ឯកឧត្តមទេសរដ្ឋមន្រ្តី ស៊ុន ចាន់ថុល ចូលរួមកិច្ចប្រជុំកំពូល «ខ្សែក្រវាត់មួយ វិថីមួយ» នៅទីក្រុងហុងកុង

ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន នៅ​ព្រឹក​ថ្ងៃទី១៨ ខែឧសភា ឆ្នាំ២០១៦នេះ បាន និងកំពុងចូលរួមកិច្ចប្រជុំកំពូល «ខ្សែក្រវាត់មួយ វិថី​មួយ» រៀបចំឡើងដោយរដ្ឋាភិបាលទីក្រុងហុងកុង និងមានការចូលរួមពីមន្រ្តីជាន់ខ្ពស់រដ្ឋាភិ​បាល​មកពីបណ្តាប្រទេសនានា វិនិយោគិន និង ភ្នាក់ងារម្ចាស់ជំនួយសរុបជាង ២០០០នាក់។

នៅក្នុងកិច្ចប្រជុំនេះ ឯកឧត្តមទេសរដ្ឋមន្រ្តី ស៊ុន ចាន់ថុល បានជួបពិភាក្សាការងារ​ជាមួយ​លោក​ Paul CHAN លេខាធិការទទួលបន្ទុកកិច្ចការអភិវឌ្ឍន៍ទីក្រុងហុងកុង លោក Gregory SO លេខាធិការទទួលបន្ទុកផ្នែកពាណិជ្ជកម្ម និង អភិវឌ្ឍន៍សេដ្ឋកិច្ចទីក្រុងហុងកុង លោក Margar et Fong នាយកប្រតិបត្តិ នៃក្រុមប្រឹក្សាអភិវឌ្ឍន៍ពាណិជ្ជកម្ម នៃទីក្រុងហុងកុង និង​អ្នក​ចូលរួមដទៃទៀត ដើម្បីពិភាក្សាអំពីមធ្យោបាយផ្តល់ ហិរញ្ញប្បទានដល់ការអភិវឌ្ឍ​ហេដ្ឋា​រចនាសម្ព័ន្ធនៅកម្ពុជា។

លោក Paul Chan បានអញ្ជើញឯកឧត្តមទេសរដ្ឋមន្រ្តី ស៊ុន ចាន់ថុល ដឹកនាំគណៈ​ប្រតិភូ​កម្ពុជាអញ្ជើញទៅបំពេញទស្សនកិច្ច និងសិក្សាស្វែងយល់អំពីរបៀបដែលទីក្រុងហុងកុងបាន​​អភិវឌ្ឍហេដ្ឋារចនាសម្ព័ន្ធទីក្រុងរបស់ខ្លួនប្រកបដោយប្រសិទ្ធភាព។

សូមបញ្ជាក់ថា គំនិតផ្តួចផ្តើមបង្កើត «ខ្សែក្រវាត់មួយ វិថីមួយ» របស់ប្រទេសចិន ត្រូវបាន​បង្កើត​ឡើង ដើម្បីជំរុញកិច្ចសហប្រតិបត្តិការ សេដ្ឋកិច្ចនៃបណ្តាប្រទេសជាង ៦០នៅ​តំបន់​អាស៊ី អឺរ៉ុប និងអាហ្វ្រិក។ គំនិតផ្តួចផ្តើម ដែលបានលើកឡើងនេះ ជាការបង្កើនកិច្ច​សហ​ប្រតិ​បត្តិការ លើកិច្ចសម្របសម្រួលគោលនយោបាយការតភ្ជាប់ពាណិជ្ជកម្ម និងការវិនិយោគ ការ​ធ្វើ​សមាហរណកម្មហិរញ្ញវត្ថុ និង ផ្លាស់ប្តូរវប្បធម៌ទៅ វិញទៅមក៕

សម្តេច​តេជោនា​យករដ្ឋមន្រ្តីអ​ញ្ជើញជួបសំ​ណេះសំណាល​ជាមួយនិ​ស្សិត ជិត៤០០នា​ក់ ដែលកំពុង​សិក្សានៅស​ហព័ន្ធរុស្ស៊ី

ក្នុងឱកាសនៃការស្នាក់ ​នៅបំពេញទស្សនកិច្ចការ​ងារនៅទីក្រុងម៉ូស្កូ ស​ហព័ន្ធរុស្ស៊ី សម្តេច​អគ្គ​មហា​សេនាបតី​តេជោ ហ៊ុន សែន នាយករដ្ឋ​មន្រ្តីនៃព្រះរាជាណា​ចក្រកម្ពុជា បានទទួលជួប​សំណេះ​សំណាលជាមួយតំណា​ងនិស្សិតជិត៤០០នាក់ ដែលកំ​ពុងសិក្សានៅសហព័ន្ធរុស្ស៊ី។ ឯកឧត្តម ថៃ វណ្ណា ឯកអគ្គ​រាជទូត ព្រះរាជាណាចក្រកម្ពុជា ប្រចាំ​សហព័ន្ធរុស្ស៊ី មានប្រសាសន៍​ថា ថ្ងៃនេះតំណាងនិស្សិតជិត៤០០នាក់ ដែលកំពុងសិក្សានៅ​សហព័ន្ធរុស្ស៊ី មានភ័ព្វសំណាង​ដ៏ធំធេងដោយបានសម្តេចតេជោ​នាយករដ្ឋមន្រ្តី ទទួលជួប​សំណេះ​សំណាល សំដែងកា​រគួរសម ពិសេសបានស្តាប់នូវអនុសាសន៍​ណែនាំមួយចំនួន ដើម្បីជាប្រទីប បង្ហាញផ្លូវដល់ការសិក្សា​របស់​ខ្លួនឲ្យកាន់តែទទួលបាននូវភាពជោគជ័យខ្ពង់ខ្ពស់ថែមទៀត។ ឯកឧត្តមឯកអគ្គរាជទូតមាន​ប្រសាសន៍បន្តថា បើទោះបីជានិស្សិតទាំងជិត៤០០នាក់ មិនបានអញ្ជើញមកជួបប្រាស្រ័យ ដោយ​ជិតស្និតជាមួយ សម្តេចតេជោនាយករដ្ឋមន្រ្តី ក៏ពិតមែន ប៉ុន្តែប្អូនៗនិងកម្មួយៗ​និស្សិត​ទាំងអស់ បានផ្ញើរនូវការនឹករលឹកយ៉ាងខ្លាំងជូនចំពោះសម្តេចតេជោ និងសម្តេចកិត្តិព្រឹទ្ធបណ្ឌិត ពិសេសថ្លែងនូវអំណរគុណយ៉ាងជ្រាលជ្រៅបំផុត ជូនចំពោះសម្តេចតេជោ និងសម្តេច​កិត្តិ​ព្រឹទ្ធបណ្ឌិត ដែលបានជួយឧបត្ថម្ភនូវ ថវិកាចំនួន១២០ដុល្លាអាមេរិក ក្នុង១ឆ្នាំសម្រាប់​និស្សិត​ទាំងអស់ ដែលកំពុងស្នាក់នៅសិក្សារៀនសូត្រនៅ សហព័ន្ធរុស្សី។

សម្តេចតេជោនាយករដ្ឋមន្រ្តីមានប្រសាសន៍ ជំរាបជូននិស្សិត ពីអតីតកាលពោល​គឺកាល​ពី​៣៧ឆ្នាំមុន សម្តេចបានអញ្ជើញមកបំពេញទស្សនកិច្ចជាលើកដំបូង ក្នុងទីក្រុងម៉ូស្កូ អតីត​សហភាព​សូវៀត។ សម្តេចតេជោនាយករដ្ឋមន្រ្តី មានប្រសាសន៍បន្តថា ដោយសារតែ​ព្រឹត្តិការណ៍​​​ពីអតីតកាលនោះហើយ ដែលរូបសម្តេចមិនអាចបំភ្លេចរហូតមកដល់ពេលនេះ ដែលរូបសម្តេច​បានជួបនិងមេដឹកនាំអតីតសហភាពសូវៀតពោលនោះ និងបច្ចុប្បន្ន​សហព័ន្ធ​រុស្សីនៅពេលនេះ បានស្នើសុំហើយសុំទៀត ក្នុងការទទួលយកនូវនិស្សិតអាហារូបករណ៍​របស់​ប្រទេសកម្ពុជា មកបំពេញកម្មសិក្សានៅអតីតសហភាពសូវៀត និងសហព័ន្ធ រុស្សីនៅពេលនេះ។ សម្តេច​តេជោ​នាយករដ្ឋមន្រ្តីមានប្រសាសន៍សង្កត់ធ្ងន់ថា ដោយសារយើងមានកិច្ចសហ​ប្រតិបត្តិការ​​ល្អ​នេះ​ហើយ បាននាំឲ្យកម្ពុជាទទួលបាននូវធនធានមនុស្សជាច្រើន ដែលបានធ្វើ​ការបណ្តុះ​បណ្តាល​នៅសហភាពសូវៀត និងសហព័ន្ធរុស្សីនៅពេលនេះ ក្នុងការចូលរួម​ចំណែក​ដល់ការអភិវឌ្ឍ ប្រទេសជាតិឲ្យមានការរីកចំរើនយ៉ាងធំធាត់ មកដល់បច្ចុប្បន្ននិងទៅអនាគត។ ជាមួយ​និង​ពិធីសំណេះ សំណាលគ្នានោះដែរ សម្តេចតេជោនាយករដ្ឋមន្រ្តី បានធ្វើការគូស​បញ្ជាក់​​​ពី​សភាពការណ៍​​នយោបាយ សេដ្ឋកិច្ចរបស់ប្រទេសកម្ពុជា ពិសេសសម្តេចបាន​ធ្វើការ​ផ្តាំផ្ញើរ​​ដល់​និស្សិតទាំងអស់ ត្រូវធ្វើការតាមដានពីសកម្មភាពរបស់រាជរដ្ឋាភិបាល និងពី​សភាពការណ៍​ពិត​របស់ប្រទេសកម្ពុជា តាមរយៈប្រព័ន្ធវិទ្យានៃសម័យសកលភាវូបនីយកម្ម​ដ៏ទំនើបរបស់យើង ពិសេស​ទៅទៀតនោះត្រូវចេះពិចារណានូវរាល់ចំណុច វិជ្ជមានដែល​រាជរដ្ឋាភិបាលបាន​និង​កំពុងដឹកនាំថែរក្សាសុខសន្តិភាព ស្ថេរភាពនយោបាយ សន្តិសុខ​សណ្តាប់​ធ្នាប់សង្គម ពិសេស​ការអភិវឌ្ឍ​ប្រទេសជាតិដែលកំពុងមានការរីកចំរើនឥតឈប់ឈរ ពីមួយ​ថ្ងៃទៅមួយថ្ងៃ ក្រោមការ​ដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន ជាប្រមុខ។ ជាមួយគ្នានេះសម្តេចតេជោនាយករដ្ឋមន្រ្តី មានប្រសាសន៍​សំដែង​នូវការវាយតំលៃខ្ពស់ និងកោត​សរសើរដល់និស្សិត អាហារូបករណ៍កម្ពុជាទាំងអស់ ដែលបាន​ខិតខំប្រឹងប្រែងអស់ពីសមត្ថភាព ក្នុងការស្នាក់នៅសិក្សារៀនសូត្រ ប្រកបដោយលទ្ធផល​ដ៏ត្រចះត្រចង់ ក្នុងរយៈពេលកន្លងមក ពិសេសការធ្វើទំនាក់ទំនងល្អក្នុងជួរនិស្សិត ដែលស្នាក់​នៅសិក្សារៀនសូត្រជាមួយគ្នា ក៏ដូចជា​ធ្វើទំនាក់ទំនងល្អជាមួយសាស្រ្តាចារ្យ អាជ្ញាធរដែនដី​គ្រប់លំដាប់ថ្នាក់ រួមទាំងជាមួយនិង​បងប្អូន​ប្រជាពលរដ្ឋរស្ស៊ីផ្ទាល់តែម្តង។ សម្តេចតេជោ​នាយករដ្ឋមន្រ្តីក៏បានផ្តល់នូវ​អនុសាសន៍ណែនាំដ៏ខ្ពង់ខ្ពស់ ជូនដល់និស្សិតអាហារូបករណ៍​ទាំងអស់ បន្តនូវស្មារតីគោរពស្រឡាញ់ និងចេះជួយយកអាសារ​ពីគ្នាទៅវិញទៅមក ការធ្វើទំនាក់​ទំនងល្អ​​ជាមួយ​និង​និស្សិត ដែលស្នាក់​នៅសិក្សា​រៀនសូត្រជា​មួយគ្នា ពិសេសការ​បន្ត​នូវ​ប្រពៃ​ណី​មិត្ត​ភាព កិច្ច​សហ​ប្រតិបត្តិ​ការល្អ ទាំងក្នុង​ការសិក្សា​នាពេលបច្ចុ​ប្បន្ន​និងទៅអ​នាគត។ សម្តេច​តេ​ជោក៏បានធ្វើការ​ដាស់តឿន ដល់និស្សិ​តអាហារូបករណ៍ទាំងអស់ ត្រូវគោរពវិន័​យ​និង​សេចក្តី​ថ្លែ​ថ្នូរ ក្នុងការសិក្សា​​រៀនសូត្រ ត្រូវរស់​នៅស្អាត ហូបស្អា​ត និងមិន​ត្រូវបង្កបញ្ហាអ្វី​​ដល់ការសិ​ក្សា​និង​ការស្នាក់​នៅ និងមួយផ្នែក​ទៀត ត្រូវចូលរួ​មនៅក្នុងការ​ងារសង្គមឲ្យបា​នច្រើន និងទូលំ​ទូ​លាយ។ ជាមួយ​គ្នានោះ ត្រូវ​មានមន​សិកាសាមគ្គីគ្នាក្នុង​ការសិក្សា​ស្រាវជ្រាវពីរ​បកគម្ហើញថ្មីៗ ដែល​ទាក់ទិន​ទៅនិងកម្មវិធីសិក្សា ពិសេសកា​ររីកចំរើនក្នុងអាស៊ាន ក៏ដូចជាការវិវ​ត្តន៍​នៃសភាព​ការ​ពិភពលោក។ នៅក្នុ​ងពិធីសំណេះ​សំណាលគ្នានោះដែរ សម្តេចតេ​ជោនាយករដ្ឋមន្រ្តី  បាន​ឧបត្ថម្ភ​ថវិកាមួយចំនួនជូន​ដល់និស្សិត​អាហារូបករណ៍ទាំងជិត ៤០០នា​ក់ ដែលកំពុងស្នា​ក់​នៅ​សិក្សារៀនសូត្រ នៅសហព័ន្ធរុស្ស៊ីផងដែរ៕

សម្តេចតេជោនាយករដ្ឋមន្រ្តី អញ្ជើញជួបពិភាក្សាទ្វេភាគីជាមួយសមភាគីរុស្ស៊ី ឯកឧត្តម ឌីមីទ្រី មេដវេដេវ នាយករដ្ឋមន្រ្តីរុស្ស៊ី

សម្តេចអគ្គមហា​សេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណា​ចក្រកម្ពុជា និងសម​ភាគីរុស្ស៊ី ឯកឧត្តម ឌីមីទ្រី មេដវេដេវ បានដែង​នូវការ​រីករាយ​និង​ស្វាគមន៍​យ៉ាងកក់​ក្តៅបំផុតចំពោះ​ខួប​៦០​ឆ្នាំ នៃ​ទំនាក់​ទំនងការ​ទូតរបស់​ប្រទេស​ទាំងពីរកម្ពុជា-រុស្ស៊ី ដែលបាន​និងកំពុងបោះ​ជំហានទៅមុខ​គួរជាទី​មោទន​ភាពបំផុត។ នៅក្នុងជំនួប​ពិភាក្សាទ្វេភាគីដែល​ធ្វើឡើង​នៅនិវេសន​ដ្ឋាន របស់ឯកឧត្តម​នាយករដ្ឋ​មន្រ្តីរុស្ស៊ី ដែលធ្វើឡើ​ងក្នុង​ទីក្រុង​ម៉ូស្កូ សហព័ន្ធរុស្ស៊ី ឯកឧត្តម ឌីមីទ្រី មេដវេដេវ មានប្រសាសន៍​ថ្លែងនូវ​​អំ ណរ​គុណយ៉ាងជ្រាល​ជ្រៅបំផុត ដោយបានជួប​ធ្វើការពិភាក្សា​សារជាថ្មី​ម្តងទៀត ជាមួយ​សម្តេច​តេជោ នា​យករដ្ឋមន្រ្តី បន្ទាប់ពីដំណើរទ​ស្សនកិច្ចផ្លូវការ​របស់ឯកឧត្តមទៅកាន់​ប្រទេសកម្ពុជា កាលពីខែវិច្ឆិកាឆ្នាំ​២០១៥កន្លងទៅ។

ជាការឆ្លើយត​បសម្តេច​តេជោនាយក​រដ្ឋមន្រ្តីមាន​ប្រសាសន៍ថា សម្តេចបា​នជួបពិភាក្សា ជាមួយ​ថ្នាក់ដឹកនាំរុស្ស៊ី ជាច្រើនលើក​កាល​ពីពេល​កន្លងមក ហើយថ្ងៃ​នេះប្រមុខ​ថ្នាក់ដឹកនាំ​រដ្ឋាភិបាល​ទាំងពីរ បានជួប​ពិភាក្សា​ សាជា​ថ្មីម្តង​ទៀត ដែលទាក់​ទិនទៅនិង​ការជំរុញកិ​ច្ចសហ​ប្រតិបត្តិការ​នៃប្រទេស​ទាំងពីរ។ សម្តេច​តេជោនាយ​ករដ្ឋមន្រ្តីមាន​ប្រសាសន៍បន្តថា ជាង៣៧​ឆ្នាំហើយដែល​រូបសម្តេច​មិនបាន​អញ្ជើញមក បំពេញទស្សន​កិច្ចផ្លូវការនៅ​សហព័ន្ធរុស្សី។ សម្រាប់ដំណើ​រទស្សនកិច្ច​នៅពេលនេះ សម្តេចបាន​ធ្វើការកត់​សំគាល់ថា សហព័ន្ធរុស្ស៊ី មានការអភិវឌ្ឍរីក​ចំរើនយ៉ាងឆាប់​រហ័សបំផុត។ នៅក្នុងជំនួប​ពិភាក្សាចង្អៀត និង​ការទទួលទានអាហារ​ការងារថ្ងៃត្រង់​នោះដែរ សម្តេចតេជោនា​យករដ្ឋមន្រ្តី និងឯកឧត្តមនាយករដ្ឋ​មន្រ្តីរុស្ស៊ី បានធ្វើការពិភាក្សា​គ្នាយ៉ាងយ​កចិត្ត​ទុកដាក់ ក្នុងការ​ជំរុញ​ពាណិជ្ជកម្ម នៃប្រទេសទាំងពីរ ឲ្យកាន់​តែមាន​ទំហំ​ធំ ​ទ្វេឡើងថែមទៀត បើទោះបីទំហំពាណិជ្ជកម្ម​នៃប្រទេសទាំងពីរ​នៅមាន​តិចតួចនៅ​ឡើយក៏ពិត​មែន។ មេដឹកនាំនៃទាំងពីរ​ក៏បានធ្វើការ​ពិនិត្យពិភាក្សារា​ល់ទិដ្ឋភាពទាំ​ងអស់ ដែលប្រទេសទាំ​ងពីរមាន ពិសេសការ​សម្លឹងមើល​ទៅអនាគត​សម្រាប់ប្រទេសទាំង​ពីរ។

សម្តេចតេជោ​នាយក​រដ្ឋមន្រ្តីមាន​ប្រសាសន៍ចាត់​ទុក​ ដំណើរទស្សនកិច្ចរបស់​ឯកឧត្តមនាយក​រដ្ឋមន្រ្តីរុស្ស៊ី ទៅកាន់ប្រទេសក​ម្ពុជាកាល​ពីខែវិច្ឆិកា ឆ្នាំ២០១៥ គឺជា​ដំណើរទស្សន​កិច្ចជាប្រវត្តិសាស្រ្ត​លើកទី១ ដែលមិនធ្លាប់មាន​មេដឹកនាំរុស្ស៊ី អញ្ជើញទៅបំពេញ​ទស្សនកិច្ច ក្នុងប្រទេស​កម្ពុជា និងជា​ដំណើរ​ទស្សន​កិច្ចមួយដែលធ្វើ​ឡើងមុនការ​ ប្រារព្វខួបលើកទី៦០ឆ្នាំ នៃទំនាក់​ទំនងការទូត​របស់ប្រទេស​ទាំងពីរ។ ពាក់ព័ន្ធទៅនិង​កិច្ចព្រមព្រៀង​ក្នុងការគាំពារ​អ្នកវិនិយោគ នៃប្រទេស​ទាំងពីរ ឯកឧត្តម​នាយករដ្ឋ​មន្រ្តីរុស្ស៊ី​ ស្នើដល់​សម្តេច​តេជោ​​នាយករដ្ឋមន្រ្តី ត្រូវពិនិត្យមើល​លើទិដ្ឋភាព​​រួម​ទាំងអស់ ក្នុងនោះ​រួមទាំងកិច្ចព្រម​ព្រៀង​ដែលប្រទេស​ទាំងពីរមាន ក្នុងចន្លោះ​ពីឆ្នាំ១៩៥៦ រហូតមក​ដល់ឆ្នាំ ១៩៩១ ធ្វើយ៉ាងណា​ឲ្យឯកសារ​ទាំងអស់នោះបាន​ឆ្លើយតបទៅនឹ​ងបច្ចុប្បន្នភាព សម្រាប់ប្រ​ទេសទាំ​ងពីរ។ ឯកឧត្តម​នាយករដ្ឋ​មន្រ្តីរុស្ស៊ី ក៏បានគូសបញ្ជាក់​ពីការប្តេជ្ញាចិត្ត ក្នុងការជំរុញ​ទំហំពាណិជ្ជកម្ម នៃប្រទេសទាំង​ពីរ តាមរយៈការ​ជំរុញឲ្យ​មានការផ្លាស់​ប្តូរមុខ​ទំនិញ​ពីគ្នាទៅវិញ​ទៅមក រួមទាំង​ការគិតគូ​រជំរុញ​អ្នកវិនិយោគ រុស្ស៊ីមក​បណ្តាក់​ទុន​នៅកម្ពុជាលើការ​កសាង​ហេដ្ឋារ​ចនាសម្ព័ន្ធ ក្នុងនោះរួម​ទាំងផ្លូវ​ដែកផ​ងដែរ។   ក្នុងជំនួប​​ពិភាក្សា​ទ្វេភាគីនោះ​ដែរ សម្តេច​តេជោនា​យក​រដ្ឋមន្រ្តី មានប្រ​សាសន៍​ទៅកាន់​សមភាគី នាយករដ្ឋមន្រ្តីរុស្ស៊ី ខិតខំជំរុញ​ទំហំ​ពាណិជ្ជកម្ម​នៃប្រទេសទាំងពីរ​តាមរយៈ

ទី១-ត្រូវអនុវត្តនូ​វកិច្ចព្រម​ព្រៀង ដែ​លមាន​សម្រាប់ប្រ​ទេសទាំងពីរ លើវិស័យ​សេដ្ឋកិច្ច​ពាណិជ្ជកម្ម និងការ​វិនិយោគ​សម្រាប់ប្រទេសទាំង​ពីររហូត​ដល់ឆ្នាំ​២០២០

ទី២-ស្នើដល់​ភាគីរុស្ស៊ី​ផ្តល់ដល់​កម្ពុជា ក្នុងការនាំ​ចេញពីកម្ពុជា​ដោយមិនចាំ​បាច់ក្នុងការ​បង់ព័ន្ធ និង​គ្មាន​កូតា 

ទី៣-ស្នើដល់​ភាគីរុស្ស៊ី​ជួយទិញ​កសិផល និងផលិត​ផល​កសិកម្ម​ពីកម្ពុជា

និងទី៤-ស្នើបង្កើតឲ្យមាន​នូវក្រុម​ប្រឹក្សា​ធុរកិច្ចកម្ពុជា រុស្ស៊ី។

ឯកឧត្តម​នាយក​រដ្ឋមន្រ្តីរុស្ស៊ី បានឯកភាព​ចំពោះសំណើរ​របស់​ភាគី​កម្ពុជា តាម​រយៈកិច្ច​ពិភាក្សា​គ្នានោះដែរ ឯកឧត្តម​បានសន្យាថា និងជួយដល់គ្រូ​បង្វឹក​ដល់ក្រុម​កីឡា​របស់កម្ពុជា​ក្នុងការ ធ្វើជាម្ចាស់​ផ្ទះកីឡាស៊ីហ្កេ​មនៅឆ្នាំ​២០២៣​ខាងមុខ។

ក្នុងជំនួបពិភាក្សាគ្នា​នោះដែរ​ប្រមុខរដ្ឋាភិបាល​នៃប្រ​ទេសទាំងពី​រកម្ពុជា-រុស្ស៊ី ក៏បានពិភាក្សា​គ្នាយ៉ាង​យកចិត្ត​ទុកដាក់ទៅ​លើបញ្ហា​ទ្វេភាគី បញ្ហា​តំបន់ និងអន្តរ​ជាតិដែល​មានការ​យកចិត្តទុក​ដាក់​ដូចគ្នា។ បន្ទាប់ពីបាន​បញ្ចប់កិច្ច​ពិភាក្សាប្រកបដោ​យលទ្ធផល​ដ៏ត្រចះត្រ​ចង់រួចមក សម្តេចតេជោ​នាយក​រដ្ឋមន្រ្តី និងឯកឧត្តម​នាយក​រដ្ឋមន្រ្តីរុស្សី បានអញ្ជើញ​ធ្វើជាសាក្សី​ ក្នុងពិធី​ចុះហត្ថលេខា​លើឯកសារ​កិច្ចព្រមព្រៀង និងអនុស្សារណៈ​សំខាន់ៗ​ចំនួន៨ ក្នុងនោះរួមមាន

ទី១- សន្ធិ​សញ្ញាស្តីពី​បត្យាប័ន​រវាង​ព្រះរាជាណាច​ក្រកម្ពុជា និងសហព័ន្ធរុស្ស៊ី។

ទី២-អនុស្សារណៈនៃការយោគយល់​គ្នាស្តីពីកិច្ច​ស​ហប្រតិ​បត្តិការ​រវាង​ក្រសួង​យុត្តិធម៌ នៃ​ព្រះរាជាណាចក្រ​កម្ពុជា និងការិយាល័យអគ្គរដ្ឋអាជ្ញា នៃសហព័ន្ធរុស្សី។

ទី៣-អនុស្សារណៈនៃការយោគយល់គ្នា ស្តីពីកិច្ច​សហប្រតិបត្តិ​ការលើវិស័យ​ទូរគមនា​គមន៍ និង​បច្ចេកវិទ្យាព័ត៌មាន រវាងក្រសួង​ប្រៃសណី​និងទូរគ​មនាគមន៍ នៃព្រះ​រាជាណា​ចក្រកម្ពុជា​ជាមួយ និងក្រសួងទូរគមនាគមន៍ និងប្រព័ន្ធ​ផ្សព្វផ្សាយ នៃសហព័ន្ធរុស្ស៊ី។

ទី៤-អនុស្សារណៈ​ស្តីពីកិច្ច​សហប្រតិបត្តិ​ការ រវាងគណៈ​កម្មាធិការ​ជាតិអូឡាំ​ពិកកម្ពុជា និងគណៈ​កម្មាធិការអូ​ឡាំពិក​រុស្ស៊ី។

ទី៥-សេចក្តីប្រកាស​រួម​ស្តី​ពី​បញ្ជីសំណើរ​គម្រោងសម្រាប់​កិច្ចសហប្រតិ​បត្តិការ​កម្ពុជា-រុស្ស៊ី លើវិស័យពាណិ​ជ្ជកម្ម សេដ្ឋកិច្ច និងវិនិ​យោគដល់​ឆ្នាំ២០២០។

ទី៦-អនុស្សារណៈ​នៃការយោគ​យល់គ្នា រវាងក្រុមប្រឹក្សា​ជាតិ​អភិវឌ្ឍ​ដោយ​ចិរភាព នៃព្រះរាជា​ណាចក្រកម្ពុជា និងសាជីវកម្ម​ថាមពល​បរមា​ណូ រដ្ឋ ROSATOM (សហព័ន្ធរុស្ស៊ី) ស្តីពីការ​បង្កើតមជ្ឈម​ណ្ឌលព័ត៌មាន​ថាមពលនុយ​ក្លេអ៊ែរ៊។

ទី៧-អនុស្សារណៈ​នៃការយោគ​យល់គ្នា រវាងក្រុម​ប្រឹក្សា​​ជាតិ​​អភិវឌ្ឍ​ដោយចិរភាព នៃព្រះរាជា​ណាចក្រកម្ពុជា និងសាជីវកម្ម​ថាមពល​បរមាណូ រដ្ឋ ROSATOM (សហព័ន្ធរុស្ស៊ី) ស្តីពីការបង្កើតក្រុ​មការងារ​រួមកម្ពុជា-រុស្ស៊ី លើកិច្ចសហប្រតិបត្តិការ​ក្នុងការ​ប្រើប្រាស់​ថាម​ពល​បរមាណូ ក្នុងគោល​បំណង​សន្តិភាព

និងទី៨-កិច្ចព្រមព្រៀងស្តី​ពីកិច្ច​សហប្រតិបត្តិការ រវាង​ក្រសួងមហា​ផ្ទៃនៃព្រះរា​ជាណាចក្រកម្ពុជា និងក្រសួង​មហាផ្ទៃ​នៃសហព័ន្ធរុស្ស៊ី។

សូមបញ្ជាក់ផង​ដែរថា ក្នុងដំណើរ​ទស្សនកិ​ច្ចជាប្រវត្តិសាស្រ្តរបស់ ឯកឧត្តមនាយក​រដ្ឋមន្រ្តីរុស្ស៊ី ឌីម៉េទ្រីមេវេដេវ ទៅមកកាន់​ប្រទេសកម្ពុជា កាលពីខែវិ​ច្ឆិកា ឆ្នាំ២០១៥កន្លងទៅ ប្រមុខរដ្ឋាភិបាល​នៃប្រទេស​ទាំងពីរបានឯ​កភាពគ្នា ចុះហត្ថលេខា​លើ ឯកសារ កិច្ចព្រមព្រៀង និងអនុស្សារណៈ នៃការយោគយល់គ្នាលើឯកសារសំ​ខាន់ៗ ចំនួន១០ ដើម្បីពង្រឹង កិច្ច​សហប្រតិបត្តិការ នៃប្រទេសទាំងពីរ​ឲ្យកាន់តែរឹងមាំ​ទ្វេឡើងថែមទៀត៕