កម្ពុជាត្រូវការច្បាប់ដើម្បីកុំឱ្យប្រជាធិបតេយ្យក្លាយជាអនាធិបតេយ្យ

នៅព្រឹកថ្ងៃទី២១ ខែវិច្ឆិកា ឆ្នាំ២០១៧នេះ លោក គឹម សន្តិភាព អ្នកនាំពាក្យក្រសួងយុត្តិធម៌ បានថ្លែងថា ប្រជាធិបតេយ្យពុំមានស្តង់ដាររួមនោះទេគឺអាស្រ័យលើបរិបទនៃសង្គមនីមួយៗដូចនេះកម្ពុជាត្រូវការច្បាប់ដើម្បីកុំឱ្យប្រជាធិបតេយ្យក្លាយជាអនាធិបតេយ្យ។ លោកបានថ្លែងដូចនេះនៅក្នុងកិច្ចពិភាក្សាតុមូលស្ដីពីដំណើរការប្រជាធិបតេយ្យនៅកម្ពុជាក្រោយអវត្តមានគណបក្សសង្គ្រោះជាតិនៅរាជបណ្ឌិតសភាកម្ពុជា។

លោក គឹម សន្តិភាព បានបញ្ជាក់ថា ច្បាប់រដ្ឋធម្មនុញ្ញបានចែងថាប្រជាពលរដ្ឋជាអ្នកកំណត់ជោគវាសនាប្រទេសជាតិ។ លោកបន្ថែមថាប្រជាពលរដ្ឋមានសិទ្ធិរស់រានមានជីវិត សិទ្ធិដើរហើរ ។ល។ ប៉ុន្តែសិទ្ធិនោះត្រូវស្ថិតក្នុងក្របខណ្ឌច្បាប់ និងមានព្រំប្រទល់ជាមួយសិទ្ធិអ្នកដទៃ។

លោក គឹម សន្តិភាព ក៏បានបញ្ជាក់ថា យើងត្រូវអនុវត្តន៍សិទ្ធិរបស់យើងដោយមិនឱ្យប៉ះពាល់ដល់សិទ្ធិអ្នកដទៃ​ ឫប៉ះពាល់ដល់សន្តិសុខសណ្តាប់ធ្នាប់សាធារណៈ​​ និងសន្តិសុខជាតិបានឡើយ៕