គេនាំគ្នាថាមន្ត្រីគណបក្សប្រជាជនកម្ពុជា និងមន្ត្រីរាជរដ្ឋាភិបាល មានលុយច្រើនរាប់រយលានដុល្លារលាក់ទុកនៅឯបរទេស។ មិនមែនជាការពិតសោះ អ្នកណារកឃើញយកចុះ។ លុយកាក់របស់មន្ត្រីគណបក្សប្រជាជនកម្ពុជាទាំងអស់គ្នាមានមែន តែបង្កប់នៅក្នុងសាលារៀន ផ្លូវវលំ មន្ទីពេទ្យ និងសមិទ្ធផលនានា សម្រាប់ផលប្រយោជន៏ប្រជាជនកម្ពុជា។
គេនាំគ្នាថា មកពីគណបក្សប្រជាជនខ្លាចចាញ់ឆ្នោត បានជាធ្វើទុក្ខបុកម្នេញបក្សប្រឆាំង។ មិនមែនជាការពិតសោះ។ តាមពិតមកពីមេបក្សប្រឆាំង និងក្រុមមន្ត្រីបក្សប្រឆាំងបានប្រព្រឹត្តខុសច្បាប់ បានជាមានទោស បង្កើតឡើងដោយខ្លួនឯង។
គេថារាជរដ្ឋាភិបាលកម្ពុជារំលោភសិទ្ធិមនុស្ស និងលទ្ធិប្រជាធិបតេយ្យ។ មិនមែនជាការពិត! តាមពិត រាជរដ្ឋាភិបាលរបស់គណបក្សប្រជាជនកម្ពុជា ប្រកាន់ខ្ជាប់គោលការណ៍លទ្ធិប្រជាធិបតេយ្យ និងនីតិរដ្ឋ ទើបធានាបានការការពារសន្តិភាព និងសេចក្តីសុខជូនប្រជាជនបាន។
គេថាសម្តេចតេជោ ហ៊ុន សែន ក្រាញអំណាច។ ជាការមិនពិតទេ! សម្តេចអាចនៅកាន់តំណែងយូរឆ្នាំ និង ច្រើនអាណត្តិ ដោយសារឆន្ទៈរបស់ប្រជាជនគាំទ្រគណបក្សប្រជាជនកម្ពុជា ក្នុងការបោះឆ្នោតទើបសម្តេចនៅតែបន្តកាន់អណាចបាន។
គេថាសម្តេចតេជោ ជាមេដឹកនាំផ្តាច់ការ។ មិនមែនជាការពិតទេ! តាមពិត សម្តេចជាមេដឹកនាំប្រជាធិបតេយ្យទូលំទូលាយចំពោះប្រជាជនទូទៅ តែសម្តេចផ្តាច់ការចំពោះតែជនល្មើសច្បាប់ អ្នកនយោបាយទុច្ចរិត និងអ្នកប្រជាធិបតេយ្យក្លែងក្លាយតែប៉ុណ្ណោះ។
គេថាគណបក្សប្រជាជនកម្ពុជា បែកបាក់ផ្ទៃក្នុង។ ជាការមិនពិត! តាមពិតគេបានប្រើឧបាយកលញុះញង់ជាច្រើនឆ្នាំមកហើយ តែគណបក្សប្រជាជនកម្ពុជានៅតែរឹងមាំ មានសាមគ្គី ឯកភាពគ្នាល្អ។ ចំណែកអ្នកដែលថានោះទើបបែកបាក់។
គេថារាជរដ្ឋាភិបាលរំលោភរដ្ឋធម្មនុញ្ញ។ ជាការមិនពិតទេ! តាមពិត រាជរដ្ឋាភិបាលកម្ពុជា ធ្វើអ្វីសុទ្ធតែផ្អែកលើគោលការណ៍ នីតិវិធី និងរដ្ឋធម្មនុញ្ញ និងច្បាប់នានា ជាធរមានជានិច្ច។
គេថារាជរដ្ឋាភិបាលធ្វើទុក្ខបុកម្នេញអ្នកសារព៌តមាន ប្រព័ន្ធផ្សព្វផ្សាយ និងអង្គការសង្គមស៊ីវិល។ ជាការមិនពិត! តាមការពិត បណ្តាមុខសញ្ញាទាំងអស់នេះ បានប្រព្រឹត្តល្មើសច្បាប់ដោយខ្លួនងង ទើបត្រូវទទួលខុសត្រូវចំពោះមុខច្បាប់ ដែលមានដូចជា៖
. កាសែតខេមបូឌ៊ាដេលី ល្មើសច្បាប់ដោយមិនបង់ពន្ធជូនរដ្ឋ ត្រូវបិទ។
. វិទ្យុអាស៊ីសេរី មានខ្លួនរត់ចេញខ្លួនឯង។
. វិទ្យុ FM មួយចំនួនត្រូវផ្អាកសកម្មភាពដោយសាររំលោភកិច្ចសន្យាជាមួយក្រសួងព័ត៌មាន។
. របស់ដែលហៅថា បន្ទប់ស្ថានការណ៍ ត្រូវរំសាយចោលដោយសារមិនបានចុះបញ្ជីនៅក្រសួងមហាផ្ទៃ និងមិនមានតំកល់លក្ខន្តិកៈ៕
No comments:
Post a Comment