រដ្ឋមន្រ្តីក្រសួងសុខាភិបាល ដឹកនាំក្រុមគ្រូពេទ្យចុះពិនិត្យ ​ព្យាបាលជម្ងឺ​ដោយឥតគិតថ្លៃ​ជូនកម្មករ-កម្មការិនី​ ក្នុងស្រុក​ខ្សាច់កណ្តាល​

នៅថ្ងៃទី១៤ ខែកញ្ញា ឆ្នាំ២០១៧នេះ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល និង លោក ម៉ៅ ភិរុណ អភិបាលនៃគណៈអភិបាលខេត្តកណ្តាល រួមជាមួយមន្រ្តីពាក់ព័ន្ធ បានដឹកនាំក្រុមគ្រូពេទ្យមន្ទីរសុខាភិបាលខេត្តកណ្តាល ចុះពិនិត្យ និងព្យាបាលជម្ងឺដោយឥតគិតថ្លៃជូនដល់កម្មករ-កម្មការិនី ចំនួន២០០នាក់ នៅក្នុងរោងចក្រគ្រឹស្តាល់ម៉ាទីន ស្ថិតនៅតំបន់អភិវឌ្ឍន៍ 7NG ក្នុងឃុំវិហារសួគ៌ ស្រុកខ្សាច់កណ្តាល ខេត្តកណ្តាល។

ក្នុងឱកាសនោះដែរ រដ្ឋមន្ត្រីក្រសួងសុខាភិបាល បានជម្រាបជូនបងប្អូនកម្មករ កម្មការិនី អំពីការយកចិត្តទុកដាក់របស់រាជរដ្ឋាភិបាល តាមរយៈការដាក់ចេញនូវគោលនយោបាយនានា ដែលបានផ្តល់អត្ថប្រយោជន៍យ៉ាងច្រើនចំពោះកម្មករ កម្មការិនី ព្រមទាំងបានអញ្ជើញពិនិត្យសង្វាក់ផលិតកម្មក្នុងរោងចក្រផងដែរ៕