៩ វិច្ឆិកាមក ទាំង
គណបក្សប្រជាជនកម្ពុជា ទាំងសហគមន៍អន្តរជាតិ ទាំងសារព័ត៌មានបរទេសនិងក្នុងស្រុក បានឈប់និយាយពីឈ្មោះសម រង្ស៊ីទៀតហើយពីព្រោះពួកគេដឹងថា ចប់ហើយសករាជសម រង្ស៊ី ។ ផ្ទុយទៅវិញ ពួកគេនិយាយតែពីឈ្មោះកឹម សុខា តែប៉ុណ្ណោះ។ សូម្បីសហគមន៍អឺរ៉ុបក៏អត់និយាយសោះពីឈ្មោះ សម រង្ស៊ី ដែរ។ រីឯសហរដ្ឋអាមេរិក
ឯណោះវិញ តាមរយៈលិខិតរបស់លោក ដូណាល់ ត្រាំ ផ្ញើជូនលោក នាយករដ្ឋមន្ត្រី ហ៊ុន សែន ក៏បានបញ្ជាក់ជំហរដែរថា ខ្លួនមិនដែលគាំទ្រឲ្យមានការផ្លាស់ប្តូររបបនៅកម្ពុជាឡើយ។ ជំហរផ្លូវការរបស់សហរដ្ឋអាមេរិកនេះគឺជាការទះកំភ្លៀងនិងវាយសំពង យ៉ាងដំណំទៅលើសម រង្ស៊ី ដែលតែងតែទន្ទិញរត់មាត់ពីការផ្លាស់ប្តូររបបនៅកម្ពុជា។

សរុបមកវិញ លោក សម រង្ស៊ី ដែលខំស្រែកខ្វើយៗតាម
ហ្វេសប៊ុកថា សង្គ្រោះជាតិនឹងរស់ឡើងវិញ និងថា កឹម សុខា និង សម រង្ស៊ី ជាមនុស្សតែមួយ គឺជាសំឡេងបោកប្រាស់ដ៏ឥតន័យអ្វីទៀតឡើយសម្រាប់ក្រុមអ្នកគាំទ្រអតីតបក្សប្រឆាំងជាពិសេសវារឹតតែគ្មានហាងឆេងអ្វីបន្ទិចសោះសម្រាប់ភាគី កឹម សុខា ដែលតែងតែទទួលការ ប្រមាថគ្រប់បែបយ៉ាងពីសម រង្ស៊ី ផ្ទាល់ក៏ដូចជាពីសំណាក់ក្រុមឆ្កែកាចរបស់ សម រង្ស៊ី។

ពេលនេះ សម រង្ស៊ី នៅសល់តែ ប្រពន្ធគាត់ - អេង ឆៃអ៊ាង - មួរ សុខហួរ និងមនុស្សមួយដំបរស្វាទៀតប៉ុណ្ណោះដែលនៅបន្តគាំទ្រដោយសារគ្មានជម្រើស។ ក្រៅពីនោះ គឺភាគច្រើនបំផុតគេបាន នាំគ្នា Goodbye សម រង្ស៊ី អស់ទៅហើយ។

ដូច្នេះហើយបានជា សម រង្ស៊ី ខំប្រឹងធ្វើមុខក្រាសឃ្មឹក តោងកន្ទុយកឹម សុខា មិនព្រមលែងទោះជាត្រូវក្រុមអ្នកកឹម សុខា និយមវាយប្រហារនិងសើចចំអកអោយយ៉ាងណាក៏ដោយ។

សូមលោកសម រង្ស៊ីស្តាប់សំដី ផ្ទាល់របស់លោកកឹម សុខានេះចុះ !

ដោយ : អ្នកតាមដាននយោបាយតុកាហ្វេ

តើមូលហេតុអ្វីដែល សម រង្ស៊ី គួរត្រូវបានគេហៅថា ជាជនចោលម្សៀត?

ទីបំផុត ការអស់សង្ឃឹម ការបាត់បង់ជំនឿ និងការបរាជ័យម្តងហើយម្តងទៀត ក្នុងជីវភាពនយោបាយក្នុងការដឹកនាំបក្សប្រឆាំង និង ក្នុងការវិលត្រឡប់ចូលស្រុកវិញរបស់ សម រង្ស៊ី នៅថ្ងៃទី០៩ ខែវិច្ឆិកាកន្លងទៅ ជាមួយនឹងការជាប់គុក និងការភៀសខ្លួនរត់ចោលស្រុក រត់ចោលគ្រួសារផ្ទះសម្បែងរបស់អ្នកគាំទ្រ និងសកម្មជនរបស់ខ្លួនភាគច្រើន ដោយសារការជឿជ្រុលលើ សម រង្ស៊ី បានធ្វើឱ្យពួកគេប្រែត្រឡប់ហៅ សម រង្ស៊ី ថាជាជនចោលម្សៀត ឬ ជាអ្នកនយោបាយគ្មានយុទ្ធសាស្រ្ត។ តើមានមូលហេតុអ្វីខ្លះ ដែល សម រង្ស៊ី ត្រូវបានមហាជនទូទៅ ពិសេស អ្នកគាំទ្រ និងសកម្មជនរបស់ខ្លួន ហៅ សម រង្ស៊ី ដូច្នេះ? តើអ្វីទៅជាជនចោលម្សៀត?
កំហុសខាងផ្នែកនយោបាយដដែលៗ និងការដឹកនាំបក្សប្រឆាំងកន្លងទៅ និងកំហុសខាងផ្នែកយុទ្ធសាស្រ្តចុងក្រោយថ្មីៗរបស់ សម រង្ស៊ី ពិតជាបាននិងកំពុងធ្វើឱ្យ សម រង្ស៊ី បាត់បង់ឥទ្ធិពល ប្រជាប្រិយភាព និងបានបាត់បង់ជំនឿ ព្រមទាំងការលែងមានការគាំទ្រ ក៏ដូចការលែងមានសង្ឃឹមទៅមុខទៀត សម្រាប់អ្នកគាំទ្រ និងសកម្មជន ព្រមទាំងជួរថ្នាក់ដឹកនាំនៃអតីតខ្មោចបក្សសង្រ្គោះជាតិតែម្តង។ ទីបំផុត ជោគវាសនារបស់សម រង្ស៊ី បាននិងកំពុងត្រដរខ្យល់រស់ ជ្រកក្រោមស្លាកសញ្ញាត្រឹមសម្ព័ន្ធភាពក្លែងក្លាយ សម្ព័ន្ធភាពបោកប្រាស់ “សម រង្ស៊ី-កឹម សុខា ជាមនុស្សតែមួយ” ប៉ុណ្ណោះ។ ក៏ប៉ុន្តែ ជាក់ស្តែង អ្វីៗទាំងអស់ វាបាននិងកំពុងក្លាយទៅជាបំណែកបែកបាក់បំផុត ដែលគ្មានថ្ងៃអាចផ្សះផ្សារគ្នាបានឡើយ។ វាពិតណាស់ អាពាហ៍ពិពាហ៍មួយ ដែលត្រូវបានផ្សំផ្គុំឡើង ដោយការចាប់បង្ខំ នៅឆ្នាំ២០១២កន្លងមក វានឹងបានដើរដល់ទីបញ្ចប់ ត្រឹមចែកផ្លូវគ្នាដើរ គឺ ត្រូវវិលត្រឡប់ទៅរកទំនំចាស់រៀងៗខ្លួនវិញប៉ុណ្ណោះ។
ក្នុងជីវភាពនយោបាយក្នុងរយៈពេលជាង២០ឆ្នាំកន្លងទៅនេះ វាបានបង្ហាញឱ្យឃើញកាន់តែច្បាស់ នូវការជួបតែរឿងបរាជ័យ គឺបរាជ័យផ្ទួនៗ ដោយជូរចត់ និងដោយអាម៉ាស់បំផុត ក្នុងការដឹកនាំបក្សប្រឆាំងមួយ។ ការបរាជ័យម្តងហើយម្តងទៀតនេះ បានធ្វើឱ្យសកម្មជន និងអ្នកគាំទ្ររបស់ខ្លួនបាត់ជំនឿ និងការគាំទ្រលើការដឹកនាំរបស់សម រង្ស៊ី បើទោះបី សម រង្ស៊ីខិតខំផ្តូរឈ្មោះពីគណបក្សមួយទៅគណបក្សមួយទៀត ច្រើនលើក ច្រើនសារយ៉ាងណាក៏ដោយក៏ សម រង្ស៊ី នៅតែមិនបានទទួលការគាំទ្រពីសកម្មជនរបស់ខ្លួនទៀតដែរ។ ពួកគេជឿថា ការដឹកនាំរបស់ សម រង្ស៊ីបានផ្តល់នូវរឿងគ្រោះថ្នាក់ ក្តីមហន្តរាយដល់ជាតិមាតុភូមិ ពិសេស បានធ្វើឱ្យសកម្មជន និងអ្នកគាំទ្ររបស់ខ្លួនខ្លះ ទទួលទោសត្រឹមជាប់គុកឥតប្រយោជន៍ ឬត្រូវរត់ចោលស្រុក ចោលគ្រួសារ ដែលជាមូលហេតុធ្វើឱ្យសកម្មជនរបស់ខ្លួនភាគច្រើន កាន់តែនឿយណាយក្នុងការដើរតាមនយោបាយដឹកនាំរបស់ សម រង្ស៊ី ដែលមានកំហុសច្រើនដង និងកាន់តែច្រើនឡើងៗ ហើយពួកគេបានហៅ សម រង្ស៊ី ថា ជាជនចោលម្សៀត។
វចនានុក្រមសម្ដេចព្រះសង្ឃរាជ ជួន ណាត បានពន្យល់យ៉ាងច្បាស់ នូវពាក្យថា «ចោលម្សៀត» គឺ មកពីពាក្យថា «ម្សៀត» ដែលមានន័យថា ប្រយោជន៍, សេចក្ដីកើតការ៖ មានម្សៀត។ ចំណែកពាក្យថា «ចោលម្សៀត»មានន័យថា មិនកើតការ, មិនបានការ, ប្រើការមិនកើត៖ មនុស្សចោលម្សៀត ឬ ជនចោលម្សៀត។ ក្នុងន័យនេះ សម រង្ស៊ី គឺ ពិតជា ជនចោលម្សៀតយ៉ាងប្រាកដ ក្នុងការណ៍ដែលជនចោលម្សៀតនេះ បានដឹកនាំបក្សប្រឆាំងរយៈពេលជាង២០ឆ្នាំកន្លងមកនេះមិនដែលទទួលបានជ័យជំនះម្តងណាឡើយ ក្នុងការបោះឆ្នោត៥អាណត្តិកន្លងមកនេះ ហើយតែងតែទទួលបរាជ័យគ្រប់អាណត្តិ គ្រប់វិញ្ញាសា គ្រប់យុទ្ធវិធីយ៉ាងអាម៉ាស់បំផុត។ ហើយការមិនបានវិលត្រឡប់ចូលស្រុកវិញតាមការសន្យានៅថ្ងៃទី០៩ វិច្ឆិកា គឺបានបង្ហាញឱ្យឃើញកាន់តែច្បាស់ថា សម រង្ស៊ី គឺពិតជាជនចោលម្សៀតយ៉ាងប្រាកដ ជាជនមិនគោរពតាមការសន្យា ការសន្យាវិលត្រឡប់ចូលស្រុកវិញមិនអាចយកជាការបាន ដែលនាំឱ្យជំនឿ និងការសង្ឃឹមគ្មានប្រយោជន៍ គ្មានបានការ គ្មានកើតការ បានត្រឹមតែធ្វើឱ្យអ្នកគាំទ្រ និងសកម្មជនជាប់គុកឥតប្រយោជន៍ ខាត់បង់លុយកាក់ និងពេលវេលាជាមួយនឹងគ្រួសារដ៏គួរឱ្យសោកស្តាយបំផុត។
កំហុសចុងក្រោយរបស់ជនចោលម្សៀត គឺ បានដាក់ចេញនូវផែនការវិលត្រឡប់ចូលស្រុកវិញជាមួយនឹងនយោបាយហិង្សានិយម ញុះញង់ និងបំផុសបំផុល ឱ្យប្រជាជន និងកងកម្លាំងប្រដាប់អាវុធងើបបះបោរផ្តួលរំលំរដ្ឋាភិបាល និងដូររបបរាជានិយម ដែលមហាជនទូទៅបានមើលឃើញថា នឹងបំផ្លាញសន្តិភាព ស្ថិរភាពសង្គម ហើយទាញទម្លាក់ប្រជាជន និងជាតិមាតុភូមិ ឱ្យធ្លាក់ចូលក្នុងភ្លើងសង្រ្គាមស៊ីវិល ដូចក្នុងទសវត្យឆ្នាំ១៩៧០។ កំហុសធំបំផុតទី២ របស់ជនចោលម្សៀតនេះ បានប្រមាថចេស្តារអង្គព្រះមហាក្សត្រខ្មែរ ប្រឆាំងរដ្ឋធម្មនុញ្ញ ដែលអង្គព្រះមហាក្សត្រ ជាបុគ្គលមិនអាចរំលោភបំពានបានឡើយ។
ឥឡូវនេះ ជាមួយនឹងការបរាជ័យផ្ទួនៗ និងកំហុសខាងយុទ្ធសាស្រ្តនយោបាយ សមដូចក្រុម កឹម សុខានិយមខ្លះ បានបកស្បែកមុខជនចោលម្សៀតនេះថា ជាអ្នកនយោបាយគ្មានយុទ្ធសាស្រ្ត ដែលចូលចិត្តល្បែងនយោបាយឱ្យគ្រាន់តែមានការទាក់ទាញតាមទំព័រហ្វេសប៊ុក មិនបានគិតគូរដល់សេចក្តីសុខសាន្តរបស់ជាតិមាតុភូមិ និងប្រជាជន ហើយងុបងុលនឹងល្បែងនយោបាយហិង្សានិយម ដើម្បីយកឈ្នះគូរប្រជែងក្រៅច្បាប់ ក្រៅគោលការណ៍ប្រជាធិបតេយ្យ ដោយបានទាត់ចោលនូវឆន្ទៈរបស់មតិភាគច្រើនសម្រេចដឹកនាំតាមបែបប្រជាធិបតេយ្យ។
ជាចុងក្រោយ ជនចោលម្សៀត បាននិងកំពុងអស់ក្រឡាដើរ ដោយសារការប្រមាថព្រះចេស្តារព្រះមហាក្សត្រ ដើរហួសបន្ទាត់ប្រជាធិបតេយ្យ ប្រើប្រាស់នយោបាយហិង្សានិយម ដើម្បីផ្តួលរំលំរដ្ឋាភិ បាល ដូររបបរាជានិយមក្រោមលេសអំណាចប្រជាជន និងផែនការបដិវត្តពណ៌មិនបានសម្រេចតាមលំនាំនៃប្រទេសទុយណេហ្ស៊ី អេហ្ស៊ីប ស៊ែបប៊ី និងហ្វីលីពីន។ល។ ឥឡូវបានប្រឹងត្រដខ្យល់យករស់ជីវិតនយោបាយ ស្តាប្រជាប្រិយភាពរបស់ខ្លួនឡើងវិញ តាមរយៈនយោបាយប្រជាវិថុទ្ធ នយោបាយប្រជានិយមបោកប្រាស់ និងតាមតោងកន្ទុយ កឹម សុខាឱ្យបានជាប់ ក្រោមស្លាកសម្ព័ន្ធភាពក្លែងក្លាយ កឹម សុខា និងសម រង្ស៊ី ជាមនុស្សតែមួយ ដែលទំនងពិតជាលែងមានន័យសម្រាប់អ្នកគាំទ្រ និងសកម្មជនរបស់ខ្លួន។ ក៏ប៉ុន្តែ បើទោះបី កឹម សុខា មិនទាន់បានហារមាត់ឱ្យបានដឹងច្បាស់ក្នុងពេលនេះ ក៏ក្រុម កឹម សុខានិយមបានវាយប្រហារ និងទាត់ចោលមិនទទួលយកតួរនាទីប្រធានស្តីទីបក្សខ្មោចរបស់ជនចោលម្សៀតនេះហើយចុងក្រោយ ក្រុម កឹម សុខានិយម ក៏មិនបានគាំទ្រនយោបាយហិង្សានិយមរបស់ជនចោលម្រៀតនេះ ក្នុងការប្រកាសវិលត្រឡប់មកផ្តួលរំលំរដ្ឋាភិបាល និងដូររបបរាជានិយម នៅថ្ងៃ៩ វិចិ្ឆកាកន្លងទៅនោះដែរ។
ជាក់ស្តែង នៅលើទំព័រហ្វេសប៊ុកថ្មីៗនេះ របស់លោក មុត ចន្ថា ជានាយកខុទ្ទកាល័យរបស់ កឹម សុខា បានបង្ហោះខ្លឹមសារមានចរិកលក្ខណៈជាការទះមួយកំភ្លៀងយ៉ាងខ្លាំងរបស់ កឹម សុខ ចំកណ្តាលមុខជនចោលម្សៀតនេះ ទំនងជា កឹម សុខា ចង់បង្ហាញឱ្យបានដឹង ដោយមិនចំពោះ នូវជំហរនយោបាយផ្ទុយគ្នាស្រឡះ រវាងក្រុមនយោបាយហិង្សានិយម និង ក្រុមនយោបាយអហិង្សានិយម។
ដូច្នេះ កំហុសរបស់ សម រង្ស៊ី នៅក្នុងការដាក់ចេញនូវយុទ្ធសាស្រ្ត ដេកផ្ទះ ឈ្នះស្អាត បានទទួលបរាជ័យទាំងស្រុង ក្នុងការបោះឆ្នោតឆ្នាំ២០១៨ ដែលមហាជនទូទៅបានមើលឃើញថា ជាការផ្តល់ឱកាសឱ្យបក្សកាន់អំណាចបានទទួលជ័យជម្នះ ក្នុងការបោះឆ្នោតដោយស្រួល។ ហើយកន្លងទៅ សម រង្ស៊ី ក៏បានលេងល្បែងខុសខាងយុទ្ធសាស្រ្តដ៏ធ្ងន់ធ្ងរបំផុតដែរ តាមរយៈ«ការជួយបំបែកសំណាញ់មេឃ» គឺ ការចូលរួមរបស់សម រង្ស៊ី ធ្វើវិសោធនកម្មរដ្ឋធម្មនុញ្ញ ដោយបានដូរប្រព័ន្ធពី ២/៣ ទៅ ៥០% បូក១ ក្នុងការបង្កើតរដ្ឋាភិបាល ដែលនៅពេលនោះលោក នាយករដ្ឋមន្រ្តី ហ៊ុន សែន បានពិពណ៌នារឿងនេះថា ជនចោលម្សៀតនេះ «យកអំណាចដាក់លើជើងពានប្រគល់ឱ្យគណបក្សកាន់អំណាចដោយដៃទាំងពីរ»។
ជារួម វាពិតជាសមទំនងបំផុត ដែលរាល់ការបរាជ័យទាំងអស់របស់ សម រង្ស៊ី គ្រប់អាណតិ្តការបោះឆ្នោត គ្រប់វិញ្ញាសា និងគ្រប់វិធី ក្នុងការដឹកនាំបក្សប្រឆាំងក្នុងរយៈពេលជាង២០ឆ្នាំកន្លងមកនេះ ត្រូវបានបង្កើតឡើង ដោយអត្តនោម័តនៃដឹកនាំរបស់បុគ្គល សម រង្ស៊ី ក៏ដូចជាកំហុសខាងយុទ្ធសាស្រ្តនយោបាយម្តងហើយម្តងទៀត ហើយទីបំផុត គួរត្រូវបានគេហៅថា ជាជនចោលម្សៀតយ៉ាងប្រាកដ ដែលអ្នកកគាំទ្រ ទាំងសកម្មជនរបស់ខ្លួន ក៏ដូចក្នុងជួរអតីតថ្នាក់ដឹកនាំរបស់អតីតបក្សប្រឆាំងអស់ជំនឿ និង លែងមានទំនុកចិត្ត ក្នុងការឱ្យបន្តដឹកនាំតទៅទៀតបានឡើយ៕
ដោយ ឡុង បូរិតា