Tuesday, July 10, 2018

(សូមទស្សនាវីដេអូ) ទស្សនៈពលរដ្ឋ៖ ទោះជាមាន់មិនរងាវ ក៏ព្រះអាទិត្យនៅតែរះ!

គ.ជ.ប ផ្តល់ប័ណ្ណព័ត៌មានដល់អ្នកបោះឆ្នោតជិត៨លាននាក់


គិតចាប់ពីថ្ងៃទី៦ ខែមិថុនា ដល់ថ្ងៃទី៥ ខែកក្កដា ឆ្នាំ២០១៨ គណៈកម្មាធិការជាតិ រៀបចំការបោះឆ្នោត (គ.ជ.ប) បានផ្ដល់ប័ណ្ណព័ត៌មាន ដល់ប្រជាពលរដ្ឋ ដើម្បីបម្រើដល់ការងារបោះឆ្នោតជ្រើសតាំងតំណាងរាស្រ្តនីតិកាលទី៦ ដែលនឹងប្រព្រឹត្តទៅ នៅថ្ងៃទី២៩ ខែកក្កដា ឆ្នាំ២០១៨ ខាងមុខនេះ សរុបចំនួន៧,៩០១,៣៤៣នាក់៕

គ្រូបង្រៀននៅអនុវិទ្យាល័យម្នាក់ ដែលញុះញង់ពលរដ្ឋមិនឱ្យទៅបោះឆ្នោត ត្រូវបានសមត្ថកិច្ចឃាត់ខ្លួន

នៅរសៀលថ្ងៃទី១០ ខែកក្កដា ឆ្នាំ២០១៨នេះ កម្លាំងនគរបាលខេត្តកំពង់ឆ្នាំង បានឃាត់ខ្លួនគ្រូបង្រៀននៅអនុវិទ្យាល័យត្រពាំងចាន់ ក្នុងឃុំត្រពាំងចាន់ ស្រុកបូរិបូរណ៍ ក្រោយពីជនម្នាក់នេះ បានញុះញង់ដល់ពលរដ្ឋមិនឱ្យទៅបោះឆ្នោតនៅថ្ងៃទី២៩ ខែកក្កដា ឆ្នាំ២០១៨ខាងមុខ។

សូមបញ្ជាក់ថា ជនសង្ស័យដែលដើរញុះញង់ពលរដ្ឋមិនឱ្យទៅបោះឆ្នោត មានឈ្មោះអ៊ុ សាវ៉ាន ជាគ្រូបង្រៀន និងជាអតីតជំទប់ទី២ ឃុំឆ្នុកទ្រូផងដែរ។ ការឃាត់ខ្លួនបានធ្វើឡើងនៅយប់ថ្ងៃទី៨ ខែកក្កដា ប៉ុន្តែត្រូវបានអនុញ្ញាតឱ្យត្រឡប់ទៅផ្ទះវិញនៅថ្ងៃម្សិលមិញ បន្ទាប់ពីជននេះបានធ្វើកិច្ចកិច្ចសន្យាបញ្ឈប់នូវការធ្វើសកម្មភាពបែបនេះបន្តទៀត។
យោងតាមរបាយការណ៍របស់នគរបាលប៉ុស្តិ៍ផ្សារឆ្នាំង បានឱ្យដឹងថា ការឃាត់ខ្លួនបុគ្គលរូបនេះ បានធ្វើឡើងនៅភូមិកំពង់អូស សង្កាត់ផ្សារឆ្នាំង ក្រុង-ខេត្តកំពង់ឆ្នាំង៕




ទស្សនះពលរដ្ឋ៖ ទោះជាមាន់មិនរងាវ ក៏ព្រះអាទិត្យនៅតែរះ!

សម្រែករបស់ក្រុមអ្នកនយោបាយរត់ចោលស្រុក ដែលកំពុងផ្ញើខ្លួននៅលើទឹកដីនៃចៅហ្វាយនាយបរទេស របស់ខ្លួននៅអំឡុងពេលការបោះឆ្នោតថ្ងៃទី២៩ ខែកក្កដា ឈានជិតមកដល់ បានឡើងខ្ពស់ហាក់ដូចជា​សត្វមាន់កំពុងតែស្លរឈាមរៀបនឹងស្លាប់ ដោយពួកគេខិតខំបំភ្លៃផងបំផ្លើសផង បំភ័ន្តនិងបំប៉ោងផង​លើស្ថានភាព​ពិតប្រាកដរបស់កម្ពុជា ដោយច្រៀងចម្រៀងដដែលៗដែលគេលែងជឿទៅ ហើយនោះថា​លទ្ធិប្រជាធិបតេយ្យនៅកម្ពុជាស្លាប់និងស្ថានភាពនយោបាយនៅកម្ពុជាកាន់តែតឹងតែង និងអាក្រក់ទៅៗ។ តឹងតែង និងអាក្រក់ទៅគឺសម្រាប់តែក្រុមជនក្បត់ជាតិ និងអ្នកនយោបាយរត់ចោល​ស្រុកតែប៉ុន្មាន​ដំបរស្វាតែប៉ុណ្ណោះដែលបាននិងកំពុងផុងខ្លួន និងវណ្ឌកនឹងយុទ្ធសាស្ត្របែបលីលារបស់ចៅហ្វាយបរទេស និងមេចលនាឧទ្ទាមខុសច្បាប់ សម រង្ស៊ី ដើម្បីរំខានអុកឡុក និងក្រឡុកការបោះឆ្នោតនៅកម្ពុជា។ សម្រាប់ប្រជាជនខ្មែរកម្ពុជា ពេលគ្មានក្រុមខ្មោចបក្សសង្គ្រោះជាតិ គឺពោរពេញទៅដោយសេចក្តីសុខ សន្តិភាព ស្ថិរភាព និងភាពស្ងប់ស្ងាត់ និងប្រកបដោយសេចក្តីរីករាយបំផុត។
តាមពិតមានតែក្រុមអ្នកនយោបាយរត់ចោលស្រុក ក្រុមបំពុលសង្គមតាមហ្វេសប៊ុក​មួយចំនួនរួមនឹង​ប្រព័ន្ធ​ផ្សព្វផ្សាយបរទេស ដែលនៅក្រៅប្រទេសកម្ពុជាប៉ុណ្ណោះ ដែលជាអ្នកបំពុលសង្គមកម្ពុជា និងស្រែកបំផ្លៃ​ការពិតអំពីកម្ពុជា ដើម្បីបម្រើនយោបាយចៅហ្វាយនាយខ្លួន និងដើម្បីផលប្រយោជន៍ក្រុមខ្លួនមួយក្តាប់តូច។ ពួកគេជឿថា ប្រជាជនខ្មែរនឹងជឿលើការញុះញង់របស់ពួកគេ ជឿលើការប្រឌិតព័ត៌មានរបស់ពួកគេ បានជាខិតខំប្រឹងប្រែងនៅក្នុងការស្រែក និងបំពុលនៅលើប្រព័ន្ធបណ្តាញទំនាក់ទំនងសង្គមហ្វេសប៊ុក ប៉ុន្តែពួកគេភ្លេចគិតថា ការភូតកុហករបស់គេជាច្រើនអាណត្តិមកនេះ ការយកឈាម និងសាកសព​ពលរដ្ឋខ្មែរស្លូតត្រង់ ដើម្បីធ្វើជាស្ពានចម្លងឆ្ពោះទៅរកការគ្រប់គ្រងអំណាចរបស់ពួកគេ គឺបានសាបគ្មានតម្លៃ និងគ្មានការចាប់អារម្មណ៍អស់ទៅហើយ។ ប៉ុន្តែដើម្បីការសងសឹក និងការបំផ្លាញនូវអ្វី ដែលខ្លួនមិនទទួលបាន ពួកគេសុខចិត្តធ្វើអ្វីៗទាំងអស់ដោយមិនអើពើនឹងច្បាប់ និងមិនញញើតក្នុងការសម្លាប់លទ្ធិប្រជាធិបតេយ្យ និងសិទ្ធិមនុស្ស សេរីភាពនៅកម្ពុជាឡើយ។
ក្រុមអ្នកនយោបាយរត់ចោលស្រុក និងក្រុមបំពុលសង្គមតាមហ្វេសប៊ុក មួយចំនួននៅក្រៅស្រុកបាន​ព្យាយាម​ខិតខំញុះញង់ពលរដ្ឋ ឱ្យងើបប្រឆាំងនឹងរដ្ឋអំណាច បះបោរយកជីវិតទៅប្តូរ និងការពារទង្វើខុសច្បាប់របស់ខ្លួន ខណៈពួកខ្លួនកំពុងរស់នៅក្រៅប្រទេសបម្រើឱ្យរបៀបវារៈនយោបាយចៅហ្វាយនាយបរទេសខ្លួន និងចង់បំផ្លាញសន្តិភាព និងការអភិវឌ្ឍដែលកម្ពុជារកបានដោយពិបាកនេះ។ ពួកគេរុញប្រជាពលរដ្ឋឱ្យលះបង់ជីវិតសម្រាប់ពួកគេ លះបង់សេចក្តីសុខដែលខ្លួនមាន ដើម្បីបម្រើនយោបាយ​ឱ្យពួកគេ។ ប៉ុន្តែពលរដ្ឋខ្មែរមិនបានចាញ់បោកការញុះញង់របស់ក្រុមនេះទៀតឡើយ។ ដូច្នេះហើយបានជា នៅពេលមានកាអំពាវនាវញុះញង់ពលរដ្ឋធ្វើអ្វីខុសច្បាប់ ពលរដ្ឋមិនចាប់អារម្មណ៍ និងមិនលង់តាម​ការ​បោកប្រាស់នេះទៀតទេ ហើយពលរដ្ឋក៏មិនជឿពួកគេទៀតដែរ។ ទោះបីជាពួកគេខំស្រែក ខំបំប៉ោង និងខំបំភ្លៃយ៉ាងណាក៏ដំណើរការបោះឆ្នោតជ្រើសតាំងតំណាងរាស្ត្រនីតិកាលទី៦ នឹងប្រព្រឹត្តទៅជាធម្មតា ដោយមិនខ្វល់នឹងសម្រែកញុះញង់ និងគ្មានតម្លៃរបស់ក្រុមអ្នកនយោបាយប្រឆាំងក្រៅច្បាប់ និងក្រុមបំពុល​សង្គមឡើយ ពោលគឺទោះបីជាមាន់មិនរងាវ ក៏ថ្ងៃនៅតែរះដែរ!!

ដោយ៖ ពល ពានរិន្ទ
រាជធានីភ្នំពេញ ថ្ងៃទី១០ ខែកក្កដា ឆ្នាំ ២០១៨



គណបក្សប្រជាជនកម្ពុជា លេខរៀងទី ២០

គណបក្សប្រជាជន ប្តេជ្ញាការពារសន្តិភាព និងបន្តអភិវឌ្ឍន៍ប្រទេសជាតិអោយកាន់តែរីកចម្រើនរុងរឿងសំបូរសប្បាយ។ គណបក្សប្រជាជនឈ្នះ គឺកម្ពុជាទាំងមូលឈ្នះ ហើយគណបក្សនយោបាយនានាក៏អាចជាដៃគូរួមសហការជាមួយគណបក្សប្រជាជនបានទាំងអស់។
យើងទាំងអស់គ្នាបោះឆ្នោតជូន “គណបក្សប្រជាជនកម្ពុជា” លេខរៀងទី ២០ នៅថ្ងៃបោះឆ្នោត ២៩ កក្កដា ២០១៨ ខាងមុខនេះ!










































គណបក្សប្រជាជនកម្ពុជា លេខរៀងទី ២០

គណបក្សប្រជាជន ប្តេជ្ញាការពារសន្តិភាព និងបន្តអភិវឌ្ឍន៍ប្រទេសជាតិអោយកាន់តែរីកចម្រើនរុងរឿងសំបូរសប្បាយ។ គណបក្សប្រជាជនឈ្នះ គឺកម្ពុជាទាំងមូលឈ្នះ ហើយគណបក្សនយោបាយនានាក៏អាចជាដៃគូរួមសហការជាមួយគណបក្សប្រជាជនបានទាំងអស់។
យើងទាំងអស់គ្នាបោះឆ្នោតជូន “គណបក្សប្រជាជនកម្ពុជា” លេខរៀងទី ២០ នៅថ្ងៃបោះឆ្នោត ២៩ កក្កដា ២០១៨ ខាងមុខនេះ!