លោក សុខ ឥសាន បន្តថា សូម្បីតែដៃគូប្រកួតប្រជែងក្នុងឆាកនយោបាយ របស់សម្តេច ក៏តែងទទួលបានការអធ្យាស្រ័យពីសម្តេចដែរ ជាក់ស្តែងករណី ទណ្ឌិត សម រង្ស៊ី គឺមានការយោគយល់ច្រេីនលេីកច្រេីនសារ ពីសម្តេចតេជា រហូតដល់មានការបេីកផ្លូវឲ្យចូលមកបន្តសកម្មភាពនយោបាយតទៅទៀតក្នុងប្រទេស។
អ្នកនាំពាក្យគណបក្សប្រជាជនកម្ពុជា បានលើកឡើងទៀតថា មួយវិញទៀត សម្តេចនៅបានព្យាយាមផ្សារភ្ជាប់មនោសញ្ចេតនាជាមួយ ទណ្ឌិត សម រង្ស៊ី ជាច្រេីនលេីកច្រេីនសារ តែត្រូវបាន ទណ្ឌិត សម រង្ស៊ី បំផ្លាញការខិតខំរបស់សម្តេចរហូតមក ហេីយនៅតែចងអាឃាតជាមួយសម្តេចដដែល ដោយគ្មានការភ្ញាក់រលឹកកែប្រែអ្វីសោះ។
លោក សុខ ឥសាន បន្តថា ចំពោះករណី លោក កឹម សុខា វិញ ក៏ត្រូវបានសម្តេចតេជា យោគយល់អធ្យាស្រ័យច្រេីនដែរ តែដោយសារ លោក កឹម សុខា បានយកបរទេសជាគ្រូ និងយកផែនការផ្តួលរំលំរាជរដ្ឋាភិបាលស្របច្បាប់ តាមវិធីបដិវត្តន៍ពណ៌ ដែលនាំគ្រោះថ្នាក់ដល់សន្តិភាព និងវាសនាប្រទេសជាតិ ទេីបលោក កឹម សុខា ត្រូវទទួលខុសត្រូវចំពោះទង្វើររបស់ខ្លួនយ៉ាងនេះ គ្មានអ្នកណាបង្កេីតទោសឲ្យគាត់ទេ គឺគាត់បង្កេីតដោយខ្លួនឯង។
លោកបន្តថា ចំពោះគណបក្សសង្គ្រោះជាតិ ក៏បានបង្កេីតកំហុសធ្ងន់ធ្ងរ ដែលត្រូវប្រឈមចំពោះមុខច្បាប់ស្តីពីគណបក្សនយោបាយ ដែលនឹងឈានទៅត្រូវរំលាយ ដោយតុលាការកំពូលនាពេលខាងមុខនេះ។ ទោះបីមានមនោសញ្ចេតនាយ៉ាងណាក៏មិនអាចជួយរួចដែរ ទុកឲ្យធ្វេីដំណេីរតាមយថាកម្មទៅចុះ ។ អ្នកនាំពាក្យគណបក្សប្រជាជនរូបនេះ បានឱ្យដឹងទៀតថា ក៏ប៉ុន្តែ ដោយមានមនោសញ្ចេតនាដ៏ជ្រាលជ្រៅចំពោះបងប្អូនថ្នាក់ក្រោម សម្តេចតេជោ លោកបានដាក់ចេញនូវនយោបាយឈ្នះឈ្នះ ជាថ្មីទៀត ដេីម្បីបេីកផ្លូវឲ្យបងប្អូនមានជម្រេីសសម្រាប់អនាគតរបស់ខ្លួន តាមការភ្ញាក់រលឹក ់ស្របតាមសិទ្ធិនយោបាយដែលមានចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជា ។
ចំពោះករណី លោក ហុង សុខហួរ ត្រូវបានលោក សុខ ឥសាន លើកឡើងថា ដោយមានការភ្ញាក់រលឹក ទទួលស្គាល់កំហុសកន្លងទៅ ត្រូវបានសម្តេចតេជោ សណ្តោសប្រណីស្នេីទូលថ្វាយព្រះមហាក្សត្រ ទ្រង់ប្រោសព្រះរាជទានលេីកលែងទោស ឲ្យដោយក្តីមេត្តាធ៌ម។ ការសណ្តោសប្រោសប្រណី និងការខិតខំដេីម្បីឲ្យមានការស្រុះស្រួលនៅក្នុងសង្គមជាតិនេះហេីយ បញ្ជាក់ច្បាស់ថា សម្តេចតេជោ ហ៊ុន សែន គឺពិតជាមជ្ឈមណ្ឌលនៃសុខដុមនីយកម្មសង្គមកម្ពុជាយ៉ាងពិតប្រាកដ ដែលក្នុងនាមជាមេដឹកនាំប្រទេស សម្តេចមិនដែលយកអ្នកណាជាខ្មាំងសត្រូវទេ មានតែគេទេ ដែលតែងតែចងអាឃាតជាមួយសម្តេចជាសត្រូវស្លាប់រស់តែម្តង។
សរុបមកវិញ សម្តេចតេជោ ហ៊ុន សែន គឺពិតជាវីរជនកំពូលនៃកម្ពុជា ដែលតែងតែមានព្រហ្មវិហារធ៌មចំពោះគ្រប់ប្រជាជនកម្ពុជា មានមនោសញ្ចេតនាមិនចេះរីងស្ងួតចំពោះប្រជាជន ទោះបីមាននិន្នាកានយោបាយខាងបក្សណាក៏ដោយ ក៏នៅតែជាជនរួមឈាមខ្មែរតែមួយ ដែលលក្ខណៈនេះ សម្តេចគឺពិតជាមជ្ឈមណ្ឌលនៃសុខដុមនីយកម្មសង្គមកម្ពុជា គួរជាទីគោរព ស្រឡាញ់ មែន៕
No comments:
Post a Comment