ប្រាសាទ​ភ្នំបា​ខែង​ជា​គោល​ដៅ​ទស្សនា​ថ្ងៃលិច​ដ៏ទាក់​ទាញ​នៅក្នុង​រមណីយ​ដ្ឋាន​អង្គរ​

បើនិយាយពីគោលដៅទស្សនាថ្ងៃលិច នោះគេនឹងស្គាល់ច្បាស់ពីប្រាសាទភ្នំបាខែង។ ភ្នំបាខែងជាគោលដៅទស្សនាថ្ងៃលិចមួយដ៏ទាក់ទាញ ព្រោះវាមានទិដ្ឋភាពស្រស់ស្អាត ដែលភ្ញៀវទេសចរអាចមើលថ្ងៃលិចបានយ៉ាងច្បាស់។

ប្រាសាទភ្នំបាខែង គឺជារាជធានីទី១នៃសម័យអង្គរ និងជាស្នូលកណ្តាលនៃក្រុងអង្គរឈ្មោះថា «យសោធរ» មានកំពែងដី២ជាន់ ដែលក្នុងមួយជ្រុងមានប្រវែង៤គីឡូម៉ែត្រ។ ប្រាសាទនេះកសាងឡើងនៅចុងស.វទី៩ ដើមស.វទី១០ ឧទ្ទិសដល់ព្រហ្មញ្ញសាសនា និកាយព្រះឥសូរ។ ក្រោយមកនៅចុងស.វទី១៦ ប្រាសាទនេះបានប្តូរទៅជាព្រះពុទ្ធសាសនាវិញ ដូចដែលឃើញមានកសាងរូបព្រះពុទ្ធធំមួយអង្គនៅជាន់លើបង្អស់ ដោយថ្មផ្សេងៗនៃប្រាសាទ និងគ្រឹះនៃប្រាសាទឥដ្ឋ។

សម្រាប់ការមកទស្សនានៅប្រាសាទភ្នំបាខែង ភ្ញៀវទេសចរមានជម្រើសពីរ ដើម្បីបានទៅដល់កំពូលភ្នំ។ គេអាចធ្វើដំណើរដោយថ្មើរជើងក៏បាន និងជិះដំរីក៏បាន។ នៅពេលព្រឹកមានភ្ញៀវទេសចរមួយចំនួន ក៏ចូលចិត្តឡើងមើលថ្ងៃរះនៅលើភ្នំបាខែងនេះដែរ។ ចំណែកពេលរសៀល គឺចាប់ពីម៉ោង២តទៅ ភ្ញៀវទេសចរចាប់ផ្តើមសម្រុកឡើងលើភ្នំបាខែង ដើម្បីរង់ចាំទស្សនាទិដ្ឋភាពដ៏ស្រស់ស្អាតពីលើកំពូលភ្នំធម្មជាតិមួយនេះ។ 

ចំណុចដែលភ្ញៀវទេសចរតែងនៅផ្តុំគ្នាច្រើនលើភ្នំបាខែង គឺនៅទិសខាងលិច ដែលងាយស្រួលក្នុងការ គយគន់ទិដ្ឋភាពថ្ងៃលិច។ ក្រៅពីការទស្សនាថ្ងៃលិច ភ្ញៀវទេចរអាចគយគន់ចំណុចពិសេសៗដ៏ទាក់ទាញមួយចំនួនទៀត ដូចជាមានកំពូលប្រាសាទអង្គរវត្ត បក្សីចាំក្រុង ទិដ្ឋភាពក្រុងសៀមរាប វាលស្រែ និងបារាយណ៍ទឹកថ្លាជាដើម។

បច្ចុប្បន្ននេះប្រាសាទភ្នំបាខែងកំពុងជួសជុលស្តារឡើងវិញក្រោមកិច្ចសហការសម្របសម្រួលរបស់អាជ្ញាធរជាតិអប្សរា និងស្ថាប័នមូលនិធិប្រាសាទពិភពលោក (World Monument Fund-WMF)  ដែលបានទទួលជំនួយរបស់រដ្ឋាភិបាលអាមេរិក តាមរយៈស្ថានទូតអាមេរិកប្រចាំនៅកម្ពុជា។ គម្រោងនេះបានចាប់ផ្តើមតាំងពីឆ្នាំ២០០៤មក ហើយអាចនឹងបញ្ចប់នៅចុងឆ្នាំ២០១៩ ឬដើមឆ្នាំ២០២០។

សូមទស្សនាកម្រងរូបភាពដ៏ស្រស់បំព្រងនៃទិដ្ឋភាពដែលគេអាចគយគន់ពីលើកំពូលភ្នំបាខែង និងទិដ្ឋភាពថ្ងៃលិចដ៏គួរឱ្យទាក់ទាញ៕

ស.ស.យ.ក ប្រកាសបើកទទួលពាក្យកម្មវិធីប្រកួតប្រជែង គូររូបតួអង្គនិមិត្ត និងតែងនិពន្ធពាក្យស្លោក សម្រាប់ព្រឹត្តិការណ៍ អង្គរសង្រ្កាន្តឆ្នាំ២០១៧

សហភាពសហព័ន្ធយុវជនកម្ពុជា (ស.ស.យ.ក) បានធ្វើការជូនដំណឹងអំពីការប្រកាសបើកទទួលពាក្យសម្រាប់ការចូលរួមប្រកួត ប្រជែងគូររូបតួអង្គនិមិត្ត (MASCOT) និងតែងនិពន្ធពាក្យស្លោក (SLOGAN) សម្រាប់ព្រឹត្តិការណ៍អង្គរសង្រ្កាន្តឆ្នាំ២០១៧ ខាងមុខនេះ។

យោងតាមការឱ្យដឹងពី ស.ស.យ.ក គឺកម្មវិធីប្រកួតប្រជែងនេះ បានរៀបចំម្តងរួចមកហើយ កាលពីឆ្នាំកន្លងទៅ ហើយដោយមានសំណូមជាច្រើននាឆ្នាំកន្លងមក និងដើម្បីជម្រុញឱ្យព្រឹត្តិការណ៍អង្គរសង្រ្កាន្ត ទទួលបានការចូលរួមកាន់តែទូលំទូលាយពីសាធារណជន ក៏ដូចជាយុវជនទូទៅបន្ថែមទៀត គណៈកម្មការរៀបចំព្រឹត្តិការណ៍អង្គរសង្រ្កាន្ត នឹងរៀបចំកម្មវិធីការប្រកួតប្រជែងគូររូបតួអង្គនិមិត្តរូប (MASCOT) និងតែងនិពន្ធពាក្យស្លោក (SLOGAN) ជាថ្មីម្តងទៀតសម្រាប់ព្រឹត្តិការណ៍អង្គរសង្រ្កាន្ត ឆ្នាំរកា ព.ស.២៥៦០~២៥៦១ គ.ស.២០១៧ ដែលប្រព្រឹត្តទៅពីថ្ងៃទី០៨ ខែធ្នូ ឆ្នាំ២០១៦ ដល់ថ្ងៃទី១៥ ខែមករា ឆ្នាំ២០១៧។

សម្រាប់អ្នកដែលចង់ចូលរួមប្រកួតប្រជែងកម្មវិធីនេះ អាចដាក់ពាក្យចូលរួមកម្មវិធីប្រកួត ប្រជែងនេះបាន ដោយ ស្វែងរកព័ត៌មានលម្អិតអំពីលក្ខខណ្ឌ និងកាលបរិច្ឆេទ នៃកម្មវិធី ប្រកួតនៅ លើខិតប័ណ្ណផ្សព្វផ្សាយ ឬអាចទំនាក់ទំនងមកកាន់អ៊ីម៉ែល angkor.sankranta@gmail.com ឬលេខទូរស័ព្ទ ០៩២ ២២៤ ៥៣៧/ ០១៥ ២៩៣ ៣៩៩។ សូមជូនពរសំណាងល្អ!

#ការប្រកួតគំនូរតួរអង្គនិមិត្ត #ការប្រកួតពាក្យស្លោក

#ព្រឹត្តិការណ៍អង្គរសង្រ្កាន្ត #Angkorsankranta2017

#សសយក៕

តំណាងជនពិការនៅកម្ពុជា ចេញសេចក្ដីថ្លែងការណ៍រួម យល់ព្រមអនុវត្តតាមអនុសាសន៍របស់លោកនាយករដ្ឋមន្ត្រី ហ៊ុន សែន

(ភ្នំពេញ)៖ ក្រោយពីមានការផ្ដល់អនុសាសន៍ពីសំណាក់ លោកនាយករដ្ឋមន្ត្រី ហ៊ុន សែន ក្នុងឱកាសអញ្ជើញជាអធិបតីក្នុងពិធីអបអរសាទរទិវាជនពិការកម្ពុជា លើកទី១៨ ដែលរៀបចំឡើង នៅមជ្ឈមណ្ឌលពិព័រណ៍ និងសន្និបាតកោះពេជ្រ កាលពីថ្ងៃទី០៦ ខែធ្នូ ឆ្នាំ២០១៦រួចមក តំណាងក្រុមសិល្បៈតន្ត្រីជនពិការ ទូទាំងប្រទេសកម្ពុជា បានចេញសេចក្ដីថ្លែងការណ៍រួមមួយ ដោយសម្រេចយល់ព្រមអនុវត្តតាមអនុសាសន៍ របស់លោកនាយករដ្ឋមន្ត្រី ហ៊ុន សែន ដែលតម្រូវឲ្យក្រុមជនពិការ បង្រួមក្រុមរបស់ខ្លួនមកនៅត្រឹម៥ក្រុម ដើម្បីងាយស្រួលធ្វើការរួមគ្នា។

នៅក្នុងសេចក្ដីថ្លែងការណ៍រួមនេះ បានបញ្ជាក់នូវចំណុចសំខាន់ ៦ចំណុច ក្នុងនោះក្រុមជនពិការបានថ្លែងអំណរគុណ ចំពោះការយកចិត្តទុកដាក់ខ្ពស់ ពីជីវភាពរស់នៅរបស់ក្រុមជនពិការទូទាំងប្រទេសកម្ពុជា ពីសំណាក់លោកនាយករដ្ឋមន្ត្រី ប្រធានកិត្តិយសក្រុមប្រឹក្សាសកម្មភាពជនពិការ ក៏ដូចជាការខិតខំការពារសិទ្ធិសេរីភាព និងការគិតគូពីសុខទុក្ខរបស់ពួកគាត់ពីសំណាក់លោក ឯម ច័ន្ទមករា អគ្គលេខាធិការ នៃលេខាធិការដ្ឋាន ក្រុមប្រឹក្សាសកម្មភាពជនពិការផងដែរ។

ខាងក្រោមនេះ ជាសេចក្ដីថ្លែងការណ៍រួមរបស់តំណាងក្រុមជនពិការទូទាំងប្រទេសកម្ពុជា៖

លោកនាយករដ្ឋមន្រ្តី ហ៊ុន សែន និងភរិយា ប្រគល់អំណោយមនុស្សធម៌ដល់ក្មួយប្រុសរងគ្រោះដោយជនជាតិវៀតណាមធ្វើទារុណកម្ម និងក្រុមគ្រួសារ

(ភ្នំពេញ)៖ នៅព្រលប់ថ្ងៃទី០៨ ខែធ្នូ ឆ្នាំ២០១៦ ក្រុមការងារមនុស្សធម៌បាននាំអំណោយជួយសង្គ្រោះមួយចំនួនយកទៅជូនដល់គ្រួសារក្មេងប្រុសដែលត្រូវបានជនជាតិវៀតណាមធ្វើទារុណកម្មដោយយកដំបងឆក់លើរាងកាយនៅខេត្តមណ្ឌលគីរី ហើយយក្មួយប្រុសក៏ត្រូវបាននាំយកមកពិនិត្យសុខភាពនៅមន្ទីរពេទ្យរ៉ូយ៉ាល់ភ្នំពេញផងដែរ។

សំរាប់អំណោយមនុស្សធម៌ដែលលោកនាយករដ្ឋមន្រ្តី ហ៊ុន សែន និងភរិយាផ្តល់ជូននាពេលនេះរួមមាន៖ អង្ករ៤បាវ , នំធុង២ធុង , ទឹកផ្លែឈើ៤កេះ ,ទឹកដោះកូនក្មេង២កេះ ,ទឹកដោះគោខាប់១កេះ ,មី៤កេះ ,ស្កស៥គីឡូ , ទឹកត្រី២កេះ , ទឹកស៊ីអ៊ីវ ២កេះ , ប្រេងឆា ២ធុង , ខោ អាវ១០កំប្លេ , កង់តូច១គ្រឿង ,និងថវិកាចំនួន៤លានរៀលផងដែរ។

នៅក្នុងឱកាសនោះ លោក ហ៊ុន សែន និងភរិយា បានផ្តល់ប្រាក់ឧបត្ថម្ភជាប្រចាំខែចំនួន៥០ម៉ឺនរៀល និងអង្ករចំនួន២បាវផងដែរក្នុង១ខែ ក្នុងរយៈពេលពេញ១ឆ្នាំ ២០១៧ ៕