នាយឧត្តមសេនីយ៍ សៅ សុខា ជួបសំណេះសំណាលជាមួយសិក្ខាកាមវគ្គបណ្ដុះបណ្ដាល នាយទាហានរងកងរាជអាវុធហត្ថជំនាន់ទី៤២

នាយឧត្តមសេនីយ៍ សៅ សុខា អគ្គមេបញ្ជាការរង និងជាមេបញ្ជាការកងរាជអាវុធហត្ថលើផ្ទៃប្រទេស នៅថ្ងៃទី១៤ ខែកញ្ញា ឆ្នាំ២០១៧នេះ បានអញ្ជើញធ្វើការសំណេះសំណាល ជាមួយសិក្ខាកាមវគ្គបណ្តុះបណ្តាល នាយទាហានរង នៃកងរាជអាវុធហត្ថជំនាន់ទី៤២ ក្នុងឱកាសបុណ្យភ្ជុំបិណ្ឌ និងបន្ដដំណើរចុះត្រួតពិនិត្យ ការសាងសង់ហេដ្ឋារចនាសម្ព័ន្ធ នៅមជ្ឈមណ្ឌលកងរាជអាវុធហត្ថ ភ្នំជុំរាយ។

ក្នុងឱកាសនោះ ក៏មានការចូលរួមពីសំណាក់ លោកឧត្តមសេនីយ៍ មេបញ្ជាការរង ស្នងការ នាយកសាលា និងនាយទាហាន ជាច្រើនរូបផងដែរ។

នាយឧត្តមសេនីយ៍ សៅ សុខា បានប្រាប់អង្គពិធីអំពីប្រវត្តិ នៃការបង្កើតមជ្ឈមណ្ឌលកងរាជអាវុធហត្ថ ចាប់ពីដំណាក់កាលដំបូង ការសិក្សាអំពីភូមិសាស្ត្រ ទីតាំង និងការសាងសង់ហេដ្ឋារចនាសម្ព័ន្ធ។ ដោយឡែកមជ្ឈមណ្ឌលកងរាជអាវុធហត្ថនេះ គឺសម្រាប់ធ្វើការហ្វឹកហ្វឺនបណ្តុះបណ្តាល នាយទាហាន រងគ្រប់ជំនាញ ជាពិសេសត្រៀមសម្រាប់ ការប្រកួតកីឡាបាញ់កាំភ្លើងទ័ពជើកគោកអាស៊ាននាពេលខាងមុខ ហើយនឹងធ្វើការផ្សព្វផ្សាយ អំពីសភាពការណ៍ថ្មីៗ។

ក្នុងឱកាសនោះ នាយឧត្តមសេនីយ៍ សៅ សុខា បានឧបត្ថម្ភថវិកាជូនដល់នាយទាហាន នាយទាហានរង ដែលជានាយក នាយករង និងបុគ្គលិកបម្រើការនៅមជ្ឈមណ្ឌល ព្រមទាំងសិក្ខាកាមសរុប ប្រមាណ៤០០នាក់ ក្នុងម្នាក់ទទួលបានថវិកាចំនួន៥០,០០០រៀល ៕