(វីដេអូបែកធ្លាយ)ទំព័រ Facebook សីហា ទម្លាយរឿងអាស្រូវលោក ហូរ វ៉ាន់ វគ្គ២

(ភ្នំពេញ)៖ នៅល្ងាចថ្ងៃទី០១ ខែកុម្ភៈ ឆ្នាំ២០១៧នេះ ម្ចាស់ ទំព័រ Facebook ឈ្មោះ «សីហា» បានទម្លាយខ្សែអាត់សម្លេងរយៈពេល៥នាទី របស់តំណាងរាស្រ្ត គណបក្សសង្គ្រោះជាតិលោក ហូរ វ៉ាន់ បន្តលួងលោមសង្គ្រោះប្រពន្ធគេ!។

ខាងក្រោមនេះជាខ្លឹមសារទាំងស្រុង ដែលគណនី សីហា បានផ្សាយបូកផ្សំជាមួយវិដេអូសំឡេងសាសងរវាងលោកហូរ វ៉ាន់ជាមួយស្រីក្មេងនេះកាលពីនៅថ្ងៃទី ២៦ មករា ឆ្នាំ ២០១៧ !

ថ្ងៃនេះខ្ញុំសុំបន្តលាតត្រដាងរឿងដ៏សែនស្មោកគ្រោកមួយទៀតរបស់អ៊ុំ ហូរ វ៉ាន់ ដែលវាជាសំឡេងសាសងរវាងគាត់ និង ក្មេងស្រីម្នាក់នេះបន្ទាប់ពីនាងទើបតែរៀបការរួច។ បើខ្ញុំជាគាត់វិញមិនដឹងជាអៀនខ្លួននិងខ្មាស់គេយ៉ាងណានោះទេ ដែលនាងទើបតែរៀបការរួចថ្មីថ្មោងហើយគាត់ហ៊ានទៅសួរនាងដេញដោល ដដែលៗតែពីរឿង រួមរ័ក្សបានប៉ុន្មានដងជាមូយប្តីថ្មី ។

ប្រហែលជាគាត់ជាប់ចិត្តឆ្ងាញ់ពេកនឹងក្មេងស្រីម្នាក់នេះហើយបានជាគាត់ហ៊ានសន្យាថានឹងផ្តល់លុយឱ្យនាងទិញដីមួយកន្លែងធ្វើផ្ទះថែមទៀតផងដែលនេះហើយជាហេតុផល និងក៍ជានុយទាក់ថ្ពក់សម្រាប់ ដោះដូរដើម្បីអោយគាត់បានបន្តនៅដេករួមរ័ក្សជាមួយនាងទៀត។

សាកយកចិត្តគេ ដាក់ក្នុងចិត្ត ខ្លួនឯងបន្តិចទៅមើលអ៊ុំ ហូរ វ៉ាន់ ! បើសិនអ៊ុំជាប្តីរបស់ក្មេងស្រីដែលទើបតែរៀបការរួច ហើយលឺពាក្យបែបនេះចេញពីមាត់ប្រពន្ធខ្លួនឯង សារសងជាមួយប្រុសដទៃ ~ មិនដឹងជាអ៊ុំគ្រាំទ្រូងចុកឈាមយ៉ាងណានោះទេ!

តើនេះជាការសង្គ្រោះជាតិរឺក៍ជាការបំផ្លាញសុភមង្គល និងអនាគតយុវជនក្រុមគ្រួសារខ្មែរដែលអ៊ុំ ហូរ វ៉ាន់កំពុងតែប្រព្រឹត្ត ?

លោកស្រី ប៊ុន រ៉ានី ហ៊ុនសែន ភរិយាលោកនាយករដ្ឋមន្រ្តីនៃកម្ពុជាបាន ប្រគល់អណ្តូងទឹកស្អាតចំនួន ២០ ជូនប្រជាជនខ្វះខាតទឹកប្រើប្រាស់ចំនួន ៣៧៧គ្រួសារ

កាលពីថ្ងៃទី៣១ ខែមករា ឆ្នាំ២០១៧ កាកបាទក្រហមកម្ពុជាដែលមានលោកស្រី ប៊ុន រ៉ានី ហ៊ុនសែន ភរិយាលោកនាយករដ្ឋមន្រ្តីនៃកម្ពុជា និងជាប្រធានកាកបាទក្រហមបានប្រគល់អណ្តូងទឹកស្អាតចំនួន ២០ ( មានលេខរៀងពីទី៥១ ដល់ ទី៧០ ) ជូនប្រជាជនខ្វះខាតទឹកប្រើប្រាស់ចំនួន ៣៧៧គ្រួសារ ស្មើនឹងមនុស្ស ២,១៨២នាក់ រស់នៅឃុំចំនួន៧ នៃស្រុកសៀមបូក ស្រុកថាឡាបរិវ៉ាត់ និងក្រុងស្ទឹងត្រែង ខេត្តស្ទឹងត្រែង។
ក្នុងឱកាសប្រគល់អណ្តូងទឹកទាំងនោះលោក ពិត ចំណាន សមាជិកគណៈកម្មាធិការកណ្តាលកាកបាទក្រហមកម្ពុជាបានពាំនាំប្រសាសន៍សួរសុខទុក្ខពីសំណាក់លោកស្រីប្រធានកាកបាទក្រហមកម្ពុជា និងផ្តាំផ្ញើដល់ប្រជាពលរដ្ឋទាំងអស់ សូមបញ្ជូនកូនៗទៅសាលារៀនឱ្យបានគ្រប់ៗគ្នា ធ្វើជាកូនល្អ សិស្សល្អ ពលរដ្ឋល្អ ក្នុងសង្គមជាតិ និងចូលរួមអនុវត្តគោលនយោបាយភូមិ-ឃុំមានសុវត្ថិភាព ដោយជៀសវាងឱ្យបានដាច់ខាតនូវការប្រើប្រាស់គ្រឿងញៀន គ្រឿងស្រវឹង ដែលជាប្រភពនៃអំពើហិង្សា ចោរកម្ម និងអសន្តិសុខ។
ទន្ទឹមនឹងនេះ សូមថែរក្សាសុខភាពឱ្យបានល្អដោយត្រូវបរិភោគទឹកដាំពុះហើយចូលរួមដាំដំណាំ ឬបន្លែផ្សេងៗ ជុំវិញអណ្តូងដើម្បីជាប្រយោជន៍ដល់សហគមន៍ និងថែរក្សាសមិទ្ធផលទាំងនេះ ឱ្យបានគង់វង្សយូរអង្វែង។
ជាកិច្ចឆ្លើយតបប្រជាជន អាណាព្យាបាល និងសិស្សានុសិស្ស បានសម្ដែងនូវការដឹងគុណដោយក្តីរំភើប និងថ្លែងអំណរអរគុណដ៏ជ្រាលជ្រៅបំផុតជូនចំពោះ លោកស្រី ប៊ុន រ៉ានី ហ៊ុន សែន ដែលបានផ្តល់អំណោយដ៏ថ្លៃថ្លាទាំងនេះ និងសូមប្តេជ្ញាខិតខំថែរក្សារាល់សមិទ្ធផលទាំងនេះឱ្យ បានជាប្រយោជន៍ដ៏យូរអង្វែងទៅថ្ងៃអនាគត។

សូមបញ្ជាក់ថា គិតចាប់ពីឆ្នាំ២០១០ ដល់ឆ្នាំ ២០១៦ កាកបាទក្រហមកម្ពុជាបានដោះស្រាយបញ្ហាទឹកស្អាតជូនប្រជាពលរដ្ឋរាប់ម៉ឺនគ្រួសារ នៅទូទាំងប្រទេស ក្នុងនោះបានផ្តល់អណ្តូងទឹកស្អាត (អណ្តូងស្នប់-លូចំរុះ) ស្រះទឹកសហគមន៍ និងស៊ីទែនទឹកបានចំនួនរាប់ពាន់ ហើយបាននិងកំពុងផ្តល់ជូនប្រជាពលរដ្ឋជាបន្តបន្ទាប់ទៀត៕

លោកនាយករដ្ឋមន្រ្តី ហ៊ុន សែន ផ្ញើសារលិខិតជូនពរ ប្រធានព្រឹទ្ធសភា ក្នុងឱកាសខួបកំណើតឈានចូល ៧២ឆ្នាំ

នៅថ្ងៃទី០១ ខែកុម្ភៈ ឆ្នាំ២០១៧នេះ លោកនាយករដ្ឋមន្រ្តី ហ៊ុន សែន បានផ្ញើសារលិខិតជូនពរ ប្រធានព្រឹទ្ធសភា លោក សាយ ឈុំ ក្នុងឱកាសបុណ្យខួបកំណើតគម្រប់ ៧១ឆ្នាំ ឈានចូល ៧២ ឆ្នាំ។

នៅក្នុងឱកាសដ៏ថ្លៃថ្លា នៃបុណ្យខួបកំណើតគម្រប់៧១ឆ្នាំ ឈានចូល ៧២ឆ្នាំ របស់ប្រធានព្រឹទ្ធសភា លោក សាយ ឈុំ នៅថ្ងៃទី០៥ ខែកុម្ភៈ ឆ្នាំ២០១៧ខាងមុខនេះ តាងនាមសមាជិក សមាជិកានៃរដ្ឋាភិបាល និងមន្រ្តីរាជការទូទាំងប្រទេស លោកនាយករដ្ឋមន្រ្តី ហ៊ុន សែន និង ភរិយា សូមសម្តែងនូវអំណរសាទរឥតឧបមា ក្នុងមនោសញ្ចេតនាគោរពស្រឡាញ់ដ៏ជ្រាលជ្រៅ និងសូមចូលរួមប្រសិទ្ធពរជ័យ សិរីមង្គល វិបុលសុខ បវរមហាប្រសើរគ្រប់ប្រការ ជូនចំពោះ លោក សាយ ឈុំ ប្រធានព្រឹទ្ធសភា ភិរយា និងក្រុមគ្រួសារ។

លោកនាយករដ្ឋមន្រ្តី ហ៊ុន សែន បានជូនពរប្រធានព្រឹទ្ធសភា សូមបានសមប្រកបដោយកាយពលរឹងមាំ បញ្ញាញាណភ្លឺថ្លាឈ្លាសវៃ សុខភាពល្អបរិបូរណ៌ ជន្មាយុយឺនយូរ ដើម្បីដឹកនាំព្រឹទ្ធសភាដែលជាស្ថាប័នកំពូលនៃប្រទេសកម្ពុជា ឱ្យទទួលបានជ័យជម្នះថ្មីៗធំធេងថែមទៀត ក្នុងការពង្រឹងនីតិរដ្ឋ លទ្ធិប្រជាធិបតេយ្យ ការគោរពសិទ្ធិមនុស្សជាមូលដ្ឋាន ការប្រយុទ្ធប្រឆាំងអំពើពុករលួយ ការប្រយុទ្ធប្រឆាំងគ្រឿងញៀន និងការអភិវឌ្ឍសង្គម និងសេដ្ឋកិច្ច សំដៅកាត់បន្ថយភាពក្រីក្រ របស់ប្រជាពលរដ្ឋនៅទូទាំងប្រទេស រួមចំណែកក្នុងការស្តារ អភិវឌ្ឍន៍ និងកំណែទម្រង់ស៊ីជម្រៅលើគ្រប់វិស័យ ដើម្បីធ្វើឱ្យមាតុភូមិអង្គរ ជាទីស្នេហានៃយើងទាំងអស់គ្នា មានការអភិវឌ្ឍរីកចម្រើនជឿនលឿនយ៉ាងឆាប់រហ័ស ដែលជាបំណងប្រាថ្នាដ៏ពិសិដ្ឋរបស់ប្រជាពលរដ្ឋគ្រប់រូប៕

លោកឧបនាយករដ្ឋមន្រ្តី សុខ អាន ផ្ញើសារលិខិតជូនពរ ប្រធានព្រឹទ្ធសភា ក្នុងឱកាសខួបកំណើតឈានចូល ៧២ឆ្នាំ

នៅថ្ងៃទី០១ ខែកុម្ភៈ ឆ្នាំ២០១៧នេះ លោកឧបនាយករដ្ឋមន្រ្តី សុខ អាន បានផ្ញើសារលិខិតជូនពរ ប្រធានព្រឹទ្ធសភា លោក សាយ ឈុំ ក្នុងឱកាសបុណ្យខួបកំណើតគម្រប់ ៧១ឆ្នាំ ឈានចូល ៧២ ឆ្នាំ។

នៅក្នុងឱកាសដ៏ថ្លៃថ្លា នៃបុណ្យខួបកំណើតគម្រប់៧១ឆ្នាំ ឈានចូល ៧២ឆ្នាំ របស់ប្រធានព្រឹទ្ធសភា លោក សាយ ឈុំ នៅថ្ងៃទី០៥ ខែកុម្ភៈ ឆ្នាំ២០១៧ខាងមុខនេះ តាងនាមថ្នាក់ដឹកនាំ និងមន្រ្តីរាជការគ្រប់ជាន់ថ្នាក់នៃទីស្តីការគណៈរដ្ឋមន្រ្តី ឧបនាយករដ្ឋមន្រ្តី សុខ អាន និងភរិយា សូមសម្តែងនូវកតុញ្ញុកតវេទិតាធម៌យ៉ាងស្មោះស្ម័គ្របំផុត ចំពោះប្រធានព្រឹទ្ធសភា ដែលតែងតែយកអស់កម្លាំងកាយចិត្ត ប្រាជ្ញាស្មារតី និងបទពិសោធន៍ចូលរួមចំណែកក្នុងការ កសាងប្រទេសជាតិយើងនាពេលកន្លងមក។

លោកឧបនាយករដ្ឋមន្រ្តី សុខ អាន សូមអភិវន្ទសម្តែងនូវអំណរសាទរដោយស្មោះអស់ពីដួង ចិត្ត ចូលរួមប្រសិទ្ធពរជ័យ បវរសួស្តី សិរីវឌ្ឍនា មហាប្រសើរគ្រប់យ៉ាងជូនចំពោះប្រធានព្រឹទ្ធ សភា សូមបានសមប្រកបដោយសុខភាបល្អបរិបូរណ៌ បញ្ញាញាណភ្លឺថ្លា កាយពលមាំមួន ជន្មាយុយឺនយូរ ដើម្បីបន្តបេសកកម្មដ៏ឧត្តុងឧត្តមថ្លៃថ្លាជាប្រវត្តិសាស្រ្តក្នុងការដឹកនាំព្រឹទ្ធសភា ដែលជាស្ថាប័ននីតិបញ្ញត្តិឱ្យសម្រេចបាន នូវសមិទ្ធផលថ្មីៗជាច្រើនថែមទៀត ក្នុងការពង្រឹងនីតិរដ្ឋ លទ្ធិប្រជាធិបតេយ្យសេរីពហុបក្ស ការគោរពសិទ្ធិមនុស្សជាមូលដ្ឋាន ការប្រយុទ្ធប្រឆាំងអំពើពុករលួយ ការប្រយុទ្ធប្រឆាំងគ្រឿងញៀន និងការអភិវឌ្ឍសង្គមនិងសេដ្ឋកិច្ច សំដៅ កាត់បន្ថយភាពក្រីក្ររបស់ប្រជាពលរដ្ឋនៅទូទាំងប្រទេស រួមចំណែកក្នុងការស្តារ ការអភិវឌ្ឍ និងការធ្វើកំណែទម្រង់ស៊ីជម្រៅលើគ្រប់វិស័យ ដើម្បីធ្វើឱ្យមាតុភូមិអង្គរជាទីស្នេហានៃយើង ទាំងអស់គ្នា មានការអភិវឌ្ឍរីកចម្រើនជឿនលឿនឆាប់រហ័សដែលជាបំណងប្រាថ្នាដ៏ពិសិដ្ឋរបស់ប្រជាពលរដ្ឋគ្រប់រូប៕

ក្រុមការងារសហគន៍អាជ្ញាធរជាតិអប្សរា បន្តចុះលើកកម្ពស់សុខមាលភាពម្តាយ និងទារកដល់ស្រ្តីក្នុងតំបន់អង្គរ

នៅព្រឹកថ្ងៃទី០១ ខែកុម្ភៈ ឆ្នាំ២០១៧ក្រុមការងារសហគមន៍របស់អាជ្ញាធរជាតិអប្សរា ប្រចាំក្រុងសៀមរាប ដឹកនាំដោយលោក តាន់ សំប៊ុន អគ្គនាយករងអាជ្ញាធរជាតិអប្សរា និងមន្រ្តីបុគ្គលិកមួយចំនួនទៀត បានចុះយកកញ្ចប់ទ្រទ្រង់សុខមាលភាពម្តាយ និងទារក ទៅចែកជូនដល់ស្ត្រីទើបឆ្លងទន្លេរួច ចំនួន៣៦គ្រួសារ កំពុងរស់នៅក្នុងសង្កាត់អំពិល ។ ពិធីចែកជូននេះ ត្រូវបានធ្វើឡើងនៅក្នុងសាលាឆទាន ភូមិត្រពាំងរុន សង្កាត់អំពិល ក្រុងសៀមរាប ខេត្តសៀមរាប ដោយមានការចូលរួមពីតំណាងអាជ្ញាធរមូលដ្ឋាន រួមនិងប្រជាពលរដ្ឋប្រមាណ៥០នាក់។

មានប្រសាសន៍ក្នុងពិធីនោះ លោក តាន់ សំប៊ុន បានណែនាំឱ្យបងប្អូនជាស្រ្តីទាំងអស់ដែលមានកូនខ្ចី ត្រូវចេះយកចិត្តទុកដាក់ថែរក្សាសុខភាពខ្លួន និងកូនឱ្យបានល្អដើម្បីកុំឱ្យមានជំងឺដង្កាត់ផ្សេងៗ ចូលមកបៀតបៀន យាយីបាន ហើយបើក្នុងករណីខ្លួនឯង ឬកូនមានបញ្ហាសុខភាពត្រូវប្រញាប់ប្រញាល់ទៅជួប និងពិគ្រោះយោបល់ជាមួយគ្រូពេទ្យឱ្យទាន់ពេលវេលា។
លោក ព្រៀន ប្រប អនុប្រធានភូមិគិរីមានន្ទ តំណាងស្រ្តីកូនខ្ចីបានសម្តែងនូវចិត្តសប្បាយរីករាយ និងអរគុណចំពោះថ្នាក់ដឹកនាំ និងមន្រ្តីបុគ្គលិកអាជ្ញាធរជាតិអប្សរា ជាពិសេសលោកបណ្ឌិតសភាចារ្យ សុខ អាន និងលោកជំទាវដែលតែងតែយកចិត្តទុកដាក់ចំពោះសុខទុក្ខរបស់ប្រជាពលរដ្ឋ និងសូមជូនពរឱ្យលោកមន្ត្រីបុគ្គលិកទាំងអស់ ជួបប្រទះតែសេចក្តីសុខសេចក្តីចម្រើន និងសម្រេចជោគជ័យគ្រប់ភារៈកិច្ច។

សូមបញ្ជាក់ថា កញ្ចប់ទ្រទ្រង់សុខមាលភាពម្តាយ និងទារកដែលបានផ្តល់ជូននៅពេលនេះរួមមាន កន្រ្តក បំពង់ទឹកក្តៅ កន្សែងពោះគោ កូនមុង ស្រោមដៃ ស្រោមជើង ខោអាវទារក រួមនិងថវិកាមួយចំនួនទៀត ដែលជាអំណោយដ៏ថ្លៃថ្លារបស់លោកបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកស្រី៕

រដ្ឋសភា កំពុងស្រាវជ្រាវករណីតំណាងរាស្រ្តគណបក្សប្រឆាំងម្នាក់ ដែលធ្លាយរឿងអាស្រូវរួមភេទនៅក្នុងបន្ទប់ធ្វើការរបស់រដ្ឋសភាជាតិ

(ភ្នំពេញ)៖ លោក ឡេង ប៉េងឡុង អ្នកនាំពាក្យរដ្ឋសភាបានបញ្ជាក់ប្រាប់អង្គភាពព័ត៌មាន Fresh News នៅមុននេះបន្តិចនាព្រឹកថ្ងៃទី០១ ខែកុម្ភៈ ឆ្នាំ២០១៧នេះថា រដ្ឋសភា កំពុងស្រាវជ្រាវលើករណីតំណាងរាស្រ្ត គណបក្សប្រឆាំងម្នាក់ ដែលបែកធ្លាយរឿងអាស្រូវដ៏ស្មោកគ្រោករួមភេទ នៅក្នុងបន្ទប់ធ្វើការនៃវិមានរដ្ឋសភា។

ការស្រាវជ្រាវនេះ បានធ្វើឡើងបន្ទាប់ពី លោកនាយករដ្ឋមន្រ្តី ហ៊ុន សែន បានរំលេចអំពីព័ត៌មានរឿងអាស្រូវនេះ នៅក្នុងកិច្ចប្រជុំរដ្ឋសភាវិសាមញ្ញ ដើម្បីធ្វើវិសោធនកម្មប្រកា៤៨ថ្មី(បី) ជំពូកទី១២ នៃបទបញ្ជាផ្ទៃក្នុងនៃរដ្ឋសភាកាលពីម្សិលមិញ។ ចំពោះរឿងនេះ លោក ហ៊ុន សែន ក៏ជំរុញឱ្យរដ្ឋសភា ធ្វើពិធីសូត្រមន្តបណ្តេញឧបទ្រពចង្រៃ នៅក្នុងបរិវេណរដ្ឋសភាផងដែរ។

លោក ឡេង ប៉េងឡុង បាននិយាយថា ទោះជាយ៉ាងណា ព័ត៌មាននេះ មិនទាន់ដឹងប្រាកដនៅឡើយ ហើយរដ្ឋសភាកំពុងធ្វើការស្រាវជ្រាវយ៉ាងល្អិតល្អន់។ លោកថា បើសិនជារដ្ឋសភា ស៊ើបដឹងថា តំណាងរាស្រ្តណាម្នាក់ បានប្រព្រឹត្តរឿងអាស្រូវបែបនោះមែន អគ្គលេខាធិការដ្ឋានរដ្ឋសភា នឹងសុំគោលការណ៍ ពី ប្រធានរដ្ឋសភា ហើយនិងពិនិត្យចំពោះច្បាប់ពាក់ព័ន្ធ។

សូមជំរាបថា នាថ្មីៗនេះគណនី Facebook មួយឈ្មោះ «សីហា» បានទម្លាយរឿងអាស្រូវផ្លូវភេទរវាង លោក យ៉ែម ប៉ុញ្ញឫទ្ធិ តំណាងរាស្រ្តគណបក្សសង្រ្គោះជាតិ ជាមួយនឹងលេខារបស់ខ្លួនឈ្មោះ គង់ វណ្ណា នៅក្នុងបន្ទប់រដ្ឋសភា។

ម្ចាស់ Facebook បានសរសេរយ៉ាងដូច្នេះថា «ថ្ងៃនោះ លោកញ៉ែម ប៉ុញរិទ្ធ រួមរ័ក្សជាមួយគង់វណ្ណា រហូត៣ដងក្នុងបន្ទប់ទឹក។ សភាប្រជុំចប់ហើយខ្ញុំចង់មកផ្ទះ តែស្រាប់តែឮ គង់ វណ្ណា និយាយទូរសព្ធ័ជាមួយប៉ុញរិទ្ធ។ ដំបូងឮគង់ វណ្ណាបដិសេដ្ឋថាNOព្រោះ២ដងរួចហើយក្រហាយណាស់(មិនដឹងក្រហាយអី) បន្តិចក្រោយមកឃើញគង់ វណ្ណាដើរទៅចាក់សោរចូលបន្ទប់ ខ្ញុំខំលបមើលឃើញប៉ុញរិទ្ធ ចូលទៅក្នុងបន្ទប់។ ព្រះអយឮតែពាក្យពូកុំខ្លាំងពេកឈឺ និងក្រហាយណាស់»។

ទោះជាយ៉ាងណា អង្គភាពព័ត៌មាន Fresh News បានព្យាយាមទំនាក់ទំនង លោក យ៉ែម ប៉ុញ្ញឫទ្ធិ តាមទូរស័ព្ទ ប៉ុន្តែមិនមានអ្នកទទួល។ ចំណែកឈ្មោះ គង់ វណ្ណា ដែល Facebook អះអាងជាលេខារបស់ លោក យ៉ែម ប៉ុញ្ញឫទ្ធិនោះ មិនអាចទំនាក់ទំនងបានទេ៕

(ប្រភព៖ Fresh News)

កម្ពុជា-កូរ៉េ ចុះហត្ថលេខាលើឯកសារសំខាន់ចំនួនពីរ ស្តីពីការផ្តល់ឥណទានសម្បទាន

(ភ្នំពេញ)៖ នៅថ្ងៃទី៣១ ខែមករា ឆ្នាំ២០១៧ កន្លងទៅនេះ លោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ បានចូលរួមក្នុងពិធីចុះហត្ថលេខាលើ «កិច្ចសម្របសម្រួលក្របខ័ណ្ឌ ស្តីពីការផ្តល់ឥណទានសម្បទាននៃមូលនិធិសហប្រតិបត្តិការអភិវឌ្ឍន៍សេដ្ឋកិច្ច» និង «កិច្ចសម្របសម្រួល ស្តីពីការផ្តល់ឥណទានសម្បទាន សម្រាប់គម្រោងលើកកម្ពស់គុណភាពផ្លូវជាតិ លេខ៤៨» នៅទីស្តីការក្រសួង។

ពិធីចុះហត្ថលេខានោះ ក្រោមអធិបតីលោកទេសរដ្ឋមន្រ្តី ប្រាក់ សុខុន និងលោក គីម វ៉នជីន ឯកអគ្គរដ្ឋទូតនៃសាធារណរដ្ឋកូរ៉េប្រចាំព្រះរាជាណាចក្រកម្ពុជា។ លោកទេសរដ្ឋមន្រ្តី ប្រាក់ សុខុន បានថ្លែងថា ពិធីចុះហត្ថលេខានោះ លើឯកសារសំខាន់ចំនួនពីរ គឺ៖ ១- កិច្ចសម្របសម្រួលក្របខ័ណ្ឌ «ស្តីពីការផ្តល់ឥណទានសម្បទាន នៃមូលនិធិសហប្រតិបត្តិការអភិវឌ្ឍន៍សេដ្ឋកិច្ច សម្រាប់ឆ្នាំ២០១៦ ដល់ ២០១៨» ដែលមានទឹកប្រាក់ចំនួន៣៥០ លានដុល្លារអាមេរិក និង ២- កិច្ចសម្របសម្រួល «ស្តីពីការផ្តល់ឥណទានសម្បទាន សម្រាប់គម្រោងលើកកម្ពស់គុណភាពផ្លូវជាតិ លេខ៤៨» ដែលមានទឹកប្រាក់ចំនួន ៦៧.៤៣៤.០០០ ដុល្លារអាមេរិក។

លោកទេសរដ្ឋមន្រ្តី បានបញ្ជាក់ថា មូលនិធិកិច្ចសម្របសម្រួលក្របខ័ណ្ឌនេះនឹងត្រូវប្រើប្រាស់សម្រាប់ផ្គត់ផ្គង់ហិរញ្ញវត្ថុដល់គម្រោងអាទិភាពនានាលើផ្នែកហេដ្ឋារចនាសម្ព័ន្ធ ប្រព័ន្ធធារាសាស្រ្ត សុខភាព ផ្លូវជនបទ និងប្រព័ន្ធលូបង្ហូរទឹក។ គួរកត់សំគាល់ជាសំខាន់ថា កិច្ចសម្របសម្រួលក្របខ័ណ្ឌនេះ គឺមានភាពស្របគ្នាយ៉ាងល្អជាមួយវិស័យអាទិភាពនានា ដូចដែលបានកំណត់ឡើងដោយរាជរដ្ឋាភិបាលកម្ពុជា នៅក្នុងយុទ្ធសាស្រ្តចតុកោណដំណាក់កាលទី៣។ ចំពោះការសម្របសម្រួលដ៏ទៃផ្សេងទៀត គម្រោង នឹងត្រូវប្រើប្រាស់ដើម្បីធ្វើឱ្យប្រសើរឡើង ផ្លូវជាតិលេខ៤៨ ដែលលាតសន្ធឹងពីស្រុកស្រែអំបិលទៅកាន់ខេត្តកោះកុង។ ការធ្វើឱ្យប្រសើរឡើងនេះ នឹងសម្រួលថែមទៀតដល់ការធ្វើដំណើររបស់ប្រជាជន ក៏ដូចជាទំនិញនៅតំបន់ភាគខាងត្បូង នៃប្រទេសកម្ពុជា។

លោក ប្រាក់ សុខុន ក៏បញ្ជាក់ផងដែរថា ប្រាក់កម្ចី នៃកិច្ចសម្របសម្រួលរបស់មូលនិធិសហប្រតិបត្តិការអភិវឌ្ឍន៍សេដ្ឋកិច្ច សម្រាប់ឆ្នាំ២០១៦ ដល់២០១៨ មានកំណើនលើសពីរដង ពីកិច្ចសម្របសម្រួលក្របខ័ណ្ឌកន្លងមក (២០១៣-២០១៦) ដែលមានចំនួន២០០លានដុល្លារអាមេរិក។ ការកើនឡើងនេះគឺជាសក្ខីកម្មនៃការបន្តប្តេជ្ញាចិត្ត និងការគាំទ្ររបស់រដ្ឋាភិបាលសាធារណរដ្ឋកូរ៉េដល់រាជរដ្ឋាភិបាលកម្ពុជា ក្នុងកិច្ចប្រឹងប្រែងរបស់ខ្លួនក្នុងការអភិវឌ្ឍសង្គមសេដ្ឋកិច្ច និងការធ្វើឱ្យប្រសើរឡើងដល់សុខមាលភាពប្រជាជន។

គួរបញ្ជាក់ថា កាលពីឆ្នាំ២០០១ ដល់ ២០១៦ សាធារណរដ្ឋកូរ៉េបានផ្តល់ប្រាក់កម្ចីពី មូលនិធីកិច្ចសហប្រតិបត្តិការសេដ្ឋកិច្ច ដល់កម្ពុជាមានចំនួនប្រហែល ៥៣៥លានដុល្លារអាមេរិក  សម្រាប់ការអនុវត្តគម្រោងអភិវឌ្ឍន៍ចំនួន១៧។

លោកទេសរដ្ឋមន្រ្តី ប្រាក់ សុខុន ក៏បានថ្លែងថា ឆ្នាំនេះ ប្រទេសទាំងពីរ នឹងប្រារព្វខួបអនុស្សាវរីយ៌លើកទី២០នៃទំនាក់ទំនងការទូត ជាមួយកិច្ចប្រឹងប្រែងរួម យើងអាចពង្រឹងថែមទៀតនូវទំនាក់ទំនងជាប្រពៃណី និងកិច្ចសហប្រតិបត្តិការផ្លែផ្កាសម្រាប់ផលប្រយោជន៍ទៅវិញទៅមករបស់ប្រទេស និងប្រជាជនប្រទេសទាំងពីរ៕

Boulam San ៖ អ្នកវិភាគស៊ីជោរ គឹម សុខ ជាអ្នកវិភាគលំអៀងខាងប្រឆាំងផ្កាប់មុខ

(ភ្នំពេញ)៖ នៅថ្ងៃទី៣១ ខែមករា ឆ្នាំ២០១៧ ម្សិលមិញនេះ ម្ចាស់គណនីឈ្មោះ Boulam San បានបង្ហោះផ្សាយនូវខ្លឹមសារមួយចំនួនជាការឆ្លើយតបទៅនឹងលោក គឹម សុខ ដែលបានតាំង ខ្លួនឯងជាអ្នកវិភាគមួយរូបនោះ។

ម្ចាស់គណនី បានបង្ហោះថា «សុំសួរអ្នកវិភាគស៊ីជោរ គឹម សុខ៖ គ្រាន់តែលោកនាយករដ្ឋមន្ត្រីបង្ហើបអំពីសារសំងាត់ លោកឯងថា គេបង្កើតវប្បធម៌មិនស្មោះត្រង់ ចារកម្មនយោបាយ…. ចុះត្រង់សម រង្ស៊ី បញ្ចេញសារសំងាត់ទៅឱ្យវិទ្យុអាស៊ីសេរីផ្សាយកោកៗ ចុះត្រង់សម រង្ស៊ី បំផ្លាញវប្បធម៌សន្ទនា ក្រោយពេលនិយាយទៅកាន់កាសែតបារាំងជាដើមនោះ ម្តេចលោកអ្នកវិភាគស៊ីជោរឯងមិនលើកមកនិយាយផង មិនផ្តល់មេរៀនឱ្យ សម រង្ស៊ី ផង? ចឹងខំមកនិយាយបានការអីហ្អា!»៕

នៅថ្ងៃទី២-៤ ខែកុម្ភៈខាងមុខ អាចនឹងមានភ្លៀងកក់ខែ នៅផ្នែកខ្លះក្នុងរាជធានីភ្នំពេញ និងតាមបណ្តាខេត្តមួយចំនួន

ក្រសួងធនធានទឹក និងឧតុនិយម បានចេញសេចក្ដីប្រកាស អំពីការព្យាករណ៍អាកាសធាតុប្រចាំសប្ដាហ៍ សម្រាប់ថ្ងៃទី០១-០៧ ខែកុម្ភៈ ដោយបានបញ្ជាក់ថា នៅថ្ងៃទី២-៤ ខែកុម្ភៈខាងមុខ អាចនឹងមានភ្លៀងកក់ខែ នៅផ្នែកខ្លះក្នុងរាជធានីភ្នំពេញ និងតាមបណ្តាខេត្តមួយចំនួន៕
សូមអានខ្លឹមសារលិខិតទាំងស្រុង៖

មគ្គទ្ទេសក៍ទេសចរណ៍គាំទ្រចំពោះការកំណាយស្រាវជ្រាវនៅស្ថានីយ៍ស្លដែកនៅភូមិសាលាក្រវ៉ាន់ដោយក្រុមអ្នកស្រាវជ្រាវអាជ្ញាធរជាតិអប្សរា

នាពេលថ្មីៗនេះ សមាគមមគ្គុទ្ទេសក៍ខ្មែរអង្គរមួយក្រុមបានធ្វើដំណើរមកកាន់ការដ្ឋានកំណាយស្ថានីយ៍ស្លដែកបុរាណមួយ ដែលរកឃើញនៅភូមិសាលាក្រវ៉ាន់ ឃុំរំចេក ស្រុកបន្ទាយស្រី ខេត្តសៀមរាប ស្ថិតក្នុងតំបន់ការពារទី២នៃរមណីយដ្ឋានអង្គរ។ នេះជាស្ថានីយលោហកម្មបុរាណដែលប្រទះឃើញមុនគេបង្អស់នៅក្នុងតំបន់អង្គរ។

ការមកទស្សនកិច្ចនៅទីនេះ គឺដើម្បីស្វែងយល់ពីអំពីសារៈសំខាន់នៃលោហៈសម្រាប់ការប្រើប្រាស់នៅរាជធានីអង្គរ ព្រមទាំងពិចារណាទ្បើងវិញអំពីប្រភពផ្គត់ផ្គង់លោហៈដល់អង្គរ។ តាមរយៈលទ្ធផលដែលរកឃើញក្នុងការដ្ឋានកំណាយ គឺជាភស្តុតាងដ៏សំខាន់សម្រាប់សិក្សាអំពីវិសាលភាពនៃទីតាំងផលិតលោហៈ ព្រមទាំងពិនិត្យមើលរចនាសម្ព័ន្ធនៃចង្ក្រានស្លដែក ក្នុងជាស្ថានីយលោហកម្មបុរាណដែលប្រទះឃើញមុនគេបង្អស់នៅក្នុងតំបន់អង្គរ ហើយទទួលបានការចាប់អារម្មណ៍យ៉ាងខ្លាំងពីសំណាក់មគ្គុទ្ទេសក៍លើផ្នែកអភិរក្សនិងវិស័យទេសចរណ៍។

លោក អៀង ប៉ោហេង មកពីសមាគមមគ្គុទ្ទេសក៍ខ្មែរអង្គរផ្នែកភាសាអង់គ្លេស បានលើកឡើងថា នេះជាដំណឹងដ៏គួរឱ្យភ្ញាក់ផ្អើលជាខ្លាំងដែលបានទទួលការអញ្ជើញពីអ្នកជំនាញមកកាន់ស្ថានីយ៍កំណាយនេះ ដើម្បីស្តាប់បទបង្ហាញនិងស្វែងយល់ដោយផ្ទាល់ពីរបកគំហើញថ្មីនៃការស្លដែកពីសម័យបុរាណ។ លោកចាប់អារម្មណ៍បំផុត គឺស្ថានីយនេះ ជាកន្លែងផលិតលោហៈបុរាណ ដែលប្រទះឃើញដំបូងបង្អស់នៅក្នុងតំបន់អង្គរ អស់រយៈពេល១៥០ឆ្នាំក្រោយពីការផ្តើមការស្រាវជ្រាវអំពីអង្គរ។ ភស្តុតាងដែលបានរកឃើញជាអំណះអំណាងបន្ថែមសម្រាប់ឱ្យកូនចៅជំនាន់ក្រោយបានយល់ដឹងពីភាពអស្ចារ្យរបស់អាណាចក្រខ្មែរអង្គរ ដែលសាងសង់ប្រាសាទបានជាច្រើនដោយប្រើថ្មធំៗ ថាតើគាត់មានអ្វីកាត់ថ្ម គ្រឿងលើកដាក់ថ្ម ពិសេសគឺជំនាញ បច្ចេកទេសស្លដែក និងការផលិតសព្វាវុធការពារក្រុងអង្គរ។ លោកបន្តទៀតថា ក្នុងនាមជាមគ្គុទ្ទេសក៍ម្នាក់ យើងត្រូវដឹងឱ្យច្បាស់និងឱ្យច្រើនពីតំបន់ទេសចរណ៍របស់យើង ទាំងប្រវត្តិសាស្ត្រ ភូមិសាស្ត្រ វប្បធម៌ប្រពៃណី បុរាណវិទ្យា និងរឿងផ្សេងៗទៀតដើម្បីនិយាយជូនភ្ញៀវស្តាប់។ លោកក៏សូមចូលរួមអបអរចំពោះលទ្ធផលកំណាយស្រាវជ្រាវដោយក្រុមអ្នកជំនាញអាជ្ញាធរជាតិអប្សរា និងចូលរួមចំណែកក្នុងការផ្សព្វផ្សាយពីព័ត៌មាននេះទៅកាន់ទេសចរឱ្យបានទូលំទូលាយ។ លោកក៏សំណូមពរម្ចាស់ស្រែនិងអ្នកមានសមត្ថកិច្ច សូមឱ្យរក្សាកន្លែងនេះទុកដើម្បីនាំទេសចរមកទស្សនា ដែលបង្កើតការងារដល់អ្នកស្រុកតំបន់នេះតាមរយៈការលក់ដូរផងដែរ។

លោក ជុំ ដាលីន ដែលមកពីសមាគមមគ្គុទ្ទេសក៍ខ្មែរអង្គរផ្នែកភាសាអង់គ្លេសដូចគ្នានោះ ក៏បន្ថែមទៀតថា នេះជាការរកឃើញថ្មីមួយដ៏គួរឱ្យរីករាយចំពោះភស្តុតាងនេះ។ លោកសូមគាំទ្រទាំងស្រុងចំពោះកិច្ចការស្រាវជ្រាវរបស់អាជ្ញាធរជាតិអប្សរា ដែលបានជួយលាតត្រដាងពីការរកឃើញថ្មីៗនៅក្នុងតំបន់អង្គរ ដើម្បីរួមចំណែកអភិរក្សនិងលើកស្ទួយវិស័យទេសចរណ៍។ លោកចង់ឱ្យអភិរក្សទីនេះទៅជាសារមន្ទីរ ដើម្បីក្លាយជាផលិតផលទេសចរណ៍ថ្មីមួយទៀត ដែលអាចពន្យារពេលទេសចរឱ្យស្នាក់នៅទីនេះបានយូរ នោះប្រាក់ចំណូលដល់ប្រជាជននិងប្រទេសក៏បានល្អប្រសើរដែរ។ លោកជឿជាក់ថា ទីនេះនឹងមានភ្ញៀវមកទស្សនាច្រើន ព្រោះទេសចរក្រៅពីចូលចិត្តទស្សនារមណីយដ្ឋានវប្បធម៌និងប្រវត្តិសាស្ត្រហើយនោះ ពួកគេក៏ចូលចិត្តស្វែងយល់ពីតំបន់បុរាណវិទ្យា របកគំហើញថ្មីៗដែរ ណាមួយទីតាំងភូមិសាស្ត្រនេះក៏ជាប់នឹងប្រាសាទចៅស្រីវិបុលនិងផ្លូវទៅភ្នំគូលែនទៀតផង។

គួរបញ្ជាក់ផងដែរថា ស្ថានីយស្លដែកបុរាណមួយនេះត្រូវបានក្រុមស្រាវជ្រាវអាជ្ញាធរជាតិអប្សរាដឹកនាំដោយលោក អ៊ឹម សុខរិទ្ធី បើកកំណាយស្រាវជ្រាវជាលើកទី២រយៈពេល១០ថ្ងៃចាប់ពីថ្ងៃទី២៣ ខែមករា ឆ្នាំ២០១៧ ហើយចំពោះលទ្ធផលដែលបានរកឃើញពីការកំណាយនេះនឹងត្រូវបានបង្ហាញជាសាធារណៈបន្ទាប់ពីបញ្ចប់ការកំណាយជាស្ថាពរ៕

ឧបនាយករដ្ឋមន្រ្តី ស ខេង ប្រកាសផ្ទេរភារកិច្ច អធិការនគរបាលស្រុកកោះធំ ទៅជាអនុប្រធាន នាយកដ្ឋានសន្តិសុខផ្ទៃក្នុង

ភ្នំពេញ៖ អធិការនគរបាលស្រុកកោះធំ ខេត្តកណ្តាល លោក ឈឿន ប៊ុនឆន ត្រូវបាន លោក ស ខេង ឧបនាយករដ្ឋមន្រ្តី និងរដ្ឋមន្រ្តីក្រសួងមហាផ្ទៃ បានសម្រេចផ្លាស់ប្តូរ និងតែងតាំងទៅជាអនុប្រធាន នាយកដ្ឋានសន្តិសុខផ្ទៃក្នុង នៃអគ្គស្នងការដ្ឋាននគរបាលជាតិ។ នេះបើយោងតាមសេចក្តីប្រកាស របស់ឧបនាយករដ្ឋមន្រ្តី ស ខេង បានចេញនៅព្រឹកថ្ងៃទី១ ខែកុម្ភៈ ឆ្នាំ២០១៧នេះ។

ជាមួយគ្នានេះ ឧបនាយករដ្ឋមន្រ្តី ស ខេង ក៏បានចេញសេចក្តីសម្រេចតែងតាំងលោក ស៉ីម ឃាង នាយរងការិយាល័យប្រតិបត្តិ នៃនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន ទៅជាអធិការនគរបាលស្រុកកោះធំ ជំនួសវិញ។

សូមបញ្ជាក់ថា អធិការនគរបាលស្រុកកោះធំ លោក ឈឿន ប៊ុនឆន ត្រូវបានគេស្គាល់ថា ជាមន្រ្តីនគរបាលម្នាក់បានអនុវត្តច្បាប់ អន្តោប្រវេសន៍ ទៅលើជនជាតិវៀតណាម យ៉ាងខ្លាំងខ្លា រហូតធ្វើឱ្យមានការកោតសរសើរ ពីសំណាក់មជ្ឈដ្ឋានទូទៅជាពិសេស អ្នកលេង Facebook ព្រមទាំងការចុះបង្ក្រាបបទល្មើស នានាតាមមូលដ្ឋានដូចជា បទល្មើសនេសាទ និងគ្រឿងញៀនជាដើម៕

ការដំឡើងថ្លៃលក់ប័ណ្ណចូលទស្សនារមណីយដ្ឋានអង្គរនឹងចាប់ផ្ដើមអនុវត្តន៍ ជាផ្លូវការនៅថ្ងៃទី០១ ខែកុម្ភៈនេះ

ភ្នំពេញ៖ មន្ត្រីគ្រឹះស្ថានអង្គរបានបញ្ជាក់ថា ការអនុវត្តការដំឡើងថ្លៃ លក់ប័ណ្ណ ចូល ទស្សនារមណីយដ្ឋានអង្គរ នឹងត្រូវចាប់ផ្តើមចាប់ថ្ងៃទី០១ ខែកុម្ភៈ ឆ្នាំ២០១៧ នេះតទៅ។

ថ្លែងក្នុងសន្និសីទសារព័ត៌មាន ដែលត្រូវបានធ្វើឡើងនៅគ្រឹះស្ថានអង្គរ កាលពីរសៀលថ្ងៃទី៣១ ខែមករា ឆ្នាំ២០១៧កន្លងទៅបានឱ្យដឹងថា គ្រឹះស្ថានអង្គរ ដែលជាសហគ្រាសសាធារណៈរបស់រដ្ឋទទួលសិទ្ធិ គ្រប់គ្រង់ការលក់សំបុត្រ ចូលទស្សនាតំបន់អង្គរ បានបញ្ជាក់ជូនសាធារណជនជាតិ អន្តរជាតិ ប្រតិបត្តិករ ទេសចរណ៍ ព្រមទាំងភ្ញៀវទេសចរទាំងអស់ថា រាជរដ្ឋាភិបាលបានធ្វើការកែប្រែតម្លៃប័ណ្ណ សម្រាប់ភ្ញៀវ បរទេសចូលទស្សនារមណីយដ្ឋានអង្គរ ចាប់ថ្ងៃទី០១ ខែកុម្ភៈ ឆ្នាំ២០១៧នេះតទៅ ដោយប្រភេទប័ណ្ណចូលទស្សនា១ថ្ងៃ មានតម្លៃ៣៧ដុល្លារ ប្រភេទប័ណ្ណចូលទស្សនា៣ថ្ងៃ មានតម្លៃ៦២ដុល្លារ និងមាន សុពលភាព១០ថ្ងៃ។ ចំពោះប្រភេទប័ណ្ណចូលទស្សនា៧ថ្ងៃ មានតម្លៃ៧២ដុល្លារ និងមានសុពលភាព ១ខែ ដែលតម្លៃចាស់ ២០ដុល្លារ ចូលទស្សនា បាន១ថ្ងៃ, តម្លៃ៤០ដុល្លារ មានរយៈពេល១សប្តាហ៍ ចូលទស្សនាបាន៣ដង, និងប័ណ្ណតម្លៃ៦០ដុល្លារ មានរយៈពេល១ខែ ចូលទស្សនា បាន៧ដង។

ជាមួយគ្នានេះ នៅក្នុងតម្លៃប័ណ្ណថ្មីចូលទស្សនាទាំង៣ប្រភេទខាងលើនេះ ត្រូវដកចំនួន២ ដុល្លារ សម្រាប់ចូលមូលនិធិមន្ទីរពេទ្យគន្ធបុប្ផា ដើម្បីជួយក្នុងការ ព្យាបាលជំងឺ ដល់កុមារក្រីក្រកម្ពុជា ដែលនេះគឺជាការចូលរួមចំណែក ដោយផ្ទាល់ពី ភ្ញៀវទេសចរបរទេស ក្នុងការចូលរួមជួយព្យាបាលជំងឺ ដល់កុមារក្រីក្រកម្ពុជាផងដែរ។

លោកស្រី Carrol Sahaidak-Beaver អគ្គលេខាធិការសហព័ន្ធទេសចរណ៍កម្ពុជា បានលើកឡើងថា ការដំឡើងតម្លៃសំបុត្រនេះ នឹងមិនធ្វើឱ្យប៉ះពាល់ខ្លាំងលើចំនួនភ្ញៀវទេសចរនោះទេ ដែលរួមមានទាំងការដំឡើងថ្លៃសំបុត្រសម្រាប់ទស្សនាទីតាំងទេសចរណ៍ ផ្សេងទៀតផងដែរ ព្រោះថា អំឡុងពេលកាន់តែវែង នៃការកែតម្រូវនេះ នឹងបានជួយដល់ ការផ្លាស់ប្តូរពីតម្លៃសំបុត្រចាស់ ទៅជាតម្លៃថ្មី។

គួរបញ្ជាក់ថា រយៈពេលពេញ១ឆ្នាំ ២០១៦ គ្រឹះស្ថានអង្គរបានលក់ប័ណ្ណ ចូលទស្សនាតំបន់អង្គរ ទៅឲ្យភ្ញៀវទេសចរបរទេសចំនួន ២.១៩៧.២៥៤ នាក់ កើនឡើង៤,៦៣ភាគរយ ប្រមូលចំណូលបាន ៦២.៥៨២.២០០ដុល្លារអាម៉េរិក កើនឡើង៤,២១ភាគរយ បើធៀបនឹងឆ្នាំ២០១៥៕

ប្រភពពី akp

អត្រាប្តូរប្រាក់រវាងរូបីយប័ណ្ណផ្សេងៗជាមួយប្រាក់រៀល សម្រាប់ថ្ងៃទី០១ ខែកុម្ភៈ ឆ្នាំ២០១៧

ប្រភពពី akp

អ្នកនាំពាក្យគណបក្សប្រជាជន៖ តើអ្នកណាស្លន់ស្លោរ?

(ភ្នំពេញ)៖ លោក សុខ ឥសាន អ្នកនាំពាក្យគណបក្សប្រជាជនកម្ពុជា នៅយប់ថ្ងៃទី៣១ ខែមករា ឆ្នាំ២០១៧ កន្លងទៅនេះ បានមានប្រសាសន៍ថា «បន្ទាប់ពីបានឮសម្តេចតេជោ ហ៊ុន សែន មានប្រសាសន៍បញ្ហាមួយចំនួនពាក់ព័ន្ធនឹងខ្លួន សម រង្ស៊ី បានសម្តែងឱ្យឃើញនូវអាកប្បកិរិយាភិតភ័យស្លន់ស្លោរយ៉ាងខ្លាំង។ ក៏ ប៉ុន្តែ ដើម្បីបន្លប់ស្មារតីសមាជិក សមាជិកាអ្នកគាំទ្រខ្លួន សម រង្ស៊ី បែរជានិយាយថា សម្តេច ហ៊ុន សែន ជាអ្នកភ័យស្លន់ស្លោរទៅវិញ»។

ក្នុងបរិបទនេះ លោក សុខ ឥសាន បានបន្ថែមថា សភាពការណ៍ពិត បង្ហាញថា បើថា សម្តេច ហ៊ុន សែន ស្លន់ស្លោរ តែស្លន់ស្លោរ ពេលកំពុងកាន់អំណាចក្នុងដៃ ហើយកំពុងដឹកនាំប្រទេសឆ្ពោះទៅរកការអភិវឌ្ឍន៍រីកចំរើន។ ផ្ទុយទៅវិញ សម រង្ស៊ី ស្លន់ស្លោរ ក្នុងពេលដែលខ្លួនបានបាត់បង់អ្វីៗទាំងអស់ពីដៃ។ តើ ភាពភ័យស្លន់ស្លោរទាំងពីរនេះ ខាងណានឹងជួបហានិភ័យ ហើយខាងណា មិនមានជួបហានិភ័យ និងទទួលបានជ័យជំនះ?

សូមសាធារណៈជន ប្រជាពលរដ្ឋទូទៅ មេត្តាពិចារណា តាមការជាក់ស្តែងតាមការគួរចុះ៕

សាលាភូមិន្ទរដ្ឋបាល ប្រកាសជ្រើសរើសសាស្រ្តាចារ្យពេញម៉ោងចំនួន ១០នាក់

(ភ្នំពេញ)៖ នៅថ្ងៃទី៣១ ខែមករា ឆ្នាំ២០១៧នេះ សាលាភូមិន្ទរដ្ឋបាល បានចេញសេចក្តីជូនដំណឹងស្តីពីការជ្រើសរើស សាស្រ្តាចារ្យពេញម៉ោងចំនួន ១០នាក់ បម្រើការងារនៅសាលាភូមិន្ទរដ្ឋបាល។

សេចក្តីជូនដំណឹង ក៏បានបញ្ជាក់ពីលក្ខខណ្ឌនៃការជ្រើសរើសដូចជា៖ ១- សញ្ញាបត្របរិញ្ញាបត្រជាន់ខ្ពស់ឡើងទៅ ដែលមានឯកទេស រដ្ឋបាលសាធារណៈ គោលនយោបាយសាធារណៈ ការគ្រប់គ្រង សេដ្ឋកិច្ច គណនេយ្យ ហិរញ្ញវត្ថុសាធារណៈ សេដ្ឋកិច្ចនយោបាយ ទំនាក់ទំនង អន្តរជាតិ ការទូត និងមុខវិជ្ជាប្រហាក់ប្រហែលពាក់ព័ន្ធនឹងមុខវិជ្ជាដែលជាតម្រូវការរបស់សាលាភូមិន្ទរដ្ឋបាល ២-បទពិសោធន៍ក្នុងការងារជំនាញយ៉ាងតិច១០ឆ្នាំ ៣- បទពិសោធន៍ក្នុងការ បង្រៀនយ៉ាងតិច ៥ឆ្នាំនៅតាមសាកលវិទ្យាល័យ និងគ្រឹះស្ថានអប់រំឧត្តមសិក្សា ៤- ចំណេះដឹងផ្នែកព័ត៌មានវិទ្យាសម្រាប់ការស្រាវជ្រាវ ៥- ចំណេះដឹងផ្នែកភាសាអង់គ្លេស ឬភាសាបារាំង និង ៦- បេក្ខនារីត្រូវទទួលបានការលើកទឹកចិត្ត។

បេក្ខជនដែលចាប់អារម្មណ៍ ត្រូវដាក់ពាក្យសុំបំពេញការងារ ដោយភ្ជាប់មកជាមួយនូវប្រវត្តិរូប សង្ខេប និងឯកសារពាក់ព័ន្ធនានា។ បេក្ខជនអាចមានឱកាសទទួលបានក្របខណ្ឌជាមន្រ្តីរាជ ការ និងទទួលបានកម្រៃសេវាបង្រៀនសមរម្យស្របតាមទីផ្សារនិងមានលក្ខណៈប្រកួតប្រជែង។

សូមអានសេចក្តីជូនដំណឹងខាងក្រោម៖

លោក​នាយក​រដ្ឋមន្ត្រី ហ៊ុន សែន៖ ប្រទេស​មាន​សន្តិភាព កូន​ខ្មែរ​កាន់​តែ​ទទួល​បាន​ឱកាស ​និង​អនាគត​ល្អ

ភ្នំពេញ៖ លោកនាយករដ្ឋមន្ត្រី ហ៊ុន សែន នៅព្រឹកថ្ងៃទី០១ ខែកុម្ភៈ ឆ្នាំ២០១៧នេះ បានបង្ហោះសារខ្លីមួយនៅក្នុងទំព័រហ្វេសប៊ុកផ្លូវការ អមដោយរូបភាពលោកនាយករដ្ឋមន្ត្រីពរកុមារតូច ២រូប នៅក្នុងរង្វង់ដៃ អមសងខាងដោយកុមារជាច្រើនទៀត ដែលមានខ្លឹមសារថា ប្រទេសមានសុខសន្តិភាព គឺកូនខ្មែរកាន់តែទទួលបាននូវឱកាស និងអនាគតល្អ។ លោកនាយករដ្ឋមន្ត្រីបន្ថែមថា វប្បធម៌ចែករំលែក និងការរួមគ្នាផ្តល់នូវក្តីស្រឡាញ់ គឺកាន់តែធ្វើឲ្យសង្គមជាតិយើងរឹងរាំ និងរីកចម្រើន៕

ទំព័រហ្វេសបុក សី ហា ទម្លាយរឿងអាស្រូវលោក ហូរ វ៉ាន់លួចសាហាយស្មន់ជាមួយប្រពន្ធគេ

ទំព័រហ្វេសបុកដែលមានឈ្មោះថា សី ហា បានបន្តទម្លាយរឿងអាស្រូវផ្លូវភេទ របស់តំណាងរាស្ត្ររបស់គណបក្សសង្គ្រោះជាតិគឺ លោក ហួ វ៉ាន់ បានលួចសាហាយស្មន់ជាមួយនឹងប្រពន្ធកូនគេ ដែលមានខ្លឹមសារ និងរូបភាពដូចខាងក្រោមនេះ៖

ហូរ វ៉ាន់ អាងអភ័យឯកសិទ្ធិសភាដើររួមរ័ក្សបំផ្លាញអនាគតក្មេងស្រីរោងចក្រកាត់ដេរជាច្រើនថែមទាំងហ៊ានលួចសាហាយស្មន់ជាមួយប្រពន្ធគេ

ដូចដែលបានសន្យាកាលពីថ្ងៃមុន ថ្ងៃនេះខ្ញុំនឹងបកអាក្រាតការពិតរបស់តំណាងរាស្ត្របក្សប្រឆាំង ម្នាក់ទៀតដែល អាយុច្រើន សក់ស្កូវពេញក្បាល់ទៅហើយនៅតែព្រើល ល្មោភកាម សូម្បីតែក្មេងស្រីដែលមានប្តីរួចហើយក៏គាត់មិនលើកលែង មិនទុកអនាគតឱ្យមនុស្សស្រីម្នាក់នោះឡើយ។ ខ្ញុំសូមជម្រាបអ្នកទាំងអស់គ្នាចុះអ៊ុំ ហូរ វ៉ាន់ ម្នាក់នេះប្រុងប្រយ័ត្នណាស់ បើមិនស្និទ្ធស្នាលនឹងគាត់ដូចខ្ញុំទេ គ្មានថ្ងៃបានដឹងចរិតនិងមុខមាត់ពិតរបស់គាត់ជាដាច់ខាត់។ ក្មេងស្រីម្នាក់នេះ ខ្ញុំស្គាល់ច្បាស់ណាស់ តែសុំមិនបញ្ចេញឈ្មោះ ~ នាងជាកម្មការិនីកាត់ដេរ មានស្រុកកំណើតនៅស្រុកគងពិសី ខេត្តកំពង់ស្ពឺ។
ក្មេងស្រីម្នាក់នេះត្រូវបានអ៊ុំ ហូរ វ៉ាន់ ទាក់ទងយកទៅដេករួមរ័ក្សជាមួយ ដោយយកលុយបន្តិចបន្ទួចទៅដោះដូរប៉ុណ្ណោះ តែបានសន្យានឹងនាងថា គាត់នឹងជួយនាងឱ្យធ្វើជាតំណាងកម្មករក្នុងរោងចក្រកាត់ដេរមួយ។
ខ្ញុំសូមរៀបរាប់កាត់ៗ បន្តិចចុះ! ក្មេងស្រីម្នាក់នេះ មានទំនាក់ទំនងផ្លូវភេទជាមួយហូរ វ៉ាន់ ៣ រឺ៤ឆ្នាំ ហើយ។ ថ្មីៗនេះ នាងបានរៀបការតាមការរៀបចំរបស់ឪពុកម្តាយជាមួយបុរសម្នាក់ នៅឯស្រុកកំណើតខេត្តកំពង់ស្ពឺ គឺរៀបការចំពេលដែល អ៊ុ ហូរ វ៉ាន់ គាត់ទៅប្រទេសបារាំង។
សំឡេងសាសងរវាង អ៊ុំ ហូរ វ៉ាន់ ជាមួយនឹងក្មេងស្រីម្នាក់នោះគឺគាត់តែងឱ្យនាង ឬក្មេងស្រីដទៃហៅគាត់ថា ប៉ាៗ ដើម្បីកុំឱ្យគេចាប់អារម្មណ៏។ គ្រាន់តែស្តាប់សម្តី ក៏ដឹងថាគាត់ល្មោភស្រី និងថោកទាបយ៉ាងណាដែរ គាត់បញ្ជាក់ច្បាស់ៗដោយលួងលោមនាងថា ទោះបីគាត់មានស្រីច្រើនយ៉ាងណាក៏គាត់មិនចោលនាងដែរ។ ចេតនាធំរបស់គាត់ទូរស័ព្ទទៅនាងគឺ ចង់លួងលោមផង និងយកអំណាចរបស់ខ្លួនដើម្បីគម្រាមនាង កុំឱ្យតោង កុំឱ្យនាងលាតត្រដាងរឿងអាស្រូវផ្លូវភេទនេះដាច់ខាត។

សូមស្តាប់ខាងក្រោមនេះនូវការនិយាយឆ្លើយឆ្លងរបស់ហូរ វ៉ាន់ជាមួយស្រីក្មេងនេះ៖