យុគ្គរបស់ប្រធានាធិបតី ស៊ី ជិនពីង បានចាប់ផ្តើម។ នៅពេលឡើងទៅកាន់វេទិការនៃវិមានប្រជាជនចិន និងថ្លែងសុន្ទរកថាដ៏យូរខុសពីធម្មតារបស់គាត់នៅពិធីបើកសមាជលើកទី ១៩ របស់បក្សកុម្មុយនីស្តនៅថ្ងៃពុធមក លោក ស៊ី បានដាក់ចេញទស្សនៈវិស័យដ៏មហិច្ឆតាមួយ មិនគ្រាន់តែសម្រាប់អាណត្តិទីពីនៅពេល ៥ ឆ្នាំខាងមុខរបស់គាត់ប៉ុណ្ណោះទេ ប៉ុន្តែរហូតដល់រយៈពេល ៣០ ឆ្នាំខាងមុខទៀតផង។ ចិននឹងក្លាយជាប្រទេសសង្គមនិយមទំនើបដ៏អស្ចារ្យមួយនៅពាក់កណ្តាលសតវត្សរ៍ទី ២១។
លោក ស៊ី មិនបានលាក់កំបាំងអំពីតួនាទីដឹកនាំរបស់គាត់ និងមុខតំណែងរបស់គាត់នៅក្នុងសមាជបក្ស នៅពេលគាត់បានប្រកាសថា ចិនបានឈានចូលក្នុងយុគ្គថ្មីមួយ ហើយបក្សនឹងចាប់ផ្តើមធ្វើដំណើរលើផ្លូវថ្មីមួយដែលនឹងជំរុញប្រទេសឲ្យទៅកាន់មជ្ឈមណ្ឌលរបស់ពិភពលោក ដើម្បីសម្រេចបានការអំពាវនាវរបស់គាត់ក្នុងការបំពេញតាមសុបិនរបស់ចិន អំពីការលើកកម្ពស់ជាតិឡើងវិញ។
ក្នុងខណៈដែលសុន្ទរកថាដ៏វែងរយៈពេលជាង ៣ ម៉ោងរបស់គាត់បានលើកឡើងស្ទើតែគ្រប់អ្វីៗទាំងអស់ ដែលមានតាំងពីនយោបាយរហូតដល់រឿងសេដ្ឋកិច្ច ក្រុងហុងកុង និងកោះតៃវ៉ាន់ និងទំនាក់ទំនងការបរទេសនោះ សុន្ទរកថានោះបានទាញមកការសន្និដ្ឋានថា នៅពេលបក្សពង្រឹងអំណាចលើ “អ្វីៗគ្រប់យ៉ាង” នោះ បក្សក៏ធ្វើអ្វីៗទាំងអស់ដែលខ្លួនអាច ដើម្បីបំពេញតាមក្តីសង្ឃឹមរបស់ប្រជាជនចិនសម្រាប់ជីវិតប្រសើរឡើង ដើម្បីជាការដោះដូរយកភាពស្របច្បាប់ក្នុងការរក្សាការដឹកនាំផ្តាច់ការនៅក្នុងប្រទេស។
នៅឆាកអន្តរជាតិ ស៊ី មានបំណងលើកកម្ពស់វិធីរបស់ចិនក្នុងការអភិវឌ្ឍសេដ្ឋកិច្ចរបស់ខ្លួនជាមួយការដឹកនាំផ្តាច់ការ និងដោយគ្មានការប្រើគោលតម្លៃរបស់លោកខាងលិច ជាគំរូមួយដែលគេស្គាល់ថា “របបសង្គមនិយមតាមចារឹកចិន” មកធ្វើជាគំរូមួយសម្រាប់ប្រទេសផ្សេងធ្វើតាម។
គាត់បាននិយាយថា “គំរូនោះគឺជាជម្រើសថ្មីមួយសម្រាប់ប្រទេសផ្សេងៗដែលចង់ពន្លឿនការអភិវឌ្ឍរបស់គេ ក្នុងខណៈដែលរក្សាភាពឯករាជ្យរបស់គេ”។
ការធ្វើអត្ថាធិប្បាយរបស់កាសែត ស៊ីនហួរ បានធ្វើលើសពីនោះទៀត ដោយលើកឡើងថា សុន្ទរកថារបស់លោក ស៊ី ផ្តល់ជាសញ្ញាថា “សតវត្សរ៍ទី ២១ គឺទំនងជាមើលឃើញថា របបមូលធននិយមបានបាត់បង់ការទាក់ទាញរបស់វា ក្នុងខណៈដែលចលនាសង្គមនិយម ដឹកនាំដោយចិនបានទាក់ទាញចំណាប់អារម្មណ៍យ៉ាងឆាប់រហ័ស”។
នៅចំណុចផ្សេងមួយទៀត សុន្ទរកថាដ៏វែងរបស់លោក ស៊ី ដែលបានធ្វើតេស្តដល់សុខភាពរាងកាយរបស់បុរសអាយុ ៦៤ ឆ្នាំរូបនោះ ក៏បានជួយបំបាត់កង្វល់ណាមួយអំពីសុខភាពរបស់គាត់ចាប់ពីគាត់ឡើងកាន់អំណាចនៅឆ្នាំ ២០១២ ផងដែរ។
ដូចការរំពឹងទុក ទស្សនៈវិស័យដ៏ធំ និងមូលហេតុរបស់លោក ស៊ី ដែលបានបញ្ចូលនៅក្នុងសុន្ទរកថានោះនឹងត្រូវសរសេរចូលទៅក្នុងរដ្ឋធម្មនុញ្ញរបស់បក្ស នៅពេលសមាជនោះបិទបញ្ចប់នៅថ្ងៃអង្គារ។ បន្ទាប់ពីសុន្ទរកថារបស់លោក ស៊ី មេដឹកនាំចិនផ្សេងទៀតបានចាប់ផ្តើមកោតសរសើរលើទ្រឹស្តីនយោបាយថ្មីដែលមានឈ្មោះរបស់គាត់ថា “ទស្សនៈរបស់ ស៊ី ជិនពីង លើរបបសង្គមនិយមតាមចារឹកចិនសម្រាប់យុគ្គថ្មីមួយ”។
នេះនឹងដាក់លោក ស៊ី ធៀបជាមួយលោក ម៉ៅ សេទុង ដែលនៅតែមានអំណាច នៅពេលទស្សនៈដែលដាក់ឈ្មោះគាត់ត្រូវបានចារនៅក្នុងរដ្ឋធម្មនុញ្ញបក្ស។
សម្រាប់មេដឹកនាំកំពូលចិនម្នាក់ដែលមានអំណាចខ្លាំងនោះ លោក ស៊ី ចាំបាច់ត្រូវតែបន្តសម្រេចនូវគោលដៅ ៣ គឺ ការដាក់ទស្សនៈរបស់គាត់ចារជាទ្រឹស្តីតម្រង់ទិសនៅក្នុងរដ្ឋធម្មនុញ្ញបក្ស ប្រើការគ្រប់គ្រងផ្តាច់មុខលើកងកម្លាំងប្រដាប់អាវុធ និងតែងតាំងអ្នកគាំទ្ររបស់គាត់ដើម្បីបំពេញក្នុងការិយាល័យនយោបាយដែលមានសមាជិក ២៥ នាក់ និងគណៈកម្មាធិការអចិន្ត្រៃយ៍ដែលមានសមាជិក ៧ នាក់របស់វា (ជាក្រុមប្រឹក្សាដឹកនាំខ្ពស់បំផុតសម្រាប់បក្ស និងប្រទេស)។
បន្ទាប់ពីសម្រេចបានគោលដៅដំបូងពីរនោះ ការធ្វើតេស្តចុងក្រោយនឹងឃើញមាននៅព្រឹកថ្ងៃពុធ នៅពេលគេរំពឹងថា លោក ស៊ី នឹងដឹកនាំសមាជិក ៦ រូបផ្សេងទៀតរបស់គណៈកម្មាធិការអចិន្ត្រៃយ៍នយោបាយឡើងទៅកាន់វេទិការនៅក្នុងវិមានប្រជាជនចិនដើម្បីជួបអ្នកកាសែត។
បណ្តាញផ្សព្វផ្សាយ និងអ្នកវិភាគបរទេសជាច្រើនបានមើលឃើញសមាសភាពថ្មីរបស់គណៈកម្មាធិការនោះថា ជាការធ្វើតេស្តចុងក្រោយនៃអំណាចរបស់លោក ស៊ី និងជាសូចនាករលើចេតនារបស់គាត់អំពីថា តើគាត់មានផែនការកាន់អំណាចយូរជាងការរំពឹងទុកឬអត់។
តាមការសង្កេតរបស់កាសែត South China Morning Post ការរៀបចំថ្នាក់ដឹកនាំថ្មីនោះទំនងជាមានដូចជា លោក ស៊ី ជិនពីង លោក លី គឺឈៀង លោក Li Shanshu, Han Zheng, Wang Huning, Zhao Leji, និង Wang Yang។ ប្រសិនបើបញ្ជីនោះច្បាស់មែននោះ វាពិតជាផ្ទុយទៅនឹងការព្យាករណ៍របស់អ្នកវិភាគនៅបរទេសជាច្រើន។ វាក៏បញ្ជូនសារគួរឲ្យចាប់អារម្មណ៍ជាច្រើនអំពីរៀបដឹកនាំសម្រាប់ពេលជាច្រើនឆ្នាំខាងមុខទៀតនោះ។
ដូចបានលើកឡើងកាលពីពេលមុន លោក ស៊ី ហាក់ដូចជាបានជ្រើសរើសយកនិរន្តរភាពនិងស្ថិរភាពនយោបាយ នៅពេលសម្រេចរៀបចំថ្នាក់ដឹកនាំ ទោះបីជាគាត់នៅកាន់អំណាចក៏ដោយ។ សមាសភាពនៃការរៀបចំថ្នាក់ដឹកនាំថ្មីនោះក៏បានបង្ហាញពីចំណាប់អារម្មណ៍មកពីក្រុមផ្សេងៗទៀតដែរ ដូចជាក្រុមនៅសៀងហៃដឹកនាំដោយលោក Jiang Zemin និងសម្ព័ន្ធយុវជនកុម្មុយនីស្តដឹកនាំដោយលោក Hu Jintao ជាដើម។
ផ្ទុយនឹងការនិយាយតៗគ្នា លោក Li Keqiang ដែលស្នើពីសម្ព័ន្ធយុវជនកុម្មុយនីស្តនឹងនៅតែជានាយករដ្ឋមន្ត្រីរយៈពេល ៥ ឆ្នាំខាងមុខទៀតដែលមានឋានៈនយោបាយមិនផ្លាស់ប្តូរក្នុងលេខរៀងទីពីរនៅក្នុងបក្ស។
លោក Wang Qishan ជាសម្ព័ន្ធមិត្តទុកចិត្តរបស់ ស៊ី ដែលទទួលបន្ទុកក្នុងយុទ្ធនាការប្រឆាំងអំពើពុករលួយ នឹងលាចេញពីគណៈកម្មាធិការនោះ ដោយសារតែគាត់ឈានចូលដល់អាយុចូលនិវត្តន៍។ លោក Chen Miner ជាសិស្សរបស់ ស៊ី នឹងមិនចូលទៅកាន់គណៈកម្មាធិការនោះទេ។ នេះបង្ហាញជាសញ្ញាថា ស៊ី បានគោរពតាមយ៉ាងខ្ជាប់ខ្ជួនអំពីការកំណត់អាយុ និងភាពធ្វើការយូរ នៅពេលពិចារណាលើបេក្ខជនសម្រាប់តំណែងកំពូលនោះ ជាថ្មីម្តងទៀត ផ្ទុយទៅនឹងការនិយាយតៗគ្នាដែលថា គាត់នឹងរំលោភច្បាប់ដើម្បីផលប្រយោជន៍ផ្ទាល់របស់គាត់។
លោក Li Shanshu ជាឧត្តមសេនីយឯកដ៏ទុកចិត្តបំផុតម្នាក់របស់ ស៊ី គឺទំនងជាក្លាយជាប្រធានរបស់សមាជប្រជាជន (National People’s Congress)។ នេះគួរជាការភ្ញាក់ផ្អើល ដោយសារតែគាត់ត្រូវបានគេនិយាយតៗគ្នាថា នឹងដឹកនាំស្ថាប័នប្រឆាំងអំពើពុករលួយបន្ទាប់ពីការចូលនិវត្តន៍របស់លោក Wang។
ការឡើងតំណែងរបស់លោក Han Zheng ជាលេខាធិការបក្សនៅក្រុងសៀងហៃ ដែលជាមូលដ្ឋានអំណាចរបស់លោក Jiang នោះ ត្រូវបានរំពឹងទុកខ្លាំង។ មានការលើកឡើងថា គាត់អាចក្លាយជាឧបនាយករដ្ឋមន្ត្រី ប៉ុន្តែការកាន់មុខតំណែងលើសន្និសីទពិគ្រោះនយោបាយរបស់ប្រជាជនចិន ជាមុខតំណែងលេខរៀងទី ៤ ក្នុងបក្សគួរតែផ្តល់ឲ្យគាត់នូវឋានៈនិងកិត្យានុភាពថែមទៀត។
ការលើកកម្ពស់លោក Wang Huning ជាអ្នកផ្តល់យោបល់ដល់បក្សដ៏ទុកចិត្តបំផុតដែលបានផ្តល់ប្រឹក្សាដល់ប្រធានាធិបតី ៣ នាក់ចាប់ពីលោក Jiang រហូតដល់លោក Hu និងឥឡូវនេះលោក ស៊ី ស្តីពីការបង្កើតទស្សនៈនយោបាយរបស់គេនោះ ក៏នឹងជាការភ្ញាក់ផ្អើលដល់អ្នកវិភាគខ្លះដែលគេជឿថា បក្សចង់មានមេដឹកនាំរបស់គណៈកម្មាធិការកំពូលរបស់បក្សដែលមានបទពិសោធន៍ច្រើន ក្នុងការគ្រប់គ្រងខេត្តមួយឬពីរក្នុងនាមជាប្រធានបក្ស។ ប៉ុន្តែ មានការលើកលែងនៅក្នុងឆ្នាំ ២០០២ នៅពេលលោក Wen Jiabao ត្រូវបានដាក់ឈ្មោះចូលក្នុងគណៈកម្មាធិការនោះ ហើយក្រោយមកបានក្លាយជានាយករដ្ឋមន្ត្រី ទោះបីជាមិនមានបទពិសោធន៍ដឹកនាំខេត្តណាមួយក៏ដោយ។
លោក Zhao Leji ដែលនឹងគ្រប់គ្រងស្ថាប័នប្រឆាំងអំពើពុករលួយនោះក៏មានការភ្ញាក់ផ្អើលដែរ ប៉ុន្តែការពិនិត្យកាន់តែគៀកទៅ បានបង្ហាញពីមូលហេតុល្អនៅពីក្រោយការតែងតាំងនោះ។ នៅពេល ៥ ឆ្នាំកន្លងទៅនេះ លោក Zhao បានទទួលខុសត្រូវក្នុងនាយកដ្ឋានដ៏មានអំណាចរបស់បក្ស ក្នុងការគ្រប់គ្រងអាជីពរបស់មន្ត្រីបក្សរាប់លាននាក់។ នៅពេលយុទ្ធនាការប្រឆាំងអំពើពុករលួយរបស់ចិនមានគោលដៅក្នុងការប្រយុទ្ធអំពើប្រឆាំងអំពើពុករលួយរបស់មន្ត្រីនោះ បទពិសោធន៍របស់គាត់គួរតែជាបទពិសោធន៍ល្អនៅក្នុងមុខតំណែងថ្មីរបស់គាត់។
ចុងក្រោយ ការតម្លើងលោក Wang Yang ទៅកាន់តំណែងឧបនាយករដ្ឋមន្ត្រីនោះ ត្រូវបានគេរំពឹងទុកដែរ។ លោក Wang ដែលធ្វើការឡើងជាលំដាប់នៅក្នុងសម្ព័ន្ធយុវជនកុម្មុយនីស្តនោះបានបង្ហាញពីជំនាញរបស់គាត់ក្នុងការគ្រប់គ្រងបញ្ហាសេដ្ឋកិច្ចដ៏ស្មុគស្មាញ ក្នុងខណៈជាប្រធានបក្សរបស់ខេត្ត Chongqing និងខេត្តក្វាងចូវ និងក្នុងតួនាទីបច្ចុប្បន្នរបស់គាត់ក្នុងនាមជាឧបនាយករដ្ឋមន្ត្រីទទួលបន្ទុកកសិកម្មនិងពាណិជ្ជកម្មបរទេស។ ក្នុងពេល ៥ ឆ្នាំកន្លងទៅនេះ ក្នុងនាមជាមន្ត្រីទទួលបន្ទុកយុទ្ធនាការលប់បំបាត់ភាពក្រីក្រ ជាអាទិភាពខ្លាំងមួយរបស់លោក ស៊ី លោក Wang បានបង្ហាញពីភាពស្មោះត្រង់របស់គាត់ដែរ។ នៅពេលមនុស្សសំខាន់របស់ចិនលើការដោះស្រាយជាមួយក្រុងវ៉ាស៊ីនតោនលើបញ្ហាសេដ្ឋកិច្ចនិងពាណិជ្ជកម្មនោះ ការតម្លើងតួនាទីរបស់លោក Wang គួរតែត្រូវស្វាគមន៍ដោយវិនិយោគិនបរទេស។
ជាការពិត ការរៀបចំថ្នាក់ដឹកនាំថ្មីដោយគ្មានអ្នកស្នងតំណែងពូកែនៅចំពោះមុខនោះអាចបង្កឲ្យមានការនិយាយតៗគ្នាច្រើនថែមទៀតអំពីថា តើលោក ស៊ី នឹងបន្តកាន់អំណាចលើពីអាណត្តិទីពីររបស់គាត់ឬអត់។ ប៉ុន្តែ ការរៀបចំរបស់គាត់នោះក៏អាចបង្ហាញពីវិធីថ្មីរបស់ ស៊ី លើបញ្ហានៃការជ្រើសរើសអ្នកស្នងតំណែងបន្តដែរ ពោលគឺ បេក្ខជនខ្លាំងពូកែនឹងត្រុវតែបង្ហាញខ្លួនឯងនៅកម្រិតការិយាល័យនយោបាយ នៅមុនពេលទទួលបានឱកាសឡើងដល់មុខតំណែងថ្មីទៀត។
តាមរបៀបណាក៏ដោយ ការរៀបចំថ្នាក់ដឹកនាំបែបនេះនឹងជួយបង្កើនតួនាទីរបស់ ស៊ី មកធ្វើជាមេដឹកនាំដ៏ខ្លាំងថ្មីរបស់ចិន ជាអ្វីមួយដែលបង្ហាញថា លោក Jiang, Hu និងសមាជិកគណៈកម្មាធិការអចិន្ត្រៃយ៍នៃការិយាល័យនយោបាយចូលនិវត្តទាំងអស់ជំនះអាកាសធាតុត្រជាក់ដើម្បីបង្ហាញមុខរបស់គេនិងអបអរសាទរសុន្ទរកថា របស់លោក ស៊ី នៅក្នុងពិធីបើកសមាជបក្ស៕
ប្រភព៖ South China Morning Post ចុះថ្ងៃ២៥ ខែតុលា ឆ្នាំ២០១៧
No comments:
Post a Comment