នៅថ្ងៃទី១៤ ខែកញ្ញា ឆ្នាំ២០១៧នេះ លោក គាត ឈន់ ប្រធានក្រុមប្រឹក្សាសេដ្ឋកិច្ចជាតិ បានអញ្ជើញជាអធិបតីក្នុងពិធីជួបជុំ អបអរសាទរ ចែករង្វាន់ និងសំណេះសំណាលសិស្សប្រឡងជាប់សញ្ញាបត្រមធ្យមសិក្សាទុតិយភូមិឆ្នាំសិក្សា ២០១៦-២០១៧ ព្រមទាំងលោកគ្រូ អ្នកគ្រូ នាយក នាយករងវិទ្យាល័យ សិលាវេទីគាតឈន់ នៅស្រុកឆ្លូង ខេត្តក្រចេះ។
ក្នុងពិធីនេះដែរក៏មានការចូលរួមពី លោក សរ ចំរុង អភិបាលខេត្ត លោក លោកស្រី ក្រុមការងារថ្នាក់ជាតិចុះជួយស្រុកឆ្លូង អភិបាលរងខេត្ត លោក លោកស្រី ប្រធាន-អនុប្រធានមន្ទីរអង្គភាពជុំវិញខេត្ត លោកគ្រូ អ្នកគ្រូ មាតាបិតាសិស្ស និងសិស្សដែលជាប់និទ្ទេសយ៉ាងច្រើនកុះករ។
សូមបញ្ជាក់ថាស្រុកឆ្លូង សិស្សប្រឡងជាប់និទ្ទេសA ដល់E មានចំនួន១០១នាក់។ ក្នុងនោះនិទ្ទេសAចំនួន២នាក់ និទ្ទេស Bចំនួន១០នាក់ និទ្ទេសCចំនួន៧នាក់ និទ្ទេសDចំនួន១៨នាក់ និងនិទ្ទេសEចំនួន៦៦នាក់៕
No comments:
Post a Comment