Wednesday, September 28, 2016

ឯកឧត្តម ស្វាយ ស៊ីថា នាំយក​អាហាររូបករណ៍​​របស់សម្តេចតេជោ និងឯក​ឧត្តម​ឧបនាយក​រដ្ឋមន្ត្រី សុខ អាន ៦០កន្លែង ផ្តល់​ជូន​ដល់សិស្ស​ដែលទើប​ប្រឡង​បាក់ឌុប

រដ្ឋបាលខេត្តសៀមរាប និងអាជ្ញាធរជាតិអប្សរា បើកកិច្ចប្រជុំដើម្បីត្រួតពិនិត្យការអនុវត្តអនុក្រឹត្យលេខ១៥៨

ក្រុមការងារចម្រុះរបស់រដ្ឋបាលខេត្តសៀមរាប និងអាជ្ញាធរជាតិអប្សរាសម្រាប់អនុវត្តអនុក្រឹត្យលេខ១៥៨ ចុះថ្ងៃទី២៥ ខែកក្កដា ឆ្នាំ២០១៦ របស់រាជរដ្ឋាភិបាលស្តីពីការប្រទានកម្មជាកម្មសិទ្ធិជូនប្រជាពលរដ្ឋ ដែលបានកាន់កាប់ ប្រើប្រាស់ និងដាំដុះជាក់ស្តែងនៅក្នុងដីបុរីសណ្ឋាគារអង្គរសៀមរាប ក្រុងសៀមរាប ខេត្តសៀមរាប បានបើកកិច្ចប្រជុំ ដើម្បីត្រួតពិនិត្យរបាយការណ៍សកម្មភាពការងារ ដែលបានអនុវត្តកន្លងមក។

កិច្ចប្រជុំនេះ បានប្រព្រឹត្តទៅនៅព្រឹកថ្ងៃទី២៧ ខែកញ្ញា ឆ្នាំ២០១៦ នៅសាលាខេត្តសៀមរាបក្រោមអធិតីភាព ឯកឧត្តមបណ្ឌិត ឃឹម ប៊ុនសុង អភិបាលនៃគណៈអភិបាលខេត្តសៀមរាប និងឯកឧត្តមបណ្ឌិត ស៊ុ ម៉ាប់ អគ្គនាយកអាជ្ញាធរជាតិអប្សរា ដែលជាសហប្រធានក្រុមការងារចម្រុះ ព្រមទាំងមានការចូលរួមពីសំណាក់សមាជិកសមាជិកានៃក្រុមការងារផ្សេងៗទៀត។

ខ្លឹមសារនៃកិច្ចប្រជុំនេះ គឺដើម្បីត្រួតពិនិត្យនូវរបាយការណ៍ពីក្រុមជំនាញ និងក្រុមការងារដែលមានតួនាទីចុះអនុវត្តខ្លឹមសារអនុក្រឹត្យរបស់រាជរដ្ឋាភិបាល ដើម្បីឲ្យការអនុវត្តនេះកាន់តែមានប្រសិទ្ធភាព និងជំរុញការដោះស្រាយចំពោះគ្រប់បញ្ហាទាំងអស់ឲ្យបានចប់សព្វគ្រប់តាមផែនការដែលរាជរដ្ឋាភិបាលបានដាក់ជូន។

ដើម្បីអនុវត្តខ្លឹមសារអនុក្រឹត្យលេខ១៥៨ឲ្យបានជោគជ័យ រដ្ឋបាលខេត្តសៀមរាប និងអាជ្ញាធរជាតិអប្សរាបានឯកភាពគ្នាបង្កើតក្រុមការងារជំនាញចំនួន៣។ ទី១ ក្រុមការងារបច្ចេកទេស ដែលមានតួនាទីចុះវាស់វែង ផ្ទៀងផ្ទាត់កំណត់និយាមការក្បាលដីឲ្យបានច្បាស់លាស់។ ទី២ ក្រុមការងារទទួលពាក្យបណ្តឹង និងដោះស្រាយ ដែលមានភារកិច្ច ទទួលពាក្យបណ្តឹងតវ៉ា និងប្រមូលឯកសារពាក់ព័ន្ធនឹងដីធ្លីប្រជាពលរដ្ឋ ដែលមានវិវាទ។ ទី៣ គឺក្រុមការងារអន្តរាគមន៍ ដែលមានភារកិច្ចទប់ស្កាត់ការរំលោភបំពានគ្រប់រូបភាពក្នុងភូមិសាស្ត្រនៃបុរីសណ្ឋាគារ។

សូមបញ្ជាក់ថា ដីបុរីសណ្ឋាគារ និងទេសចរណ៍អង្គរ ត្រូវបានបង្កើតឡើងដោយរាជរដ្ឋាភិបាលកម្ពុជា តាំងពីឆ្នាំ១៩៩៥មក ដែលមានទំហំផ្ទៃដីសរុប១០០៧ហិកតា។ នៅឆ្នាំ២០១៥ តាមរយៈអនុក្រឹត្យលេខ៥១ អនក្រ.បក និងអនុក្រឹត្យលេខ៥២ អនក្រ.បក រាជរដ្ឋាភិបាលកម្ពុជាសម្រេចកាត់ដីទំហំ២២៦,៩ហិកតា ដើម្បីធ្វើប្រទានកម្មជាកម្មសិទ្ធិជូនប្រជាពលរដ្ឋ ដែលបានកាន់កាប់ ប្រើប្រាស់ និងដាំដុះជាក់ស្តែង។ ថ្មីៗនេះ តាមរយៈអនុក្រឹត្យលេខ១៥៨ អនក្របក ចុះថ្ងៃទី២៥ ខែកក្កដា ឆ្នាំ២០១៦ រាជរដ្ឋាភិបាលកម្ពុជា បានសម្រេចកាត់ដីទាំងឡាយណាដែលមិនទាន់បានដោះស្រាយគោលនយោបាយរួចជូនទៅប្រជាពលរដ្ឋកាន់កាប់ជាក់ស្តែង។ ដោយឡែក ដីដែលបានដោះស្រាយគោលនយោបាយរួចរាល់ហើយ ត្រូវស្ថិតនៅក្រោមសមត្ថកិច្ចរបស់អាជ្ញាធរជាតិអប្សរាដដែល៕



Friday, September 23, 2016

រាជរដ្ឋាភិបាលកម្ពុជា នឹងបន្តចុះថ្លៃ លើបញ្ហាប្រើប្រាស់អគ្គិសនី

ភ្នំពេញ៖ មន្ត្រីជាន់ខ្ពស់អគ្គិសនីកម្ពុជា បានឲ្យដឹងថា នៅក្នុងឆ្នាំ២០១៧ខាងមុខនេះ រាជរដ្ឋាភិបាលនឹងបន្តចុះថ្លៃអគ្គិសនី ទៅតាមលំដាប់នីមួយៗជាបន្តបន្ទាប់ទៀត ដើម្បីឲ្យប្រជាពលរដ្ឋដែលជាអ្នកប្រើប្រាស់ ទទួលបានអគ្គិសនីនៅក្នុងតម្លៃកាន់ តែសមរម្យ។
ឯកឧត្តម កែវ រតនៈ ប្រតិភូរាជរដ្ឋាភិបាល ទទួលបន្ទុកជាអគ្គនាយកអគ្គិសនីកម្ពុជា បានថ្លែងលើកឡើង នៅក្នុងពិធីសំណេះសំណាលជាមួយបុគ្គលិកនិវត្តជនអគ្គិសនីកម្ពុជា នៅថ្ងៃទី២១ ខែកញ្ញា ឆ្នាំ២០១៦ថា មកដល់បច្ចុប្បន្នបណ្តាញអគ្គិសនីតភ្ជាប់ទៅដល់ភូមិបានជាង៧៣%ហើយពីបណ្តាញជាតិ ក្នុងនោះ សម្រាប់ផែនការសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា សម្តេចមានមហិច្ឆតាយ៉ាងធំ ក្នុងការពង្រីកវិសាលភាពអគ្គិសនីដោយ នៅក្នុងឆ្នាំ២០២០ខាងមុននេះ គឺជំរុញឲ្យអគ្គិសនីបានគ្របដណ្ដប់នៅទូទាំងប្រទេសជាង៩០% ឬជិត១០០% ។
ឯកឧត្តម កែវ រតនៈ មានប្រសាសន៍បន្តថា ទាក់ទិននឹងការអភិវឌ្ឍន៍វិស័យអគ្គិសនីនៅក្នុងរយៈពេលជាង១០ឆ្នាំមកនេះ ពិតជាបានបង្ហាញពីមោទនភាពជាតិយើងដែលបានកើតចេញពីការខិតខំប្រឹងប្រែងអភិវឌ្ឍន៍របស់រាជរដ្ឋាភិបាល ក្នុងនោះ ប្រជាពលរដ្ឋដែលជាអ្នកប្រើប្រាស់ភ្លើង នឹងទទួលបានផ្លែផ្កាជាបន្ទាប់ទៀត នៅពេលដែលរាជរដ្ឋាភិបាលបាន ប្រកាសចុះថ្លៃនៅលើបញ្ហាអគ្គិសនីនេះ។
សូមបញ្ជាក់ថា មកដល់បច្ចុប្បន្នការផ្គត់ផ្គង់អគ្គិសនីរបស់បណ្តាញជាតិទាំងមូល មានជាង២ពាន់មេហ្គាវ៉ាត់ដែល បានស្របយកវារីអគ្គិសនី៣៧% និងអគ្គិសនីដើរដោយធ្យូងថ្មមានចំនួនជាង៣០% រួមជាមួយម៉ាស៊ីនប្រេងនិងការនាំ ចូលអគ្គិសនីពីប្រទេសជិតខាងផងដែរ ក្នុងនោះ បើតាមការអះអាងពី ឯកឧត្តម កែវ រតនៈ នៅក្នុងឆ្នាំ២០១៨ទៅមុខ ប្រជាពលរដ្ឋនៅទូទាំងប្រទេស គឺលែងមានការកង្វះអគ្គិសនីសម្រាប់ប្រើប្រាស់ទៀតហើយ នឹងលែងមានប្រភពអគ្គិសនី ខ្វះខាតជាបន្តទៀត៕

បញ្ជីឈ្មោះក្រុមហ៊ុនដឹកជញ្ជូន ១៤ក្រុមហ៊ុន សន្យាមិនតម្លើងថ្លៃ ពេលបុណ្យភ្ជំបិណ្ឌ



កិច្ចប្រជុំជាមួយក្រុមហ៊ុនដឹកជញ្ជូន នៅទីស្តីការក្រសួងសាធារណការ និងដឹកជញ្ជូន
នៅថ្ងៃទី២២ ខែកញ្ញា ឆ្នាំ២០១៦ នៅទីស្តីការក្រសួងសាធារណការ និងដឹកជញ្ជូន ឯកឧត្តមទេសរដ្ឋមន្ត្រី ស៊ុន ចាន់ថុល បានអញ្ជើញដឹកនាំកិច្ចប្រជុំជាមួយក្រុមហ៊ុនដឹកអ្នកដំណើរ ក្រុមហ៊ុនដឹកជញ្ជូនទំនិញ សមាជិកសមាគម CAMTA សមាជិកសមាគម CAMBA និងមានការចូលរួមផងដែរ ពីតំណាងអគ្គស្នងការនគរបាលជាតិ នៃក្រសួងមហាផ្ទៃ។
កិច្ចប្រជុំនេះផ្តោតជាសំខាន់ លើការពង្រឹងការគោរពច្បាប់ចរាចរណ៍ផ្លូវគោក សំដៅកាត់បន្ថយគ្រោះថ្នាក់ចរាចរណ៍ នៅតាមដងផ្លូវ និងវិធានការមួយចំនួន របស់ក្រសួងទាក់ទងទៅនឹង ការជួសជុល កែច្នៃ និងតំឡើងយានយន្ត ខុសលក្ខណៈបច្ចេកទេស ការត្រួតពិនិត្យលក្ខណៈបច្ចេកទេស យានយន្ត និងការពង្រឹងការផ្តល់ ប័ណ្ណបើកបរ។
ឆ្លៀតក្នុងឱកាសនោះដែរ ឯកឧត្តមទេសរដ្ឋមន្ត្រី បានស្នើឲ្យក្រុមហ៊ុនដឹកជញ្ជូន អ្នកដំណើរទាំងអស់ កុំតំឡើងថ្លៃឈ្នួលដឹកជញ្ជូន នៅក្នុងឱកាស នៃពិធីបុណ្យភ្ជុំបិណ្ឌ ប្រពៃណីជាតិខ្មែរ យើងខាងមុខនេះ និងលើកកម្ពស់ស្មារតីប្រុងប្រយ័ត្ន ក្នុងការបើកបរ ដើម្បីផ្តល់ភាពងាយស្រួល និងសុវត្ថិភាព ជូនប្រជាពលរដ្ឋរបស់យើង ដែលត្រូវការធ្វើដំណើរ ច្រើនក្នុងអំឡុងពេលនោះ។
ជាការឆ្លើយតបភ្លាមៗ ទៅនឹងសំណើនេះ ក្រុមហ៊ុនមួយចំនួនបានប្តេជ្ញា មិនតំឡើងថ្លៃឈ្នួលដឹកជញ្ជូនទេក្នុងឱកាសបុណ្យភ្ជុំបិណ្ឌនេះ ដែលក្រុមហ៊ុនទាំងនោះរួមមាន៖ ១) ក្រុមហ៊ុន ថុង សម្បត្តិ ២)ក្រុមហ៊ុន ម៉ី ហុង ដឹកអ្នកដំណើរ ៣)ក្រុមហ៊ុន ផលបូប៉ាន់ ត្រេនស្ព័ត ខូអិលធីឌី ៤) ក្រុមហ៊ុន នាគ ក្រហម ៥) ក្រុមហ៊ុន ដឹកអ្នកដំណើរឡារីតា ៦)ក្រុមហ៊ុន វ៉ាង រ៉ិច ៧)ក្រុមហ៊ុន Giant IBIS Transport ៨) ក្រុមហ៊ុនហ្គោលដេនបាយ័ន អេចប្រេស ៩) ក្រុមហ៊ុន រិទ្ធិ មុនី ដឹកអ្នកដំណើរ ១០)ក្រុមហ៊ុន កាពីតូល ១១) ក្រុមហ៊ុនពន្លឺអង្គរខ្មែរដឹកជញ្ជូន ១២) ក្រុមហ៊ុនណាហ្គាត្រេនស្ព័ត ១៣) ក្រុមហ៊ុនវីរៈប៊ុនថាំ និង១៤) ក្រុមហ៊ុន NATTANKAN Cambodia Co.LTD ដឹកជញ្ជូនអ្នកដំណើរឆ្លងដែន៕

រដ្ឋាភិបាលបារាំងនឹងផ្ដល់ជំនួយ ១០៤លានដុល្លារ ដល់ក្រសួងធនធានទឹក

 រដ្ឋាភិបាលបារាំងគ្រោងផ្តល់ជំនួយ ១០៤លានដុល្លារអាមេរិក ដើម្បីជួយដំណើរការរៀបចំរបស់ក្រសួងធន ធានទឹកនិងឧតុនិយម។ ប្រាក់ជំនួយ ១០៤លានដុល្លារនេះ គឺជាកម្ចីសម្បទានចំនួន ៩៥លានដុល្លារ និង ៩លានដុល្លារ ទៀតគឺជាជំនួយឥតសំណង។ គម្រោងផ្តល់ប្រាក់នេះ នឹងធ្វើតាមរយៈទីភ្នាក់ងារបារាំង សម្រាប់ការអភិវឌ្ឍ AFD Agence Francaise de Development ។
     ជំនួបពិភាក្សានៃការផ្តល់ជំនួយនេះ បានធ្វើឡើងនៅព្រឹកថ្ងៃទី ២២ ខែកញ្ញា ឆ្នាំ ២០១៦ រវាងរដ្ឋមន្ត្រីក្រសួងធនធានទឹកនិងឧតុនិយម ឯកឧត្តម លឹម គានហោ និងគណៈប្រតិភូបារាំងដឹកនាំដោយ លោកស្រីFRANCOISE CHARLIER អនុប្រធាននាយកដ្ឋានអភិវឌ្ឍន៍អាស៊ីនៃទីភ្នាក់ងារ បារាំងសម្រាប់ការអភិវឌ្ឍ (AFD) ។
     យោងតាមក្រសួងធនធានទឹក ហិរញ្ញប្បទាន ១០៤លានដុល្លារនេះ សម្រាប់យកទៅអនុវត្តការងារមួយចំនួនក្នុងជំហានទី២ រវាងឆ្នាំ ២០១៧ ដល់ឆ្នាំ ២០១៩។ ក្នុងចំណោមហិរញ្ញប្បទាន ១០៤លានដុល្លារ គឺកម្ចីសម្បទានចំនួន ៩៥លានដុល្លារ សម្រាប់ការធ្វើអនុវត្តភាពធារាសាស្ត្រចំនួន ៦ប្រព័ន្ធ គឺប្រព័ន្ធកង្ហត… ប្រព័ន្ធស្ទឹងស្រែង… ប្រព័ន្ធស្ទឺងជីក្រែង… ប្រព័ន្ធស្ទឹងស្ទោង… ប្រព័ន្ធបវេល-ខ្នាចរមាស និងប្រព័ន្ធត្រពាំងអំបិល។
     ជំនួយនេះ ក៏សម្រាប់ការងារស្តារព្រែកចំនួន ២៧ព្រែក ដែលនៅក្នុងនោះមាន ខេត្តកណ្តាលចំនួន១៦ ព្រែក… ខេត្តព្រៃវែងចំនួន ៥ព្រែក… ខេត្តបាត់ដំបង ចំនួន ៣ព្រែក និង ខេត្តបន្ទាយមានជ័យចំនួន ៣ព្រែក ។ ដោយឡែកប្រាក់ជំនួយឥតសំណងចំនួន ៩លានដុល្លារ គឺសម្រាប់អនុវត្តការងារបន្តប្រមូល និងចងក្រងបញ្ជី សារពើភ័ណ្ឌប្រព័ន្ធធារាសាស្ត្រនៅកម្ពុជា.. ការបន្តរៀបចំស្ថានីយឧតុនិយម និងស្ថានីយជលសាស្ត្រស្វ័យប្រវត្តិ.. ការងារពង្រឹងសហគមន៍កសិករប្រើប្រាស់ទឹក.. ការបណ្តុះបណ្តាល និងការកសាងសមត្ថភាពមន្ត្រីក្រសួងធន ធានទឹកនិងឧតុនិយម  និងសម្រាប់ការងារផ្សេងៗមួយចំនួនទៀត ។
     គួររំលឹកថា ក្នុងជំហានទី១ កន្លងមក (២០១៤-២០១៦) AFD បានផ្តល់នូវកម្ចីសម្បទានចំនួន ២៤លានអឺរ៉ូ និង ១៤លានដុល្លារសហរដ្ឋអាមេរិក ព្រមជាមួយជំនួយឥតសំណងចំនួន ៤លានអឺរ៉ូ ដល់ក្រសួងធនធានទឹក និង ឧតុនិយម សម្រាប់អនុវត្តការស្តារប្រព័ន្ធធារាសាស្ត្រចំនួន ៩កន្លែង និងព្រែកចំនួន ៣៥ព្រែក ៕


Friday, September 09, 2016

តុលាការក្រុងភ្នំពេញ សម្រេចផ្តន្ទាទោសលោក​ កឹម សុខា រយៈពេល៥ខែ និងពិន័យជាប្រាក់៨សែនរៀល ពីបទ «បដិសេធក្នុងការចូលខ្លួន»

(ភ្នំពេញ)៖ នៅមុននេះបន្តិច វេលាម៉ោងប្រមាណ ២៖១៥នាទីរសៀលថ្ងៃទី០៩ ខែកញ្ញានេះ សាលាដំបូងរាជធានីភ្នំពេញ សម្រេចចេញដីកាផ្តន្ទាទោសលោក​ កឹម សុខា រយៈពេល៥ខែ និងពិន័យជាប្រាក់៨សែនរៀល ពីបទ «បដិសេធក្នុងការចូលខ្លួន» តាមមាត្រា៥៣៨ នៃក្រមព្រហ្មទណ្ឌ បន្ទាប់ពីបានបើកសវនាការជំនុំជម្រះរឿងក្តីលោក កឹម សុខា នៅព្រឹកថ្ងៃទី០៩ ខែកញ្ញានេះ។ នេះបើយោងតាមមន្រ្តីជាន់ខ្ពស់នៃសាលាដំបូងរាជធានីភ្នំពេញ ថ្លែងបញ្ជាក់យ៉ាងដូច្នេះប្រាប់អង្គភាព Fresh News ។ ចៅក្រម កែវ មុនី បានប្រកាសថា សាលក្រមនេះ​ ប្រកាសចាត់ទុកជាចំពោះមុខ
លោក លី សុផាណា បានបញ្ជាក់យ៉ាងដូច្នេះថា «លោក កែវ មុនី ចៅក្រមជំនុំជម្រះសាលាដំបូងរាជធានីភ្នំពេញបានប្រកាសសាលក្រមសម្រេចផ្តន្ទាទោសឈ្មោះ កឹម សុខា ដាក់ពន្ធនាគារកំណត់ ៥ ខែ និងពិន័យ ៨ សែនរៀល ពីបទបដិសេធក្នុងការចូលខ្លួន តាមមាត្រា ៥៣៨ នៃក្រមព្រហ្មទណ្ឌ»។
ការប្រកាសសាលក្រមដាក់ទោសលោក កឹម សុខា នៅពេលនេះ ធ្វើឡើងបន្ទាប់ពីរូបលោកបានបដិសេធមិនចូលខ្លួនបំភ្លឺ ក្នុងនាមជាសាក្សីលើសំណុំរឿង «សញ្ចាកម្ម» ដែលជាបណ្តឹងរបស់កញ្ញា ខុម ចាន់តារាទី ហៅស្រីមុំ ចំនួនពីរលើករួចមកនោះ។

សូមជំរាបថា សវនាការជំនុំជម្រះក្តីលោក កឹម សុខា នាព្រឹកថ្ងៃទី០៩ ខែកញ្ញានេះមាន លោក កែវ មុនី អនុប្រធានសាលាដំបូងរាជធានីភ្នំពេញ ជាចៅក្រមជំនុំជម្រះ មាន លោក សៀង សុខ តំណាងអយ្យការសាលាដំបូងរាជធានីភ្នំពេញ ជាតំណាងអយ្យការ និងលោក វ៉ែន សំអាត ក្រឡាបញ្ជីសាលាដំបូងរាជធានីភ្នំពេញ ជាក្រឡាបញ្ជីសវនាការ៕ ប្រភពពីFreshnews



សាលាឧទ្ធរណ៍ ចេញដីកាសម្រេចច្រានចោលបណ្តឹង «ដិតចិត្ត» របស់មេធាវីលោក កឹម សុខា លើករណីបើកសវនាការជំនុំជម្រះលោក កឹម សុខា

(ភ្នំពេញ)៖ ​ សាលាឧទ្ធរណ៍ បានសម្រេចចេញ «ដីកាសម្រេច» ច្រានចោលបណ្តឹងដិតចិត្ត របស់មេធាវីលោក កឹម សុខា លើករណីបើកសវនាការជំនុំជម្រះលោក កឹម សុខា នៅថ្ងៃទី០៩ ខែកញ្ញា ឆ្នាំ២០១៦នេះ។​
នៅក្នុងដីកាសម្រេចរបស់សាលាឧទ្ធរណ៍បានសម្រេច, ទី១៖ ច្រានចោលបណ្តឹងដិតចិត្ត ចុះថ្ងៃទី០៨ ខែកញ្ញា ឆ្នាំ២០១៦ របស់សហមេធាវី សំ សុគង់, ម៉េង សុភាវី, ចាន់ ចេន និង ហែម សុជាតិ។ ទី២៖ ដីកាសម្រេចនេះ មិនអាចប្តឹងតវ៉ាបានឡើយ៕

ខាងក្រោមនេះជាដីកាសម្រេចរបស់សាលាឧទ្ធរណ៍៖ ប្រភពពីFreshnews 



Thursday, September 08, 2016

រដ្ឋសភាកម្ពុជាបានបើកកិច្ចប្រជុំអន្តរក្រសួងសម្រាប់ត្រៀមរៀបចំកិច្ចប្រជុំក្រុមប្រឹក្សាប្រតិបត្តិលើកទី1និងមហាសន្និបាតលើកទី៩នៃសភាតំបន់អាស៊ីAPA

ថ្ងៃទី០៨ កញ្ញា ឆ្នាំ២០១៦ ឧត្តមបណ្ឌិត ងួនញ៉ិល អនុប្រធានទី២រដ្ឋសភានិងជាប្រធានគណៈកម្មការរៀបចំមហា សន្និបាតលើកទី៩នៃសភាតំបន់អា ស៊ីបានដឹកនាំកិច្ចប្រជុំប្រជុំក្រុមប្រឹក្សាប្រតិបត្តិលើកទី១និងមហាសន្និបាតលើកទី៩នៃសភាតំបន់អាស៊ីAPA នៅវិមានរដ្ឋសភា។
សភានៃព្រះរាជាណាចក្រកម្ពុជា នឹងទទួលរៀបចំកិច្ចប្រជុំក្រុមប្រឹក្សាប្រតិបត្តិលើកទី១ នៃសភាតំបន់អាស៊ី នាចុងខែកញ្ញានេះ គឺពីថ្ងៃទី២៥ ដល់ ថ្ងៃទី២៨ នៅរាជធានីភ្នំពេញ។ បន្ទាប់មកត្រូវទទួលរៀបចំ កិច្ចកិច្ចប្រជុំក្រុមប្រឹក្សាប្រតិបត្តិលើកទី២ នៃសភាតំបន់អាស៊ីជាមួយ មហាសន្និបាតលើទី៩នៃសភា តំបន់អាស៊ីនៅលើទឹកដីអង្គរខេត្តសៀមរាបពីថ្ងៃទី២៧ ខែវិច្ឆិកា ដល់ថ្ងៃទី០២ ខែធ្នូ ឆ្នាំ២០១៦។
នៅក្នុងកិច្ចប្រជុំអន្តរក្រសួងនាថ្ងៃនេះដែរ លោកបណ្ឌិត ងួនញ៉ិលអនុប្រធានទី២រដ្ឋសភានិងជាប្រធានគណៈកម្មការរៀបចំមហា សន្និបាតលើកទី៩នៃសភាតំបន់អាស៊ី បានបញ្ជាក់ថា,សភាកម្ពុជាត្រូវធ្វើជាម្ចាស់ផ្ទះទទួលរៀបចំកិច្ចប្រជុំAPAចំនួន២លើកក្នុងឆ្នាំ២០១៦នេះ៖ ទី១៖ រៀបចំកិច្ចប្រជុំក្រុមប្រឹក្សាប្រតិបត្តិលើកទី១នៅចន្លោះថ្ងៃទី២៥-២៨ខែកញ្ញា។ទី២៖រៀបចំកិច្ចប្រជុំក្រុមប្រឹក្សាប្រតិបត្តិ លើកទី២និង រៀបចំមហាសន្និបាតលើកទី9នៃសភាតំបន់អាស៊ី APAចន្លោះពីថ្ងៃ២៧ខែវិច្ឆិកាដល់ថ្ងៃទី២ខែធ្នូនឆាំ ២០១៦នៅទីក្រុងអង្គរខេត្តសៀម រាប។
លោកបណ្ឌិត ងួន ញ៉ិល បានបញ្ជាក់នៅក្នុងកិច្ចប្រជុំនោះដែរថា មហាសន្និបាតលើកទី៩នៃសភាតំបន់អាស៊ី( APA)ត្រូវបានជ្រើស រើសសម្រាប់ធ្វើរបៀបវារៈសម្រាប់កិច្ចប្រជុំពិភាក្សាគឺ"ការជម្រុញសន្តិ ភាព និងការអភិវឌ្ឍន៏ ប្រកបដោយចីរភាពក្នុងតំបន់អាស៊ី"។
នៅក្នុង មហាសន្និបាតលើកទី៩នៃសភាតំបន់អាស៊ី APAនោះដែរមាន មានគណៈកម្មាធិការអចន្ត្រៃយ៏ចំនួន៣និងមានសេចក្តីព្រាងចំនួន ១៩ផហដែរ។នៅក្នុងមហាសន្និបាតAPAនោះដែរសភាចិនបានទទួល យកសំណើររបស់សភាកម្ពុជា ធ្វើជាអនុប្រធាននៃ មហាសន្និបាតលើកទី៩នៃសភាតំបន់អាស៊ី APA ហើយទទួលបន្ទុកថ័កនាំរៀបចំកិច្ចប្រជុំគណៈកម្មាធិការអចិន្ត្រៃយ៏ទទួល បន្ទុកកិច្ចការសេដ្ឋកិច្ចនិងការអភិវឌ្ឍន៏ប្រកបដោយចីរភាព។
សូមបញ្ជាក់ថា, នៅក្នុងកិច្ចប្រប្រជុំត្រៀមរៀបចំមហាសន្និបាតលើកទី៩នៃសភាតំបន់អាស៊ី APAនៅដែរ បានពិភាក្សាលើការពង្រឹងសន្តិសុខជូនថ្នាក់ដឹកនាំនៃរដ្ឋសភាប្រទេសនានាមកប្រជុំចាប់ពីថ្ងៃដែលគណៈ ប្រតិភូមកដល់រហូតដល់ថ្ងៃគណៈ ប្រតិភូមាតុភូមិនិវត្តន៏វិញ និងការពារកន្លែងស្នាក់នៅ និងការពារកន្លែងប្រជុំនៅភ្នំពេញនិងក្រុងសៀមរាបព្រមទាំងទីតាំងដែលគណៈប្រតិភូទៅទស្សនកិច្ច។
ដោយាឡែកក្រសួងទេសចរណ៏រៀបចំផ្សព្វផ្សាយការងារទេសចរណ៌ការតាំងពិព័ណ៌ទេសចរណ៏ និងដំណើរកំសាន្តជូនគណៈប្រតិភូឯក្រសួងវប្បធម៌ វិចិត្រសិល្បៈរៀបចំ ផ្ទាំងទស្សនីយភាពសិល្បៈនៅក្នុងមហាសន្និបាតលើកទី៩នៃសភាតំបន់អាស៊ី APA៕



លោកជំទាវ កុយ ពិសី បាននាំយកថវិការបស់សម្តេចកិត្តិព្រឹទ្ធបណ្ឌិត ជូនដល់អ្នកស្រី សូ សុខុម ដែលមានជំងឺមហារីកសុដន់ និងកំពុងសម្រាកព្យាបាលជំងឺនៅមន្ទីរពេទ្យរុស្ស៊ី

នៅថ្ងៃទី០៨ ខែកញ្ញា ឆ្នាំ២០១៦នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា រួមនិងសប្បុរសជនមួយចំនួនទៀត តាមរយៈលោកជំទាវ កុយ ពិសី អនុប្រធានក្រុមការងារ ថ្នាក់ជាតិចុះជួយស្រុកគិរីវង់ និងជាប្រធានក្រុម ការងារថ្នាក់ជាតិចុះជួយ ឃុំព្រៃអំពក ស្រុកគិរីវង់ ខេត្តតាកែវ បានផ្តល់ថវិកា ៤,៥០០,០០០រៀលបន្ថែមទៀត ដល់អ្នកស្រី សូ សុខុម ដែលកំពុងសម្រាកព្យាបាលជំងឺនៅមន្ទីរពេទ្យរុស្ស៊ី ដើម្បីជួយដោះស្រាយទុក្ខលំបាកនៅក្នុងជីវភាព បន្ទាប់ពីបានជួយជ្រោមជ្រែង ជួយយកមកព្យាបាល នៅមន្ទីរពេទ្យរុស្ស៊ីហើយនោះ ។
អ្នកស្រី សូ សុខុម រស់នៅភូមិពុម្ពអិដ្ឋ ឃុំព្រៃអំពក ស្រុកគីរីវង់ បានកើតជំងឺដំបៅ
សុដន់ធ្ងន់ធ្ងរ ហើយត្រូវបានបញ្ជូនមកព្យាបាលនៅមន្ទីរពេទ្យរុស្សី។ ក្រោមការយកចិត្តទុកដាក់ខ្ពស់ពី សម្តេចកិត្តិព្រឹទ្ឋបណ្ឌិត ប៊ុន រ៉ានី ហ៊ុន សែន និងលោកជំទាវបណ្ឌិត
កុយ ពិសី ព្រមទាំងការព្យាបាលយ៉ាងយកចិត្តទុកដាក់ពីក្រុមគ្រូពេទ្យនោះ ជំងឺរបស់អ្នកស្រី សូ សុខុម បានធូរស្រាលមួយកម្រិតធំហើយ ហើយអ្នកស្រី សូ សុខុម នឹងចេញពីមន្ទីរពេទ្យនៅថ្ងៃនេះផងដែរ។
លើសពីនោះ អ្នកស្រី សូ សុខុម បានថ្លែងអំណរគុណដល់ សម្តេចកិត្តិព្រឹទ្ធបណ្ឌិត និងលោកជំទាវប្រធានក្រុមការងារ ក៏ដូចជាសប្បុរសជន និងក្រុមការងារទាំងអស់ ដែលបានយកចិត្តទុកដាក់ ជួយជ្រោមជ្រែងព្យាបាលជំងឺរបស់អ្នកស្រី។ អ្នកស្រីក៏បានជូនពរ សម្តេចកិត្តិព្រឹទ្ធបណណ្ឌិត ប៊ុន រ៉ានី ហ៊ុន សែន លោកជំទាវ កុយ ពិសី និង ក្រុមការងារ ព្រមទាំងសប្បុរសជនទាំងអស់ មានសុខភាពល្អ និងជោគជ័យគ្រប់ភារកិច្ច៕
ប្រភព៖ Fresh News





សម្តេចតេជោ ហ៊ុន សែន បង្ហាញខ្លឹមសារសំខាន់ៗនៃកិច្ចប្រជុំកំពូលអាស៊ានថ្ងៃទី២នៅក្រុងវៀងច័ន្ទន៍ ប្រទេសឡាវ

កាលពីព្រឹកថ្ងៃទី០៧ ខែកញ្ញា ឆ្នាំ២០១៦កន្លងទៅនេះ គឺជាថ្ងៃទី២ នៃកិច្ចប្រជុំកំពូលអាស៊ានលើកទី២៨-២៩ និងកិច្ចប្រជុំកំពូលពាក់ព័ន្ធនានារបស់អាស៊ាន។ មេដឹកនាំអាស៊ានបានបញ្ជាក់សារជាថ្មីពីការតាំងចិត្តក្នុងការរក្សាតំបន់អាស៊ីអាគ្នេយ៍ជាតំបន់ដែលគ្មានអាវុធនុយក្លេអ៊ែរ។ ជាមួយគ្នានេះមេដឹកនាំអាស៊ានបានអនុម័តសេចក្តីប្រកាសអាស៊ានស្តីពីការពង្រឹងការអប់រំសម្រាប់កុមារ និងយុវជននៅក្រៅសាលា និងបានស្វាគមន៍ការអនុម័តផែនការការងារលើវិស័យអប់រំក្នុងឆ្នាំ ២០១៦-២០២០។ ជាមួយគ្នានេះបណ្តាមេដឹកនាំអាស៊ានក៏បានធ្វើការពិភាក្សាគ្នាយ៉ាងយកចិត្តទុកដាក់ទៅលើបញ្ហាឧបទ្វីបកូរ៉េ បញ្ហាតំបន់ និងអន្តរជាតិដែលមានការយកចិត្តទុកដាក់ដូចពីគ្រប់ភាគី។ នេះបើយោងតាមការបង្ហោះផ្សាយនៅក្នុងទំព័រហ្វេសប៊ុករបស់ សម្តេចតេជោនាយករដ្ឋមន្រ្តីនៃកម្ពុជា។
១)កិច្ចប្រជុំកំពូលអាស៊ាន-ចិន លើកទី១៩
នៅព្រឹកថ្ងៃដដែល បណ្តាមេដឹកនាំអាស៊ានបានអញ្ជើញចូលរួមបន្តនៅក្នុងកិច្ចប្រជុំកំពូលអាស៊ាន-ចិន លើកទី១៩ ដើម្បីរំលឹកខួបអនុស្សាវរីយ៍អាស៊ាន-ចិនលើកទី២៥ ជាមួយឯកឧត្តម លី ខឺឈាង នាយករដ្ឋមន្រ្តីនៃសាធារណរដ្ឋប្រជាមានិតចិន។ កិច្ចប្រជុំនេះ មេដឹកនាំអាស៊ានចិន បានតាមដាននូវការទស្សនាខ្សែវីដេអូអំពីការរំលឹកខួបលើកទី២៥ឆ្នាំ នៃទំនាក់ទំនងដៃគូសន្ទនាអាស៊ាន ចិន ការចេញផ្សាយសៀវភៅពីទិន្នន័យ និងតួលេខជាក់លាក់ ២៥ឆ្នាំ នៃទំនាក់ទំនងដៃគូសន្ទនាអាស៊ាន-ចិន ដោយថ្នាក់ដឹកនាំនៃប្រទេសចិន ឡាវ និងពិធីកាត់នំខួបនៃទំនាក់ទំនងដៃគូសន្ទនាអាស៊ាន-ចិន ក្នុងបរិយាកាសរីករាយស្និទ្ធស្នាលបំផុត។
មេដឹកនាំអាស៊ាន-ចិន បានស្វាគមន៍យ៉ាងកក់ក្តៅចំពោះការ ប្រារព្វខួបអនុស្សាវរីយ៍២៥ឆ្នាំ នៃទំនាក់ទំនងដៃគូសន្ទនាអាស៊ាន-ចិន និងបានសំដែងនូវការរីករាយចំពោះសកម្មភាព រំលឹកខួបជាច្រើន ដែលបានរៀបចំឡើងដោយភាគីទាំងពីរ ដើម្បីរួមគ្នាប្រារព្វឱកាសដ៏វិសេសវិសាលនោះ។ មេដឹកនាំទាំងអស់បានឯកភាពគ្នាក្នុងការអនុម័តនូវសេចក្តីប្រកាសរួមនៃកិច្ចប្រជុំកំពូលអាស៊ាន-ចិន លើកទី១៩ ដើម្បីរំលឹកខួបអនុស្សាវរីយ៍២៥ឆ្នាំ នៃទំនាក់ទំនងដៃគូសន្ទនាអាស៊ាន-ចិន។ ទន្ទឹមនឹងនេះមេដឹកនាំអាស៊ាន-ចិន បានអះអាងសារជាថ្មីនូវការប្តេជ្ញាចិត្ត ដើម្បីលើកកម្ពស់កិច្ចសហប្រតិបត្តិការលើវិស័យសន្តិសុខមិនប្រពៃណី ដូចជាការប្រឆាំងភេរវកម្ម ការជួញដូរគ្រឿងញៀន ការជួញដូរមនុស្ស និងបទល្មើសតាមអ៊ិនធើណែត។ ចិនគឺជាប្រទេសដៃគូពាណិជ្ជកម្មធំបំផុតរបស់អាស៊ាន ជាមួយនឹងទំហំពាណិជ្ជកម្មទ្វេភាគីសរុប ៣៤៦,៤ប៊ីលានដុល្លារអាមេរិក នៅឆ្នាំ២០១៥ និងលំហូរវិនិយោគផ្ទាល់ពីចិនមកកាន់អាស៊ានមាន៨,២ ប៊ីលានដុល្លាអាមេរិក ក្នុងឆ្នាំ២០១៥។ ជាមួយគ្នានេះមេដឹកនាំទាំងអស់ ក៏បានស្វាគមន៍ចំពោះការចូលជាធរមាន នៃពិធីសារនៃការធ្វើវិសោធនកម្មក្របខណ្ឌកិច្ចព្រមព្រៀង ស្តីពីកិច្ចសហប្រតិបត្តិការសេដ្ឋកិច្ចទូលំទូលាយ និងកិច្ចព្រមព្រៀងជាក់លាក់រវាងអាស៊ាននិងចិន នៅថ្ងៃទី១ ខែកក្កដាឆ្នាំ២០១៦។ ទន្ទឹមនឹងនេះមេដឹកនាំទាំងអស់ ក៏បានរំពឹងទុកការសម្រេចឲ្យបាននូវគោលដៅពាណិជ្ជកម្មសរុបចំនួន ១ទ្រីលានដុល្លាអាមេរិក និងការវិនិយោគចំនួន ១៥០ ប៊ី លានដុល្លារអាមេរិក នៅឆ្នាំ២០២០។ នៅក្នុងកិច្ចប្រជុំកំពូលនោះដែរ មេដឹកនាំទាំងអស់បានអនុម័តសេចក្តីប្រកាសរួមរវាងអាស៊ាននិងចិន ស្តីពីកិច្ចសហប្រតិបត្តិការសមត្ថភាពផលិតកម្ម និងសង្ឃឹមថានឹងផ្តល់កាលានុវត្តភាពដើម្បីពង្រឹងទំនាក់ទំនងលើវិស័យសេដ្ឋកិច្ច និងពាណិជ្ជកម្មបន្ថែមទៀត។
មេដឹកនាំអាស៊ាន បានអរគុណដល់ភាគីចិន ក្នុងការបន្តការគាំទ្រដល់ការលើកកម្ពស់ការតភ្ជាប់អាស៊ាន តាមរយៈការចូលរួមយ៉ាងសកម្ម នៃធនាគារអាស៊ីសម្រាប់វិនិយោគហេដ្ឋារចនាសម្ព័ន្ធ ក្នុងការលើកកម្ពស់ការតភ្ជាប់តំបន់ ពិសេសការកាត់បន្ថយគម្លាតអភិវឌ្ឍរវាងនិងក្នុងចំណោមប្រទេសសមាជិកអាស៊ាន ដោយរំពឹងទុកថា ការគាំទ្ររបស់ចិន ដើម្បីអនុវត្តផែនការការងារទី៣ នៃគំនិតផ្តួចផ្តើមសម្រាប់សមាហរណកម្មអាស៊ាន២០១៦-២០២០។ មេដឹកនាំអាស៊ានក៏បាន ឯកភាពពង្រឹងកិច្ចសហប្រតិបត្តិការជាក់ស្តែង ស្តីពីការគ្រប់គ្រងគ្រោះមហន្តរាយ និងលើកទឹកចិត្តដល់ការគាំទ្ររបស់ចិន សម្រាប់ការសម្រេចឲ្យបាននូវសេចក្តីថ្លែងការណ៍ស្តីពីអាស៊ានមួយ ការឆ្លើយតបមួយ ពោលគឺការឆ្លើយតបរបស់ អាស៊ានមួយទៅនឹងគ្រោះមហន្តរាយនៅក្នុងតំបន់ និងក្រៅតំបន់។ នៅក្នុងកិច្ចប្រជុំកំពូលនេះដែរមេដឹកនាំទាំងអស់ ក៏បានទទួលស្គាល់ពីតួនាទីរបស់មជ្ឈមណ្ឌលអាស៊ាន-ចិន លើការសម្របសម្រួលពាណិជ្ជកម្ម ការវិនិយោគ ទេសចរណ៍ ការអប់រំ និងការផ្លាស់ប្តូរវប្បធម៌រវាងអាស៊ាននិងចិន និងបានស្វាគមន៍ការអនុម័តនូវការកែសម្រួលអនុស្សរណៈ នៃការយោគយល់គ្នា ស្តីពីការបង្កើតមជ្ឈមណ្ឌលអាស៊ាន-ចិន។
មេដឹកនាំអាស៊ានក៏បានធ្វើការកត់សម្គាល់លើគំនិតផ្តួចផ្តើមរបស់ចិន ក្រោមក្របខណ្ឌកិច្ចសហប្រតិបត្តិការ ២+៧ សម្រាប់ទំនាក់តទំនងអាស៊ាន-ចិន និងតាំងចិត្តធ្វើការឲ្យកាន់តែជិតស្និទ្ធជាមួយចិន ដើម្បីបង្កើនកិច្ចសហប្រតិបត្តិការដោយឈរលើមូលដ្ឋានសមភាព ការគោរពគ្នាទៅវិញទៅមក ផលប្រយោជន៍និងកុងសង់ស៊ីស។ នៅក្នុងកិច្ចប្រជុំកំពូលនោះដែរមេដឹកនាំទាំងអស់បានគូសបញ្ជាក់នូវសារៈសំខាន់នៃការថែរក្សាសន្តិភាព ស្ថេរភាព សន្តិសុខនិងសេរីភាពនាវាចរណ៍ និងការហោះហើរពីលើសមុទ្រចិនខាងត្បូង ដោយក្នុងនោះមេដឹកនាំទាំងអស់ស្វាគមន៍ការអនុម័តសេចក្តីប្រការរួមរបស់រដ្ឋមន្រ្តីការបរទេសនៃប្រទេសអាស៊ាននិងចិន ស្តីពីការអនុវត្តឲ្យបានពេញលេញនិងមានប្រសិទ្ធភាព នូវសេចក្តីថ្លែងការណ៍ប្រតិបត្តិរបស់បណ្តាភាគីនៅសមុទ្រចិនខាងត្បូង (DOC) ដែលបានឆ្លុះបញ្ចាំងពីការប្តេជ្ញាចិត្តរបស់ខ្លួនដើម្បីធានានូវការអនុវត្តទាំងស្រុងនូវ (DOC) ឲ្យបានពេញលេញនិងមានប្រសិទ្ធភាព។ ខណៈដែលកត់សម្គាល់ពីការរីកចម្រើននៃការពិគ្រោះយោបល់ ស្តីពីក្រមប្រតិបត្តិ នៅសមុទ្រចិនខាងត្បូង (COC) មេដឹកនាំទាំងអស់បានលើកទឹកចិត្តឲ្យបន្តរក្សាជំហាននៃកិច្ចប្រជុំនេះ ដើម្បីឆ្ពោះទៅរកការបញ្ចប់ (COC) ឲ្យបានឆាប់ ដោយផ្អែកលើកុងសង់ស៊ីស។ ជាមួយគ្នានេះមេដឹកនាំអាស៊ាន-ចិន បានស្វាគមន៍ក្នុងការកំណត់ឆ្នាំ២០១៧ ជាឆ្នាំនៃកិច្ចសហប្រតិបត្តិការទេសចរណ៍អាស៊ាន-ចិន ដោយរំពឹងទុកនូវការបង្កើនកិច្ចសហប្រតិបត្តិការ និងសកម្មភាពនានា ក្នុងគោលបំណងជំរុញការចូលទស្សនាទៅវិញទៅមក រវាងអ្នកទេសចរណ៍ របស់អាស៊ាន និងចិន។
២)កិច្ចប្រជុំកំពូលអាស៊ាន-ជប៉ុន លើកទី១៩
បន្ទាប់ពីបានបញ្ចប់កិច្ចប្រជុំជាមួយចិន មេដឹកនាំអាស៊ានបានអញ្ជើញចូលរួមក្នុងពិធីបើកកិច្ចប្រជុំកំពូលអាស៊ាន-ជប៉ុន លើកទី១៩ ដែលមានលោក ហ្សិនហ្សូ អាបេ នាយករដ្ឋមន្រ្តីជប៉ុនចូលរួម។ មេដឹកនាំអាស៊ាន-ជប៉ុន បានបញ្ជាក់សារជាថ្មី នូវការគាំទ្រចំពោះគំនិតផ្តួចផ្តើម និងសកម្មភាពនានាដើម្បីកិច្ចសហប្រតិបត្តិការក្នុងការដោះស្រាយនូវនិន្នាការថ្មី និងបញ្ហាប្រឈមដែលកើតមានឡើង នៅក្នុងការប្រយុទ្ធប្រឆាំងឧក្រិដ្ឋកម្មឆ្លងដែន រួមទាំងភេរវកម្មនិងហិង្សាជ្រុលនិយម និងបទល្មើសតាមអ៊ិនធើណែត។
មេដឹកនាំអាស៊ានបានស្វាគមន៍ចំពោះគោលបំណងរបស់ជប៉ុន ដើម្បីចូលរួមចំណែកកាន់តែសកម្មក្នុងការថែរក្សាសន្តិសុខ ស្ថេរភាព និងវិបុលភាពនៅក្នុងតំបន់ និងសហគមន៍អន្តរជាតិ ក្រោមគោលនយោបាយរបស់ជប៉ុន គឺការរួមចំណែកដ៏សកម្មដើម្បីសន្តិភាព។ ជប៉ុនបានក្លាយជាដៃគូពាណិជ្ជកម្មធំជាងគេលំដាប់ទី២របស់អាស៊ាន និងជាប្រភពលំហូរវិនិយោគទុនដោយផ្ទាល់ពីបរទេសធំជាងគេលំដាប់ទី២មកអាស៊ាន។ ពាណិជ្ជកម្មរវាងអាស៊ាននិងជប៉ុនបានឈានដល់២៣៩,៤ប៊ីលានដុល្លាអាមេរិកក្នុងឆ្នាំ២០១៥ និងវិនិយោគផ្ទាល់ពីជប៉ុនមកអាស៊ានមានចំនួន ១៧,៤ប៊ីលានដុល្លារអាមេរិកក្នុងឆ្នាំ២០១៥។ មេដឹកនាំអាស៊ានបានស្វាគមន៍ការគាំទ្ររបស់ជប៉ុនដល់ការអភិវឌ្ឍសហគ្រិនមីក្រូធុនតូចនិងមធ្យមនៅក្នុងតំបន់ និងបានកត់សម្គាល់ពីការពង្រឹងនៃការចរចា លើភាពជាដៃគូសេដ្ឋកិច្ចទូលំទូលាយ។ ជាមួយគ្នានេះមេដឹកនាំអាស៊ានបានរំពឹងទុកថា ជប៉ុននឹងបន្តគាំទ្រលើផែនការមេ ស្តីពីការតភ្ជាប់អាស៊ានឆ្នាំ២០២៥ និងបានស្វាគមន៍គំនិតផ្តួចផ្តើម របស់ជប៉ុនក្នុងការពង្រឹកភាពជាដៃគូហេដ្ឋារចនាសម្ព័ន្ធមានគុណភាព និងគោលការណ៍ G7 Ise Shima សម្រាប់ការលើកកម្ពស់ការវិនិយោគលើហេដ្ឋារចនាសម្ព័ន្ធមានគុណភាព។
ទន្ទឹមនឹងនេះមេដឹកនាំអាស៊ានបានលើកទឹកចិត្តដល់ការគាំទ្ររបស់ជប៉ុន សម្រាប់ការតភ្ជាប់តាមផ្លូវអាកាសកាន់តែប្រសើរឡើងរវាងអាស៊ាននិងជប៉ុន និងបានស្វាគមន៍កិច្ចប្រជុំពិគ្រោះយោបល់អាស៊ាន ស្តីពីកិច្ចព្រមព្រៀងសេវាកម្មអាកាសចរណ៍ក្នុងតំបន់លើកទី១។ មេដឹកនាំអាស៊ានក៏បានស្វាគមន៍គំនិតផ្តួចផ្តើមតភ្ជាប់មេគង្គ-ជប៉ុន និងការបន្តរួមចំណែករបស់ជប៉ុន ដល់គំនិតផ្តួចផ្តើមសម្រាប់សមាហរណកម្មអាស៊ាន តាមរយៈការគាំទ្រលើការអនុវត្តផែនការការងារទី៣ នៃគំនិតផ្តួចផ្តើមសម្រាប់សមាហរណកម្មអាស៊ានសម្រាប់ឆ្នាំ២០១៦-២០២០។ មេដឹកនាំអាស៊ានក៏បានលើកទឹកចិត្តដល់ការគាំទ្ររបស់ជប៉ុន ចំពោះការសម្រេចឲ្យបាននូវសេចក្តីថ្លែងការណ៍ ស្តីពីអាស៊ានមួយ ការឆ្លើយតបមួយ ពោលគឺការឆ្លើយតបរបស់អាស៊ាន ទៅនឹងគ្រោះមហន្តរាយនៅក្នុងតំបន់និងក្រៅតំបន់។ មេដឹកនាំអាស៊ានបានរីករាយចំពោះការគាំទ្ររបស់ជប៉ុន ចំពោះលើកកម្ពស់ការអភិវឌ្ឍសុខភាពនៅក្នុងតំបន់ និងការពង្រឹងកិច្ចសហប្រតិបត្តិការនៅក្នុងវិស័យថែទាំសុខភាព រួមបញ្ចូលទាំងតាមរយៈគំនិតផ្តួចផ្តើមសុខភាពអាស៊ាន-ជប៉ុន។
ជាមួយគ្នានេះ មេដឹកនាំអាស៊ានបានរីករាយចំពោះគំនិតផ្តួចផ្តើមរបស់ជប៉ុន ស្តីពីកិច្ចសហប្រតិបត្តិការលើការអភិវឌ្ឍធនធានមនុស្សវិស័យឧស្សាហកម្ម និងមូលនិធិជប៉ុន-អាស៊ាន សម្រាប់ការផ្តល់លទ្ធភាពដល់ស្រ្តី ដើម្បីបង្កើនតួនាទីរបស់ស្រ្តីនៅក្នុងការអភិវឌ្ឍសេដ្ឋកិច្ច។ នៅក្នុងកិច្ចប្រជុំនោះដែរ មេដឹកនាំអាស៊ាន-ជប៉ុន បានគូសបញ្ជាក់ពីសារៈសំខាន់នៃការផ្លាស់ប្តូរប្រជាជននិងប្រជាជន និងស្វាគមន៍កិច្ចខិតខំប្រឹងប្រែងក្នុងការបង្កើនទំនាក់ទំនងមិត្តភាព និងលើកកម្ពស់កិច្ចសហប្រតិបត្តិការកាន់តែស៊ីជម្រៅនៅក្នុង វិស័យកីឡា តាមរយៈការបង្កើតកិច្ចប្រជុំថ្នាក់រដ្ឋមន្រ្តីវិស័យកីឡាអាស៊ាន-ជប៉ុន។ មេដឹកនាំអាស៊ាន-ជប៉ុនបានសង្កត់ធ្ងន់លើសារៈសំខាន់នៃការរក្សាសន្តិភាព សន្តិសុខ សេរីភាពនាវាចរណ៍ និងការហោះហើរឆ្លងកាត់លើសមុទ្រចិនខាងត្បូង ដោយក្នុងនោះមេដឹកនាំទាំងអស់ បានគូសបញ្ជាក់ពីសារៈសំខាន់នៃការ រក្សាភាពអត់ធ្មត់ក្នុងការធ្វើសកម្មភាពនានា និងចំពោះរដ្ឋពាក់ព័ន្ធដោះស្រាយជម្លោះដោយសន្តិវិធី ដោយអនុលោមតាមគោលការណ៍ច្បាប់អន្តរជាតិ រួមទាំងអនុសញ្ញារបស់អង្គការសហប្រជាជាតិ ស្តីពីច្បាប់សមុទ្រឆ្នាំ១៩៨២។
មេដឹកនាំជប៉ុនបានគូសបញ្ជាក់ពីតម្រូវការសម្រាប់ប្រទេសសមាជិកអាស៊ាននិងចិន ដើម្បីធានាឲ្យបាននូវការអនុវត្តឲ្យបានពេញលេញ និងមានប្រសិទ្ធភាព នូវសេចក្តីថ្លែងការណ៍ស្តីពីប្រតិបត្តិរបស់បណ្តាភាគីនៅសមុទ្រចិនខាងត្បូង (DOC) ឲ្យបានទាំងស្រុង និងបានស្វាគមន៍ចំពោះកិច្ចខិតខំប្រឹងប្រែងរបស់ប្រទេសសមាជិកអាស៊ាន និងចិន ធ្វើការឆ្ពោះទៅរកការបញ្ចប់ឲ្យបានឆាប់នូវក្រមប្រតិបត្តិនៅសមុទ្រចិនខាងត្បូង (COC) ប្រកបដោយប្រសិទ្ធភាព។ ដោយគូសបញ្ជាក់ពីសារៈសំខាន់នៃការថែរក្សា សន្តិភាព សន្តិសុខ និងស្ថេរភាពនៅឧបទ្វីបកូរ៉េ កិច្ចប្រជុំបានចែករំលែកនូវការព្រួយបារម្ភអំពីស្ថានការណ៍ថ្មីៗ នៅឧបទ្វីបកូរ៉េ រួមទាំងការសាកល្បងអាវុធនុយក្លេអ៊ែរ និងការប្រើប្រាស់បច្ចេកវិទ្យាកាំជ្រួចមីស៊ីលបាលីស្ទីក របស់សាធារណរដ្ឋប្រជាមានិតប្រជាធិបតេយ្យកូរ៉េ ដែលនោះគឺជាការរំលោភទៅលើសេចក្តីសម្រេចចិត្ត របស់ក្រុមប្រឹក្សាសន្តិសុខ អង្គការសហប្រជាជាតិ។
មេដឹកនាំអាស៊ាន-ជប៉ុន បានទទូចឲ្យសាធារណរដ្ឋប្រជាមានិតប្រជាធិបតេយ្យកូរ៉េ គោរពឲ្យបានពេញលេញ តាមសេចក្តីសម្រេចរបស់ក្រុមប្រឹក្សាសន្តិសុខ អង្គការសហប្រជាជាតិ។ ជាមួយគ្នានេះមេដឹកនាំទាំងអស់ បានអំពាវនាវឲ្យមានការរំសាយអាវុធនុយក្លេអ៊ែរនៅឧបទ្វីបកូរ៉េដោយសន្តិវិធី ពិសេសទៅទៀតនោះមេដឹកនាំទាំងអស់ បានគូសបញ្ជាក់ពីសារៈសំខាន់នៃការបង្កើតបរិយាកាសប្រកបដោយអំណោយផល ឆ្ពោះទៅរកការចាប់ផ្តើមឡើងវិញ នៃកិច្ចពិភាក្សាប្រាំមួយភាគីឲ្យបានឆាប់រហ័ស ដើម្បីជួយត្រួសត្រាយផ្លូវសម្រាប់ពង្រឹងនិងរក្សាសន្តិភាព សន្តិសុខ និងស្ថេរភាពនៅឧបទ្វីបកូរ៉េ។ ទន្ទឹមនឹងនេះមេដឹកនាំអាស៊ាន-ជប៉ុន ក៏បានសង្កត់ធ្ងន់ពីសារៈសំខាន់ ក្នុងការដោះស្រាយបញ្ហានៃកង្វល់មនុស្សធម៌ រួមមានបញ្ហាចាប់ពង្រត់មនុស្សផងដែរ៕







ឧបនាយករដ្ឋមន្រ្តី កែ គឹមយ៉ាន ផ្ញើសារថ្លែងអំណរគុណ ជូនសម្ដេចកិត្តិព្រឹទ្ធបណ្ឌិត ដែលបានអញ្ជើញ ចូលរួមបុណ្យសពឪពុកក្មេក

ឯកឧត្តមឧបនាយករដ្ឋមន្រ្តី កែ គឹមយ៉ាន បានផ្ញើសារថ្លែងអំណរគុណ ចំពោះសាររំលែកទុក្ខរបស់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងបានអញ្ជើញចូលរួមបុណ្យដោយផ្ទាល់ ចំពោះឪពុកក្មេករបស់ឯកឧត្តម ដែលបានទទួលមរណភាព កាលពីថ្ងៃទី០២ ខែកញ្ញា ឆ្នាំ២០១៦ កន្លងទៅ។
ខាងក្រោមនេះ ជាសារលិខិតថ្លែងអំណរគុណ ចំពោះសម្ដេចកិត្តិព្រឹទ្ធបណ្ឌិត របស់ឯកឧត្តមឧបនាយករដ្ឋមន្រ្តី កែ គឹមយ៉ាន៖





លិខិតមិត្តអ្នកអាន៖ តើគួរឡើងមកការពារលោក កឹម សុខា នៅថ្ងៃជម្រះក្តីដែរឬទេ?

(ភ្នំពេញ)៖ បក្សប្រឆាំងបានប្រកាសជាចំហរហើយ អំពីគម្រោងប្រមូលសមាជិក សមាជិកា សកម្មជន អ្នកគាំទ្រ និងមហាជន មកជួបជុំនៅស្នាក់ការកណ្តាល គណបក្សសង្គ្រោះជាតិ នាសង្កាត់ចាក់អង្រែលើ ខណ្ឌមានជ័យ រាជធានីភ្នំពេញនៅថ្ងៃទី ០៩ ខែកញ្ញាស្អែកនេះ ដែលចំថ្ងៃតុលាការជម្រះក្តីលោក កឹម សុខា ប្រធានស្តីទីបក្សប្រឆាំង។
ការមកប្រមូលផ្តុំមនុស្សច្រើនរាប់រយពាន់នាក់ នៅទីស្នាក់ការកណ្តាលគណបក្សប្រឆាំង ដែលមានទំហំតូច និងស្ថិតនៅតំបន់ទីប្រជុំជន ងាយនឹងប្រឈមគ្រោះថ្នាក់ ជាយថាហេតុខ្លាំងណាស់។ កន្លងមកជាបទពិសោធន៍ គណបក្សប្រឆាំងធ្លាប់បានដឹកនាំមនុស្ស និងកៀរគរប្រជាពលរដ្ឋមកធ្វើបាតុកម្ម ក្នុងរូបភាពទាមទារផ្សេងៗ ដែលបង្កឱ្យផ្ទុះឡើងនូវអំពើហឹង្សា រហូតមានការវាយបំផ្លាញទ្រព្យសម្បត្តិឯកជន និងសាធារណៈ ការបង្ករបួសស្នាម រហូតដល់មានអ្នកស្លាប់បាត់បង់ជីវិត ក្នុងហេតុការណ៍ប្រមូលផ្តុំរបស់បក្សប្រឆាំងជាបន្តបន្ទាប់។
សូមគិតដល់ក្រុមគ្រួសាររបស់អ្នកជាមុនសិន មុននឹងសម្រេចចិត្តចូលរួមក្នុងយុទ្ធនាការណាមួយ របស់គណបក្សប្រឆាំង។ ឧទាហរណ៍ជាក់ស្តែងនាពេលថ្មីៗនេះ សកម្មជនរបស់គណបក្សប្រឆាំងម្នាក់ បានជួបគ្រោះថ្នាក់ចរាចរណ៍ រហូតបាត់បង់ជីវិត ក្នុងពេលដែលធ្វើដំណើរចាកចេញពីទីស្នាក់ការកណ្តាលគណបក្សប្រឆាំង ចាក់អង្រែលើត្រឡប់ទៅផ្ទះវិញ បន្ទាប់ពីមកចូលរួមការពារលោក កឹម សុខា ដែលរស់នៅពួនសម្ងំក្នុងស្នាក់ការបក្ស។
សំនួរសួរថា តើប្រពន្ធកូន និងក្រុមគ្រួសាររបស់ជនរងគ្រោះ ដែលបានស្លាប់បាត់បង់ជីវិត ដោយសារតែខំធ្វើដំណើរមកពីចម្ងាយមកការពារលោក កឹម សុខា នឹងត្រូវរស់នៅជួបលំបាកបែបណា? តើអ្នកណានឹងចេញមុខធានាដល់ជីវភាព និងបន្ទុកគ្រួសាររបស់អ្នកស្លាប់នេះទៅ? ហើយតើក្រុមគ្រួសារសាច់ញាតិ ជនរងគ្រោះទទួលបានលទ្ធផលអ្វីខ្លះ ពីការខិតខំប្រឹងប្រែងរបស់ខ្លួន ដើម្បីបំរើមេដឹកនាំបក្សប្រឆាំង រហូតដល់ស្លាប់ខ្លួនឬទេ?
សរុបមក អត់មានទេ ដូច្នេះមុននឹងសម្រេចចិត្តចូលរួមក្នុងយុទ្ធនាការណាមួយរបស់បក្សប្រឆាំង ពិសេសការកៀរគរមនុស្សទ្រង់ទ្រាយធំដែលអាចបង្កចលាចល ផ្សេងៗក្នុងសង្គមជាតិ សូមពិចារណាឱ្យបានល្អិតល្អន់ជាមុនសិន ពីសុខទុក្ខផ្ទាល់ខ្លួនរបស់អ្នក និងក្រុមគ្រួសាររបស់ខ្លួន។ គ្រោះថ្នាក់អាចកើតមានឡើងគ្រប់ពេល វេលាដោយយើងម្នាក់ៗមិនអាចដឹងបានជាមុនឡើយ ហើយបើសិនជាអ្នកចូលរួមណាម្នាក់មានគ្រោះថ្នាក់អ្វីមួយនោះ អ្នកដែលត្រូវប្រឈមបញ្ហាខ្លាំងបំផុតនោះ គឺគ្រួសាររបស់​ជន​រងគ្រោះនោះឯង។ ដូច្នេះសូមប្រយ័ត្នប្រយែង និងគិតគូរឱ្យបានច្បាស់លាស់សិន។
ជាមួយគ្នានេះ អ្នកគាំទ្របក្សប្រឆាំងត្រូវដឹងថា ទោសកំហុសរបស់លោក កឹម សុខា គឺជាស្ថិតក្នុងចំណាត់ការរបស់តុលាការ ដែលគ្មានអ្នកណាម្នាក់មានសិទ្ធិជ្រៀតជ្រែក ឬលូកដៃកកូរកកាយនីតិវិធីរបស់តុលាការឡើយ។ បើបងប្អូនប្រជាពលរដ្ឋ ជ្រៀតជ្រែកនិតិវិធីរបស់តុលាការ និងប្រឆាំងការសម្រេចរបស់តុលាការ ទៅលើលោក កឹម សុខា នោះ មានន័យថា បងប្អូនកំពុងតែប្រព្រឹត្តល្មើសនឹងច្បាប់ហើយ។ ច្បាប់ក្រមព្រហ្មទណ្ឌ មាត្រា៥០៣ បទប្រឆាំងនឹងអ្នករាជការសាធារណៈចែងថា ការប្រឆាំងនឹងអ្នករាជការសាធារណៈ គឺជាអំពើប្រឆាំងដោយប្រើការតទល់ដោយហឹង្សា នឹងអ្នករាជការសាធារណៈ ដែលធ្វើសកម្មភាពដើម្បីអនុវត្តច្បាប់ បញ្ជារបស់អាជ្ញាធរសាធារណៈ ឬសេចក្តីសម្រេចរបស់តុលាការ។
បទប្រឆាំងនឹងអ្នករាជការសាធារណៈ ត្រូវផ្តន្ទាទោសដាក់ពន្ធនាគារពី១ខែ ទៅ៣ខែ និងពិន័យជាប្រាក់ពី ១០០.០០០រៀលទៅ ៥០០.០០០រៀល។ ក្រមព្រហ្មទណ្ឌ មាត្រា៥០៤ ស្ថានទម្ងន់ទោសនៃបទប្រឆាំងនឹងអ្នករាជការសាធារណៈ ចែងថា ការប្រឆាំងនឹងអ្នករាជការសាធារណៈ ត្រូវផ្តន្ទាទោសដាក់ពន្ធនាគារ ពី៦ខែ ទៅ១ឆ្នាំ និងពិន័យជាប្រាក់ពី ១.០០០.០០០រៀល ទៅ ២.០០០.០០០រៀល នៅក្នុងករណីដូចតទៅ៖ ១៖ ការប្រឆាំងនឹងអ្នករាជការសាធារណៈ បានប្រព្រឹត្តដោយបុគ្គលច្រើនរូប ធ្វើសកម្មភាពក្នុងឋានៈជាចារី សហចារី អ្នកផ្តើមគំនិត ឬជាអ្នកសមគំនិត។ ២៖ ចារីមានអាវុធ។
ម៉្យាងវិញទៀត ទោសកំហុសរបស់ លោក កឹម សុខា គឺមិនមានការសម្របសម្រួលខាងផ្នែកនយោបាយណាមួយឡើយ ពីព្រោះតុលាការជាស្ថាប័នឯករាជ្យ ដូច្នេះទោះបីជាបងប្អូនខំប្រឹងឡើងមកសន្ធឹកសន្ធាប់ប៉ុណ្ណាក៏អត់ប្រយោជន៍ដែរ។ បងប្អូនជាជនសាមញ្ញគ្មានលទ្ធភាពឯណា ទៅកាងជួយលោកប្រធានស្តីទីបក្សប្រឆាំងបានទេ។ ទោសកំហុសរបស់គាត់ ក៏មិនអាចលុបលាងជ្រះដោយសារ ការកេណ្ឌមនុស្សទៅស្នាក់ការគណបក្សនៅថ្ងៃជម្រះក្តីនោះដែរ, មានតែការតតាំងគ្នាតាមប្រព័ន្ធយុត្តិធម៌ ដើម្បីការពារខ្លួនបាន សំខាន់ជនពាក់ព័ន្ធត្រូវមានភស្តុតាងរឹងមាំក្នុងការដោះបន្ទុក។
រឿងមួយទៀតដែលអ្នកគាំទ្រ និងពលរដ្ឋត្រូវដឹង គឺនៅថ្ងៃជម្រះក្តី ទី០៩ ខែកញ្ញាស្អែកនេះ ទោះបីជាតុលាការសម្រេចថា លោក កឹម សុខា ត្រូវមានទោសរឺយ៉ាងណាក៏ដោយ ក៏លោក កឹម សុខា និងបក្ខពួកដឹងច្បាស់ខ្លាំងណាស់ថា លោកប្រធានស្តីទី កឹម សុខា នឹងមិនត្រូវប្រឈមការចាប់ខ្លួនពីសមត្ថកិច្ចភ្លាមៗនោះដែរ គឺតុលាការមាននីតិវិធីបន្តបន្ទាប់ទៀត លុះត្រាតែសាលក្រមចូលជាស្ថាពរ ទើបអនុវត្តការចាប់ខ្លួនបាន។
ប៉ុន្តែក្រុមប្រឆាំង មានគោលដៅផ្សេងពីនេះក្នុងការប្រមូលអ្នកគាំទ្រ និងមហាជនមកស្នាក់ការបក្សប្រឆាំង គឺចេតនាប្រមូលផ្តុំមនុស្សឱ្យបានច្រើន បង្កើតហេតុការណ៍ ប្រទូស្តរាយ ដើម្បីបញ្ឆេះកំហឹងអ្នកចូលរួមឱ្យក្រោកឡើងផ្តួលរំលំរដ្ឋាភិបាលស្របច្បាប់ ក្រោមលេសឡើងមកការពារលោកប្រធានស្តីទី។ ទាំងនេះ គឺជាចេតនាដ៏ខ្មៅ កខ្វក់របស់បក្សប្រឆាំង ដែលបានរៀបចំទុក និងបានធ្វើប្រតិបត្តិការជាបន្តបន្ទាប់ ប៉ុន្តែត្រូវបរាជ័យទៅវិញ ក្រោយពីចេតនាដ៏អាក្រក់នេះត្រូវរដ្ឋាភិបាល និងអាជ្ញាធរទប់ស្កាត់បាន៕
ដោយ៖ អ្នកវិភាគពិសេស





ខែសីហាកន្លង​ទៅនេះនិស្សិត​ជាង៣០០នាក់​និងប្រជាពល​រដ្ឋជិត១០០០នាក់ ទទួល​បានការ​អប់រំអំពី​បេតិក​ភណ្ឌពី​អាជ្ញាធរ​ជាតិអប្សរា

ការថែរក្សា​ការពា​រនិងអ​ភិរក្ស​ប្រាង្គប្រា​សាទ ទំនៀមទ​ម្លាប់ប្រពៃណី​និងបរិស្ថា​នគឺទា​មទារ​ឲ្យមានកា​រចូលរួម​ពីប្រជា​ពលរដ្ឋ​និងគ្រ​ប់គូភា​គីដែ​លពា​ក់ព័ន្ធ​ទាំងអស់ ដើម្បី​លើក​កម្ពស់​នូវ​តម្លៃស​ម្បត្តិបេ​តិក​ភណ្ឌដ៏​ល្អឯក​ដល់ម​នុស្ស​ជាតិ​ជំនាន់​ក្រោយ​ទៀត។ ហេ​តុផ​លនេះ​ហើ​យ ដែ​ល​អា​ជា្ញ​ធរ​ជាតិអ​ប្សរាប​ង្កើត​ក្រុមកា​រងារស​ហគម​ន៍ អប់រំ​ផ្សព្វផ្សា​យអំ​ពីបេតិ​កភណ្ឌ​ជាប្រ​ចាំ ដ​ល់ប្រជា​ពលរដ្ឋ​នៅក្នុង​តំបន់រ​មណី​យដ្ឋាន​អង្គរ សាលា​រៀន និង​តាម​បណ្តា​សាក​លវិទ្យា​ល័យនា​នា​ក្នុង​ក្រុងខេ​ត្តសៀ​មរាប​ទាំងមូ​ល ដើម្បីឲ្យ​គ្រប់គ្នា​បានយ​ល់ ហើយ​រួ​មគ្នា​ជួយថែ​រក្សាកា​រពារនិង​អភិរក្ស​នូវសម្ប​ត្តិបេតិ​កភណ្ឌ​ទាំងអ​ស់នោះ។​
តាម​របា​យការ​ណ៍ក្រុ​មការងា​រស​ហគមន៍​របស់​អាជ្ញា​ធរជា​តិអប្ស​រាចេ​ញផ្សា​យថ្ងៃ​ទី៦ ខែ​កញ្ញា ឆ្នាំ២០​១៦បញ្ជា​ក់ថា ក្នុងខែ​សីហា​កន្លង​ទៅនេះ ក្រុ​មការងា​រសហ​គមន៍​បានចុះ​ទៅផ្ស​ព្វផ្សា​យ និង​បញ្ជ្រា​បកា​រយល់​ដឹងអំ​ពីការ​ចូល​រួមថែ​រក្សា​ការពា​រនិង​អភិរក្ស​សម្ប​ត្តិបេ​តិក​ភណ្ឌ ជូន​ដល់ប្រជា​ពល​រដ្ឋបា​នចំនួន​១៤ភូមិ​ ដែ​លមាន​ប្រជា​ពលរដ្ឋ​ចូល​រួមចំនួ​ន៨៧៧​នាក់ និងអ​ប់រំតាមសាក​លវិទ្យាល័យ​ចំនួន៣ ដែ​លមាន​និស្សិ​តចូល​រួមស​រុប៣​១៩នាក់។
ក្រៅ​ពី​អប់រំអំ​ពីបេតិ​កភ​ណ្ឌ ក្រុ​មការងា​រស​ហគ​មន៍ ក៏បា​នចុះពិ​និត្យនិ​ងអនុ​ញ្ញាតកា​រសា​ងសង់និង​ការ​ជួសជុល​សំណ​ង់តូច​ៗដល់​មូលដ្ឋា​នប្រ​ជាពល​រដ្ឋផ្ទា​ល់បា​នចំ​នួន៥​៣ករ​ណី។ នេះ​ជាការ​យកចិ​ត្តទុក​ដាក់​របស់​អាជ្ញា​ធរជា​តិអប្ស​រា ដើម្បី​ជាការចូ​លរួមស​ម្រួល​ដល់ប្រ​ជាព​លរដ្ឋ មិន​ចាំបា​ច់ធ្វើដំ​ណើរវែង​ឆ្ងាយទៅ​ដាក់ពាក្យ​ស្នើសុំដ​ល់ទីស្នា​ក់ការ។
 ជាមួ​យគ្នា​នេះ ក្រុ​មការ​ងារស​ហគម​ន៍ក៏​បានចុះ​ជួបសួ​រ​សុខទុក្ខ និង​នាំយ​កកញ្ចប់​អំណោ​យទ្រទ្រ​ង់សុខុមា​លភា​ពដល់​ស្រ្តីទើ​បសម្រា​លកូនរួ​ចចំនួ​ន១៧​៣គ្រួ​សារ ​ដែល​ជាអំ​ណោ​យដ៏​ថ្លៃថ្លា​របស់​ឯកឧ​ត្តមបណ្ឌិ​ត​សភាចា​រ្យ សុខ អាន ឧបនា​យករដ្ឋមន្ត្រី​ រដ្ឋមន្ត្រីទ​ទួលប​ន្ទុកទីស្តី​ការគណៈ​រដ្ឋមន្ត្រី និងជា​ប្រធាន​អាជ្ញាធរ​ជាតិអប្ស​រា និងលោ​កជំទាវ ព្រមទាំ​ងចូ​លរួម​ដាំកូ​នឈើ​ចំនួន​៨០០០ដើ​មលើ​ផ្ទៃដី៨​ហិកតា​នៅស្រុ​កប្រា​សាទ​បាគង៕






ក្រុមការងារគម្រោងភូមិធម្មជាតិរុនតាឯកផ្តល់បទពិសោធន៍ផ្នែកកសិកម្មដល់សហគមន៍ភូមិដំណាក់ខ្ចាស់

កាលពីថ្ងៃទី៦ ខែកញ្ញា ឆ្នាំ២០១៦កន្លងទៅនេះ គម្រោងអភិវឌ្ឍន៍ភូមិធម្មជាតិរុនតាឯក បានផ្តល់បទពិសោធន៍ការងារកសិកម្ម ដល់សហគមន៍កសិកម្មមួយដែលមកពីភូមិដំណាក់ខ្ចាស់ ឃុំសំបួរ ស្រុកក្រឡាញ់ ខេត្តសៀមរាប។ សហគមន៍កសិកម្មភូមិដំណាក់ខ្ចាស់ ជាសហគមន៍វ័យក្មេងដែលទើបបង្កើតឡើងបានជាងមួយឆ្នាំ ផ្តោតសំខាន់លើការងារកសិកម្ម និងចិញ្ចឹមសត្វ ដែលជាការបង្កើតឡើងដោយប្រជាពលរដ្ឋក្នុងភូមិផ្ទាល់។ ការមកទទួលយកបទពិសោធន៍ពីគម្រោងអភិវឌ្ឍន៍ភូមិធម្មជាតិតាឯកនៅពេលនេះ គឺក្នុងគោលបំណងពង្រឹងចំណេះដឹងលើវិស័យកសិកម្ម និងជាពិសេសគឺការធ្វើជីធម្មជាតិ។
ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរា និងជាប្រធានគម្រោងអភិវឌ្ឍភូមិជាតិរុនតាឯកបានលើកឡើងអំពីប្រវត្តិនៃការបង្កើតភូមិធម្មជាតិរុនតាឯក ដែលបានបង្កើតឡើងដោយអាជ្ញាធរជាតិអប្សរាជូនដល់សហគមន៍តាំងពីចាប់ផ្តើមបង្កើតរហូតដល់បច្ចុប្បន្ន។ អាជ្ញាធរជាតិអប្សរាមានគម្រោងជាច្រើនក្នុងការអភិវឌ្ឍភូមិធម្មជាតិរុនតាឯកនេះ ដើម្បីលើកស្ទួយដល់ជីវភាពគ្រួសាររបស់ប្រជាពលរដ្ឋដែលរស់នៅក្នុងភូមិឱ្យមានលក្ខណៈល្អប្រសើរ។ គម្រោងទាំងនេះ ដែលអាជ្ញាធរជាតិអប្សរាបានដាក់ចេញនោះគឺ ផ្តោតសំខាន់ទៅលើផ្នែកកសិកម្ម ដំណាំហូបផ្លែ បន្លែ និងការចិញ្ចឹមសត្វ និងរបៀបធ្វើជីធម្មជាតិ។ ហើយគម្រោងទាំងអស់នេះ បានជំរុញឱ្យមានការបង្កបង្កើនចំណូលជាប្រចាំថ្ងៃ និងចំណូលជាលក្ខណៈរដូវដល់គ្រួសាររបស់ពួកគាត់ផងដែរ។
ឯកឧត្តមបានបន្តថា គម្រោងអភិវឌ្ឍន៍ភូមិធម្មជាតិរុនតាឯកដែលបានរៀបចំឡើងដោយអាជ្ញាធរជាតិអប្សរានេះបាន ផ្តល់បទពិសោធន៍ បច្ចេកទេសវិជ្ជាជីវៈ និងបានរួមការសហការជាមួយសហគមន៍ដទៃជាច្រើននៅក្នុងស្រុកបន្ទាយស្រី ឬក៏មកពីស្រុក ឬតំបន់ផ្សេងៗ នៅក្នុងខេត្តសៀមរាប។

លោក យ៉ិន យឺន ប្រធានសហគមន៍ភូមិដំណាក់ខ្ចាស់បានលើកឡើងថា ក្រុមការងារសហគមន៍របស់លោករីករាយណាស់ ដែលទទួលបានបទពិសោធន៍ផ្នែកកសិកម្ម ការចិញ្ចឹមសត្វ និងរបៀបនៃការធ្វើជីកំប៉ុស្តិ៍ ជីអ៊ីអិមខ្មែរ ពីក្រុមការងារអភិវឌ្ឍន៍ភូមិធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាប។ ការជួបជុំនេះ ជាការជួបជុំដ៏មានន័យ សម្រាប់ក្រុមការងារសហគមន៍របស់លោក ព្រោះសហគមន៍ភូមិដំណាក់ខ្ចាស់ជាសហគមន៍ថ្មី មានបទពិសោធន៍តិចតួច ដូច្នេះត្រូវរៀនយកបទពិសោធន៍ពីសហគមន៍ដែលជារៀមច្បង ជាពិសេសគឺគម្រោងអភិវឌ្ឍន៍ភូមិធម្មជាតិរុនតាឯកតែម្តង ដោយសារតែភូមិនេះជាភូមិគំរូក្នុងការអភិវឌ្ឍគ្រួសារដោយផ្តោតទៅលើផ្នែកកសិកម្ម ការចិញ្ចឹមសត្វ និងការបង្កើតជីធម្មជាតិ។

លោក យឺន ក៏អរគុណផងដែរ ចំពោះគម្រោងអភិវឌ្ឍន៍ភូមិធម្មជាតិរុនតាឯក ដែលបានផ្តល់បទពិសោធន៍យ៉ាងច្រើនដល់សហគមន៍របស់លោក ជាពិសេសគឺផ្នែកកសិកម្ម ការចិញ្ចឹមសត្វ និងរបៀបនៃការធ្វើជីធម្មជាតិនេះតែម្តង។ ការសហការនេះ ជាសញ្ញាវិជ្ជមានមួយសម្រាប់សហគមន៍របស់លោក ហើយក៏ជាដំណឹងល្អដល់ប្រជាពលរដ្ឋដែលរស់នៅក្នុងភូមិផងដែរ។ ក្រុមការងារសហគមន៍របស់លោកនឹងប្តេជ្ញា ដើម្បីនាំយកចំណេះដឹងទាំងនេះ បញ្ជ្រាបទៅដល់ប្រជាកសិករនៅក្នុងភូមិដំណាក់ខ្ចាស់ និងប្រជាកសិករភូមិដទៃៗទៀតដែលស្ថិតនៅក្នុងសំបួរ៕








Wednesday, September 07, 2016

សម្តេចតេជោ​នាយករដ្ឋមន្រ្តី - ជួបសន្ទនាជា​មួយឯកឧត្តម បាន គីមូន និងពិធីពិសារអាហារ​ពេលល្ងាចនៃ​មេដឹកនាំអាស៊ាន

ឯកឧត្តម បាន គីមមូន អគ្គលេខាធិការអង្គការសហប្រជាជាតិ និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានពិភាក្សាគ្នាយ៉ាងយកចិត្តទុកដាក់ ក្នុងការធ្វើទំនាក់ទំនងរវាងអង្គការសហប្រជាជាតិ និងព្រះរាជាណាចក្រកម្ពុជា បញ្ហាតំបន់ និងអន្តរជាតិ ដែលមានការយកចិត្តទុកដាក់ដូចគ្នា។ ក្នុងជំនួបដែលធ្វើឡើង កាលពីព្រលប់ថ្ងៃទី៦កញ្ញា នៅទីក្រុងវៀងច័ន្ទ ជាទីដែលមេដឹកនាំទាំងពីរអញ្ជើញចូលរួមកិច្ចប្រជុំកំពូលអាស៊ានលើកទី២៨-២៩ និងកិច្ចប្រជុំកំពូលពាក់ព័ន្ធនានា របស់អាស៊ាន ឯកឧត្តម បាន គីមមូន មានប្រសាសន៍ដោយសេចក្តីសោមនស្សរីករាយ ដោយបានជួបសាជាថ្មីម្តងទៀត ជាមួយសម្តេចតេជោនាយករដ្ឋមន្រ្តី បន្ទាប់ពីមេដឹកនាំទាំងពីរបានជួបពិភាក្សាជាច្រើនលើកច្រើនសាររួចមកនោះ។ ក្នុងជំនួបពិភាក្សាគ្នានេះមេដឹកនាំទាំងពីរ បានធ្វើការពិភាក្សាគ្នាយ៉ាងស៊ីជម្រៅទាក់ទិនទៅនិងតុលាការកាត់ទោសមេដឹកនាំខ្មែរក្រហម ក្នុងនោះឯកឧត្តមអគ្គលេខាធិការអង្គការសហប្រជាជាតិ បានស្នើឲ្យរាជរដ្ឋាភិបាលកម្ពុជាបន្តការគាំទ្រដល់ការចំណាយ លើប្រតិបត្តិការ របស់សាលាក្តីនោះជាបន្តទៅទៀត។ ជាមួយគ្នានេះឯកឧត្តមក៏បានថ្លែងនូវការកោតសរសើរ ចំពោះកងទ័ពមួកខៀវកម្ពុជា ដែលបានចូលរួមក្នុងប្រតិបត្តិការមនុស្សធម៌ និងសកម្មភាពបោសសំអាតគ្រាប់មីន និងយុទ្ធមិនទាន់ផ្ទុះក្រោម ឆ័ក្ររបស់អង្គការសហប្រជាជាតិ។
ក្នុងជំនួបពិភាក្សាគ្នានេះដែរ ឯកឧត្តមអគ្គលេខាធិការអង្គការសហប្រជាជាតិ បានស្នើដល់ សម្តេចតេជោនាយករដ្ឋមន្រ្តី ពីការគាំទ្រដល់អង្គការសហប្រជាជាតិ លើអនុសញ្ញានៃការបម្រែបម្រួលអាកាសធាតុ ដើម្បីឲ្យអនុសញ្ញានោះចូលជាធរមាន។ សម្តេចតេជោនាយករដ្ឋមន្រ្តី បានគាំទ្រទៅ និងការស្នើឲ្យកម្ពុជាធ្វើការគាំទ្រដល់អនុសញ្ញានៃការបម្រែបម្រួលអាកាសធាតុ របស់អង្គការសហប្រជាជាតិ ដោយបានគូសបញ្ជាក់ថា នៅពេលដែលរដ្ឋសភាកម្ពុជា ចូលរួមបើកសម័យកាលនៃកិច្ចប្រជុំជាថ្មី បន្ទាប់ពីការឈប់សម្រាក់នោះ រាជរដ្ឋាភិបាលកម្ពុជា និងដាក់សំណើរនោះទៅសម័យពេញអង្គសភា ធ្វើការពិភាក្សាអនុម័ត ដើម្បីកម្ពុជាផ្តល់សច្ចាប័នលើអនុសញ្ញាប័ននោះ។ សម្តេចតេជោនាយករដ្ឋមន្រ្តី មានប្រសាសន៍សង្កត់ធ្ងន់ថា សម្តេចនិងចាត់ឲ្យ ឯកឧត្តមទេសរដ្ឋមន្រ្តី ប្រាក់ សុខុន ទៅធ្វើសេចក្តីថ្លែងការណ៍តំណាងសម្តេច ក្នុងសម័យប្រជុំរបស់អង្គការសហប្រជាជាតិ នាបំណាច់ខែកញ្ញានេះ ក្នុងការប្រកាសគាំទ្រដល់អនុសញ្ញា ដ៏មានសារៈសំខាន់នោះ ឲ្យបានហើយរួចរាល់ នៅមុនបំណាច់ឆ្នាំ២០១៦នេះ។ ឯកឧត្តមអគ្គលេខាធិការអង្គការសហប្រជាជាតិ បានថ្លែងនូវអំណរគុណជូនចំពោះ សម្តេចតេជោនាយករដ្ឋមន្រ្តី ដែលបានខិតខំសហការយ៉ាងពេញទំហឹង ក្នុងការធ្វើឲ្យសម្រេចបាននូវអនុសញ្ញាស្តីពីបម្រែបម្រួលអាកាសធាតុ ដែលជាបំណងប្រាថ្នារួមរបស់ពិភពលោកទាំងមូល។
បន្ទាប់មកនៅរាត្រីថ្ងៃទី៦កញ្ញា ឯកឧត្តមបណ្ឌិត ថងលូន ស៊ីសូលីត នាយករដ្ឋមន្រ្តីនៃសាធារណរដ្ឋប្រជាធិប តេយ្យប្រជាមានិតឡាវ និងជាប្រធានកិច្ចប្រជុំកំពូលអាស៊ានលើកទី២៨-២៩ និងលោកជំទាវ បានប្រារព្ធរៀបចំពិធីលាងសាយភោជន៍ ជាមហាកិត្តិយសដ៏ខ្ពង់ខ្ពស់បំផុត ថ្វាយនិងជូនព្រះករុណាស៊ុលតង សម្តេច ឯកឧត្តម លោកជំទាវ ប្រមុខរដ្ឋ ប្រមុខរដ្ឋាភិបាលអាស៊ានទាំង១០ប្រទេស រួមទាំងអគ្គលេខាធិការអាស៊ាន ដែលបានអញ្ជើញចូលរួមក្នុងកិច្ចប្រជុំកំពូលអាស៊ានលើកទី២៨-២៩ និងកិច្ចប្រជុំកំពូលពាក់ព័ន្ធនានា នៅទីក្រុងវៀងច័ន្ទប្រទេសឡាវ។ ពិធីដ៏មានអត្ថន័យនោះ ក៏មានការអញ្ជើញចូលរួមពីឥស្សរជនជាន់ខ្ពស់ នៃបណ្តាប្រទេសជាសមាជិកអាស៊ានជាច្រើនរូប។

ថ្លែងសុន្ទរកថា ក្នុងពិធីលាងសាយភោជន៍នោះ ឯកឧត្តមបណ្ឌិត ថងលូន ស៊ីសូលីត នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ និងជាប្រធានកិច្ចប្រជុំកំពូលអាស៊ានលើកទី២៨-២៩ មានប្រសាសន៍ក្នុងនាមរដ្ឋាភិបាល និងប្រជាជនឡាវថា ឯកឧត្តមពិតជាមានកិត្តិយសខ្លាំងណាស់ ក្នុងការជួបប្រាស្រ័យទាក់ទងដោយជិតស្និតបំផុត ជាមួយបណ្តាមេដឹកនាំអាស៊ានទាំងអស់ ដើម្បីធ្វើការពិភាក្សាទៅលើបញ្ហាជាច្រើនសម្រាប់បម្រើឲ្យផលប្រយោជន៍របស់តំបន់នៃយើងទាំងមូល។ ឯកឧត្តមមានប្រសាសន៍ដែរថា នៅក្នុងរយៈពេល៤ថ្ងៃ នៃកិច្ចប្រជុំកំពូលរបស់យើង យើងនឹងបន្តធ្វើការពិភាក្សាកាន់តែមានជិតស្និតជាមួយដៃគូតំបន់ និងក្រៅតំបន់ ដើម្បីបង្កើនកិច្ចសហប្រតិបត្តិការ និងការជួយគ្នាទៅវិញទៅមក៕