ច្បាប់រដ្ឋធម្មនុញ្ញចែងថា មិនអាចធ្វើវិសោធនកម្មច្បាប់ពាក់ព័ន្ធនឹងការដូររបបបានឡើយ

នៅព្រឹកថ្ងៃទី២១ ខែវិច្ឆិកា ឆ្នាំ២០១៧នេះ លោក សុខ ឥសាន អ្នកនាំពាក្យគណបក្សប្រជាជនកម្ពុជា ដែលជាតំណាងឱ្យគណបក្សប្រជាជនកម្ពុជា ក្នុងកិច្ចពិភាក្សាតុមូលស្ដីពីដំណើរការប្រជាធិបតេយ្យនៅកម្ពុជា ក្រោយអវត្តមានគណបក្សសង្គ្រោះជាតិ នៅរាជបណ្ឌិតសភាកម្ពុជាបានថ្លែងថា យោងតាមច្បាប់រដ្ឋធម្មនុញ្ញចែងថា មិនអាចធ្វើវិសោ​ធនកម្មច្បាប់ពាក់ព័ន្ធនឹងការដូររបបបានឡើយ។

ពាក់ព័ន្ធនឹងការលើកឡើងពីការកំណត់អាណត្តិនាយករដ្ឋមន្ត្រីនោះ​ លោក សុខ ឥសាន បានបញ្ជាក់ថា កម្ពុជាអនុវត្តន៍របបសភានិយម ដូចនេះតំណាងរាស្ត្រជាអ្នកជ្រើសរើសបេក្ខភាពនាយករដ្ឋមន្ត្រី គ្មានមូលហេតុត្រូវកំណត់អាណត្តិនាយករដ្ឋមន្ត្រី ក្នុងពេលដែលប្រជារាស្ត្រមានការគាំទ្រនោះឡើយ។ លោកបានលើកឡើងជាសំួរថា ចុះគណបក្សដែលចាញ់ហេតុអ្វីមិនព្រមកំណត់អាណត្តិមេបក្សរបស់ខ្លួនទៅ?