កាំកុងត្រូលខេត្តស្វាយរៀង ចុះពិនិត្យគុណភាពទំនិញក្នុងផ្សារមួយចំនួន តែរកពុំឃើញសារធាតុគីមីលើម្ហូបអាហារនោះទេ

ស្វាយរៀង៖ ក្នុងឱកាសនៃពិធីកាន់បិណ្ឌនេះ ក្រុមការងារសាខាកាំកុងត្រូលខេត្តស្វាយរៀង ដោយបានកិច្ចសហការពីមន្ទីរពាណិជ្ជកម្ម អាជ្ញាធរដែនដី និងគណៈកម្មការផ្សារ បានចុះទៅធ្វើការអង្កេតទីផ្សារក្រោលគោ និងផ្សារស្វាយជ្រុំ ក្នុងស្រុកស្វាយជ្រុំ នៅព្រឹកថ្ងៃទី ១៤ ខែកញ្ញា ឆ្នាំ២០១៧នេះ ដោយបានចុះពិនិត្យលើប្រក្រតីភាព និងអនុលោមភាព នៃទំនិញដែលបានដាក់តាំងលក់លើទីផ្សារខាងលើ ព្រមទាំងបានធ្វើតេស្តបឋមទៅលើមុខទំនិញមួយចំនួន ដូចជា បន្លែ និង ផ្លែឈើ ។

ជាលទ្ធផលបង្ហាញថា ពុំមានវត្តមានសារធាតុគីមីបន្ថែមលើម្ហូបអាហារ ត្រូវបានរកឃើញនោះទេ ក៏ប៉ុន្តែ ក្នុងនោះក្រុមការងារក៏បានដកហូតទៅតាមនីតិវិធីនូវផលិតផលមួយចំនួនដែលមានសភាពមិនប្រក្រតី និងខូចគុណភាពសម្រាប់ធ្វើការកម្ទេច ចោលផងដែរ៕