លោកនាយករដ្ឋមន្រ្តី ហ៊ុន សែន បានថ្លែងរំលឹកសារជាថ្មីអំពីការបញ្ចប់ទាំងស្រុងនូវសង្រ្គាមស៊ីវិលនៅក្នុងប្រទេសកម្ពុជា តាមរយៈការដាក់ចេញនូវនយោបាយ ឈ្នះ-ឈ្នះ ជាមួយនឹងគោលដៅពីរសំខាន់ៗចំនួនពីរដើម្បីជំរុញការអភិវឌ្ឍប្រទេសជាតិគឺមាន៖
ទី១) ប្រែក្លាយអតីតតំបន់សមរភូមិទាំងអស់អោយទៅជាតំបន់ដែលមានសុខសន្តិភាព ជាទីកន្លែងទីផ្សារពាណិជ្ជកម្ម កន្លែងកសិកម្ម
ទី២) ប្រែក្លាយតំបន់ព្រំដែននៃប្រទេសជិតខាងទាំងអស់អោយទៅជាព្រំដែនដែលមានសន្តិភាព មិត្តភាព និងសហប្រតិបត្តិការល្អជាមួយគ្នា។
ទី១) ប្រែក្លាយអតីតតំបន់សមរភូមិទាំងអស់អោយទៅជាតំបន់ដែលមានសុខសន្តិភាព ជាទីកន្លែងទីផ្សារពាណិជ្ជកម្ម កន្លែងកសិកម្ម
ទី២) ប្រែក្លាយតំបន់ព្រំដែននៃប្រទេសជិតខាងទាំងអស់អោយទៅជាព្រំដែនដែលមានសន្តិភាព មិត្តភាព និងសហប្រតិបត្តិការល្អជាមួយគ្នា។
លោកនាយករដ្ឋមន្រ្តី ហ៊ុន សែន បានថ្លែងដូចនេះនៅព្រឹកថ្ងៃទី១៦ ខែធ្នូ ឆ្នាំ២០១៩ ក្នុងឱកាសអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិត នៃសាកលវិទ្យាល័យវិទ្យាសាស្រ្តសុខាភិបាលចំនួន ២,៥៨៨នាក់ ដែលពិធីប្រគល់សញ្ញាបត្រនេះធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ។
លោកនាយករដ្ឋមន្រ្តី ហ៊ុន សែន បានគូសបញ្ជាក់ថា គោលដៅប្រែក្លាយអតីតតំបន់សមរភូមិទាំងអស់ឲ្យទៅជាតំបន់ដែលមានសុខសន្តិភាព ជាកន្លែងទីផ្សារពាណិជ្ជកម្ម កន្លែងកសិកម្ម ត្រូវបានអនុវត្តលើស ៩០% ហើយ នៅសល់ ១០% ទៀតជាតំបន់គ្រាប់មីន និងគ្រាប់មិនទាន់ផ្ទុះ ដែលត្រូវដោះស្រាយបញ្ចប់នៅឆ្នាំ២០២៥៕
