ទាំងរដ្ឋាភិបាល និងវិស័យសាសនារវាង កម្ពុជា-វៀតណាម នៅតែបន្តកិច្ចសហប្រតិបត្តិការល្អជាមួយគ្នា

លោកទេសរដ្ឋមន្រ្តី ហ៊ឹម ឆែម រដ្ឋមន្ត្រីក្រសួងធម្មការ និងសាសនា បានលើកឡើងថា ប្រទេសកម្ពុជា និង​វៀត​ណាម មានកិច្ចសហប្រតិបត្តិការល្អ ទាំងរដ្ឋាភិបាល ក៏ដូចជាការងារសាសនា ជាពិសេសលើការផ្លាស់ប្តូរប្រតិភូធ្វើទស្សនកិច្ច ដកពិសោធន៍ការងារ សាសនាទៅវិញទៅមកបានល្អប្រសើរ។

លោកទេសរដ្ឋមន្រ្តី ហ៊ឹម ឆែម បានលើកឡើងបែបនេះ ខណៈលោក បានអនុញ្ញាត ឱ្យគណៈប្រតិភូគណៈកម្មការ សាសនារដ្ឋាភិបាលវៀតណាម ដឹកនាំដោយលោក ហ្សឿង ងុកទិន (Duong Ngoc Tan) អនុប្រធានគណៈកម្មការ សាសនានៃរដ្ឋាភិបាលវៀតណាម ចូលជួបសម្តែងការគួរសម និងពិភាក្សាការងារ នៅថ្ងៃទី១៣ ខែកញ្ញា ឆ្នាំ២០១៧។

ជាការឆ្លើយតបលោក ហ្សឿង ងុកទិន (Duong Ngoc Tan) បានលើកឡើងថា វៀតណាមនឹងបន្តការទំនាក់ទំនង កិច្ចសហប្រតិបត្តិការដ៏ល្អនេះ ឱ្យកាន់តែមានភាពរឹងមាំថែមទៀត សម្រាប់ប្រទេសយើងទាំងពីរ ស្ថិតស្ថេរជាអមត: ៕