ទស្សនះមិត្តអ្នកអាន : «ការបំពានច្បាប់ម្តងហើយម្តង ទៀតរបស់សហជីពនៃក្រុមហ៊ុនណាហ្គាវើល!»

ក្រៅពីដឹកនាំការធ្វើបាតុកម្មខុសច្បាប់ មិនស្តាប់ការណែនាំរបស់អាជ្ញាធរ មិនទទួលយកដំណោះស្រាយរបស់ក្រុមប្រឹក្សាអាជ្ញាកណ្តាល និងមិនទទួលយកដំណោះស្រាយតាមច្បាប់ការងារ ដោយដឹកនាំការតវ៉ា

ខុសច្បាប់ ខុសទំនង អស់ជាច្រើនខែ ឥឡូវនេះសហជីពខាងលើក៍បានបន្តបំពានច្បាប់យ៉ាងគឃ្លើនម្តងទៀតតាមរយៈការរៀបចំបោះឆ្នោតខុសពីលក្ខន្តិកៈ និងខុសច្បាប់ស្តីពីសហជីព។ 

សហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើល

ដែលមាននាង ឈឹម ស៊ីថរ ជាប្រធាន បានផុតអាណត្តិកាលពីថ្ងៃទី ២៥ មេសាឆ្នាំ ២០២២។ 

អនុលោមតាមច្បាប់សហជីព 

និងស្របតាមលក្ខន្តិកៈរបស់ខ្លួន សហជីពនេះត្រូវធ្វើមហាសន្និបាតដើម្បីជ្រើសរើសថ្នាក់ដឹកនាំថ្មីរបស់ខ្លួន។ ប៉ុន្តែ សហជីពនេះបែរជាបំពានច្បាប់ដោយរៀបចំការបោះឆ្នោតមួយដែលមិនស្របតាមច្បាប់ស្តីពីសហជីព និងលក្ខន្តិកៈរបស់ខ្លួនទៅវិញ។ ពួកគេមិនបានធ្វើមហាសន្និបាតទេ តែបែរជារៀបចំការ បោះឆ្នោតដែលមិនគ្រប់លក្ខណៈ ពោលគឺការបោះឆ្នោដោយមាន អ្នកចូលរួមជាដំណក់ៗ មិនគ្រប់កូរ៉ុម (៥០%បូក១) និងគ្មានការឯកភាពផ្ទៃក្នុង។

 

អ្វីដែលគួរឲ្យចម្លែកថែមទៀត នោះគឺ អ្នកឈរឈ្មោះបោះឆ្នោត និងអ្នកបោះឆ្នោតមួយចំនួនជាមនុស្សដែលគ្មានសិទ្ធិឈរឈ្មោះ និងគ្មានសិទ្ធិបោះឆ្នោតឡើយពីព្រោះតែពួកគេលែងជា បុគ្គលិករបស់ក្រុមហ៊ុនណាហ្គាវើលទៀតហើយចាប់តាំងពីត្រូវបានបញ្ឈប់ពីការងារដោយមូលហេតុវិបត្តិកូវីដ ១៩។ 

ម្យ៉ាងទៀត មានសមាជិកសហជីពមួយចំនួនក៏បានជំទាស់តាមរយៈលិខិតជាសាធារណៈទៅនឹការបោះឆ្នោតខុសនីតិវិធីនេះដែរ។ 

វាពិតជារឿងគួរឲ្យសោកស្តាយ និងគួរឲ្យខ្មាសអៀនបំផុតដែលអង្គការសហជីពមួយបែរជាបំពានច្បាប់ម្តងហើយម្តងទៀតព្រោះតែបម្រើមហិច្ឆតានយោបាយ។ ជាអង្គការសហជីពគួរតែធ្វើជាគំរូក្នុងការអនុវត្តច្បាប់ស្តី

ពីការងារនិងច្បាប់ស្តីពីសហជីព រួមទាំងការគោរពលក្ខន្តិកៈរបស់ខ្លួនផង។ ប៉ុន្តែ សហជីពមួយនេះបែរជាធ្វើសកម្មភាពយ៉ាងគឃ្លើនដោយមិនគិតពីច្បាប់ និងមិនគិតពីភាពសមរម្យ ឬសេចក្តីថ្លៃថ្នូរអ្វីឡើយ។ 

អ្វីដែលពួកគេចង់បានគឺធ្វើយ៉ាងណាបង្កអស្ថិរភាពសង្គម អសណ្តាប់ធ្នាប់ដើម្បីបំរើមហិច្ឆតអ្នកនយោបាយនៅពី ក្រោយខ្នង។  នៅលើលោកនេះ គ្មានអង្គការសង្គមស៊ីវិល ឬអង្គការនយោបាយណាមួយដែលរៀបចំការបោះឆ្នោតជ្រើសរើស

មេដឹកនាំដោយការប្រមូលមនុស្សម្តងមួយក្រុមៗ ហើយយកមកបូកបញ្ចូលគ្នាបែបនេះឡើយ។ ការធ្វើសមាជ ឬមហាសន្និបាតត្រូវរៀបចំឡើងក្នុងពេលតែមួយ និងដោយមានកូរ៉ុមគ្រប់ចំនួនទើបការបោះឆ្នោតមានសុពលភាព។ ចុះហេតុអ្វីបានជាសហជីពមួយននៃក្រុមហ៊ុនណាហ្គាវើលមួយនេះដឹកនាំដោយក្រុមឈឹម ស៊ីថរ ហ៊ានបំពានច្បាប់និងលក្ខន្តិកៈរបស់ខ្លួន យ៉ាង ងងើលបែបនេះ? 

មានហេតុផលច្រើនយ៉ាង

ដែលអាចពន្យល់រឿងនេះបាន៖

ទី១៖ មកពីសហជីពនេះបាត់បង់ការគាំទ្រពីសមាជិករបស់ខ្លួនដោយសមាជិកភាគច្រើនមិនផ្តល់ទំនុកចិត្តទៅលើការដឹកនាំរបស់ ឈឹម ស៊ីថរ និងបក្ខពួកទៀតឡើយដោយសារតែពួកគេ យកសហជីពទៅបម្រើនយោបាយធ្វើឲ្យបាត់បង់ផលប្រយោជន៍របស់កម្មករ និយោជិត និងបាត់បង់តម្លៃរបស់សហជីព។ ជាក់ស្តែង ការដឹកនាំការតវ៉ាឲ្យថៅកែទទួលយកបុគ្គលិកមួយក្តាប់តូចចូលធ្វើការវិញត្រូវគេមើលឃើញថាគឺជាការទាមទារដែលគ្មានមូលដ្ឋានច្បាប់ និងគ្មានភាពសមទំនងទាល់តែសោះ។ 

ទី២៖ ដោយសារតែការប្រមូលសមាជិកធ្វើមហាសន្និបាតមិនបានគ្រប់ចំនួន និងដោយសារតែមហិច្ឆតាចង់ធ្វើមេដឹកនាំសហជីពនេះបន្តដើម្បីចិញ្ចឹមទំនាស់ក្នុងក្រុមហ៊ុនណាហ្គាវើល ទើបពួកគេគ្មានជម្រើសអ្វីក្រៅពីរៀបចំការបោះឆ្នោតបែប

បាយឡុកបាយឡនេះឡើងដោយបំពានច្បាប់ និងលក្ខិកៈទាំងស្រុង ពីព្រោះចាប់ពីថ្ងៃទី ២៥ មេសា តទៅ ឈឹម ស៊ីថរ និងក្បាលម៉ាស៊ីនដឹកនាំសហជីពមួយ នេះអស់សុពលភាពក្នុងការដឹកនាំសហជីពនេះទៀតហើយ។ 

ដូច្នេះ ដើម្បីបន្តសកម្មភាពនយោបាយជ្រកក្រោមស្លាកសហជីពរបស់ខ្លួន ពួកគេបានរៀបចំការបោះឆ្នោតខុសច្បាប់នេះឡើងដើម្បីបន្លំភ្នែកមហាជនថា ខ្លួនទទួលបានសុពលភាពជាថ្មីជាថ្នាក់ដឹកនាំសហជីពបន្ត។ 

ទី៣៖ ឈឹម ស៊ីថរ និងបក្ខពួក

មួយក្តាប់តូចនេះមានបំណង

ចង់ក្រាញននៀលដើម្បីបន្តសកម្មភាពខុសច្បាប់របស់ខ្លួន

ក្នុងន័យបង្កការអុកឡុកក្រុមហ៊ុនណាហ្គាវើល ក៏ដូចជាបង្កបញ្ហាដល់អាជ្ញាធរមានសមត្ថកិច្ចក្រោមលេសទាមទារសិទ្ធិការងារ។ ដើម្បីបន្តសកម្មភាព នេះបាន ទាល់តែខ្លួនត្រូវបាន បោះឆ្នោតឲ្យធ្វើជាប្រធាន និងថ្នាក់ដឹកនាំសហជីពនេះបន្តទៀត។ ប៉ុន្តែ បើរៀបចំបោះឆ្នោតតាមច្បាប់ និងតាមលក្ខន្តិកៈ ពួកគេមិនអាចធ្វើទៅរួចឡើយ ដូច្នេះ ពួកគេក៏បង្ខំចិត្តរៀបចំការ បោះឆ្នោបាយឡុកបាយឡនេះឡើងក្នុង«ទំរង់ប្រជុំដែលមានកូរ៉ុមតាមបែបច្រណិតត្រសក់និងបោះឆ្នោតជាច្រណិតត្រសក់» ទោះជាអាក្រក់មើលនិងខុសគោលការណ៍យ៉ាងណាក៏ ដោយ។

សរុបមកវិញ សហជីពដែលដឹកនាំដោយ ឈឹម ស៊ីថរ បាននិងកំពុងធ្វើសកម្មភាពបំពាន ច្បាប់ជាបន្តបន្ទាប់ម្តងហើយម្តង ទៀតឥតឈប់ឈរឡើយ។ 

ប្រឈមមុខចំពោះបញ្ហាបែបនេះ បុគ្គលិកនិងកម្មករដែលកំពុងចូលរួមក្នុងការតវ៉ាខុសច្បាប់នេះ គួរតែដកខ្លួនចេញពីសហជីពដែលក្រុម ឈឹម ស៊ីថរកំពុងរៀបចំនេះព្រោះនេះជា «ការបង្កើតអង្គការសហជីពខុសច្បាប់»។ ម៉្យាងវិញទៀត អាជ្ញាធរមាន

សមត្ថកិច្ចគួរតែពិចារណា វិធានការផ្លូវច្បាប់ឲ្យបានតឹងរ៉ឹងបំផុតផងដែរចំពោះក្រុមមនុស្សប្រភេទនេះដោយមិនគួរទុកឲ្យពួកគេបន្តបង្កព្យុះភ្លៀងតាមបែបអាណាធិប្បតេយ្យនិងបំពានច្បាប់នៅក្នុងសង្គមបែបនេះទៀតឡើយ៕

ដោយ: អ្នកនយោបាយតុកាហ្វេ

សម្តេចតេជោ ហ៊ុន សែន អញ្ជើញសំណេះសំណាលជាមួយកីឡាករ កីឡាការិនី និងអត្តពលិក មុនចេញទៅប្រកួតស៊ីហ្គេម នៅប្រទេសវៀតណាម

នៅព្រឹក ថ្ងៃព្រហស្បតិ៍​ ១២រោច ខែចេត្រ ឆ្នាំខាល ចត្វាស័ក ព.ស. ២៥៦៥ ត្រូវនឹង ថ្ងៃទី២៨ ខែមេសា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជួបសំណេះសំណាល និងផ្តល់អនុសាសន៍ ដល់កីឡាករ កីឡាការិនី និងអត្តពលិក ចំនួន៥៦០នាក់ មុនពេលពួកគេចេញទៅប្រកួតកីឡាស៊ីហ្គេម (SEA Game) លើកទី៣១ នៅប្រទេសវៀតណាម។

សម្តេចតេជោ ហ៊ុន សែន បានកោតសរសើរចំពោះសមត្ថភាពក្មួយៗកីឡាករ កីឡាការិនី និងគ្រូបង្វឹក ដែលបានខិតខំហ្វឹកហ្វឺនដល់កីឡាករទាំងអស់ទទួលបានជ័យជំនះជាបន្តបន្ទាប់។ ហើយការចេញទៅប្រកួតលើកនេះសរុបទាំងអស់មានចំនួន៥៦០ នាក់ ដែលក្នុងនោះមានថ្នាក់ដឹកនាំប្រមាណជាង៤០នាក់ ដែលនេះចំនួនដ៏សមស្របមួយ។ 

សម្តេចតេជោ ហ៊ុន  សែន បានផ្តាំផ្ញើដល់កីឡាករ កីឡាការិនីទាំងអស់មុនទៅចូលរួមប្រកួតកីឡា SEA Games នៅប្រទេសវៀតណាមនាពេលខាងមុខនេះ សម្តេចតេជោនាយករដ្ឋមន្ត្រីបានមានប្រសាសន៍រំលឹកកីឡាករ កីឡាការិនីទាំងអស់ ពេលចេញទៅប្រកួត គឺតំណាងឱ្យជាតិទាំងមូល។ សេចក្តីថ្លៃថ្នូររបស់ជាតិ គឺពិតជាសំខាន់ណាស់ ដូច្នេះយើងមិនត្រូវធ្វើអ្វីដែលនាំដល់ការអាប់ឱនកិត្តិយសជាតិនោះឡើយ។ សម្តេចតេជោបានមានប្រសាសន៍ណែនាំដល់កីឡាករ កីឡាការិនីទាំងអស់ត្រូវយកចិត្តទុកដាក់ប្រឹងប្រែងប្រកួត តែត្រូវចៀសវាងការបំពានច្បាប់ និងលក្ខខណ្ឌប្រកួត ក៏ដូចជាការប្រើប្រាស់សារធាតុប៉ូវកម្លាំងជាដើម។ សម្តេចតេជោបានបន្តថា ទោះបីដាក់គោលដៅយកមេដាយឱ្យបានច្រើនក៏ដោយ តែមិនត្រូវបំពានច្បាប់ បំពានវិន័យ និងការប្រើប្រាស់ថ្នាំប៉ូវ កម្លាំងជាដាច់ខាតដែលនាំឱ្យប៉ះពាល់សេចក្តីថ្លៃថ្នូររបស់ជាតិ។ 

នៅថ្ងៃនេះ សម្តេចតេជោ ហ៊ុន សែន បានណែនាំឱ្យមានការពិចារណាបំលាស់ទីអ្នកជំងឺកូវីដ-១៩ពីពហុកីឡដ្ឋានជាតិអូឡាំពិក ទៅកាន់មន្ទីរពេទ្យហ្លងម៉ែ ឬកន្លែងផ្សេង ដើម្បីប្រគល់ពហុកីឡដ្ឋានជាតិអូឡាំពិក ត្រឡប់ទៅបម្រើការងារកីឡាឡើងវិញ ដើម្បីត្រៀមរៀបចំទីតាំងសម្រាប់ការប្រកួតកីឡាផ្សេងៗពេលដែលកម្ពុជាត្រូវធ្វើជាម្ចាស់ផ្ទះស៊ីហ្គេមនៅឆ្នាំក្រោយ។ ការបំលាស់ទីតាំងអ្នកជំងឺនេះ សម្តេចតេជោបានផ្តល់យោបល់ថា អាចយកពួកគាត់ទៅមណ្ឌលចាក់អង្រែ ឬទៅមជ្ឈមណ្ឌលព្យាបាលអ្នកជំងឺកូវីដ-១៩ព្រែកព្នៅ តែមណ្ឌលនេះបើតាម ឯកឧត្តម ឃួង ស្រេង ថាអាចនឹងសាងសង់រួចរាល់ដើមឆ្នាំ២០២៣។

នៅថ្ងៃនេះ សម្តេចតេជោបានមានប្រសាសន៍បង្ហាញពីគោលបំណងចង់ប្រែក្លាយមន្ទីរពេទ្យហ្លួងម៉ែឲ្យទៅជាមន្ទីរពេទ្យឯកទេសខាងព្យាបាលជំងឺមហារីកនាពេលខាងមុខផងដែរ។ សម្តេចតេជោ ហ៊ុន សែន បានមានប្រសាសន៍ថា ទោះបីជំងឺកូវីដ-១៩ បានថមថយក៏ពិតមែន តែកម្ពុជាមិនបោះបង់ការត្រៀមលក្ខណៈឆ្លើយតបនឹងបញ្ហាសុខភាពសាធារណៈនោះឡើយ គឺយើងត្រូវតែបន្តការការពារជាបន្តទៀត។ 

ក្នុងឱកាសនៃការទៅចូលរួមប្រកួតកីឡា SEA Games នៅប្រទេសវៀតណាមខាងមុខ សម្តេចតេជោនាយករដ្ឋមន្ត្រី បានលើកទឹកចិត្តដល់កីឡាករ កីឡាការិនីទាំងអស់អោយខិតខំប្រឹងប្រែងដើម្បីទទួលបានជ័យជំនះបន្ថែមទៀត ។ សម្តេចតេជោបានឧបត្ថម្ភលើកទឹកចិត្តដល់កីឡាករកីឡាការិនី និងគ្រូបង្វឹកចំនួន ៥៦០នាក់ ក្នុងម្នាក់ៗទទួលបាន $500 សម្រាប់ការធ្វើដំណើរ។ 

មុននឹងបញ្ចប់​ សម្តេចតេជោ ហ៊ុន សែន បានជូនពរកីឡាករកីឡារិនី និងគ្រូបង្វឹកទាំងអស់ ទទួលបានជោគជ័យក្នុងការប្រកួត និងជួបតែសេចក្តីសុខ សេចក្តីចម្រើន គ្រប់ៗគ្នា៕

សម្តេចតេជោ ហ៊ុន សែន ផ្ញើលិខិតឆ្លើយតបជាមួយ ប្រធានាធិបតីអាមេរិក ដែលអញ្ជើញសម្តេចចូលរួមកិច្ចប្រជុំកំពូលពិសេសអាស៊ាន-អាមេរិក

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី២៨ ខែមេសា ឆ្នាំ២០២២នេះ បានផ្ញើលិខិតមួយទៅកាន់ លោក ចូ បៃដិន ប្រធានាធិបតីអាមេរិក ដើម្បីថ្លែងអំណរគុណ និងឆ្លើយតបចំពោះការអញ្ជើញសម្តេចទៅចូលរួមកិច្ចប្រជុំកំពូលពិសេសអាស៊ាន-អាមេរិក នៅថ្ងៃទី១២-១៣ ខែឧសភា ឆ្នាំ២០២២ ខាងមុខនេះ។

តាមរយៈសារលិខិតរបស់សម្តេចតេជោ ហ៊ុន សែន បានបញ្ជាក់ដូច្នេះថា៖

«ខ្ញុំសូមអរគុណឯកឧតុ្តមប្រធានាធិបតី ដែលបានផ្ញើលិខិតអញ្ជើញខ្ញុំចូលរួមកិច្ចប្រជុំ កំពូលពិសេសអាស៊ាន-សហរដ្ឋអាមេរិក ដែលនឹងប្រព្រឹត្តទៅនៅរដ្ឋធានីវ៉ាស៊ីនតោន នាថ្ងៃទី ១២-១៣ ខែឧសភា ឆ្នាំ២០២២។ ខ្ញុំមានសេចក្តីសោមនស្សរីករាយនឹងចូលរួមកិច្ចប្រជុំនេះ។

ខ្ញុំជឿជាក់ថា ការបញ្ជាក់ជាថ្មីនូវប្ដេជ្ញាចិត្តរបស់ឯកឧត្ដម ដើម្បីពង្រឹងថែមទៀតនូវ ទំនាក់ទំនងរវាងសហរដ្ឋអាមេរិក និងអាស៊ាន ជាពិសេសក្នុងឱកាសរំឭកខួបអនុស្សាវរីយ៍ លើកទី៤៥ នៃទំនាក់ទំនងដៃគូសន្ទនាអាស៊ាន-សហរដ្ឋអាមេរិក នឹងជាជំហានឆ្ពោះទៅមុខ មួយឈានទៅរកការតម្លើងភាពជាដៃគូរបស់យើងឱ្យឡើងដល់កម្រិតខ្ពស់មួយថ្មីទៀត។ ក្នុងន័យនេះ កម្ពុជាគាំទ្រយ៉ាងពេញទំហឹងលើការកម្ពស់ទំនាក់ទំនងអាស៊ាន-សហរដ្ឋអាមេរិក ពីដៃគូយុទ្ធសាស្ត្រ ទៅជាដៃគូយុទ្ធសាស្ត្រគ្រប់ជ្រុងជ្រោយ។

ក្នុងនាមកម្ពុជាជាប្រធានអាស៊ានឆ្នាំ២០២២ ខ្ញុំសូមបញ្ជាក់សាជាថ្មីអំពីបំណងប្រាថ្នា ដ៏មុតមាំរបស់កម្ពុជាក្នុងការខិតខំស្វែងរកកាលានុវត្តភាពបន្ថែមទៀត ដើម្បីពង្រីកកិច្ចសហប្រតិបត្តិការអាស៊ាន-សហរដ្ឋអាមេរិកលើគ្រប់វិស័យ។

ខ្ញុំជឿជាក់ថា កិច្ចប្រជុំកំពូលពិសេសនេះ ជាឱកាសដ៏ប្រសើរសម្រាប់យើង ពិភាក្សាពីការជម្រុញកិច្ចសហប្រតិបតិ្តការ ព្រមទាំងផ្លាស់ប្តូរ យោបល់គ្នាលើបញ្ហានានា ដែលជាក្តីបារម្ភ និងជាប្រយោជន៍រួមរបស់អាស៊ាន និងសហរដ្ឋ អាមេរិក។

ខ្ញុំទន្ទឹងជួបជាមួយឯកឧតុ្តមដោយផ្ទាល់ នៅរដ្ឋធានីវ៉ាស៊ីនតោន និងត្រៀមធ្វើការ ជិតស្និទ្ធជាមួយឯកឧត្តម។

សូមឯកឧតុ្តម ទទួលនូវការរាប់អានដ៏ស្មោះស្ម័គ្រពីខ្ញុំ»។

សូមបញ្ជាក់ថា លោក ចូ បៃដិន ប្រធានាធិបតីសហរដ្ឋអាមេរិក កាលពីថ្ងៃទី២០ ខែមេសា ឆ្នាំ២០២២ បានចេញលិខិតមួយអញ្ជើញសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ទៅចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក ដែលគ្រោងធ្វើឡើងនៅថ្ងៃទី១២-១៣ ខែឧសភា ឆ្នាំ២០២២ ខាងមុខនេះ នៅសហរដ្ឋអាមេរិក៕

ប្រធានាធិបតីអាមេរិក លោក ចូ បៃដិន ផ្ញើលិខិតអញ្ជើញសម្តេចតេជោ ហ៊ុន សែន ទៅចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក

 (ភ្នំពេញ)៖ លោក ចូ បៃដិន ប្រធានាធិបតីសហរដ្ឋអាមេរិក កាលពីថ្ងៃទី២០ ខែមេសា ឆ្នាំ២០២២ បានចេញលិខិតមួយអញ្ជើញសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ទៅចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក ដែលគ្រោងធ្វើឡើងនៅថ្ងៃទី១២-១៣ ខែឧសភា ឆ្នាំ២០២២ ខាងមុខនេះ។

តាមរយៈលិខិតអញ្ជើញរបស់លោក ចូ បៃដិន បានបញ្ជាក់ដូចតទៅ៖

«ជូនចំពោះសម្ដេចតេជោនាយករដ្ឋមន្រ្តី

ខ្ញុំមានសេចក្ដីសោមនស្សរីករាយ ដែលយើងមានឱកាសចែករំលែកទស្សនៈគ្នា នៅក្នុងឱកាសនៃកិច្ចប្រជុំកំពូលប្រចាំឆ្នាំអាស៊ាន-សហរដ្ឋអាមេរិក និងកិច្ចប្រជុំកំពូលអាស៊ីបូព៌ា កាលពីឆ្នាំមុន។ ខ្ញុំសង្ឃឹមថា សម្ដេចតេជោនាយករដ្ឋមន្រ្តី និងក្រុមគ្រួសារមានសុខភាពល្អ។

ក្នុងនាមប្រជាជនអាមេរិកទាំងអស់ ខ្ញុំសូមផ្ញើនូវការដឹងគុណយ៉ាងស្មោះអស់ពីចិត្តជូនចំពោះអាស៊ាន និងប្រទេសសមាជិក នូវភាពជាដៃគូដ៏យូរអង្វែងដែលមានអាយុកាលបួនទសវត្សរ៍មកនេះ។ នៅចំពោះមុខនៃការប្រឈមដែលពុំធ្លាប់មានពីមុនមក និងកាលានុវត្តភាពដ៏ចម្បងដែលកើតចេញពីការប្រឈមនេះ សហរដ្ឋអាមេរិកនិងអាស៊ាន បានរួបរួមគ្នាប្រយុទ្ធប្រឆាំងនឹងជម្ងឺកូវីដ-១៩ និងពង្រឹងប្រព័ន្ធសុខាភិបាលតំបន់ បង្កើនមហច្ឆិតារបស់យើងក្នុងការដោះស្រាយបញ្ហាអាកាសធាតុ លើកកម្ពស់ខ្សែច្រវាក់ផ្គត់ផ្គង់ដែលមានភាពធន់ ពន្លឿននវានុវត្តន៍ និងរឹតចំណងមិត្តភាពឱ្យកាន់តែស៊ីជម្រៅថែមទៀតរវាងប្រជាជនយើងទាំងពីរដែលបូករួមគ្នាមានចំនួនមួយប៊ីលាននាក់។ ការធ្វើបែបនេះ អាស៊ាន និងសហរដ្ឋអាមេរិក បានលើកកម្ពស់ចក្ខុវិស័យរួមសម្រាប់តំបន់មួយដែលសេរី និងបើកចំហរ ដូចដែលបានគូសបញ្ជាក់រួចហើយនៅក្នុងទស្សនវិស័យអាស៊ានស្ដីពីឥណ្ឌូ-ប៉ាស៊ីហ្វិក និងយុទ្ធសាស្ត្រឥណ្ឌូ-ប៉ាស៊ីហ្វិក របស់សហរដ្ឋអាមេរិក។

ខ្ញុំមានសេចក្ដីសោមនស្សរីករាយសូមអញ្ជើញ សម្ដេចតេជោនាយករដ្ឋមន្រ្តី ចូលរួមដោយផ្ទាល់ក្នុងកិច្ចប្រជុំកំពូលពិសេសអាស៊ាន-សហរដ្ឋអាមេរិក នៅរដ្ឋធានីវ៉ាស៊ីនតោន នៅថ្ងៃទី១២-១៣ ខែឧសភា ឆ្នាំ២០២២។ ក្នុងឱកាសកិច្ចប្រជុំកំពូលនោះ យើងនឹងប្រារព្ធខួបអនុស្សាវរីយ៍លើកទី៤៥ នៃភាពជាដៃគូយូរអង្វែង និងលើកឡើងអំពីមហិច្ឆតារួមរបស់យើង សម្រាប់សករាជថ្មីនៃទំនាក់ទំនងដៃគូសន្ទនាអាស៊ាន-សហរដ្ឋអាមេរិក។ ខ្ញុំទន្ទឹងរង់ចាំជួប សម្ដេចតេជោនាយករដ្ឋមន្រ្តី និងថ្នាក់ដឹកនាំអាស៊ានដទៃទៀត នៅសេតវិមាន។

សូមមេត្តាទទួលនូវការរាប់អានដ៏ស្មោះស្ម័គ្រពីខ្ញុំ»៕

ទស្សនៈមិត្តអ្នកអាន : «ការអំពាវនាវរកជំនួយរបស់សហជីពនៃក្រុមហ៊ុនណាហ្គាវើលដ៏ គឺជាឆាកល្ខោនបំភាន់ភ្នែក»

កាលពីថ្ងៃទី២៧ មេសា ឆ្នាំ ២០២២ សហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៏បានចេញសេចក្តីអំពាវនាវមួយដើម្បីស្វែងរកជំនួយពីសប្បុរសជនក្រោមហេតុផលថា បុគ្គលិកកម្មករដែលតវ៉ាឲ្យថៅកែយកចូលធ្វើការវិញនោះ កំពុងជួបការខ្វះខាតផ្នែកជីវភាព ហើយពួកគេភាគច្រើនជាស្ត្រី។ បើអានសេចក្តីអំពាវនាវនេះមួយភ្លែត គេហាក់ដូចជាមានអារម្មណ៍ថា ក្រុមអ្នកតវ៉ាទាំងនោះ ហាក់ដូចជាកំសត់ណាស់។

ប៉ុន្តែ ប្រសិនបើពិចារណាអោយជ្រៅបន្តិចទៅលើសកម្មភាពរបស់ពួកគេដែលបាននិងកំពុងធ្វើវិញ គ្រប់គ្នាច្បាស់ជាយល់បានថា សេចក្តីអំពាវនាវនេះគ្រាន់តែជាឆាកល្ខោនបន្លំភ្នែកតែប៉ុណ្ណោះ។ តាមពិតទៅ ក្រុមនេះមិនកំសត់ដូចដែលសហជីពនេះបានលើកឡើងនោះទេ ពីព្រោះពួកគេអាចធ្វើសកម្មភាពបែបនេះបានក្នុងរយៈពេលជាច្រើនខែមកនេះគឺដោយសារតែមានអ្នកឧបឧត្ថម្ភពីក្រោយខ្នងយ៉ាងរឹងមាំក្នុងចេតនាចិញ្ជឹមទំនាស់ដោយចិញ្ចឹមចលនាបាតុកម្មខុសច្បាប់នេះឲ្យនៅរស់រវើក ទោះជាការតវ៉ានេះខុសទំនងនិងខុសច្បាប់ការងារក៏ដោយ ជាពិសេសគឺការទាមទារបង្ខំគំរាមថៅកែឱ្យយកពួកខ្លួនចូលធ្វើការវីញដែលគ្មានច្បាប់នៅក្នុងប្រទេសណាមួយក្នុងពិភពលោក មានចែងនិងធ្លាប់បានអនុវត្តនោះឡើយ។ ចំណុចដែលគួរឲ្យពិចារណាមាន ដូចតទៅ៖

ទី១៖ ប្រសិនបើជាវិវាទការងារពិតប្រាកដ បញ្ហាអាចដោះស្រាយបានយ៉ាងងាយដោយឈរលើច្បាប់ការងារពីព្រោះក្នុងការបញ្ចប់កិច្ចសន្យាការងារ និយោជកត្រូវផ្តល់សំណងនិងអត្ថប្រយោជន៍ផ្សេងៗដល់កម្មករ និយោជិតទៅតាមច្បាប់ដែលបានចែង។ ក្នុងន័យនេះ និយោជកក្រុមហ៊ុនណាហ្គាវើលបានយល់ព្រមអនុវត្តតាមច្បាប់ការងារទាំងអស់ ហើយបុគ្គលិកកម្មករភាគច្រើនក៍បានទទួលយកដំណោះស្រាយតាមនីតិវិធីច្បាប់រួចរាល់ហើយដែរ។ ប៉ុន្តែនៅសល់តែបុគ្គលិកនិងកម្មករមួយក្រុមតូចដែលដឹកនាំដោយសកម្មជននយោបាយ ឈឹម ស៊ីថរ និងដោយមានការទំនុកបំរុងជាប្រចាំនិងយ៉ាងសកម្មពីសង្គមស៊ីវីលមួយចំនួនដែលទទួលជំនួយពីពួកបរទេស បែរជាមិនព្រមទទួលយកដំណោះស្រាយ ហើយបែរជាទាមទារឲ្យថៅកែយកចូលធ្វើការវិញ? នេះគឺជាការទាមទារខុសពីនីតិវិធីច្បាប់ពីព្រោះគ្មានច្បាប់ណាបង្ខំឲ្យនិយោជកត្រូវទទួលយកកម្មករ និយោជិតតាមការបង្ខិតបង្ខំនោះឡើយ។

ទី២៖ សំណងដែលនិយោជកផ្តល់ជូន ក៍មានចំនួនច្រើនគួរសម និងសមរម្យដែលអាចអនុញ្ញាត ឲ្យកម្មករនិយោជិតអាចដោះស្រាយជីវភាពបានក្នុងកំឡុងពេលស្វែងរកការងារថ្មី។ ចុះហេតុអ្វីបានជាមិនព្រមទទួលយដំណោះស្រាយតាមច្បាប់ការងារដែលជាប្រយោជន៍សម្រាប់ខ្លួនឯងបែរទៅជាជ្រើសរើសយកមធ្យោបាយតវ៉ាដែលមិនសមទំនងហើយខាតប្រយោជន៍បែបនេះទៅវិញ? តើមានអ្វីនៅពីក្រោយការតវ៉ាបែបនេះ?

ទី៣៖ បន្ទាប់ពីការតវ៉ាខុសច្បាប់និងខុសទំនងអស់រយៈពេលជាច្រើនខែ និងបន្ទាប់ពីរងការរិះគន់ថាមានអ្នកឧបត្ថម្ភពីក្រោយខ្នង និងមានភស្តុតាងជាច្រើនដែលគេចាប់បាន ទើបសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលបានចេញសេចក្តីអំពាវនាវមួយដើម្បីស្វែងរកជំនួយពីសប្បុរសជន។ ចុះរយៈ ពេលជាច្រើនខែមកនេះ ពួកគេបានលុយមកពីណាដើម្បីធ្វើសកម្មភាពបាតុកម្មតវ៉ានិងផ្គត់ផ្គង់ជីវភាពបើគ្មានអ្នកឧត្ថម្ភពីក្រោយខ្នងទេនោះ?

ទី៤៖ការអំពាវនាវរបស់សហជីព នេះដើម្បីស្វែងរកជំនួយពីសប្បុរសជនធ្វើឡើងក្រោមហេតុផលដើម្បីការពារសិទ្ធិ

ការងារ និងដោយយកស្ត្រីមកធ្វើជាលេសដើម្បីទាក់ទាញចំណាប់អារម្មណ៍ ។ ប៉ុន្តែសំណួរ នៅត្រង់ថា ប្រសិនបើពួកគេតវ៉ាដើម្បីសិទ្ធិការងារនិងយុត្តិធម៌សង្គម ម្តេចក៍មិនទទួលយកការសម្រេចរបស់ក្រុមប្រឹក្សាអាជ្ញាកណ្តាលនិងដំណោះស្រាយតាមច្បាប់ការងារដែលនិយោជកដោះស្រាយជូន?

ការដាក់លក្ខខណ្ឌឲ្យនិយោជកត្រូវយកខ្លួនចូលធ្វើការវិញដោយចាត់ទុកថាជាដំណោះស្រាយតែមួយគត់ គឺមិនមែនជាការការពារសិទ្ធិការងារនិងយុត្តិធម៌សង្គមទេ។ សិទ្ធិការងារគឺជាសិទ្ធិដែលនិយោជកនិងនិយោជិតព្រមព្រៀងគ្នាដោយគោរពតាមច្បាប់ការងារ ចំណែកឯយុត្តិធម៌សង្គមគឺជាយុត្តិធម៌សម្រាប់ភាគីទាំងសងខាង មិនមែនជាការ

បង្ខំឲ្យនិយោជកទទួលយកខ្លួនឲ្យចូលធ្វើការនោះទេពីព្រោះទាល់តែមានការព្រមព្រៀងរវាងបុគ្គលិកនិងថៅកែទើបមានការងារធ្វើ។ គ្មានបុគ្គលណាចង់បានការងារធ្វើហើយមានសិទ្ធិបង្ខំនិយោជកឲ្យទទួលយកខ្លួនធ្វើការនោះទេ។

ដោយឈរលើហេតុផលទាំងអស់នេះ គេអាចយល់បានថា សេចក្តីថ្លែងការណ៍អំពាវនាវរបស់សហជីពនេះដើម្បីស្វែងរកជំនួយពីសប្បុរសជន គ្រាន់តែជាឆាកល្ខោនដើម្បីបិទបាំងម្ចាស់ជំនួយលាក់មុខរបស់ខ្លួន និងដើម្បីជាលេស អូសបន្លាយបញ្ហាតែប៉ុណ្ណោះ៕

ដោយ : អ្នកនយោបាយតុកាហ្វេ

សម្តេចតេជោ ហ៊ុន សែន អំពាវនាវដល់កីឡាករ កីឡាការិនី ទាំងអស់ត្រូវជៀសឆ្ងាយពីគ្រឿងញៀន ជាពិសេសប្រុងប្រយ័ត្នថែរទាំសុខភាពពីជំងឺឆ្លងកូវីដ-១៩

សម្តេចតេជោ ហ៊ុន សែន ថ្លែងថា មុនពេលត្រៀមចេញដំណើរទៅប្រកួតនៅប្រទេសវៀតណាម ត្រូវបន្តយកចិត្តទុកដាក់ការពារសុខភាពអោយបានល្អ ជៀសឆ្ងាយពីគ្រឿងញៀន បើសិនពេលចូលប្រកួត គេពិនិត្យឃើញមានសារធាតុញៀនមានក្នុងខ្លួន នោះគេនឹងបញ្ឈប់ភ្លាមៗ មិនអោយចូលប្រកួតបាននោះទេ នាំឱ្យមានការសោកស្តាយ ដោយត្រូវបោះបង់ការប្រកួតនៅពាក់កណ្តាលទី ធ្វើឱ្យខាតបង់ដល់ពេលវេលាដែលខិតខំហ្វឹកហាត់តែបែរមិនបានប្រកួតដណ្តើមមេដាយ។

សម្តេចតេជោ ហ៊ុន សែន ថ្លែងបែបនេះ នៅព្រឹកថ្ងៃទី២៨ ខែមេសា ឆ្នាំ២០២២ ក្នុងឱកាសអញ្ជើញជួបសំណេះសំណាល និងផ្តល់អនុសាសន៍ ដល់កីឡាករ កីឡាការិនី និងអត្តពលិក មុនពេលពួកគេចេញទៅប្រកួតកីឡាស៊ីហ្គេម (SEA Game) លើកទី៣១ នៅប្រទេសវៀតណាម ដែលពិធីនេះប្រារព្ធធ្វើឡើងនៅសាលសន្និសីទនិងមហោស្រពកោះពេជ្រ។

សម្តេចតេជោ ហ៊ុន សែន បានផ្តាំផ្ញើរដល់កីឡាករ កីឡាការីទាំងអស់ ចាំចាច់ត្រូវជៀសឆ្ងាយពីគ្រឿងញៀន ជាពិសេសការពារសុខភាពពីជំងឺឆ្លងកូវីដ-១៩ ត្រូវពាក់ម៉ាស់ ប្រភេទ N95 ដែលមានគុណភាពល្អជាងគេ ទន្ទឹមនោះត្រូវគោរពទៅតាមវិធានការណែនាំរបស់ក្រសួងសុខាភិបាលឱ្យបានម៉ឹងម៉ាត់៕

សម្តេចតេជោ ហ៊ុន សែន៖ កុំចាំដល់ពេលមានសង្រ្គាម ទើបស្រែករកសន្តិភាព

សម្តេចតេជោ ហ៊ុន សែន បានថ្លែងថា បើគ្មានសន្តិភាពទេ ក៏យើងគ្មានឱកាសបានមកជួបជុំគ្នានៅពេលនេះ ហើយក៏មិនបានចូលរួមប្រកួតកីឡាស៊ីហ្គេមដែរ ដូច្នេះយើងត្រូវការពារសន្តិភាព កុំចាំដល់ពេលមានសង្រ្គាម ទើបស្រែករកសន្តិភាព។ 

សម្តេចបានថ្លែងដូចនេះនៅព្រឹកថ្ងៃទី២៨ ខែមេសា ឆ្នាំ២០២២ ក្នុងឱកាសអញ្ជើញជួបសំណេះសំណាល និងផ្តល់អនុសាសន៍ ដល់កីឡាករ កីឡាការិនី និងអត្តពលិក មុនពេលពួកគេចេញទៅប្រកួតកីឡាស៊ីហ្គេម (SEA Game) លើកទី៣១ នៅប្រទេសវៀតណាម ដែលពិធីនេះប្រារព្ធធ្វើឡើងនៅសាលសន្និសីទនិងមហោស្រពកោះពេជ្រ។

សម្តេចតេជោ ហ៊ុន សែន បានគូសបញ្ជាក់ថា បើសិនយើងចង់ការពារសមិទ្ធផលនានាដែលកើតមានឡើងនៅលើទឹកដីកម្ពុជា ក៏ដូចជាការពារវិស័យកីឡាយើង យើងត្រូវការពារសន្តិភាព ដែលយើងខិតខំរកបានដោយលំបាកនេះ ដោយមិនត្រូវរង់ចាំរហូតបាត់សន្តិភាព និងមានសង្រ្គាម ទើបស្រែករកសន្តិភាពនោះឡើយ។

សម្តេចតេជោ ហ៊ុន សែន ក៏បានគូសបញ្ជាក់ថា យើងបានឃើញច្បាស់ហើយពីវិនាសកម្មនៃសង្រ្គាមនៅអ៊ុយក្រែន ដែលនៅពេលនេះប្រជាជនអ៊ុយក្រែន៣០-៤០លាននាក់ កំពុងស្រែករកសន្តិភាព។

សម្តេចតេជោ ហ៊ុន សែន បានសង្កត់ធ្ងន់ថា មូលដ្ឋាននៃសន្តិភាពនេះហើយដែលធ្វើឱ្យប្រទេសកម្ពុជាយើងប្រែក្លាយពីប្រទេសមានចំណូលទាប ទៅជាប្រទេសមានចំណូលមធ្យមកម្រិតទាប ហើយយើងមានមហិច្ឆតាប្រែក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ផងដែរ៕

សម្តេចតេជោ ហ៊ុន សែន៖ លទ្ធភាពនៃការតំឡើងបៀវត្សសម្រាប់មន្រ្តីរាជការនៅឆ្នាំ២០២៣ អាចនឹងមាន ប្រសិនបើយើងមិនមានផលប៉ះពាល់ខ្លាំងដល់សេដ្ឋកិច្ច

សម្តេចតេជោ ហ៊ុន សែន បានថ្លែងថា លទ្ធភាពនៃការតំឡើងបៀវត្សសម្រាប់មន្រ្តីរាជការនៅឆ្នាំ២០២៣ អាចនឹងមាន ប្រសិនបើកម្ពុជាយើងមិនមានផលប៉ះពាល់ខ្លាំងដល់សេដ្ឋកិច្ចដែលបង្កឡើងដោយសារជំងឺកូវីដ-១៩ និងសង្រ្គាមរវាងរុស្ស៊ីនិងអ៊ុយក្រែនទេនោះ។ សម្តេចបានថ្លែងដូចនេះនៅព្រឹកថ្ងៃទី២៨ ខែមេសា ឆ្នាំ២០២២ ក្នុងឱកាសអញ្ជើញជួបសំណេះសំណាល និងផ្តល់អនុសាសន៍ ដល់កីឡាករ កីឡាការិនី និងអត្តពលិក មុនពេលពួកគេចេញទៅប្រកួតកីឡាស៊ីហ្គេម (SEA Game) លើកទី៣១ នៅប្រទេសវៀតណាម ដែលពិធីនេះប្រារព្ធធ្វើឡើងនៅសាលសន្និសីទនិងមហោស្រពកោះពេជ្រ។

សម្តេចតេជោ ហ៊ុន សែន បានគូសបញ្ជាក់ថា សម្តេចក៏សុំអភ័យទោសផងដែរដល់មន្រ្តីរាជការស៊ីវិល និងកងកម្លាំងប្រដាប់អាវុធទាំងអស់ ដែលក្នុងរយៈពេល២ឆ្នាំមកនេះ មិនបានតំឡើងបៀវត្សដោយសារតែវិបត្តិកូវីដ-១៩។

សម្តេចតេជោ ហ៊ុន សែន ក៏បានគូសបញ្ជាក់ថា ទោះជាយ៉ាងណា រាជរដ្ឋាភិបាល នៅតែខិតខំស្វែងរកលទ្ធភាពក្នុងការតំឡើងប្រាប់បៀវត្សសម្រាប់អតីតយុទ្ធជនដែលមានបៀវត្សទាបដើម្បីកុំឱ្យមានគម្លាតខុសគ្នាខ្លាំងពេករវាងមន្រ្តីដែលចូលនិវត្តន៍មុននិងមន្រ្តីចូលនិវត្តន៍ក្រោយ៕

សម្តេចតេជោ ហ៊ុន សែន អំពាវនាវឱ្យអ្នកកីឡាទាំងអស់គោរពតាមបទប្បញត្តិនៃការប្រកួតដើម្បីមុខមាត់ប្រទេសជាតិយើង

សម្តេចតេជោ ហ៊ុន សែន បានថ្លែងអំពាវនាវឱ្យអ្នកកីឡាទាំងអស់ គោរពតាមបទប្បញត្តិនៃការប្រកួតដើម្បីមុខមាត់ប្រទេសជាតិយើងដោយមិនត្រូវធ្វើការបំពានលើបទប្បញត្តិនៃការប្រកួត ហើយចៀសវាងប្រើប្រាស់សារធាតុលើកកម្លាំងជាដើម។ សម្តេចបានថ្លែងដូចនេះនៅព្រឹកថ្ងៃទី២៨ ខែមេសា ឆ្នាំ២០២២ ក្នុងឱកាសអញ្ជើញជួបសំណេះសំណាល និងផ្តល់អនុសាសន៍ ដល់កីឡាករ កីឡាការិនី និងអត្តពលិក មុនពេលពួកគេចេញទៅប្រកួតកីឡាស៊ីហ្គេម (SEA Game) លើកទី៣១ នៅប្រទេសវៀតណាម ដែលពិធីនេះប្រារព្ធធ្វើឡើងនៅសាលសន្និសីទនិងមហោស្រពកោះពេជ្រ។

សម្តេចតេជោ ហ៊ុន សែន បានគូសបញ្ជាក់ថា នៅជាប់ខ្លួនក្មួយៗកីឡាករទាំងអស់គឺមានទង់ជាតិកម្ពុជា ដូចនេះត្រូវដឹងថា គឺមានតួអង្គព្រះមហាក្សត្រ តួអង្គនីតិប្បញត្តិ និងតំណាងប្រជាជនជាង១៦លាននាក់នៅជាមួយ ដូចនេះមិនត្រូវធ្វើអ្វីដែលប៉ះពាល់ដល់កិត្តិយសនិងសេចក្តីថ្លៃថ្នូររបស់ជាតិឡើយ។

សម្តេចតេជោ ហ៊ុន សែន ក៏បានគូសបញ្ជាក់ថា ការប្រើប្រាស់សារធាតុញៀន និងសារធាតុលើកកម្លាំងគឺជារឿងអាសោចសម្រាប់មុខមាត់ប្រទេសជាតិយើង បើទោះបីជាយើងបានដាក់ផែនការក្នុងការយកមេដាយសម្រាប់ជាតិក៏ដោយ៕

បន្តផ្ទាល់៖ សម្តេចតេជោ ហ៊ុន សែន អញ្ជើញសំណេះសំណាលជាមួយប្រតិភូកីឡាកម្ពុជាចូលរួមប្រកួតកីឡា SEA Games លើកទី៣១ នៅទៅក្រុងហាណូយ ប្រទេសវៀតណាម

 នៅព្រឹក ថ្ងៃព្រហស្បតិ៍​ ១២រោច ខែចេត្រ ឆ្នាំខាល ចត្វាស័ក ព.ស. ២៥៦៥ ត្រូវនឹង ថ្ងៃទី២៨ ខែមេសា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជួបសំណេះសំណាល និងផ្តល់អនុសាសន៍ ដល់កីឡាករ កីឡាការិនី និងអត្តពលិក មុនពេលពួកគេចេញទៅប្រកួតកីឡាស៊ីហ្គេម (SEA Game) លើកទី៣១ នៅប្រទេសវៀតណាម។

ការប្រកួត SEA Games លើកទី៣១ នៅទីក្រុងហាណូយ ប្រទេសវៀតណាម បានរៀបចំប្រភេទកីឡាចំនួន ៤០ប្រភេទ និង ៥២៦វិញ្ញាសាប្រកួត។ ប្រទេសដែលបានចុះឈ្មោះចូលរួមប្រកួតជាសមាជិកសហព័ន្ធកីឡាអាស៊ីអាគ្នេយ៍មានចំនួន ១១ប្រទេស រួមមាន៖ វៀតណាម, កម្ពុជា, ឡាវ, ប្រ៊ុយណេ, ឥណ្ឌូណេស៊ី, ម៉ាឡេស៊ី, សិង្ហបុរី, ហ្វីលីពីន, ថៃ, មីយ៉ាន់ម៉ា និងទីម័រខាងកើត ដែលមានចំនួនកីឡាករ-កីឡាការិនីសរុប ៧,១១៥នាក់ និងអ្នកស្ម័គ្រចិត្តបម្រើការងាររៀបចំប្រកួត ៣,០០០នាក់។ ចំពោះការស្នាក់នៅហូបចុក ម្ចាស់ផ្ទះរៀបចំនៅតាមសណ្ឋាគារ បែងចែកតាមប្រភេទកីឡា ។
កីឡាករ កីឡាការិនី និងអត្តពលិករបស់កម្ពុជា ដែលត្រូវបានរៀបចំជ្រើសរើសដោយក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិលើស្មារតីតម្លាភាព និងកម្រិតគុណផលកីឡាខ្ពស់ជាងគេ មានសរុប ៥៦០នាក់។ ក្នុងនោះថ្នាក់ដឹកនាំ និងមន្ត្រីកីឡាចំនួន ៤៥នាក់, កីឡាករ-កីឡាការិនីចំនួន ៣៦៣នាក់, គ្រូបង្វឹក-គ្រូជំនួយចំនួន ៩៣នាក់, អាជ្ញាកណ្ដាលចៅក្រមអន្តរជាតិចំនួន ១៦នាក់, អ្នកដឹកនាំក្រុមចំនួន២២នាក់ និងក្រុមគ្រូពេទ្យចំនួន ២១នាក់។

Facebook ស្រីអូនណាហ្គា បានបកអាក្រាតមេក្លោងបាតុកម្មខុសច្បាប់ និងបញ្ជាក់ថា «ដើរតាមសកម្មជននយោបាយ ឈឹម ស៊ីថរ ជ្រកក្រោមស្លាកសហជីព ជាការវ៉ៃបំបែកឆ្នាំងបាយនិងបំផ្លាញអនាគតខ្លួនឯងនិងគ្រួសារ»

 

នៅព្រឹកថ្ងៃទី២៨ ខែមេសា ឆ្នាំ ២០២២នេះ គណនីហ្វេសប៊ុកមួយឈ្មោះ Srey Aun Naga បានបង្ហោះផ្សាយលិខិតចំហមួយ ដែលបានបង្ហាញនូវភាពជាប់ពាក់ព័ន្ធយ៉ាងជ្រៅនៃសកម្មភាព ញុះញង់ ដឹកនាំធ្វើបាតុកម្មខុសច្បាប់របស់ នាង ឈឹម ស៊ីថរ និងក្រុមអតីតបុគ្គលិកក្រុមហ៊ុនណាហ្គាវើលដ៏ដែលត្រូវបានបញ្ឈប់ពីការងារ។ ក្នុងលិខិតចំហបានបញ្ជាល់ថា ដើរតាមសកម្មជននយោបាយ ឈឹម ស៊ីថរ ជ្រកក្រោមស្លាកសហជីព ជាការវ៉ៃបំបែកឆ្នាំងបាយនិងបំផ្លាញអនាគតខ្លួនឯងនិងគ្រួសារ។ លិខិតចំហ បានរៀបរាប់ខ្លឹមសារលំអិតបន្តយ៉ាងដូច្នេះថា៖

 មេសហជីព ឈឹម ស៊ីថរ ដែលមានវ័យជាង ៣០ឆ្នាំរូបនេះមានដើមកំណើតនៅខេត្តព្រៃវែង តែបានប្តូរទីលំនៅមករស់នៅនិង រៀនសូត្រនៅភ្នំពេញ។  នៅឆ្នាំ២០០៧ ឈឹម ស៊ីថរ ក៏បានឈានជើងចូលធ្វើការងារនៅកាស៊ីណូណាហ្កាវើលដ៏ជាអ្នកចែកបៀរ ហើយបន្តបន្ទាប់មកក៍បានក្លាយជាមេ សហជីព។

 បើគិតមកដល់ពេលបញ្ឈប់ការងារនោះ នាង ឈឹម ស៊ីថរ បានធ្វើការងារនៅក្នុងក្រុមហ៊ុនណាហ្កាវើលដ៏ រឺអាចនិយាយមួយបែបទៀតថា ក្រុមហ៊ុនបានចិញ្ចឹមនាងនិងគ្រួសារអស់រយៈ ពេល១៥ឆ្នាំរួចទៅហើយ។ 

ចាប់ផ្តើមការងារពីការចែកបៀរនៅលើតុល្បែង ពេលនេះ ឈឹម ស៊ីថរ ក៏បានឡើងតួនាទីរហូតក្លាយជាអ្នកគ្រប់គ្រងជាន់ទាបម្នាក់ដែលមានប្រាក់ខែច្រើន គួរសម ផងដែរ។

 នៅក្នុងអំឡុងពេលនៃការបម្រើការងារកាលពីឆ្នាំ២០០៩ ដោយសារតែទទួលរងផលប៉ះពាល់ពីវិបត្តិហិរញ្ញវត្ថុសកល ក្រុមហ៊ុនណាហ្កាវើលដ៏ ក៏បានកាត់បន្ថយបុគ្គលិកមួយចំនួន ហើយពេលនោះហើយដែលជាពេលដែលនាង ស៊ីថរ បានចាប់ផ្តើមចេញមកប្រឡូកក្នុងការតវ៉ា ប្រឆាំងក្រុមហ៊ុនដែលចិញ្ចឹមនាងនិងគ្រួសារ។

 ដោយមើលឃើញនាង ឈឹម ស៊ីថរ ពូកែនិយាយនៅក្នុងសកម្មភាពបាតុកម្មតវ៉ានានាផងនោះ នាងក៏ត្រូវបានមេដឹកនាំបក្សនយោបាយដែលមាននិន្នាការប្រឆាំងនឹងរដ្ឋាភិបាលរបស់លោកពូ ហ៊ុន សែន ចេញមអូសទាញនិង បានបណ្តុះ បណ្តាលការងារដឹកនាំធ្វើបាតុកម្ម នេះបន្ថែមទាំងនៅ ក្នុងនិងក្រៅប្រទេស។

 ចាប់ពីពេលនោះមកនាង ឈឹម ស៊ីថរ ក៍បានក្លាយទៅជាសកម្មជននយោបាយរបស់បក្សប្រឆាំងយ៉ាងពេញលេញ ដោយនាងត្រូវបានចាត់តាំងឱ្យមកបម្រើការដើម្បីជួយការងារលោកស្រី មូរ សុខ ហួរ ហើយក៍ជានិច្ចកាល នាងតែង តែទៅចូលរួមនៅក្នុងសកម្មភាពនយោបាយរបស់បក្សប្រឆាំង ហើយក៏ធ្លាប់បានចេញមកធ្វើបាតុកម្មតវ៉ានិងចូលរួមក្នុងយុទ្ធនាការ នយោបាយនានាជាកម្លាំងបង្ហាញមុខដោយចំហជាមួយនឹងមេដឹកនាំបក្សប្រឆាំងមួយចំនួនទៀត ក៏ដូចជា ជាមួយអង្គការសង្គមស៊ីវិលដែលតែងតែប្រឆាំងជាមួយរដ្ឋាភិបាលផងដែរ។

 ចាប់តាំងពីបានឡើងធ្វើជាមេសហជីព នាង ឈឹម ស៊ីថរ និងបក្ខពួក មួយចំនួនបានប្រើប្រាស់ឥទ្ធិពលនៅ កន្លែងធ្វើការរបស់ខ្លួន ដើម្បីបង្កភាពចលាចលនៅក្នុងក្រុមហ៊ុនណាហ្កាវើលដ៏ តាមរយៈ ការធ្វើសកម្មភាពញុះញង់ អុជអាល និងបំភ័ន្តបំភ័យដល់បុគ្គលិកនៅទីនោះ ធ្វើយ៉ាងណាឱ្យពួកគេ មិនពេញចិត្តនឹងសកម្មភាពរបស់ថៅកែ ហើយចេញមកធ្វើការតវ៉ាជាមួយនាង។

 គេបានសង្កេតឃើញថា នៅរាល់ការតវ៉ា នាង ស៊ីថរ តែងតែបានប្រកាសថា អ្វីដែលពួកគេកំពុងធ្វើ គឺដើម្បីការពារសិទ្ធិរបស់បុគ្គលិកនៅកន្លែងធ្វើការ ប៉ុន្តែចេតនាពិតនៃការតវ៉ាទាំងនោះគឺជាការទទួលបញ្ជាពីក្បាលម៉ាស៊ីនរបស់ក្រុម ប្រឆាំងដើម្បីឱ្យរូបនាងបង្កើតជាព្រឹត្តិកាណ៍ដើម្បីបង្កចលាចលនៅក្នុងទីក្រុងភ្នំពេញតែប៉ុណ្ណោះហើយជាពិសេស នៅឆ្នាំ២០១៣ នាងក៍បានចេញមកចូលរួមយ៉ាងសកម្មក្នុងចលនា បាតុកម្មជាមួយ មេដឹកនាំអតីតបក្សប្រឆាំងផងដែរ ។  

 បើត្រឹមតែជាកូដកម្ម នៅកន្លែងការងារដើម្បីទាមទារផលប្រយោជន៍បុគ្គលិក គឺវាមិនពិបាកក្នុងការរដំណោះស្រាយនោះទេ។ ប៉ុន្តែជាក់ស្តែង ការធ្វើបាតុកម្មខុសច្បាប់អូសបន្លាយម្តងហើយ ម្តងទៀតរបស់ក្រុមនាង ឈឹម ស៊ីថរ នេះ គឺមិនមែនមានចេតនាក្នុងការការពារដល់ផលប្រយោជន៍របស់បុគ្គលិកមួយចំនួនតូចនោះទេ ប៉ុន្តែគោលដៅពិតប្រាកដ នៃការបន្តធ្វើបាតុកម្មនេះគឺដើម្បីបង្កភាពអសន្តិសុខ និងបង្កើតជារលកនៃការតវ៉ាដើម្បីរំខានដល់ការបោះឆ្នោតខាងមុខផង និងបង្កឱ្យមានចលាចលនៅក្នុង ប្រទេសតាមការណែនាំនិងចាត់តាំង របស់ក្រុមនយោបាយប្រឆាំងតែប៉ុណ្ណោះ។

 ការសម្តែងដើម្បីបង្កឱ្យមានការប៉ះទង្គិចគ្នាជាមួយសមត្ថកិច្ច ទាំងពាក្យសម្តីក្នុងការស្រែកឃោសនា និងជាពិសេស «ការរៀបចំឈុតឆាក សម្តែងល្បិចសាច់កម្ម» គឺមិនមានភាព ខុសគ្នាទាល់តែសោះ ជាមួយនឹងការធ្វើ បាតុកម្មរបស់ក្រុមប្រឆាំងកាលពីពេលកន្លងទៅ។

 ដូច្នេះ តាមរយៈលិខិតជំហនេះខ្ញុំសូមអោយ មិត្តភ័ក្តិដែលកំពុងបន្តធ្វើការតវ៉ាតាមការញុះញង់ អូសទាញរបស់ក្រុមនាង ឈឹម ស៊ីថរ ដែលធ្វើឱ្យយើងពិតជាខាតបង់ពេលវេលានិងប៉ះពាល់ជីវភាពរស់នៅផង ហើយ ជាពិសេស គឺធ្វើឱ្យពួកយើងម្នាក់ៗមានឈ្មោះនិងមុខមិនល្អ ពិបាករកការងារធ្វើបន្ត សូមគិតគូរពិចារណាឡើងវិញដោយងាកមកទទួល យកសំណងពីក្រុមហ៊ុនតាមផ្លូវច្បាប់ និងរកការងារថ្មីដើម្បីទ្រទ្រង់ជីវភាពខ្លួន 

និងក្រុមគ្រួសារ។

 

ដោយ ៖ អតីតមិត្តរួមការងារសហជីព ណាហ្កាវើលដ៏

https://www.facebook.com/102321985655823/posts/142766554944699/?d=n