ឧបនាយករដ្ឋមន្រ្ដី ស ខេង ចេញសេចក្ដីណែនាំពីការកែតម្រូវ និងការធ្វើមោឃភាពទិន្នន័យបញ្ជីអត្រានុកូលដ្ឋាន

លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ បានចេញណែនាំស្ដីពីការកែតម្រូវ និងការធ្វើមោឃ ភាពនៃទិន្នន័យអត្រានុកូលដ្ឋាន ដើម្បីដោះស្រាយការលំបាកចំពោះមុខរបស់ប្រជាពលរដ្ឋ។

តាមសេចក្ដីណែនាំរបស់ក្រសួងមហាផ្ទៃ ដែលទទួលបាននៅថ្ងៃទី២៥ ខែតុលា ឆ្នាំ២០១៧នេះ បានបញ្ជាក់ថា ដោយសារការផ្ទៀងផ្ទាត់ទិន្នន័យប្រជាពលរដ្ឋ នាពេលកន្លងមក ក្រសួងមហាផ្ទៃបានកត់សម្គាល់ឃើញថា ប្រជាពលរដ្ឋប្រមាណជិត ៥% បាននិងកំពុងជួបប្រទះបញ្ហាខុសទិន្នន័យអត្តសញ្ញាណរបស់ខ្លួន នៅក្នុងបញ្ជី និងសំបុត្រអត្រានុកូលដ្ឋាន ជាមួយឯកសារអត្តសញ្ញាដទៃទៀត និងប្រជាពលរដ្ឋខ្លះបានចុះបញ្ជីអត្រា នុកូលដ្ឋានប្រភេទតែមួយលើសពីមួយដង ជាពិសេសការចុះបញ្ជីក្នុងអំឡុង ពេលយុទ្ធនាការចុះបញ្ជីអត្រា នុកូលដ្ឋានចល័ត ដែលបានធ្វើឱ្យសាមីខ្លួនជួបការលំបាកយ៉ាងខ្លាំង ក្នុងការស្នើសុំសេវារដ្ឋបាលផ្សេងៗ។

ខាងក្រោមនេះ ជាសេចក្ដីណែនាំរបស់ក្រសួងមហាផ្ទៃ៖