Wednesday, December 30, 2015

សម្តេចតេជោនាយករដ្ឋមន្រ្តី ប្រកាសផ្អាកការធ្វើបណ្ណបើកបរបណ្តោះអាសន្ន

យោងតា​មរយៈទំព័រហ្វេសប៊ុ​កផ្ទាល់ខ្លួនពីខេត្តព្រះ​សីហនុរបស់ សម្តេច ហ៊ុន សែន ដែលបានសរសេរបង្ហោះ​កាលពីថ្ងៃ​ទី២៩ ខែធ្នូ ឆ្នាំ២០១៥កន្លង​ទៅនេះ មានខ្លឹមសារដូចត​ទៅ ៖«ខ្ញុំបានបញ្ជាឲ្យ​រដ្ឋមន្ត្រីក្រសួងសា​ធារណៈការ និងដឹកជញ្ជូន ផ្អា​កនៅដំណើរការនេះ ដើម្បីប្រ​ជុំជាមួយ​ស្ថាប័នពាក់ព័ន្ធ​រកដំណោះស្រាយស​មស្របជូនប្រជាជន​យើង។ ខ្ញុំក៏បានបញ្ជា​ទៅរដ្ឋមន្ត្រីក្រ​សួងសេដ្ឋកិច្ច និងហិ​រញ្ញវត្ថុ ឲ្យពិភាក្សា​ជាមួយរដ្ឋមន្ត្រីពាក់ព័​ន្ធ ដើម្បីបញ្ចុះត​ម្លៃ និងលុបចោល​ការចំណាយរបស់​ប្រជាជនដែលនាំឲ្យខាតប​ង់ប្រាក់កាសរបស់ប្រ​ជាជន»

សម្តេច​តេជោ នាយក​រដ្ឋមន្ត្រីកម្ពុជា បានបញ្ជាក់នៅក្នុ​ងទំព័រហ្វេសប៊ុកផ្ទាល់ខ្លួនទៀ​តថា សម្តេចនឹង​តាមដាន ពិនិត្យរឿងនេះបន្តទៀត មុននឹងដាក់ឲ្យអនុ​វត្តន៍សារជាថ្មី។ សម្តេច​តេជោ សង្ឃឹ​មថា ការបញ្ចុះត​ម្លៃធ្វើប័ណ្ណបើក​បរនេះនឹងជួយកាត់បន្ថយកា​រចំណាយបានមួយកម្រិ​តធំរបស់បង​ប្អូនប្រជាពលរដ្ឋជាពិ​សេសយុវជនដែលត្រូវ​ការប័ណ្ណបើកបរចាំបាច់ ​ជាមួយនឹងកា​រអនុវត្តច្បា​ប់ចរាចរណ៍ថ្មី នៅដើម​ឆ្នាំ២០១៦។
                                                              

ដោ​យអនុវត្តតាមប​ទបញ្ជាដ៏ខ្ពង់ខ្ពស់​របស់ សម្តេចអគ្គមហា​សេនាបតីតេជោ ហ៊ុន សែន នាយករដ្ឋ​មន្រ្តីនៃព្រះរាជាណា​ចក្រកម្ពុជា សាលារាជធា​នីភ្នំពេញ នៅយប់ថ្ងៃទី​២៩ ខែធ្នូ ឆ្នាំ២០១៥ ក៏​បានចេញសេចក្តីជូនដំ​ណឹងជាបន្ទាន់មួយដោ​យប្រកាសផ្អាកធ្វើប័ណ្ណ​បើកបរនៅមន្ទីរសាធា​រណការ និងដឹកជញ្ជូ​នរាជធានីភ្នំពេ​ញជាបណ្តោះអាសន្ន ចាប់ពីថ្ងៃទី​៣០ ខែធ្នូ ឆ្នាំ២០១៥ តទៅរហូត​ដល់មានការ​ជូនដំណឹងជាថ្មី។ ការផ្អាកស​កម្មភាពធ្វើប័ណ្ណបើក​បរនេះ គឺដើម្បីទុកពេ​លឲ្យរាជរដ្ឋាភិបាលក​ម្ពុជា សិក្សា​ឡើងវិញ លើនីតិ​វិធី និងការយកក​ម្រៃលើសេវាធ្វើប័ណ្ណ​បើកបរ៕

Tuesday, December 29, 2015

ព្រឹទ្ធសភា កំណត់យកថ្ងៃទី៤ ខែមករា ឆ្នាំ២០១៦ ដើម្បីបើកសម័យប្រជុំពេញអង្គលើកទី៨

គណៈកម្មាធិការអចិន្ត្រៃយ៍ព្រឹទ្ធសភា បានកំណត់យកថ្ងៃចន្ទ ទី៤ ខែមករា ឆ្នាំ២០១៦ នៅម៉ោង៨៖០០នាទីព្រឹក បើកសម័យប្រជុំពេញអង្គលើកទី៨ ព្រឹទ្ធសភា នីតិកាលទី៣ ដើម្បីស្តាប់របាយការណ៍គណៈកម្មាធិការអចិន្ត្រៃយ៍ ស្តីពីសកម្មភាពការងាររបស់ ព្រឹទ្ធសភា នៅចន្លោះសម័យប្រជុំលើកទី៧ និងលើកទី៨ នីតិកាលទី៣។

ការកំណត់យកថ្ងៃទី៤ ខែមករា ឆ្នាំ២០១៦ ដើម្បីបើកសម័យប្រជុំពេញអង្គលើកទី៨ ដូចច្នេះគឺយោ​ងតា​មសេចក្តីជូ​នដំណឹងរ​​បស់អគ្គលេ​ខាធិការដ្ឋាន​ព្រឹទ្ធសភា នៅព្រឹកថ្ងៃទី​២៩ ខែធ្នូ ឆ្នាំ២០១៥ បានឲ្យ​ដឹងថា   កិច្ចប្រជុំរបស់គណៈកម្មាធិការ អចិន្ត្រៃយ៍ព្រឹទ្ធសភា ត្រូវបានប្រារព្ធឡើង ក្រោមអធិបតីភាព សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា ។


ក្រុមជំនួយការសម្តេចតេជោ ទទួលអំណោយបន្ថែមពីម្ចាស់ជំនួយដើម្បីចែកជូនគ្រួសារក្រីក្រ

បេសកកម្មរបស់ក្រុមជំនួយការសម្តេចតេជោ ក្នុងការយក "អំណោយស្បៀងសម្តេចតេជោសែន" ចែកជូនផ្ទាល់ដល់ដៃប្រជាពលរដ្ឋនៅតាមមូលដ្ឋាន បានចាប់ផ្តើមប្រតិបត្តិការ នៅខែសីហា ឆ្នាំ២០១៥។ មកទល់ពេលនេះ មានសប្បុរសជនបានចូលរួមគាំទ្រ និងផ្តល់ជាស្បៀងអាហារ ជាបន្តបន្ទាប់ មានជាអាទិ៍ ៖ មីយើង, អង្ករ, ទឹកស៊ីអ៊ីវ, ត្រីខកំប៉ុង និងគ្រឿងឧបភោគបរិភោគ មួយចំនួនទៀត រួមនិងសម្ភារៈសិក្សាសម្រាប់ក្មួយៗកុមារាកុមារីនៃគ្រួសារទីទ័លក្រ។

ថ្មីៗនេះទៀតសោត គឺនៅថ្ងៃទី២៤ ខែធ្នូ ឆ្នាំ២០១៥ ឯកឧត្តម យុន ហេង ជំនួយការសម្តេចនាយករដ្ឋមន្ត្រី បានចំណាយថវិកាផ្ទាល់ខ្លួន ផ្តល់ជាអង្ករចំនួន ២តោន ស្មើនឹង ១០០ការ៉ុង (២០គីឡូក្រាម១ការ៉ុង) ដល់ក្រុមជំនួយការសម្តេចតេជោ សម្រាប់បេសកកម្មរបស់ខ្លួន ក្នុងនាមជា "ក្រុមជំនួយការ ដើម្បីប្រជាជន"។ តបនឹងសន្តានចិត្តសប្បុរសធម៌របស់សប្បុរសជនដែលតែងតែ គាំទ្រជាថវិកា និងជាគ្រឿងឧបភោគបរិភោគជាបន្តបន្ទាប់ ក្រុមជំនួយការសម្តេចតេជោ ក៏បានថ្លែងអំណរគុណ និងសូមស្វាគមន៍ចំពោះការបរិច្ចាគ ពីសំណាក់សប្បុរសជនគ្រប់ទិសទី ចំពោះការទ្រទ្រង់នូវនិរន្តរភាព និងចិរភាពនៃបេសកកម្ម "ក្រុមជំនួយការដើម្បីប្រជាជន"។

ក្រុមជំនួយការសម្តេចតេជោ បានសន្យាបញ្ជាក់ពីទំនុកចិត្ត និងភាពជឿជាក់ថា ក្រុមរបស់ខ្លួន នឹងយកអំណោយស្បៀងទាំងអស់នេះ បានទៅដល់ដៃគ្រួសារប្រជាពលរដ្ឋដោយផ្ទាល់ គ្រប់ចំនួន និងតម្លាភាពដោយគោរពអនុវត្តនូវឧត្តមគតិដ៏ខ្ពង់ខ្ពស់របស់សម្តេចតេជោ ហ៊ុន សែន ចំពោះ "វប្បធម៌ចែករំលែក" គឺអ្នកមានស្ម័គ្រចិត្តដោយសប្បុរសចែករំលែកទៅអ្នកក្រ ហើយក្រុមការងារនេះ នឹងស្វែងរកអ្នកទីទ័លក្រដោយខ្លួនឯង ដើម្បីទទួលអំណោយ ដោយមិនរើសអើងពណ៌សម្បុរនយោបាយឡើយ៕




សម្តេចអគ្គមហាសេនាបតីតេជោ ហ៊ុន សែន បានផ្ញើសារលិខិតថ្វាយព្រះពរព្រះករុណា ព្រះបាទសម្តេចព្រះបរមនាថ នរោត្តម សីហមុនី

កាលពី​ថ្ងៃទី២៨ ខែធ្នូ ឆ្នាំ២០១៥ សម្តេចអគ្គម​ហាសេនាបតីតេជោ ហ៊ុន សែន នាយក​រដ្ឋមន្រ្តីនៃព្រះ​រាជាណាចក្រកម្ពុជា បានផ្ញើសា​រលិខិតថ្វាយព្រះពរព្រះម​ហាក្សត្រនៃព្រះរា​ជាណាចក្រកម្ពុជានៅក្នុងឱកា​ស ចូលឆ្នាំថ្មី ឆ្នាំសាកល ២០១៦។

នៅក្នុងឱកា​សដ៏មហានក្ខត្តឬ​ក្សប្រពៃថ្លៃថ្លា ប្រកបដោ​យក្តីអភិរម្យសោមនស្ស​រីករាយនៃឱកាសចូ​លឆ្នាំថ្មី ឆ្នាំសាកល ២០១៦​ខាងមុខនេះ តាមនា​មសមាជិក សមាជិកានៃ​រាជរដ្ឋាភិបាល និងមន្រ្តីរាជកា​រទូទាំងប្រទេស និងក្នុងនាម​សម្តេចតេជោផ្ទាល់ និង​សម្តេចកិត្តិព្រឹទ្ធប​ណ្ឌិត សូមសម្តែងនូវសេចក្តីអំ​ណរសាទរឥតឧបមា ចូលរួមថ្វាយ​នូវព្រះសព្ទសាធុការពរ​ជ័យ បវរសួស្តី សិរីវឌ្ឍនា​វិបុលសុខ មហាប្រសើ​រគ្រប់យ៉ាង និងសូមព្រះ​អង្គទ្រង់ប្រកបដោយព្រះ​កាយពលរឹងមាំ​ខ្លាំងក្លា ព្រះបញ្ញា​ញាណភ្លឺថ្លាត្រចះត្រចង់ ព្រះរាជ សុខភាពល្អប​រិបូរណ៍ ព្រះជន្មាយុយឺនយូរជាងរយ​ព្រះវស្សា ចាកផុតពីព្រះរោគា​ព្យាធិនានា ដើម្បីព្រះអង្គ ទ្រង់គង់​ប្រថាប់នៅក្នុងព្រះបរមសិរី​រាជសម្បត្តិ ជាម្លប់ដ៍ត្រ​ជាក់ត្រជុំ សម្បូរស​ប្បាយ ចម្រុងច​ម្រើន ថ្កុំថ្កើង រុងរឿងរបស់មា​តុភូមិអង្គរជាទីស្នេហា និងប្រជានុរាស្រ្ត​របស់ព្រះអង្គ និងដើម្បីបន្តព្រះ​រាជបេសកកម្មដ៏ឧត្តុង្គឧត្តមថ្លៃថ្លាជាប្រ​វត្តិសាស្រ្ត ពីព្រះករុ​ណាព្រះមហាវីរក្សត្រ ព្រះ​វររាជបិតា​ឯករាជ្យ បូរ​ណភាពទឹកដី និងឯ​កភាពជាតិខ្មែរ ព្រះបរ​មរតនកោដ្ឋ។

សម្តេចតេ​ជោ នាយករដ្ឋមន្រ្តី សូមព្រះបរម​រាជានុញ្ញាតលើកហត្ថប្រ​ណម្យបួងសួ​ងដល់វត្ថុស័ក្កសិទ្ធិទាំង​ឡាយក្នុងលោក គុណ​បុណ្យព្រះរតន​ត្រ័យកែវទាំ​ងបី ឬទ្ធិបារមីខ្លាំងក្លា ទេវតា​ថែរក្សាទឹកដីនៃ​ព្រះរាជាណាចក្រក​ម្ពុជា បុណ្យបារមីទេវតាថែរ​ក្សាព្រះមហាស្វេតច្ឆ​ត្រ គុណបុណ្យបារមីព្រះឥន្ទ ព្រះព្រហ្ម ព្រះអង្គចេក ព្រះអង្គចម ព្រមទាំងបុណ្យ​បារមីនៃដួងព្រះវិញ្ញា​ណក្ខន្ធអតីតព្រះ​មហាក្សត្រ ព្រះម​ហាក្សត្រិយានីខ្មែរគ្រ​ប់ព្រះអង្គ ជាពិសេសឬទ្ធិបារមី​នៃដួងព្រះវិញ្ញាណក្ខន្ធ ព្រះ​ករុណាព្រះបាទសម្តេចព្រះនរោត្តម​ សីហនុ ព្រះមហាវីរក្សត្រ ព្រះវរ​រាជបិតាឯករាជ្យ បូរណ​ភាពទឹកដី និងឯកភាពជាតិខ្មែរ ព្រះបរ​មរតនកោដ្ឋ សូមព្រះអង្គ ជួយបីបាច់ថែរក្សាអភិបាលប្រោះ​ព្រំ ព្រះសព្ទសាធិការព​រជ័យគ្រប់ប្រការថ្វាយចំពោះ ព្រះករុណា​ថ្លៃវិសេស សូមព្រះអង្គទ្រង់​ប្រកបដោយព្រះពុទ្ធពរទាំ​ងបួនប្រការគឺអាយុ វណ្ណៈ សុខៈ ពលៈ ជាភិយ្យោភាព​តរៀងទៅ៕


អត្ថបទៈ តាំង ករុណា

ឯកឧត្តម សាយ សំអាល់ បើកវគ្គបណ្តុះបណ្តាលមន្ត្រីក្រសួងបរិស្ថាន ដើម្បីជំរុញឱ្យកិច្ចការកាន់តែមានប្រសិទ្ធភាព

នៅព្រឹក​ថ្ងៃទី២៩ ខែធ្នូ ឆ្នាំ២០១៥ ឯកឧត្តម សាយ សំអាល់ រដ្ឋមន្ត្រី​ក្រសួងបរិ​ស្ថាន បានអញ្ជើញជា​អធិបតីក្នុងពិធីបើក​វគ្គបណ្តុះបណ្តាល មន្ត្រីក្រសួង​បរិស្ថានក្នុងគោលដៅ​ពង្រឹងសមត្ថភាព​ការងារគ្រប់គ្រង​ស្ថាប័ន។
                                                                            
ឯកឧត្តម​រដ្ឋមន្រ្តី ក៏បានជំរុញ​និងលើកទឹកចិត្តសិក្ខាកាមទាំ​ងអស់ឱ្យបង្កើនការយ​កចិត្តទុក​ដាក់ ស្វែងយ​ល់អំពីភាព​ចាំបាច់និងសារប្រយោ​ជន៍ នៃភាពជាអ្ន​កដឹកនាំនិងសិល្បៈ​គ្រប់គ្រង ទាំងនៅក្នុង​ស្ថាប័ន​រដ្ឋ និងគ្រឹះស្ថានឯកជន ដើម្បី​ប្រសិទ្ធភាព ប្រសិ​ទ្ធផល និងភាពជោគជ័​យរបស់
ស្ថាប័​ន។
                                                  
ឯក​ឧត្តម រដ្ឋមន្រ្តី ក៏បាន​សម្តែងនូវការកោត​សរសើរ និងវាយត​ម្លៃខ្ពស់ចំពោះក្រុមហ៊ុន​កូកាកូឡា
ក​ម្ពុជា ដែលបានរួ​មសហការជាមួយក្រ​សួងបរិស្ថាន ក្នុងការក​សាងសមត្ថភាពគ្រ​ប់គ្រង និងភាពជាអ្នកដឹកនាំ តាមរយៈការចែករំលែកបទពិ​សោធនៃភាពជាអ្នកដឹកនាំនិងភាព​ជោគ​ជ័យរបស់ក្រុមហ៊ុន​ផងដែរ៕                     


                  
            

Monday, December 28, 2015

សម្ដេច​តេជោ​ ហ៊ុន សែន ប្រកាស​ថានឹង​មិន​ចុះហត្ថលេខា​លើលិខិត​លើក​លែង​ទោស ឲ្យអ្នកណា​ដែលត្រូវ​តុលាការ​កាត់ទោស​នោះទេ

​សម្ដេចអគ្គ​មហា​សេនា​បតី​តេជោ ហ៊ុន សែន នាយករដ្ឋមន្រ្ដី បានប្រកាស​សារ​នយោបាយ​ថ្មីមួយ​នាចុ​ង​ឆ្នាំ​២០១៥ នេះ​ថា​សម្ដេចតេជោ នឹងមិន​ចុះហត្ថលេខា​លើលិខិត​លើកលែង​ទោស​ឲ្យអ្នកណា​​ដែ​ល​ត្រូវ​តុលាការ​​​កាត់ទោស​នោះទេ។ ការប្រកាសរបស់​សម្ដេច​តេជោ ហ៊ុន សែន បែបនេះ គឺចង់​សំ​ដៅ​ទៅ​កាន់មេ​បក្សប្រឆាំង​ គឺលោកសម រង្ស៊ី ដែលសម្ដេច​តេជោធ្លាប់​បាន​ចុះហត្ថលេខា លើលិខិត​​ស្នើសុំ​ថ្វា​​​​យ​ព្រះ​​មហា​ក្ស​ត្រ ឲ្យជួយលើក​លែងទោស​ជូនលោក សម​ រង្ស៊ី ២លើករួច​មក​ហើយនោះ។

ក្នុងពិធីចែក​សញ្ញាបត្រ​ដល់និស្សិត នៃសាកលវិទ្យាល័យភូមិន្ទនីតិសាស្រ្ដ និងវិទ្យាសាស្រ្ដ​សេដ្ឋកិច្ច នា​ព្រឹក​ថ្ងៃទី២៨ ខែធ្នូ ឆ្នាំ២០១៥ នេះ​ប្រមុខរាជរដ្ឋាភិបាល​សម្ដេច​តេជោ ហ៊ុន សែនបានថ្លែង​មិនចំឈ្មោះ​ប៉ុន្តែ​ត្រូវ​បានគេសង្ស័យថាសំដៅ​ទៅ​កាន់​ប្រធាន​​គណបក្ស​សង្រ្គោះជាតិ​​ គឺលោក សម រង្ស៊ី ថា​សម្ដេចនឹងមិន​​ចុះហត្ថលេខា​ជា​លើកទី៣ ដើម្បី​ស្នើ​សុំ​ព្រះ​មហាក្សត្រ ឲ្យជួយលើកលែង​ទោស​នោះទេ។ សម្ដេ​ច​​​តេជោ បាន​​លើក​ឡើង ថា​លោក សម រង្ស៊ី តែងតែប្រព្រឹត្ដ​កំហុសម្ដង​ហើយ​ម្ដងទៀត ។

សម្ដេចតេជោ​​បានប្រកាស​ទៀត​ថា សម្ដេចនឹង​កាត់ដៃស្ដាំ​របស់សម្ដេច ប្រសិន​បើ​ស​ម្ដេចចុះ​ហត្ថលេខា​ស្នើសុំលើ​លិខិត លើកលែង​ទោសដល់​អ្នកណា​​ ដែលត្រូវ​បានតុលា​ការ​កាត់​​ទោសរួច​ហើយនោះ។
គួររំលឹកថា​លោកសម រង្ស៊ី ​ប្រធាន​គណបក្ស​​ស​​ង្រ្គោះជា​តិ កាលពីថ្ងៃទី១៣ ខែវិច្ឆិកា ឆ្នាំ២០១៥ ត្រូវបាន​តុលាការ​ចេញដីកា​ឲ្យចាប់​ខ្លួនដោយ​ចោ​ទ​ប្រកាន់​ពីបទ "បរិហាកេរ្តិ៍​សាធារណៈ និងញុះញង់​ឲ្យមាន​ការ​រើស​​អើង" ដែលប្រព្រឹត្ត​នៅសារ​មន្ទីរ​ជើង​ឯក សង្កាត់ដង្កោ ខណ្ឌដង្កោ រាជធានីភ្នំពេញ កាលពីថ្ងៃទី១៧ ខែ​មេសា ឆ្នាំ២០០៨ តាម​មាត្រា៤៩៤ និងមាត្រា៤៩៦នៃក្រមព្រហ្មទណ្ឌ។ ក្រៅពីដីកា​បង្គាប់​ឲ្យចាប់ខ្លួន​នោះ​លោក សម រង្ស៊ី ក៏នៅមាន​​ដីកា​​បង្គាប់ឲ្យចូល​រួមខ្លួនឆ្លើ​យ​បំភ្លឺដាច់​ដោ​​យ​ឡែក​ពីរ​ផ្សេងទៀត តែ​លោក​សម រង្ស៊ី មិនចូលខ្លួនតាម​ដីកាកោះហៅ​របស់តុលាការ​ឡើយ។ នៅក្នុង​ពិធីចែក​សញ្ញាបត្រ​ដល់និស្សិត​នៃសាក​លវិទ្យាល័យ​ភូមិន្ទ​នីតិសាស្រ្ដ និងវិទ្យាសាស្រ្ដ​សេដ្ឋកិច្ចដដែល​​នេះសម្ដេចតេ​ជោ ហ៊ុន សែនក៏​រំលឹកពី​ការប្រមាថរបស់លោក សម រង្ស៊ី មកវិស័យអប់រំនៅ​កម្ពុជាផង​ដែ​រ​​។ ប្រមុខ​រាជរដ្ឋាភិបាល​សម្ដេច​តេជោ​បានមាន​ប្រសាសន៍ថា ចំពោះការ​លើកឡើង​ដែលថា គុណភាព​​អ​ប់រំ និងស​ញ្ញា​ប​ត្រនៅកម្ពុជា​គ្មានតំលៃ​នោះ គឺជាការប្រមាថ​យ៉ាងធ្ងន់ធ្ងរទៅ​លើអ្នកដែល​ខិតខំ​សិ​ក្សា​​ទាំងអស់​នៅកម្ពុជា ហើយការ​លើកឡើង​នេះ គឺមិនអាច​ទទួលយក​បាននោះទេ។

ទាក់ទងនឹងបញ្ហា​នយោបាយ​ សម្ដេចតេជោ ហ៊ុន សែន នាយក​រដ្ឋមន្រ្ដី ក៏បានប្រកាស​ថា គណ​បក្ស​ប្រ​ជា​ជនកម្ពុជា​នឹងស្នើឲ្យមាន​ការរៀបចំ​សេចក្ដី​ស្នើច្បាប់មួយ ដោយ​កំណត់ឲ្យ​ប្រធានគ​ណ​បក្ស​ន​យោ​​​បាយ​ទាំងអស់ ត្រូវមាន​សញ្ជាតិខ្មែរ​តែមួយ ហើយការស្នើ​នេះនឹងត្រូវធ្វើ​ឡើងនៅ​ឆ្នាំ​​២០១​៦ ​ខាង​មុ​ខនេះ​។ ​ក្នុង​នោះ​គណបក្ស​ប្រជាជនកម្ពុជា ក៏ស្នើផងដែ​រឲ្យកំណត់​ថា​ប្រធាន​រដ្ឋសភា,​ ប្រធានព្រឹទ្ធសភា,​ និង​ប្រ​ធា​​ន​តុលាការ​កំពូលជា​ដើមនោះ ត្រូវមាន​សញ្ជាតិខ្មែរ​តែមួយដែរ៕







អគ្គលេខាធិការដ្ឋានព្រឹទ្ធសភា បើកកិច្ចប្រជុំគណៈកម្មាធិការអចិន្ត្រៃយ៍ ដើម្បីពិនិត្យ និងសម្រេចលើរបៀបវារៈចំនួន២នៅថ្ងៃស្អែក

យោ​ងតា​មសេចក្តីជូ​នដំណឹងរ​​បស់អគ្គលេ​ខាធិការដ្ឋាន​ព្រឹទ្ធសភា បានឲ្យ​ដឹងថា  នៅព្រឹកថ្ងៃទី​២៩ ខែធ្នូ ឆ្នាំ២០១៥ស្អែកនេះ​ គណៈកម្មា​ធិការអចិ​ន្រ្តៃយ៍​ព្រឹទ្ធ​សភា បា​​នបើកកិច្ច​ប្រជុំ ក្រោមអធិប​តីភាព​របស់សម្ដេចវិបុល​សេនាភក្តី សាយ ឈុំ ប្រធានព្រឹទ្ធសភាកម្ពុជា ដោយបានកំណត់យករបៀបវារៈចំនួន២ ក្នុងនោះរួ​មមាន៖១-ពិនិត្យ និងសម្រេច​លើសេចក្តីព្រាង​របាយការណ៍ របស់គណៈកម្មាធិកា​រអចិន្ត្រៃយ៍ ព្រឹទ្ធសភា ស្តីពី​សកម្មភាពការងារ របស់ព្រឹទ្ធ​សភា នៅចន្លោះសម័យប្រជុំ​លើកទី៧ និងលើកទី៨ នីតិកាលទី៣ និង២-កំណត់របៀប​វារៈ កាលប​រិច្ឆេទ និងសមាសភាព​លេខាធិការ សម័យ​ប្រជុំ ព្រឹទ្ធសភា លើកទី៨ នីតិកាលទី៣៕

សមាជិកគណបក្សសង្រ្គោះជាតិ ជាង៨០០នាក់នៅខេត្តឧត្តរមានជ័យ ចាកចេញពីគណបក្សសង្រ្គោះជាតិ មករួមរស់ ជាមួយគណបក្សប្រជាជនកម្ពុជា

កាលពីថ្ងៃទី២៧ ខែធ្នូ ឆ្នាំ២០១៥កន្លងទៅនេះ សមាជិកគ​ណបក្សសង្រ្គោះជាតិជា​ង៨០០នាក់ ដឹកនាំ​ដោយ លោក ប៊ុត គឹមហេង សមាជិកក្រុម​ប្រឹក្សាខេត្ត និងធ្លាប់ជា​ប្រធានស្តីទី គណៈ   កម្មាធិកា​រប្រតិបត្តិ គណបក្សសង្រ្គោះ​ជាតិប្រចាំខេត្តឧត្តរ​មានជ័យ បានសម្រេច​ចុះចូលជាមួយ សម្តេច​តេជោ ហ៊ុន សែន នាយករដ្ឋ​មន្រ្តីនៃកម្ពុជា និងជាគណបក្ស​ប្រជាជនកម្ពុជា។

លោក គិញ វណ្ណៈ បច្ចុប្បន្នជា​ប្រធានគណៈកម្មាធិ​ការប្រតិបត្តិបក្ស ខេត្ត ឧត្តរ​មានជ័យ និង ជាសមាជិក​ក្រុមប្រឹក្សា​ខេត្ត ឧត្តរមានជ័យ​នៃគណបក្សសង្រ្គោះ​ជាតិ បានទម្លាយ ប្រាប់ពី​មូលហេតុមួយ​ចំនួនដែលនាំឱ្យរូបលោក​សម្រេចចិត្ត ចាកចេញ​ពីគណបក្ស​សង្រ្គោះជាតិ មករួម​រស់ ជាមួយ​គណបក្សប្រជាជន​កម្ពុជា​វិញ។ក្នុងនោះ​រួមមាន៖ គណបក្ស​សង្រ្គោះជាតិមាន​គោលនយោ​បាយ និង បទបញ្ជាផ្ទៃ​ក្នុងល្អពិរោះ​តែសម្បក​ក្រៅ ប៉ុន្តែការអនុវត្ត​របស់ថ្នាក់ដឹកនាំ​បក្ស គឺផ្ទុយទៅ​នឹងអ្វី ដែលបាន លើកឡើង ពោលគឺសរ​សេរផ្សេង លុះដល់ពេល​អនុវត្តផ្សេង។  គណបក្ស​សង្រ្គោះជាតិ ពុំបានបែងចែក​លាភសក្ការៈឱ្យសមទៅ​នឹងការខិតខំរបស់​សកម្មជនរបស់ខ្លួនទេ ពោលគឺអ្នកខិតខំធ្វើមិន បានទទួលផល រីឯអ្នកដេកនៅស្ងៀមបែរជាបានទទួលផលលាភ​សក្ការៈទៅវិញ។ លើស​ពីនេះ ទៅទៀត ថ្នាក់ដឹកនាំគ្រប់​លំដាប់ថ្នាក់ភាគ​ច្រើន គឺគ្មាន​សមត្ថភាព និងគុណវុឌ្ឍន៍​គ្រប់គ្រាន់ក្នុងការ​គ្រប់គ្រង និងដឹកនាំបក្ស​បានទេ ពោលគឺ​ប្រើអំណាច ការគំរាម​កំហែង បំភិត​បំភ័យ និង ប្រើឥទ្ធិពល​គ្រប់ដណ្តប់ដាក់​ថ្នាក់ក្រោម​របស់ខ្លួន គណបក្ស​សង្រ្គោះជាតិបង្កើត​ឡើងដើម្បីលុយ ពោលគឺ​បានមក ពីសកម្ម​ជនរបស់ខ្លួនដែល​ចង់បានដំ​ណែងធំៗត្រូវតែចំណាយ​លុយឱ្យមេ​បក្ស។ គណបក្ស​សង្រ្គោះជាតិ មិនដែល​អាណិតអាសូរ​រាស្រ្ត និងសកម្មជន​របស់ខ្លួន ដែលខ្វះ​ខាត ខំលក់​ជ្រូក មាន់ ទា ស្រែចំ​ការ ដើម្បី​យកលុយមក​បំរើមហិច្ឆិតា ហើយបាន​សង្កត់ធ្ងន់​ថា៖ គោលនយោបាយ​របស់បក្សសង្រ្គោះ​ជាតិគឺល្អផ្អែមដូ​ចទឹកឃ្មុំ តែតាមការពិ​តបង្កប់ដោយ​ភាព ពិសពុល​ជូរចត់ជាង​អ្វីទាំងអស់នៅ​ក្នុងលោក៕

សម្តេចតេជោ ហ៊ុន សែន អញ្ជើញជាអធិបតីក្នុងពិធីចែកសញ្ញាប័ត្រដល់ និស្សិតសាកលវិទ្យាល័យភូមិន្ទនីតិសាស្រ្ត

យោងតា​មទំព័រ​ហ្វេសប៊ុក​រ​បស់​សម្តេច​តេជោ ហ៊ុន សែន​ នាយ​ករដ្ឋ​មន្រ្តីដែ​លមាន​ឈ្មោះថា Samdech  Hun Sen, Cambodian Prime Minister  ផ្សាយ​នៅព្រឹកថ្ងៃ​ទី ២៨ ខែធ្នូ ឆ្នាំ ២០១៥ នេះបា​នឲ្យដឹងថា  សម្ដេច​តេជោ ហ៊ុន សែន បាន​អញ្ជើ​ញជាអធិប​តីភាព​ដ៏ខ្ពង់ខ្ពស់នៅក្នុង​ពិធីប្រគ​ល់សញ្ញា​ប័ត្រ​ដល់និស្សិ​តនៃ សាកលវិ​ទ្យាល័​យភូ​មិន្ទនីតិ​សាស្រ្ត និង វិទ្យាសាស្រ្តសេ​ដ្ឋកិ​ច្ច ចំនួន ៣,៧៦៩នាក់ នៅសា​លពិពណ៌​កោះ​ពេជ្រ រាជធា​នីភ្នំពេញ។
សម្ដេច​តេជោ ហ៊ុន សែន បានមា​នប្រសា​សន៍បញ្ជា​ក់សា​រឡើងវិញអំពី​ការអប់រំដែ​លមា​នសារសំខា​ន់បំផុត​សំរា​ប់មនុស្សគ្រ​ប់រូប ដើម្បីទទួ​លបាន​នូវចំណេះ​ដឹង និង សំរាប់​អនាគ​ត​របស់    ខ្លួន។ វិស័​យអប់រំក្នុង​ប្រទេសកម្ពុជា នាពេ​លបច្ចុប្បន្ន​កំពុងដើរទៅមុខ ស្រប​ពេលដែ​លប្រទេសជាតិកំពុ​ងមាន​ការរីក​ចំរើន។ តម្លៃនៃ​ការខិតខំប្រឹ​ងប្រែង របស់និស្សិត​គឺបានបង្ហា​​ញអោយឃើញនូវ​តម្លៃនៃអនាគតរ​បស់ពួកគេ ​ដែលជា​មោទនៈភាពរ​បស់ក្រុម​គ្រួសារទាំ​ង មូល។ ពេលវេលានៃ​ការ​ខិតខំប្រឹ​ងប្រែ​ងសិ​ក្សា និងសញ្ញាប័​ត្រ​ដែល​ទទួ​លបាន​គឺមាន​តម្លៃ​បំផុ​តសម្រាប់ជីវិតនិស្សិ​តគ្រ​ប់ៗរូប។ សម្តេចតេ​ជោ បានលើ​កតម្កើង និងលើ​កទឹកចិត្តដល់​សិ​ស្សនិស្សិតគ្រប់រូបអោ​យបន្ត​ខិតខំសិ​ក្សាអោ​យបា​នខ្ជាប់ខ្ជួ​នដើម្បី​អនាគតរប​ស់ខ្លួនផង ក្រុមគ្រួសា​រផង និងប្រទេ​សជាតិផង។
នៅក្នុងឱកា​សនេះដែរ សម្តេ​ចតេជោ ហ៊ុន សែន បាន​បញ្ជាក់អំពីកា​រសំរេចចិ​ត្តរបស់​រាជរដ្ឋាភិបាល ក្នុ​ងការ​យកផ្លូវវេ​ងស្រេ​ងមកវិ​ញ ដើ​ម្បីប្រជា​ព​លរដ្ឋ​ធ្វើដំ​ណើរមិ​នចាំបាច់ប​ង់ប្រា​ក់តទៅទៀតឡើ​យ។ ប៉ុន្តែសូម​ប្រជាព​លរដ្ឋ​បើកបរគោ​រពច្បាប់គ្រប់ពេល។ ចំពោះ​ពលរដ្ឋ​ដែ​លបានបង់លុយ​ថ្លៃ Sticker រួចហើ​យសូ​មយ​កមកទូរទាត់​យ​កលុ​យវិ​ញពីសា​លា​ក្រុង​វិញ។ ចំ​ពោះថៅកែរោ​ងចក្រទាំង​អស់ដែ​លដឹក​ទំនិញតា​មផ្លូវវេងស្រេង សូមពិ​ចារ​ណាប​ង្វែ​រលុយ​ដែលត្រូវបង់ថ្លៃដឹកជញ្ជូ​នលើផ្លូវនេះទៅ​ជាថវិកាដំឡើ​ងប្រា​ក់ខែឬជាប្រា​ក់សម្រាប់កម្មវិ​ធីលើ​កទឹ​កចិត្តបុគ្គលិកក​ម្មករទៅវិញ​ប្រសើរ​ជាង។
សម្តេចតេ​ជោ បានសំណូ​មពរអ្ន​ក Comment លើទំព័រ Facebook របស់​សម្តេច ​គឺសូម​កុំជេរប្រមាថ ហើយ​សូមប្រើពាក្យ​មានសីល​ធម៌ថ្លៃថ្នូរ និងសូមចូ​លរួមរិះគន់​ស្ថាបនាអោ​យចំទៅ​តាមប្រធាន​បទ។ សម្តេ​ចតេជោ មិនហាមឃា​ត់ក្នុងការ​ចូលបញ្ចេញ​យោបល់​នោះទេ តែសូ​មរក្សាតម្លៃសី​លធម៌ ព្រោះ​ថាប្រសិ​នបើ​ត្រូវការរ​កមុខអ្នក​ខិ​លខូ​ចដែលនៅ​ទីងងិត​ទាំ​ងនោះ គឺចំណា​យពេលមិ​នអោ​យលើស​ពី ៧ ម៉ោ​ងទេ។
ទន្ទឹមនឹ​ងនោះ ស​ម្តេចតេជោ ហ៊ុ​ន សែន ​អំពាវនាវដ​ល់ប្រជា​កសិករ សូ​មចូ​លរួមសន្សំ​ថែរក្សាទឹកទុក​ទាំង​អស់គ្នា ដើម្បីប្រើប្រា​ស់ពេលដែ​លខ្វះខា​ត​ ជាពិសេ​​សប្រជាក​សិករដែ​លតែ​ងតែធ្វើស្រូវរដូ​វប្រាំង បើសិ​នជាអាច សូមធ្វើ​តែ​មួយដ​ងបានហើយ ដើម្បី​ទុកទឹកប្រើប្រា​ស់ស​ម្រាប់ដាំដំណាំ​បន្លែបង្កា​រជំនួស​វិញ ។

មុននឹង​បញ្ចប់ សម្ដេច​តេជោ ហ៊ុន សែន បានផ្ត​ល់កិត្តិយស​អញ្ជើញប្រ​គល់សញ្ញា​ប័ត្រ ជូន​ដល់និស្សិត​ជ័យលា​ភី នៃសាក​លវិទ្យាល័​យ វិទ្យាល័​យភូមិន្ទ​និតិសា​ស្រ្ត និងវិទ្យា​សាស្រ្តសេ​ដ្ឋកិច្ច ក្រោមបរិយា​កាសយ៉ា​ងរីករាយ​ជាតីបំផុត។ បន្ទាប់​ពីអញ្ជើ​ញឡើងរថ​យន្តចេ​ញមកក្រៅ​មាននិស្សិតមួយ​ចំនួនបា​នសុំថ​តរូបទុកជា​អនុស្សា​វរីយ៍​ជាមួយ​សម្តេច ដែ​លជានិច្ច​កា​លតែងតែស្រឡាញ់និ​ងចាត់ទុក​សិស្សនិស្សិតទាំ​ងអស់ជា​កូនក្មួយនៃមហាគ្រួសារខ្មែរ៕


សម្តេចតេជោ នាយករដ្ឋមន្រ្តី ហ៊ុន សែន មិនអាចទទួលយកការរិះគន់ ចំពោះពាក្យវាយប្រហារដែលថាសញ្ញាបត្រក្នុងស្រុកគ្មានតម្លៃនោះបានឡើយ

សម្តេចតេជោ​នាយករដ្ឋមន្រ្តី ហ៊ុន សែន នៅថ្ងៃច័ន្ទនេះ បានចេញមុខ​ការពារជាថ្មីដល់​អ្នកខិតខំសិក្សា រហូតដល់ទទួល​បានសញ្ញាបត្រ​នៅក្នុងប្រទេសកម្ពុជា ហើយបន្តរិះ​គន់ចំពោះអ្នកដែលវាយប្រហារប្រព័ន្ធ​អប់រំនៅកម្ពុជា ដែលនិយា​យថា “គ្មានតម្លៃ”។

ការលើក​ឡើងជាថ្មីរបស់សម្តេចតេ​ជោនាយករដ្ឋមន្រ្តី ហ៊ុន សែន បានធ្វើឡើង នៅក្នុងពិធីចែកសញ្ញាបត្រ​ដល់និស្សិត សាកលវិទ្យាល័យ​ភូមិន្ទនីតិសាស្រ្ត និងវិទ្យាសាស្រ្ត​សេដ្ឋកិច្ច នៅក្នុងមជ្ឈមណ្ឌល​ពិព័រណ៍ និងសន្និបាតកោះពេជ្រ នាព្រឹក​ថ្ងៃទី២៨ ខែធ្នូ ឆ្នាំ២០១៥នេះ។

សម្តេចតេជោ ហ៊ុន សែន បានលើកឡើងថា លោកចូលរួមអបអរសាទរចំពោះជ័យលាភីដែលកើត ចេញពីការខិតខំ​ប្រឹងប្រែងរបស់ខ្លួន ហើយលោកក៏បានបញ្ជាក់​ថាការនិយាយថា​សញ្ញាបត្រស្រុក​ខ្មែរគ្មាន តម្លៃនោះ គឺជាការប្រមាថ​យ៉ាងធ្ងន់ធ្ងរចំពោះ​មាតា បិតា សិស្ស និស្សិត សាស្រ្តាចារ្យ ដែលកំពុង​រៀនសូត្រ និងធ្វើការនៅ​ពេញទូទាំងព្រះរាជាណា​ចក្រកម្ពុជា។


សម្តេច​តេជោ ហ៊ុន សែន ក៏បានផ្តាំ​ផ្ញើថា សូមប្រែក្លាយ​ការ ឈឺចាប់ដែលគេ​ប្រមាថថាសញ្ញាបត្រគ្មានតម្លៃនោះ ឱ្យក្លាយទៅ​ជាការខិតខំប្រឹងប្រែង​ដើម្បីកុំឱ្យគេប្រមាថ តទៅទៀត និងដើម្បីកសាង​អនាគតខ្លួនឯង ក្រុម​គ្រួសារ និងប្រទេសជាតិ​ទាំងមូល៕


គ្រួសារទីទ័លក្រ១២គ្រួសារ នៅខេត្តព្រះសីហនុ ទទួលអំណោយពីក្រុមជំនួយការសម្តេចតេជោ

នៅទី២៦ ខែធ្នូ ឆ្នាំ២០១៥ ក្រុមជំនួយការ​សម្តេចតេជោ ដែលរួម​មាន ៖ លោក មាស សុគន្ធមុន្នី, លោក ហ៊ិន សុវុឌ្ឍ, លោក ផាត បូណេ, លោក មាស វុត្ថា, លោក សេង សុចិន្តា, លោក ខាត់ សុគន្ធី និងលោក ម៉ុក ច័ន្ទវាសនា ដោយមាន លោកបណ្ឌិត ឈឹម ផលវរុណ ជាទីប្រឹក្សាផ្ទាល់សម្តេច​នាយករដ្ឋមន្ត្រី រួមដំណើរជា​មួយផងដែរនោះ បានយកអំណោយ​សម្តេចតេជោ ហ៊ុន សែន មាន៖ អង្ករចំនួន ១២ការ៉ុង, មីយើងចំនួន ២៤កេស និងទឹកស៊ីអ៊ីវ ចំនួន១២យួរ ចែកជូនគ្រួសារយោធិន​ដែលមានជីវភាពខ្វះខាត និងមានជម្ងឺ​ប្រចាំកាយ ចំនួន ១២គ្រួសារ នៅតំបន់ប្រតិបត្តិការ​សឹករង ខេត្តព្រះសីហនុ។
ភ្ជាប់ជាមួយ​នឹងការចែក អំណោយនេះ លោក មាស សុគន្ធមុន្នីបានបញ្ជាក់ពីទឹក​ចិត្តស្រឡាញ់របស់ស​ម្តេចតេជោ ហ៊ុន សែន ចំពោះក្រុមគ្រួសារ​បងប្អូនយោធិន ជាពិសេស បងប្អូនគ្រួសារយោធិនដែលជួប​ការលំបាកចំពោះមុខ។ ថ្វីត្បិតតែអំ​ណោយនេះ មានបរិមាណតិច​តួចមែន តែជាសក្ខីភាពសរ​បញ្ជាក់ពីសណ្តានចិត្តសប្បុរស​ធម៌ដ៏ជ្រាលជ្រៅបស់សម្តេច​តេជោ ហ៊ុន សែន ប្រមុខដឹកនាំរាជរដ្ឋាភិបាល និងជាអគ្គមេបញ្ជាការកំពូលនៃកងយោពលខេមរភូមិន្ទ តែងតែនឹករលឹកគិ​តគូរសុខទុក្ខប្រជា​ពលរដ្ឋខ្មែរទូ​ទៅ និងជាពិសេស គិតដល់ទុក្ខលំបាក​របស់បងប្អូនយោធិន ជាមួយទឹកចិត្ត​ព្រហ្មវិហារធម៌។ ក្នុងចេតនា​ដ៏ល្អនេះ លោក មាស សុគន្ធមុនី តំណាងក្រុមជំនួយ​ការសម្តេចតេជោ បានមាន​ប្រសាសន៍ថា អំណោយ​ទាំងនេះ គឺស្តែងឲ្យ​ឃើញនូវចិត្តសប្បុរសធម៌​របស់សម្តេចតេជោ ហ៊ុន សែន ក្នុងកាយវិការជា​គំរូចង់ពង្រឹង និងពង្រីកសេចក្តីស្រឡាញ់​រាប់អានគ្នាជា​ភាតរៈក្នុងរង្វង់មហា​គ្រួសារខ្មែរ ដោយលើកកំពស់​វប្បធម៌នៃការ​ជួយយកអា​សារគ្នា ដែលជាប្រពៃណី​ជាយូរលង់មកហើយ​របស់ដូនតា​ខ្មែរ។

តំណាង​គ្រួសារយោធិន បានសម្តែងការ​ពេញចិត្តរីករាយ និងថ្លែង​អំណរគុណដល់​សម្តេចតេជោ ហ៊ុន សែន ព្រមទាំងជូនពរ​សម្តេចមានអាយុ​យឺនយូរ ប្រាជ្ញាឈ្លាសវៃ និងកម្លាំង​មាំមួន ដឹកនាំនា​វាកម្ពុជា ឈានជា​ជំហានៗ ក្នុងភាពសម្បូរ​សប្បាយ ដោយធានា​បាននូវសន្តិភាព, សន្តិសុខជាតិ និងសណ្តាប់ធ្នាប់។ ក្នុងឱកាស​នេះដែរ លោកបណ្ឌិត ឈឹម ផលវរុណ ក៏បានលើកអំពីវីរ​ភាពរបស់សម្តេច​តេជោ ហ៊ុន សែន ពោរពេញ​ដោយជីវិតពលិកម្ម​ដើម្បីជាតិ និងប្រជាជន។ ទន្ទឹមហ្នឹង​នេះផងដែរ លោកវីរៈសេនី​យ៍ឯក ស សឹង នាយសេនា​ធិការតំបន់ប្រតិបត្តិ​ការសឹករង ខេត្តព្រះ​សីហនុ ក៏បានថ្លែងនូវ​អំណរគុណយ៉ាងជ្រាលជ្រៅ​ដល់សម្តេចតេជោ ដោយក្តីគោរព​ស្រឡាញ់ និងរីករាយ​ស្វាគមន៍ ដោយអរគុណ​ចំពោះវត្តមានក្រុម​ជំនួយការសម្តេច​តេជោ ហ៊ុន សែន ក្នុងបេសកកម្ម​ចែកអំណោយសប្បុរស​ធម៌របស់សម្តេច​តេជោដល់គ្រួសារ​យោធិនដែល​ជួបការ​លំបាក៕

ក្រុមជំនួយការសម្តេចតេជោ នាំយកអំណោយជូនប្រជាពលរដ្ឋក្រីក្រនៅខេត្តតាកែវ ១១គ្រួសារ

កាលថ្ងៃ​ទី២៤ ខែធ្នូ ឆ្នាំ២០​១៥ លោក ខាត់ សុគន្ធី តំណាងក្រុម​ជំនួយការសម្តេច​តេជោ បានយកអំណោយ​សម្តេចតេជោ ហ៊ុន សែន ចែកជូនប្រជា​ពលរដ្ឋទីទ័លក្រ និងគ្រួសារ​ពិការ ចំនួន ១១គ្រួសារ មកពីភូមិ​វាលឈ្នះ ឃុំរវៀង និងគ្រួសារ​ជនពិការចំនួន ៤គ្រួសារ​ទៀត មកពីភូមិតាយឹង ឃុំជំរះ​ពេន ស្រុក​សំរោង ខេត្ត​តាកែវ។
អំណោយ​ជាស្បៀង ក្នុងមួយ​គ្រួសារៗ ទទួលបាន មីយើង ចំនួន ២កេស និងទឹកស៊ីអ៊ីវ ចំនួន ១យួរ។ ភ្ជាប់ជាមួយ​នឹងការចែកអំណោយ​នេះ លោក ខាត់ សុគន្ធី បានពាំនាំ​សេចក្តីនឹក​រលឹក និងទឹកចិត្ត​ស្រឡាញ់របស់​សម្តេច ចំពោះបង​ប្អូនប្រជាពល​រដ្ឋ ដោយ​បញ្ជាក់ជូនថា ថ្វីត្បិ​តតែអំណោយ​នេះ មានបរិមាណតិច​តួចមែន តែជាសក្ខីភាព​សរបញ្ជាក់ពីសណ្តាន​ចិត្តសប្បុរស​ធម៌របស់ស​ម្តេចតេជោ ហ៊ុន សែន ប្រមុខដឹក​នាំរាជរដ្ឋាភិ​បាល ដែលតែង​តែ គិតគូរសុខ​ទុក្ខប្រជាពលរដ្ឋ​ខ្មែរទូទៅ និងជា​ពិសេស គិតដល់ការ​ខ្វះខាតរបស់ពុកម៉ែ​បងប្អូន ជាមួយទឹកចិត្ត​ព្រហ្មវិហារ​ធម៌។ ក្នុងចេតនា​ដ៏ល្អនេះ ក្រុមជំនួយ​ការសម្តេចតេ​ជោ ទទួលធុរ​កិច្ចបំពេញបេស​កកម្មស្វែងរក​គ្រួសារទីទ័លក្រជាក់​ស្តែង នៅតាមភូមិ​ឃុំដោយ មិនធ្វើតាម​រយៈ មេភូមិ មេឃុំទេ គឺធ្វើដោយ​ខ្លួនឯង និងចែកដោយផ្ទា​ល់ដៃ ជាមួយបណ្តាញ​សប្បុរសធម៌​ស្ម័គ្រចិត្ត។ ជាពិសេស​ទៅទៀត គឺបេសក​កម្មនេះ ឈរលើគោល​ការណ៍មិនរើសអើង​ពណ៌សម្បុរនយោបាយ​ឡើយ។ បេសក​កម្មនេះ សម្តែងជូន​ប្រជាពលរដ្ឋ​ខ្មែរ មើលឃើញនូវ​ចិត្តសប្បុរសធម៌​គំរូរបស់សម្តេចតេជោ ហ៊ុន សែន ក្នុងកាយវិការ​គំរូចង់ និងពង្រឹងសេចក្តី​ស្រឡាញ់រាប់អានគ្នាជា​ភាតរៈក្នុងរង្វង់មហា​គ្រួសារខ្មែរ ដោយលើកកំពស់​វប្បធម៌នៃការជួយយក​អាសារគ្នាដែលជាប្រពៃ​ណីជាយូរលង់​មកហើយរបស់ដូន​តាខ្មែរ។ ប្រជាពលរដ្ឋ បានសម្តែងការ​ពេញចិត្តរីក​រាយ និងថ្លែងអំណ​រគុណដល់សម្តេច​តេជោ ហ៊ុន សែន។

កម្មវិធី​នេះ ក៏បានផ្តល់​ឱកាសយ៉ាងច្រើនដល់ក្រុ​មសម្តេចតេ​ជោ បានសំណេះសំណា​លស្វែងយល់ និង​ដឹងពីសុខទុក្ខពិតប្រា​កដរបស់ប្រជាពលរ​ដ្ឋនៅមូលដ្ឋាន​ផងដែរ៕


មាន​និស្សិត​កម្ពុជា​ជិត​៧០០​នាក់​ទទួល​បាន​អាហា​រូបករណ៍​ពីប្រទេស​ចិនក្នុង​រយៈ៥ឆ្នាំចុង​ក្រោយនេះ

ក្នុង ​រយៈ​ពេល៥​ឆ្នាំកន្លង​មក​នេះ មាន​និស្សិត​ខ្មែរ​ប្រមាណ៧០០​នាក់បាននិង​កំពុង​សិក្សា​រៀនសូត្រ​ដោយ​អាហារូប ​ករណ៍របស់​រដ្ឋាភិបាល​នៃសាធារ​ណៈរដ្ឋ​ប្រជា​មាននិត​ចិន​ប្រសិន​បើ​មិនគិត​ ពីចំនួន​និស្សិត​ខ្មែរដែល​រៀនបង់​ថ្លៃដោយ​ខ្លួនឯង​និងការ​ជួយប​ណ្តុះ​បណ្តាល ​ពីអង្គ​ភាពក្រុមហ៊ុន​និងរោង​ចក្រ​សហគ្រាស​ចិនផ្សេង​ទៀត​នោះ​ឡើយ។នេះ​បើតាម​ ការឲ្យ​ដឹង​ពី លោកជំទាវ​ពូជាន​គរ័​ឯកអគ្គ​រដ្ឋទូត​នៃសាធា​រណៈ​រដ្ឋប្រជា​មានិត​ចិនប្រចាំ​ ព្រះរាជា​ណាចក្រកម្ពុ​ជានារាត្រី​ថ្ងៃទី២៦​ធ្នូឆ្នាំ​២០១៥​ក្នុងពីធី​ ជួបសំណេះ​សំណាល​ជាមួយ​សមាគម​អតីត​និស្សិត​ខ្មែរ​ពីប្រទេស​ចិន​នៅ​សណ្ឋាគារ​ អាំងទែ​កុងទីណង់​តាល់​ក្រោមអធិ​បតីភាព​ឯកឧត្តម​ហង់ជួន​ណារ៉ុនរដ្ឋ​មន្ត្រី​ ក្រសួង​អប់រំយុវ​ជននិង​កីឡា ។ក្នុងនាម​រដ្ឋាភិបាល​ចិនជាមួយ​និងការ​អះអាង​ថា​នឹងបន្ត​ផ្តល់​ការ​គាំទ្រ​ ចំពោះ​ការបណ្តុះ​បណ្តាល​ធនធាន​មនុស្ស​ដល់កម្ពុជា​ក៏ដូចជា​បន្តជួយ​ដល់សមាគម​ អតីត​និស្សិតខ្មែរ​ពីប្រទេសចិន​លោកជំទាវ​ពូជានគរ័​បានចាត់​ទុកអតីត​និស្សិត​ ខ្មែរដែល​បញ្ចប់​ការសិក្សាពី​ប្រទេស​ចិនថា​នឹងក្លាយ​ជាធន​ធានមនុស្ស​ ដ៏សំខាន់​ក្នុងការ​ជួយ​អភិវឌ្ឍន៍ប្រទេស​កម្ពុជាក៏​ដូចជា​ការឹត​ចំណង​សាមគ្គី ​ភាពមិត្ត​ភាពរវាង​ប្រទេស​ទាំងពីរ​ដែលមាន​ជាយូលង់​មកហើយ​ផង​ដែរ។

ដោយ ​ឡែកឯ​កឧត្តម​ហង់ជួន​ណារ៉ុន​ដែលមាន​វត្តមាន​ក្នុងនាម​ជាតំណាង​ដ៏ខ្ពង់ខ្ពស់​ ឯកឧត្តមបណ្ឌិត​សភាចារ្យ​សុខអាន​ឧបនាយក​រដ្ឋមន្ត្រី​រដ្ឋមន្ត្រី​ទទួល​ បន្ទុកទីស្តី​ការគណៈ​រដ្ឋមន្ត្រី​បានសាទរ​ចំពោះ សមាគម​អតីតនិស្សិត​ខ្មែរពី​ប្រទេស​ចិនដោយ​បានចាត់​ទុកសកម្ម​ភាព​សមាគមនឹង​ ជួយពង្រឹង​និងពង្រីក​ទំនាក់ទំនង​កិច្ចសហ​ប្រតិបត្ត​ការណ៍​រវាងប្រទេស​ និងប្រជាជន​ទាំង​ពីរ(កម្ពុជាចិន)ឲ្យ​កាន់តែរឹង​មាំស៊ី​ជម្រៅ​និងកាន់​ តែប្រសើ​ឡើង​ថែម​ទៀ​ត។

ឯកឧត្តម ​ហង់ជួនណារ៉ុន​បានមានប្រសាសន៍​រំលឹក​ឡើងវិញ​ពីទំនាក់​ទំនង​កម្ពុជាចិន​ បានកើត​ឡើងតាំង​ពីពីរ​ពាន់ឆ្នាំ​មុនក្នុង​សម័យអាណា​ចក្រហ្វូ​ណន់នា​ សតវត្សទី៣​ដែលនាំឲ្យ​មានវត្ត​មានលោក​ជិវតា​ខ្វាន់អ្នក​ការទូត​ចិន​ទី១នៅ​ អង្គរ​នាឆ្នាំ១២៩៦​និងទំនាក់​ទំនង​ការទូត​បង្កើត​ឡើង​ដោយអតីត​ព្រះមហា​ ក្សត្រ​ខ្មែរ​ព្រះបរមរ​តនៈកោដ្ឋ​នរោត្តម​សីហនុនិងឯក​ឧត្តម​ជូអេន​ឡាយ​នាយក​ រដ្ឋមន្ត្រី​ចិនកាលពី​៥៧ឆ្នាំ​មុន។ឯកឧត្តម​ហង់ជួនណារ៉ុន​មានប្រសាន៍​ បញ្ជាក់ថា៖ក្រោម​ការដឹក​នាំរបស់​សម្តេច​អគ្គមហាសេនា​បតីតេជោ​ហ៊ុនសែន​ នាយករដ្ឋ​មន្ត្រីនៃ​ព្រះរាជាណា​ចក្រកម្ពុជា​និងឯកឧត្តម​ប្រធានាធិ​បតី​ ចិនស៊ីជីងភិង​បានធ្វើ​ឲ្យទំនាក់​ទំនងកិច្ច​សហប្រតិ​បត្តិការ​រវាង​ប្រទេស​ ទាំងពីរ​(កម្ពុជា​ចិន)កាន់​តែរឹង​មាំស៊ី​ជម្រៅ​ថែមតាំង​ពីទំនាក់​ទំនងកិច្ច​ សហប្រតិ​បត្តិ​ការណ៍​ទ្វេភាគី​រហូតដល់​ភាពជា​ដៃគូ​យុទ្ធសាស្ត្រ​គ្រប់​ជ្រុង ​ជ្រោយ។

ឯកឧត្តម​ហង់ជួន​ណារ៉ុនមាន​ប្រសាន៍​ឲ្យដឹង​ទៀតថា​ក្នុងរយៈ​១០ឆ្នាំចុង​ ក្រោយនេះ​ដោយ​មានជំនួយ​ពីប្រទេសចិន​កម្ពុជាបាន​ធ្វើការអភិវឌ្ឍន៍​ហេដ្ឋា​ រចនាសម្ពន័្ធ​របស់​ខ្លួនបាន​ជា​ច្រើន​ដូចជាផ្លូវ​ស្ពាន​សំណង់​វារីអគ្គិសនី​ និង​ប្រពន្ធ័​ទូរគម​នាគមន៍​។ការវិនិ​យោគរបស់​ចិននៅក្នុង​ប្រទេសកម្ពុ​ជាបាន​ កើនឡើង​ដល់ជាង​១០ពាន់​លានដុល្លារ​ក្នុងឆ្នាំ​២០១៥​។កំណើន​ពាណិជ្ជ​កម្មទ្វេ​ ភាគីកម្ពុជា​ចិនខ្ពស់​ជាងគេ​បើប្រៀប​ជាមួយពាណិជ្ជ​កម្មចិន​ជាមួយ​បណ្តា​ ប្រទេស​អាស៊ាន​ផ្សេង​ទៀត។គិត​ត្រឹមឆ្នាំ​២០១៣​ពាណិជ្ជកម្ម​ចិនជាមួយ​ កម្ពុជាមាន​ជាង៣ពាន់​លានដុល្លារ​អាមេរិក​។ប្រទេស​ទាំងពីរ​(កម្ពុជាចិន)នឹង​ បង្កើន​ពាណិជ្ជ​កម្មទ្វេ​ភាគីឲ្យ​ដល់៥ពាន់​លានដុល្លារ​នៅឆ្នាំ២០១៧​ខាង​មុខ​ នេះ។

លោក ​ស្រីស្វាយ​ណាគ្រី​ប្រធានស្តីទី​សមាគម​អតីត​និស្សិត​ខ្មែរពី​ប្រទេសចិន​ បានឲ្យ​ដឹង​ថាសមាគម​អតីត​និស្សិត​ខ្មែរពី​ប្រទេសចិន​បានបង្កើត​ឡើងកាល​ ពីថ្ងៃ​ទី៨មេសា​ឆ្នាំ២០១៥​ដោយមាន​ឯកឧត្តម​ហង់ជួនណារ៉ុន​រដ្ឋមន្ត្រី​ក្រសួង​ អប់រំយុវជន​និងកីឡា​និងលោក​ជំទាវ​ពូជាន​គរ័ឯក​អគ្គរដ្ឋ​ទូតនៃ​សាធារណៈ​ រដ្ឋប្រជា​មានិត​ចិនប្រចាំ​ព្រះរាជា​ណាចក្រក​ម្ពុជាជា​សាក្សី​។សមាគមអតីត​ និស្សិត​ខ្មែរពី​ប្រទេសចិន​មានសមាជិក​ចំពោះ​មុខ៣០០​នាក់មាន​គោលបំណង​ រួមចំណងសាម​គ្គីភាព​ផ្លាស់ប្តូរ​បទពិសោធន៍​ចងក្រង​ឯកសា​បោះពុម្ព​ផ្សាយ​ និងជួយ​គ្នាទៅវិញ​ទៅមករវាង​និស្សិត​ខ្មែរទាំង​អស់ដែល​រៀននៅ​ប្រទេស​ចិន។ 

Sunday, December 27, 2015

រាជរដ្ឋាភិបាលកម្ពុជា នៅតែប្រកាន់ជំហរដាច់ខាតក្នុងការកសាងព្រំដែនកម្ពុជា-វៀតណាម ដែលត្រឹមត្រូវ និងច្បាស់លាស់ ដោយឈរលើមូលដ្ឋានច្បាប់ជាតិ និងច្បាប់អន្ដរជាតិ

សម្ដេចតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា​ រួមជាមួយឯកឧត្ដង្វៀន តាន់យ៉ុង នាយករដ្ឋមន្រ្ដី នៃសាធារណរដ្ឋសង្គមនិយមវៀតណាម នៅព្រឹកថ្ងៃទី២៦ ខែធ្នូ ឆ្នាំ​២០​១៥នេះ បានអញ្ជើញជាអធិបតីភាព ក្នុងពិធីសម្ពោធបង្គោលព្រំដែនគោកលេខ៣០ និង​កំណាត់ផ្លូវប្រវែង៤៥០ម៉ែត្រ នៅច្រកទ្វារ​អន្ដ​រជាតិស្រុកអូរយ៉ាដាវ ខេត្ដរតនគិរី និងស្រុកឡេ​ថាញ់ ខេត្ដយ៉ាឡាយ ប្រទេសវៀតណាម។

សម្ដេចតេជោ ហ៊ុន សែន មានប្រសាសន៍ក្នុងឱកាសនោះ ថានេះជាលើកទី៣ហើយ ដែលកម្ពុ​ជា និងវៀតណាម រៀបចំពិធីសម្ភោធបង្គោលព្រំដែនគោក បន្ទាប់ពី​​បានសម្ពោធលើកទី១ នូវ​បង្គោ​ល​ព្រំដែនលេខ១៧១​​ នៅច្រកទ្វារអន្ដរជាតិបរវ៉េត-ម៉ុកប៉ៃ កាលពីឆ្នាំ២០០៦ និងលើកទី២​នូវ​ប​ង្គោលព្រំដែនលេខ៣១៤ នៅជិតច្រកទ្វារអន្ដរជាតិ​​ព្រែកចាកខេត្ដកំពត និងខេត្ដគៀន​យ៉ាង ​កាលពីឆ្នាំ២០១២ កន្លងទៅនេះ។

សម្ដេចតេជោ ហ៊ុន សែន មានប្រសាសន៍បន្ដថា ការ​ស​ម្ពោ​ធ​បង្គោលព្រំដែនគោកជាបន្ដបន្ទាប់នេះ គឺជាការឆ្លុះបញ្ចាំងយ៉ាង​​ច្បាស់អំពីកា​រខិតខំប្រឹង​ប្រែ​ង រ​ក​ដំ​ណោះ​ស្រាយបញ្ហាព្រំដែន ដែលនៅសេសសល់រវាងប្រទេសកម្ពុជា និងវៀតណាម ដើ​ម្បី​ឈាន​ទៅ​បញ្ច​ប់បញ្ហាព្រំដែនទាំងស្រុង នាពេលខាងមុខ។

សម្ដេចតេជោ ហ៊ុន​ សែន បានគូសបញ្ជាក់ជាថ្មីទៀតថា រាជរដ្ឋាភិបាល​កម្ពុ​ជា នៅតែប្រកាន់ជំហរដាច់ខាតក្នុងការកសាងព្រំដែនកម្ពុជា-វៀតណាម ដែលត្រឹមត្រូវ និ​ង​ច្បាស់លាស់ ដោយឈរលើមូលដ្ឋានច្បាប់ជាតិ និងច្បាប់អន្ដរជាតិ ព្រមទាំងអនុវត្ដជា​អន្ដរ​ជាតិស្ដីពីការទទួលស្គាល់ខ្សែព្រំដែនមិនកែប្រែ ដែលអាណានិគមនិយម​បារាំងបន្សល់​ទុក​អោ​យ ហើយរាជរដ្ឋាភិបាលកម្ពុជាគ្រប់ជំនាន់ជាបន្ដបន្ទាប់ បានប្រកាន់ភ្ជាប់នូវគោលការណ៍នេះរ​ហូត​មក ដើម្បីបញ្ចប់បញ្ហាព្រំដែនគោក និងព្រំដែនសមុទ្ររវាងប្រទេសទាំង២។

ឯកឧត្ដម ង្វៀន តាន់យ៉ុង នាយករដ្ឋមន្រ្ដី នៃសាធារណរដ្ឋសង្គមនិយមវៀតណាម មាន​ប្រ​សាសន៍ ថា បង្គោលព្រំដែនលេខ៣០គឺជាសំណង់ដ៏ល្អមួយ ដែលស្ថិតនៅតំ​បន់​ច្រក​ទ្វារ​អ​ន្ដ​រ​​ជាតិឡេថាញ់-អូរយ៉ាដាវ នឹងក្លាយទៅជាចំណុចទាក់ទាញប្រជាពលរដ្ឋ នៃប្រទេសទាំង២ និង​ភ្ញៀវទេសចរណ៍អន្ដរជាតិ អញ្ជើញមកទស្សនា ទាំងនេះ​បញ្ជាក់​យ៉ាងច្បាស់​​​អំពីចំណង​​សា​មគ្គី​ភាព និងមិត្ដភាពជាប្រពៃណីរវាងប្រទេសទាំង។ ឯកឧត្ដម ង្វៀន តាន់យ៉ុង មានប្រសា​ស​ន៍​បន្ដថាតាងនាម​ឲ្យរដ្ឋា​ភិ​បាលនៃសាធារណរដ្ឋសង្គមវៀតណាម ឯកឧត្ដមសូមវាយតំលៃ​ខ្ពស់ ចំពោះកិច្ចខិតខំប្រឹងប្រែងរបស់គណៈកម្មការចម្រុះខណ្ឌព្រំ​សីម៉ា និងបោះបង្គោល​ព្រំដែន​គោក​,បណ្ដាក្រសួង-ស្ថាប័ន និងអាជ្ញាធរមូលដ្ឋានពាក់ព័ន្ធ ដែលបានខិតខំប្រឹងប្រែ​ងលើការ​​បោះប​ង្គោ​​​លព្រំដែនរវាងប្រទេសទាំងកន្លងមកនេះ។

យោងតាមរបាការណ៍របស់ឯកឧត្ដមទេសរដ្ឋមន្រ្ដី វ៉ា គឹមហុង ប្រធានគណៈកម្មការច​ម្រុះខ​ណ្ឌ​សីម៉ា និងបោះបង្គោលព្រំដែនគោកកម្ពុជា-វៀតណាម ក្នុង​ពិធីសម្ពោធបង្គោលព្រំដែន​លេខ​៣​០ និងកំណាត់ផ្លូវប្រវែង៤៥០ម៉ែត្រ នាពេលនេះ ជាលទ្ធផលដែលកើតចេញពីការខិតខំប្រឹង​ប្រែងរបស់នាយករដ្ឋមន្រ្ដីនៃប្រទេសទាំងពីរ ដែលបានសហការ និងពួតដៃគ្នាអនុវត្ដតាមខ្លឹម​សារ ដូចមានចែងក្នុងសន្ធិសញ្ញាបំពេញបន្ថែម ទៅលើសន្ធិសញ្ញាកំណត់ព្រំដែនរដ្ឋ ចុះថ្ងៃទី​១០ ខែតុលា​ ឆ្នាំ២០០៥ និងអនុស្សារណៈនៃការយោគយល់គ្នា ចុះថ្ងៃទី១៣ ខែមេសា ឆ្នាំ២០​១១។

ឯកឧត្ដមទេសរដ្ឋមន្រ្ដី វ៉ា គឹមហុង បានគូសបញ្ជាក់ថា គណៈកម្មការចម្រុះខណ្ឌព្រំ​​សីម៉ា និងបោះ​បង្គោលព្រំដែនគោក​រវាង​ប្រទេសទាំង២ បានចាប់អនុវត្ដ​​​ការងារបោះបង្គោលព្រំដែនគោក នៅ​លើដីជាក់ស្ដែង នៅខែមិថុនា ឆ្នាំ២០០៦ ដោយគិតមកដល់ពេលនេះ មានរយៈពេ​ល​១១​ឆ្នាំ​ហើយ​ និងសម្រេចបានលទ្ធផលជាង៨៣ភាគរយ នៃខ្សែព្រំដែនសរុ​បដែលមានប្រវែងជាង១​ពាន់​២​រយគីឡូម៉ែត្រ៕ 

ពិធី​សម្ពោធ​បង្គោល​ព្រំដែន​គោក​លេខ៣០ និង​កំណាត់​ផ្លូវ​ប្រវែង​៤៥០ម៉ែត្រ នៅច្រកទ្វារអន្ដរជាតិស្រុកអូរយ៉ាដា


ពិធីសម្ពោធបង្គោលព្រំដែនគោកលេខ៣០ និងកំណាត់ផ្លូវប្រវែង៤៥០ម៉ែត្រ នៅច្រកទ្វារអន្ដរជាតិស្រុកអូរយ៉ាដាវ ខេត្ដរតនគិរី និងស្រុកឡេថាញ់ ខេត្ដយ៉ាឡាយ ប្រទេសវៀតណាម  ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា រួមជាមួយឯកឧត្ដម ង្វៀន តាន់យ៉ុង នាយករដ្ឋមន្រ្ដី នៃសាធារណរដ្ឋសង្គមនិយមវៀតណាម

សម្តេចតេជោ ហ៊ុន សែន ថ្លែងក្នុងពិធីសម្ពោធបង្គោលព្រំដែនលេខ ៣០ ផ្លូវលេខ ៧៨ (៤៥០ ម៉ែត្រ) ច្រកអូរយ៉ាដាវ-ឡេថាញ់ ខេត្តរតនគិរី-យ៉ាឡាយ

ឯកឧត្តម ង្វៀន តឹនយុង នាយករដ្ឋមន្ត្រីនៃសាធារណរដ្ឋសង្គមនិយមវៀតណាម;
ឯកឧត្តម, លោកជំទាវ, ថ្នាក់ដឹកនាំជាន់ខ្ពស់វៀតណាម និង កម្ពុជា;
ឯកឧត្តម, លោកជំទាវ, លោក, លោកស្រី, ក្មួយៗសិស្ស-និស្សិត និង បងប្អូនប្រជាពលរដ្ឋទាំងអស់, ទាំង
កម្ពុជា និងវៀតណាម, ជាទីមេត្រី !

ថ្ងៃនេះ, ខ្ញុំមានកិត្តយស និងសេចក្តីរីករាយជាអនេក ដោយបានចូលរួមជាមួយឯកឧត្តម ង្វៀន តឹនយុង នាយករដ្ឋមន្រ្តី នៃសាធារណរដ្ឋសង្គមនិយមវៀតណាម ក្នុងពិធីសម្ពោធជាផ្លូវការ «បង្គោលព្រំដែនលេខ ៣០ និងកំណាត់ផ្លូវ ប្រវែង ៤៥០ ម៉ែត្រ» នៅច្រកទ្វារព្រំដែនអន្តរជាតិអូរយ៉ាដាវ-ឡេថាញ។ នេះគឺជាលើក​ទី ៣ ហើយ បន្ទាប់ពីការសម្ពោធបង្គោលព្រំដែនលេខ ១៧១ នៅច្រកទ្វារព្រំដែនអន្តរជាតិបាវិត-ម៉ុកបាយ, កាលពីឆ្នាំ ២០០៦ និងបង្គោលព្រំដែនលេខ ៣១៤ នៅជិតច្រកទ្វារព្រំដែនអន្តរជាតិលក-ព្រែកចាក នៅ​ខេត្តកំពត-គៀនយ៉ាង, កាលពីឆ្នាំ ២០១២ កន្លងទៅ។

ការសម្ពោធព្រំដែនជាបន្តបន្ទាប់នេះ គឺជាការឆ្លុះបញ្ចាំងយ៉ាងច្បាស់ នៃកិច្ចខិតខំប្រឹងប្រែងរក​ដំណោះ​ស្រាយ​អំពីបញ្ហាព្រំដែនដែលនៅសេសសល់ រវាងប្រទេសយើងទាំងពីរ ​ដើម្បីឈានទៅបញ្ចប់បញ្ហាព្រំដែន​ទាំងស្រុងទៅពេលខាងមុខ។ ជាការពិត កិច្ចការនេះបានបោះជំហានទៅមុខជាលំដាប់ ទោះជាកន្លងមក​បានជួបប្រឈមការលំបាក​​ ព្រម​ទាំង​ភាពស្មុគស្មាញមួយចំនួនក្ដី។ យ៉ាងណាមិញ ការខិតខំរបស់នាយក​រដ្ឋមន្រ្តីវៀតណាម ង្វៀន តឹនយុង Nguyen Tan Dung និងខ្លួនខ្ញុំផ្ទាល់ ក្នុងអំឡុងពេលប៉ុន្មានឆ្នាំមកនេះ ពិតជាបានទទួលនូវលទ្ធផល និងផ្លែផ្កាជាច្រើន ដែលក្នុងនោះ រួមមាន បង្គោលព្រំដែនលេខ ៣០ និង​កំណត់ផ្លូវ ៤៥០ ម៉ែត្រ ជាសក្ខីភាពជាក់ស្តែង​នៅចំពោះ​មុខយើង​ទាំងអស់គ្នានាពេលនេះ។ បន្ថែមលើនេះ យើងនឹងធ្វើដំណើរទៅកាត់ខ្សែបូរសម្ពោធបង្គោលព្រំដែនលេខ ២៧៥ នៅច្រក​ទ្វា​រព្រំដែន​អន្តរជាតិភ្នំដិន-តិនបៀន នៅខេត្តតាកែវ-អានយ៉ាង នារសៀលថ្ងៃនេះជាបន្តទៀត​ផងដែរ។

សមិទ្ធិផលប្រវត្តិសាស្រ្តនាថ្ងៃនេះ នឹងរួមចំណែកដ៏ធំធេង ក្នុងការប្រែក្លាយតំបន់ព្រំដែនដែលមានភាពត្រឹម​ត្រូវ និងច្បាស់​លាស់​របស់យើង​ ឲ្យទៅជាតំបន់សន្តិភាព មិត្តភាព សហប្រតិបត្តិការ និងការអនុវត្តលើ​គ្រប់​វិស័យ ដើម្បី​វិបុលភាព ភាពសុខ​ក្សេមក្សាន និងភាពសុខដុមរមនា នៃប្រទេស និងប្រជាជនយើងទាំងពីរ ក្នុងនាម​ជា​អ្នកជិតខាងល្អ ជាមិត្តល្អ និងជាដៃគូយុទ្ធសាស្រ្តក្នុងកិច្ចអភិវឌ្ឍន៍។ ក្នុងន័យនេះ សមិទ្ធិផល​ដែលយើងរួមគ្នាសម្ពោធនៅពេលនេះ គឺជានិមិត្តរូបមួយនៃកិច្ចសហប្រតិបត្តិការ​គ្នាយ៉ាង​ស្អិត​រមួត រវាង​ប្រទេសទាំងពីរ ដើម្បីប្រែក្លាយតំបន់ព្រំដែនដែលធ្លាប់តែជាតំបន់ត្រូវបាន​គេបោះបង់​ចោល ជា​តំបន់គ្មាន​មនុស្សរស់នៅ គ្មានហេដ្ឋារចនាសម្ព័ន្ធ និងគ្មានការអភិវឌ្ឍអ្វីទាំងអស់នោះ ឲ្យទៅជា​តំបន់​ប្រកប​ដោយ​សក្ដានុពលសេដ្ឋកិច្ច តំបន់ពាណិជ្ជកម្ម ការវិនិយោគ និងទេសចរណ៍ ដែលខ្ញុំរំពឹងថា ក្នុង​ពេល​អនាគត នឹងក្លាយទៅជាតំបន់របៀងសេដ្ឋកិច្ចដ៏សំខាន់មួយ ថែមទៀតផង។

ជាមួយនឹងទស្សនវិស័យប្រកបដោយសុទិដ្ឋិនិយមនេះ ខ្ញុំសូមសំដែងនូវការកោតសរសើរ និងវាយតម្លៃខ្ពស់​ចំពោះគណៈកម្មការចម្រុះខណ្ឌសីមា និងបោះបង្គោល​ព្រំដែនគោកនៃប្រទេសទាំងពីរ ដែលបានខិត​ខំ​ប្រឹង​ប្រែងដែលធ្វើឲ្យការបោះបង្គោលព្រំដែន ប្រព្រឹត្តទៅដោយ​រលូន និងមានការទទួលស្គាល់ពេញលេញ​តាម​ផ្លូវច្បាប់។ ក្នុងនាមរដ្ឋាភិបាលកម្ពុជា ខ្ញុំពិតជា​មានមោទនភាពខ្ពស់ ហើយប្រទេសយើងទាំងពីរទំលាយ​បាននូវការលំបាកទាំងឡាយ ក្នុងការកសាង​ព្រំដែនរវាងប្រទេសទាំង​ពីរ ដែលរហូតដល់ពេលនេះ នៅ​សល់តែប្រមាណ ១៦,៨% ទៀតប៉ុណ្ណោះ នឹង​បញ្ចប់បានព្រំដែនគោកទាំងស្រុង លើខ្សែព្រំដែនកម្ពុជា-វៀតណាម ដែលមានប្រវែងសរុប ១ ២៧០ គីឡូ​ម៉ែត្រ ហើយបន្ទាប់ពីនេះ យើងនឹងឈានទៅចរចា​កំណត់​ព្រំដែនសមុទ្រជាបន្តទៀត។ ក្នុងស្មារតីនេះ ខ្ញុំជឿជាក់ថា ប្រទេសយើងទាំងពីរក៏នឹងសម្រេចបាននូវការ​កំណត់ព្រំដែនសមុទ្រមួយយ៉ាងពេញលេញ គ្មានវិវាទ ដោយឈរ​លើគោលការណ៍ច្បាប់ និងក្របខណ្ឌ​គតិយុត្តអន្តរជាតិជាមូលដ្ឋាន។

ក្នុងឱកាសនេះ ខ្ញុំសូមគូសបញ្ជាក់ជាថ្មីម្ដងទៀតថា រាជរដ្ឋាភិបាលកម្ពុជាប្រកាន់ជំហរដាច់ខាត ក្នុងការ​កសាងព្រំដែន​កម្ពុជា-វៀតណាម ដែលត្រឹមត្រូវ និងច្បាស់លាស់ ដោយឈរលើមូលដ្ឋានច្បាប់ជាតិ និង ច្បាប់អន្តរជាតិ ព្រម​ទាំងអនុវត្តជាអន្តរជាតិស្ដីពីការទទួលស្គាល់ខ្សែព្រំដែនមិនកែប្រែ ដែលអាណានិគម និយមបារាំងបាន​បន្សល់ទុកឲ្យ ហើយដែលរដ្ឋាភិបាលកម្ពុជាគ្រប់ជំនាន់ជាបន្តបន្ទាប់ បានប្រកាន់ភ្ជាប់នូវ គោលការណ៍​នេះ​រហូតមក ដើម្បីបញ្ចប់បញ្ហាព្រំដែនគោក និងព្រំដែនសមុទ្រជាមួយប្រទេសទាំងពីរ។ ឈរ លើគោល​ការណ៍​គ្រឹះនេះ រាជរដ្ឋាភិបាលកម្ពុជានឹងខិតខំយ៉ាងពេញទំហឹងជាមួយនឹងរដ្ឋាភិបាលវៀតណាម ដើម្បី​ធានា​ឲ្យ​ប្រទេសយើងទាំងពីរមានខ្សែព្រំដែនសមស្រប ជាព្រំដែនអន្តរជាតិពិតប្រាកដ ដោយប្រែក្លាយ ខ្សែព្រំដែន​ដែលមានតែលើផែនទី ឲ្យទៅជាបង្គោលព្រំដែននៅលើដីជាក់ស្ដែង ហើយខ្សែព្រំដែននេះត្រូវដើរ​ស្របគ្នា​ទៅតាមការកាន់កាប់ជាក់ស្ដែងរបស់ប្រជាពលរដ្ឋ ដែលរស់នៅតាមបណ្ដោយព្រំដែន ដើម្បីបញ្ចប់​រាល់បាតុ​ភាព និងប្រែក្លាយតំបន់ព្រំដែនរវាងប្រទេសយើងទាំងពីរ ឲ្យទៅជាតំបន់គ្មានការភ័យខ្លាច តំបន់ នៃ​ការអភិ​វឌ្ឍ រីកចម្រើន តំបន់ប្រកបដោយសុខសន្ដិភាព ភាពក្សេមក្សាន និងសុខដុមរមនា។
នៅក្នុងទិដ្ឋភាពដ៏សំខាន់មួយទៀត ថ្ងៃនេះ ជាមួយនឹងបង្គោល​ព្រំដែនរវាងប្រទេសយើងទាំងពីរ យើងក៏​សម្ពោធដាក់ឲ្យប្រើប្រាស់ផងដែរ នូវកំណាត់ផ្លូវប្រវែង ៤៥០ ម៉ែត្រ។ នេះគឺជា​និមិត្តរូបដ៏សំខាន់មួយទៀត ដែលឆ្លុះបញ្ចាំងអំពីកិច្ចខិតខំប្រឹងប្រែងរួមគ្នា ដើម្បីការតភ្ជាប់ជា​រូបវ័ន្តរវាងប្រទេសទាំងពីរ។ ការតភ្ជាប់ គឺជា​អាទិភាពដ៏សំខាន់បំផុតមួយ ដែលឆ្លើយតបទៅនឹងគោល​នយោបាយរបស់រដ្ឋាភិបាល នៃបណ្ដា​ប្រទេស​ក្នុងតំបន់ ក្នុងការជំរុញកិច្ចសហប្រតិបត្តិការ និងសមាហរណកម្ម ពិសេសនៅក្នុងក្របខណ្ឌ នៃមហាអនុ​តំបន់មេគង្គ និងនៅក្នុងក្របខណ្ឌអាស៊ាន ខណៈដែលសហគមន៍សេដ្ឋកិច្ចអាស៊ាននឹងចាប់ផ្ដើមចូលជា​ធរមាន​ក្នុងរយៈពេលប៉ុន្មានថ្ងៃខាងមុខនេះ​ ចាប់តាំងពី​ឆ្នាំ ២០១៦ តទៅ។

ជាក់ស្ដែង នៅក្នុងរយៈពេលប៉ុន្មានឆ្នាំកន្លងមកនេះ កម្ពុជា និងវៀតណាមសម្រេចបាននូវលទ្ធផលល្អ​ប្រសើរជាច្រើន ក្នុងកិច្ចសហប្រតិបត្តិការលើគ្រប់វិស័យ ទាំងក្នុងក្របខណ្ឌទ្វេភាគី និងតំបន់ តាមរយៈ​ការយកចិត្តទុកដាក់របស់យើង ក្នុងការជំរុញការតភ្ជាប់ទាំងផ្នែករឹង និងផ្នែកទន់ ដើម្បីទទួលបាននូវផល​ប្រយោជន៍ពេញលេញពីសមាហរណកម្មនេះ។ កំណើនពាណិជ្ជកម្ម ការវិនិយោគ និងលំហូរមូលធន ក៏ដូចជាទេសចរឆ្លងកាត់ព្រំដែនរវាងប្រទេសទាំងពីរ បាន និងកំពុងរីកលូតលាស់ឥតឈប់ឈរ ដែល
ជាកត្តាដ៏សំខាន់សម្រាប់ជួយជំរុញ និងធានានូវ​និរន្តភាពនៃការអភិវឌ្ឍសេដ្ឋកិច្ច និងសង្គមជាតិ។ វឌ្ឍន​ភាពទាំងអស់នេះ ពិតជាបានបង្កើតឡើងនូវកាលានុវត្តភាព និងបរិស្ថានអំណោយផលល្អប្រសើរ​សម្រាប់​ការអភិវឌ្ឍ ក៏ដូចជាសម្រាប់ការកែលំអ និងសុខមាលភាពរបស់ប្រជាជន នៃប្រទេសយើងទាំងពីរ។
ក្នុងបរិការណ៍នេះ ខ្ញុំយល់ថា ពិធីសម្ពោធជាផ្លូវការរបស់យើងនៅថ្ងៃនេះ គឺជាសក្ខីកម្មថ្មីមួយទៀត ដែល​គូសបញ្ជាក់សាជាថ្មីនូវការប្តេជ្ញារបស់យើង ក្នុងការលើកកម្ពស់កិច្ចសហប្រតិបត្តិការ រវាងប្រទេសយើង​ទាំងពីរ ក៏ដូចជាការពង្រឹង និងពង្រីកចំណងមិត្តភាពជាអ្នកជិតខាង ភូមិផងរបងតែមួយ ដែលមាន​ផល​ប្រយោជន៍ភូមិសាស្រ្តនយោបាយ និងភូមិសាស្រ្ត​សេដ្ឋកិច្ចរួមគ្នា និងបំពេញឲ្យគ្នាទៅវិញទៅមក ទាំង​ក្នុង​ក្របខណ្ឌសមាហរណកម្មតំបន់ ទាំងក្នុងក្របខណ្ឌនៃការអភិវឌ្ឍប្រកបដោយចីរភាព និងបរិយាប័ន្ន​របស់ ប្រទេសយើងនីមួយៗ។

ច្បាស់ណាស់ថា អ្វីដែលយើងសម្រេចបានមកនេះ ទាំងក្នុងកិច្ចការកំណត់ និងបោះបង្គោលព្រំដែន ទាំង​ក្នុងការពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរ កើតចេញមកដោយសារការស្វះស្វែង​រកដំណោះស្រាយរួមគ្នា ក្នុងស្មារតី​សហការ​ដោយស្មោះ និងការ​យោគយល់គ្នាទៅវិញទៅមក ដែល​ចំណាយអស់ពេលរាប់សិបឆ្នាំ។ ដូច្នេះ វាគឺជាប្រការ​សំខាន់ណាស់ ដែលយើងត្រូវឈរលើមូលដ្ឋាន នៃ​សមិទ្ធិផលសម្រេចបានមកនេះ កំណត់​ឲ្យបានច្បាស់ និងប្រកបដោយ​ភាព​ប្រាកដនិយម នូវទិសដៅ​សហប្រតិបត្តិការទៅថ្ងៃអនាគត ដើម្បីបន្តរួមគ្នាដោះស្រា​យនូវរាល់​បញ្ហា​ប្រឈម ពុះពារជំនះនូវឧបសគ្គ និងការលំបាកតូចធំផងទាំងពួង ហើយឈោងចាប់​យកឱកាស​ដែល​កើតមានចំពោះមុខ មកប្រើប្រាស់ឲ្យ​បានប្រកបដោយប្រសិទ្ធិភាព ដើម្បីឧត្តមប្រយោជន៍របស់ប្រទេសជាតិ និងប្រជាជនយើងទាំងពីរ។

មុននឹងបញ្ចប់ ខ្ញុំសូមយកឱកាសនេះ ផ្ដាំផ្ញើដល់កងកម្លាំងប្រដាប់អាវុធទាំងអស់ ដែលកំពុងឈរជើងតាម បណ្តោយព្រំដែន ត្រូវយកចិត្តទុកដាក់លើកិច្ចការពារសុខភាពរបស់ខួន ខណៈដែលតំបន់មួយចំនួនមាន​ធាតុ​ឤកាសចាប់ផើ្តមត្រជាក់ ហើយសូមបន្តផ្តល់នូវកិច្ចសហការគ្នាល្អ, បន្តចូលរួមការពារ និង ផ្តល់​លក្ខណៈងាយស្រួល ដល់ការងារកំណត់ខ្សែបន្ទាត់ និងបោះបង្គោលព្រំដែន។ ខ្ញុំក៏សូមអំពាវនាវ​ដល់​ឤជ្ញាធរដែនដី ក៏ដូចជាប្រជាពលរដ្ឋទាំងអស់ សូមចូលរួមជាមួយគ្នាថែរក្សាបង្គោលព្រំដែនទាំងអស់នេះ ឱ្យបានសិ្ថតស្ថេរគង់វង្ស ដើម្បីប្រែក្លាយតំបន់ព្រំដែនដែលត្រូវបានកំណត់ត្រឹមត្រូវ និងច្បាស់លាស់​ហើយ​នេះ ឱ្យទៅជាព្រំដែនសនិ្តភាព, មិត្តភាព, សហប្រតិបតិ្តការ និងការអភិវឌ្ឍ ជានិច្ចនិរន្តរ៍តរៀងទៅ។

ជាថី្មម្តងទៀត, ខ្ញុំសូមវាយតម្លៃខ្ពស់ចំពោះគណៈកម្មការចម្រុះព្រំដែននៃប្រទេសទាំងពីរ ដែលបានខិត​ខំ​ប្រឹងប្រែង អស់ពីកម្លាំងកាយចិត្ត និងបានសហការគ្នាយ៉ាងជិតស្និទ្ធ សម្រេចបាននូវលទ្ធផលល្អប្រសើរ​ជាបន្តបន្ទាប់ ក្នុងការបោះបង្គោល និងខណ្ឌសីមាព្រំដែនគោក រវាងប្រទេសយើងទាំងពីរ។ ឆ្លៀតក្នុង​ឱកាសនេះដែរ ខ្ញុំក៏សូមថ្លែងអំណរគុណ ចំពោះឯកឧត្តមអភិបាលខេត្តរតនគិរី និងឯកឧត្តមអភិបាល​ខេត្ត​យ៉ាឡាយ ដែលបានសហការគ្នារៀបចំពិធីសម្ពោធដ៏មហាឡារិកនាថ្ងៃនេះ ដែលញ៉ាំងឱ្យពិធីនេះ​ប្រព្រឹត្ត​ទៅក្នុងបរិយាកាសរីករាយ, អធិកអធម និងប្រកបដោយមិត្តភាពរវាងប្រទេសទាំងពីរ។

ជាមួយគ្នានេះ, ក្នុងនាមរាជរដ្ឋាភិបាលកម្ពុជា, ខ្ញុំសូមថ្លែងអំណរគុណចំពោះរដ្ឋាភិបាលវៀតណាម ដែល​បានជួយដល់រាជរដ្ឋាភិបាលកម្ពុជា ជាពិសេសជួយសម្របសម្រួលដល់មន្ត្រីបច្ចេកទេសព្រំដែនកម្ពុជា ដោយបានរួមសុខទុក្ខ, តស៊ូ, ពុះពារការលំបាក, រួមគ្នានៅតំបន់ព្រៃភ្នំដាច់ស្រយាល ដើម្បីបំពេញ​បាន​ការងារជាប្រវត្តិសាស្ត្រដ៏មានសារៈសំខាន់នេះ សម្រាប់ជាផលប្រយោជន៍ដល់កូនចៅរបស់យើង​តទៅ​ថ្ងៃ​ក្រោយ។

ជាទីបញ្ចប់, ជាមួយនឹងការប្រកាសសម្ពោធជាផ្លូវការរួមគ្នានៃ «បង្គោលព្រំដែនលេខ ៣០ និងកំណាត់ផ្លូវ ប្រវែង ៤៥០ ម៉ែត្រ» នៅច្រកទ្វារព្រំដែនអន្តរជាតិអូរយ៉ាដាវ-ឡេថាញ នាពេលនេះ, ខ្ញុំសូមជូនពរឯកឧត្តម ង្វៀន តឹនយុង នាយករដ្ឋមន្រី្តវៀតណាម ព្រមទាំងឯកឧត្តម, លោកជំទាវ, លោក, លោកស្រី, ថ្នាក់ដឹកនាំ និងមន្រី្តគ្រប់ជាន់ ថ្នាក់, ទាំងខាងវៀតណាម ទាំងខាងកម្ពុជា, ក៏ដូចជាបងប្អូនប្រជាពលរដ្ឋ រួមជាមួយ​នឹង​លោកគ្រូ-អ្នកគ្រូ និងសិស្ស-និសិ្សតទាំងអស់ សូមប្រកបដោយសុខភាពល្អបរិបូណ៌, សម្រេចបានជោគ​ជ័យក្នុងគ្រប់ការងារ និងមានសុភមង្គលក្នុងក្រុមគ្រួសាររៀងៗខ្លួន។


Saturday, December 26, 2015

ក្រុម​ប្រឹក្សា​សហជីព​ជាតិ​កម្ពុជា ផ្ញើលិខិត​ជូន​សម្តេច​អគ្គ​មហា​ពញា​ចក្រី ហេង សំរិន ប្រធាន​រដ្ឋសភា

ថ្ងៃទី២៥ ខែធ្នូ ឆ្នាំ២០១៥ ក្រុមប្រឹក្សា​​សហជីពជាតិកម្ពុជា (CCNU) បាន​ផ្ញើលិខិតមួយច្បាប់ ​ជូន​សម្តេច​អគ្គ​មហា​ពញា​ចក្រី​ ហេង សំរិន ប្រធាន​រដ្ឋសភា ស្នើរ​សុំជួប​តំណាង​រាស្រ្ត​គណបក្ស​ប្រជាជន​កម្ពុជា​ ដើម្បី​ពិភាក្សា​​យោបល់ និង​កែសម្រួល​​ចំណុច​សំខាន់ៗគន្លឹះជាច្រើន​ដែលត្រូវកែលំអ ​ នៃសេចក្តី​ព្រាងច្បាប់​សហជីពនេះ នៅសប្តាហ៍ទី៣ ខែធ្នូ ឆ្នាំ២០១៥ អាស្រ័យតាមពេលវេលា​សមស្រប។

លិខិតមានខ្លឹមសារដូចតទៅ៖