លោកឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុក ទីស្តីការគណៈរដ្ឋមន្ត្រី អនុញ្ញាតឲ្យឯកអគ្គរដ្ឋទូតថ្មីរបស់ប្រទេសជប៉ុនប្រចាំកម្ពុជា ជួបសម្តែងការគួរសម និងពិភាក្សាការងារ

នៅព្រឹកថ្ងៃទី៣១ ខែតុលា ឆ្នាំ២០១៩ នៅទីស្តីការគណៈរដ្ឋមន្ត្រី លោកឧបនាយករដ្ឋមន្រ្តី ប៊ិន ឈិន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានអនុញ្ញាតឲ្យលោក Masahiro MIKAMI ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសជប៉ុនប្រចាំព្រះរាជាណាចក្រកម្ពុជាចូលជួបសម្តែងការគួរសម និងពិភាក្សាការងារ ហើយលោកបានសម្តែងនូវការអបអរសាទរចំពោះលោក Masahiro MIKAMI ដែលបានមកបំពេញការងារជាឯកអគ្គរដ្ឋទូតថ្មីរបស់ប្រទេសជប៉ុនប្រចាំកម្ពុជា។

លោកឧបនាយករដ្ឋមន្ត្រី ប៊ិន ឈិន បានវាយតម្លៃខ្ពស់អំពីបទពិសោធន៍ការងារការបរទេសដ៏ប៉ិនប្រសប់របស់លោក Masahiro MIKAMI ថានឹងមានភាពងាយស្រួលដល់ការបំពេញការងារនៅក្នុងប្រទេសកម្ពុជា ជាមួយនឹងការបញ្ជាក់ថា ចាប់ពីនេះតទៅស្ថានឯកអគ្គរដ្ឋទូត សូមធ្វើការទំនាក់ទំនង ជាមួយទីស្តីការគណៈរដ្ឋមន្ត្រីដើម្បីពិភាក្សាលើបញ្ហាសំខាន់ៗជាច្រើន រួមទាំងកិច្ចការងាររបស់អង្គជំនុំជម្រះវិសាមញ្ញនៃតុការកម្ពុជា (អ.វ.ត.ក) និងអគារមជ្ឈមណ្ឌលតម្កល់ឯកសារច្បាប់ ( LDC ) ផងដែរ។

លោក ប៊ិន ឈិន បានមានប្រសាសន៍បន្ថែមថា កន្លងមកប្រទេសជប៉ុន គឺជាប្រទេសដែលបានផ្តល់ជំនួយជាថវិកាច្រើនជាងគេដែលមានទឹកប្រាក់ចំនួនប្រមាណ ៨៧លានដុល្លារអាមេរិកលើចំនួនសរុប៣១១លានដុល្លារអាមេរិកដល់ អ.វ.ត.ក មិនត្រឹមតែប៉ុណ្ណោះទេ កាលពីឆ្នាំ២០១២ រដ្ឋាភិបាលប្រទេសជប៉ុនក៏បានជួយកសាងអគារមជ្ឈមណ្ឌលតម្កល់ឯកសារច្បាប់ ( LDC ) និង គណៈមេធាវីនៃព្រះរាជាណាចក្រកម្ពុជាអស់ទឹកប្រាក់២,២លានដុល្លារអាមេរិក ហើយកាលពីថ្ងៃទី១៥ ខែតុលា ឆ្នាំ២០១៩កន្លងនេះ ជប៉ុន ក៏បានសម្រេចផ្តល់ថវិកាចំនួនប្រមាណជាង២៥១ ០០០ដុល្លាអាមេរិក បន្ថែមទៀតដើម្បីជួយទ្រទ្រង់គម្រោងការងាររបស់ LDC សម្រាប់រយៈពេល៣ឆ្នាំខាងមុខផងដែរ។

លោកឧបនាយករដ្ឋមន្ត្រីប្រចាំការ ប៊ិន ឈិន បានចាត់ទុកបេសកកម្មការទូតរបស់លោក Masahiro MIKAMI នៅកម្ពុជា គឺជាការបន្តមរតករពីឯកឧត្តមឯកអគ្គរដ្ឋទូតមុននិងដើម្បីបន្តពង្រឹងពង្រីកកិច្ចសហប្រតិបត្តិការបន្ថែមទៀតរវាងកម្ពុជា ជប៉ុនឱ្យកាន់តែមានភាពល្អប្រសើរឡើង និងក៏បានស្នើសុំ ឯកអគ្គរដ្ឋទូតជប៉ុនមេត្តាជួយសម្របសម្រួលជាមួយរដ្ឋាភិបាលជប៉ុនដើម្បីបន្តជួយផ្តល់ទាំងជំនួយឥតសំណង ឬជំនួយជាប្រាក់កម្ចីក្នុងរបៀបជាសម្បទានដើម្បីការកសាងនិងអភិវឌ្ឍរីកចម្រើនសម្រាប់កម្ពុជាផងដែរ។

លោក Masahiro MIKAMI ឯកអគ្គរដ្ឋទូតជប៉ុនថ្មី បានសម្តែងនូវការអរគុណយ៉ាងកក់ក្តៅ និងសេចក្តីសោមនស្សរីករាយជាទីបំផុតដែលបានមកធ្វើការជាឯកអគ្គរដ្ឋទូតប្រទេសជប៉ុនប្រចាំកម្ពុជាជាលើកដំបូង។ ប៉ុន្តែទោះយ៉ាងនេះក្តី លោក Masahiro MIKAMI ក៏បានស្វែងយល់ផងដែរអំពីស្ថានភាពពិតរបស់កម្ពុជា បើប្រៀបធៀបពីពេលកន្លងទៅគឺលោក Masahiro MIKAMI មានប្រសាសន៍ថា កម្ពុជាបច្ចុប្បន្នមានការអភិវឌ្ឍន៍រីកចម្រើនដ៏អស្ចារ្យ និងថាកម្ពុជាគឺជាប្រទេសដ៏ល្អ។

ឯកអគ្គរដ្ឋទូតជប៉ុនថ្មី បានប្តេជ្ញាចិត្តខ្ពស់ថានឹងពង្រឹងពង្រីកទំនាក់ទំនង និងកិច្ចសហប្រតិបត្តិការក្នុងភាពជាដៃគូរទ្វេភាគីលើវិស័យផ្សេងៗជាច្រើនទាំងផ្នែកនយោបាយ សេដ្ឋកិច្ច វប្បធម៌ជាដើមឱ្យកាន់តែរឹងមាំក្នុងនោះគាំទ្រដំណើរការរបស់សាលាក្តីខ្មែរក្រហមគឺជាការចូលរួមព្រឹងសន្តិភាព និងនីតិរដ្ឋ និងគាំទ្រ LDC គឺជាការថែរក្សា និងលើកកំពស់កេរដំណែលប្រវត្តិសាស្រ្ត សម្រាប់មនុស្សជំនាន់ក្រោយ។ នៅទីបញ្ចប់ លោក ប៊ិន ឈិន ឧបនាយករដ្ឋមន្ត្រីប្រចាំការ និងជារដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ក៏បានជូនពរដល់លោក Masahiro MIKAMI សូមបំពេញបេសកកម្មការទូតនៅកម្ពុជាឱ្យបានសមប្រកបនូវជោគជ័យគ្រប់ប្រការ៕

សារលិខិត សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ថ្លែងក្នុងឱកាសបើកបវេសនកាលឆ្នាំសិក្សា ២០១៩-២០២០

សារលិខិត សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ថ្លែងក្នុងឱកាសបើកបវេសនកាលឆ្នាំសិក្សា ២០១៩-២០២០
ថ្ងៃសុក្រ ៥កើត ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១ ខែវិច្ឆិកា ឆ្នាំ២០១៩

ស្ថានទូតខ្មែរនៅថៃ អះអាងថា ពលករខ្មែរកំពុងបម្រើការងារតាមធម្មតានៅប្រទេសថៃ ហើយរូបភាពការវិលត្រឡប់មកកម្ពុជារបស់ពលករគឺជារូបភាពចាស់ដើម្បីកេងចំណេញនយោបាយ

ស្ថានទូតកម្ពុជា ប្រចាំនៅប្រទេសថៃ បានចេញមកប្រកាសថា បច្ចុប្បន្នពលករខ្មែរនៅក្នុងប្រទេសថៃ កំពុងបម្រើការងារតាមធម្មតា ពុំមានការធ្វើដំណើរវិលត្រឡប់ទៅប្រទេសកម្ពុជា ជាគំហុក ដូចដែលសារព័ត៌មានមួយចំនួនបានធ្វើការចុះផ្សាយនោះទេ។ នេះបើតាមសេចក្ដីប្រកាសព័ត៌មាន របស់ក្រសួងការបរទេស និងសហប្រតិបត្តិការអន្តរជាតិ។

នៅក្នុងសេចក្តីប្រកាសព័ត៌មានដដែលនេះ ស្ថានទូតកម្ពុជា បានអះអាងទៀតថា កាលពីពេលថ្មីៗនេះ មានសារព័ត៌មានក្នុងស្រុក និងសារព័ត៌មានតាមបណ្តាញសង្គមមួយចំនួនបានយករូបភាពនិងឃ្លីបវីដេអូចាស់ៗ អំពីការចុះត្រួតពិនិត្យពលករបរទេសរបស់អាជ្ញាធរថៃ និងការធ្វើដំណើរឆ្លងកាត់ព្រំដែនវិលត្រឡប់ទៅចូលរួមបុណ្យចូលឆ្នាំថ្មីប្រពៃណីជាតិខ្មែររបស់បងប្អូនពលករនាពេលកន្លងមក មកធ្វើការផ្សព្វផ្សាយឡើងវិញក្នុងគោលបំណងបង្កការភ្ញាក់ផ្អើល និងអូសទាញឱ្យបងប្អូនពលករត្រឡប់ទៅប្រទេសកម្ពុជាវិញដើម្បីកេងចំណេញផ្នែកនយោបាយ។

សូមអានសេចក្តីប្រកាសព័ត៌មានខាងក្រោម៖

ប្រមុខរាជរដ្ឋាភិបាលកម្ពុជា ជំរុញឱ្យភាគីឡាវយកចិត្តទុកដាក់ពង្រីកការវិនិយោគ និងអភិវឌ្ឍន៍ហេដ្ឋារចនាសម្ព័ន្ធតភ្ជាប់នៃប្រទេសទាំងពីរ

លោកនាយករដ្ឋមន្រ្តី ហ៊ុន សែន នៅព្រឹកថ្ងៃទី២៩ ខែតុលា ឆ្នាំ២០១៩ បានអនុញ្ញាតឱ្យលោក ខាំផាន់ ភុំម៉ាថាត (Khamphanh Phommathat) សមាជិកការិយាល័យនយោបាយលេខាមជ្ឈឹមបក្សប្រជាជនបដិវត្តន៍ឡាវ ចូលជួបសម្តែងការគួរសម និងពិភាក្សាការងារមួយចំនួននៅវិមានសន្តិភាព រាជធានីភ្នំពេញ។

លោក ខាំផាន់ បានសម្តែងនូវអំណរសាទរចំពោះការរីកចម្រើន និងការអភិវឌ្ឍដ៏ប្រសើររបស់កម្ពុជា ក្រោមការដឹកនាំរបស់គណបក្សប្រជាជនកម្ពុជា ដែលមានលោកនាយករដ្ឋមន្រ្តី ហ៊ុន សែន ជាប្រមុខបក្ស ក៏ដូចជាប្រមុខរាជរដ្ឋាភិបាល។

លោក ខាំផាន់ ភុំម៉ាថាត ក៏បានជម្រាបលោកនាយករដ្ឋមន្ត្រីដែរថា ថ្នាក់ដឹកនាំឡាវ ក៏ដូចជាប្រជាជនឡាវ រីករាយ និងអបអរសាទរយ៉ាងខ្លាំង ចំពោះការលើកតម្កើង ទំនាក់ទំនងរវាងប្រទេសទាំងពីរឱ្យទៅជាដៃគូយុទ្ធសាស្ត្រគ្រប់ជ្រុងជ្រោយនាពេលថ្មីៗនេះ។

មន្ត្រីជាន់ខ្ពស់បក្សប្រជាជនបដិវត្តន៍ឡាវ បានបន្ថែមថាក្នុងដំណើរទស្សនកិច្ចរបស់លោកនៅកម្ពុជានៅពេលនេះ ដើម្បីជំរុញទំនាក់ទំនងកិច្ចសហប្រតិបត្តិការឱ្យកាន់តែស៊ីជម្រៅថែមទៀត ស្របតាមកម្រិត នៃទំនាក់ទំនងប្រទេសទាំងពីរ។ ជាពិសេសជំរុញការងារ ដែលបានចុះហត្ថលេខាហើយ រវាងថ្នាក់ដឹកនាំប្រទេសទាំងពីរឱ្យមានដំណើរការទៅមុខ និងទទួលបានជោគជ័យ។

ប្រមុខរាជរដ្ឋាភិបាលកម្ពុជា បានគូសបញ្ជាក់ថា លោកពិតជារីករាយយ៉ាងខ្លាំងចំពោះដំណើរទស្សនកិច្ចរបស់លោកនាយករដ្ឋមន្ត្រីឡាវ ថងលូន ស៊ីសូលីត កាលពីខែកញ្ញាកន្លងមកទៅនេះ ដោយបានលើកកម្ពស់ទំនាក់ទំនងរវាងកម្ពុជា និងឡាវ ឲ្យទៅជាទំនាក់ទំនងដៃគូ យុទ្ធសាស្ត្រគ្រប់ជ្រុងជ្រោយ។

នៅក្នុងដំណើរទស្សនកិច្ចនោះផងដែរ ក៏បានជំរុញទំនាក់ទំនងនេះ ដើម្បីធ្វើការរៀបចំហេដ្ឋារចនាសម្ព័ន្ធ ដើម្បីជំរុញការវិនិយោគលើវិស័យអគ្គិសនី ជាពិសេសការផ្គត់ផ្គង់អគ្គិសនីមកកម្ពុជា។ លោក បានលើកទឹកចិត្តឱ្យកម្ពុជា-ឡាវ យកចិត្តទុកដាក់ក្នុងកិច្ចសហប្រតិបត្តិការជាមួយគ្នា ជាពិសេសការជំរុញការអភិវឌ្ឍហេដ្ឋារចនាសម្ព័ន្ធ និងការវិនិយោគលើវិស័យអគ្គិសនី។

លោកនាយករដ្ឋមន្រ្តី ហ៊ុន សែន ក៏បានស្នើឱ្យប្រទេសទាំងពីរពិនិត្យមើលលទ្ធភាពមើលសក្ដានុពលផ្សេងទៀត ដែលប្រទេសទាំងពីរអាចសហកាគ្នាបាន ក្នុងន័យជំរុញ និងពង្រឹងបន្ថែមទៀតនូវទំនាក់ទំនងរវាងប្រទេសទាំងពីរឱ្យស្របតាមអ្វីដែលថ្នាក់ដឹកនាំបានលើកឡើងនូវកម្រិតនៃទំនងជាដៃគូយុទ្ធសាស្ត្រគ្រប់ជ្រុងជ្រោយនោះ៕

លិខិតមិត្តអ្នកអាន៖ រដ្ឋាភិបាលបក្សប្រជាជនគួរកាត់ «សាច់ដំបៅមហារីកសម រង្ស៊ី» គ្រវាត់ចោលត្រឹមថ្ងៃ ៩វិច្ឆិកា!

រឿងរ៉ាវឈឺចាប់អូសបន្លាយរ៉ាំរ៉ៃដោយសារភ្លើងសង្គ្រាមអស់ជាច្រើនទសវត្សរ៍រហូតដល់ទីបំផុតរុញច្រានប្រទេសឲ្យធ្លាក់ចូលក្នុងរបបប្រល័យពូជសាសន៍ ប៉ុល ពត ពិត ជាបានធ្វើឲ្យខ្មែរគ្រប់គ្នាឈឺចាប់គ្រប់គ្រាន់ណាស់ទៅហើយ។ ទម្រាំតែស្តារប្រទេសឡើងវិញបានដូចសព្វថ្ងៃ គេត្រូវការពេលស្ទើរតែកន្លះសតវត្សរ៍ឬពាក់កណ្តាលជីវិតមនុស្សដោយឆ្លងកាត់ព្យុះភ្លៀងរាប់មិនអស់។ រដ្ឋាភិបាលដឹកនាំដោយគណបក្សប្រជាជនកម្ពុជា មិនត្រឹមតែយក ជីវិតធ្វើដើមទុនដើម្បីនាំប្រទេសចេញពីរបបវាលពិឃាតប៉ុណ្ណោះទេ ប៉ុន្តែថែមទាំងបាននាំមកឲ្យប្រទេសដ៏កំសត់មួយនេះនូវសុខសន្តិភាពយ៉ាងពេញលេញដែលកម្រកើត មាននៅកម្ពុជាក្នុងប្រវត្តិសាស្ត្រ ៥០០ ឆ្នាំចុងក្រោយ។

ដូច្នេះ តើរដ្ឋាភិបាលគួរតែទុកឲ្យមនុស្សមួយក្តាប់តូចបន្តអុកឡុកសភាពការណ៍ប្រទេសជាតិដោយប៉ុនប៉ងធ្វើរដ្ឋ ប្រហារបង្ហូរឈាមខ្មែរដូចពីអតីតកាលទៀតឬយ៉ាង ណា?

ខ្ញុំសុំការយោគយលអធ្យាស្រ័យពីមេដឹកនាំបក្សបក្សកាន់ អំណាច ដែលខ្ញុំនិយាយការពិតដោយត្រង់ៗក្នុងទស្សនៈវិភាគនេះទោះបីជាខ្ញុំដឹងច្បាស់ថា «ពាក្យពិតរែងស្លែង» ក៏ដោយចុះពីព្រោះខ្ញុំយល់ឃើញថា ខ្មែរយើងបានចំ ណាយពេលវេលាឥតប្រយោជន៍ច្រើនពេកណាស់ទៅហើយក្នុងជម្លោះនយោបាយ ហើយជានយោបាយបែបបំផ្លិចបំផ្លាញដដែលៗនាំឲ្យខូចប្រយោជន៍ជាតិយ៉ាង ធ្ងន់ធ្ងរ។ នយោបាយដែលលោកសម រង្ស៊ី និងគូកនបាននិងកំពុងតែធ្វើនេះគឺមិនគួរត្រូវអនុញ្ញាតឲ្យកើតមានលើទឹកដីដ៏កំសត់នេះតទៅទៀតទាល់តែសោះ។

សម្រាប់ខ្ញុំ ៩ វិច្ឆិកាដែលលោក សម រង្ស៊ី និងគូកនគាត់បានប្រកាសកំណត់យកជាថ្ងៃវិលចូលស្រុកវិញគួរតែក្លាយជាថ្ងៃជម្រះបញ្ជីជាមួយក្រុមលោក សម រង្ស៊ី តែម្តងទៅដើម្បីជៀសវាងកុំឲ្យក្រុមនេះនៅបន្តធ្វើព្យុះភ្លៀងរំខានដល់រដ្ឋាភិបាលនិងពលរដ្ឋខ្មែរឥតឈប់ឈរយ៉ាង ដូច្នេះតទៅទៀតពីព្រោះខ្មែរត្រូវការពួតដៃគ្នាដើម្បីកសាងសេដ្ឋ កិច្ចរបស់ខ្លួនឲ្យបានរឹងមាំសម្រាប់អនាគតនៃកូនចៅយើងជំនាន់ក្រោយ។ ខ្ញុំយល់ថា ការប្រកាសកន្លងមករបស់លោកនាយករដ្ឋមន្ត្រី ហ៊ុន សែន អញ្ជើញ “អ្នកក្លា ហានអោយចូលស្រុក” វិញដែលសំដៅទៅលើលោក សម រង្ស៊ី ដើម្បីអាចចាត់វិធានការតាមផ្លូវច្បាប់មិនត្រឹមតែជាវិធីដ៏ល្អបំផុតដើម្បីជម្រះបញ្ជីខ្មៅនេះចេញពីកម្ពុជាតាមយុទ្ធសាស្ត្រ “ចាប់ឆ្កែចចកញាត់ទ្រុងប្រសើរជាងទុកឲ្យវារស់នៅក្នុងព្រៃ” ប៉ុណ្ណោះទេ ប៉ុន្តែវាក៏ជាការប្រ កាសដែលចេញពីទឹកចិត្តនិងបំណងពិតៗរបស់លោក ហ៊ុន សែន និងមេដឹកនាំគណបក្សប្រជាជនដែលចង់ឲ្យសម រង្ស៊ី វិលចូលស្រុកវិញនៅថ្ងៃ៩វិច្ឆិកា រឺ មុនថ្ងៃ៩វិច្ឆិកាទៀតផង។

ហេតុអ្វីបានជាខ្ញុំហ៊ានអះអាងយល់យ៉ាងដូច្នេះ? សម្រាប់ក្រសែភ្នែករបស់ខ្ញុំ ទាំងលោក ហ៊ុន សែន និងអ្នកដឹកនាំដទៃទៀតមិនថាជាស៊ីវីល រឺកងកំលាំងប្រដាប់អាវុធនោះទេ សុទ្ធតែមានជំហរនិងទស្សនៈយល់ឃើញដូចគ្នាថា៖

ទី១៖ បច្ចុប្បន្ននេះគឺជាឱកាសមាសដ៏ល្អបំផុតដើម្បីរៀប ចំអោយអ្នកជំនាន់ថ្មីបន្តកិច្ចការដឹកនាំប្រទេសជាតិ ប៉ុន្តែ វាជា«ការរៀបចំបន្តវេន»គឺមិនមែនជាការបន្តទំនាស់នោះឡើយ។ អ្វីដែលគួរឲ្យកត់សម្គាល់គឺ បច្ចុប្បន្ន រដ្ឋាភិបាលដឹកនាំដោយលោកនាយករដ្ឋមន្ត្រី ហ៊ុន សែន កំពុងកាន់អំណាចទាំងស្រុង ១០០% ទាំងថ្នាក់ជាតិនិងថ្នាក់ ក្រោមជាតិ ទាំងស៊ីវិលនិងកងកម្លាំងប្រដាប់អាវុធ និងទាំងកំលាំងសេដ្ឋកិច្ច។ ស្ថានការណ៍បច្ចុប្បន្ន ខុសគ្នាស្រឡះបើធៀបទៅនឹងឆ្នាំ ១៩៧៩ ដែលគណបក្ស ប្រជាជនកម្ពុជាកសាងប្រទេសពីបាតដៃទទេសុទ្ធសាធ និងក្នុងស្ថានភាពដ៏លំបាកលំបិនបំផុត ប៉ុន្តែ រដ្ឋាភិបាលគណបក្សប្រជាជននៅតែអាចពុះពារជំនះធ្វើបាននិងឈានឡើងបានដល់កំរឹតខ្ពស់ដូចសព្វថ្ងៃ។ ចុះទម្រាំស្ថានភាពដ៏មហាសែនអំណោយផលដូចបច្ចុប្បន្ននេះតើមានអ្វីគួរឲ្យព្រួយបារម្ភ? គឺ ប្រាកដជាគ្មានទាល់តែ សោះពោលគឺនពពិតជាឱកាសមាសពិតៗសម្រាប់រដ្ឋាភិបាល។

ទី២៖ គណបក្សប្រជាជនរឹងមាំខ្លាំងក៏ដោយសារតែមានសាមគ្គីភាព និងឯកភាពផ្ទៃក្នុងរឹងមាំនិងមិនដែលបាត់ម្ចាស់ការម្តងណាឡើយតាំងពីដើមរហូតដល់បច្ចុប្បន្នជាពិសេសពេលបក្សនេះត្រូវប្រឈមដោះស្រាយបញ្ហាគ្រោះថ្នាក់ដល់ជាតិម្តងៗ។ យុទ្ធមិត្តរបស់គណបក្ស ប្រជាជនដែលបានរួមដំណើរជាមួយគ្នា ស្មាកៀកស្មាគ្នាដើម្បីរំដោះប្រទេសជាតិចេញពីរបបខ្មែរក្រហមកាលពីឆ្នាំ ១៩៧៩ ពេលនេះក៏មានវ័យកាន់តែចាស់ ហើយយុទ្ធមិត្តមួយចំនួនក៏មានសុខភាពទ្រុឌទ្រោម ខណៈដែលមួយ ចំនួនទៀតក៏បានទទួលអនិច្ចកម្មទៅហើយ។ ដូច្នេះ មេ ដឹកនាំបក្សកាន់អំណាចប្រាកដជាចង់ឃើញកូនចៅជំនាន់ក្រោយបន្តរស់នៅក្នុងសុខសន្តិភាព និងការអភិវឌ្ឍដោយគ្មានអ្នកណាមកបំផ្លាញសមិទ្ធផលដ៏កម្រដែលខ្លួនខំលះបង់គ្រប់បែបយ៉ាងនិងកសាងយ៉ាងលំបាកនោះឲ្យរលាយសាបសូន្យទៅវិញបានឡើយ។

ទី៣៖ ពេលនេះគឺជាពេលដែលប្រទេសនានាលើពិភព លោកកំពុងប្រឡងប្រណាំងប្រជែងគ្នាដើម្បីកសាងសេដ្ឋកិច្ចរបស់ប្រទេសគេរៀងៗខ្លួនក្នុងនោះក៏មានកម្ពុជាដែរ។ ដូច្នេះនេះជាពេលវេលាដែលកម្ពុជាត្រូវកសាងធនធានមនុស្សជំនាន់ក្រោយឲ្យបានរឹងមាំដើម្បីអនុញ្ញាតឲ្យមេដឹកនាំជំនាន់មុនដែលមានវ័យកាន់តែចាស់ទៅហើយនោះបានផ្ទេរអំណាច និងការទទួលខុសត្រូវដល់អ្នកបន្តវេនរបស់ខ្លួន ហើយពួកគេក៏អាចមានពេល ឈប់សម្រាក និងអង្គុយចាំតម្រែតម្រង់អ្នកបន្តវេនរបស់ខ្លួនផង។

ទី៤៖ គេក៏គួរដឹងដែរថា ពេលនេះប្រជាពលរដ្ឋខ្មែរត្រូវការសន្តិភាព និងភាពសម្បូរសប្បាយនិងចង់ឃើញកូនចៅរបស់ខ្លួនរស់ក្នុងស្ថានភាពបែបនេះទៅថ្ងៃអនាគត។ ដូច្នេះ គ្មានអ្នកណាចង់ឃើញ ប្រទេសជាតិរបស់ខ្លួនធ្លាក់ក្នុងសភាពវឹកវរវិលទៅរកអតីតកាលដ៏ឈឺចាប់វិញតាមការញុះញង់របស់លោក សម រង្ស៊ីនោះឡើយ។

ទី៥៖ ងាកមកមើលស្ថានភាពលោក សម រង្ស៊ី វិញ ! បច្ចុប្បន្ន គាត់ជាអ្ននយោបាយគ្មានបក្ស គ្មានអ្នកគាំទ្រច្រើនដូចគាត់បានអះអាងនោះឡើយ ទាំងនៅក្នុងស្រុក និងក្រៅស្រុកពីព្រោះកម្លាំងរបស់លោក សម រង្ស៊ី បានបែកបាក់ខ្ទេចខ្ទីស្ទើរអស់ទៅហើយ។ ដោយឡែកពាក្យថា «សម រង្ស៊ី-កឹម សុខាជាមនុស្សតែមួយ»នោះ វាគ្រាន់តែជាល្បែងថ្ពឹនភ្នែកលើគោកដើម្បីបោកប្រាស់អ្នកគាំទ្រមួយគ្រាៗសម្រាប់ដោះទាល់តែប៉ុណ្ណោះ។ តែធាតុពិត កឹម សុខា និងសម រង្ស៊ី បែកគ្នាបាត់ទៅហើយ និងក៏គ្មានថ្ងៃចូលគ្នាវិញបានឡើយប្រៀបបានទឹកនិងប្រេង។ ស្ថិតក្នុងស្ថានភាពបែបនេះ បើសិនជាលោក សម រង្ស៊ី ហ៊ានតែប្រថុយឈានជើងចូលជាន់ដីកម្ពុជា សមត្ថកិច្ចពិតជានឹងចាប់ខ្លួនលោក សម រង្ស៊ី ញាត់គុកដោយងាយបំផុត ប្រៀបដូចជាការចាប់ឆ្កែចចកញាត់ក្នុងទ្រុងដើម្បីកុំឲ្យវាបន្តដើរព្រូសក្នុងព្រៃនាំអោយរំខានឮត្រចៀកគេឯងតទៅ ទៀត។

មានមតិយោបល់ខ្លះយល់ថា រដ្ឋាភិបាលភ្នំពេញមិនចង់អោយ សម រង្ស៊ីវិលចូលស្រុកព្រោះខ្លាចប្រឈមនឹងបញ្ហាផ្សេងៗក្រោយចាប់សម រង្ស៊ី ដាក់គុក។ ប៉ុន្តែ ខ្ញុំមិនយល់ស្របតាមទស្សនៈនេះទេពីព្រោះជំហានដើររយៈ ពេលជាង៤០ឆ្នាំរបស់រដ្ឋាភិបាលគណបក្សប្រជាជនកម្ពុជាពិតជាបានផ្តល់នូវមេរៀន និងបទពិសោធន៍យ៉ាងសម្បូរបែបនិងគ្រប់គ្រាន់ពេកក្នុងការប្រឈមមុខដោះ ស្រាយបញ្ហាដែលកើតឡើង កុំថាឡើយត្រឹមរឿងចាប់និងក្រោយចាប់លោក សម រង្ស៊ី ញាត់គុក ឬក្រោយពីអស់លោក សម រង្ស៊ី ពីឆាកនយោបាយកម្ពុជាជា យថាហេតុ។

គួរកត់សម្គាល់ថា ការស្តារប្រទេសឡើងវិញចេញពីគំនរផេះផង់ក្រោយការផ្តួលរំលំរបបខ្មែរក្រហមមិនត្រឹម តែបានធ្វើឡើងដោយមានតែបាតដៃទទេសុទ្ធសាធប៉ុណ្ណោះទេ ប៉ុន្តែ ដំណើរការកសាងប្រទេសពេលនោះបានធ្វើឡើងក្រោមសម្ពាធនិងការហ៊ុមព័ទ្ធទាំងនយោ បាយនិងសេដ្ឋកិច្ចអន្តរជាតិយ៉ាងធ្ងន់ធ្ងរទៀតផង។ ប៉ុន្តែ ទោះជាយ៉ាងនេះក៏ដោយ រដ្ឋាភិបាលគណបក្សប្រជាជនកម្ពុជានៅតែអាចជម្នះបានឧបសគ្គដ៏មហាសែនលំបាកទាំងនោះរហូតកសាងប្រទេសបានដូចសព្វថ្ងៃ។

ក្នុងចន្លោះពេលនោះទៀតសោត មានព្រឹត្តិការណ៍សំខាន់ៗជាច្រើនដែលរដ្ឋាភិបាលគណបក្សប្រជាជនកម្ពុជាបានឆ្លងកាត់ដោយជោជ័យ។ ជាក់ស្តែង ព្រឹត្តិការណ៍ ៥ និង ៦ កក្កដា ឆ្នាំ ១៩៩៧ ដែលជាការតទល់ជាមួយកម្លាំងប៉ុនប៉ងធ្វើរដ្ឋប្រហាររបស់សម្តេចក្រុមព្រះដោយមានទាំងការប្រើប្រាស់កម្លាំងខ្មែរក្រហមជាជំនួយផង ក៏ប៉ុន្តែ ការ ប៉ុនប៉ងនេះត្រូវបរាជ័យក្រោមកណ្តាប់ដៃដែករបស់រដ្ឋា ភិបាលដឹកនាំដោយលោកនាយករដ្ឋមន្ត្រី ហ៊ុន សែន។ ក្រៅពីនោះ កម្ពុជាក៏ត្រូវប្រឈមនឹងវិបត្តិសេដ្ឋកិច្ចសាកលធំៗពីរដែលកើតមានឡើងកាលពីឆ្នាំ ១៩៩៧ និងឆ្នាំ ២០០៧-២០០៨ ប៉ុន្តែ កម្ពុជានៅតែអាចទប់ទល់បានយ៉ាងល្អ។

យុទ្ធសាស្ត្រឌីហ្វីត (Divide – Isolate – Finish – Integrate – Develop) ដើម្បីបំផ្លាញអង្គការចាត់តាំងនយោបាយនិងយោធារបស់ខ្មែរក្រហមកាលពីឆ្នាំ ១៩៩៨ ក៏ធ្វើឡើងក្រោមគំនិតដឹកនាំរបស់លោកនាយករដ្ឋមន្ត្រី ហ៊ុន សែន ដែរ។ និងចុងក្រោយនេះគេក៏មិនត្រូវភ្លេចដែរនូវព្រឹត្តិការណ៍ក្រោយការ បោះឆ្នោត ឆ្នាំ២០១៣ ដែលក្រុម លោក សម រង្ស៊ី បានប្រើប្រាស់កម្លាំងមហា ជនដើម្បីផ្តួលរំលំដ្ឋាភិបាលជាប់ឆ្នោត ប៉ុន្តែ កម្លាំងនេះក៏ត្រូវបរាជ័យទាំងស្រុងក្រោមកណ្តាប់ដៃលោកនាយករដ្ឋ មន្ត្រី ហ៊ុន សែន។ ចុះឥឡូវ ត្រឹមតែចាប់ចចកព្រៃពីរបីក្បាលដែលកំពុងតែបែកហ្វូងមកដាក់ក្នុងទ្រុង ខ្ញុំយល់ថាដូចជាគ្មានអ្វីគួរឲ្យពិបាកទាល់តែសោះខណៈដែលចចកព្រៃទាំងនោះបានប្រកាសវិលចូលស្រុកវិញដោយខ្លួន ឯង។

ដោយយោងលើអំណះអំណាងដូចបានលើកឡើងខាង ដើម ខ្ញុំយល់ឃើញថា គេមិនគួរទុកឲ្យកម្ទេចភ្លើងតូច តាចបង្កជាផ្សែងនាំឲ្យខូចបរិយាកាសកសាងប្រទេសអូសបន្លាយតទៅទៀតនោះឡើយ ពោលគឺ ដល់ពេលដែលរដ្ឋាភិបាលត្រូវតែកម្ចាត់ចោលកូនបន្លាក្នុងបាតជើងនេះហើយ។ តាមការវិភាគរបស់ខ្ញុំ ប្រសិនបើលោក សម រង្ស៊ី ហ៊ានប្រថុយចូលស្រុកថ្ងៃទី ៩ វិច្ឆិកាមែននោះ លទ្ធផលមានតែ២គត់៖ ទី១ គឺជាប់គុក និងទី២ គឺអាចត្រូវបាតដៃទី៣ឆក់យកជីវិតដូចអ្វីដែលបានកើតឡើងនៅហ្វីលីពីនកាលពីឆ្នាំ ១៩៨៣។ មិនថាជោគវាសនារបស់លោក សម រង្ស៊ី ជួបប្រទះនឹងហេតុការណ៍ណាមួយក៏ដោយក្នុងចំណោមលទ្ធផលទាំងពីរ ក៏រដ្ឋាភិបាលគណបក្សប្រជាជននៅតែអាចគ្រប់គ្រងសភាពការណ៍បានដដែលព្រោះវាពិតជាមិនមែនជារឿងថ្មីនិងពិបាកពិបាកដោះស្រាយនោះឡើយសំរាប់បុរសខ្លាំងកម្ពុជាដែលមានបទពិសោធន៍នយោបាយយ៉ាងជោគជាំ ហើយដែលបច្ចុប្បន្នកំពុងកាន់អំណាចណែនក្នុងដៃតាំងពីជាង៤០មកហើយ។

សម្រាប់លោក សម រង្ស៊ី វិញ មិនថាត្រូវជាប់គុក ឬត្រូវអស់ជីវិតដោយសារបាតដៃទី៣ឡើយ ជីវិតនយោបាយរបស់លោក សម រង្ស៊ី នឹងត្រូវចប់ជាស្ថាពរពីព្រោះបើអស់ពីលោក សម រង្ស៊ី និងគូកនគាត់ប៉ុន្មាននាក់នេះទៅ អ្នកប្រឆាំងដែលនឹងបន្តវេននឹងច្បាស់ជាមានជម្រើសនយោបាយល្អប្រសើរជាងលោក សម រង្ស៊ី ជាក់ជាមិនខាន។ ដូច្នេះ តើការជម្រះបញ្ជីឲ្យដាច់ស្រឡះជាមួយលោក សម រង្ស៊ី នៅថ្ងៃទី ៩ វិច្ឆិកា មិនមែនជាជម្រើសល្អជាងទុកបណ្តោយឲ្យលោក សម រង្ស៊ី បន្តបង្កាត់ភ្លើងបក់ផ្សែងមកឲ្យគ្រប់គ្នាហិតក្នុងរយៈពេលយូរតទៅទៀតទេឬអ្វីដែលយើងគួរចងចាំគឺ សកម្មភាពនយោបាយនិងមនោគមវិជ្ជារបស់លោក សម រង្ស៊ី រយៈពេលជាង ២០ ឆ្នាំមកនេះគឺប្រៀបដូចជាមេរោគដំបៅមហារីកមួយដ៏គ្រោះថ្នាក់សម្រាប់សង្គមខ្មែរ។

ដូច្នេះការវះកាត់ដុំសាច់មហារីកមួយដុំនេះគ្រវាត់ចោលគឺជាការចាំបាច់ណាស់បើទោះបីជាត្រូវរងការឈឺចាប់ខ្លះក៏ដោយ តែវាល្អជាងការទុកដុំសាច់មួយដុំតូចនេះឲ្យវាបង្កជាជំងឺមហារីក។ សម្រាប់ខ្ញុំ មានតែវិធីនេះទេដែលគណបក្សប្រជាជនអាចកសាងគ្រឹះដ៏រឹងមាំសំរាប់ «ការបន្តវេនដែលមិនបន្តទំនាស់»៕

ដោយ៖ សាស្ត្រាចារ្យវិទ្យាសាស្ត្រសង្គមខេត្តកំពង់ចាម

ពលរដ្ឋជាច្រើននាំគ្នា Comment មិនគាំទ្រផែនការវិលត្រឡប់ទណ្ឌិត សម រង្ស៉ី ក្នុងហ្វេសប៊ុកវិទ្យុបារាំង ដោយសារគ្មានសមត្ថភាពធ្វើនយោបាយ

ប្រជាពលរដ្ឋជាច្រើន ជាពិសេសប្រិយមិត្តរបស់វិទ្យុបារាំងអន្តរជាតិ (RFI) នៅលើបណ្តាញសង្គម Facebook ពេលនេះបាននិងកំពុង Comment បង្ហាញពីការមិនគាំទ្រ និងជេរប្រទេចផ្ដាសាចំពោះទណ្ឌិត សម រង្ស៉ី មេចលនាឧទ្ទាមក្រៅច្បាប់ជាបន្តបន្ទាប់ ដែលមានភាពក្រឡេចក្រឡុច គ្មានសមត្ថភាព ក្នុងការធ្វើនយោបាយ។

ការវាយប្រហារលើទណ្ឌិត សម រង្ស៉ី តាមសារ Comment នេះបានធ្វើឡើងនៅក្នុងកិច្ចសម្ភាសរវាងវិទ្យុបារាំងអន្តរជាតិ តំណាងដោយ លោក គួច គន្ធារ៉ា ជាមួយ លោក សម រង្ស៉ី អំពីជំហររបស់ទណ្ឌិតរូបនេះ ក្នុងការត្រឡប់មកកាន់ប្រទេសកម្ពុជា ដែលបង្ហោះលើ Facebook វិទ្យុបារាំង នាយប់ថ្ងៃទី២៩ ខែតុលា ឆ្នាំ២០១៩។

ក្នុងកិច្ចសម្ភាសនោះ អ្នកសារព័ត៌មានវិទ្យុបារាំង ដែលជាវិទ្យុប្រកាន់ខ្ជាប់នូវវិជ្ជាជីវៈខ្ពស់ បានសួរចំៗអំពីលទ្ធភាពនៃការវិលត្រឡប់របស់ លោក សម រង្ស៉ី ដោយសារតែភាពបរាជ័យរបស់ក្រុមលោក ក្នុងការចូលទៅកាន់ប្រទេសថៃ និងប្រទេសមួយចំនួននៅអាស៊ាន។ លោក គួច គន្ធារ៉ា បានសួរថាតើ ជីវិតនយោបាយរបស់ លោក សម រង្ស៉ី នឹងត្រូវបញ្ចប់ឬទេ ? នៅពេលមិនបានមកប្រទេសកម្ពុជាដូចការប្រកាសនៅថ្ងៃទី០៩ ខែវិច្ឆិកា ខាងមុខនេះ? ប៉ុន្តែសំណួរនេះបានធ្វើឲ្យទណ្ឌិត សម រង្ស៉ី ខឹងសម្បារនឹងវិទ្យុបារាំង ដោយចោទថា វិទ្យុនេះគ្មានវិជ្ជាជីវៈទៅវិញ។

ជាសារចំអកដល់ទណ្ឌិត សម រង្ស៉ីនោះ Facebook ឈ្មោះ Rin Sothy បានសរសេរថា៖ «សម្តីមេស៊ី យកប្រជារាស្ត្រដាក់មុខឲ្យឲ្យស្លាប់ជំនួសវាតែរហូត»។ ចំណែក Brunei Chan បានសរសេរថា៖ «រង់ចាំអ្នកយូរហេីយ ឱ្យតែមកត្រៀមរួចហើយដាក់ឱ្យបែកក្បាលម៉ង»។

ជាមួយគ្នានេះ Facebook ឈ្មោះ «សុំត្រឹមមនុស្សស្មោះ» សរសេរថា៖ ធ្លាប់តែឆ្លើយនៅវិទ្យុអាស៊ីសេរី និង VOA ស្រួលសុទ្ធតែអញ ឥឡូវនេះមកឆ្លើយនៅវិទ្យុបារាំង អន្តរជាតិម្ដង អញគាំងបេះដូង សួរចំៗពេកទៅផ្លូវណាទេអញម្ដងនេះ បងពិធីករកុំធ្វើបាបអុំស៊ី ខ្ញុំគាត់ជាបក្សសាងគ្រោះជាតិផង »។

សម្រាប់ Facebook ឈ្មោះ សំឣាត ពេជ្រ៖ «២០ឆ្នាំជាងហើយសម្តីអាចោលម្សៀតឯងហ្នឹងនិយាយតែប៉ុន្មានម៉ាត់ហ្នឹងឯង»។

Facebook ឈ្មោះ Meng Hou៖ សំនួរចាក់ដោត ចម្លើយដ៏គ្រោះថ្នាក់ និងមិនមានការទទួលខុសត្រូវ ១.បើសិនប្រជាពលរដ្ឋងើបមកតវ៉ាហើយមានគ្រោះថ្នាក់ហើយ គម្រោងមិនទទួលបានជោគជ័យតើនរណាទទួលខុសត្រូវលើអ្នកទាំងនោះ? ២. ប្រជាពលរដ្ធទាំងអស់មិនមែនសុទ្ធតែគាំទ្រ ឯកឧត្តមទាំងអស់នោះទេ ក៏មានអ្នកគាំទ្របក្សកាន់អំណាចដែរ តើអ្នកទាំងនោះពិតជានៅស្ងៀមតើមែនទេច្បាស់ណាស់ហឹង្សារនឹងកើតឡើង ៣. ភាពច្របូកច្របល់នឹងកើតឡើងរវាងអ្នកគាំទ្រ និងអ្នកគាំទ្រ ៤. ការចូលរួមដោយប្រដាប់អាវុធចង់ ឬមិនចង់គឺចាត់ទុកថារដ្ឋប្រហារ១០០% ខ្ញុំនិយាយក្នុងនាមពលរដ្ធសាមញ្ញធម្មតាមិនលំអៀងបក្សណាមួយឡើយ តែនិយាយជាការវាយតម្លៃជាក់ស្តែង ប្រយ័ត្តជាន់ដានប្រវត្តសាស្រ្តក្រោមពាក្យស្លោក «ជ័យោសម្តេចឪនរណាមិនទៅបាញ់ចោល» ពេលទៅដល់ដូចចូលអន្ទាក់ចឹង។

Facebook ឈ្មោះ Sithan Sors៖ ច្បាស់ណាស់ សម រង្ស៉ី មិនចូលដាច់ខាតតាមរយៈវីដេអូនេះ ស្ដាប់សម្ដីគាត់ ខ្ញុំថា 100% គឺគាត់អត់ចូលស្រុកខ្មែរទេ គឺគ្រាន់តែបង្ករចលាចលឱ្យគេលើកយកប្រធានបទអំពីគាត់មកនិយាយតែប៉ុណ្ណោះ។

Facebook ឈ្មោះ លក្ខិណា គីម៖ ខ្ញុំមិនគាំទ្រពូស៊ីឯងទេ បើ RFI មកសួរខ្ញុំវិញគឺខ្ញុំឆ្លើយថា ខ្ញុំមិនត្រូវការពូស៊ីឯងទេ

Facebook ឈ្មោះ Rath Bondol៖ ចេះតែនិយាយអោយរួចពីមាត់ហ្មងហា ផ្តួលរំលំ ប្តូររបប ថ្ងៃ៩ អញចង់កោសក់សាក់រូបលោកឯងផងបេីធ្វេីបានមែននោះ
 សមស្រមើស្រមៃមើលលទ្ធភាពខ្លួនឯង សព្វថ្ងៃផង

Facebook ឈ្មោះ Bun Chhieng៖ អានេះឈ្លើយ ថាវិទ្យុបារាំងគ្មានវិជ្ជាជីវៈ មិនដូចវិទ្យុអាស៊ីសេរីរបស់វាទេ ដែលចេះសម្ភាសអ្នកគាំទ្រវា បង្ហាញថាជាសម្លេងគាំទ្រ! មិនដឹងខួរធើពីអីទេ អាម្សៀ សតិមិនគ្រប់!

Facebook ឈ្មោះ ប៉ិច សៀមរាប៖ គ្មានជំនឿរក្នុងខ្លួនសូម្បីបន្តិច បើនិយាយទៅសមរង្សីចាប់ផ្តើមមុខជ្រុងហើយព្រោះតែដេកមិនលក់កុហកពលរដ្ឋខែ្មរដែលគាំទ្រខ្លួន ទាល់ច្រកអស់សង្ឃឹមក្នុងចិត្ត ដេកគិតដេកព្រួយ ដេកខ្វល់ ល្បែងធ្ពឹនភ្នែកសមរង្សីបោកបានតែខ្មែរមួយចំនួនតូចដែលចង់បានអំណាចតែប៉ុណ្ណោះ រាស្រ្តដូចខ្ញុំសុខចិត្តក្រងាប់ក៏មិនគាំទ្រសមរង្សុីដែរ ព្រោះខ្លាចកូនចៅជំនាន់ក្រោយជួបសង្រ្គាមដូចស្រមោលអាឌិតកាល

Facebook ឈ្មោះ Bun Chhay៖ គេសួរខាងលិចឆ្លើយខាងកើតអាប្រកាច់ ហ៊ានមកវេទនាខ្លួនឡូវបើរាស្ត្រលែងជឿហើយសន្យាខ្យល់រហូត

Facebook ឈ្មោះ ជាង សំណង់៖ ស្តាប់ទៅចង់តែសើច មុខក្រាស់មែនអាស្អីគេនេះ ឯណាអ្នកគាំទ្រទៅណាអស់ហើយខមិនមួយមើលចែកគំនិតអោយខ្ញុំបានដឹងផងថាយើងគិតម៉េច

Facebook ឈ្មោះ Pagna Lsp ៖ អានេះមិនចេះការពារប្រយោជន៍ជាតិសោះ ពិសេសរឿងចោទទំនាក់ទំនងខ្មែរចិន។ គេខំការពារមិនមានមូលដ្ឋានទ័ពចិនទេ វាបែរបន្ទរតាមបរទេសខ្លះព្យាយាមពន្លិចខ្មែរ។ ចង់អោយខ្មែរសត្រូវចិនវិញ ក្នុងពេលប្រទេសទាំងអស់ក្នុងតំបន់ចង់បានទំនាក់ទំនងល្អជា១ចិន។ សួរចិនមានឈ្លានពាន ទម្លាក់គ្រាប់បែកប្រទេសណា១ដូចប្រទេសខ្លះនៅ។ អានេះឡប់ហើយតើ។ សូមសរសើរអ្នកសម្ភាសន៍

Facebook ឈ្មោះ Eang Vannak៖ សមរង្ស៉ី ឆ្លើយខុសសំណួររហូតចឹងពូ! គិតទៅអត់ចោលមែនអាចរឹកទម្លាក់ដាក់កូនចៅជាអាយ៉ងខ្លួន ដូចរុញក្បាលក្រុមកាសែតក្រៅច្បាប់អាស៉ីសេរីចូលក្រោមដីចឹង

Facebook ឈ្មោះ Odom Heng Heng៖ គ្មានកន្លែងជ្រកឱ្យពិតប្រាកដសោះ អ្នកនយោបាយឡប់សតិ មិនដែលទទួលខុសត្រីវនូវទង្វើរបស់ខ្លួនទាល់តែសោះអាឆ្កួត !!!!! ។

Facebook ឈ្មោះ Rathanak Yun៖ គេសួរខ្លួន បែរជាទៅឆ្លើយអ្នកដ៏ទៃមនុស្សក្រឡេចក្រឡុចចឹងមកដឹងនាំប្រទេសកើតដែរអី? និយាយថាមិនមែនមកក្នុងរូបភាព រដ្ឋប្រហារទេ តែបែរជានិយាយថាមកផ្ដួលរបបរបស់សម្ដេច វាស្មើនឹងផ្ដួលរដ្ឋាភិបាលស្របច្បាប់ ចឹងបានគេហៅអាអ្នកនយោបាយបោកយកតែលុយ និងគេហៅអាក្បត់ជាតិមិនខុសមែន សង្ស័យមិនដែរថតសំលេងខ្លួនឯងស្ដាប់ឡើងវិញទេ មើលទៅ។ 

Facebook ឈ្មោះ ក្មេង ស្រែ៖ ក្រុមរដ្ឋប្រហារដឹកនាំដោយជនក្បត់ជាតិ សម រង្ស៊ី កំពុងទ័លជ្រកព្រោះគ្មានអ្នកចូលរួម និងគាំទ្រផែនការបំផ្លាញជាតិរបស់ខ្លួន

Facebook ឈ្មោះ SomNang So៖ សំនួរដ៏មានន័យគឺបានឆ្លុះបញ្ចាំងពីទស្សន:ពិតរបស់វិទ្យុ RFI បារំាង ដែលបានសួរទៅ សម រង្សី អ្វីដែលសមរង្សីឆ្លើយគឺ មិនមែន ស្របទៅនឹងប្រធានបទឡើយ គឺឆ្លើយរបៀបផ្ចាញ់ផ្ចាលតែប៉ុណ្ណោះនេះសរបញ្ជាក់ថាភាពក្រឡិចក្រឡុចរបស់សមរង្សី គឺមិនកែប្រែ..
អរគុណRFI មួយសំនួរក៏ធ្វើឲ្យយសមរង្សី ទល់ច្រកដែរ RFIគឺ វិទ្យុឆ្លុះបញ្ចាំងពីរ ពត៍មានពិតក្នុងសង្គមមិនលំអៀង…ចំណែក សម រង្ស៉ី កំពុងតែបោកបន្តរឱ្យដល់ថ្ងៃ អវសាន្តហើយ ៩ វិច្ឆិកា…

Facebook ឈ្មោះ Robert Jefferson៖ នេះជាមនុស្សមហាក្រឡិកក្រឡុកនិយាយឥគ្មានការពឹត១ម៉ាត់ ចង់ដូរគុម្នឹត្យ១០០ដងក្នុង១ថ្ងៃ ហើយដើរស្រែកត្អូញត្អែថា ស្រុកខ្មែរក្រៗណាស់ចង់ងាប់អស់ហើយ តែខ្លួនឯងថតរូបបង្ហោះឃើញតែសម្បូណ៍សប្បាយ សុីចុកហូរហៀចាក់ជ្រាស គេងប្រវ័ញយកពីញើសឈាម អ្នកដ៏ទៃអ្នកក្រីក្រ រឿងឥមឹនឲ្យគ្នាក្រ ហើយដើស្រែកអន្ទងឲ្យគេទៅតាមដង្ហែរដង្ហម ទៅរកងាប់ជាប់គុកឯណាចង់ឲ្យ ទៅងាប់ជាប់គុកជាមួយ មឹនហ៊ានធ្វើឥប្រឈគ្រោះថ្នាក់ម្នាក់ឯងទេ ស្រែកប្រកូសប្រកាសឲ្យមនុស្សរាប់ម៉ឺនទៅងាប់ជុម្នួសខ្លួន ៕

ប្រភពព័ត៌មាន Fresh New

ឯកឧត្តម ហោ ណាំហុង អញ្ជើញចូលរួម​កិច្ចប្រជុំកំពូលលើកទី១៨ នៃចលនាមិនចូលបក្សសម្ព័ន្ធ (Non-Aligned Movement-NAM) កាលពីថ្ងៃទី២៥ ដ ល់ ២៦ ខែតុលា ឆ្នាំ២០១៩

ឯកឧត្តម ហោ ណាំហុង ឧបនាយករដ្ឋមន្រ្តី នៃព្រះរាជាណាចក្រកម្ពុជា តំណាងដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញចូលរួម​កិច្ចប្រជុំកំពូលលើកទី១៨ នៃចលនាមិនចូលបក្សសម្ព័ន្ធ (Non-Aligned Movement-NAM) កាលពីថ្ងៃទី២៥ ដ ល់ ២៦ ខែតុលា ឆ្នាំ២០១៩ នៅទីក្រុងបាគូ នៃសាធារណរដ្ឋអាស៊ែបៃហ្សង់

សកម្មភាព ឯកឧត្ដម យ៉ាណូស អាឌ័រ ប្រធានាធិបតីហុងគ្រី និង លោកជំទាវ Anita Herczegh អញ្ជើញ បំពេញទស្សនកិច្ចផ្លូវរដ្ឋ នៅព្រះរាជាណាចក្រកម្ពុជា ពីថ្ងៃទី ២៧-៣០ ខែតុលា ឆ្នាំ២០១៩

អបអរសាទរ ខួបទី១៥ នៃការយាងគ្រងព្រះបរមរាជសម្បត្តិ របស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា

ពិធីសម្ពោធសមិទ្ធផលនានា នៅទីបញ្ជាការវរៈសេនាតូចលេខ២ ការពារព្រំដែន

ស្វាយរៀង៖ នាព្រឹកថ្ងៃទី២៨ ខែតុលា ឆ្នាំ២០១៩ លោក ជុំ ហាត ប្រធានក្រុមប្រឹក្សាខេត្តស្វាយរៀង និងលោក ម៉ែន វិបុល អភិបាលខេត្ត បានអញ្ជើញចូលរួមក្នុងពិធីសម្ពោធសមិទ្ធផលនានា នៅទីបញ្ជាការវរៈសេនាតូចលេខ២ ការពារព្រំដែន ខេត្តស្វាយរៀង ក្រោមអធិបតី ភាពលោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រី ក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាប្រធានក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង។

លោកស្រី ម៉ែន សំអន បានមានប្រសាសន៍ថា តាមរយៈរបាយការណ៍ស្វាគមន៍របស់លោក ម៉ែន វិបុល អភិបាល នៃគណៈអភិបាលខេត្ដស្វាយរៀង និងរបាយការណ៍របស់នាយឧត្តមសេនីយ៍ ចៅ ភិរុណ សូមសម្ដែងនូវការកោត សរសើរ និងវាយតម្លៃខ្ពស់ ចំពោះការវិវត្ដន៍ និងការរីក ចម្រើនដ៏គួរឱ្យកត់សម្គាល់របស់ខេត្ដស្វាយរៀង ទាំងផ្នែកពុទ្ធចក្រ និងផ្នែកអាណាចក្រ ដែលកើតចេញពីការខិតខំប្រឹងប្រែង និងស្មារតីសាមគ្គីភាពរវាងថ្នាក់ដឹកនាំ មន្រ្ដីរាជការគ្រប់លំដាប់ថ្នាក់ កងកម្លាំងប្រដាប់អាវុធ និងព្រះសង្ឃ ដោយមានការឧបត្ថម្ភគាំទ្រយ៉ាងស្មោះស្ម័គ្រពីប្រជាជនដែលបានខិតខំបំពេញការងារក្នុងរយៈកាលកន្លងមក។

លោកស្រី បានបន្តថា បច្ចុប្បន្នយើងបានកសាងប្រទេសពីបាតដៃទទេ ដោយខិតខំស្តារ និងកសាងឡើងវិញជាបណ្តើរៗនូវហេដ្ឋារចនាសម្ព័ន្ធរូបវ័ន្ត ដូចជាផ្លូវថ្នល់ ស្ពាន ទំនប់ ប្រឡាយ សាលារៀន មន្ទីរពេទ្យ និងវត្តអារាម។ល។ ជាក់ស្តែងនៅខេត្តស្វាយរៀង និងស្រុកស្វាយទាប យើងនេះជាភស្តុតាងជាក់ស្តែងស្រាប់។

តាមរយៈនយោបាយឈ្នះ-ឈ្នះរបស់លោកនាយករដ្ឋ មន្ត្រី ហ៊ុន សែន នៅដើមឆ្នាំ ១៩៩៩ បានអនុវត្តដោយជោគជ័យនូវដំណើរការសមាហរណកម្មអតីតតំបន់ត្រួតត្រាដោយខ្មែរក្រហម ចូលក្នុងសង្គមជាតិ និងធ្វើសន្តិភាវូបនីយកម្ម ប្រទេសជាតិទាំងមូល លើមូលដ្ឋានបង្រួបបង្រួមជាតិដែលបាននាំមកនូវសន្តិភាព ឯក ភាពជាតិនិងឯកភាពទឹកដីទាំងស្រុង៕

គណបក្សខ្មែររួបរួមជាតិ គាំទ្រវិធានការរាជរដ្ឋាភិបាលក្នុងការទប់ស្កាត់ចលនាក្រៅច្បាប់ញុះញង់ ប្រជាពលរដ្ឋឲ្យធ្លាក់ក្នុងគ្រោះថ្នាក់

គណបក្សខ្មែររួបរួមជាតិរបស់ លោក ញឹក ប៊ុនឆៃ នៅថ្ងៃទី២៧ ខែតុលា ឆ្នាំ២០១៩ បានបង្ហាញការគាំទ្រចំពោះវិធានការរបស់រាជរដ្ឋាភិបាលកម្ពុជា ក្នុងការទប់ស្កាត់ ចលនាក្រៅច្បាប់ដែលដឹកនាំដោយ ទណ្ឌិត សម រង្ស៉ី ដើម្បីញុះញង់ បំផុស បំភាន់ ប្រជាពលរដ្ឋឲ្យធ្លាក់ក្នុងគ្រោះថ្នាក់ជាថ្មីម្តងទៀត។

តាមរយៈសេចក្តីប្រកាសរបស់ខ្លួន គណបក្សខ្មែររួបរួមជាតិ បានបញ្ជាក់៣ចំណុចដូចតទៅ៖
១៖ គណបក្សខ្មែររួបរួមជាតិវាយតម្លៃខ្ពស់ និងចាត់ទុកជាការត្រឹមត្រូវស្របច្បាប់ចំពោះវិធានការរបស់រាជរដ្ឋាភិបាលកម្ពុជា ក្នុងការទប់ស្កាត់ និងបង្ការបាតុភាពទាំងឡាយដែលបង្កដោយចលនាក្រៅច្បាប់ញុះញង់ បំផុស បំភាន់ ប្រជាពលរដ្ឋស្លូតត្រង់ឲ្យធ្លាក់ក្នុងគ្រោះថ្នាក់។ គណបក្សខ្មែររួបរួមជាតិ សូមគាំទ្រទាំងស្រុងនូវចំណាត់ការតាមផ្លូវច្បាប់ របស់រាជរដ្ឋាភិបាលកម្ពុជា ដែលអនុវត្តស្របតាមរដ្ឋធម្មនុញ្ញ នៃព្រះរាជាណាចក្រកម្ពុជា ក្នុងការរក្សាសុវត្ថិភាព សន្តិសុខសណ្តាប់ធ្នាប់ សន្តិភាព និងស្ថិរភាពនៅកម្ពុជា។

២៖ គណបក្សខ្មែររួបរួមជាតិ សូមអំពាវនាវចំពោះបងប្អូនប្រជាពលរដ្ឋជនរួមជាតិ សូមកុំចាញ់កលឧបាយរបស់ក្រុមប្រឆាំងក្រៅច្បាប់ ដែលគ្មានអ្វីក្រៅពីនាំឲ្យប៉ះពាល់ដល់សុវត្ថិភាព និងជីវភាពផ្ទាល់ខ្លួន ដ៏ដូចជាធ្វើឲ្យប៉ះពាល់ដល់សណ្តាប់ធ្នាប់ សន្តិសុខ និងសង្គមជាតិ បង្កការរារាំងដល់ការអភិវឌ្ឍ។

៣៖ គណបក្សខ្មែររួបរួមជាតិ សូមចូលរួមជាមួយបងប្អូនជនរួមជាតិខ្មែរទាំងឡាយ ក្នុងការអបអរសាទរព្រះរាជពិធីបុណ្យអុំទូក បណ្តែតព្រះទីប អកអំបុក សំពះព្រះខែ ដោយសេចក្តីសប្បាយរីករាយ តាមគន្លងប្រពៃណី ជាតិខ្មែរយើងតាំងពីបូរាណរៀងមក។

សូមបញ្ជាក់ថា រាជរដ្ឋាភិបាល ស្ថាប័ន និងក្រសួងមានសមត្ថកិច្ច កំពុងមានចំណាត់ការលើ សមាជិកក្រុមឧទ្ទាមដែលដឹកនាំដោយ លោក សម រង្ស៉ី ដែលរៀបចំផែនការផ្តួលរំលំរាជរដ្ឋាភិបាល នៅថ្ងៃទី០៩ ខែវិច្ឆិកា ឆ្នាំ២០១៩ ខាងមុខនេះ ដោយក្នុងនោះ បានចាប់ខ្លួនជនពាក់ព័ន្ធជាបន្តបន្ទាប់។ ប៉ុន្តែទោះជាយ៉ាងនេះក្តីសម្រាប់អ្នកដែលសារភាព ក៏ត្រូវបានរួចផុតពីទោសផងដែរ៕

អ្នកជំនាញអារ្យធម៌ខ្មែរ៖ តើស្ថានភាពបច្ចុប្បន្ននៅកម្ពុជាគួរឱ្យគេបារម្ភទេ?

អ្នកជំនាញអារ្យធម៌ខ្មែរ លោក រត្ន័ សណ្ដាប់ បានថ្លែងថា សព្វថ្ងៃបើនិយាយអំពីស្ថានភាពស្រុកទេស អ្វីដែលគេហៅថាថ្ងៃបដិវត្ដថ្មីដ៏មហិមារបស់ សម រង្ស៊ី ថ្ងៃទី៩ វិច្ឆិកា ឆ្នាំ២០១៩ ហាក់ដូចជានៅស្ងាត់ឈឹង គឺពុំមានអ្វីជាការឲ្យគេបារម្មណ៍នោះទេ។ ដោយគ្រាន់តែក្នុងស្ថានភាពនេះ មានទស្សនៈពីរបានចោទសួរគ្នាពីមាត់មួយទៅមាត់មួយតែប៉ុណ្ណោះជាអាទិ៍៖

ទស្សនៈទី១ ខាងមជ្ឃដ្ឋានអ្នកគំាទ្រពួកប្រឆំាងដែល សម រង្ស៊ី ជាមេខ្លោងទំាងក្នុងស្រុក ក៏ដូចជាអ្នករស់នៅក្រៅស្រុក នំាគ្នាស្រែកបន្ទរថាថ្ងៃទី៩ វិច្ឆិកានេះនឹងមានផ្ទុះការបះបោរយ៉ាងគគ្រឹកគគ្រេងអម សម រង្ស៊ី ចូលមកភ្នំពេញដើម្បីចាប់លោកនាយករដ្ឋមន្រ្តី ហ៊ុន សែន។ រីឯទស្សនៈ ទី២ អ្នកគំាទ្ររាជរដ្ឋាភិបាល ពិសេសគំាទ្រលោកនាយករដ្ឋមន្រ្តី ហ៊ុន សែន ទំាងក្នុងស្រុកក៏ដូចជាអ្នករស់នៅក្រៅស្រុកផងដែរ បានប្រកាសអំពីវិធានការផ្លូវច្បាប់ជារៀងរាល់ថ្ងៃ ត្រៀមខ្លួនទូទំាងប្រទេសដើម្បីចាប់ខ្លួន សម រង្ស៊ី ទោះជាចូលមកតាមច្រកណាក៏ដោយដើម្បីឲ្យទទួលទោស។

ស្ថិតត្រង់ចំណុចនេះ បើយើងងាកក្រោយបន្ដិច ពិនិត្យមើលប្រវត្ដិសាស្រ្ដនៃការឈឺចាប់ប្រជាជាតិដ៏កំសត់ខ្មែរយើង គឺយើងច្បាស់ជាសួរថាហេតុអ្វីកម្ពុជាក៏កម្មអ្វីម៉្លេះ? សង្រ្គាមមិនចេះចប់ កម្ពុជាគឺទើបតែងើបផុតពីរបបប្រល័យពូជសាសន៍សោះ។ លោក រត្ន័ សណ្ដាប់ បានបន្ដថា បើដូច្នេះដោយសារតែការបែកបាក់ជាតិ ពិសេសរបបវាលពិឃាតនេះហើយ ទើបចូលដល់បរិបទថ្មី គឺក្ដីមេត្ដា អាណិតអាសូរខ្មែរ ពីសំណាក់ពិភពលោក បានញុំាងឲ្យមានកិច្ចព្រមព្រៀងសន្ដិភាពទីក្រុងប៉ារីស ដែលបានចាប់បដិសន្ធិថ្ងៃទី២៣ តុលា ឆ្នំា១៩៩៣ គឺជាការសន្មត់របស់ភាគីខ្មែរអ្នកច្បំាងទំាង៤ក្រុមសំរេចចិត្ដរួបរួមគ្នាបញ្ចប់នូវការបង្ហូរឈាមគ្នា បញ្ចប់របបប្រល័យពូជសាសន៍ ឲ្យខ្មែរចេះស្រទ្បាញ់គ្នានេះឯង។

បើឈរលើកិច្ចព្រមព្រៀងសន្ដិភាពទីក្រុងប៉ារីស ដែលពិភពលោកគេអាណិតអាសូរនេះ កម្ពុជាក៏បានហែលឆ្លង និងឆ្លងកាត់នូវព្រឹត្ដិការណ៍គួរឲ្យកត់សម្គាល់ជាច្រើនដំណាក់កាលទៀតពិសេសខាងនយោបាយដោយក្នុងនោះមាន៖ ទី១ ការបោះឆ្នោតសកលឆ្នាំ១៩៩៣ និងព្រឹត្ដិការណ៍ផ្ទុះអាវុធថ្ងៃទី៥-៦ ខែកក្កដា ឆ្នាំ១៩៩៧ រវាងក្រុមដែលបានអង្គុយចរចាគ្នានៅទីក្រុងប៉ារីសតែម្ដង។ លើកទី២ ការប្រទ្រួសប្រទ្រះគ្នា ក្រោយការបោះឆ្នោតសកលឆ្នាំ១៩៩៨ ដែលនៅតែមិនត្រូវគ្នារវាងក្រុមអតីតរដ្ឋកម្ពុជា និងក្រុមអ្នកតស៊ូក្រុមតស៊ូជាយដែនទៀត តែក៏មានការព្រមព្រៀងគ្នាបង្កើតរាជរដ្ឋាភិបាលចម្រុះថ្មីមួយ។ រីឯដំណាក់កាលទី៣ គឺព្រឹត្ដិការណ៍ក្រោយការបោះឆ្នោតឆ្នាំ២០០៣ ដោយក្រុមអ្នកតស៊ូជាយដែនមិនទទួលស្គាល់លទ្ធផលបោះឆ្នោតសកលទៀត តែក៏នៅតែមានការចរចាចេញរួចទៀត។ តែឆ្នាំ២០០៨ ក៏ឈានដល់បរិបទថ្មីមួយទៀត គឺក្រុមអ្នកតស៊ូជាយដែនរលាយសូន្យ ហើយមានការងើបឡើងនៃពួកប្រឆំាងគ្មានហេតុផលថ្មីមួយ ដែលមាន សម រង្ស៊ី និង កឹម សុខា ជាមេខ្លោង។ បន្ទាប់មកបានឈានដល់ព្រឹត្ដិការណ៍ដ៏ធំចុងក្រោយ គឺពួកប្រឆំាងថ្មីមួយនេះបានរួមផ្សំធាតុគ្នាប្រមូលសម្លេងឆ្នោតយកបាន៥៥អាសនៈ រីឯក្រុមអ្នកតស៊ូជាយដែន ដែលជាកម្លំាងស្នូលក្នុងការរុញចលនាសន្និសីទទីក្រុងប៉ារីស បានរលាយដូចអំបិលចាក់ចូលទន្លេចតុមុខ ជ្រាបចូលក្នុងទឹកយ៉ាងសូន្យឈឹង។

លោក រត្ន័ សណ្ដាប់ បានបន្ដថាស្ថិតក្នុងបរិបទនៃការងើបទ្បើងពួកប្រឆំាងថ្មីនេះ កម្ពុជាក៏ឈានចូលដល់បរិបទថ្មី គឺព្រឹត្ដិការណ៍ «បដិវត្ដពណ៌»។ ពួកអ្នកគំាទ្រជំនោរពួកប្រឆំាងថ្មីរាប់ម៉ឺននាក់ ងើបទ្បើងជ្រួលជ្រើមធ្វើបាតុកម្មពេញទីក្រុងភ្នំពេញ ទាមទារដោយសង្ខើញ «ហ៊ុន សែន អើយចុះចេញទៅៗ»។ ក្នុងនោះ ដល់នាទីចុងក្រោយ ពួកប្រឆំាងថ្មីនេះបាននំាគ្នាទៅស្បថនៅអង្គរវត្ដ រីឯគណបក្សប្រជាជនកម្ពុជា ដែលបានទទួលអាសនៈ៦៨ បាននំាគ្នាស្បថនៅព្រះបរមរាជវំាង។ បន្ទាប់មកក៏មានការចរចាគ្នាបានត្រឹមតែ កឹម សុខា បានទទួលតំណែងអនុប្រធានទី១រដ្ឋសភា។ ខុសកាលពីក្រុមអ្នកតស៊ូជាយដែនមុនដែលពួកគេទាមទាររហូត ដល់តួនាទីប្រធានរដ្ឋសភា តួនាទីក្នុងរដ្ឋាភិបាល មានឧបនាយករដ្ឋមន្រ្ដី រដ្ឋមន្រ្ដី រដ្ឋលេខាធិការ និងអនុរដ្ឋលេខាគ្រប់ក្រសួង។ កាន់តែទ្បឺកឺជាងនេះទៅទៀត ពួកប្រឆំាងថ្មីនេះបានចាប់ផ្ដើមចាង ហ៊ានក្អេងក្អាងពាសពេញមូលដ្ឋានទូទំាងប្រទេស បំបះបំបោរប្រជាជនឲ្យចេះបែងចែកខ្មែរគ្នាឯងឲ្យមានបេះដូងកំហឹងគុំគួនក្នុងនោះមានការបង្កចលាចលបង្កសកម្មភាពខុសច្បាប់នានារាប់មិនអស់ ទើបឈានដល់ការរំលាយពួកប្រឆំាងថ្មីមួយនេះជាស្ថាពរ!

ជាសរុបលោក រត្ន័ សណ្ដាប់ បានបញ្ជាក់ថា បើដូចនេះចំពោះទង្វើខុសច្បាប់របស់ពួកប្រឆំាងថ្មី ឈានដល់ការរលាយសូន្យសុង ហើយស្រែកប្រកូកប្រកាសពីក្រៅប្រទេស ដោយរត់ទៅរកសន្ធិសញ្ញាទីក្រុងប៉ារីសគឺជាការគួរឲ្យខ្មាស់អន្ដរជាតិ! គួរឲ្យខ្មាស់ប្រទេសដែលធ្លាប់ជួយក្រុមអ្នកតស៊ូជាយដែនឲ្យបានចូលស្រុកនាឆ្នាំ១៩៩៣ទៅវិញទេ។ បើដូច្នេះថ្ងៃទី៩ វិច្ឆិកាខាងមុខគឺជាថ្ងៃខ្មោចលង ជាថ្ងៃ«រាត្រីឆ្កែលូ» យ៉ាងដូច្នេះឯង៕

ប្រធានាធិបតីហុងគ្រី និងភរិយា ចូលគោរពព្រះវិញ្ញាណក្ខន្ធព្រះបរមរតនកោដ្ឋ និងបំពាក់កម្រងផ្កានៅវិមានឯករាជ្យ

បន្ទាប់ពីចូលគាល់ព្រះមហាក្សត្រ និងសម្តេចម៉ែ នៅព្រះបរមរាជវាំង នៅព្រឹកថ្ងៃទី២៨ ខែតុលា ឆ្នាំ២០១៩នេះ លោក យ៉ាណូស អាឌ័រ (Janos Ader) ប្រធានាធិបតីនៃសាធារណរដ្ឋហុងគ្រី និងភរិយា បានបន្តចូលគោរពព្រះវិញ្ញាណក្ខន្ធ ព្រះបរមរតនកោដ្ឋ និងបំពាក់កម្រងផ្កានៅវិមានឯករាជ្យ។ ប្រធានាធិបតីនៃសាធារណរដ្ឋហុងគ្រី និងភរិយា បានអញ្ជើញមកដល់កម្ពុជាហើយ នៅយប់ថ្ងៃអាទិត្យម្សិលមិញនេះ ដើម្បីបំពេញទស្សនកិច្ចផ្លូវរដ្ឋ រយៈពេល៤ថ្ងៃ ចាប់ពីថ្ងៃទី២៧ ដល់ ៣០ ខែតុលា ឆ្នាំ២០១៩ តាមការអញ្ជើញរបស់ព្រះមហាក្សត្រកម្ពុជា។

តាមការប្រកាសរបស់ក្រសួងការបរទេសកម្ពុជា បានឱ្យដឹងថា ក្នុងដំណើរទស្សនកិច្ចលើកនេះ លោកប្រធានាធិបតី នឹងទទួលការចូលជួបសម្តែងការគួរសមដាច់ដោយឡែកពីគ្នា ចំពោះលោក សាយ ឈុំ ប្រធានព្រឹទ្ធសភា និងលោក ហេង សំរិន ប្រធានរដ្ឋសភាកម្ពុជា។ លោកប្រធានាធិបតីហុងគ្រី នឹងមានជំនួបពិភាក្សាការងារជាមួយលោក ហ៊ុន សែន នាយករដ្ឋមន្ត្រី នៃកម្ពុជា ដែលនៅក្នុងជំនួបនោះ កិច្ចសហប្រតិបត្តិការទ្វេភាគីលើវិស័យជាច្រើន រួមទាំងបញ្ហាតំបន់ និងអន្តរជាតិដែលជាការយកចិត្តទុកដាក់រួមនឹងត្រូវបានលើកយកមកពិភាក្សា។ ក្រៅពីនេះលោកប្រធានាធិបតី និងភរិយា នឹងអញ្ជើញទៅទស្សនាប្រាសាទនានា នៅក្នុងឧទ្យានអង្គរ និងកន្លែងសំខាន់ៗមួយចំនួន នៅក្នុងខេត្តសៀមរាប។

ក្រសួងការបរទេស បានបញ្ជាក់ថា ទស្សនកិច្ចផ្លូវរដ្ឋលើកដំបូងមកកាន់កម្ពុជារបស់លោក យ៉ាណូស អាឌ័រ មកកាន់កម្ពុជា នឹងក្លាយជាព្រឹត្តិការណ៍ដ៏សំខាន់មួយក្នុងទំនាក់ទំនងទ្វេភាគីកម្ពុជា-ហុងគ្រី ហើយនឹងរួមចំណែកយ៉ាងសំខាន់ដល់ការពង្រឹងបន្ថែមទៀតនូវចំណងមិត្តភាព និងសាមគ្គីភាព ក៏ដូចជាបង្កើនវិសាលភាពនិងជម្រៅនៃកិច្ចសហប្រតិបត្តិការរវាងប្រទេសទាំងពីរ។

សូមបញ្ជាក់ថា កាលពីអំឡុងទស្សនកិច្ចនៅប្រទេសហុងគ្រី កាលពីថ្ងៃទី១៥ ខែតុលា ឆ្នាំ២០១៩ លោកនាយករដ្ឋមន្រ្តី ហ៊ុន សែន ក៏បានចូលជួបសម្តែងការគួរសម និងពិភាក្សាការងារជាមួយ លោកប្រធានាធិបតីហុងគ្រី Janos Ader ផងដែរ។ ក្នុងជំនួបនោះ លោក ហ៊ុន សែន បានគូសបញ្ជាក់អំពីកិច្ចសហប្រតិបត្តិការទ្វេភាគីរវាងកម្ពុជា និងហុងគ្រី។ លោក បានថ្លែងអំណរគុណដល់ប្រធានាធិបតីហុងគ្រី ហើយរង់ចាំទទួលស្វាគមន៍លោកប្រធានាធិបតីប្រកបដោយភាពកក់ក្តៅ៕

Video៖ សារនៅក្នុងFacebook Page របស់លោក ស ខេង

Video៖ សមាជិកអតីត CNRP ១០នាក់ទៀត នៅខេត្តបាត់ដំបងចូលរួមជីវភាពនយោបាយជាមួយគណបក្សប្រជាជន ដោយសារមិនចង់ពាក់ព័ន្ធនឹងរដ្ឋប្រហាររបស់ទណ្ឌិត សម រង្ស៊ី

សមាជិកអតីត CNRP ១០នាក់ទៀត នៅខេត្តបាត់ដំបងចូលរួមជីវភាពនយោបាយជាមួយគណបក្សប្រជាជន ដោយសារមិនចង់ពាក់ព័ន្ធនឹងរដ្ឋប្រហាររបស់ទណ្ឌិត សម រង្ស៊ី

អតីតសមាជិក នៃអតីតគណបក្សសង្រ្គោះជាតិ ១០នាក់ទៀត នៅខេត្តបាត់ដំបង នៅថ្ងៃទី២៧ ខែតុលា ឆ្នាំ​២០១៩ បានប្រកាសចូលរួមជីវភាពនយោបាយជាមួយគណបក្សប្រជាជនកម្ពុជា ដោយសារតែ មិនចង់ពាក់ព័ន្ធជាមួយនឹងសកម្មភាពរបស់ ទណ្ឌិត សម រង្ស៉ី ដែលរៀបចំផែនការផ្តួលរំលំរាជរដ្ឋាភិបាលស្របច្បាប់ និងប្រមាថព្រះមហាក្សត្រ។

សមាជិកអតីត CNRP មាន៨រូប នៅស្រុកបាណន់ ខេត្តបាត់ដំបង និង ២រូប នៅស្រុកសំពៅលូន ដែលរួមមាន៖
១៖ លោក ហួន ចន្ថា រស់នៅភូមិពាក់ស្បែក ឃុំស្នឹង
២៖ លោក ហាយ សុភាព
៣៖ អ្នកស្រី វ៉ាត់ ចាន់ដេត
៤៖ អ្នកស្រី អ៊ុក ស្រីម៉ុម
៥៖ លោក វ៉ាន់ ស៊ន
៦៖ លោក ប៉ែល តឿ
៧៖ អ្នកស្រី ទិន ហុង
៨៖ អ្នកស្រី ហួម ហ៊ុ
៩៖ លោក អ៊ឹម យឿន
១០៖ លោក អ៊ុង វណ្ណា

សូមបញ្ជាក់ថា ទណ្ឌិត សម រង្ស៉ី មេក្រុមឧទ្ទាមក្រៅច្បាប់ បានប្រកាសវិលចូលប្រទេសកម្ពុជាវិញ នៅថ្ងៃទី០៩ ខែវិច្ឆិកា ឆ្នាំ២០១៩ ខាងមុខនេះ ដើម្បីផ្តួលរំលំរាជរដ្ឋាភិបាលស្របច្បាប់របស់កម្ពុជា។ ជាមួយនឹងការប្រកាសនេះ លោក បានអំពាវនាវ និងប្រកាសផ្តល់ថវិកាលើកទឹកចិត្ត ឱ្យកងទ័ពផ្តាច់ខ្លួនហើយប្រឆាំងនឹងរាជរដ្ឋាភិបាល ព្រមទាំងអំពាវនាវឱ្យព្រះមហាក្សត្រដាក់រាជ្យថែមទៀតផង៕

អតីតប្រធានគណបក្សឃុំអង្គកែវ របស់អតីតគណបក្សសង្គ្រោះជាតិ សម្រេចចូលរួមរស់ជីវភាពជាមួយគណបក្សប្រជាជនកម្ពុជា

តាកែវ ៖ នៅថ្ងៃទី២៦ ខែតុលា ឆ្នាំ២០២៩ លោក មូល ប៊យ អតីតប្រធានគណបក្សឃុំអង្គកែវ ស្រុកទ្រាំង ខេត្តតាកែវ របស់អតីតគណបក្សសង្គ្រោះជាតិ បានសម្រេចចិត្តចូលមករួមរស់ជាមួយគណបក្សប្រជាជនកម្ពុជា ដោយមានពិធីប្រកាសបញ្ចូលជាផ្លូវការក្រោមអធិបតីភាពលោក សុខ ផេង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារថ្នាក់កណ្តាលចុះជួយស្រុកទ្រាំង និងលោក សុខ ពុទ្ធិវុធ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានក្រុមការងារថ្នាក់កណ្តាលចុះជួយស្រុកទ្រាំង នៅសាលប្រជុំស្នាក់ការគណបក្សប្រជាជនកម្ពុជាស្រុកទ្រាំង។

ក្នុងពិធីនោះ គណៈអធិបតីបានថ្លែងអំណរគុណចំពោះលោក មូល ប៊យ ដែលបានសម្រេចចូលរួមរស់ជាមួយគណបក្សប្រជាជនកម្ពុជា ដើម្បីរួមគ្នាការពារសន្តិភាពស្ថេរភាព និងការអភិវឌ្ឍន៍។

លោក បន្តថានេះគឺជាការសម្រេចចិត្តដ៏ត្រឹមត្រូវបំផុត ព្រោះថាមានតែគណបក្សប្រជាជនកម្ពុជា តែមួយគត់ដែលតែងតែនៅក្បែប្រជាពលរដ្ឋរួមសុខ រួមទុក្ខជាមួយប្រជាពលរដ្ឋ ហើយខិតខំពុះពារនាំយកនូវសន្តិភាពពេញលេញទូទាំងប្រទេសជូនប្រជាពលរដ្ឋ។

ជាមួយគ្នានោះ លោក សុខ ផេង ក៏បានផ្តាំផ្ញើដល់សមាជិកគណបក្សទាំងអស់ត្រូវរួមរួបសាមគ្គីគ្នាបម្រើប្រជាពលរដ្ឋនៅក្នុងមូលដ្ឋានរបស់ខ្លួនឱ្យបានល្អ ហើយប្តេជ្ញាដាច់ខាតការពារព្រះមហាក្សត្រ ការពាររដ្ឋធម្មនុញ្ញមិនឱ្យក្រុមឧទ្ទាមក្បត់ជាតិផ្តួលរំលំរាជរដ្ឋាភិបាលស្របច្បាប់បានឡើយ៕

លោក ហ៊ុន ម៉ាណែត៖ ខ្មែរខ្លាំងមិនអាស្រ័យលើក្រុមហ៊ុនបរទេសខ្លាំងទេ គឺអាស្រ័យលើក្រុមហ៊ុនខ្មែរខ្លាំង

លោក ហ៊ុន ម៉ាណែត បានថ្លែងឲ្យដឹងថា ប្រទេសកម្ពុជារីកចម្រើន ក្រុមហ៊ុនត្រូវតែរីកចម្រើន សក្តានុពលរបស់យើងគឺត្រូវរីកចម្រើន។ ខ្មែរខ្លាំងមិនអាស្រ័យទៅលើក្រុមហ៊ុនបរទេស ខ្លាំងនោះទេ គឺអាស្រ័យលើក្រុមហ៊ុនខ្មែរខ្លាំង។

ការលើកឡើងបែបនេះរបស់លោក ហ៊ុន ម៉ាណែត ធ្វើឡើងក្នុងឱកាសដែលលោកអញ្ជើញចូលរួមក្នុងកម្មវិធី រាត្រីសមោសរជួបជុំម្ចាស់អាជីវកម្មកម្ពុជា CEO Award 2019 ដែលរៀបចំឡើងនៅល្ងាចថ្ងៃទី២៦ ខែតុលា ឆ្នាំ២០១៩។ កម្មវិធីរាត្រីសមោសរជួបជុំម្ចាស់អាជីវកម្មកម្ពុជា CEO Award 2019 ក៏មានការចូលរួមពីលោកបណ្ឌិត សុក ស៊ីផាន់ណា ទីប្រឹក្សារាជរដ្ឋាភិបាល, លោក អោម សេងបូរ៉ា ស្ថាបនិក CEO master club និងវិទ្យាស្ថានស៊ីអ៊ីអូ ព្រមទាំងភ្ញៀវកិត្តិយសជាច្រើនរូបផងដែរ។

លោក ហ៊ុន ម៉ាណែត បានថ្លែងឲ្យដឹងថា «វិស័យឯកជនខ្មែរខ្លាំងជាកត្តាមួយ ដើម្បីចូលរួមលើកស្ទួយសេដ្ឋកិច្ចខ្មែរពិត ព្រោះថា ក្រុមហ៊ុនខ្មែរមិនលើកក្រុមហ៊ុនទៅណាទេ ព្រោះជាប្រទេស របស់យើងផ្ទុយពី ការវិនិយោគរបស់បរទេសគេអាចលើកទៅប្រទេសផ្សេង ប៉ុន្តែកម្ពុជាទោះបីមានលទ្ធភាពពង្រីកទៅប្រទេសផ្សេង ក៏មិនចោលមូលដ្ឋានប្រទេសកំណើតដែរ ព្រោះគ្រប់វិស័យខ្មែរត្រូវតែរឹងមាំម្ចាស់ការលើខ្លួនឯង»។

លោកបានថ្លែងបន្ដថា ប្រទេសជាតិយើងរីកចម្រើនបានដោយសារប្រទេសមានប្រជាជនខ្លាំង មានប្រជាជនដែលមានចំណេះដឹង សមត្ថភាព និងការទទួលខុសត្រូវខ្ពស់ និងការថែរក្សាសុខសន្តិភាព ស្ថេរភាព និងការលើកស្ទួយសេដ្ឋកិច្ច ក្នុងនោះវិស័យឯកជនមានសារៈសំខាន់សំខាន់ ជាមួយនិងវិស័យរដ្ឋ និងវិស័យផ្សេងៗទៀត ក្នុងក្របខណ្ឌទីផ្សារសេរី ដែលរាជរដ្ឋាភិបាលមានតួនាទីជំរុញ ឲ្យវិស័យឯកជនខ្លាំង តាមរយៈការពង្រឹងផ្នែកច្បាប់ និងការដោះស្រាយវិវាទផ្សេងៗ លើកទឹកចិត្ត និងមានប្រព័ន្ធការងារ ដើម្បីឲ្យវិស័យឯកជនរីកចម្រើន។

លោក ហ៊ុន ម៉ាណែត បានបន្ថែមថា ការវាស់ស្ទង់នៃការរីកចម្រើនរបស់ក្រុមហ៊ុននីមួយៗ គឺមិនខុសពីប្រទេសជាតិនោះទេ យើងមើលចំណុចពីរទី១ កំណើនដែលផ្ដោតលើតួលេខ និងលទ្ធផល និងទី២ កម្រិតនៃការអភិវឌ្ឍដែលផ្តោតលើកត្តាពីរសំខាន់គឺ កត្តាមនុស្ស និងកត្តារបៀបរបបការងារ ដែលជាកត្តាសំខាន់ក្នុងការធានានិរន្តរភាពចីរភាព នៃការរីកចម្រើនរបស់ក្រុមហ៊ុន របស់វិស័យឯកជន និងរបស់ប្រទេសជាតិ។

លោកបានបញ្ជាក់ថា ក្រុមហ៊ុនត្រូវការបុគ្គលិកដែលមានសុខភាព សមត្ថភាព ចំណេះដឹង និងការទទួលខុសត្រូវ និងប្រធានក្រុមហ៊ុនដែលមានសមត្ថភាព និងសីលវិធីក្នុងការដឹកនាំ ដែលធ្វើឲ្យក្រុមហ៊ុនជោគជ័យ និងរួមគ្នាដើម្បីឲ្យវិស័យឯកជនជោគជ័យ វិស័យឯកជនជោគជ័យធ្វើឱ្យសេដ្ឋកិច្ចរបស់ប្រទេសយើងជោគជ័យ។ នេះគឺជាមូលដ្ឋានសំខាន់ និងជាការចូលរួមចំណែករបស់ CEO Master Club និងថ្នាក់ដឹកនាំរបស់ក្រុមហ៊ុនទាំងអស់។

លោកបានឲ្យដឹងថា ជាការពិតប្រទេសអភិវឌ្ឍនៅលើសកលលោក ដែលមានការរីកចម្រើនខ្លាំង ផ្នែកសេដ្ឋកិច្ចគឺប្រទេសទាំងនោះសម្បូរ ដោយសហគ្រិនមានសមត្ថភាពពូកែ អាចដឹកនាំគ្រប់គ្រង ចាត់ចែងអាជីវកម្មរបស់ពួកគេ ជាលក្ខណៈស្តង់ដារជាតិ និងអាចស្រូបយកប្រាក់ចំណេញពី គ្រប់ទិសទីនៅក្នុងពិភពលោកចូលក្នុងប្រទេសរបស់ពួកគេ ដែលធ្វើឲ្យសេដ្ឋកិច្ចជាតិមានភាពរឹងមាំ។

លោក ហ៊ុន ម៉ាណែត បានបញ្ជាក់ថា «ត្រង់ចំណុចនេះខ្ញុំកត់សម្គាល់ចំពោះ តួនាទីរបស់សហគ្រិន ក្នុងការចូលរួមចំណែក ការកសាងស្ថាបនាសេដ្ឋកិច្ចជាតិ ឲ្យមានភាពរឹងមាំរីកចម្រើន និងសូមឯកភាពទស្សនៈ របស់លោក អោម សេងបូរ៉ា ក្នុងអត្ថន័យថាសហគ្រិនជាបុគ្គលស្នេហាជាតិ ដែលមានបេសកកម្មឧត្តុង្គឧត្តមក្នុងការកសាង និងអភិវឌ្ឍជាតិលើគ្រប់វិស័យ តាមរយ:ការចូលរួមផ្គត់ផ្គង់ផលិតផល និងសេវាកម្មតាមសេចក្តីត្រូវការរបស់សង្គម ការបង្កើតការងារជូនប្រជាពលរដ្ឋ ការចូលរួមកសាងធនធានមនុស្ស និងការចូលរួមបង្កើនចំណូលថវិកាជាតិ»។

លោកបានបន្ដថា «រាជរដ្ឋាភិបាលកម្ពុជាតែងតែចាត់ទុកវិស័យឯកជន ជាក្បាលម៉ាស៊ីននៃកំណើនសេដ្ឋកិច្ច និងជាដៃគូពិតប្រាកដ ក្នុងការអភិវឌ្ឍប្រទេស។ វឌ្ឍនភាពរបស់វិស័យឯកជន ជាវឌ្ឍនភាពរួមរបស់ប្រទេសជាតិ ដើម្បីដោះស្រាយបញ្ហាប្រឈមនឹងកង្វល់ធំៗ លើវិស័យឯកជនក៏ដូចជាជំរុញ សក្តានុពល ចីរភាពនៃកំណើន និងភាពរឹងមាំនៃដំណើរការពេលវែងខាងមុខរបស់កម្ពុជា»។

លោកបណ្ឌិត សុក ស៊ីផាន់ណា បានថ្លែងឲ្យដឹងថា ក្នុងបរិបទនៃប្រទេសកម្ពុជាបច្ចុប្បន្ននេះ ឃើញថាការវិត្តន៍របស់សហគ្រិន ក្នុងប្រទេសយើងនេះមានកំលាំងល្បឿន និងឥទ្ធិពលខ្លាំង។ នៅក្នុងតំបន់អាស៊ីជាតំបន់ដែលមានសុខសន្ដិភាព និងជាតំបន់មួយដែលមានសេដ្ឋកិច្ចខ្លាំង នេះជាកត្តាមួយដើម្បីផ្ដល់ឱកាសឲ្យអ្នកទាំងអស់ ដែលជាសហគ្រិនអាចមានឱកាស មានឥទ្ធិពល, មានចក្ខុវិស័យចេញទៅខាងមុខបន្ថែមទៀត។

លោក អោម សេង បូរ៉ា បានថ្លែងថា បើយើងទាំងអស់គ្នាចង់ឲ្យកម្ពុជា ក្លាយជាប្រទេសអ្នកមានឆាប់រហ័ស ដាច់ខាតត្រូវតែជួយកសាងសមត្ថភាព និងជ្រោមជ្រែងសហគ្រិន នៅក្នុងស្រុកឲ្យមានភាពរឹងមាំ ព្រោះសហគ្រិនបានបង្កើតផលិតផលសេវាកម្ម ឆ្លើយតបតម្រូវការរបស់សង្គមជាតិ, សហគ្រិនបានបង្កើតការងារ និងប្រាក់ចំណូលជូនប្រជាពលរដ្ឋបានច្រើន, សហគ្រិនបានចូលរួមចំណែក កសាងគុណភាពធនធានមនុស្សច្រើន និងបានចូលរួមបង្កើនចំណូលពន្ធជូនរដ្ឋបានច្រើន ដែលទាំងនេះបានចូលរួមចំណែកជាមួយរាជរដ្ឋាភិបាល ក្នុងការជំរុញឲ្យសេដ្ឋកិច្ចជាតិមានការរីកចម្រើនឆាប់រហ័ស និងរឹងមាំ យូរអង្វែង។

សូមជម្រាបថា កម្មវិធីរាត្រីសមោសរជួបជុំម្ចាស់អាជីវកម្មកម្ពុជា CEO Award 2019 ជាព្រឹត្តិការណ៍ដែលរៀបចំឡើង ក្នុងគោលបំណង៖ លើកកម្ពស់សហគ្រិនភាពនៅកម្ពុជាឱ្យកាន់តែខ្លាំង ក្នុងការចូលរួមចំណែកកសាងសេដ្ឋកិច្ច ក្នុងស្រុកឱ្យកាន់តែរឹងមាំ,ពង្រីកទំនាក់ទំនងធុរកិច្ចដោះដូរពាណិជ្ជកម្ម ក្នុងចំណោមសហគ្រិនកម្ពុជា ឱ្យកាន់តែទូលំទូលាយ និងបង្កើនទំនាក់ទំនង គាំទ្រជាមួយស្ថាប័នពាក់ព័ន្ធទាំងឡាយឱ្យកាន់តែខ្លាំង, លើកទឹកចិត្ត និងលើកកេរ្តិ៍ឈ្មោះសមាជិកគ្រួសារ CEO Master Club ដែលបានខិតខំប្រឹងប្រែងកសាងសមត្ថភាពរបស់ខ្លួន ក្នុងការដឹកនាំគ្រប់គ្រងអាជីវកម្មរបស់ខ្លួនពី លក្ខណៈគ្រួសារទៅស្តង់ដារ តាមរយៈការផ្តល់ជូន Master CEO Award, លើកទឹកចិត្ត និងលើកកេរ្តិ៍ឈ្មោះសហគ្រិនឆ្នើមរបស់ CEO Master Club ដែលបានបង្ហាញពី លទ្ធផលនៃការរីកចម្រើនអាជីវកម្មរបស់ខ្លួន គួរឱ្យកត់សម្គាល់បន្ទាប់ពីបានអនុវត្តនូវរបៀបរបប ក្នុងការដឹកនាំគ្រប់គ្រងអាជីវកម្មរបស់ខ្លួនពី លក្ខណៈគ្រួសារទៅស្តង់ដារ តាមរយៈការផ្តល់ជូន Outstanding CEO Award ៕

សេចក្តីប្រកាសព័ត៌មាន សម័យប្រជំុពេញអង្គគណៈរដ្ឋមន្រ្តី ថ្ងៃទី២៥ ខែតុលា ឆ្នាំ២០១៩

សេចក្ដីប្រកាសព័ត៌មានស្ដីពី លទ្ធផលនៃសម័យប្រជុំពេញអង្គគណៈរដ្ឋមន្ត្រី ថ្ងៃទី២៥ ខែតុលា ឆ្នាំ២០១៩