ពិធីប្រគេន-ប្រគល់សញ្ញាបត្រ វិញ្ញាបនបត្រ ពុទ្ធិកសាកលវិទ្យាល័យព្រះសីហនុរា ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា
Thursday, July 16, 2015
ពិធីប្រគេន-ប្រគល់សញ្ញាបត្រ វិញ្ញាបនបត្រ ពុទ្ធិកសាកលវិទ្យាល័យព្រះសីហនុរា
ពិធីប្រគេន-ប្រគល់សញ្ញាបត្រ វិញ្ញាបនបត្រ ពុទ្ធិកសាកលវិទ្យាល័យព្រះសីហនុរា ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា
សម្តេច ហ៊ុន សែន និងបើកឲ្យបក្សប្រឆាំង និងNGOs ពិនិត្យមើល និងដើម្បីផ្ទៀងផ្ទាត់ ផែនទីប្រទេសកម្ពុជាទំាងអស់គ្នា នៅពេលដែលប្រទេស មហាអំណាចឲ្យខ្ចី
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី ១៥ ខែ កក្កដា ឆ្នាំ២០១៥កន្លងទៅ បានសរសេរលិខិតដើម្បីស្នើសុំផែនទី ពីប្រទេសមហាអំណាចទាំងបីដែលរួមមាន៖ អាមេរិក បារាំង និងអង់គ្លេស ដើម្បីធ្វើការផ្ទៀងផ្ទាត់ជាមួយនឹងផែនទីដែលកម្ពុជាកំពុងប្រើប្រាស់ក្នុងការបោះបង្គោល និង ខណ្ឌសីមាព្រំដែនរវាងប្រទេសកម្ពុជា ជាមួយនិងប្រទេសជិតខាង។
នៅថ្ងៃទី ១៦ ខែកក្កដា ឆ្នាំ២០១៥នេះ នៅក្នុងពិធីចែកសញ្ញាបត្រដល់សមណនិស្សិតពុទ្ធិកសកលវិទ្យាល័យសីហនុរាជនៅវិទ្យាស្ថានជាតិអប់រំ សម្តេចតេជោ ហ៊ុន សែន បានអះអាងថា នៅពេលដែលរាជរដ្ឋាភិបាល ទទួលបានផែនទីពីប្រទេសមហាអំណាចដែលពាក់ព័ន្ធទាំងនោះ សម្តេចនឹងបើកឲ្យបក្សប្រឆាំង និងអង្គការសង្គមស៊ីវិលទាំងអស់ចូលរួមពិនិត្យនិងផ្ទៀងផ្ទាត់ទាំងអស់គ្នា ជាមួយផែនទីដែលរាជរដ្ឋាភិបាលប្រើបច្ចុប្បន្ន។ ការបើកឲ្យពិនិត្យរួមគ្នានេះ គឺដើម្បីស្វែងរកការពិត និងជម្រះមន្ទិលដែលតំណាងរាស្រ្តបក្សសង្គ្រោះជាតិ តែងតែចោទប្រកាន់រាជរដ្ឋាភិបាលកម្ពុជាថា ប្រើប្រាស់ផែនទីក្លែងក្លាយរហូតមក។
សម្តេចតេជោ បានបង្ហាញសង្ឃឹមយ៉ាងមុតមាំថា អាមេរិក បារាំង និងអង់គ្លេសច្បាស់ជាមានផែនទីរបស់កម្ពុជា ខ្នាត ១/១០០.០០០ មិនខាន។ សម្តេចបានបន្តថា កន្លងមកឯកឧត្តម សម រង្ស៊ី មិនដែលចោទរាជរដ្ឋាភិបាលថា ប្រើផែនទីក្លែងក្លាយទេ គឺមានតំណាងរាស្រ្តគណបក្សសង្គ្រោះជាតិមួយចំនួនទេ ដែលចោទថារាជរដ្ឋាភិបាលបានប្រើប្រាស់ផែនទីក្លែងក្លាយ។
សម្តេចនាយករដ្ឋមន្រ្តី ក៏បានអះអាងបន្ថែមថា ការប្រើប្រាស់ផែនទីតាមមូលដ្ឋានច្បាប់ត្រឹមត្រូវដែលទទួលស្គាល់ជាអន្តរជាតិ គឺដើម្បីដោះស្រាយបញ្ហាព្រំដែនជាមួយប្រទេសជិតខាង ប៉ុន្តែមុននិងដោះស្រាយបញ្ហាជាមួយប្រទេសជិតខាង គឺដំបូងយើងត្រូវឲ្យមានឯកភាពផ្ទៃក្នុងជាមុនសិន៕
ក្រុមការងារព្រំដែនកម្ពុជា-វៀតណាម ចុះស៊ើបអង្កេតលើករណីហិង្សា នៅបង្គោលព្រំដែន លេខ២០២-២០៣ ក្នុងខេត្តស្វាយរៀង
នៅថ្ងៃទី១៦ ខែកក្កដា ឆ្នាំ២០១៥នេះ ក្រុមការងារកម្ពុជា-វៀតណាម ចុះទៅពិនិត្យមើល តំបន់បង្គោលព្រំដែនលេខ ២០២-២០៣ ដើម្បីស៊ើបអង្គេតទៅលើករណីហិង្សា រវាងតំណាងរាស្រ្ត-ប្រជាពលរដ្ឋខ្មែរ ជាមួយនឹងប្រជាពលរដ្ឋ-អាជ្ញាធរវៀតណាម កាលពីថ្ងៃទី២៨ ខែមិថុនា កន្លងទៅ ។
ឯកឧត្តម ជៀង អំ អភិបាលខេត្តស្វាយរៀង ដែលជាសមាជិកក្រុមការងារនេះបានឱ្យដឹងថា ការចុះស៊ើបអង្កេត នឹងធ្វើឡើងជាលក្ខណៈទ្វេរភាគី រវាងកម្ពុជា និងវៀតណាម នៅថ្ងៃនេះដើម្បីរកមូលហេតុ និងរកខុសត្រូវ ក្នុងករណីហិង្សារវាងពលរដ្ឋកម្ពុជា-វៀតណាមនាពេលកន្លងមក។
គួររំលឹកដែរថា កាលពីថ្ងៃទី២៨ ខែមិថុនា ឆ្នាំ២០១៥ មានករណីប៉ះទង្គិចគ្នាមួយ រវាងប្រជាពលរដ្ឋ-ក្រុមតំណាងរាស្រ្ត គណបក្សសង្រ្គោះជាតិ ជាមួយនឹង អាជ្ញាធរ-ពលរដ្ឋវៀតណាម នៅចំណុចព្រំដែន ភូមិឆ្លោក ឃុំត្នោត ស្រុកកំពង់រោទ៍ ខេត្តស្វាយរៀង។ អំពើហិង្សានេះបណ្តាលឱ្យ ឯកឧត្តម រៀល ខេមរិន្ទ្រ តំណាងរាស្រ្ត គណបក្សសង្រ្គោះជាតិ រួមទាំងពលរដ្ឋខ្មែរ៩នាក់ ផ្សេងរៀងរងរបួស ចំណែកខាងភាគីវៀតណាម ត្រូវបានអាជ្ញាធរ ខេត្តស្វាយរៀងរាយការណ៍ថា របួសធ្ងន់ស្រាល ៨នាក់។ បន្ទាប់ពីមានករណីនេះកើតឡើង កម្ពុជា-វៀតណាម ព្រមព្រៀងគ្នា បង្កើតក្រុមការងារ ដើម្បីស្រាវជ្រាវរកខុសត្រូវផងដែរ៕
វិស័យវិស្វកម្មដើរតួនាទីយ៉ាងសំខាន់ ក្នុងការអភិវឌ្ឍប្រទេស
ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី
រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុមបណ្ឌិតសភាចារ្យនៃរាជបណ្ឌិត្យសភាកម្ពុជា
នៅថ្ងៃទី១៦ ខែកក្កដា ឆ្នាំ២០១៥ នៅទីស្តីការគណៈរដ្ឋមន្ត្រី បានមានប្រសាសន៍នៅក្នុងពិធីបើកបាឋកថាស្តីពី
«បញ្ហាប្រឈមក្នុងវិស័យវិស្វកម្មនៅក្នុងគោលដៅអភិវឌ្ឍន៍
ប្រកបដោយចីរភាពរបស់អង្គការសហប្រជាជាតិ ២០១៦-២០៣០» ថា វិស័យវិស្វកម្មបានដើរតួនាទីយ៉ាងសំខាន់ក្នុងការអភិវឌ្ឍប្រទេស
តាមរយៈការបង្កើតមូលដ្ឋានសម្ភារៈ និងហេដ្ឋារចនាសម្ព័ន្ធរូបវន្តនានា។
ឯកឧត្តមបណ្ឌិតសភាចារ្យ សុខ អាន បានបន្តថា
វិស្វករអាជីពម្នាក់ គឺជាអ្នកប្រកបវិជ្ជាជីវៈ របស់ខ្លួនប្រកបដោយសមត្ថភាព និងមានសីលធម៌វិជ្ជាជីវៈខ្ពស់
តាមរយៈការអប់រំ និងការបណ្ដុះបណ្ដាលច្បាស់លាស់លើវិស័យវិស្វកម្ម ហើយដើម្បីលើកកម្ពស់វិជ្ជាជីវៈរបស់ខ្លួនថែមទៀត
វិស្វករគួរធ្វើការសិក្សាស្រាវជ្រាវនូវបច្ចេកវិជ្ជាថ្មីៗ សំដៅឆ្លើយតបទៅនឹងតម្រូវការ
និងការវិវត្តផ្នែកវិស្វកម្មនេះ។
ឯកឧត្តមបណ្ឌិតសភាចារ្យ សុខ អាន បានបញ្ជក់ថា
វិស័យវិស្វកម្មគឺជាវិស័យដ៏សំខាន់មួយ ដែលតម្រូវឱ្យមានគោលការណ៍វាយតម្លៃ និងការកំណត់លើវិធីសាស្រ្តច្បាស់លាស់។
ក្នុងន័យនេះ កិច្ចខិតខំប្រឹងប្រែងជំរុញសមត្ថភាពវិស្វករជាតិ គឺពិតជាមានសារៈសំខាន់សម្រាប់ដំណើរការពង្រឹងវិស័យនេះ
ដើម្បីឆ្លើយតបទៅនឹងចរន្តសមាហរណកម្ម និងសាកលភាវូបនីយកម្មសេដ្ឋកិច្ចតំបន់ និងពិភពលោក
ហើយនេះចាំបាច់ត្រូវមានការផ្លាស់ប្ដូរយោបល់ បទពិសោធន៍ជាក់ស្ដែង គំនិត និងបច្ចេកវិជ្ជាថ្មីៗ
ព្រមទាំងរបកគំហើញនៃការសិក្សាស្រាវជ្រាវ ឱ្យកាន់តែទូលំទូលាយនៅក្នុងចំណោមសហគមន៍វិស្វករជាតិ
និងអន្តរជាតិ។
ឯកឧត្តមបណ្ឌិតសភាចារ្យ សុខ អាន បានបន្តថា
ដើម្បីសម្រេចនូវគោលបំណងនេះ រាជរដ្ឋាភិបាលកម្ពុជា បាននឹងកំពុងជំរុញ និងបង្កលក្ខខណ្ឌអនុគ្រោះដល់ការអភិវឌ្ឍវិស័យវិស្វកម្មនៅកម្ពុជា
តាមរយៈការបង្កើតគណៈវិស្វករកម្ពុជា សម្រាប់លើកកម្ពស់សមត្ថភាពវិស្វករទាំងអស់
ជាពិសេសការប្រមូលផ្ដុំ ការចុះបញ្ជីវិស្វករ ការបណ្តុះបណ្តាល និងការគ្រប់គ្រង។
ដោយឡែក ផ្នែកទន់នៃវិស័យវិស្វកម្ម គណៈវិស្វករកម្ពុជា និងក្រសួងនានា ដែលពាក់ព័ន្ធជាមួយជំនាញវិស្វកម្ម
បានខិតខំនិងធ្វើបានសម្រេចនូវសមិទ្ធផលច្បាប់បទដ្ឋានអនុវត្តជំនាញវិស្វកម្មរៀងៗខ្លួនជាច្រើន
និងកំពុងដាក់ឱ្យអនុវត្តបានយ៉ាងសកម្ម និងមានប្រសិទ្ធភាពផងដែរ។
ជាមួយគ្នានេះដែរ ឯកឧត្តមបណ្ឌិត មាស សុខុម
ទីប្រឹក្សានៃគណៈវិស្វករកម្ពុជា និងជាប្រធាននៃបណ្ឌិត្យសភាវិស្វកម្ម និងបច្ចេកវិទ្យាអាស៊ាន-កម្ពុជា
បានមានប្រសាសន៍ថា ពិធីបើកបាឋកថាស្តីពី «បញ្ហាប្រឈមក្នុងវិស័យវិស្វកម្មនៅក្នុងគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ
២០១៦-២០៣០» នៅថ្ងៃនេះ
មានគោលបំណងចម្បងក្នុងការផ្សព្វផ្សាយពីគោលដៅអភិវឌ្ឍន៍សហប្រជាជាតិ ពីឆ្នាំ២០១៦ដល់ឆ្នាំ២០៣០
ពិសេសលើការអភិវឌ្ឍន៍ និងសារៈសំខាន់ នៃវិទ្យាសាស្ត្របច្ចេកវិទ្យា និងការបង្កើតថ្មី
ដើម្បីលុបបំបាត់ភាពក្រីក្រ និងនាំមនុស្សជាតិឆ្ពោះទៅរកជីវភាពរស់នៅដោយថ្លៃថ្នូរ
ជាមួយអត្ថិភាពដោយតុល្យភាពធនធានធម្មជាតិនៃភពផែនដី និងតម្រូវការរបស់មនុស្សជាតិ។
នៅក្នុងពិធីបើកបាឋកថានេះដែរ ឯកឧត្តមបណ្ឌិត
ហុង លីពី ប្រធានបណ្ឌិត្យសភាវិស្វកម្ម និងបច្ចេកវិទ្យាអាស៊ាន ក៏បានបង្ហាញចំណាប់អារម្មណ៍ថា
គោលបំណងមួយនៃគោលបំណងទាំងអស់របស់បណ្ឌិត្យសភាវិស្វកម្ម និងបច្ចេកវិទ្យាអាស៊ាន
គឺដើម្បីលើកកម្ពស់ការអភិវឌ្ឍប្រកប ដោយនិរន្តរភាពក្នុងចំណោមរដ្ឋជាសមាជិករបស់អាស៊ាន
ដែលវាមានភាពស្របគ្នាទៅនឹងគោលដៅអភិវឌ្ឍន៍ប្រកបដោយនិរន្តរភាពរបស់អង្គការសហប្រជាជាតិក្រោយឆ្នាំ២០១៥។
ឯកឧត្តមបណ្ឌិត ហុង លីពី បានមានប្រសាសន៍ថា
ចាប់តាំងពីការចាប់បដិសន្ធិនៃបណ្ឌិត្យសភាវិស្វកម្ម និងបច្ចេកវិទ្យាអាស៊ានមក
គឺបានផ្តួចផ្តើមគំនិតបង្កើតនូវកម្មវិធីជាច្រើនរួមមាន៖ ទទួលពានរង្វាន់បៃតងប្រចាំឆ្នាំ
(MCCC-AAETGreen Award) សម្រាប់តំបន់អាស៊ាន, វេទិកាវិស្វកម្មអាស៊ាន-កូរ៉េនិង RTM សហការរៀបចំជាមួយនឹងបណ្ឌិត្យសភាជាតិវិស្វកម្មកូរ៉េ, សន្និសីទថាមពលអន្តរជាតិ (IEC), បទបង្ហាញស្វាគមន៍សម្រាប់សហគ្រិនភាពបច្ចេកវិទ្យា
និងការអភិវឌ្ឍប្រកបដោយនិរន្តភាព,
កម្មវិធីលុបបំបាត់ភាពក្រីក្រ, ការរចនាវិស្វកម្មបច្ចេកវិទ្យាវិទ្យាសាស្ត្រនិងការច្នៃប្រឌិត
(ESTI) និងការប្រកួតប្រជែងសរសេរអត្ថបទ, ការថែរក្សានូវវប្បធម៌នៃការច្នៃប្រឌិតសម្រាប់មនុស្សជំនាន់ក្រោយនៅក្នុងអាស៊ាន
និងពិព័រណ៍វិទ្យាសាស្ត្រវិស្វកម្មប្រចាំឆ្នាំនៃទីក្រុងគូឡាឡំាពួរ (KLESF)៕
សម្តេចតេជោ ហ៊ុន សែន អំពាវនាវឲ្យ លោក សុខ ប៊ុន ចេញមុខមកដោះស្រាយ ផ្លូវច្បាប់ រឿងប្រើហឹង្សាលើកញ្ញា សាសា
សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា នៅព្រឹកថ្ងៃទី១៦ ខែកក្កដា ឆ្នាំ២០១៥នេះ បានថ្លែងអំពាវនាវឲ្យឧកញ៉ា សុខ ប៊ុន ឆាប់ចេញមុខមកដោះស្រាយឲ្យលឿនទៅតាមតុលាការ និងតាមផ្លូវច្បាប់ ពាក់ព័ន្ធនឹងរឿងរ៉ាវប្រើហឹង្សាលើកញ្ញា សាសា ។ សម្តេចតេជោបានសួរបញ្ជាក់បន្ថែម ទៅកាន់ លោក សុខ ប៊ុន ថាប៉ុន្មានថ្ងៃទៀតទើបចេញមុខបកស្រាយ? ដោយលោក សុខ ប៊ុន បានប្រកាសថាលោកបានវ៉ៃហើយ យើងប្រកាសចេះប្រកាសចុះរួចហើយ ចុះបើប្រកាសទទួលស្គាល់ចឹងហើយគ្រាន់តែមុនក្រោយគួរមកចូលខ្លួនដោះស្រាយឲ្យលឿន។
សម្តេចតេជោ ហ៊ុន សែន បានថ្លែងយ៉ាងដូច្នេះថា «ឲ្យលោក សុខ ប៊ុន ចេញមុខឲ្យលឿន និងព្រមានប្រយ័ត្នជាប់ខ្នោះ ដោយសារមកយឺតពេល។ រឿងនេះ បើយើងមើលឃ្លីបវីដេអូ គឺវាហួសហេតុពេកហើយ វាឃោរឃៅព្រៃផ្សៃហួស»។ សម្តេចតេជោ និង សម្តេចកិត្តិព្រឹទ្ធបណ្ឌិត ក៏បានសូមផ្ញើការឈឺចាប់ដល់កញ្ញា សាសា និង ក្រុមគ្រួសារផងដែរ។
សម្តេចតេជោក៏បានបញ្ជាក់ថា បើទោះបីជាកញ្ញា សាសា ព្រមសម្របសម្រួល នៅក្រៅប្រព័ន្ធតុលាការ ក៏មិនអាចបញ្ចប់បញ្ហានេះបានដែរ ព្រោះមិនអាចរំលត់បណ្តឹងអាជ្ញាបាន ហើយនេះជារឿងព្រហ្មទណ្ឌ ។ សម្តេចក៏បានបញ្ជាក់ថា សម្តេចក៏មិនលើកលែងចំពោះអ្នកមានអំណាច ដែលកំពុងរត់ការដើម្បីបញ្ចប់រឿងករណីអំពើហិង្សាចំពោះស្ត្រីទន់ខ្សោយនេះដែរ។
ការថ្លែងព្រមានរបស់សម្តេចតេជោ ហ៊ុន សែន នេះធ្វើឡើងនៅក្នុងពិធីប្រគេនសញ្ញាបត្រ ដល់សាមណៈនិស្សិត ពុទ្ធិកសាកលវិទ្យាល័យព្រះសីហនុរាជ នៅក្នុងវិទ្យាស្ថានជាតិអប់រំ ក្បែរវិមានឯករាជ្យ រាជធានីភ្នំពេញ នាព្រឹកថ្ងៃទី១៦ ខែកក្កដា ឆ្នាំ២០១៥នេះ៕
Subscribe to:
Posts (Atom)