លោកទេសរដ្ឋមន្រ្តី ឆាយ ថន ថ្វាយសារលិខិតថ្វាយព្រះពរ ព្រះមហាក្សត្រក្នុងឱកាសព្រះរាជពិធីខួបលើកទី១៣នៃការយាងគ្រងរាជសម្បត្តិ

លោកទេសរដ្ឋមន្ត្រី ឆាយ ថន រដ្ឋមន្ត្រីក្រសួងផែនការ ព្រមទាំងថ្នាក់ដឹកនាំ មន្ត្រីរាជការក្រោមឱវាទទាំងអស់សូមថ្វាយព្រះពរ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ក្នុងទិវាដ៏មហានក្ខត្តឬក្សថ្លៃថ្លាគំរប់ខួបលើកទី១៣ ដែលព្រះករុណា ព្រះបាទសម្តេច ព្រះបរមនាថ នរោត្តម សីហមុនី ជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គទ្រង់សព្វព្រះរាជហឬទ័យឡើងគ្រងព្រះបរមរាជសម្បត្តិជាព្រះមហាក្សត្រ នៃព្រះរាជាណាចក្រកម្ពុជា ដែលនឹងប្រព្រឹត្តទៅនៅថ្ងៃទី២៩ ខែតុលា ឆ្នាំ២០១៧ ខាងមុខនេះ។

ទូលព្រះបង្គំយើងខ្ញុំទាំងអស់គ្នា សូមលើកហត្ថបួងសួងដល់គុណបុណ្យ ព្រះរតនត្រៃយ៍ គុណកែវទាំងបី និងទេវតារក្សាព្រះមហាស្វេត្រឆ័ត្រព្រមទាំងវត្ថុស័ក្តិសិទ្ធក្នុងលោកសូមតាមជួយបីបាច់ថែរក្សា ព្រះករុណា ជាអម្ចាស់ជីវិតលើត្បូង ព្រមទាំងព្រះរាជវង្សានុវង្ស សូមប្រកបដោយព្រះជន្មាយុយ៉ឹនយូរព្រះសុខភាពបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា ដើម្បីព្រះអង្គបានគង់ជាម្លប់ដ៏ត្រជាក់ត្រជុំជាទីកក់ក្តៅសុខសាន្តរបស់ប្រជានុរាស្ត្រខ្មែរទូទាំងព្រះរាជាណាចក្រកម្ពុជាតរៀងទៅ៕