Wednesday, March 01, 2017

លិខិតមិត្តអ្នកអាន៖ ទន្សាយក៏រួច ត្រីរ៉ស់ក៏រួច !

ការលាលែងដ៏ស្លន់ស្លោរបស់ សម រង្ស៊ី ពីប្រធានគណបក្សសង្រ្គោះជាតិ កាលពីថ្ងៃទី១១ ខែកុម្ភៈ ឆ្នាំ២០១៧ បានធ្វើឱ្យគណបក្សនេះកំពុង ប្រឈមនិងវិបត្តិធ្ងន់ធ្ងរ ពិសេសគឺ វិបត្តិក្បាលម៉ាស៊ីនដឹកនាំ បូកបន្ថែមនិងការជ្រួលច្របល់ និងការដណ្តើមអំណាចគ្នា នៅក្នុងបក្ស ទាំងថ្នាក់លើ ទាំងថ្នាក់កណ្តាល ទាំងថ្នាក់ក្រោម។ ទីបំផុតដោយមិនអាចរង់ចាំបាន រហូតដល់ខែមេសា ឆ្នាំ២០១៧ ដើម្បីធ្វើសមាជបក្សគណបក្សសង្រ្គោះជាតិ បានសម្រេចធ្វើ សមាជវិសាមញ្ញមុនកាលកំណត់ គឺនៅថ្ងៃទី០២ ខែមីនាខាងមុខនេះ ដើម្បីជ្រើសរើសប្រធានបក្ស និងអនុប្រធាន
បក្សឡើងវិញ។ លទ្ធផលនៃកិច្ចប្រជុំគណៈកម្មាធិការអចិន្ត្រៃយ៍គណបក្សនៅល្ងាចថ្ងៃទី២៨ ខែកុម្ភៈ ឆ្នាំ២០១៧ ត្រូវបានផ្ទៃក្នុងបក្សបង្ហាញឱ្យដឹងថា គណបក្សសង្គ្រោះជាតិសម្រេចយករូបមន្ត«ប្រធាន ១ អនុប្រធាន ៣» ក្នុងនោះ កឹម សុខា និងឈរបេក្ខភាពជាប្រធានបក្ស ប៉ុល ហំម មូរ សុខហួរ និង អេង ឆៃអ៊ាង ឈរជាបេក្ខជនអនុប្រធាន។ ចំណែក យឹម សុវណ្ណ សម្រេចមិនឈរឈ្មោះធ្វើជាអនុប្រធានបក្សទេ។
សម រង្ស៊ី បានប្រាប់ទៅយឹម សុវណ្ណ នៅក្នុងសារបែកធ្លាយថារូបមន្តប្រធាន១ អនុប្រធាន៣ គឺល្អណាស់ ដែលអាចជួយឱ្យគណបក្សចៀសពីការរំលាយ និងរកអ្នកដែលមិនជាប់ពាក់ព័ន្ធនឹងរឿងក្តីក្តាំក្នុងតុលាការ។ ប៉ុន្តែនៅក្នុងចំណោមអនុប្រធានទាំងបីនាក់គឺមានម្នាក់កំពុងជាប់រឿងក្តីនៅតុលាការ ក្នុងសំណុំរឿងកុបកម្មរំដោះទីលានប្រជាធិបតេយ្យ ជាមួយ មាជ សុវណ្ណារ៉ា ទៀត ហើយត្រូវបានកម្លាំងសមត្ថកិច្ច ចាប់វាយខ្នោះឃុំឃាំងម្តងរួចមក ហើយ។ ចុះបើ មាជ សុវណ្ណារ៉ា កំពុងត្រូវជាប់ចោទ បានសម្រេចលាលែងពីសមាជិកគណៈកម្មាធិការនាយក ដើម្បីសង្គ្រោះបក្ស ចុះ មូរ សុខហួរ ដែលប្រឈមមុខនិងការចោទប្រកាន់ដូចគ្នា ហេតុអ្វីមិនលាលែងដូច ម៉ាជ សុវណ្ណារ៉ាដែរទៅ? ហេតុអ្វីបាន ជានៅក្រាញននៀលដណ្តើមតំណែង ជាអនុប្រធានបក្សធ្វើអ្វី? ដូច្នេះក្នុងចំណោមអនុប្រធានបក្សនេះ មូរ សុខហួរ គឺជាមនុស្សនៅមានជាប់បណ្តឹងនៅតុលាការ ហើយងាយនិងបង្កហានិភ័យ គ្រប់ពេលចំពោះគណបក្សសង្គ្រោះជាតិ។ បើយកល្អ មូរ សុខហួរ គួរតែក្លាហានលាលែងពីសមាជិកជាន់ខ្ពស់គណបក្សសង្គ្រោះជាតិ និងហ៊ានក្លាហានបោះបង់ តំណែងជាអនុប្រធានគណបក្សចោល ដើម្បីសង្គ្រោះបក្សដូចលោកប្រធានខ្លួនដែរ។
កាលដែលសម្រេចដាក់ មូរ សុខហួរ ជាបេក្ខជនអនុប្រធាននេះ ក៏មិនអាចស្រោចស្រង់បក្សបានឡើយ ហើយម្យ៉ាងទៀតក្នុងចំណោមអនុប្រធានបក្ស មកពីក្រុម សម រង្ស៊ី គឺសុទ្ធតែគីឡូអន់ទាំងអស់។ ថា មូរ សុខហួរ ជាប់បណ្តឹងនៅតុលាការ បើ អេង ឆៃអ៊ាង វិញលើកមកធ្វើជាអនុប្រធានបក្ស ក៏ពិបាកព្រោះមានរឿងអាស្រូវផ្លូវភេទផង និងជាអ្នកញៀនល្បែងស៊ីសងផង។ កុំថាឡើយអាចទប់ទល់នឹងឥទ្ធិពលរបស់លោក កឹម សុខា អនុប្រធានបក្ស ពីររូបនេះមិនអាចទប់នឹង ប៉ុល ហំម បានផង។ ប៉ុល ហំម គឺជាមនុស្សទី២ បន្ទាប់ពី កឹម សុខា និងជាអ្នករៀបយុទ្ធសាស្រ្តជាមួយក្រុម យ៉ែម ប៉ុញ្ញាឬទ្ធិ ដើម្បីឱ្យ កឹម សុខា បានឈរជើងនយោបាយក្នុងគណបក្សប្រឆាំង និងក្តោបក្តាប់គណបក្សនេះទៅតាមស្ថានភាពជាក់ស្តែង។ ខាង កឹម សុខា គឺស្ថិតក្នុងស្ថានភាពដូចត្រូវឆ្នោតអញ្ចឹង។
ដូច្នេះបើសិនជាព័ត៌មាននេះជាការពិត សម រង្ស៊ី មិនត្រឹមតែលាលែងដើម្បីសង្គ្រោះបក្សដោយគ្មានន័យទេ ប៉ុន្តែបានបាត់បង់បក្សទាំងមូលតែម្តង ព្រោះកឹម សុខា បានគ្រប់គ្រងបក្ស ហើយ ប៉ុល ហំម មកពីក្រុម កឹម សុខា ជាអនុប្រធានមានឥទ្ធិពល ខណៈ មូរ សុខហួរ វិលវល់ក្នុងបណ្តឹង អេង ឆៃអ៊ាង ងប់នឹងល្បែងស្រីស្រា។ តើឱ្យក្រុម សម រង្ស៊ី សង្ឃឹមអ្វី? ដូច្នេះបើបេក្ខភាព មូរ សុខហួរ មិនត្រូវបានគិតពិចារណាឡើងវិញទេ អាចបក្សសង្គ្រោះ ជាតិ នៅតែប្រឈមមុខនឹងរឿងក្តីក្តាំដដែលដោយសារតែបុគ្គល មូរ សុខហួរ អាចនាំចង្រៃដល់អ្នកផ្សេង ឬអាចដល់បក្សទាំងមូល។ ដូច្នេះក្រុម សម រង្ស៊ី ពិតជាពិបាកថា តើត្រូវរកមនុស្សណាដែលអាចបំពេញតំណែងនេះបាន។ ឯ យឹម សុវណ្ណ វិញ មានរឿងអាស្រូវផ្លូវភេទផិតក្បត់ល្បីល្បាញពេក ហើយ មនុស្សក្នុងបក្ស មិនសូវចូលចិត្តទៅទៀត។ យឹម សុវណ្ណ ត្រូវមន្ត្រី សម រង្ស៊ី និយាយថាជាមនុស្សដប់គត់ និងមិនអាចទប់ជាមួយ កឹម សុខា បានទេ។ ដើម្បីកុំឱ្យមានភាពប្រទាំងប្រទិស យឹម សុវណ្ណ ក៏យកលេសថា ខ្លួនមិនចង់ធ្វើប្រធានបក្សទេ។ តើនរណាអាចត្រូវជំនួសបេក្ខភាព មូរ សុខហួរ បើបក្សសម្រេចចិត្តមិនគាំទ្រឱ្យធ្វើជាបេក្ខភាពអនុប្រធានគណបក្ស ដើម្បីបោះឆ្នោតនៅក្នុងសមាជថ្ងៃទី២ មីនាទេនោះ?
ដើររកក្នុងបក្សសង្រ្គោះជាតិយូរៗទៅកាន់តែអត់ឃើញទៅ រកតែអ្នកគ្រាន់បើមួយមកធ្វើថ្នាំក៏មិនបានហើយ ចុងក្រោយគេអាចសំឡឹងឃើញ អ្នកនៅក្រៅឆាក ក្រៅបក្សសង្រ្គោះជាតិ ឈប់ធ្វើនយោបាយឱ្យមកជួយទប់ជាមួយ កឹម សុខា ទៅវិញ ហើយគិតថា ជាថ្នាំយិនស៊ិនរយឆ្នាំសម្រាប់ក្រុម សម រង្ស៊ី! លោក គង់ គាំ ដែលមិនមែនជាសមាជិកគណៈកម្មាធិការនាយក ឬសមាជិកគណបក្សសង្រ្គោះជាតិ និងបានស្បថលាឈប់ធ្វើ នយោបាយពីប្រធានបែបទីម៉ោង នៃគណបក្ស សម រង្ស៊ី ក៏ត្រូវបានគេគិតពិចារណាដែរ សម្រាប់បេក្ខភាពបម្រុងសម្រាប់តំណែងអនុប្រធាន
គណបក្សសង្រ្គោះជាតិក្នុងករណីដែលបេក្ខភាពណាមួយត្រូវបានច្រានចោល ប្រហែលអាចជាគេគិតថា ជាមនុស្សទី២ នៅក្នុងគណបក្សសម រង្ស៊ី ស្រាប់។
គិតយូរៗទៅ បើមិនសើចមិនបាន ព្រោះវាអស់សំណើចជាងអាយ៉ៃនាយ ព្រហ្ម ម៉ាញ ទៅទៀត! ចុះឥស្សរជនគ្រាក់ៗរបស់ក្រុម សម រង្ស៊ី ទៅណាអស់ហើយ ឬនៅក្នុងគណបក្សសង្រ្គោះជាតិ មានតែក្រុម កឹម សុខា ទេ ដែលមានសមត្ថភាពខ្លាំង? ប៉ុន្តែម្យ៉ាងដែរ បើចុងក្រោយដោយ សារតែគេពិនិត្យឃើញថា បេក្ខភាព មូរ សុខហួរ សម្រាប់អនុប្រធានបក្សអាចបង្កបញ្ហាដល់បក្សទាំងមូល គេអាចនឹងងាកមករក លោក គង់ គាំ ហើយបើមែននោះ គឺជាសេណារីយ៉ូរបស់ក្រុម សម រង្ស៊ី រៀបទប់ជាមួយ កឹម សុខា មែន! ប៉ុន្តែ វាជារឿងមិនទំនង ហើយតើសេះជរា ដែលបានលាចាក ពីពិភពគុណទៅហើយនោះ នៅអាចរត់ប្រណាំងជាមួយសេះខ្លាំង ដែលមានសមត្ថភាពមួយយប់ ដល់ទៅពីរដងបានដូចម្តេច? ប៉ុន្តែទោះចង់ឬមិនចង់ គង់ គាំ ក៏ដូចជា សម រង្ស៊ី ជាអ្នកនយោបាយចាញ់ចាស់វស្សា។
តែសំខាន់ទោះបីជាដាក់នរណាចូលក៏ដោយ ក៏មិនអាចទប់ទល់យីអ៊ុនរបស់ កឹម សុខា និងក្រុមរបស់គាត់ ដែលទេវតាប្រទានឱ្យនោះឡើយ។ ហេហេ! មិនត្រឹមតែកឹម សុខា ទេ ដែលមានយីអ៊ុនឡើង សូម្បីអ្នកដើរតាមក៏បានសើមមាត់សើមកដែរ រីឯក្រុម សម រង្ស៊ី និងអ្នកដើរតាមក៏យីអ៊ុនធ្លាក់តាម មេដឹកនាំខ្លួនដែរ! ដូចពាក្យចាស់និយាយថា «ទន្សាយក៏រួច ត្រីរ៉ស់ក៏រួច!»៕
ប្រពភ Freshnew ៖

គិតតែលើការប្រឆាំងការជួញដូរកុមារ និងពលកម្មកុមារ តើមានដែលគិតដល់សិទ្ធិរស់រានមានជីវិតរបស់កុមារដែរឬទេ?

នៅព្រឹកថ្ងៃទី ០១ ខែមីនា ឆ្នាំ ២០១៧នេះ ប្រមុខរាជរដ្ឋាភិបាលកម្ពុជា លោកនាយករដ្ឋមន្រ្តី ហ៊ុន សែន បានលើកឡើងជាសំណួរថា គិតតែលើការប្រឆាំងការជួញដូរកុមារ និងពលកម្មកុមារ តើមាន​ដែលគិតដល់សិទ្ធិរស់រានមានជីវិតរបស់កុមារដែរឬទេ? ។ លោក បានលើកឡើងដូចនេះ ក្នុងឱកាសអញ្ជើញជាអធិបតីបើកសន្និសីទអន្តរជាតិថ្នាក់តំបន់អាស៊ីប៉ាស៊ីហ្វិក ស្តីពីការអភិវឌ្ឍន៍​​​ កុមារតូច ដែលរៀបចំដោយ ក្រសួងអប់រំយុវជន និងកីឡា នៅសណ្ឋាគារអង្គរអេរ៉ា ខេត្តសៀម​រាប។
លោកនាយករដ្ឋមន្រ្តី ហ៊ុន សែន បានលើកឡើងសម្រាប់ជាការពិចារណា​ និងធ្វើការថ្កោល​ទោស​​​ចំពោះ​ប្រទេស​ដែល​នាំកងទ័ពឈ្លានពានគេ សម្លាប់កុមារ ដែលមិនត្រឹមតែ​នៅក្នុង​ប្រទេ​ស​​​របស់គេនោះទេ ថែមទាំងប្រទេសខ្លួនឯងផងដែរ។ លោក ក៏បានលើកឡើងថា កុំខ្លា​ច​ពួក​​ចក្រ​​ពត្តិនិយមដែលបាន និង​កំពុង​​ឈ្លានពានប្រទេសគេ និងសម្លាប់កុមារជាច្រើន​នៅ​ប្រ​ទេស​​​អ៊ីរ៉ាក់ លីប៊ី និងស៊ីរីជាដើម។
ប្រមុខរាជរដ្ឋាភិបាលកម្ពុជា លោក ហ៊ុន សែន ក៏បានបញ្ជាក់ថា លោក ក៏ធ្លាប់ជាកុមាររងគ្រោះ ក្រោមរបបអាណានិគមនិយមបារាំង នៅពេលដែលមានសង្គ្រាមតស៊ូដណ្តើមឯករាជ្យ។ ក្រោយ​​​​មកទៀត លោក បានរងគ្រោះដោយសារការឈ្លានពាន ពីកងទ័ពចក្រពត្តិអាមេរិក ដែល​​​​បានទម្លាក់គ្រាប់បែក​​សម្លាប់កុមារជាច្រើននៅក្នុងប្រទេសកម្ពុជា និងឥណ្ឌូចិន។ ដោយ​សារ​ជាតិ​​គីមី​ពី​សង្រ្គាមធ្វើឱ្យកុមារខ្វះទម្ងន់ ឆែបមាត់ ពិការ ដែលគួរតែត្រូវបាន​ថ្កោលទោស​  ផ​ង​​​​ដែរ។
លោក ហ៊ុន សែន ក៏បានបញ្ជាក់ថា សហរដ្ឋអាមេរិក បានសម្លាប់គេជាច្រើន ហើយមក​តាំង​ខ្លួន​ធ្វើជា​គ្រូប្រដៅគេទៀត នៅប្រទេសគេសោះ ហ៊ានចេញរបាយការណ៍​ពីការរំលោភសិទ្ធិ​មនុស្ស សិទ្ធិកុមារ ពលកម្មកុមារ តើអាមេរិកមានដែលចេញរបាយការណ៍ ​ថាខ្លួនបាន​ឈ្លាន​ពា​ន​គេ បានសម្លាប់​កុមារប៉ុន្មាននាក់ក្នុងប្រទេសនានាដែរឬទេ?


អភិ​បាលរាជ​ធានីភ្នំ​ពេញ កែប្រែតំបន់​ត្រពាំង​ឈូក​ពីប្លុក​គ្រឿងញៀន​ទៅ​ជាតំបន់​​មាន​សណ្តាប់​ធ្នាប់ និង​អភិវឌ្ឍ

ភ្នំពេញ៖ អភិបាលរាជធានីភ្នំពេញសម្រេចកែលំអតំបន់ត្រពាំងឈូក ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ឱ្យទៅជាតំបន់ដែលមានសណ្តាប់ធ្នាប់រៀបរយល្អទំាងលំនៅដ្ឋាន និងអនាម័យបរិស្ថានឱ្យកាន់តែល្អ បន្ទាប់ពីតំបន់នេះ ត្រូវបានបោសសំអាតបញ្ហាគ្រឿងញៀនរួចរាល់។
ក្នុងឱកាសចុះត្រួតពិនិត្យតំបន់ត្រពាំងឈូកបន្ទាប់ពីសមត្ថកិច្ចបានបោសសំអាតបញ្ហា សេពគ្រឿងញៀន ចែកចាយ ជួញដូរគ្រឿងញៀនចប់រួចរាល់នៅរសៀលថ្ងៃទី២៨ ខែកុម្ភៈ ឆ្នាំ២០១៧ លោក ប៉ា សុជាតិវង្ស អភិបាលរាជធានីភ្នំពេញបានឱ្យដឹងថា សាលារាជធានីភ្នំពេញ នឹងចុះសម្របសម្រួលជាមួយប្រជាពលរដ្ឋនៅតំបន់នេះ ដើម្បីរុះរើលំនៅដ្ឋានបន្ថែម ហើយស្តារសំរាម ទឹកលូឱ្យបានស្អាតនៅពេលឆាប់ៗនេះ សំដៅអភិវឌ្ឍតំបន់នេះឱ្យបានល្អឡើងវិញ។
លោកបញ្ជាក់ថា ដើម្បីប្រែក្លាយតំបន់នេះឱ្យបានល្អតាមការគ្រោងទុកនោះ អាជ្ញាធរ នឹងចុះធ្វើជំរឿនស្ថិតិឡើងវិញពីចំនួនប្រជាពលរដ្ឋ និងខ្នងផ្ទះនីមួយៗ ហើយធ្វើសល្កបត្រដីធ្លី អំពីផ្ទះសម្បែងរបស់ពួកគេឱ្យបានច្បាស់លាស់ ហើយប្រើរូបមន្តស្រុះស្រួលគ្នា ដោយមិនប្រើអំណាចរដ្ឋបាលឡើយ។
ការកែប្រែតំបន់នេះ ធ្វើឡើងខណៈដែលទីនេះមានលក្ខណៈស្មុគស្មាញហើយ មានបទល្មើសផ្សេងៗ កើតឡើងជារឿងៗ ជាពិសេសបញ្ហាគ្រឿងញៀន ដែលធ្វើឱ្យអាជ្ញាធរពិបាក គ្រប់គ្រងហើយបង្ករជាក្តីបារម្ភពីបញ្ហាសន្តិសុខសុវត្ថិភាពចំពោះប្រជាពលរដ្ឋ៕

លោក ហ៊ុន សែន បញ្ជាក់ថា អាមេរិកបានឈ្លានពានគេហើយតាំងខ្លួនធ្វើជាគ្រូប្រដៅគេទៀត

នៅព្រឹកថ្ងៃទី ០១ ខែមីនា ឆ្នាំ ២០១៧នេះ ប្រមុខរាជរដ្ឋាភិបាលកម្ពុជា លោកនាយករដ្ឋមន្រ្តី ហ៊ុន សែន បានថ្កោលទោស ចំពោះសហរដ្ឋអាមេរិក ដែលបានឈ្លានពានគេ ហើយ​តាំងខ្លួ​ន​ធ្វើ​ជា​គ្រូប្រដៅ​គេ​​ទៀត។ លោក បានលើកឡើងដូចនេះ ក្នុងឱកាសអញ្ជើញជាអធិបតីបើកសន្និ​​សីទអន្តរជាតិថ្នាក់តំបន់អាស៊ីប៉ាស៊ីហ្វិក ស្តីពីការអភិវឌ្ឍន៍​​​ កុមារតូច ដែលរៀបចំដោយ ក្រសួង​​អប់រំយុវជន និងកីឡា នៅសណ្ឋាគារអង្គរអេរ៉ា ខេត្តសៀមរាប

លោក ហ៊ុន សែន បានបញ្ជាក់ថា សហរដ្ឋអាមេរិក បានសម្លាប់គេជាច្រើន ហើយមក​តាំង​ខ្លួន​ធ្វើជា​គ្រូប្រដៅគេទៀត នៅប្រទេសគេសោះ ហ៊ានចេញសេចក្តីថ្លែងការណ៍ពី​ទីក្រុងវ៉ាស៊ីន​តោ​ន ស្តី​​​ពី​ការរំលោភសិទ្ធិ​មនុស្ស សិទ្ធិកុមារ ពលកម្មកុមារ ការរំលោភសេរីភាព តើអាមេរិកមាន​ដែល​​ចេញ​របាយការណ៍ ​ថា​ខ្លួនបាន​ឈ្លាន​ពា​ន​គេ បានសម្លាប់​កុមារប៉ុន្មាននាក់​ក្នុងប្រទេស​នា​នា​​ដែរឬទេ?

ពាក់ព័ន្ធនឹងបញ្ហាសិទ្ធិសេរីភាព ប្រមុខរាជរដ្ឋាភិបាលកម្ពុជា លោកនាយករដ្ឋមន្រ្តី ហ៊ុន សែន ក៏បានលើកឡើងថា លោកប្រធានាធិបតីអាមេរិក ដូណាល់ត្រាំ បានហាមឃាត់ មិនឱ្យ​សារ​ព័ត៌​មានមួយចំនួនចូលយកព័ត៌មាននៅសេតវិមានហាមឃាត់មិនឱ្យមានជន​ភៀសខ្លួនមកពី​៧​​​​ប្រ​ទេស ចូលសហរដ្ឋអាមេរិក៕


លោក ចម ប្រសិទ្ធ ជំរុញ​កិច្ចសហប្រតិបត្តិការ​ជាមួយ​ជប៉ុន លើគ​ម្រោងបង្កើត​​ប្រព័ន្ធ​ប្រព្រឹ​ត្តិកម្មទឹ​កស្អាតថ្មី​ក្រុងតា​ខ្មៅ

ភ្នំពេញ៖ លោក ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម នាព្រឹកថ្ងៃទី ២៨ ខែកុម្ភៈ ឆ្នាំ២០១៧ បានអញ្ជើញជួបពិភាក្សាការងារជាមួយប្រតិភូតំណាងការិយាល័យទឹកស្អាត និងទឹកកខ្វក់នៃទីក្រុង kitakyushu ប្រទេសជប៉ុន ដោយផ្តោតការយកចិត្តទុកដាក់ទៅលើ ប្រព័ន្ធប្រព្រឹត្តិកម្មទឹកស្អាតថ្មី សម្រាប់ផ្គត់ផ្គង់សង្កាត់ចំនួន០៦ ក្នុងក្រុងតាខ្មៅ តាមរយៈគម្រោងជំនួយថ្មីរបស់រាជរដ្ឋាភិបាលជប៉ុន។
លោក Osamu ISAYAMA នាយកប្រតិបត្តិ និងជាប្រធានគណៈប្រិភូ បានជម្រាបជូនថា៖ គម្រោងជំនួយថ្មីរបស់រាជរដ្ឋាភិបាលជប៉ុននេះ ត្រូវដាក់ទុនវិនិយោគជាមួយក្រុមហ៊ុនជប៉ុនមួយ ដែលនឹងបង្កើតឡើង ហៅថាក្រុមហ៊ុន SPC (Special Purpose Company) មានកាតព្វកិច្ច សាងសង់ ប្រតិបត្តិការ និងថែរក្សា ។ ឯភាគីកម្ពុជា ជាអ្នកផ្តល់ទីតាំង និងប្រភពទឹក។ តាមផែនការ និងបញ្ចប់គម្រោងសាងសង់ និងដាក់ឱ្យដំណើរការរោងចក្រនៅឆ្នាំ២០២០ ដោយយកប្រភពទឹកពីទន្លេបាសាក់ មានសមត្ថភាពផលិតជាបណ្តើរៗរហូត បាន ៣ម៉ឺនម៉ែត្រគូប ក្នុងមួយថ្ងៃ នៅឆ្នាំ២០៣០។ បន្ទាប់ពីដំណើការរយៈពេល ១០ឆ្នាំ និងប្រគល់ឱ្យភាគីកម្ពុជាជាអ្នកប្រតិបត្តិការវិញ។
លោក ចម ប្រសិទ្ធ បានស្វាគមន៍ចំពោះគម្រោងនេះ និងវាយតម្លៃខ្ពស់ចំពោះសមត្ថភាពរបស់អ្នកជំនាញទឹកស្អាតមកពីទីក្រុង kitakyushu តែលោកសូមស្នើថា ពេលគម្រោងនេះចាប់ដំណើរការភ្លាមគឺត្រូវ មានសមត្ថភាពផលិតឱ្យបាន ៣ម៉ឺនម៉ែត្រគូបតែម្តង មិនចាំបាច់ដល់ឆ្នាំ២០៣០ទេ ពីព្រោះកំណើនប្រជាជន និងតម្រូវការប្រើប្រាស់តាមល្បឿនសេដ្ឋកិច្ចរបស់ជាតិ ពិតជាលូតលាស់លឿនណាស់។ ម៉្យាងគោលដៅរបស់រដ្ឋាករ ទឹកស្វយ័តក្រុងភ្នំពេញ ដែលនឹងត្រូវជាវដុំពីការផលិតទឹកស្អាតរបស់គម្រោងក្រុមហ៊ុនជប៉ុននេះ គឺមិនត្រឹមផ្គត់ផ្គង់គ្របដណ្តប់ត្រឹម ០៦ សង្កាត់ប៉ុណ្ណោះទេ និងត្រូវពង្រីកតំបន់ជុំវិញនោះជាច្រើនទៀត ជាពិសេសតំបន់ភាគខាងលិចរាជធានីភ្នំពេញ។
ទោះជាយ៉ាងណាលោក ចម ប្រសិទ្ធ បានស្នើដល់ភាគីជប៉ុនពិភាក្សាលំអិតផ្នែកបច្ចេកទេស ជាមួយអ្នកជំនាញនៃរដ្ឋាករទឹកស្វយ័តក្រុងភ្នំពេញ ដើម្បីឱ្យប្រាកដថា តម្លៃទឹកលក់ដុំមកឱ្យរដ្ឋាករទឹកស្វយ័តក្រុងភ្នំពេញ ត្រូវមានតម្លៃថោកជាងតម្លៃលក់រាយបច្ចុប្បន្ន ជៀសវាងលក់ក្នុងតម្លៃថ្លៃ ដែលធ្វើប៉ះពាល់ដល់កម្រិតជីវភាពប្រជាពលរដ្ឋ ដែលរាជរដ្ឋាភិបាលកំពុងយកចិត្តទុកដាក់ និងចាត់ទុកទឹកស្អាតជាវិស័យអាទិភាពក្នុងការលើកកម្ពស់សុខមាលភាព និងការកាត់បន្ថយភាពក្រីក្រ៕


លោក សុខ ឥសាន ៖ គួរឱ្យអស់សំណើចណាស់ អ្នកគុណនិយម លោតខុសក្បាច់គុណ

លោក សុខ ឥសាន អ្នកនាំពាក្យគណបក្សប្រជាជនកម្ពុជានៅព្រឹកថ្ងៃទី០១ ខែមីនា ឆ្នាំ២០១៧នេះ បានលើកយកទស្សនៈមួយមកបង្ហាញស្តីពី ៖  អ្នកគុណនិយម លោតខុសក្បាច់គុណ! ដែលមានខ្លឹមសារដូចខាងក្រោម៖
សម រង្សី ជាអ្នកល្បីគុណនិយមខាងនយោបាយ ប្រកបដោយគំនុំ និងសងសិកដ៏មានសក្តានុពល ។ គេកត់សម្គាល់ឃើញថាតាំងពីចាប់ពីចូលប្រទ្បូកក្នុងពិភពគុននយោបាយពីឆ្នាំ  ១៩៩៥មក សម រង្សីសន្សំបានទុនមួយចំនួនគួរឱ្យមានសង្ឃឹមទៅអនាគតដែរ ។
ប៉ុន្តែ គួរឱ្យហួសចិត្ត នៅពេលបានទុនខ្លះ មិនគិតខំប្រឹងបន្តឋាមពលនយោបាយទេ បែរភ្លើនភ្លើននិងជ័យជំនះនេះ ទៅជាមានមោទនភាពបុគ្គលខ្លាំងពេក ភ្លេចស្មារតី សន្តិភាពនិយម បែរមកប្រើធម៌ប្រមាថ ប្រជាជន ប្រមាថគេឯង ប្រមាថខ្លួនឯង ឈានដល់អន្តរាយខ្លួនជាបណ្ដើរៗ រហូតដល់ក្ស័យធនខាងនយោបាយ បាត់បង់អស់តួនាទីខ្ពស់បំផុតក្នុងបក្ស បាត់បង់អស់ជឿទុកចិត្តពីមហាជន ដោយសារភូតភរច្រើន បោកប្រាស់ច្រើន ដោយសារនាំ​គេលោតខុសក្បាច់​គុណនាំទៅរកបរាជ័យ បើតាមពាក្យនយោបាយគឺនាំគេទៅ​រកការធ្វើខុសឆ្គងខាងយុទ្ធសាស្ត្រ នយោបាយ  នាំគ្រោះដល់ជាតិ ។ ដោយរអើលខ្លួន សម រង្សី បានបង្ខំចិត្តលាឈប់ពីប្រធានបក្ស និងពីសមាជិកបក្ស
ដោយងងឹតងងល់។
ប៉ុន្មានថ្ងៃក្រោយមក និកស្តាយតួនាទី សមរង្សី បែរជាចង់ដាក់ប្រពន្ធខ្លួនឱ្យធ្វើជាអនុប្រធាន គ្រាន់នៅមានុទយោ បញ្ជាណែនាំ តែដល់ព្ញុប្រតិកម្មពីមហាជន សម រង្សីធ្វើបែបក្លាហានអះអាង​ថាមិនមានគំនិតដាក់​ប្រពន្ធឱ្យធ្វើអនុប្រធានទៀត ឥទ្បូវខកដំណើរទៀតទោះចង់ដាក់ក៏ដាក់មិនបានដែ​រ​ហួសពេលហើយបងមានតែនៅស្ងៀមបណ្តោយ​​តាមយថាកម្មទៅចុះ ធ្វើម៉េចចំណេះជិះកឯងទៅហើយ ។
ដូច្នេះ ដោយសារមោទនភាពបុគ្គលខ្លាំងពេក ដោយសារក្បាច់គុណគ្មានគូប្រៀបនេះហើយបានជាធ្វើឱ្យ សម រង្សីបាត់បង់អ្វីៗទាំងអស់ពីដៃ កុំថាចង់សង្គ្រោះជាតិ សង្គ្រោះតែខ្លួនឯងក៏មិនបាន សង្គ្រោះប្រពន្ធក៏មិនបាន តើឱ្យប្រជាជនសង្ឃឹមស្អីទៅ បើ សម រង្សី យោងតែខ្លួនឯងមិនបានផងនោះ ។
នេះហើយបានហៅថា អ្នកគុណនិយម លោតខុសក្បាច់ គុណ  គ្រេចចង្កេះ ប្រកាច់លែងងើបរួចហើយ  តើឱ្យនរណាជឿបានទៅ ?
សូមទ្រាំតាមកម្មទៅ នេះជាកម្មផលនៃអំពើប្រព្រឹត្ត របស់យើងហើយ អាវ៉ា ៕


ក្រសួងរ៉ែ និង​ថាមពល រៀប​ចំសិក្ខា​សាលា ស្តីពី​ការអភិវឌ្ឍ​អាជីវ​កម្មរ៉ែ អណ្តូងរ៉ែ​បើក​

ភ្នំពេញ៖ ក្រសួងរ៉ែ និងថាមពល រៀបចំសិក្ខាសាលា ស្តីពីការអភិវឌ្ឍអាជីវកម្មរ៉ែ អណ្តូងរ៉ែបើក ក្រោមកិច្ចសហការជាមួយ JICA អគ្គនាយកដ្ឋានធនធានរ៉ែ ស្តីពីការអភិវឌ្ឍអាជីវកម្មរ៉ែអណ្តូងរ៉ែបើក ដឹកនាំ និងអធិបតីភាព លោក យស មុនីរ៉ាត់ អគ្គនាយកនៃអគ្គនាយកដ្ឋានធនធានរ៉ែ នៅថ្ងៃទី២៨ ខែកុម្ភៈ ឆ្នាំ២០១៧ រាជធានីភ្នំពេញ។
សូមជម្រាបផងដែរថា សិក្ខាសាលានេះ រៀបចំឡើងក្នុងគោលបំណងផ្សព្វផ្សាយអំពី សៀវភៅណែនាំសុវត្ថិភាពការដ្ឋានរ៉ែ ដែលជាសៀវភៅមគ្គុទេសន៍សម្រាប់មន្ត្រីជំនាញរ៉ែ ក្នុងការគ្រប់គ្រងអាជីវកម្មរ៉ែអណ្តូងរ៉ែបើកឱ្យកាន់តែមានប្រសិទ្ធភាព៕

គណៈកម្មាធិ​ការជាតិរៀប​ចំការបោះ​ឆ្នោត ស្វាគមន៍ការចូ​លរួមរបស់​អ្នកអង្កេតកា​រអន្តរជាតិ សម្រាប់កា​របោះឆ្នោត​ក្រុមប្រឹក្សាឃុំ-សង្កាត់

ភ្នំពេញ៖ គណៈកម្មាធិការជាតិរៀបចំការបោះឆ្នោតបានឱ្យដឹងថា ការបោះឆ្នោតមិនអាចប្រព្រឹត្តទៅបានល្អប្រសើរទេ ប្រសិនបើគ្មានអ្នកអង្កេតការណ៍ជាតិ និងអន្តរជាតិ។ លោក ហង្ស ពុទ្ធា បានថ្លែងបែបនេះប្រាប់ក្រុមអ្នកសារព័តមានអំឡុងកិច្ចប្រជុំផ្សព្វផ្សាយស្តីពីនីតិវិធីនៃការសុំចុះបញ្ជីបេក្ខជនឈរឈ្មោះបោះឆ្នោតនៃគណបក្សនយោបាយ និងនីតិវិធីនៃការប្តឹងតវ៉ា ប្តឹងជំទាស់ និងដោះស្រាយពាក្យបណ្តឹងទាក់ទងនឹងការចុះបញ្ជីបេក្ខជនសម្រាប់ការបោះឆ្នោតជ្រើសរើសសមាជិកក្រុមប្រឹក្សាឃុំ សង្កាត់អាណត្តិទី៤ ឆ្នាំ២០១៧ នាទីស្តីការ គណៈកម្មាធិការជាតិរៀបចំការបោះឆ្នោត នៅថ្ងៃទី២៨ ខែកុម្ភៈ ឆ្នាំ២០១៧ ។
លោក ហង្ស ពុទ្ធា អ្នកនាំពាក្យរបស់គណៈកម្មាធិការជាតិរៀបចំការបោះឆ្នោត មានប្រសាសន៍ថា ការបោះឆ្នោតជ្រើសរើសក្រុមប្រឹក្សាឃុំសង្កាត់ នាពេលខាងមុខនេះមិនអាចដំណើរការដោយរលូន និងល្អប្រសើរទេ ប្រសិនណាបើគ្មានការចូលរួមពីក្រុមអ្នកអង្កេតការណ៍នានានោះ។
លោកបានបន្តថា តាមគម្រោងក្រុមអ្នកអង្កេតការមកពីសហគមន៍អឺរ៉ុបមួយចំនួននឹងចូលរួមជាមួយក្រុមអ្នកអង្កេតការណ៍ជាតិសម្រាប់ការបោះឆ្នោតនេះ ប៉ុន្តែមិនទាន់ដឹងថា មានចំនួនប៉ុន្មាននាក់នោះទេ។ ភាគីជប៉ុនមិនមានគម្រោងបញ្ចូនអ្នកអង្កេតការណ៍មកចូលរួមការបោះឆ្នោតឃុំសង្កាត់ទេ គ្រាន់តែបញ្ចូនក្រុមជំនាញការបោះឆ្នោតមកធ្វើការជាមួយមន្ត្រីគណៈកម្មាធិការជាតិរៀបចំការបោះឆ្នោតប៉ុណ្ណោះ។
លោក ហង្ស ពុទ្ធា បានបញ្ជាក់ឱ្យដឹងផងដែរថា បច្ចុប្បន្នគណៈកម្មាធិការជាតិរៀបចំការបោះឆ្នោតកំពុងរៀបចំចុះបញ្ជីគណបក្សនយោបាយឈរឈ្មោះ សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ ដែលនឹងប្រព្រឹត្តទៅនៅថ្ងៃទី០៤ ខែមិថុនា ២០១៧ ។ ចំនួនឃុំសង្កាត់នៅទូទាំងប្រទេសមានចំនួន១៦៤៦ ការិយាល័យបោះឆ្នោតមានចំនួន ២២១៤៨ ការិយាល័យ ខណៈដែលចំនួនអ្នកមានសិទ្ធិបោះឆ្នោតដែលបានចុះឈ្មោះរួចមានជាង៧.៨លាននាក់៕

លោកនាយករដ្ឋមន្ត្រី ហ៊ុន សែន គាំទ្រ និងលើកទឹកចិត្តដល់អ្នកផលិតសាស្រ្តាស្លឹករឹទ្ធ វ័យក្មេងក្នុងខេត្តសៀមរាប

(សៀមរាប)៖ នៅរសៀលថ្ងៃទី២៨ ខែកុម្ភៈ ឆ្នាំ២០១៧ លោក ហ៊ុន សែន បានផ្តល់កិត្តិយសឱ្យអ្នកនាង ភឿន ផាវី អាយុ៣០ឆ្នាំ និងម្តាយ រួមទាំងកូនតូច បានចូលជួបសំដែងការគួរសម និងលើកទឹកចិត្តចំពោះអ្នកនាងដែលចេះចារសាស្ត្រាស្លឹករឹទ្ធ ដែលស្ទើតែបាត់បង់អស់ទៅហើយនោះ។
លោក ហ៊ុន សែន រីករាយសាទរ និងកោតសរសើរចំពោះការខិតខំប្រឹងប្រែងរបស់ អ្នកនាង ភឿន ផាវី ក្នុងការចារផលិតសាស្ត្រាស្លឹករឹទ្ធឡើងវិញនៅក្នុងខេត្តសៀមរាបនេះ។
លោកបានគាំទ្រ និងលើកទឹកចិត្តដល់គាត់ក្នុងការផលិតសាស្រ្តាស្លឹករឹទ្ធឡើងវិញ និងបង្កើនការបណ្តុះបណ្តាលសិស្សានុសិស្សឱ្យចេះដឹងបានច្រើនដើម្បីរក្សាតម្លៃមរតកវប្បធម៍ខ្មែរ។
ការផលិតសាស្ត្រាស្លឹករឹទ្ធថ្មីនេះ គឺជាការគិតគូរមួយ ដើម្បីរក្សាទុកសម្រាប់កូនចៅជំនាន់ក្រោយអោយបានស្កាល់ថាជាស្នាដៃរបស់ខ្មែរ។ ទន្ទឹមនឹងនេះ លោកនាយករដ្ឋមន្ត្រី ហ៊ុន សែន បានណែនាំឱ្យអ្នកនាង ភឿន ផាវី ប្រឹងប្រែងដុសខាត់សមត្ថភាពឱ្យកាន់តែល្អប្រសើរថែមទៀត ដើម្បីធ្វើឱ្យការផលិតស្លឹករឹទ្ធនេះកាន់តែមានគុណភាពល្អ។
លោក បានណែនាំឱ្យអ្នកផលិតស្លឹករឹទ្ធវ័យក្មេងរូបនេះប្រមូលផ្តុំអ្នកដែលធ្លាប់មានបទពិសោធន៍ ឬសមត្ថភាពធ្វើសាស្ត្រាស្លឹករឹទ្ធ ដើម្បីចូលរួមជាមួយគ្នាធ្វើឱ្យសង្វាក់នៃការផលិតសាស្ត្រាស្លឹករឹទ្ធបានឆាប់លឿននិងកាន់តែច្រើន។ ដើម្បីគាំទ្រ លើកទឹកចិត្តដល់អ្នកផលិតស្រ្តាស្លឹករឹទ្ឋ និងថែរក្សានូវកេរ្តិ៍មរតកដូនតាយើងអោយបានគង់វង្ស លោក ហ៊ុន សែន បានធានាទិញសាស្ត្រាស្លឹករឹទ្ធដែលផលិតបានទាំងអស់ក្នុងតម្លៃទ្វេជាពីរ។
តាមធម្មតាសាស្ត្រាស្លឹករឹទ្ធមួយច្បាប់លក់ក្នុងតម្លៃ ១២,០០០រៀល ប៉ុន្តែ លោក ហ៊ុន សែន ទទួលទិញក្នុងតម្លៃ ២៥,០០០រៀល។ តាមរយៈការធានាទទួលទិញរបស់លោក ហ៊ុន សែន គឺនឹងធ្វើឱ្យគ្រួសាររបស់អ្នកនាង ផាវី មានការងារធ្វើកាន់ តែច្រើនឡើង ព្រមទាំងទទួលបាននូវប្រាក់ចំណូលសមរម្យដែលនឹងជួយសម្រួលដល់ជីវភាពរស់នៅរបស់គ្រួសារអ្នកនាងអោយកាន់តែប្រសើរឡើង៕



អង្គភាព​ប្រឆាំងអំពើ​ពុករ​លួយ ទាត់ចោល​របាយការណ៍​របស់អង្គការ​តម្លាភាព​អន្តរជាតិ​

ភ្នំពេញ៖ លោក ឱម យិនទៀង ប្រធានអង្គភាពប្រឆាំងអំពើពុករលួយ បានមានប្រសាសន៍ នៅថ្ងៃទី២៨ ខែកុម្ភៈ ឆ្នាំ២០១៧ ពីការចេញរបាយការណ៍របស់អង្គការតម្លាភាពអន្តរជាតិធ្វើឡើងដោយគ្មានអព្យាក្រិត្យ គ្មានមូលដ្ឋានច្បាស់លាស់ដោយដើរសួរតែមនុស្សដែលគ្មានមូលដ្ឋានច្បាស់លាស់និងមានទំនោរទៅកាន់និន្នាការនយោបាយ ។
លោក ឱម យិនទៀង បានបញ្ជាក់ថា របាយការណ៍នេះធ្វើឱ្យបរិយាកាសមិនល្អនៃការបោះឆ្នោតនៅកម្ពុជា និងបង្កបរិយាកាសអាប់អួរដល់សង្គម ។
លោក ឱម យិនទៀង បានប្រៀបធៀបការចេញរបាយការណ៍នេះទៅនឹងសុភាសិតខ្មែរ ថា ពេលក្រពើក្នុងទឹកបងមិនហ៊ានចាប់ ដល់ក្រពើងាប់ស្រាប់ ទើបបងចាប់ឱ្យស្រីមើល ខណៈដែលរាជរដ្ឋាភិបាលបានធ្វើនិងចេញជាផ្លែផ្ការួចទៅហើយដូចជា សេចក្តីព្រាងច្បាប់ស្តីពីការការពារបុគ្គលរាយការណ៍ និងសាក្សី។
ការច្រានចោលការចេញរបាយការណ៍នេះ ធ្វើឡើងខណៈអង្គការតម្លាភាពអន្តរជាតិ នៅថ្ងៃទី ២៨ ខែកុម្ភៈ ឆ្នាំ២០១៧ នៅសណ្ឋាគារឡឺរ៉ូយ៉ាល់រាជធានីភ្នំពេញ បានបង្ហាញរបាយការណ៍ស្តីពីការវាស់វែងអំពីអំពើពុករលួយជាសកលឆ្នាំ២០១៦ ដែលបង្ហាញថាមន្ត្រីតុលាការប៉ូលីស និងមន្ត្រីរដ្ឋាភិបាលបានប្រព្រឹត្តអំពើពុករលួយជាងគេ។
ពោលគឺមន្ត្រីតុលាការ៥៩ភាគរយ ប៉ូលីស៥២ភាគរយ និងមន្ត្រីរដ្ឋាភិបាល៤៤ភាគរយ។
តែទោះជាយ៉ាងនេះក្តី របាយការណ៍ដដែលនេះបានបង្ហាញភាពវិជ្ជមានថាអំពើសូកប៉ាន់បានធ្លាក់ចុះគួរឱ្យកត់សម្គាល់ទាក់ទងនឹងការប្រើប្រាស់សេវាសាធារណៈ ដូចជា ការធ្វើអត្តសញ្ញាណប័ណ្ណ បញ្ជីអត្រានីកូលដ្ឋាន មន្ទីរពេទ្យរដ្ឋ សាលារៀនរដ្ឋ សេវាទឹកស្អាតនិងអនាម័យ និងអគ្គិសនីរដ្ឋ ជាដើម៕

លោក សុខ ឥសាន ៖ នយោបាយ ៣ លេប ២៦

លោក សុខ ឥសាន អ្នកនាំពាក្យគណបក្សប្រជាជនកម្ពុជានៅព្រឹកថ្ងៃទី០១ ខែមីនា ឆ្នាំ២០១៧នេះ បានលើកយកទស្សនៈមួយមកបង្ហាញស្តីពី នយោបាយ ៣ លេប ២៦ ដែលមានខ្លឹមសារដូចខាងក្រោម៖
ក្នុងវោហាស័ព្ទនយោបាយ និងប្រកបដោយអំនួតខ្លាំងពេក មានការវាយប្រហារគ្នាយ៉ាងចាស់ដៃ ដោយអ្នក ២៦ ដៀល អ្នក ៣ ថា ជាគ្រាប់ខ្សាច់ កុំចង់មកប្រទ្បងប្រណាំងជាមួយអ្នកខ្លាំងអី មិនអាចទៅរួចទេ ពួកអាយ៉ងរបស់អាយ៉ង កុំចង់ឈ្នះអី។
នេះជាពាក្យប្រកបដោយមោទនភាពកប់ពពក ខ្វះការយល់ដឹង និងប្រមាថ។ តែនៅទីប៉ផុតបានធ្លាក់ទៅក្នុងអំណួតរបស់ខ្លួនយ៉ាងអាម៉ាស់បំផុត។ នេះហើយជានយោបាយនៃបញាវ័ន្តមានសញាប័ត្រខ្ពង់ខ្ពស់ពីបរទេស លុះដោយធ៌មប្រមាថ ត្រូវធ្លាក់ទៅក្នុងតំរេះជិះកឯង។
អំណួត គឺអវិជ្ខា អំណួត គឺធ្លាក់ទឹក អំណួត គឺអន្តរាយ អំណួត គឺបរាជ័យ។ ចេះឯង ឲ្យក្រែង ចេះគេ ។ ដំរីជើងបួន គង់មានភ្លាត់ អ្នកប្រាជ្ញចេះស្ទាត់ គង់មានភ្លេច៕


(វីដេអូពិសេស) បរាជ័យរបស់ សម រង្ស៊ី គឺជាជោគជ័យរបស់ កឹម សុខា

គណនីហ្វេសប៊ុកដែលមានឈ្មោះថា សីហា នៅមុននេះបន្តិច បានបង្ហោះផ្សាយនូវទស្សនៈវិភាគរបស់ សាស្ត្រាចារ្យសង្គមវិជ្ជា ខេត្តកំពង់ចាម មានចំណងជើងថា «បរាជ័យរបស់ សម រង្ស៊ី គឺជាជោគជ័យរបស់ កឹម សុខា» ដែលមានខ្លឹមសារ និងភ្ជាប់មកជាមួយនូវវីដេអូ ជាសំដីដើមរបស់លោក កឹម​ សុខា និយាយនៅខេត្តរតនគីរី ដូចខាងក្រោម៖
ការដណ្តើមអំណាចគ្នាក្នុងគណបក្សសង្គ្រោះជាតិ នឹងអាចដឹងលទ្ធផលនៅក្រោយសមាជគណបក្សដែលនឹង ត្រូវធ្វើនៅ ថ្ងៃ២មីនា ខាងមុខនេះ។ តាមពិតសមាជគណបក្សសង្គ្រោះជាតិនឹងត្រូវធ្វើរហូតនៅ ខែមេសា ឆ្នាំ២០១៨ នោះទេ ប៉ុន្តែភាពវិវត្តន៍នយោបាយដែលកំពុងផ្តល់ភាពចំណេញច្រើនដល់លោកកឹម សុខា នាពេលនេះ បាន ជំរុញឱ្យអ្នករំពឹងចំណេញនយោបាយក្នុងគណបក្សសង្គ្រោះជាតិមិនអាចរង់ចាំដល់ឆ្នាំក្រោយនោះបាន ឡើយដោយយកហេតុផលសេចក្តីស្នើច្បាប់គណបក្សនយោបាយបានបញ្ញតិទុកពេលឱ្យតែ៩០ថ្ងៃក្នុងការជ្រើសរើសប្រធានបក្សក្រោយច្បាប់ត្រូវប្រកាសឱ្យប្រើ។
មន្ត្រីផ្ទៃក្នុងបក្សសង្គ្រោះជាតិ បានថ្លែងថាលោក កឹម សុខា មិនអាចឱ្យ លោក សម រង្ស៊ី ប្តូរគំនិតវិលចូលមកធ្វើជាប្រធានវិញបានទេក្រោយពីឆាកសម្តែងលាលែងលេងៗរបស់លោកសមរង្ស៊ីកាលពីថ្ងៃទី១១កុម្ភៈ កន្លងមកបានក្លាយទៅជាការពិតនោះ។ ការបិទច្រកមានតែមួយគត់ គឺការប្រើប្រាស់សមាជបក្សដែលមានសកម្មជនជាច្រើនមិនសប្បាយចិត្តនឹងការលាលែងរបស់លោក សម រង្ស៊ី ធ្វើការ សម្រេចរើសប្រធានគ្រប់គ្រងឱ្យហើយពីព្រោះបើរង់ចាំរហូតដល់ទៅខែមេសាឆ្នាំ២០១៨ លោក កឹម សុខា អាចនឹងគ្មានឱកាសដ៏ល្អនេះទៀតទេ។ មុនសមាជបក្សបានមកដល់ រូបមន្តប្រធានមួយ និងអនុប្រធាន៣ បានដាក់ចេញ ក្នុងនោះលោកសម រង្ស៊ី បាន ដាក់ឈ្មោះប្រពន្ធរបស់លោក និងលោក យឹម សុវណ្ណដើម្បីធ្វើជាអនុប្រធាន…ចំណែកអនុប្រធានមួយទៀតគឺ លោក ប៉ុល ហំម ដែលជាមនុស្សស្និទ្ធនឹងលោក កឹម សុខា។
សេចក្តីរាយការណ៍ពីផ្ទៃក្នុងគណបក្សសង្គ្រោះជាតិ បានឱ្យដឹងមុននេះថា ក្រោយការលាលែងតាមលិខិតប្រកាសរបស់អតីតប្រធានគណបក្សសង្គ្រោះជាតិ ចង់តែង តាំងភរិយារបស់លោក គឺលោកស្រី ជូឡុង សូមួរា ដើម្បីធ្វើជាប្រធានបន្ត…ប៉ុន្តែលោក កឹម សុខា បានដឹងនូវផែនការនេះ ហើយក៏រៀបចំសេណារីយ៉ូ ទប់ទល់។ ការតស៊ូដណ្តើមអំណាចផ្ទៃក្នុងបន្ទាយ. របស់គណបក្សប្រឆាំងនេះ បានធ្វើរហូតដល់លោកសម រង្ស៊ី ធ្លាក់ចូលក្នុងកលល្បិចមួយរបស់លោក កឹម សុខា។ លោក កឹម សុខា នៅថ្ងៃទី៧កុម្ភៈ បានធ្វើលិខិតមួយថ្លែងទទួលស្គាល់ថាពិតមានការប្រជែងយកចាញ់ឈ្នះក្នុងរង្វង់ផ្ទៃក្នុងបក្សសង្គ្រោះជាតិមែនហើយលោកបានអំពាវនាវ សូមឱ្យមានការបញ្ឈប់អំពើទាំងនោះ។ លោក កឹម សុខា បានសរសេរក្នុងហ្វេសប៊ុកធ្វើជាអំពាវនាវផ្ទៃក្នុងដឹកនាំបក្សរបស់លោកថា «សូមថ្នាក់ដឹកនាំកុំគិតយក ចាញ់ឈ្នះក្នុងបក្សខ្លួនឯង ឬខ្មែរគ្នាឯង សូមឱ្យគិត…មើលឱ្យឆ្ងាយ…ឱ្យខ្ពស់ជាងនេះ»។
លិខិតរបស់លោក កឹម សុខា នាពេលនោះ គឺនៅទន្ទឹម រូបភាពប្រជែងដណ្តើមអំណាចនៅតាមថ្នាក់មូលដ្ឋានមួយចំនួនបានពុះកញ្ជ្រោល ដូចជាជម្លោះរបស់ សកម្មជន ក្នុងក្រុងបាវិតខេត្តស្វាយរៀងរវាងក្រុមរបស់លោក សម រង្ស៊ី និងក្រុមរបស់លោក កឹម សុខា ដែលចោទប្រកាន់គ្នា លើអំពើបក្សពួកនិយម និងការដើរចេញរបស់សកម្មជនមួយចំនួនចេញពីបក្ស។ ក្នុងសម្តីដាស់តឿនក្នុងរង្វង់ ផ្ទៃក្នុងបក្សដដែលនោះទៀត លោកកឹម សុខាបានសរសេរថា« សូមកុំប្រើល្បិចទុច្ចរិត ព្រោះល្បិចកិច្ចកលនេះ មិនអាចទាញយកទឹកចិត្តពីប្រជាពលរដ្ឋខ្មែរ ឱ្យគាំទ្រខ្លួនបានឡើយ»។ លោកកឹម សុខា ធ្វើជាអំពាវនាវ ឱ្យ គណបក្សរបស់លោក បំបែរមុខព្រួញពីការឈ្លោះ គ្នាផ្ទៃក្នុងនេះ ងាកទៅរកទិសដៅការងារបក្ស នូវអ្វីដែលលោក ចាត់ទុកថាដើម្បីការសង្គ្រោះប្រទេស។
អ្វីដែលស្ថិតនៅចំពោះមុខនេះ គឺលោក សម រង្ស៊ី ដែលជ្រុលខ្លួនក្នុងការនិយាយលាលែងពីប្រធានបក្ស បាន និងកំពុង ព្យាយាមដាក់មនុស្សរបស់ខ្លួនដើម្បីរកការវិលត្រឡប់មកវិញ។ នយោបាយមិនពិតប្រាកដរបស់លោក សម រង្ស៊ី នេះ បានធ្វើឱ្យមនុស្សដែលធ្លាប់គាំទ្រ បានសម្តែងការសង្ស័យ និងខ្លះទៀតស្ទើរតែលែងចង់ធ្វើនយោបាយជាមួយទៀតនោះហើយ សូម្បីតែលោកយឹម សុវណ្ណ។ ប្រភពពីពីផ្ទៃក្នុងជំរំព្រះអាទិត្យបានបង្ហាញថាលោក យឹម សុវណ្ណ មិនចង់ធ្វើជាអនុប្រធានគណបក្សនោះទេ…ហើយក្នុងដំណើររបស់មន្ត្រីស្មោះត្រង់មួយចំនួនដែលមកជួប លោក សម រង្ស៊ី នៅក្នុងក្រុងហុងកុង រវាងពីថ្ងៃទី១៧ដល់១៩កុម្ភៈដែលបាននិយាយអំពីរឿងរចនាសម្ព័ន្ធថ្មីបក្ស នោះ គឺលោកយឹម សុវណ្ណ មិនបានធ្វើដំណើរមកជួបលោកសម រង្ស៊ីនោះឡើយ។ ហេតុដូច្នោះហើយ បានជានៅ រាត្រីថ្ងៃទី២១កុម្ភៈ លោក សម រង្ស៊ី បានទូរស័ព្ទមក លោក យឹម សុវណ្ណ និងជំរុញឱ្យលោក យឹម សុវណ្ណ ទទួលយកតំណែងអនុប្រធានគណបក្សសង្គ្រោះជាតិ។ ការរៀបចំរចនាសម្ព័ន្ធថ្មីក្នុងគណបក្សសង្គ្រោះជាតិនេះ គឺជា ការរៀបពង្រឹងកម្លាំងសារឡើងវិញរបស់លោក សម រង្ស៊ី ក្រោយនយោបាយលាលែងលេងៗ បានក្លាយជាមែនទែននោះ។
ក្នុងការសរសេរមួយលើគេហទំព័ររបស់លោក សម រង្ស៊ី នៅថ្ងៃទី២៦កុម្ភៈនៅមុនសមាជបក្សបានមកដល់ លោកបានសរសេរថា ត្រូវជំនួសបក្សពួកនិយមដោយសមត្ថភាពនិយម… ដែលសម្តីនេះ ហាក់ដូចជាកំពុង វាយប្រហារ និងទះកំភ្លៀងថា ក្រុមលោក កឹម សុខា គឺជាក្រុមគ្មានសមត្ថភាពដឹកនាំបក្ស…ហើយមានតែក្រុម សម រង្ស៊ីទេ ដែលមាន សមត្ថភាពជាងក្រុមលោក កឹម សុខា។ សំណួរតែមួយគត់នាពេលនេះ គឺ ក្រោយការឃើញសម្តីចុងក្រោយបង្ហាញ ការមើលងាយនេះ តើលោកកឹម សុខា នឹងឱ្យលោក សម រង្ស៊ី មានឱកាសមកធ្វើជាបងធំរបស់លោកវិញដែរ ឬទេ ? ។
ខាងក្រោមនេះគឺជា សំដីជាក់ស្តែងរបស់លោក កឹម សុខា បញ្ជាក់ពីឱកាសមាសរបស់ខ្លួនក្នុងការផ្តួលរំលំលោក សម រង្ស៊ី ។ នេះជាការពិត១០០% អ្នកគាំទ្របក្សសង្គ្រោះជាតិត្រូវដឹងឱ្យច្បាស់។

លោក សុខ ឥសាន ៖ បំណុល មីក្រូហិរញវត្ថុ

អ្នកនាំពាក្យគណបក្សប្រជាជកម្ពុជាលោក សុខ ឥសាន្ត នៅព្រឹកថ្ងៃទី០១ ខែមីនា ឆ្នាំ២០១៧នេះ បាន​លើក​ឡើង​ថា ដោយសារជឿការឃោសនាបោកប្រាស់ ភូតកុហករបស់លោក សម រង្ស៊ី នាពេលកន្លងទៅថា បើ​គេ​ឈ្នះឆ្នោត គេនឹងលុបចោលបំណុលធនាគារចោលទាំងអស់ ប្រជាជនមួយចំនួនធំបាន​លង់ទៅខ្ចី​ប្រាក់ពី​ស្ថាប័ន​មីក្រូហិរញវត្ថុយ៉ាងច្រើន ដោយធ្វេសប្រហែស និងមានសង្ឃឹមថា គេនឹងលុបចោលបំណុលដដែល។
លោក សុខ ឥសាន បញ្ជាក់បន្តថា ឥទ្បូវស្រាប់តែលោក សម រង្ស៊ី និយាយយករួចខ្លួនថា ឲ្យរាជ​រដ្ឋាភិ​បាល​ជួយ​ចេញសងបំណុលមីក្រូហិរញវត្ថុរបស់ប្រជាជនទៅវិញ។ នេះបានចំជាប្រើឧបាយកលទុច្ចរិត បោកប្រាស់ធ្វើឲ្យ​ប្រជាជន​វណ្ឌ ក នឹងបំណុល ហើយបំភាន់មតិសាធារណៈ ដាក់បន្ទុកមកលើរាជរដ្ឋាភិបាលទៅវិញ។
ទោះយ៉ាងនេះក្តី អ្នកនាំពាក្យគណបក្សប្រជាជនកម្ពុជាលោក សុខ ឥសាន អះអាងថា រាជរដ្ឋាភិបាល មាន​តែ​អប់រំ និងរំលឹកប្រជាជនទូទៅ ឲ្យមានការប្រុងប្រយ័ត្នចំពោះបំណុលមីក្រូហិរញវត្ថុ កុំចូលចិត្តខ្ចីពេក ពីព្រោះ​ស្ថាប័ន​មីក្រូហិរញវត្ថុ ជាស្ថាប័នឯកជន មិនមែនជារបស់រដ្ឋទេ បើជារបស់ឯកជន គេយកកិច្ចសន្យា​ទ្វេភាគី​ជា​ផ្លូវ​ច្បាប់។
មន្ត្រី​នាំពាក្យគណបក្សប្រជាជនកម្ពុជារូបនេះសង្កត់ធ្ងន់ថា ដោយសារការឃោសនាអកុសលរបស់លោក សម រង្ស៊ី គ្មានការទទួលខុសត្រូវបែបនេះហើយបានជារាជរដ្ឋាភិបាល ចាត់វិធានការផ្សព្វផ្សាយ អប់រំ និងរំលឹក​ប្រជា​ជន កុំឲ្យធ្វេសប្រហែសថា ស្ថាប័នមីក្រូហិរញវត្ថុ ជាស្ថាប័នឯកជន រកស៊ីរកផលចំណេញ។
លោក សុខ ឥសាន បានឱ្យដឹងទៀតថាផលវិបាករបស់ប្រជាជនជំពាក់បំណុលមីក្រូហិរញវត្ថុ គឺជាកំហុស នៃ​ឧបាយកលពិសពុលរបស់លោក សម រង្ស៊ី យ៉ាងប្រាកដ៕