សូម​ទស្សនាវី​ដេអូ៖ សកម្មជន​គាំទ្រ​បក្ស​សង្គ្រោះ​ជាតិ​ជាង​២០០​នាក់ ស្ម័គ្រ​ចិត្តដូរ​អាវ ដុត​អាវ ផ្តាច់ខ្លួន ចូលមក​រួម​រស់​ជាមួយ​គណបក្ស​ប្រជាជន​កម្ពុជា​នៅឃុំកុមារា​ជា

ហ្វីលីពីនបំបែក​ខ្លួនចេញពីអាមេរិក អាចមានផលចំណេញ​សម្រាប់​ប្រទេសក្នុងតំបន់

ឯករាជ្យភាពនៃគោលនយោបាយការបរទេសដ៏សំខាន់បានផ្តល់នូវក្តីសង្ឃឹមចំពោះដំណោះស្រាយបញ្ហាសមុទ្រចិនខាងត្បូង។

ប្រធានាធិបតីហ្វីលីពីនលោក Rodrigo Duterte ជាថ្មីម្តងទៀតបានផ្ញើសារដ៏រំជើបរំជួលទូទាំងពិភពលោក។ នៅពេលនេះគាត់បានប្រកាសថា ប្រទេសរបស់គាត់បានផ្តាច់ទំនាក់ទំនងចេញពីសម្ព័ន្ធមិត្តអន្តរជាតិដ៏មានឥទ្ធិពលបំផុតរបស់ខ្លួនហើយ។

លោក Duterte កាលពីសប្តាហ៍មុនបានថ្លែងនៅក្នុងវេទិការពាណិជ្ជករចិន-ហ្វីលីពីនថា «ខ្ញុំសូមប្រកាសពីការផ្តាច់ខ្លួនរបស់ខ្ញុំចេញពីអាមេរិក។ ទាំងផ្នែកយោធា និងសេដ្ឋកិច្ចផងដែរ ប៉ុន្តែប្រហែលជាមិនមែនបញ្ហាសង្គមទេ»។ គាត់បានបន្ថែមថា «អាមេរិកបានខាតបង់ហើយ»។

សេចក្តីប្រកាសនេះបានបង្កឱ្យមានភាពច្របូកច្របល់ និងស្រងាកចិត្តទៅលើគោលនយោបាយការបរទេសរបស់ទីក្រុងវ៉ាស៊ីនតោន ដែលធ្វើឱ្យមានតុល្យភាពឡើងវិញនៅតំបន់អាស៊ី ដែលពឹងផ្អែកយ៉ាងខ្លាំងលើកិច្ចសហប្រតិបត្តិការរបស់ទីក្រុងម៉ានីលដើម្បីទប់ទល់នឹងភាពមហិច្ឆតាចិន។

ទោះបីជាយ៉ាងណាក៏ដោយ ទង្វើរបស់លោក Duterte បានឈានទៅរកគោលនយោបាយការបរទេសកាន់តែមានឯករាជ្យបន្ថែមទៀត ដែលអាចចំណេញទាំងប្រទេសហ្វីលីពីន និងតុល្យភាពអំណាចនៅក្នុងតំបន់ផងដែរ។ គាត់បានធ្វើសេចក្តីប្រកាស ខណៈពេលដែលគាត់ធ្វើដំណើរទស្សនកិច្ចផ្លូវរដ្ឋទៅកាន់ប្រទេសចិន គឺជាប្រទេសមួយដែលមានភាពមិនចុះសម្រុងគ្នាទាល់តែសោះជាមួយនឹងប្រទេសហ្វីលីពីនលើបញ្ហាដែនដីជាយូរមកហើយនៅសមុទ្រចិនខាងត្បូង។

ក្រសួងការបរទេសសហរដ្ឋអាមេរិកបាននិយាយថា ខ្លួនច្របូកច្របល់ដោយសារតែសេចក្តីថ្លែងការណ៍របស់លោក Duterte ប៉ុន្តែបានបញ្ជាក់ថា ទំនាក់ទំនងទ្វេភាគីនៅតែរឹងមាំដដែល។ អ្នកនាំពាក្យសេតវិមានបាននិយាយថា លោក Duterte បានបង្កឱ្យមានសេចក្តីថ្លែងការណ៍ដ៏ចម្រូងចម្រាសនាពេលថ្មីៗនេះ ដែលនាំឱ្យមានភាពមិនច្បាស់លាស់ចំពោះទំនាក់ទំនងជាមួយនឹងអាមេរិក និងមិនចុះសម្រុងគ្នាជាមួយនឹងសម្ព័ន្ធមិត្តរបស់ពួកគេ។

ប្រជាជនហ្វីលីពីនទំនងជាមិនបានត្រៀមខ្លួនសម្រាប់ការផ្លាស់ប្តូរគោលនយោបាយដ៏សោកសង្រេងនេះទេ និងមនុស្សជាច្រើនត្រូវតែភ័យខ្លាចពីផលវិបាកនៃការផ្តាច់ទំនាក់ទំនងយោធា និងសេដ្ឋកិច្ចចេញពីសម្ព័ន្ធមិត្តរបស់ខ្លួន។

លោក Albert del Rosario ដែលធ្លាប់កាន់តំណែងជារដ្ឋមន្រ្តីការបរទេសស្ថិតក្រោមរដ្ឋបាលមុនរបស់លោក Benigno Aquino បាននិយាយថា ការផ្តាច់ខ្លួនបែបនេះនឹងធ្វើឱ្យមានសោកនាដកម្មជាតិ។

ប្រធានាធិបតី Duterte មានឈ្មោះល្បីខាងនិយាយមុន គិតក្រោយ។ ហើយជាថ្មីម្តងទៀត គាត់ត្រូវបានគេបង្ខំឱ្យកែតម្រូវឡើងវិញនូវសេចក្តីថ្លែងការណ៍របស់គាត់ បន្ទាប់ពីវាបានបង្កឱ្យមានព្យុះភ្លៀង ដែលបាននិយាយកាលពីថ្ងៃសៅរ៍ថា ប្រទេសរបស់គាត់នឹងមិនផ្តាច់ចំណងជាមួយនឹងអាមេរិកទេ។

រដ្ឋមន្រ្តីការបរទេសរបស់គាត់ លោក Perfecto Yasay បានបន្ថែមថា ទីក្រុងវ៉ាស៊ីនតោននៅតែជាមិត្តដ៏ជិតស្និទ្ធរបស់ហ្វីលីពីន ប៉ុន្តែទីក្រុងម៉ានីលចង់ផ្តាច់ខ្លួនចេញពី «ផ្នត់គំនិតក្នុងការពឹងអាស្រ័យគេ និងការទទួលយកដោយគ្មានតវ៉ា» និងបង្កើតទំនាក់ទំនងឱ្យកាន់តែជិតស្និទ្ធបន្ថែមទៀតជាមួយនឹងប្រទេសដទៃ។

លោក Yasay បាននិយាយនៅក្នុងទំព័រ Facebook ថា លោក Duterte បានថ្លែងយ៉ាងច្បាស់ថា ការផ្តាច់ទំនាក់ទំនងជាមួយនឹងទីក្រុងវ៉ាស៊ីនតោន គឺមិនស្ថិតនៅក្នុងផលប្រយោជន៍ជាតិទេ។

សេចក្តីប្រកាសរបស់លោក Duterte ប្រហែលជាខ្វះខាតខាងផ្នែកការទូត ប៉ុន្តែប្រសិនបើខ្លឹមសារនៅពីក្រោយពាក្យសម្តីទាំងអស់នោះ គឺត្រូវធ្វើឡើងដើម្បីឱ្យគោលនយោបាយការបរទេសមានភាពឯករាជ្យបន្ថែមទៀត នោះប្រទេសរបស់គាត់ និងតំបន់នេះនឹងទទួលបានផលចំណេញ៕

ប្រភពពី GNN

រដ្ឋសភា ចេញសេចក្តីប្រកាសព័ត៌មានស្តីពីលទ្ធផល​នៃកិច្ចប្រជុំគណៈកម្មាធិការអចិន្រ្តៃយ៍រដ្ឋសភា

(ភ្នំពេញ)៖ នៅរសៀលថ្ងៃទី២៦ ខែតុលា ឆ្នាំ២០១៦នេះរដ្ឋសភាបាន​ចេញ​សេចក្តីប្រកាស​ព័ត៌មានជាផ្លូវការស្តីពី លទ្ធផលនៃកិច្ច​ប្រជុំគណៈកម្មាធិការ​អចិន្រ្តៃយ៍រដ្ឋសភា។

យោងតាមសេចក្តីប្រកាស​ព័ត៌មានផ្លូវការ នៃកិច្ចប្រជុំគណៈកម្មាធិការ​អចិន្រ្តៃយ៍រដ្ឋសភា បានបញ្ជាក់ឱ្យដឹងថា អង្គប្រជុំបាន​សម្រេចពិភាក្សា និងអនុម័តតាមរបៀប​វារៈមួយចំនួន រួមមាន៖ លើសេចក្តីព្រាងច្បាប់​សេចក្តីសម្រេច ស្តីពីការអនុវត្តវិន័យ​ចំពោះតំណាងរាស្រ្ត, សេចក្តីព្រាងច្បាប់ស្តីពីការអនុម័ត​យល់ព្រម លើកិច្ចព្រមព្រៀង​ទីក្រុងប៉ារីស ស្តីពីការប្រែប្រួល​អាកាសធាតុ និងបានសម្រេចប្រគល់សេចក្តី​ព្រាងច្បាប់ស្តីពីការ ទូទាត់ថវិការបស់​រដ្ឋសម្រាប់ការ​គ្រប់គ្រងឆ្នាំ២០១៥ ជាដើម។

សូមអានសេចក្តីប្រកាសព័ត៌មានផ្លូវការស្តីពី «លទ្ធផលនៃកិច្ចប្រជុំគណៈកម្មាធិការអចិន្រ្តៃយ៍រដ្ឋសភា» ដែលមានខ្លឹមសារទាំងស្រុងដូចខាងក្រោមនេះ៖

អាជ្ញាធរជាតិអប្សរាសហការជាមួយអាជ្ញាធរដែនដី ចុះរុះរើបង្គោលរបងដាំលើផ្លូវបុរាណពីលលៃទៅអង្គរ

បង្គោលរបងឈើព័ទ្ធលួសបន្លាប្រវែងប្រហែល៣០០ម៉ែត្រ ដែលមិនស្គាល់ម្ចាស់បានដាំនៅចំកណ្តាលទ្រូងផ្លូវបុរាណពីលលៃទៅអង្គរ ត្រង់ទីតាំងចន្លោះភូមិព្រៃគុយនិងភូមិគោកចាន់ ត្រូវបានកម្លាំងចម្រុះរបស់នាយកដ្ឋានអភិរក្សប្រាសាទក្រៅឧទ្យាន និងនាយកដ្ឋានសណ្តាប់ធ្នាប់និងសហប្រតិបត្តិការនៃអាជ្ញាធរជាតិអប្សរា និងអាជ្ញាធដែនដី មានភូមិព្រៃគុយ ប៉ុស្តិ៍រដ្ឋបាលសង្កាត់អំពិល និងក្រុមប្រឹក្សាសង្កាត់អំពិល ធ្វើការចុះរុះរើចេញនាព្រឹកថ្ងៃទី២៤ ខែតុលា ឆ្នាំ២០១៦។

បើតាមការឱ្យដឹងពីលោក សំ សារ៉េត ប្រធានការិយាល័យនៃនាយកដ្ឋានអភិរក្សប្រាសាទក្រៅឧទ្យានអង្គរ បានឲ្យដឹងថា៖ នេះជាលើកទី២ហើយ ដែលទីតាំងនេះត្រូវបានដាំបង្គោលរបង គឺលើទី១ ម្ចាស់ដីនៅខាងកើតផ្លូវបុរាណបានដាំបង្គោលស៊ីម៉ង់ត៍ ហើយអាជ្ញាធរជាតិអប្សរានិងអាជ្ញាធរមូលដ្ឋានបានហាមឃាត់និងឲ្យរុះរើចេញដោយខ្លួនឯង។ ចំណែកលើកទី២នេះ បានដាំបង្គោលក្រាក់ហើយព័ទ្ធលួសបន្លាចំកណ្តាលទ្រូងផ្លូវតែម្តង ប៉ុន្តែមិនស្គាល់អត្តសញ្ញាណម្ចាស់ទេ។ ដូច្នេះ ដើម្បីទប់ស្កាត់ការរំលោភយកផ្លូវបុរាណដែលជាសម្បតិ្តបេតិកភណ្ឌជាតិមិនអាចកាត់ថ្លៃបានធ្វើជាកម្មសិទ្ធិនោះ ក្រុមការងារចម្រុះបានសម្រេចរុះរើរបងលួសបន្លានេះចេញតែម្តង ដើម្បីឲ្យម្ចាស់ចេញមុខមកដោះស្រាយ។

លោក សន ចាន់ថន អ្នកបុរាណវិទ្យានៃអាជ្ញាធរជាតិអប្សរាបានប្រាប់ថា៖ ផ្លូវបុរាណមួយខ្សែនេះ គឺជាផ្លូវធំនៅសម័យអង្គរ។ អាជ្ញាធរជាតិអប្សរា មានតួនាទីថែរក្សាផ្លូវនេះទុកជាបេតិកភណ្ឌ ដើម្បីជាប្រយោជន៍សម្រាប់សហគមន៍និងប្រទេសកម្ពុជាទាំងមូលទៅថ្ងៃអនាគតទៀត ពិសេសសម្រាប់អ្នកបុរាណវិទ្យាស្វែងរកភស្តុតាងផ្សេងៗ ដែលបញ្ជាក់អំពីការរស់នៅរបស់សហគមន៍នាសម័យមុនផងដែរ។ ដូច្នេះ ប្រសិនបើប្រជាពលរដ្ឋ ឬ ម្ចាស់កម្មសិទ្ធិបន្តរំលោភបំពាននៅលើទីតាំងប្រវត្តិសាស្ត្រឬបុរាណដ្ឋានណាមួយ វានឹងធ្វើឱ្យខូចខាតឬបាត់បង់ស្លាកស្នាមនានាដែលអាចបញ្ជាក់ពីអត្តសញ្ញាណជាតិយើងបាន។

ចំពោះបញ្ហាចុះរុះរើរបងនៅលើផ្លូវបុរាណនេះដែរ លោក ឆេង សី ជាសមាជិកក្រុមប្រឹក្សាសង្កាត់អំពិល មានមតិយោបល់ថា៖ ការចូលរួមនិងការពារបេតិកភណ្ឌជាតិ ជារឿងល្អមួយសម្រាប់ប្រជាជននៅក្នុងខេត្តសៀមរាប ព្រោះទីនេះសម្បូរទៅដោយកន្លែងទេសចរណ៍ប្រវត្តិសាស្ត្រ មានប្រាសាទ ផ្លូវបុរាណយ៉ាងច្រើន ដែលជាវប្បធម៌អរិយធម៌ខ្មែរ ដែលយើងទាំងអស់គ្នាត្រូវចូលរួមថែរក្សាការពារ។ កន្លងមកយើងខ្ញុំតែងសហការយ៉ាងជិតស្និទ្ធជាមួយអាជ្ញាធរជាតិអប្សរា ដើម្បីអប់រំប្រជាពលរដ្ឋអំពីកិច្ចការពារបេតិកភណ្ឌ ពីព្រោះប្រជាពលរដ្ឋមួយចំនួនគាត់មិនយល់ថាអ្វីជារបស់បុរាណ ហើយត្រូវការពារដូចម្តេចឡើយ គាត់គ្រាន់តែដឹងថាគាត់ខ្វះខាត គាត់ត្រូវតែធ្វើនូវអ្វីដែលគាត់ចង់ធ្វើ ជាក់ស្តែងដូចជាការដាំរបងលួសបន្លានេះស្រាប់។ ដូច្នេះយើងត្រូវតែហាមឃាត់ និងពន្យល់ឲ្យគាត់យល់នូវអ្វីដែលជាបេតិកភណ្ឌជាតិត្រូវការពារ និងគោរពតាមអ្វីដែលបានកំណត់នៅលើតំបន់ការពារ៕

សម្តេចតេជោនាយករដ្ឋមន្រ្តី - អញ្ជើញទៅដល់ទីក្រុងហាណូយ សាធារណរដ្ឋសង្គមនិយមវៀតណាម

ដើម្បីចូលរួមវេទិកាសេដ្ឋកិច្ចពិភពលោកស្តីពីតំបន់មេគង្គ កិច្ចប្រជុំកមពូល CLMV លើកទី៨ និង កិច្ចប្រជុំកំពូល ACMECS លើកទី៧ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក៏ដូចជាបណ្តាមេដឹកនាំ នៃប្រទេសមីយ៉ាន់ម៉ា ឡាវ និងប្រទេសថៃ បានអញ្ជើញអញ្ជើញទៅដល់ ទីក្រុងហាណូយ សាធារណរដ្ឋសង្គម និយមវៀត ណាម ជាបន្ត បន្ទាប់គ្នា ដើម្បីចូលរួមវេទិកា សេដ្ឋកិច្ច ពិភពលោកស្តីពីតំបន់មេគង្គ កិច្ចប្រជុំកំពូល CLMV លើកទី៨ និងកិច្ចប្រជុំកំពូល ACMECS លើកទី៧ ដែលនឹងប្រារព្ធធ្វើឡើង នៅរសៀលថ្ងៃទី២៥ និងថ្ងៃទី២៦តុលា ឆ្នាំ២០១៦។

យន្តហោះពិសេស របស់ព្រះរាជាណាចក្រកម្ពុជា បានធ្វើការចុះចតដោយសុវត្តិភាពនៅ អាកាស​យាន​ដ្ឋានអន្តរជាតិ ណូយបៃ (Noi Bai)  ទីក្រុងហាណូយ កាលពីវេលាម៉ោង៩ និង ៤៥នាទី ថ្ងៃទី២៥នេះ ក្រោមវត្តមាននៃការអញ្ជើញធ្វើគារវកិច្ច ស្វាគមន៍យ៉ាងស្និទ្ធស្នាល​រ៉ាក់ទាក់បំផុត​ពី​ឯកឧត្តម លោកជំទាវ ជាថ្នាក់ដឹកនាំ និងឥស្សរជនជាន់ខ្ពស់រដ្ឋាភិបាលវៀតណាម ឯកឧត្តម ប្រាក់ ងួនហុង ឯកអគ្គរាជទូតព្រះរាជាណាចក្រកម្ពុជា ប្រចាំសាធារណរដ្ឋសង្គមនិយមវៀតណាម និង​លោក​ជំទាវ ព្រមទាំងវត្តមាន ឯកឧត្តម លោកជំទាវ ជាឥស្សរជនជាន់ខ្ពស់​រដ្ឋាភិបាល​វៀតណាម និងឥស្សរជនការទូត របស់ព្រះរាជាណាចក្រកម្ពុជាប្រចាំ សាធារណរដ្ឋសង្គម​និយមវៀតណាម​ជា​ច្រើនរូប។ ដូចគ្នានឹងបណ្តាមេដឹកនាំនៃប្រទេស ACMECS សម្តេចអគ្គមហាសេនាបតីតេជោ ហ៊ុន សែន នឹងថ្លែងសុន្ទរកថា គន្លឹៈចំនួន៤ នៅក្នុងវេទិកាសេដ្ឋកិច្ចពិភពលោកស្តីពីតំបន់មេគង្គ កិច្ចប្រជុំកំពូល CLMV លើកទី៨ និងកិច្ចប្រជុំកំពូល ACMECS លើកទី៧ នៅទីក្រុងហាណូយ ប្រទេសវៀតណាម៕

លិខិតមិត្តអ្នកអាន៖ កឹម សុខា ដាក់នុយបញ្ឆោតទណ្ឌិត សម រង្ស៊ី

ជម្លោះផ្ទៃក្នុងរបស់គណបក្សប្រឆាំងនៅតែបន្តកើតមាន ទោះបីជាមើលពីសំបកក្រៅ អតីតគូ សត្រូវទាំងពីរ ដែលម្ខាងមកពីកូតាគណបក្សសមរង្ស៊ី និងម្ខាងទៀតមកពីកូតាបក្សសិទ្ធិមនុស្សហាក់បង្ហាញនូវភាពចុះសម្រុងគ្នាចំពោះសកម្មជន និងសាធារណៈជនក៏ដោយ។

ដោយសារតែបក្សប្រឆាំងមួយនេះត្រូវបានបង្កើតឡើង រួមបញ្ជូលគ្នារវាងគណបក្សនយោបាយពីរ (តាមការបញ្ជារបស់ជនបរទេសស្បែកស) ដែលធ្លាប់ជាសត្រូវនឹងគ្នា ធ្លាប់ឈ្លោះគ្នា និងធ្លាប់តែជេរហែកហួរគ្នាកន្លងមក ទើបមនុស្សក្នុងគណបក្សនេះ ដែលមកពីកូតាបក្សពីរផ្សេងគ្នា មិនសូវចុះសម្រុងគ្នា ហើយបើតាមប្រភពផ្ទៃក្នុងបក្ស ធ្លាប់បានទម្លាយប្រាប់ជាបន្តបន្ទាប់ឱ្យដឹងថា ពួកគេតែងតែមានការអាក់អន់ចិត្ត និងឈ្លោះប្រកែកគ្នា ជាញឹកញាប់ទាក់ទងនឹងបញ្ហាផលប្រយោជន៍ និងមុខតំណែងក្នុងបក្ស។ ជាមួយគ្នានេះ មេបក្សទាំងពីរដែលប្រៀបបាននឹងពស់ក្បាលពីរ តែងតែប្រើប្រាស់ល្បិចកល បែបឈាមត្រជាក់ដើម្បីផ្តួលគ្នាទៅវិញទៅមក ក្នុងបំណងដណ្តើមប្រជាប្រិយភាពក្នុងបក្ស និងដើម្បីគោលដៅក្តោបក្តាប់អំណាច ព្រោះទាំងប្រធានបក្ស និងប្រធានស្តីទីបក្សនេះ សុទ្ធតែមានមហិច្ឆតាស្រមើស្រមៃចង់ក្លាយខ្លួនជានាយករដ្ឋមន្ត្រីដូចគ្នា។

សាធារណៈជនប្រហែលជានៅចាំបានហើយថា កាលពីថ្មីៗកន្លងទៅនេះ លោក កឹម សុខា បាន ប្រកាសថា « គាត់ចង់ឱ្យលោក សម រង្ស៊ី ត្រឡប់មកស្រុកខ្មែរវិញ ដឹកនាំបក្សជាមួយគ្នា ដើម្បីឱ្យគាត់មានភាពកក់ក្តៅ ប៉ុន្តែបើលោក សម រង្ស៊ី មិនចង់មកវិញទេ ក៏គាត់អាចដឹកនាំគណបក្សតែម្នាក់បានដែរ ទោះគ្មានវត្តមានលោក សម រង្ស៊ី ក៏ដោយ »។ អ្នកតាមដាននយោបាយកម្ពុជាមួយចំនួនគិតថា លោក កឹម សុខា ពិតជាចង់បានកម្លាំងបន្ថែម ព្រោះដោយសារតែគាត់នៅម្នាក់ឯងយូរពេកដូចជារងារ និងចង់បានដៃគូជួយគាំទ្រ ទើបអំពាវនាវឱ្យទណ្ឌិត សម រង្ស៊ី វិលមកកម្ពុជាវិញ ប៉ុន្តែអ្នកវិភាគនយោបាយនៅកម្ពុជាមួយចំនួន ដែលតែងតែតាមដានពីសកម្មភាពមេដឹកនាំបក្សប្រឆាំងទាំងពីរនេះ បែរជាយល់ឃើញផ្ទុយពីនេះទៅវិញ។

តើលោក កឹម សុខា ពិតជាមានចេតនាល្អក្នុងការហៅទណ្ឌិត សម រង្ស៊ី ឱ្យវិលចូលស្រុកវិញឬយ៉ាងណា? ទាំងដឹងហើយថា បើលោក សម រង្ស៊ី ចូលមកវិញពេលនេះ នឹងត្រូវជាប់គុកជាក់ជាមិនខាន?

អ្នកវិភាគស្ថានការណ៍នយោបាយនៅកម្ពុជាមួយចំនួនយល់ឃើញថា ការដង្ហើយហៅលោក សម រង្ស៊ី ពីសំណាក់លោក កឹម សុខា នៅពេលនេះគឺគ្រាន់តែជានុយបញ្ឆោតប៉ុណ្ណោះ។ ការហៅដៃគូរបស់ខ្លួនឱ្យវិលចូលស្រុកវិញ ទាំងកំពុងមានទោសទណ្ឌបែបនេះ វាមិនមែនជាសញ្ញាណល្អ ក្នុងការបង្ហាញភាពស្មោះត្រង់ ក្នុងទំនាក់ទំនងរបស់អ្នកទាំងពីរនោះទេ ពោលគឺគេមើលមិនឃើញ ពីសុច្ចរិតភាពក្នុងការហៅរបស់លោក កឹម សុខា ចំពោះទណ្ឌិត សម រង្ស៊ី ឡើយ ប៉ុន្តែវាគ្រាន់តែជាអន្ទាក់បញ្ឆោតលោក សម រង្ស៊ី ប៉ុណ្ណោះ។ ជាក់ស្តែងការបោះនុយតាមរបៀបដាក់ផ្កាកំផ្លោកពីលើផ្លែសន្ទូចរបស់លោក កឹម សុខា កំពុងត្រូវបានលោក សម រង្ស៊ី លោតមើលនិងបានស៊ីនុយបណ្តើរៗហើយ ជាពិសេសប៉ុន្មានថ្ងៃចុងក្រោយនេះ ទណ្ឌិត សម រង្ស៊ី បានសម្ញែងថាគាត់នឹងវិលមកកម្ពុជាវិញ។ ប៉ុន្តែទោះជាយ៉ាងណាក៍ដោយ លោក សម រង្ស៊ី ក៏មិនល្ងង់ពេកដែរ ព្រោះគាត់ស្គាល់ល្បិចពិសពុលរបស់ដៃគូខ្លួនច្បាស់។ ដូច្នេះហើយទើប សម រង្ស៊ី ធ្វើជាប្រកាសថាគាត់នឹងវិលចូលស្រុកវិញ ដែលនេះគ្មានអ្វីក្រៅពីធ្វើជាលេសសំរាប់បន្តបោកសកម្មជន និងអ្នកគាំទ្រខ្លួនប៉ុណ្ណោះ។ ជាក់ស្តែងបើលោក សម រង្ស៊ី ពិតជាក្លាហាននិងពិតជាមានឆន្ទៈចង់វិលមកវិញមែន គាត់ពិតជាត្រឡប់មកតាំងពីយូរណាស់មកហើយ ដោយមិនចាំបាច់ប្រកាសជាឳឡារិកជាមុនទេ។ ម៉្យាងវិញទៀត ការអំពាវនាវស្វែងរកការដោះដូរ និងជាប់គុកជំនួសសកម្មជន និងមន្ត្រីខ្លួននោះ គ្រាន់តែជាល្បិចនយោបាយ ក្នុងចេតនាទម្លាក់ការចោទប្រកាន់ទៅលើរដ្ឋាភិបាលតែប៉ុណ្ណោះព្រោះតាមការពិតទៅ គាត់ពិតជាដឹងច្បាស់រួចបាត់ទៅហើយថា មិនថាតែនៅកម្ពុជានោះទេទោះបីប្រទេសនៅក្នុងពិភពលោកក៍ដោយ គឺតាមផ្លូវច្បាប់គ្មានបុគ្គលណា អាចទទួលទោសជំនួសបុគ្គលដ៏ទៃបានទេ ទោះបីតែសាច់ញាតិបង្កើតក៏ដោយ ហើយការដោះដូរអ្នកទោសបែបនេះគឺមានតែពួកភេវរករទេ ដែលធ្លាប់ទាមទារធ្វើយ៉ាងដូច្នេះ។ មួយវិញទៀត បើសូម្បីតែទោសកំហុសរបស់ខ្លួនក៏លោក សម រង្ស៊ី ខ្លាចភ្នែកស រហូតរត់ចោលស្រុក៣ទៅ៤លើកហើយមិនដែលហ៊ានប្រឈមមុខផង រឿងអីដែលគាត់ហ៊ានទៅជាប់គុកជំនួសមន្ត្រី និងសកម្មជនរបស់ខ្លួននោះ។ នេះគេហៅថាល្បិចទល់នឹងល្បិច។

ដោយឡែកលោក កឹម សុខា វិញ គាត់បានគិតយ៉ាងច្បាស់ហើយថា តាមចរិតនិងអាយុជិត៧០ឆ្នាំហើយមានជំងឺផង លោក សម រង្ស៊ី នឹងមិនហ៊ានវិលចូលស្រុកទេ ហើយកាលណាគាត់ប្រកាសថា វិលមកវិញហើយបែរជាមិនហ៊ានមកវិញនោះ នឹងធ្វើឱ្យទណ្ឌិត សម រង្ស៊ី បាត់បង់តំលៃក្នុងនាមជាមេបក្ស។ ដូច្នេះនៅក្នុងគណបក្សគេនឹងមើលឃើញថាលោក កឹម សុខា នៅតែខ្លាំងជាងលោក សម រង្ស៊ី ព្រោះគាត់អាចនៅក្រាញននៀលក្នុងស្រុកខ្មែរ ទោះមានបញ្ហាអ្វីក៏ដោយ។ ទីបំផុតតំលៃរបស់ សម រង្ស៊ី នឹងកាន់តែធ្លាក់ចុះ ខណៈ កឹម សុខា នឹងលេចធ្លោ ដូចពាក្យដែលកឹម សុខា បាននិយាយទុកហើយថា ទោះបីជាគ្មានវត្តមានលោក សម រង្ស៊ី ក៏គាត់អាចដឹកនាំបក្សម្នាក់ឯងបានល្អដែរ។ នេះហើយជាល្បិចប្រជែងអំណាចនយោបាយ នៅពីក្រោយខ្នងការប្រកាសហៅដៃគូឱ្យវិលចូលស្រុកវិញរបស់ កឹម សុខា និងល្បិចសំដែងតួថាខ្លួនជាវីរៈបុរសហ៊ានជាប់គុកជំនួសកូនចៅរបស់ទណ្ឌិត សម រង្ស៊ី ដែលមនុស្សមួយចំនួនមើលមិនឃើញ គិតតែស្រែកជេរបក្សកាន់អំណាច ដោយសារតែល្បែងនយោបាយដែលបង្កប់ ដោយល្បិចកលពិសពុលរបស់មេបោកទាំងពីរនាក់នេះ៕

អត្តបទ៖ អ្នកវិភាគតុកាហ្វេ (ប្រភពពី GNN)

សម្តេចតេជោ ហ៊ុន សែន អញ្ជើញចូលរួមកិច្ចប្រជុំកំពូលកម្ពុជា-ឡាវ-មីយ៉ាន់ម៉ា-វៀតណាម នៅទីក្រុងហាណូយ ប្រទេសៀតណាម

នៅព្រឹកថ្ងៃទី២៥ ខែតុលា ឆ្នាំ២០១៦នេះ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជា ណាចក្រ​កម្ពុជា បានអញ្ជើញដឹក​នាំគណៈប្រតិភូ ទៅចូលរួម​ក្នុងកិច្ចជុំ​កំពូលកម្ពុជា ឡាវ មីយ៉ាន់ម៉ា និងវៀតណាម​លើកទី៨ CLMV កិច្ចប្រជុំកំពូល​យុទ្ធសាស្ត្រនៃ​កិច្ចសហ​ប្រតិបត្តិការ​សេដ្ឋកិច្ចអាយ៉េយ៉ាវ៉ាឌី-​ចៅប្រាយ៉ា-​មេគង្គលើកទី៧ ACMECS និងវេទិកា​សេដ្ឋកិច្ច​ពិភពលោក​ស្តីពីតំបន់មេគង្គ ដែលប្រព្រឹត្ត​ទៅចាប់ពីថ្ងៃ​ទី២៤-២៦ តុលា ឆ្នាំ២០១៦ នៅទីក្រុង​ហាណូយ ប្រទេសវៀត​ណាម ។ សម្តេច​តេជោ ហ៊ុន សែន បានបញ្ជាក់​នៅក្នុងទំព័រ​ហ្វេសប៊ុក​របស់សម្តេចថា កិច្ចជុំកំពូល​កម្ពុជា ឡាវ មីយ៉ាន់ម៉ា និងវៀតណាម​លើកទី៨នេះ នឹងធ្វើការ​ពិភាក្សាលើ​ប្រធានបទ ” ចាប់យក​ឱកាស កសាង​អនាគត ” ចំពោះកិច្ច​ប្រជុំកំពូល យុទ្ធសាស្ត្រ​នៃកិច្ចស​ហប្រតិបត្តិការ​សេដ្ឋកិច្ច​អាយ៉េយ៉ា វ៉ាឌី -ចៅប្រាយ៉ា-មេគង្គ លើកទី៧ វិញ គឺនឹងពិភាក្សា​ទៅលើប្រធានបទ “ឆ្ពោះទៅ​រកអនុតំបន់មេគង្គ ប្រកបដោយ​ឋាមភាព និងវិបុលភាព” ។ លើសពីនេះ​ទៅទៀត​ជាមួយនឹង​ភាពមិន​ច្បាស់លាស់នៃ​សេដ្ឋកិច្ច​ពិភពលោក ថ្នាក់ដឹកនាំ​នានានៃប្រទេស​កម្ពុជា ឡាវ មីយ៉ាន់ម៉ា និងវៀត​ណាម នឹងឆ្លៀតឱកាស​នៃកិច្ចប្រជុំទី​ក្រុងហាណូយ ដើម្បីចូលរួមជា​មួយថ្នាក់ដឹកនាំ​នៃប្រទេស​តំបន់មេគង្គផ្សេងទៀត ក្នុងវេទិកាសេដ្ឋកិច្ច​ពិភពលោក ស្តីពីតំបន់​មេគង្គ ដែលនឹងផ្តោត​លើប្រធាន​បទ “ការស្វែងរកជោគ​ជ័យរួមគ្នា ក្នុងតំបន់​មេគង្គ” ៕

អាជ្ញាធរជាតិអប្សរាចុះអនុស្សរណៈយោគយល់គ្នា ដើម្បីពង្រឹងកិច្ចសហប្រតិបត្តិការ ជាមួយមហាវិទ្យាល័យDong-Pusan College និងក្រុមហ៊ុន Dream Airline Tour

អនុស្សរណៈរវាង៣ភាគី គឺអាជ្ញាធរជាតិអប្សរា មហាវិទ្យាល័យដុងប៊ូសាន និងក្រុមហ៊ុនDream Airline Tour ត្រូវបានធ្វើឡើងនៅរសៀលថ្ងៃទី២៤ ខែតុលា ឆ្នាំ២០១៦ នៅទីស្នាក់ការអាជ្ញាធរជាតិអប្សរា។ គោលបំណងចម្បងនៃអនុស្សរណៈនេះគឺ ដើម្បីពង្រឹងកិច្ចសហប្រតិបត្តិការលើវិស័យអប់រំ បណ្តុះបណ្តាលវិជ្ជាជីវៈ និងការអភិវឌ្ឍវិស័យទេសចរណ៍។

  តាមខ្លឹមសារនៃអនុស្សរណៈនេះ អាជ្ញាធរជាតិអប្សរា និងភាគីសហប្រតិបត្តិការនឹងបន្តពិភាក្សាលម្អិតអំពីគម្រោងអប់រំបណ្តុះបណ្តាល ក្នុងន័យអភិវឌ្ឍធនធានមនុស្ស និងធនធានទេសចរណ៍ ដើម្បីជាប្រយោជន៍ដល់សហគមន៍មូលដ្ឋានក្នុងរមណីយដ្ឋានអង្គរ។ អនុស្សរណៈនេះមានរយៈពេល៥ឆ្នាំ ដើម្បីបំពេញបេសកកម្មរបស់ខ្លួនឲ្យបានជោគជ័យ។

   ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា មានប្រសាសន៍ក្នុងពិធីចុះហត្ថលេខានេះថា អាជ្ញាធរជាតិអប្សរាសូមវាយតម្លៃខ្ពស់ចំពោះកិច្ចសហការនេះ ហើយយើងសង្ឃឹមថា កិច្ចព្រមព្រៀងនេះនឹងជំរុញឲ្យមានការបណ្តុះបណ្តាល ការស្រាវជ្រាវ សិក្ខាសាលា សន្និសីទ ឬសកម្មភាពផ្សេងៗដែលពាក់ព័ន្ធនឹងវិស័យអប់រំ។កិច្ចព្រមព្រៀងនេះនឹងផ្តល់ឱកាសដល់មន្ត្រីជំនាញនៃអាជ្ញាធរជាតិអប្សរា បានដោះដូរបទពិសោធន៍ពីគ្នាទៅវិញទៅមកជាមួយសាកលវិទ្យាល័យDong Pusan។ ជាមួយគ្នានេះ ឯកឧត្តមអគ្គនាយក៏បានថ្លែងអំណរគុណចំពោះក្រុមហ៊ុន Dream Airline ដែលបានរួមចំណែកគាំទ្រមជ្ឈមណ្ឌលបណ្តុះបណ្តាលអង្គរ និងគម្រោងអភិវឌ្ឍន៍ភូមិធម្មជាតិរុនតាឯក។

  លោក Choi Hwan Eon សាកលវិទ្យាធិការនៃសាកលវិទ្យាល័យDong Pusan បញ្ជាក់ថា លោកមានមោទនភាពដែលបានធ្វើកិច្ចសហការនៅពេលនេះ។ “យើងមានគម្រោងល្អជាច្រើនដែលបានជជែកគ្នា និងដែលមានសរសេរទុកក្នុងខ្លឹមសារនៃអនុស្សរណៈនេះ។ យើងនឹងព្យាយាមឲ្យអស់ពីលទ្ធភាព ដើម្បីបំពេញការងារទាំងនេះឲ្យបានសម្រេចជោគជ័យ”៕

គ្រួសារកងទ័ព និងប្រជាពលរដ្ឋ ចំនួនជាង១០០០គ្រួសារ បានទទួលពិនិត្យ ពិគ្រោះ និងព្យាបាលជំងឺពីក្រុម​វេជ្ជសាស្ត្រសម្តេចតេជោ​ដោយឥតគិតថ្លៃ

នៅព្រឹកថ្ងៃទី២៣ ខែតុលា ឆ្នាំ២០១៦ ស្ថិតនៅក្នុងបរិវេណកងពលតូចអន្តរាគមន៍លេខ៨ ចំណុះឲ្យកងពលធំលេខ៣ ភូមិមរតកសម្តេចតេជោ ឃុំកន្ទួត ស្រុកជាំក្សាន្ត ខេត្តព្រះវិហារ
មុនពិធីពិនិត្យ និងព្យាបាលជំងឺ ក្រុមការងារក្រុមវេជ្ជសាស្ត្រសម្តេចតេជោបានផ្តល់អាហារពេលព្រឹក មាននំបញ្ចុក នំបុ័ង និងភេសជ្ជ: ផ្តល់ជូនប្រជាពលរដ្ឋ ទទួលទានយ៉ាងឆ្ងាញ់ពិសារ ។
ពីធីពិនិត្យជំងឺដោយឥតគិតថ្លៃនេះរួមមាន៖វះកាត់ជំងឺតូច, ពិនិត្យរោគស្ត្រី, ជំងឺទូទៅ, សម្ភព, អេកូសាស្ត្រ, ពិនិត្យ និងព្យាបាលធ្មេញ, ផ្តល់ថ្នាំទម្លាក់ដង្កូវពោះវៀន និងអប់រំសុខភាពសហគមន៍ ជូនប្រជាពលរដ្ឋ ដែលរង់ចាំការពិនិត្យ និងព្យាបាលជំងឺ ព្រមទាំងចែកជូនសម្ភារ:ប្រើប្រាស់ និងចែកជូនវែនតាជូនលោកយាយ លោកតា, រទេះរុញសម្រាប់អតីតយុទ្ធជនពិការជាច្រើននាក់។
សូមជម្រាបថា :
ក្នុងពិធីនេះ មានការចូលរួមពីនាយឧត្តមសេនីយ៍ គន់ គីម អគ្គមេបញ្ជាការរង និងនាយសេនាធិការចម្រុះនៃកងយោធពលខេមរភូមិន្ទ, នាយឧត្តមសេនីយ៍ ជា តារា អគ្គបញ្ជាការរង, មេបញ្ជាការតាមកងពល, មេបញ្ជាការសមរភូមិទិសនីមួយៗ, ឯកឧត្តម សួស យ៉ារ៉ា តំណាងរាស្ត្រខេត្តព្រះវិហារ, និងឯកឧត្តម អុន ចាន់ដា អភិបាលខេត្តចូលរួមផងដែរ។

ឯកឧត្ដម សាយ សំអាល់បានអញ្ជើញ​សំណេះសំណាល និងពិសាអាហារសាមគ្គី​ជាមួយបងប្អូន​អាជីវករក្រុងព្រះសីហនុ

នៅល្ងាចថ្ងៃអាទិត្យទី២៣ ខែតុលា ឆ្នាំ២០១៦ ឯកឧត្ដម សាយ សំអាល់ រដ្ឋមន្ត្រីក្រសួងបរិស្ថានបានអញ្ជើញសំណេះសំណាល និងពិសាអាហារសាមគ្គីជាមួយបងប្អូនអាជីវករក្រុងព្រះសីហនុ ដែលប្រកបមុខរបរផែ្នកផ្តល់សេវាកម្ម ដូចជា ម្ចាស់សណ្ឋាគារ ផ្ទះសំណាក់ ភោជនីយដ្ឋាន ប្រតិបត្តិករទេសចរណ៍ ម្ចាស់ខារាអូខេ និងរោងចក្រមួយចំនួន ក្នុងគោលបំណងស្វែងរកការគាំទ្រនិងការចូលរួមពីសំណាក់មហាជនគ្រប់មជ្ឈដ្ឋាន ក្នុងកិច្ចគាំពារបរិស្ថាន។ ឯកឧត្តមរដ្ឋមន្រ្តីបានស្នើឲ្យអាជីវករទាំងអស់បន្តចូលរួមការពារបរិស្ថាន គ្រប់គ្រងសំណល់រឹង សំណល់រាវ និងទឹកកខ្វក់ឱ្យបានផុលផុស ដើម្បីឱ្យទីក្រុងព្រះសីហនុក្លាយជាគោលដៅទាក់ទាញភ្ញៀវទេសចរ ប្រកបដោយសក្តានុពល។ ឯកឧត្ដមរដ្ឋមន្ត្រីក៏បានចលនាឲ្យអាជីវករ និងអ្នកពាក់ព័ន្ធទាំងអស់ចូលរួមគាំទ្រនិងទ្រទ្រង់សកម្មភាពថែទាំប្រភពទឹកក្បាលឆាយ ដើម្បីធានាដល់ការផ្គត់ផ្គង់ទឹកស្អាតសម្រាប់ទីក្រុងព្រះសីហនុទាំងមូល ជាពិសេសគឺដើម្បីរួមចំណែកដល់ការលើកកម្ពស់វិស័យទេសចរណ៍តំបន់ឆ្នេរសមុទ្រក្នុងខេត្តព្រះសីហនុ៕

វិចារណកថាៈ វិបត្តិផ្ទៃក្នុងគណបក្សសង្គ្រោះជាតិ

រយៈពេលមួយសប្តាហ៍កន្លងទៅនេះ បញ្ហាផ្ទៃក្នុងគណបក្សសង្គ្រោះជាតិ បានឈានដល់ដំណាក់កាល គួរឲ្យព្រួយបារម្ភ ក្រោយពេលកូនស្រីលោក កឹម សុខា ឈ្មោះ កឹម មនោវិទ្យា បានបើកការវាយប្រហារខ្លាំងៗ ទៅលើលោក សម រង្ស៊ី ដែលជាប្រធានគណបក្ស ។ ទង្វើរបស់កូនស្រី លោក កឹម សុខា គឺជាមូលហេតុ ដែលធ្វើឲ្យមានការប្រទាំងប្រទើសយ៉ាងខ្លាំង រវាងក្រុមមន្ត្រីមកពីអតីតគណបក្សសិទ្ធិមនុស្ស និងក្រុមមន្ត្រីមកពី អតីតគណបក្ស សម រង្ស៊ី ។

មន្ត្រីជាន់ខ្ពស់គណបក្សសង្គ្រោះជាតិមួយចំនួន បានលើកឡើងថា រយៈពេលប៉ុន្មាន ខែកន្លងទៅនេះ កូនស្រីលោក កឹម សុខា ដែលធ្លាប់រៀនសូត្រខ្លះៗនៅក្រៅប្រទេស បានបង្ហាញនូវចរិតក្រអើត ក្រទមច្រឡោងខាមយ៉ាងខ្លាំង ។ កូនស្រី លោក កឹម សុខា ឈ្មោះ កឹម មនោវិទ្យា ហ៊ានប្រមាថមើលស្រាលមន្ត្រី ចាស់ទុំក្នុងគណបក្សស្រេចតែអំពើចិត្ត ហើយចុងក្រោយហ៊ានប្រមាថមើលងាយ និងបើកការវាយប្រហារលោក សម រង្ស៊ី ដែលជាប្រធានគណបក្សយ៉ាងទទឹងទិស រហូតដល់មន្ត្រីចាស់ទុំមកពីអតីតគណបក្ស សម រង្ស៊ី បញ្ចេញប្រតិកម្មខ្លាំងៗតបតវិញ ។

ប្រភពពីមន្ត្រីជាន់ខ្ពស់ គណបក្សសង្គ្រោះជាតិ ដែលមិនពេញចិត្តនឹងចរិតក្រអើតក្រទមរបស់កូនស្រី លោក កឹម សុខា បានឲ្យដឹងថា នៅទីបំផុតសារជាតិជាក់ស្ដែងរបស់ លោក កឹម សុខា និងកូនស្រី ត្រូវបានលាតត្រដាង ចេញមកឲ្យសកម្មជន និងអ្នកគាំទ្រដឹងឮជាសាធារណៈតែម្ដង ។ ទង្វើរបស់នាង កឹម មនោវិទ្យា គឺជាការទាញ់ ទម្លាក់ប្រជាប្រិយភាព លោក កឹម សុខា ជាឪពុកឲ្យបាត់បង់ការគាំទ្រ ពីសកម្មជននៅថ្នាក់មូលដ្ឋាន ក្នុងប្រទេស កម្ពុជា និងនៅបរទេសជាបន្តបន្ទាប់ ។ នាង កឹម មនោវិទ្យា កំពុងតាំងខ្លួនខ្ពស់ហួសមេឃ ហ៊ានមើលស្រាល ចាស់ទុំ នៅក្នុងគណបក្ស ដោយអាងខ្លួនបានរៀនសូត្រខ្ពង់ខ្ពស់ពីក្រៅប្រទេស ហើយទង្វើបែបនេះ គឺធ្វើឲ្យនាង កឹម មនោវិទ្យា ខ្លួនឯង ប្រឈមនឹងការរិះគន់យ៉ាងខ្លាំងក្លាពីមន្ត្រីចាស់ៗ និងមានបទពិសោធន៍នយោបាយយូរឆ្នាំ។ ចំណែកលោក កឹម សុខាខ្លួនឯង មិនបានណែនាំកូនស្រីឲ្យប្រព្រឹត្តអំពើល្អនោះទេ ហើយបែរជាបណ្ដោយ ឲ្យកូនស្រីបង្ករឿងហែកហួរក្នុងគណបក្សជាបន្តបន្ទាប់ ដោយគ្មានញញើតអ្វីទាំងអស់ ។

មន្ត្រីចាស់ៗមកពីអតីតគណបក្សសិទ្ធិមនុស្សមួយចំនួន ក៏មិនពេញចិត្តនឹងទង្វើរបស់នាង កឹម មនោវិទ្យា ដែលជាកូនស្រីរបស់ លោក កឹម សុខានោះដែរ ព្រោះមួយរយៈពេលកន្លងទៅនេះ នាងកឹម មនោវិទ្យា តាំងខ្លួនខ្ពស់ ហួសគេឯង ហើយចង់ឲ្យមន្ត្រីចាស់ៗស្ដាប់ខ្លួនទៅវិញ។ ទន្ទឹមនឹងនេះ រឿងអាស្រូវស្រីញីរបស់លោក កឹម សុខា ដែលធ្វើឲ្យលោក កឹម សុខា ប្រឈមនឹងការជាប់ឃុំក្នុងពន្ធនាគារចៀសមិនផុតនោះ គឺមិនបានធ្វើឲ្យលោក កឹម សុខា ភ្ញាក់ខ្លួននោះទេ ។ លោក កឹម សុខា នៅតែមានចរិតលោភលន់ ចង់មានចង់បានហួសហេតុ ហើយចង់ លើកតម្កើងកូនស្រីរបស់ខ្លួន និងប្រពន្ធរបស់ខ្លួនឲ្យធ្វើធំ នៅក្នុងគណបក្សសង្គ្រោះជាតិ ដើម្បីងាយស្រួលគ្រប់គ្រងគេឯងតាមអំពើចិត្ត ។ ចរិតលោភលន់ហួសហេតុរបស់លោក កឹម សុខា ដែលគិតតែប្រយោជន៍ផ្ទាល់ខ្លួន កំពុងធ្វើឲ្យគណបក្សសង្គ្រោះជាតិ មានបញ្ហាផ្ទៃក្នុង ហើយវិបត្តិលើកនេះ ប្រហែលចៀសមិនផុតពីការបែកបាក រវាងលោក សម រង្ស៊ី និងលោក កឹម សុខានោះឡើយ ។

សកម្មជន និងអ្នកគាំទ្រគណបក្សសង្គ្រោះជាតិ នៅសហរដ្ឋអាមេរិក កាណាដា អូស្ត្រាលី និងបារាំងជាដើម បានអះអាងថា មកដល់ពេលនេះ ពួកគេបានមើលឃើញយ៉ាងច្បាស់ក្រឡែត ពីចរិតលោភលន់របស់លោក កឹម សុខា ដែលគិតតែប្រយោជន៍ផ្ទាល់ខ្លួន និងក្រុមគ្រួសារខ្លួន ។ សកម្មជននៅក្រៅប្រទេសមួយចំនួន បានបញ្ជាក់ថា ពួកគេមិនស្វាគមន៍លោក កឹម សុខា តទៅទៀតទេប្រសិនបើលោក កឹម សុខា មកក្រៅប្រទេស ព្រោះពួកគេស្អប់ មនុស្ស ដែលមានចរិតលោភលន់ និងមានរឿងអាស្រូវស្រីញី អាវាសែ ខ្វះសេចក្តីថ្លៃថ្នូរ ។ ជាពិសេសទង្វើអាក្រក់ របស់នាង កឹម មនោវិទ្យា កូនស្រីលោក កឹម សុខា កាលពីប៉ុន្មានថ្ងៃមុននេះ ដែលបានបើកការវាយប្រហារ ទៅលើលោក សម រង្ស៊ី គឺជាទង្វើដែលគួរឲ្យស្អប់ខ្ពើម ។ ដោយហេតុថា កូនស្រីលោក កឹម សុខា នៅក្មេងសោះ បែរជាមានចរិតមិនល្អ បើកការវាយប្រហារលើប្រធានគណបក្សយ៉ាងគឃ្លើនតាមគំនិតខ្មៅងងឹតរបស់ខ្លួន ។

សរុបសេចក្តីមក វិបត្តិផ្ទៃក្នុងគណបក្សសង្គ្រោះជាតិ នៅពេលនេះ អាចឈានដល់ការបាក់បែកចែកផ្លូវគ្នា រវាងលោក សម រង្ស៊ី និងលោក កឹម សុខា ចៀសមិនផុតឡើយ ព្រោះអំពើអាក្រក់របស់លោក កឹម សុខា និងកូនស្រី ធ្វើឲ្យមន្ត្រីជាន់ខ្ពស់មកពីអតីតគណបក្ស សម រង្ស៊ី អត់ធ្មត់តទៅទៀតលែងបាន ។ ការសម្របសម្រួលណាមួយ នៅក្នុងគណបក្សប្រហែលជាលែងមានន័យទៀតហើយ ក្រោយពេលកូនស្រីលោក កឹម សុខា បានបើកការវាយប្រហារលើលោក សម រង្ស៊ី យ៉ាងកំរោលនាពេលថ្មីៗនេះ ។ មានការវាយតម្លៃថា ចរិតរបស់កូន ស្រីលោក កឹម សុខា អាចធ្វើឲ្យឪពុករបស់ខ្លួន ត្រូវប្រឈមនឹងសេចក្តីអាម៉ាសផងដែរ ដោយសារតែលោក កឹម សុខា មិនចេះណែនាំកូនស្រីឲ្យគោរពអ្នកនយោបាយចាស់ទុំក្នុងគណបក្ស ។ មានន័យថា រវាងលោក សម រង្ស៊ី និងលោក កឹម សុខា ឈានដល់ដំណាក់កាលទូកទៅដោយទូក ទន្លេទៅដោយទន្លេ ព្រោះអ្វីៗមិនអាចនៅជាមួយ គ្នាតទៅទៀតបាន ៕

ប្រភព៖ គេហទំព័រដើមអម្ពិល (២៤ តុលា ឆ្នាំ២០១៦)

ព្រះបរម​រតនកោដ្ឋ និង​សម្ដេចតេជោ ហ៊ុន សែន គឺជា​តួអង្គ​សំខាន់ ​ក្នុង​ការ​នាំ​មក​នូវ​កិច្ច​ព្រម​ព្រៀង​ក្រុង​ប៉ារីស​ និង​សមិទ្ធ​ផល​នានា​ ជាបន្ត​បន្ទាប់​រហូត​មក​ដល់​សព្វ​ថ្ងៃនេះ​

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី២៣ ខែតុលា ឆ្នាំ២០១៦ បានអញ្ជើញជួបសំណេះសំណាល ជាមួយអាជ្ញាធរ មន្រ្តីរាជការ និងកងកម្លាំង​ប្រដាប់​អាវុធគ្រប់ប្រភេទ ដែលជាសេនាធិការ ចំណុះឲ្យ​សាលា​រាជធានីភ្នំពេញ នៅមហោស្រពកោះពេជ្រ រាជធានី​ភ្នំពេញ ហើយដែលការជួបសំណេះ​សំណាលនេះ គឺចំនឹងថ្ងៃប្រារព្ធខួបលើកទី២៥ឆ្នាំ នៃកិច្ចព្រមព្រៀង​សន្តិភាព​ទីក្រុង​ប៉ារីស​តែម្តង។

នៅពេលចាប់ផ្តើម កិច្ចសំណេះសំណាល សម្តេចតេជោ ហ៊ុន សែន បានលើកឡើងថា គណបក្សប្រឆាំង ធ្វើខួបនៃកិច្ចព្រៀងទីក្រុងប៉ារីស ទាំងមិនដឹងថាកិច្ចព្រមព្រៀងនោះ បែរមុខ​ទៅ​ខាងណាផង!។ តែទោះយ៉ាង​ណា នៅពេលដែលគេ នឹកឃើញដល់ កិច្ចព្រមព្រៀង​សន្តិភាព​ទីក្រុងប៉ារីសគេមិនដែលភ្លេច វីរបុរស២រូប គឺព្រះបរមរតនកោដ្ឋ ព្រះករុណា​ព្រះបាទ សម្តេចព្រះនរោត្តម សីហនុ និងសម្ដេចអគ្គមហាសេនាបតី តេជោ ហ៊ុន សែន នោះទេ ព្រោះ វីរបុរស២រូបនេះ គឺជាអ្នកនាំមកនូវកិច្ចព្រមព្រៀងក្រុងប៉ារីស និងសមិទ្ធផលនានា ជាបន្តបន្ទាប់​រហូតមកដល់សព្វថ្ងៃនេះ។

សម្តេចតេជោ ហ៊ុន សែន បានអះអាងថា រូបសម្តេចផ្ទាល់ និងអតីតព្រះមហាវីរក្សត្រ សម្តេច​ព្រះនរោត្តម សីហនុ ព្រះបរមរតនកោដ្ឋ គឺជាតួអង្គយ៉ាងសំខាន់ ក្នុងការនាំមកនូវ​កិច្ច​ព្រម​ព្រៀង​សន្តិភាព ទីក្រុងប៉ារីស នាថ្ងៃទី២៣ ខែតុលា ឆ្នាំ១៩៩១ ដែលជាការបញ្ចប់​ជម្លោះ​ផ្ទៃ​ក្នុង​រវាងខ្មែរនិងខ្មែរ។ សម្តេចបានបញ្ជាក់ថា មុននឹង​មាន​កិច្ចព្រមព្រៀងនេះ សម្តេចបានជួបចរចា ជាមួយអតីតព្រះមហាក្សត្រ សម្តេចឪ ចំនួន២លើក​រួចទៅហើយ គឺនៅឆ្នាំ១៩៨៧ម្តង​និងឆ្នាំ​១៩៨៨ ម្តងទៀត។ តែទោះជាយ៉ាងណា  បើតាមសម្តេចតេជោ  កិច្ចព្រម​ព្រៀងនេះ ត្បិតតែ​បញ្ចប់​សង្រ្គាមផ្ទៃក្នុងក៏ដោយចុះ ក៏ប៉ុន្តែកម្ពុជា មិនទាន់មានឯកភាពជាតិ ទាំងស្រុង​​នៅឡើយ​នោះទេ ដោយគ្រាន់តែប្តូរពីកម្ពុជាមួយ ដែលមានតំបន់ត្រួតត្រា៤ មកជាកម្ពុជាមួយ ដែល​មាន​តំបន់​ត្រួតត្រា២ នោះគឺត្រួតត្រាដោយខ្មែរក្រហម នៅភាគពាយ័ព្យ និងដោយ​គណបក្ស​ប្រជាជនកម្ពុជា។ តែបន្ទាប់ពីដាក់ចេញ នូវគោលនយោបាយឈ្នះៗ របស់សម្តេច កាលពី​ឆ្នាំ១៩៩៦ ទើប​ក្រុម​ទាំងពីរនេះ បានធ្វើសមាហរណកម្ម ដែលនាំឱ្យមានការឯកភាពជាតិពេញ ហើយមានសន្តិភាព​រហូតដល់សព្វថ្ងៃ។

សម្តេចបានបន្តថា ​ពិតមែនហើយ​ថ្ងៃនេះ គឺជាថ្ងៃទី២៣តុលា ដែលនៅតែប៉ុន្មានម៉ោងទៀត ដល់​ពេលវេលា ​ដែលយើង​បានចុះ​ហត្ថ​លេខា​​ គឺធ្វើនៅក្នុងរង្វង់​ម៉ោងបីរសៀល នៅប្រទេស​បារាំង ត្រូវនឹងម៉ោង៨ព្រឹក នៅប្រទេសកម្ពុជា ហើយខួបលើកទី២៥នេះ យើងក៏រំលឹកទៅ​ដល់​ទិដ្ឋភាពនេះ តែវាក៏មិនមែនជាការចាំ​បាច់​ណាស់ទេ ​ស​ម្រាប់យើង​ប្រើប្រាស់ ធ្វើជាមធ្យោបាយ​ណា​មួយនោះទេ។ ​លើកលែងតែ​គណបក្សប្រឆាំង​ដែលប្រមូលផ្តុំគ្នា ហើយអ្នកខ្លះ​មិនទាំង​ដឹងថា​ កិច្ចព្រមព្រៀងទីក្រុងបារី​ស បែរមុខទៅខាងណានោះទេ ក៏ទៅហៅគេមក​ប្រមូល​ផ្តុំដែរ។ តែទោះយ៉ាងណាក៍ដោយចុះ សំរាប់រូប​សម្តេច​ផ្ទាល់ ចំពោះថ្ងៃខួប២៥ឆ្នាំ នៃកិច្ចព្រម​ព្រៀង​ទីក្រុងប៉ារីសនេះ សម្តេចតេជោ ហ៊ុន សែន សូមអំពាវនាវ​ដល់​ជនរួមជាតិទាំងអស់ ចូលរួមថែរក្សាសន្តិភាព ដើម្បីប្រទេសជាតិកម្ពុជា មានឱកាសអភិវឌ្ឍកាន់តែ រីកចម្រើន​ជឿន​លឿន​ទៅមុខទៀត។

ថ្លែង​ទៅកាន់អង្គពិធីទាំងមូល សម្តេចបានគូសបញ្ជាក់ថា​ ថ្ងៃនេះ​ សម្តេចបានជួប​សំណេះ​សំណាល ជាមួយ​មន្ត្រី​រាជការ ក្រុមប្រឹក្សាឃុំ សង្កាត់ អាជ្ញាធរមូលដ្ឋាន និងកងកម្លាំង​ប្រដាប់​អាវុធ​ទាំងអស់ ​ក្នុង​សាលា​រាជ​ធានីភ្នំពេញ បន្ទាប់ពីសម្តេច បានធ្វើដំណើរ​ទៅកាន់​បណ្តា​ខេត្ត​ចំនួន២០រួចមកហើយនោះ។ សម្តេចតេជោ បញ្ជាក់ថា ដោយសារ​តែរាជធានីភ្នំពេញ គឺមាន​ស្ថានភាពចំរុះ​ នៃគ្រប់មជ្ឈដ្ឋានស្ថាប័នថ្នាក់ជាតិ​ និងថ្នាក់​ក្រោមជាតិ ដែលស្ថិតនៅទីនេះ ហើយ​យើងក៏មានការចាំបាច់​ ដើម្បីឲ្យមានការ​ជួបជុំជាមួយ ​នឹង​ការមកចូលរួម​ ជាមួយ​ស្ថាប័ន​ថ្នាក់ជាតិ​ទាំងនេះ ដើម្បីស្តាប់នូវបញ្ហាទាំងឡាយ ដែលពាក់ព័ន្ធ​ជាមួយ​នឹង​ក្បាលម៉ាស៊ីនដឹកនាំ រួមនឹងសភាព​ការណ៍ទូទៅរបស់យើងផងដែរ។

ឯកឧត្តម ប៉ា សុជាតិវង្ស អភិបាល នៃគណៈអភិបាលរាជធានីភ្នំពេញ បានធ្វើសេចក្តីរាយ​ការណ៍ ពី​សមិទ្ធិផល​​រីកចម្រើននានា របស់សាលារាជធានីភ្នំពេញ ក្នុងរយៈពេលកន្លងមក ក្នុងនោះឯកឧត្តម ក៏បាន​រំលឹក​ដែរថា ថ្ងៃនេះជាថ្ងៃខួបទី២៥ នៃកិច្ចព្រមព្រៀងទីក្រុងបារី និងជា​ខួប​ទី២០ ​នៃ​នយោ​បាយ​ឈ្នះឈ្នះ របស់​​សម្តេចតេជោ ជាប្រមុខដឹកនាំដ៏ឆ្នើម នៃគណបក្ស​ប្រជាជន​កម្ពុជា ដែលបាន​នាំកម្ពុជា ឈាន​ឆ្ពោះ​ទៅរកការបង្រួបបង្រួមជាតិ សុខសន្តិភាព​និងការអភិវឌ្ឍ​លើគ្រប់វិស័យ​ រហូតមកដល់បច្ចុប្បន្ននេះ។​ ជាមួយ​គ្នា​នេះ ក៏ឋិតក្នុងបរិយាកាស​ ដែលប្រជាជនកម្ពុជា​ទូទាំង​ប្រទេស ​បាននឹងកំពុង​ចូលរួលយ៉ាង​សស្រាក់​សស្រាំ ក្នុង​ការ​ចុះ​ឈ្មោះក្នុងបញ្ជីបោះឆ្នោតថ្មី។ ទន្ទឹម​នេះ​ដែរ រាជធានីភ្នំពេញ​ ក៏បានត្រៀម​រៀបចំ​បុណ្យ ឯក​រាជ្យ​​ជាតិ​ខួបលើកទី៦៣ និង​ព្រះ​រាជ​ពិធី​បុណ្យអុំទូក បណ្តែតប្រទីប អកអំបុក និងសំពះព្រះខែ នៅពាក់​កណ្តាល​​ខែវិច្ឆិកាខាងមុខនេះផងដែរ៕